ԵԿԴ/0031/01/11








ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«28» հուլիսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Կ.Կարապետյան
մեղադրող Լ.Չարխիֆալակյան
տուժող Հ.Դավիդյան
պաշտպան Ս.Ասլանյան
թարգմանիչ Ռ.Շագինյան

դռնբաց դատական նիստում քննեց քրեական գործն ըստ մեղադրանքի`
Դավիթ Զազայի Գոգիլաշվիլիի` ծնված 1990 թվականի ապրիլի 5-ին Թբիլիսի քաղաքում, ազգությամբ վրացի, Վրաստանի քաղաքացի, սովորում է Հայաստանի պետական ագրարային համալսարանում, չամուսնացած, չի աշխատում, նախկինում չդատապարտված, հաշվառված է Թբիլիսի քաղաքի Մոսկվայի պողոտայի Նակատուլի փողոցի 192-րդ տանը, բնակվում է Երևան քաղաքի Ղ.Փարպեցի փողոցի 11-րդ շենքի 52-րդ բնակարանում: Մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով, խափանման միջոց է ընտրվել գրավը,
Դավիթ Վախթանգի Կոբախիձեի` ծնված 1989 թվականի հոկտեմբերի 17-ին Բաթումի քաղաքում, ազգությամբ վրացի, Վրաստանի քաղաքացի, սովորում է Հայաստանի պետական ագրարային համալսարանում, չամուսնացած, չի աշխատում, նախկինում չդատապարտված, հաշվառված է Բաթումի քաղաքի Ճավճավաձեի փողոցի 113-րդ շենքի 12-րդ բնակարանում, բնակվում է Երևան քաղաքի Շարուրի փողոցի 14-րդ շենքի 34-րդ բնակարանում: Մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով, խափանման միջոց է ընտրվել գրավը,
Արչիլ Զաուրի Ջաիանիի` ծնված 1990 թվականի հունվարի 5-ին Բաթումի քաղաքում, ազգությամբ վրացի, Վրաստանի քաղաքացի, սովորում է Հայաստանի պետական ագրարային համալսարանում, չամուսնացած, չի աշխատում, նախկինում չդատապարտված, հաշվառված է Բաթումի քաղաքի Շափաթավայի փողոցի 51-րդ տանը, բնակվում է Երևան քաղաքի Ղ.Փարպեցի փողոցի 11-րդ շենքի 52-րդ բնակարանում: Մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով, խափանման միջոց է ընտրվել գրավը,
Գոդերձի Անզորի Պատարիձեի` ծնված 1990 թվականի մարտի 14-ին Խելվաչաուրի քաղաքում, ազգությամբ վրացի, Վրաստանի քաղաքացի, սովորում է Հայաստանի պետական ագրարային համալսարանում, չամուսնացած, չի աշխատում, նախկինում չդատապարտված, հաշվառված է Խելվաչաուրիի շրջանի Թխիլնարի գյուղում, բնակվում է Երևան քաղաքի Աբովյան փողոցի 37-րդ շենքի 11-րդ բնակարանում: Մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով, խափանման միջոց է ընտրվել գրավը,
1. Գործի դատավարական նախապատմությունը.
2010 թվականի նոյեմբերի 15-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ ՀՀ քրեական օրենսգրքի 258-րդ հոդվածի 4-րդ մասով նախատեսված հանցագործության հատկանիշներով հարուցվել և վարույթ է ընդունվել թիվ 15107110 քրեական գործը:
2010 թվականի նոյեմբերի 16-ին ՀՀ ոստիկանության Կենտրոնականի քննչական բաժնի պետ Ս.Մաթևոսյանի որոշմամբ թիվ 15107110 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանը և քննիչ Ա.Ասատրյանը, քննչական խմբի ղեկավար է նշանակվել ավագ քննիչ Ս.Հակոբյանը:
2010 թվականի նոյեմբերի 18-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Գոդերձի Անզորի Պատարիձեին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2010 թվականի նոյեմբերի 18-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Դավիթ Վախթանգի Կոբախիձեին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2010 թվականի նոյեմբերի 18-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Դավիթ Զազայի Գոգիլաշվիլիին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2010 թվականի նոյեմբերի 18-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Արչիլ Զաուրի Ջաիանիին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2011 թվականի փետրվարի 4-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Դավիթ Վախթանգի Կոբախիձեին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2011 թվականի փետրվարի 4-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Արչիլ Զաուրի Ջաիանիին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2011 թվականի փետրվարի 4-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Դավիթ Զազայի Գոգիլաշվիլիին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2011 թվականի փետրվարի 4-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Գոդերձի Անզորի Պատարիձեին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով:
2011 թվականի փետրվարի 8-ին ՀՀ ոստիկանության Կենտրոնականի քննչական բաժնի ավագ քննիչ Ս.Հակոբյանի որոշմամբ թիվ 15107110 քրեական գործով Դավիթ Գոգիլաշվիլիի, Արչիլ Ջաիանիի և Գոդերձի Պատարիձեի ստացած մարմնական վնասվածքների մասով քրեական հետապնդում չի իրականացվել` դիմողների բողոքի բացակայության հիմքով:
2011 թվականի փետրվարի 11-ին թիվ 15107110 քրեական գործով կազմվել է մեղադրական եզրակացություն:
2011 թվականի փետրվարի 14-ին Երևան քաղաքի Կենտրոն և Նորք-Մարաշ վարչական շրջանների դատախազություն ավագ դատախազ Լ.Չարխիֆալակյանի որոշմամբ թիվ 15107110 քրեական գործով մեղադրական եզրակացությունը չի հաստատվել և գործը վերադարձվել է քննիչին` մեղադրական եզրակացությունը վերակազմելու համար:
2011 թվականի փետրվարի 23-ին Դավիթ Զազայի Գոգիլաշվիլիի, Դավիթ Վախթանգի Կոբախիձեի, Արչիլ Զաուրի Ջաիանիի և Գոդերձի Անզորի Պատարիձեի վերաբերյալ թիվ 15107110 քրեական գործը մեղադրական եզրակացությամբ ուղարկվել է Դատարան, որին շնորհվել է ԵԿԴ/0031/01/11 համարը:
Դավիթ Զազայի Գոգիլաշվիլին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով` այն արարքի համար, որ նա 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56 հասցեում գործող «Քալյումե» ակումբում իր ընկերներ Դավիթ Կոբախիձեի, Արչիլ Ջաիանիի և Գոդերձի Պատարիձեի հետ միասին` խմբով, ալկոհոլի ազդեցության տակ, որպես զենք օգտագործվող առարկաների գործադրմամբ կատարել է խուլիգանություն: Այսպես` Դավիթ Գոգիլաշվիլին 2010 թվականի նոյեմբերի 13-ին` ժամը 22:00-ի սահմաններում, իր ընկերներ` Վրաստանի քաղաքացիներ Դավիթ Կոբախիձեի, Արչիլ Ջաիանիի և Գոդերձի Պատարիձեի հետ այցելել են Երևան քաղաքի Պուշկինի 56 հասցեում գործող «Քալյումե» ակումբ, որտեղ ալկոհոլային խմիչքներ են գործածել և ժամանակ անցկացրել: 2010 թվականի նոյեմբերի 14-ին` ժամը 01:30-ի սահմաններում, Դավիթ Գոգիլաշվիլին, գտնվելով ալկոհոլի ազդեցության տակ, ծանոթանալու նպատակով մոտեցել է հարևան սեղանի շուրջ նստած` ինքնությունը չպարզված աղջկան, սակայն նույն սեղանի շուրջ գտնվող` գործով չպարզված երկու տղաները նրան դիտողություն են արել և պահանջել հեռանալ: Դավիթ Գոգիլաշվիլին, դրանից վրդովված, իր ընկերներ Դավիթ Կոբախիձեի, Արչիլ Ջաիանիի և Գոդերձի Պատարիձեի հետ միասին իրենց կարծեցյալ գերազանցությունը ցուցադրելով և հասարակության մեջ գոյություն ունեցող բարոյական նորմերը ոտնահարելով, դիտավորությամբ կոպիտ կերպով խախտել են հասարակական կարգը, որը դրսևորվել է հասարակության` ակումբում գտնվող շուրջ 40 անձանց նկատմամբ բացահայտ անհարգալից վերաբերմունք ցուցաբերելով, աղմկել են, հայհոյել, խուլիգանական գործողությունների ընթացքում որպես զենք օգտագործվող առարկաներ գործադրելով` իրական վտանգ ստեղծելով ներկաների կյանքի ու առողջության համար, գարեջրի դատարկ տարաներ և ապակյա մոխրամաններ են նետել ակումբում գտնվող հաճախորդների և աշխատակիցների ուղղությամբ, որոնք դիպել են ակումբի տնօրեն Հրաջ Դավիդյանին և հաճախորդ Նորվան Իսայանին` Հրաջ Դավիդյանին պատճառելով առողջության թեթև վնաս` ճակատի շրջանի սալջարդ վերքի և արյունազեղման ձևով, վնասել «Քալյումե» ակումբի գույքը և այդ կերպ, դիտավորյալ գործողություններով շուրջ 5 րոպե տևողությամբ կոպիտ կերպով խախտել են հասարակական կարգը և խաթարել ակումբի բնականոն գործունեությանը:
Դավիթ Վախթանգի Կոբախիձեին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով` այն արարքի համար, որ նա 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56 հասցեում գործող «Քալյումե» ակումբում իր ընկերներ Գոդերձի Պատարիձեի, Արչիլ Ջաիանիի և Դավիթ Գոգիլաշվիլիի հետ միասին` խմբով, ալկոհոլի ազդեցության տակ, որպես զենք օգտագործվող առարկաների գործադրմամբ կատարել է խուլիգանություն: Այսպես` Դավիթ Կոբախիձեն 2010 թվականի նոյեմբերի 13-ին` ժամը 22:00-ի սահմաններում, իր ընկերներ` Վրաստանի քաղաքացիներ Դավիթ Գոգիլաշվիլիի, Արչիլ Ջաիանիի և Գոդերձի Պատարիձեի հետ այցելել են Երևան քաղաքի Պուշկինի 56 հասցեում գործող «Քալյումե» ակումբ, որտեղ ալկոհոլային խմիչքներ են գործածել և ժամանակ անցկացրել: 2010 թվականի նոյեմբերի 14-ին` ժամը 01:30-ի սահմաններում, Դավիթ Գոգիլաշվիլին, գտնվելով ալկոհոլի ազդեցության տակ, ծանոթանալու նպատակով մոտեցել է հարևան սեղանի շուրջ նստած` ինքնությունը չպարզված աղջկան, սակայն նույն սեղանի շուրջ գտնվող` գործով չպարզված երկու տղաները նրան դիտողություն են արել և պահանջել հեռանալ: Դրանից վրդովված` Դավիթ Կոբախիձեն, իր ընկերներ Դավիթ Գոգիլաշվիլիի, Արչիլ Ջաիանիի և Գոդերձի Պատարիձեի հետ միասին իրենց կարծեցյալ գերազանցությունը ցուցադրելով և հասարակության մեջ գոյություն ունեցող բարոյական նորմերը ոտնահարելով, դիտավորությամբ կոպիտ կերպով խախտել են հասարակական կարգը, որը դրսևորվել է հասարակության` ակումբում գտնվող շուրջ 40 անձանց նկատմամբ բացահայտ անհարգալից վերաբերմունք ցուցաբերելով, աղմկել են, հայհոյել, խուլիգանական գործողությունների ընթացքում որպես զենք օգտագործվող առարկաներ գործադրելով` իրական վտանգ ստեղծելով ներկաների կյանքի ու առողջության համար, գարեջրի դատարկ տարաներ և ապակյա մոխրամաններ են նետել ակումբում գտնվող հաճախորդների և աշխատակիցների ուղղությամբ, որոնք դիպել են ակումբի տնօրեն Հրաջ Դավիդյանին և հաճախորդ Նորվան Իսայանին` Հրաջ Դավիդյանին պատճառելով առողջության թեթև վնաս` ճակատի շրջանի սալջարդ վերքի և արյունազեղման ձևով, վնասել «Քալյումե» ակումբի գույքը և այդ կերպ, դիտավորյալ գործողություններով շուրջ 5 րոպե տևողությամբ կոպիտ կերպով խախտել են հասարակական կարգը և խաթարել ակումբի բնականոն գործունեությանը:
Արչիլ Զաուրի Ջաիանիին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով` այն արարքի համար, որ նա 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56 հասցեում գործող «Քալյումե» ակումբում իր ընկերներ Դավիթ Կոբախիձեի, Գոդերձի Պատարիձեի և Դավիթ Գոգիլաշվիլիի հետ միասին` խմբով, ալկոհոլի ազդեցության տակ, որպես զենք օգտագործվող առարկաների գործադրմամբ կատարել է խուլիգանություն: Այսպես` Արչիլ Ջաիանին 2010 թվականի նոյեմբերի 13-ին` ժամը 22:00-ի սահմաններում, իր ընկերներ` Վրաստանի քաղաքացիներ Դավիթ Գոգիլաշվիլիի, Գոդերձի Պատարիձեի և Դավիթ Կոբախիձեի հետ այցելել են Երևան քաղաքի Պուշկինի 56 հասցեում գործող «Քալյումե» ակումբ, որտեղ ալկոհոլային խմիչքներ են գործածել և ժամանակ անցկացրել: 2010 թվականի նոյեմբերի 14-ին` ժամը 01:30-ի սահմաններում, Դավիթ Գոգիլաշվիլին, գտնվելով ալկոհոլի ազդեցության տակ, ծանոթանալու նպատակով մոտեցել է հարևան սեղանի շուրջ նստած` ինքնությունը չպարզված աղջկան, սակայն նույն սեղանի շուրջ գտնվող` գործով չպարզված երկու տղաները նրան դիտողություն են արել և պահանջել հեռանալ: Դրանից վրդովված` Արչիլ Ջաիանին, իր ընկերներ Դավիթ Կոբախիձեի, Դավիթ Գոգիլաշվիլիի և Գոդերձի Պատարիձեի հետ միասին իրենց կարծեցյալ գերազանցությունը ցուցադրելով և հասարակության մեջ գոյություն ունեցող բարոյական նորմերը ոտնահարելով, դիտավորությամբ կոպիտ կերպով խախտել են հասարակական կարգը, որը դրսևորվել է հասարակության` ակումբում գտնվող շուրջ 40 անձանց նկատմամբ բացահայտ անհարգալից վերաբերմունք ցուցաբերելով, աղմկել են, հայհոյել, խուլիգանական գործողությունների ընթացքում որպես զենք օգտագործվող առարկաներ գործադրելով` իրական վտանգ ստեղծելով ներկաների կյանքի ու առողջության համար, գարեջրի դատարկ տարաներ և ապակյա մոխրամաններ են նետել ակումբում գտնվող հաճախորդների և աշխատակիցների ուղղությամբ, որոնք դիպել են ակումբի տնօրեն Հրաջ Դավիդյանին և հաճախորդ Նորվան Իսայանին` Հրաջ Դավիդյանին պատճառելով առողջության թեթև վնաս` ճակատի շրջանի սալջարդ վերքի և արյունազեղման ձևով, վնասել «Քալյումե» ակումբի գույքը և այդ կերպ, դիտավորյալ գործողություններով շուրջ 5 րոպե տևողությամբ կոպիտ կերպով խախտել են հասարակական կարգը և խաթարել ակումբի բնականոն գործունեությանը:
Գոդերձի Անզորի Պատարիձեին մեղադրանք է առաջադրվել ՀՀ քրեական օրենսգրքի 258-րդ հոդվածի 4-րդ մասով` այն արարքի համար, որ նա 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56 հասցեում գործող «Քալյումե» ակումբում իր ընկերներ Դավիթ Գոգիլաշվիլիի, Արչիլ Ջաիանիի և Դավիթ Կոբախիձեի և հետ միասին` խմբով, ալկոհոլի ազդեցության տակ, որպես զենք օգտագործվող առարկաների գործադրմամբ կատարել է խուլիգանություն: Այսպես` Գոդերձի Պատարիձեն 2010 թվականի նոյեմբերի 13-ին` ժամը 22:00-ի սահմաններում, իր ընկերներ` Վրաստանի քաղաքացիներ Դավիթ Գոգիլաշվիլիի, Արչիլ Ջաիանիի և Դավիթ Կոբախիձեի հետ այցելել են Երևան քաղաքի Պուշկինի 56 հասցեում գործող «Քալյումե» ակումբ, որտեղ ալկոհոլային խմիչքներ են գործածել և ժամանակ անցկացրել: 2010 թվականի նոյեմբերի 14-ին` ժամը 01:30-ի սահմաններում, Դավիթ Գոգիլաշվիլին, գտնվելով ալկոհոլի ազդեցության տակ, ծանոթանալու նպատակով մոտեցել է հարևան սեղանի շուրջ նստած` ինքնությունը չպարզված աղջկան, սակայն նույն սեղանի շուրջ գտնվող` գործով չպարզված երկու տղաները նրան դիտողություն են արել և պահանջել հեռանալ: Դրանից վրդովված` Գոդերձի Պատարիձեն իր ընկերներ Դավիթ Կոբախիձեի, Արչիլ Ջաիանիի և Դավիթ Գոգիլաշվիլիի հետ միասին իրենց կարծեցյալ գերազանցությունը ցուցադրելով և հասարակության մեջ գոյություն ունեցող բարոյական նորմերը ոտնահարելով, դիտավորությամբ կոպիտ կերպով խախտել են հասարակական կարգը, որը դրսևորվել է հասարակության` ակումբում գտնվող շուրջ 40 անձանց նկատմամբ բացահայտ անհարգալից վերաբերմունք ցուցաբերելով, աղմկել են, հայհոյել, խուլիգանական գործողությունների ընթացքում որպես զենք օգտագործվող առարկաներ գործադրելով` իրական վտանգ ստեղծելով ներկաների կյանքի ու առողջության համար, գարեջրի դատարկ տարաներ և ապակյա մոխրամաններ են նետել ակումբում գտնվող հաճախորդների և աշխատակիցների ուղղությամբ, որոնք դիպել են ակումբի տնօրեն Հրաջ Դավիդյանին և հաճախորդ Նորվան Իսայանին` Հրաջ Դավիդյանին պատճառելով առողջության թեթև վնաս` ճակատի շրջանի սալջարդ վերքի և արյունազեղման ձևով, վնասել «Քալյումե» ակումբի գույքը և այդ կերպ, դիտավորյալ գործողություններով շուրջ 5 րոպե տևողությամբ կոպիտ կերպով խախտել են հասարակական կարգը և խաթարել ակումբի բնականոն գործունեությանը:
2.Ապացույցների հետազոտում և գնահատում.
Դատական քննության ընթացքում ամբաստանյալ Դավիթ Գոգիլաշվիլին առաջադրված մեղադրանքում իրեն մեղավոր ճանաչեց մասնակի (միայն հայհոյելու և կռվելու համար) և ցուցմունք տվեց այն մասին, որ 2010 թվականի նոյեմբերի 13-ին` ժամը 21:00-ի սահմաններում, Երևան քաղաքի Աբովյան փողոցում հանդիպել է իր ընկերներին և նրանց ու վրացի ուսանող աղջիկների հետ միասին զբոսնել Աբովյան փողոցով: Ժամը 22:00-ի սահմաններում ինքը, Արչիլ Ջաիանին, Դավիթ Կոբախիձեն ու Գոդերձի Պատարիձեն գնացել են «Քալյումե» բար: Այդ ժամանակ իրենցից յուրաքանչյուրի մոտ եղել է 1.000 ՀՀ դրամ: Իրենք նստել են մուտքից աջ գտնվող` բեմի նման հատվածում, և իրենցից յուրաքանչյուրը պատվիրել է մեկ շիշ գարեջուր: Այդ ժամանակ իրենք ծանոթացել են Լիկայի ու էստոնացի երկու աղջիկների հետ: Մոտ 1 ժամ 30 րոպե հետո ինքն ու Դավիթ Կոբախիձեն դուրս են եկել ծխախոտ գնելու, և երբ ետ են վերադարձել բար, իրենց ընկերները տեղափոխված են եղել բարի անկյունային մաս: Սեղանի շուրջ իրենք սովորականի նման վրացերեն լեզվով զրուցել են: Ժամը 24:00-ի սահմաններում բարի աշխատակիցը մոտեցել է իրենց, ասել, որ այդ սեղանը պատվիրված է և խնդրել ազատել այդ սեղանը կամ դուրս գալ բարից: Երբ իրենք ցանկացել են դուրս գալ, իրենց են մոտեցել մի տղամարդ և երեք աղջիկ, ովքեր պատվիրած են եղել այդ սեղանը, և իրենց առաջարկել միասին նստել: Իրենք ծանոթացել են նրանց հետ, և նրանք իրենց բոլորի համար մեկական շիշ գարեջուր և մեկական բաժակ տեկիլա են պատվիրել: Դրանից որոշ ժամանակ անց այդ մարդիկ գնացել են: Այնուհետև ինքն իր նստած տեղից զրուցել է երկու աղջիկների հետ, սակայն նրանց չի անհանգստացրել: Այդ ժամանակ սպիտակ վերնաշապիկով մի անծանոթ անձ շատ ագրեսիվ մոտեցել է իրեն և հայհոյել, ինչից հետո իրենք չորսով անգլերեն լեզվով հայհոյանքներ են տվել: Այդ անձը բռնել է իրեն, քաշել, իսկ ինքը բռնել է նրան և հարվածել, ինչից հետ սկսվել է կռիվ: Կռվի ընթացքում ինքը մի քանի անգամ հարվածել է այդ տղային, և նրա քթից արյուն է հոսել: Ինքը կանգնած է եղել բարի բարձր մասում, որտեղից այդ տղան իրեն գցել է գետնին: Նա մի քանի անգամ հարվածել է իրեն, որի պատճառով իր դեմքն ամբողջությամբ արյունոտվել է: Ընկած ժամանակ ինքը տեսել է, որ մոտ 15 անձինք հարձակվում են իրենց վրա: Այնուհետև Արչիլը բռնել է այդ տղային, և կռիվը շարունակվել է նրանց միջև: Նշված 15 անձանցից մեկը Գոդերձիին հրել է նրանց ուղղությամբ: Այնուհետև գարեջրի շշեր են նետվել իրենց ուղղությամբ, և այդ շշերից մեկը դիպել է Գոդերձիի գլխին ու նրա ականջի կողքից արյուն է հոսել: Իրենց ուղղությամբ նետվել է նաև մոխրաման, որը դիպել է պատին և կոտրվել, իսկ դրա կտորներից մեկը դիպել է Արչիլին ու վնասել նրան: Բարում գտնվող անձինք սկսել են դուրս գալ բարից, որից հետո եկել են ոստիկանները և իրենց տարել ոստիկանություն: Կոտրված շշեր եղել են միայն այն մասում, որտեղ նստած են եղել իրենք: Ինքն աթոռի վրա չի կանգնել և ձեռքը սեռական օրգաններին դրած հայհոյանք չի տվել: Կռվի ժամանակ ինքը տուժողին չի տեսել: Ինքը զղջում է իր կատարածի համար:
Դատական քննության ընթացքում ամբաստանյալ Դավիթ Կոբախիձեն առաջադրված մեղադրանքում իրեն մեղավոր ճանաչեց մասնակի (միայն հայհոյելու և կռվելու համար) և ցուցմունք տվեց այն մասին, որ 2010 թվականի նոյեմբերի 13-ին Աբովյան փողոցում հանդիպել է իր ընկերներին և գնացել «Քալյումե» բար: Բարում իրենք պատվիրել են չորս շիշ գարեջուր: Մեկ ժամ անց ինքը Դավիթի հետ դուրս է եկել ծխախոտ գնելու: Վերադառնալուց հետո Արչիլն ու Գոդերձին նստած են եղել մեկ այլ սեղանի շուրջ: Այդ ընթացքում բարմենն ասել է, որ այդ սեղանը պատվիրված է և խնդրել դուրս գալ այդեղից: Այդ ժամանակ իրենց մոտեցել են այդ սեղանը նախօրոք պատվիրած անձինք և իրենց առաջարկել միասին նստել այդ սեղանի շուրջ: Իրենք նրանց հետ միասին նստել են, նրանք պատվիրել են գարեջուր և վեց փոքր, 100 գրամանոց բաժակով տեկիլա: Որոշ ժամանակ անց նրանք գնացել են, իսկ իրենք մնացել են նստած: Դրանից հետո մի երիտասարդ մոտեցել է Դավիթին, և նրանք սկսել են բարձրաձայն խոսել: Այդ երիտասարդը բռնել է Դավիթի հագուստից և քաշել, իսկ Դավիթն էլ իր հերթին բռնել է նրան և հարվածել: Դրանից հետո շատ անձինք եկել են իրենց ուղղությամբ: Այդ ժամանակ Գոդերձին ընկել է այդ ամբոխի մեջ, և խառնաշփոթի ժամանակ ինքը նկատել է, որ նրա ականջից արյուն է հոսել, որից հետո ինքը նույնպես մտել է կռվի մեջ և մինչև վերջ մասնակցել դրան: Կռվի ժամանակ իրենց ուղղությամբ շիշ է նետվել: Ինքը չի կարող ասել, թե քանի անձինք են իրենց ուղղությամբ շիշ նետել: Այդ կռվի ժամանակ ինքը հարվածել է միայն ձեռքերով և որևէ առարկա չի նետել: Իրենք հայհոյանքներ տվել են, սակայն սեղանի վրա չեն կանգնել: Իրենց ուղղությամբ նետված շշերից մեկը դիպել է Գոդերձիին, իսկ ոստիկանությունում ինքը տեսել, որ Արչիլի ձեռքից արյուն է գալիս: Ինքը զղջում է իր կատարածի համար:
Դատական քննության ընթացքում ամբաստանյալ Արչիլ Ջաիանին առաջադրված մեղադրանքում իրեն մեղավոր ճանաչեց մասնակի (միայն հայհոյելու և կռվելու համար) և ցուցմունք տվեց այն մասին, որ ինքն իր ընկերների հետ 2010 թվականի նոյեմբերի 13-ին գնացել է «Քալյումե» ակումբ: Մինչև ակումբ գնալը, իրենք ալկոհոլային խմիչք չեն օգտագործել: Իրենք նստել են բարձր տեղում և պատվիրել 4 շիշ գարեջուր: Այդ ընթացքում ինքը խոսել է մի ամերիկացի աղջկա հետ, Դավիթ Գոգիլաշվիլին և Գոդերձի Պատարիձեն խոսել են ուրիշ անձի հետ, իսկ Դավիթ Կոբախիձեն որևէ մեկի հետ չի խոսել, քանի որ չի տիրապետում անգլերեն լեզվին: Դրանից հետո երկու Դավիթները դուրս են եկել ծխախոտ գնելու: Այդ ընթացքում այլ սեղան է ազատվել, և իրենք տեղափոխվել են այդտեղ, իսկ հետո եկել են երկու Դավիթները: Դրանից հետո եկել է բարի աշխատակիցը և ասել, որպեսզի իրենք տեղափոխվեն կամ դուրս գան բարից, քանի որ այդ սեղանը նախօրոք եղել է պատվիրված: Սակայն դրանից հետո եկել են այդ սեղանը պատվիրած անձինք, իրենք ծանոթացել են նրանց հետ ու նրանց հետ միասին նստել այդ սեղանի շուրջ: Այդ անձինք գարեջուր են խմել, իսկ իրենց տեկիլա հյուրասիրել: Որոշ ժամանակ անց այդ անձնք գնացել են, իսկ իրենք մնացել են այդ սեղանի շուրջ: Դրանից հետո ինչ-որ անձ խոսել է Դավիթ Գոգիլաշվիլիի հետ: Խոսակցության ընթացքում այդ անձը բռնել է Դավիթի պարանոցից, մեկ քայլ ետ գնացել և անգլերեն լեզվով հայհոյել, ինչից հետո Դավիթը հարվածել է նրան: Այդ ժամանակ իր ուղղությամբ նետվել է սպիտակ մոխրաման, որը դիպել է պատին, և դրա կտորներից մեկը վնասել է իր ձեռքը: Այդ անձի ընկերը մոտեցել է, և նրանք երկուսով բռնել են Դավիթի շորերից ու գցել գետնին: Ինքը փորձել է այդ անձանց հեռացնել Դավիթից, որից հետո իրենք կռվել և հայհոյել են այն անձանց, ովքեր հարվածել են իրենց: Կռվի ընթացքում ինքը հարվածել է երկու անձի: Իրենց նույնպես հայհոյել են ու հարվածել: Այդ ընթացքում նկատել է, որ Գոդերձիի աջ ականջի մոտից արյուն է հոսում: Իրենց ուղղությամբ նետվել են գարեջրի շշեր, որոնք դիպել են պատին և կոտվել: Իրենցից որևէ մեկը շիշ կամ մոխրաման չի նետել: Այնուհետև իրեն մոտեցել է մի բարձրահասակ անձ, բռնել իր ձեռքից ու դուրս տարել: Միջադեպը տևել է 2-3 րոպե: Մինչ միջադեպը, տուժողը մոտեցել է իրենց և խնդրել ցածրաձայն խոսել: Այդ ժամանակ իրենք խոսել են վրացերեն և որևէ մեկին չեն հայհոյել: Միջադեպի ընթացքում ինքն ու իր ընկերները տուժողին չեն հարվածել: Ինքը զղջում է իր կատարածի համար և ներողություն խնդրում:
Դատական քննության ընթացքում ամբաստանյալ Գոդերձի Պատարիձեն առաջադրված մեղադրանքում իրեն մեղավոր ճանաչեց մասնակի (միայն հայհոյելու և կռվելու համար) և ցուցմունք տվեց այն մասին, որ 2010 թվականի նոյեմբերի 13-ին` ժամը 22:00-ի սահմաններում իրենք չորսով գնացել են «Քալյումե» ակումբ: Իրենք նստել են ակումբի բարձր մասում և պատվիրել մեկական շիշ գարեջուր: Այդ ընթացքում ինքն ու Դավիթը ծանոթացել են երկու էստոնացի աղջիկների հետ, իսկ Արչիլը խոսել է մի ամերիկացու հետ: Որոշ ժամանակ անց երկու Դավիթները դուրս են եկել ծխախոտ գնելու, իսկ ինքը շարունակել է զրուցել այդ աղջիկների հետ: Որոշ ժամանակ զրուցելուց հետո աղջիկները դուրս են եկել ակումբից: Այնուհետև իրենք տեղափոխվել են մեկ այլ սեղանի շուրջ: Դրանից քիչ անց բարի աշխատակիցը մոտեցել է Դավիթին և ասել, որ այդ սեղանը նախօրոք պատվիրված է, և իրենք պետք է դուրս գան կամ տեղափոխվեն: Երբ իրենք ցանկացել են դուրս գալ, եկել են այդ սեղանը պատվիրած անձինք և ասել, որ իրենք կարող են նրանց հետ նստել: Իրենք ծանոթացել են նրանց հետ, և նրանք իրենց հյուրասիրել են տեկիլա ու գարեջուր: Որոշ ժամանակ անց այդ անձինք գնացել են, իսկ իրենք մնացել են նույն տեղում: Դավիթը սկսել է զրուցել երկու երիտասարդ աղջիկների հետ: Որոշ ժամանակ անց մի երիտասարդ մոտեցել է Դավիթին և նրա հետ ինչ-որ բան խոսել: Նրանք բռնել են միմյանց շորերից ու քաշքշել: Այնուհետև Դավիթը հարվածել է այդ տղային: Դրանից հետո ինքը մոտեցել է նրանց և նույնպես հարվածել այդ տղային: Այդ ժամանակ իրենց են մոտեցել շատ անձինք և իրեն քաշելով տարել բարի կենտրոն: Այդ ընթացում իր գլխին շիշ է դիպել և գլխից սկսել է արյուն հոսել: Ինքն ընկել է գետնին, իսկ ոտքի կանգնելուց հետո տեսել է, որ իր ընկերները երեքով կռվել են մյուս կողմում կանգնած անձանց հետ: Ինքը նույնպես միացել է նրանց և ձեռքերով կռվել: Կռիվը շարունակվել է մոտ 2-3 րոպե, որից հետո կռվի մյուս մասնակիցները փախել են: Հետո եկել են ոստիկանները և իրենց տարել ոստիկանություն: Իրենցից ոչ ոք շշեր, մոխրամաններ կամ բաժակներ չի նետել: Իրենք միայն հայհոյել են և ձեռքերով հարվածել նրանց, ով եկել է իրենց դեմ: Ինքը զղջում է իր կատարածի համար:
Տուժող Հրաջ-Բեդվարդ Դավիդյանը դատական քննության ընթացքում ցուցմունք տվեց այն մասին, որ Երևան քաղաքի Պուշկինի 56ա հասցեում գտնվող «Քալյումե» բար-սրճարանի տնօրենն է: 2010 թվականի նոյեմբերի 13-ին` ժամը 22:00-ին, ամբաստանյալները եկել են բար: Այդ ժամանակ նրանք եղել են մի փոքր ոգելից խմիչք օգտագործած վիճակում, սակայն ագրեսիվ չեն եղել: Բարում նրանց գտնվելու ընթացքում իրենք մոտ երեք անգամ մոտեցել են նրանց և խնդրել չգոռալ ու չխանգարել մյուս հաճախորդներին: Առաջին անգամ նրանց զգուշացնելիս նրանք չեն գոռացել կամ հայհոյել, այլ փորձել են խոսել այլ անձանց ընկերուհիների հետ: Երրորդ անգամ ինքն անձամբ մոտեցել է նրանց ու անգլերեն լեզվով խնդրել հանգիստ լինել: Տղաների հետ խոսելու ժամանակ նրանց սեղանին եղել են «Կիլիկիա» տեսակի գարեջրի 8 գերթե դատարկ շշեր: Ինքը կանչել է մատուցողուհուն և ցածր ձայնով ասել, որպեսզի նա այդ շշերն աստիճանաբար հավաքի, սակայն Դավիթ Կոբախիձեն ասել է, որ խմում են գարեջուրը, և պահանջել է թողնել շշերը: Դավիթ Գոգիլաշվիլին անհանգստացրել է ոչ միայն նրանց կողքին նստած աղջկան, այլ նաև 2-3 անգամ անհանգստացրել է մի քանի այլ աղջիկների: Դավիթ Կոբախիձեն և Գոդերձի Պատարիձեն որևէ աղջկա հետ չեն խոսել, ինչպես նաև չի հիշում` Արչիլ Ջաիանին որևէ աղջկա հետ խոսել է, թե ոչ: Իրենք մոտեցել են նրանց և խնդրել չմոտենալ այլ հաճախորդներին, որպեսզի խնդիրներ չառաջանան: Ժամը 01:00-ի սահմաններում ինքը նկատել, որ ամբաստանյալների կողքի սեղանի շուրջ նստած տղան գնացել է զուգարան, իսկ Դավիթ Գոգիլաշվիլիին սկսել է խոսել այդ սեղանի շուրջ նստած աղջկա հետ, որից հետո նրանց և հայ տղաների միջև սկսվել է հրմշտոց: Ինքը չի տեսել, թե կոնկրետ ում կողմից է սկսվել հրմշտոցը: Ինքը վազել է նրանց ուղությամբ, որպեսզի կանխի այդ ամենը: Ինքը փորձել է ետ հրել Դավիթ Կոբխիձեին և Գոդերձի Պատարիձեին, սակայն նրանք առաջ են եկել, իսկ մյուս երկու ամբաստանյալներին փորձել է ետ հրել ոստիկանը: Չորս ամբաստանյալները գոռգոռացել են, անգլերեն հայհոյել բարում գտնվող հայերին: Այդ ընթացքում ամբաստանյալներից մեկը գարեջրի շշով հարվածել է իր գլխին: Իր գլխին հարվածողը հավանաբար եղել է կամ Դավիթ Կոբախիձեն, կամ Գոդերձի Պատարիձեն, քանի որ իր դիմացը եղել են նրանք և ինքը նրանց է ետ հրել: Նախնական քննության ընթացքում ինքը հայտնել է, որ իրեն հավանաբար հարվածել է Դավիթ Կոբախիձեին, քանի որ նա եղել է ավելի ագրեսիվ: Միջադեպի ժամանակ ամբաստանյալների կողմից նետվել են շշեր և մոխրամաններ, սակայն ինքը չի կարող հստակ ասել, թե դրանք կոնկրետ ում կողմից են նետվել: Չորս ամբաստանյալներից յուրաքանչյուրը նետել է ինչ-որ իր, սակայն չի կարող ասել, թե դրանք կոնկրետ ինչ իրեր են եղել: Ամբաստանյալներից բացի, որևէ այլ անձ շշեր չի նետել: Միջադեպը տևել է 5-10 րոպե: Դեպքից հետո բարում եղել են կոտրված շշեր, մոխրաման, բաժակներ և մեկ փայտի կտոր:
Վկա Սելվա Քուրդյանը դատական քննության ընթացքում ցուցմունք տվեց այն մասին, որ 2010 թվականի նոյեմբերին` ժամը 22:00-ից հետո, «Քալյումե» բար են եկել ամբաստանյալները, ովքեր եղել են ուրախ, խոսել են բարձրաձայն և զգացվել է, որ նրան եղել են ոգելից խմիչք օգտագործած վիճակում: Նրանք բարում շարունակել են խմել և եղել են մի քիչ ագրեսիվ: Այդ ընթացքում Դավիթ Գոգիլաշվիլին սկսել է անհանգստացնել բարի հաճախորդներին, իսկ ինքը մոտեցել է նրան և անգլերեն խնդրել չանհանգստացնել հաճախորդներին: Դրանից հետո ինքը նկատել է, որ ամբաստանյալների և բարում գտնվող երկու տղաների ու երկու աղջիկների միջև ագրեսիվ զրույց է սկսվել: Այդ ժամանակ ինքը Հրաջին խնդրել է, որպեսզի նա խոսի նրանց հետ: Այդ ժամանակ նրանք սկսել են քաշքշել միմյանց, հայհոյել, իսկ հայ տղաներից մեկի ճակատից արյուն է հոսել: Վրացի տղաների հայհոյանքներից բարում գտնվող շատ հայ տղաները զայրացել են և գնացել նրանց ուղղությամբ: Այդ ժամանակ վրացի չորս տղաները սկսել են մոխրաման և շշեր նետել: Հայ երիտասարդները նույնպես եղել են շատ ագրեսիվ, սակայն չեն հայհոյել և շշեր չեն նետել: Հրաջը մոտեցել է, որպեսզի բաժանի նրանց: Այդ ժամանակ բարի մոտ եղել է մի ագրեսիվ երիտասարդ, ում ինքը մի կողմ է տարել, որից հետո ետ է եկել և տեսել, որ Հրաջի ճակատից արյուն է գալիս: Ինքը չի տեսել, թե ով է հարվածել Հրաջին: Այդ ընթացքում Նորվանը մոտեցել է, որպեսզի օգնի Հրաջին, իսկ վերջում ինքը նկատել է, որ Նորվանի աչքի հատվածում վնասվածք կա: Այնուհետև եկել են ոստիկանները և նրանց տարել ոստիկանություն: Վրացի չորս տղաներից Գոդերձի Պատարիձեն և Արչիլ Ջաիանին եղել են համեմատաբար ավելի հանգիստ:
Վկա Սելինե Էմիլի Ղահրեման Մարդերոսսյան Ղոլի Քանդին դատական քննության ընթացքում ցուցմունք տվեց այն մասին, որ դեպքի օրը` ժամը 24:00-ի սահմաններում, ինքն իր երկու կամ երեք ընկերուհիների հետ գտնվել է Երևան քաղաքի Պուշկինի փողոցում գտնվող «Քալյումե» բարում: Բարի վերևի հատվածից ինքը իջել է ներքև և տեսել, որ այդտեղ կռիվ է տեղի ունենում և միմյանց վրա շշեր են նետում: Ինքը չի կարող ասել` շշերը նետվել են կռվի մասնակից մեկ, թե երկու կողմից: Ինքն ամբաստանյալներից որևէ մեկին այդտեղ չի տեսել և հայհոյանքներ չի լսել: Այդ ժամանակ բարում եղել են 20-30 անձինք, որոնց մեծ մասը կռվի պատճառով դուրս է եկել բարից:
Վկա Արշակ Գյուլամիրյանը դատական քննության ընթացքում ցուցմունք տվեց այն մասին, որ աշխատում է ոստիկանության Կենտրոնականի բաժնում` որպես ոստիկան: Դեպքի օրն ինքը ոստիկանի համազգեստով ծառայություն է իրականացրել Պուշկինի փողոցում: Ժամը 01:30-ի սահմաններում Ռուդին մոտեցել է իրեն և ասել, որ բարում կռիվ է տեղի ունենում: Այդ ժամանակ ինքը մտել է բար, որտեղ չորս ամբաստանյալները գտնվել են մի կողմում` մուտքի մոտ, իսկ մնացածները` մյուս կողմում: Վերջինները որևէ գործողութուն չեն արել, հայհոյանք չեն տվել, այլ միայն նայել են ամբաստանյալներին: Այդ ժամանակ բարի նեսում եղել են կոտրված ապակիներ: Ինքը որևէ մեկի, այդ թվում նաև վրացի տղաների ձեռքին շիշ կամ մոխրաման չի տեսել: Ամբաստանյալներից Դավիթ Գոգիլաշվիլին ու Արչիլ Ջաիանին կանգնած են եղել սեղանի վրա, իսկ մյուսները` աթոռների վրա կամ այլ բարձր մասերում: Դավիթ Գոգիլաշվիլին ու Արչիլ Ջաիանին եղել են բորբոքված, ձեռքով ցույց են տվել սեռական օրգան ու ինչ-որ բան ասել: Նրանցից առավել ակտիվը եղել է Դավիթ Գոգիլաշվիլին: Ինքը չորս վրացի տղաներին հանել է դուրս: Դուրս գալուց ինքը տեսել է, որ տուժողի ճակատից արյուն է հոսել:
Վկա Արևիկ Սերոբյանը դատական քննության ընթացքում ցուցմունք տվեց այն մասին, որ աշխատել է Երևան քաղաքի Պուշկինի 56 հասցեում գտնվող «Քալյումե» բարում: Դեպքի օրը` ժամը 22:00-ից հետո, բարում եղել են շատ անձինք: Այդ ընթացքում ամբաստանյալները վիճաբանել են բարում գտնվող այլ անձանց հետ, իսկ Հրաջը և մյուսները փորձել են բաժանել նրանց: Ամբաստանյալները եղել են ավելի ագրեսիվ: Կռվի ընթացքում հնչել են հայերեն և անգլերեն հայհոյանքներ, նետվել են շշեր, կոտրվել է մի քանի շիշ և բաժակ: Շշերը նետվել են ամբաստանյալների գտնվելու տեղից, սակայն ինքը չի կարող ասել` դրանք նետել են ամբաստանյալները, թե այլոք, քանի որ այդ կողմում եղել են նաև այլ անձինք: Ինքը չի հիշում` ամբաստանյալների ուղղությամբ շիշ նետվել է, թե ոչ: Դրանից հետո միջամտել են անվտանգության աշխատակիցները, այնուհետև եկել են ոստիկանները: Այդ օրը բարի տնօրեն Հրաջը վնասվածք է ստացել: Նախնական քննության ընթացքում իր տված ցուցմունքները համապատասխանում են իրականությանը:
Վկա Արևիկ Սերոբյանը նախնական քննության ընթացքում ցուցմունք է տվել այն մասին, որ աշխատում է Երևան քաղաքի Պուշկինի 56ա հասցեում գտնվող «Քալյումի» բարում: 2010 թվականի նոյեմբերի 13-ին` ժամը 17:00-ից ինքը եղել աշխատանքի վայրում: Այդ օրը բարում եղել են շատ հաճախորդներ, իսկ ինքը զբաղված է եղել իր աշխատանքով: Ինքը հանկարծ նկատել է, որ սրճարանում վիճաբանություն է սկսվել, որը շարունակվել է գարեջրի շշեր նետելով: Այդ վայրում նստած են եղել ազգությամբ վրացի 4 տղաներ: Բարի տնօրեն Հրաջը գնացել է այդ կողմ: Այդ ընթացքում անգլերեն լեզվով հնչել են սեռական բնույթի բարձրաձայն հայհոյանքներ: Բարում գտնվող հաճախորդները վախեցած փախել են դեպի դուրս, իսկ ինքը և բարի մյուս աշխատողները վախեցել են: Իրենց այդ պահվածքով վրացիները խափանել են իրենց բնականոն աշխատանքը: Այդ ընթացքում բար են եկել ոստիկանները, և չորս վրացի տղաները հանդարդվել են: Ինքը միայն շշերը տեսել է օդի մեջ կամ ջարդվելիս, բայց չի տեսել, թե կոնկրետ ով է շշեր նետել: Ինքը լսել է, որ վրացի տղաներից մեկը շշով հարվածել Հրաջի գլխին: Միջադեպից հետո այդ մասին Հրաջը նույնպես պատմել է իրեն: Ինքը օգնել է Հրաջին կանգնեցնել նրա գլխից հոսող արյունը: Ինքը որևէ վնասվածք չի ստացել, կոնկրետ բարում որտեղ ինքն աշխատում է, որևէ բան չի ջարդվել, իսկ սրահում ջարդվել են բաժակներ և գարեջրի շշեր: Հրաջի կինը` Սելվան իրեն ասել է, որ մինչև միջադեպի սկսվելը, վրացիներն իրենց շատ ագրեսիվ են պահել: Միջադեպը տևել է մոտ 5-6 րոպե:
Վկա Արնե Քալամքարյանը դատական քննության ընթացքում ցուցմունք տվեց այն մասին, որ դեպքի օրը ինքը եղել է «Քալյումե» բարում, որտեղ եղել են նաև չորս ամբաստանյալները: Ժամը 23:30-ի սահմաններում բարում սկսվել է խառնաշփոթ և կռիվ, սակայն ինքը չի կարող ասել, թե ովքեր են եղել կռվողները, իսկ Հրաջը փորձել է հանդարտեցնել նրանց: Կռվի ընթացքում ամբաստանյալների գտնվելու վայրից նետվել են շշեր, որոնցից մեկն անցել է իր ուղությամբ և պատին դիպելով` կոտրվել: Շշերը նետվել են նույն տեղից, իսկ հակառակ կողմից շշեր կամ մոխրամաններ չեն նետվել: Այնուհետև եկել են ոստիկանները ու նրանց տարել ոստիկանություն:
Վկա Ռուդի Կալուսդյանը դատական քննության ընթացքում ցուցմունք տվեց այն մասին, որ այդ դեպքի օրն ինքը եղել է բարում: Բարում եղել են նաև մոտ 20 անձինք: Ժամը 24:00-ի սահմաններում ինքը կանգնած է եղել բարի դիմաց` դրսում, երբ լսել է ապակու կոտրվելու ձայն, որից հետո իջել է ներքև և տեսել, որ չորս վրացի տղաները գոռգոռում են, իսկ հաճախորդները փախչում են դուրս: Ինքը կանչել է ոստիկան Արշակին, որից հետո մտել է ներս և տեսել է, որ Հրաջի գլխից արյուն է հոսում: Ինքը Հրաջը և Սելվան գնացել են ծորակի մոտ, որպեսզի լվանան Հրաջի գլուխը: Հրաջն իրեն ասել է, որ գլխին շիշ է դիպել, սակայն չի ասել, թե ով է հարվածել:
Վկա Լիկա Նիորաձեն դատական քննության ընթացքում ցուցմունք տվեց այն մասին, որ դեպքի օրը եղել է Երևան քաղաքի Պուշկինի փողոցում գտնվող «Քալյումե» բարում: Այդ օրը ծանոթացել է չորս ամբաստանյալներն հետ, որոնցից դեմքով հիշում է միայն Դավիթ Գոգիլաշվիլիին: Ժամը 22:00-ի սայմաններում ինքը գնացել է զուգարան և վերադառնալով տեսել, որ խառնշփոթ ու կռիվ է սկսվել: Ինքը չի կարող ասել, թե այդ ժամանակ ով ինչ է արել, քանի որ բոլորը գտնվել են մի անկյունում, այդ թվում` ամբաստանյալներ: Դրանից հետո եկել են ոստիկանները: Այնուհետև ինքն իմացել է, որ շիշ ու մոխրաման է կոտրվել, սակայն չի հիշում, թե ով է իրեն ասել այդ մասին:
Վկա Լիկա Նիորաձեն նախնական քննության ընթացքում ցուցմունք է տվել այն մասին, որ 2010 թվականի նոյեմբերի 13-ին` երեկոյան, գնացել է Պուշկին փողոցում գտնվող «Քալյումե» բար: Այդ ժամանակ բարում եղել են 30-50 անձինք: Դրանից հետո բար են եկել չորս վրացի երիտասարդներ, և ինքը ծանոթացել է նրանց հետ: Այնուհետև ինքը մոտեցել է նրանց սեղանին և որոշ ժամանակ նստել նրանց հետ: Դրանից որոշ ժամանակ անց, երբ ինքը դուրս է եկել զուգարանից, նկատել է կոտրված ապակիներ և շշեր, լսել հայհոյանքներ, ինչից անմիջապես հետո դուրս է եկել բարից և գնացել: Ինքը նկատել է, որ վրացիների տղաները կռվել են, սակայն չի կարող ասել, թե ում հետ:
Վկա Թերմինա Ներսիսյանը նախնական քննության ընթացքում ցուցմունք է տվել այն մասին, որ աշխատում է Երևան քաղաքի Պուշկինի 56ա հասցեում գտնվող «Քալյումե» բարում` որպես մատուցողուհի: 2010 թվականի նոյեմբերի 13-ին` ժամը 23:00-ի սահմաններում, բար են եկել վրացի տղաներ և անընդհատ ցանկացել աչքի ընկնել: Չնայած բարում որևէ մեկը չի պարում, սակայն նրանք անընդհատ բարձրացել են աթոռների և սեղանի վրա ու սկսել պարել: Ժամը 01:30-ի սահմաններում վրացի 4 տղաները սկսել են անգլերեն լեզվով բարձրաձայն հայհոյանքներ տալ: Ինքը նկատել է, որ իրենց տնօրեն Հրաջը մոտեցել է նրանց, որից հետո նրանք մի պահ հանդարտվել են: Մի քանի րոպե անց չորս տղաները կրկին սկսել են աղմկել և սեռական բնույթի հայհոյանքներ տալ: Այդ ժամանակ նրանց նույնպես զգուշացրել են, սակայն դրանից հետո նրանք ավելի են ագրեսիվացել և սկսել գարեջրերի շշեր, ապակե մոխրամաններ և բաժակներ նետել բարի սրահի ուղղությամբ: Այդ ընթացքում բարում սկսվել է իրարանցում, հաճախորդները փախել են դուրս, որպեսզի շշերը նրանց չդիպեն: Այդ ընթացքում բար են եկել ոստիկանները և 4 վրացիներին բերման ենթարկել ոստիկանություն: Այդ ընթացքում իրեն որևէ մեկը չի հարվածել: Ինքը Հրաջի գլխին նկատել է վնասվածք, իսկ նա իրեն ասել է, որ վրացի տղաներից մեկը շշով հարվածել է գլխին: Երբ Նորվանը փորձել է հանգստացնել նրանց, բռունցքով հարված է ստացել դեմքին: Բոլոր վրացի տղաները հավասարաչափ հայհոյել են և շշեր, ապակե այլ առարկաներ նետել հաճախորդների և իրենց ուղղությամբ: Այդ ամենը տևել է մոտ 10 րոպե, որի ընթացքում ներկա են եղել 50-60 հաճախորդներ:
Վկա Նորվան Իսայանը նախնական քննության ընթացքում ցուցմունք է տվել այն մասին, որ 2010 թվականի նոյեմբերի 13-ին` ժամը 23:30-ի սահմաններում, իրենք գնացել են բար: Այդ ժամանակ բարում եղել են մոտ մոտ 30-35 անձինք: Բարի մուտքից աջ` մեծ սեղանի մոտ նստած են եղել չորս երիտասարդներ, ովքեր խոսել են բարձրաձայն: Դրանից հետո այդ չորս երիտասարդներից մեկը հրել է մեկ այլ երիտասարդի, որից հետո չորս երիտասարդներից երեքը կանգնել են աթոռին և բարի ներսում շշեր նետել ու անգլերեն հայհոյանքներ տվել: Նրանց նետած շշերից մեկը դիպել է իր դեմքին, բայց ինքը վնասվածք չի ստացել: Նրանք բոլորով շշեր են նետել և անգլերեն հայհոյել: Նրանք ասել են, որ վրացիներ են: Ինքը, տեսելով, որ Հրաջը փորձում է հանգստացնել այդ տղաներին, մոտեցել է նրանց, որի ժամանակ իր դեմքին ձեռքով հարված է ստացել, սակայն չի կարող ասել, թե ով է հարվածել իրեն: Միջադեպը տևել է 5-10 րոպե: Այդ ընթացքում նկատել է, որ Հրաջի գլխից արյուն է գալիս, սակայն չի տեսել, թե ով է հարվածել նրան: Դրանից հետո եկել են ոստիկանները և վրացիներին տարել ոստիկանություն: Միջադեպի պատճառով բարի բոլոր հաճախորդները խուճապի են մատնվել և փախել: Վրացի տղաների ուղղությամբ շշեր չեն նետվել: Եթե չի սխալվում վրացի չորս երիտասարդները շշեր են նետել և հայհոյել: Ինքը չի կարող ասել, թե քանի շիշ է նետվել:
Վկա Արգեն Ալավերդյանը նախնական քննության ընթացքում ցուցմունք է տվել այն մասին, որ 2010 թվականի նոյեմբերի 14-ին` ժամը 00:30-ի սահմաններում, միայնակ գնացել է Երևան քաղաքի Պուշկինի 56ա հասցեում գտնվող «Քալյումե» բար: Բարում ինքը և իր ծանոթ Անգինան միասին զրուցել և օղի են խմել: Հանկարծ բարի սրահում վիճաբանություն է սկսվել, և անգլերեն լեզվով հնչել են բարձրաձայն հայհոյանքներ: Ինքը նկատել է, որ չորս տղաներ բարձր ձայներով հայհոյանքներ են տալիս, քանի որ նրանք կանգնած են եղել սեղանների և աթոռների վրա: Հրաջը մոտեցել է նրանց և զգուշացրել, որպեսզի հաճախորդներին չխանգարեն: Դրանից մի քանի րոպե անց նրանք ավելի են ագրեսիվացել և սկսել են շշերով հարվածել ու հայհոյանքներ տալ: Այդ տղաները ասել են, որ վրացիներ են, և ցույց կտան, թե վրացիներն ինչ կարող են անել: Դրանից հետո այդ տղաները սկսել են շշեր, մոխրամաններ և բաժակներ նետել բարի հաճախորդների ուղղությամբ: Այդ պահին բարում եղել են մոտ 40 անձինք: Ինքը և Անգինան, ինչպես նաև բարի մյուս հաճախորդները, դուրս են եկել բարից: Այնուհետև ինքը նկատել, որ Հրաջի գլուխից արյուն է հոսում: Ոստիկանները Հրաջին և վրացի տղաներին տարել են ոստիկանություն: Միջադեպը տևել է մոտ 5-6 րոպե, որի ընթացքում ինքը և Անգինան որևէ վնասվածք չեն ստացել: Ինքը չի տեսել, թե ով է հարվածել Հրաջին, իսկ վերջինն իրեն չի ասել, թե ով է հարվածել նրան: Բացի վրացիներից որևէ մեկը շշեր կամ այլ առարկաներ չի նետել և չի հայհոյել:
Դեպքի վայրի զննության մասին 2010 թվականի նոյեմբերի 14-ի արձանագրության համաձայն` զննության վայրը է հադիսացել Երևան քաղաքի Պուշկինի 56ա հասցեում տեղակայաված «Քալյումե» բարը: Բարի սրահի հատակը պատված է եղել քարե սալիկներով: Բարում տեղադրված են եղել տարբեր չափերի և տեղերի սեղաններ: Մուտքից աջ` անկյունային մասում տեղադրված է եղել փայտե սեղան, որտեղ ըստ Հրաջ Դավիդյանի` նստած են եղել վրացիները, որը պայմանականորեն անվանվել է օբյեկտ 1: Վերջինի դիմաց` մի փոքր բարձրության վրա տեղադրված է եղել ևս երկու շրջանաձև սեղան, որը պայմանկանորեն անվանվել է օբյեկտ 2: Օբյեկտ 1-ի և 2-ի միջև հեռավորությունը եղել է 122սմ: Օբյեկտ 2-ի շրջակայքում և վրա առկա են եղել կոտրված ապակիների, շշերի կտորներ: Օբյեկտ 2-ի դիմաց առկա են եղել չորս փայտե սեղաններ, որոնք գետնից բարձր են եղել 48սմ: Օբյեկտ 2-ի վրա առկա են եղել երկու փոքր սեղաններ և երկու բարձեր, որոնք նախատեսված են եղել նստելու համար: Օբյեկտ 2-ի և բարի միջև եղած հեռավորությունը եղել 390սմ, իսկ բարի ընդհանուր լայնությունը եղել է 510սմ: Օբյեկտ 2-ի և բարի միջնամասում եղել են չորս կարմիր և վեց կանաչ բարձեր: Բարի դիմաց առկա են եղել չորս բարձր փայտե աթոռակներ: Օբյեկտ 2-ի վրա առկա են եղել ապիտակ գույնի կոտրված մոխրամանի և տարբեր տեսակի գարեջրի շշերի բեկորներ: Ըստ Հրաջ Դավիդյանի հայտարարության` վրացիները կոտրել են երեք սպիտակ ճենապակյա մոխրամաններ, երեք թեյի բաժակներ և 12-15 տարբեր տեսակի գարեջրի շշեր: Վնասվել է նաև մեկ հատ բամբուկից դեկորացիա:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Արշակ Գյուլամիրյանին ճանաչման են ներկայացվել չորս անձինք, որոնցից ձախից աջ 2-րդը եղել է Դավիթ Գոգիլաշվիլին: Արշակ Գյուլամիրյանը, զննելով իրեն ճանաչման ներկայացված չորս անձանց, մատնացույց է արել ձախից 2-րդը կանգնած անձին և հայտարարել, որ դա այն անձն է, ով 2010 թվականի նոյեմբերի 14-ին` ժամը 01:40-ի սահմաններում Պուշկինի 56 հասցեում գտնվող բարում երեք ընկերների հետ կանգնած հայհոյանքներ է տվել, ձեռքերով ցույց է տվել սեռական օրգանները և ռուսերեն ու անգլերեն հայհոյանքներ տվել: Ինքը փորձել է հանգստացնել այդ անձին, սակայն նա չի դադարեցրել գործողությունները: Ինքն այդ անձին ճանաչել է հասակից և ընդհանուր դիմագծերից: Իսկ Դավիթ Գոգիլաշվիլին հայտարարել է, որ չի հայհոյել և ձեռքերով սեռական օրգանները ցույց չի տվել:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Սելվա Քուրդյանին ճանաչման են ներկայացվել չորս անձինք, որոնցից ձախից աջ 3-րդը եղել է Դավիթ Գոգիլաշվիլին: Սելվա Քուրդյանը, զննելով իրեն ճանաչման ներկայացված չորս անձանց, մատնացույց է արել ձախից 3-րդը կանգնած անձին և հայտարարել, որ դա այն անձն է, ով 2010 թվականի նոյեմբերի 14-ին` ժամը 01:30-ի սահմաններում ընկերների հետ «Քալյումե» բարում խանգարել է հաճախորդներին, անգլերեն հայհոյանքներ տվել, շշեր նետել հաճախորդների վրա, որը տևել է մոտ 5 րոպե: Ինքն այդ անձին ճանաչել է դեմքից, մազերի ձևից և այլ արտաքին հատկանիշներից: Իսկ Դավիթ Գոգիլաշվիլին հայտարարել է, որ շիշ չի կոտրել, իրենց հայհոյել են, իսկ իրենք պատասխանել են:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Արշակ Գյուլամիրյանին ճանաչման են ներկայացվել չորս անձինք, որոնցից ձախից աջ 1-ինը եղել է Դավիթ Կոբախիձեն: Արշակ Գյուլամիրյանը, զննելով իրեն ճանաչման ներկայացված չորս անձանց, մատնացույց է արել ձախից 1-ինը կանգնած անձին և հայտարարել, որ դա այն չորս վրացի երիտասարդներից մեկն է, ով 2010 թվականի նոյեմբերի 14-ին` ժամը 01:30-ի սահմաններում Պուշկինի 56 հասցեում գտնվող բարում երեք ընկերների հետ բարձրաձայն գոռացել է, ռուսերեն հայհոյանքներ տվել և ձեռք պարզել հաճախորդների ուղղությամբ: Ինքն այդ անձին ճանաչել է հասակից և ընդհանուր դիմագծերից: Իսկ Դավիթ Կոբախիձեն հայտարարել է, որ իրեն ճանաչողին տեսել է բարում, խառնաշփոթի ժամանակ:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Սելվա Քուրդյանին ճանաչման են ներկայացվել չորս անձինք, որոնցից ձախից աջ 3-րդը եղել է Դավիթ Կոբախիձեն: Սելվա Քուրդյանը, զննելով իրեն ճանաչման ներկայացված չորս անձանց, մատնացույց է արել ձախից 3-րդը կանգնած անձին և հայտարարել, որ դա այն չորս վրացի երիտասարդներից մեկն է, ով 2010 թվականի նոյեմբերի 14-ին` ժամը 01:30-ի սահմաններում իրենց բարում անգլերեն հայհոյանքներ է տվել, դատարկ շշեր նետել ակումբում և հաճախորդների վրա, խանգարել բարի աշխատանքը, իր հետ խոսելու ժամանակ շիշը պտտեցրել է իր գլխի վրայով: Ինքն այդ անձին ճանաչել է դեմքից, հասակից և ընդհանուր դիմագծերից: Իսկ Դավիթ Կոբախիձեն հայտարարել է, որ այդ ամենը սուտ է:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Արշակ Գյուլամիրյանին ճանաչման են ներկայացվել չորս անձինք, որոնցից ձախից աջ 1-ինը եղել է Գոդերձի Պատարիձեն: Արշակ Գյուլամիրյանը, զննելով իրեն ճանաչման ներկայացված չորս անձանց, մատնացույց է արել ձախից 1-ինը կանգնած անձին և հայտարարել, որ դա այն երիտասարդներից մեկն է, ով 2010 թվականի նոյեմբերի 14-ին` ժամը 01:40-ի սահմաններում Պուշկինի 56 հասցեում գտնվող բարում երեք ընկերների հետ կանգնել է աթոռի վրա, գոռացել է, հայհոյանքներ տվել, խանգարել բարում գտնվող անձանց, ձեռքով ցույց տվել սեռական օրգանները և անգլերեն բարձրաձայն գոռացել` այդ ամենը ի ցույց դնելով հաճախորդներին: Ինքն այդ անձին ճանաչել է աչքերից, դեմքից և այլ արտաքին դիմագծերից: Իսկ Դավիթ Կոբախիձեն հայտարարել է, որ եղել է վեճ, ինքը հայհոյել է, սակայն աթոռին չի կանգնել, ձեռքով իր սեռական օրգանները ցույց չի տվել:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Սելվա Քուրդյանին ճանաչման են ներկայացվել չորս անձինք, որոնցից ձախից աջ 3-րդը եղել է Գոդերձի Պատարիձեն: Սելվա Քուրդյանը, զննելով իրեն ճանաչման ներկայացված չորս անձանց, մատնացույց է արել ձախից 3-րդը կանգնած անձին և հայտարարել, որ այդ անձին նմանեցնում է այն չորս վրացի երիտասարդներից մեկին, ով 2010 թվականի նոյեմբերի 14-ին` ժամը 01:30-ի սահմաններում իրենց բարում իր երեք ընկերների հետ խառնաշփոթ են ստեղծել ակումբում, անգլերեն հայհոյանքներ տվել, դատարկ շշեր նետել հաճախորդների վրա, կոտրել ակումբի բաժակները: Ինքն այդ անձին ճանաչել է դեմքից և այլ արտաքին դիմագծերից: Իսկ Դավիթ Կոբախիձեն հայտարարել է, որ նշվածի վերաբերյալ ոչինչ չունի ասելու:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Արշակ Գյուլամիրյանին ճանաչման են ներկայացվել չորս անձինք, որոնցից ձախից աջ 3-րդը եղել է Արչիլ Ջաիանին: Արշակ Գյուլամիրյանը, զննելով իրեն ճանաչման ներկայացված չորս անձանց, մատնացույց է արել ձախից 3-րդը կանգնած անձին և հայտարարել, որ դա այն չորս վրացի երիտասարդներից մեկն է, ով 2010 թվականի նոյեմբերի 14-ին` ժամը 01:40-ի սահմաններում Պուշկինի 56 հասցեում գտնվող բարում եղել է ագրեսիվ, կանգնել սեղանին, ձեռքով ցույց տվել սեռական օրգանները և հայհոյանքներ տվել: Ինքն այդ անձին ճանաչել է դեմքից, հասակից և այլ արտաքին տվյալներից: Իսկ Արչիլ Ջաիանին որևէ հայտարարություն չի արել:
Անձին ճանաչման ներկայացնելու մասին 2010 թվականի նոյեմբերի 17-ի արձանագրության համաձայն` Սելվա Քուրդյանին ճանաչման են ներկայացվել չորս անձինք, որոնցից ձախից աջ 2-րդը եղել է Արչիլ Ջաիանին: Սելվա Քուրդյանը, զննելով իրեն ճանաչման ներկայացված չորս անձանց, մատնացույց է արել ձախից 2-րդը կանգնած անձին և հայտարարել, որ այդ անձն այն չորս վրացի երիտասարդներից մեկն է, ով 2010 թվականի նոյեմբերի 14-ին` ժամը 01:30-ի սահմաններում իր ընկերների հետ եղել է ագրեսիվ, խանգրարել բարում ընկերների հետ գտնվող աղջիկներին, անգլերեն հայհոյանքներ տվել, դատարկ շշեր նետել հաճախորդների վրա, կոտրել ակումբի բաժակները: Ինքն այդ անձին ճանաչել է դեմքից, հասակից և այլ արտաքին տվյալներից: Իսկ Արչիլ Ջաիանին հայտարարել է, որ կռիվը իրենք չեն սկսել, ինքը շշեր չի կոտրել, իրեն հայհոյել են, ինքն էլ հայհոյել է իրեն հայհոյողին:
Փորձագետի 2010 թվականի նոյեմբերի 15-ի թիվ 2955 եզրակացության համաձայն` Հրաջ-Բեդվարդ Դավիդյանի ստացած մարմնական վնասվածքը` ճակատի շրջանի սալջարդ վերքի և արյունազեղման ձևով, հասցվել է բութ առարկայով, հնարավոր է որոշման մեջ նշված ժամկետում և հանգամանքներում, պատճառել է առողջությանը թեթև վնաս` առողջության կարճատև քայքայումով, նկատի ունենալով վնասվածքի հետ անմիջական կապի մեջ եղած հետևանքների տևողություն ոչ պակաս 6 օրից և ոչ ավելի 21 օրից:
Փորձագետի 2010 թվականի նոյեմբերի 15-ի թիվ 2960 եզրակացության համաձայն` Դավիթ Գոգիլաշվիլիի ստացած մարմնական վնասվածքները` աջ գոտկային շրջանի արյունազեղումների, աջ նախաբազկի և աջ սրունքի քերծվածքների ձևով, հասցվել են բութ առարկայով (առարկաներով), հնարավոր է որոշման մեջ նշված ժամկետում, որոնք ինչպես առանձին-առանձին, այնպես էլ միասին վերցրած առողջության թեթև վնասի հատկանիշներ չեն պարունակել:
Փորձագետի 2010 թվականի նոյեմբերի 15-ի թիվ 2961 եզրակացության համաձայն` Արչիլ Ջաիանիի ստացած մարմնական վնասվածքը` ձախ դաստակի շրջանի քերծվածքի ձևով, հասցվել է սրածայր առարկայով, հնարավոր է որոշման մեջ նշված ժամկետում, որն առողջության թեթև վնասի հատկանիշներ չի պարունակել:
Փորձագետի 2010 թվականի նոյեմբերի 15-ի թիվ 2959 եզրակացության համաձայն` փորձաքննության կատարման պահին Դավիթ Կոբախիձեի մոտ որոշման մեջ նշված դեպքի օրվան համապատասխանող վաղեմությամբ մարմնական վնասվածքների օբյեկտիվ հատկանիշներ չեն հայտնաբերվել:
Փորձագետի 2010 թվականի նոյեմբերի 29-ի թիվ 2962 եզրակացության համաձայն` Գոդերձի Պատարիձեի ստացած մարմնական վնասվածքը, ըստ առկա տվյալների, աջ ականջախեցու շրջանի սալջարդ վերքի ձևով, հասցվել է բութ առարկայով, հնարավոր է որոշման մեջ նշված ժամկետում, որն առողջության թեթև վնասի հատկանիշներ չի պարունակել, սակայն լրացուցիչ հետազոտության պատասխանը ներկայացվելուց հետո հնարավոր է, որ հետևություններում կատարվեն համապատասխան փոփոխություններ:
Փորձագետի 2010 թվականի նոյեմբերի 29-ի թիվ 2962 եզրակացության 2011 թվականի հունվարի 21-ի լրացման համաձայն` Գոդերձի Պատարիձեի ստացած մարմնական վնասվածքը` աջ ականջախեցու շրջանի սալջարդ վերքի ձևով, հասցվել է բութ առարկայով, հնարավոր է որոշման մեջ նշված ժամկետում, որն առողջության թեթև վնասի հատկանիշներ չի պարունակել:
Փորձագետի 2010 թվականի դեկտեմբերի 9-ի թիվ 538 եզրակացության համաձայն` փորձաքննության ներկայացված Դավիթ Գոգիլաշվիլիի արյան նմուշը, ըստ արյան ABO իզոշճաբանական համակարգի, պատկանում է O խմբին, ըստ P1p համակարգի` P/+/ խմբին: Փորձաքննության ներկայացված Դավիթ Կոբախիձեի արյան նմուշը, ըստ արյան ABO իզոշճաբանական համակարգի, պատկանում է B խմբին, ըստ P1p համակարգի` P/+/ խմբին: Փորձաքննության ներկայացված Արչիլ Ջաիանիի արյան նմուշը, ըստ արյան ABO իզոշճաբանական համակարգի, պատկանում է B խմբին, ըստ P1p համակարգի` P/+/ խմբին: Փորձաքննության ներկայացված Գոդերձի Պատարիձեի արյան նմուշը, ըստ արյան ABO իզոշճաբանական համակարգի, պատկանում է O խմբին, ըստ P1p համակարգի` P/+/ խմբին: Փորձաքննության ներկայացված Հրաջ-Բեդվարդ Դավիդյանի արյան նմուշը, ըստ արյան ABO իզոշճաբանական համակարգի, պատկանում է AB խմբին, ըստ P1p համակարգի` P/+/ խմբին: Փորձաքննության ներկայացված Նորվան Իսայանի արյան նմուշը, ըստ արյան ABO իզոշճաբանական համակարգի, պատկանում է A խմբին, ըստ P1p համակարգի` P/+/ խմբին: Փորձաքննության ներկայացված վերնաշապիկի և երեք անձեռոցիկների վրա տեղակայված կասկածելի հետքերում հաստավել է արյան առկայություն, որը պատկանում է մարդու և ըստ արյան ABO իզոշճաբանական համակարգի` առաջացել է օբյեկտ 1-ում և օբյեկտ 2-ում արյան A, ըստ P1p համակարգի` P/+/ խումբ ունեցող անձից կամ անձանցից, այդ թվում հնարավոր է, որ առաջանար Նորվան Իսայանից, օբյեկտ 3-ում և օբյեկտ 4-ում, ինչպես նաև երեք անձեռոցիկների (օբյեկտ 5-7) վրա տեղակայված հետքերում` արյան AB, ըստ P1p համակարգի` P/+/ խումբ ունեցող անձից կամ անձանցից, այդ թվում հնարավոր է, որ առաջանար Հրաջ-Բեդվարդ Դավիդյանից:
Իրեղեն ապացույց ճանաչելու և քրեական գործին կցելու մասին 2011 թվականի փետրվարի 2-ի որոշման համաձայն Դավիթ Գոգիլաշվիլիի սպիտակ վարնաշապիկը, երեք անձեռոցիկները, դեպքի վայրից առգրավված` կոտրված շշերի, բաժակների և մոխրամանների ապակյա կտորները և ծղոտե փայտը ճանաչվել են իրեղեն ապացույցներ և կցվել քրեական գործին:
Այլ փաստաթուղթն ապացույց ճանաչելու մասին 2011 թվականի փետրվարի 8-ի որոշման համաձայն` սթափության վիճակի զննության թիվ 103455, 103456, 103457, 103458 արձանագրությունները ճանաչվել են ապացույցներ:
Սթափության վիճակի զննության թիվ 103455 արձանագրության համաձայն` 2010 թվականի նոյեմբերի 14-ին` ժամը 03:00-ին, կատարված զննությամբ Դավիթ Զազայի Գոգիլաշվիլին գտնվել է երրորդ աստիճանի հարբածության վիճակում:
Սթափության վիճակի զննության թիվ 103456 արձանագրության համաձայն` 2010 թվականի նոյեմբերի 14-ին` ժամը 03:03-ին, կատարված զննությամբ Արչիլ Զաուրի Ջաիանին գտնվել է երկրորդ աստիճանի հարբածության վիճակում:
Սթափության վիճակի զննության թիվ 103457 արձանագրության համաձայն` 2010 թվականի նոյեմբերի 14-ին` ժամը 03:10-ին, կատարված զննությամբ Գոդերձի Անզորի Պատարիձեն գտնվել է երկրորդ աստիճանի հարբածության վիճակում:
Սթափության վիճակի զննության թիվ 103458 արձանագրության համաձայն` 2010 թվականի նոյեմբերի 14-ին` ժամը 03:20-ին, կատարված զննությամբ Դավիթ Վախթանգի Կոբախիձեն գտնվել է երրորդ աստիճանի հարբածության վիճակում:
ՀՀ ոստիկանության ինֆորմացիոն կենտրոնի պահանջագրի համաձայն` Դավիթ Զազայի Գոգիլաշվիլին նախկինում դատապարտված չի եղել:
ՀՀ ոստիկանության ինֆորմացիոն կենտրոնի պահանջագրի համաձայն` Դավիթ Վախթանգի Կոբախիձեն նախկինում դատապարտված չի եղել:
ՀՀ ոստիկանության ինֆորմացիոն կենտրոնի պահանջագրի համաձայն` Արչիլ Զաուրի Ջաիանին նախկինում դատապարտված չի եղել:
ՀՀ ոստիկանության ինֆորմացիոն կենտրոնի պահանջագրի համաձայն` Գոդերձի Անզորի Պատարիձեն նախկինում դատապարտված չի եղել:
Հայաստանի պետական ագրարային համալսարանի ագրոբիզնեսի ուսուցման կենտրոնի կողմից տրված բնութագրերի համաձայն` Դավիթ Զազայի Գոգիլաշվիլին, Արչիլ Զաուրի Ջաիանին և Գոդերձի Անզորի Պատարիձեն բնութագրվում են դրականորեն:
Հայաստանի պետական ագրարային համալսարանի կողմից տրված բնութագրերի համաձայն` Դավիթ Զազայի Գոգիլաշվիլին, Դավիթ Վախթանգի Կոբախիձեն, Արչիլ Զաուրի Ջաիանին և Գոդերձի Անզորի Պատարիձեն բնութագրվում են դրականորեն:
Ձերբակալման 2010 թվականի նոյեմբերի 16-ի արձանագրության համաձայն` 2010 թվականի նոյեմբերի 16-ին` ժամը 20:00-ին, Դավիթ Զազայի Գոգիլաշվիլին ձերբակալվել է:
Ձերբակալման 2010 թվականի նոյեմբերի 16-ի արձանագրության համաձայն` 2010 թվականի նոյեմբերի 16-ին` ժամը 20:40-ին, Դավիթ Վախթանգի Կոբախիձեն ձերբակալվել է:
Ձերբակալման 2010 թվականի նոյեմբերի 16-ի արձանագրության համաձայն` 2010 թվականի նոյեմբերի 16-ին` ժամը 21:10-ին, Արչիլ Զաուրի Ջաիանին ձերբակալվել է:
Ձերբակալման 2010 թվականի նոյեմբերի 16-ի արձանագրության համաձայն` 2010 թվականի նոյեմբերի 16-ին` ժամը 21:45-ին, Գոդերձի Անզորի Պատարիձեն ձերբակալվել է:
Կալանավորումը որպես խափանման միջոց կիրառելու մասին միջնորդությունը քննելու վերաբերյալ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի նոյեմբերի 18-ի որոշման համաձայն` մեղադրյալ Արչիլ Զաուրի Ջաիանիի նկատմամբ որպես խափանման միջոց է ընտրվել կալանավորումը: Միաժամանակ մեղադրյալ Արչիլ Զաուրի Ջաիանիի նկատմամբ որպես կալանավորման այլընտրանքային խափանման միջոց կիրառվել է գրավը` 1.000.000 ՀՀ դրամի չափով:
Կալանավորումը որպես խափանման միջոց կիրառելու մասին միջնորդությունը քննելու վերաբերյալ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի նոյեմբերի 18-ի որոշման համաձայն` մեղադրյալ Գոդերձի Անզորի Պատարիձեի նկատմամբ որպես խափանման միջոց է ընտրվել կալանավորումը: Միաժամանակ մեղադրյալ Գոդերձի Անզորի Պատարիձեի նկատմամբ որպես կալանավորման այլընտրանքային խափանման միջոց կիրառվել է գրավը` 1.000.000 ՀՀ դրամի չափով:
Կալանավորումը որպես խափանման միջոց կիրառելու մասին միջնորդությունը քննելու վերաբերյալ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի նոյեմբերի 18-ի որոշման համաձայն` մեղադրյալ Դավիթ Վախթանգի Կոբախիձեի նկատմամբ որպես խափանման միջոց է ընտրվել կալանավորումը: Միաժամանակ մեղադրյալ Դավիթ Վախթանգի Կոբախիձեի նկատմամբ որպես կալանավորման այլընտրանքային խափանման միջոց կիրառվել է գրավը` 1.000.000 ՀՀ դրամի չափով:
Կալանավորումը որպես խափանման միջոց կիրառելու մասին միջնորդությունը քննելու վերաբերյալ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի նոյեմբերի 18-ի որոշման համաձայն` մեղադրյալ Դավիթ Զազայի Գոգիլաշվիլիի նկատմամբ որպես խափանման միջոց է ընտրվել կալանավորումը: Միաժամանակ մեղադրյալ Դավիթ Զազայի Գոգիլաշվիլիի նկատմամբ որպես կալանավորման այլընտրանքային խափանման միջոց կիրառվել է գրավը` 1.000.000 ՀՀ դրամի չափով:
Մեղադրյալներին կալանքից ազատելու մասին 2010 թվականի նոյեմբերի 19-ի որոշման համաձայն` մեղադրյալներ Դավիթ Զազայի Գոգիլաշվիլին, Դավիթ Վախթանգի Կոբախիձեն, Արչիլ Զաուրի Ջաիանին և Գոդերձի Անզորի Պատարիձեն ազատվել են կալանքից:
Դատարանը սույն գործում առկա առերես հարցաքննության բոլոր արձանագրությունները ճանաչել է անթույլատրելի, քանի որ նշված ապացույցները ձեռք բերելիս չեն պահպանվել ՀՀ քրեական դատավարության օրենսգրքի պահանջները, այն է` առերեսումները կատարվել են այն դեպքում, երբ մինչ այդ Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն հրաժարվել են ցուցմունք տալ, այսինքն նրանց և նրանց հետ առերեսվող անձանց ցուցմունքններում էական հակասություններ լինել չէին կարող:
Դատարանը հարկ է համարում մանրամասն անդրադառնալ Դավիթ Գոգիլաշվիլի, Դավիթ Կոբախիձեի, Արչիլ Ջաիանիի և Գոդերձի Պատարիձեի կողմից շշեր, մոխրամններ կամ բաժակներ նետելու վերաբերյալ սույն քրեական գործով ձեռք բերված ապացույցներին:
Վկա Սելվա Քուրդյանը ցուցմունք է տվել այն մասին, որ վրացի չորս տղաները մոխրաման և շշեր են նետել, իսկ հայ երիտասարդները շշեր չեն նետել:
Վկա Թերմինա Ներիսիսյանը ցուցմունք է տվել այն մասին, որ բոլոր վրացի տղաները հավասարաչափ հայհոյել են և շշեր, ապակե այլ առարկաներ նետել հաճախորդների և իրենց ուղղությամբ:
Վկա Նորվան Իսայանը ցուցմունք է տվել այն մասին, որ եթե չի սխալվում, վրացի չորս երիտասարդները շշեր են նետել, իսկ վրացի տղաների ուղղությամբ շշեր չեն նետվել:
Տուժող Հրաջ-Բեդվարդ Դավիդյանի ցուցմունք է տվել այն մասին, որ վիճաբանության ընթացքում ամբաստանյալներից մեկը գարեջրի շշով հարվածել է իր գլխին: Իր գլխին հարվածողը հավանաբար եղել է կամ Դավիթ Կոբախիձեն, կամ Գոդերձի Պատարիձեն, քանի որ իր դիմացը եղել են նրանք և ինքը նրանց է ետ հրել: Չորս ամբաստանյալներից յուրաքանչյուրը նետել է ինչ-որ իր, սակայն չի կարող ասել, թե դրանք կոնկրետ ինչ իրեր են եղել: Ամբաստանյալներից բացի որևէ այլ անձ շշեր չի նետել:
Իսկ քրեական գործով հարցաքննված վկաներ Սելինե Էմիլի Ղահրեման Մարդերոսսյան Ղոլի Քանդին, Արշակ Գյուլամիրյանը, Արևիկ Սերոբյանը, Արնե Քալամքարյանը, Ռուդի Կալուսդյանը, Լիկա Նիորաձեն և Արգեն Ալավերդյանը իրենց ցուցմունքներում չեն նշել, որ բոլոր չորս ամբաստանյալները շշեր կամ մոխրաններ են նետել, ինչպես նաև չեն նշել, թե ամբաստանյալներից կոնկրետ ով է դրանք նետել:
Տվյալ դեպքում հատկանշական է, որ բոլոր ամբաստանյալների կողմից շշեր կամ մոխրամաններ նետելու վերաբերյալ ցուցմունքներ տված անձինք ստույգ չեն կարողացել նշել, թե ամբաստանյալներից ով, կոնկրետ ինչ իր է նետել, ինչպես նաև իրենց ցուցմունքներում միաժամանակ նշել են, որ ամբաստանյալների ուղղությամբ որևէ իր, այդ թվում նաև շշեր և մոխրամաններ չեն նետվել, այն դեպքում, երբ սույն գործով ձեռք բերված ապացույցներով, այդ թվում` փորձագետի եզրակացություններով հաստատվել է, որ միջադեպի ընթացքում ամբաստանյալներ Դավիթ Գոգիլաշվիլին, Արչիլ Ջաիանին և Գոդերձի Պատարիձեն ստացել են մարմնական վնասվածքներ, ընդ որում Արչիլ Ջաիանիի մարմնական վնասվածքը հասցվել է սրածայր առարկայով, իսկ մյուս երկուսի վնասվածքները` բութ առարկայով: Նման պայմաններում, ինչպես նաև հաշվի առնելով տեղի ունեցած դեպքի վայրի տարածքի փոքր լինելը, դեպքի վայրում անձանց մեծաքանակությունը և դեպքի խառնաշփոթ լինելը, Դատարանը գտնում է, որ վկաներ Սելվա Քուրդյանի, Թերմինա Ներսիսյանի և Նորվան Իսայանի ընդհանրական բնույթի ցուցումնքներն այն մասին, որ բոլոր չորս ամբաստանյալները նետել են շշեր կամ մոխրամաններ չեն կարող արժանահավատ համարվել և դրվել սույն դատավճռի հիմքում: Ավելին` ամբաստանյալները ճանաչման չեն ներկայացվել վկաներ Թերմինա Ներսիսյանին և Նորվան Իսայանին, ինչպես նաև հնարավոր չի եղել ապահովել վերջինների ներկայությունը սույն գործի դատական քննությանը:
Ինչ վերաբերում է անձանց ճանաչման ներկայացնելու մասին արձանագրություններում Սելվա Քուրդյանի հայտնած այն տեղեկություններին, որ ամբաստանյալները շշեր են նետել, ապա դրանք նունպես վերոգրյալ հիմնավորումներով, ինչպես և նրա տված ցուցմունքները, չեն կարող արժանահավատ համարվել և դրվել սույն դատավճռի հիմքում:
ՀՀ քրեական դատավարության օրենսգրքի 18-րդ հոդվածի 3-րդ մասի համաձայն` հանցանք գործելու մեջ անձի մեղավորության մասին հետևությունը չի կարող հիմնվել ենթադրությունների վրա, այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ, իսկ նույն հոդվածի 4-րդ մասը սահմանում է, որ մեղադրանքն ապացուցված լինելու վերաբերյալ բոլոր կասկածները, որոնք չեն կարող փարատվել այդ օրենսգրքի դրույթներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի կամ կասկածյալի:
Այսպիսով, Դատարանը, նկատի ունենալով, որ սույն քրեական գործով ձեռք չի բերվել որևէ հավաստի ապացույցների բավարար ամբողջություն, այն մասին, որ բոլոր չորս ամբաստանյալների կողմից նետվել են շշեր կամ մոխրամաններ, ինչպես նաև թե ամբաստանյալներից կոնկրետ ով է նետել շշեր կամ մոխրամաններ, գտնում է, որ այդ չփարատված կասկածները պետք է մեկնաբանել հօգուտ ամբաստանյալներ Դավիթ Գոգիլաշվիլիի, Դավիթ Կոբախիձեի, Արչիլ Ջաիանիի ու Գոդերձի Պատարիձեի և հաստատված համարել, որ նրանցից որևէ մեկը շիշ կամ մոխրաման չի նետել:
Ինչ վերաբերում է տուժող Հրաջ-Բեդվարդ Դավիդյանի այն ցուցմունքին, որ «վիճաբանության ընթացքում ամբաստանյալներից մեկը գարեջրի շշով հարվածել է իր գլխին: Իր գլխին հարվածողը հավանաբար եղել է կամ Դավիթ Կոբախիձեն, կամ Գոդերձի Պատարիձեն, քանի որ իր դիմացը եղել են նրանք և ինքը նրանց է ետ հրել», ապա Դատարանը նկատի ունենալով, որ սույն գործով ձեռք չի բերվել որևէ ապացույց, թե ամբաստանյալներից կոնկրետ ով է գարեջրի շշով հարվածել Հրաջ-Բեդվարդ Դավիդյանի գլխին, իսկ Հրաջ-Բեդվարդ Դավիդյանը միայն ենթադրել է, որ իրեն հարվածողը եղել է Դավիթ Կոբախիձեին կամ Գոդերձի Պատարիձեն, գտնում է որ այդ չփարատված կասկածը նույնպես պետք է մեկնաբանել հօգուտ ամբաստանյալներ Դավիթ Գոգիլաշվիլիի, Դավիթ Կոբախիձեի, Արչիլ Ջաիանիի ու Գոդերձի Պատարիձեի և հաստատված համարել, որ նրանցից որևէ մեկը գարեջրի շշով չի հարվածել Հրաջ-Բեդվարդ Դավիդյանի գլխին:
Վերը նշված ապացույցները վերլուծելու, համադրելու և գնահատելու արդյունքում Դատարանը հաստատված է համարում գործի լուծման համար նշանակություն ունեցող հետևյալ փաստական հանգամանքները.
-«Քալյումե» բարը գտնվում է Երևան քաղաքի Պուշկինի 56ա հասցեում,
-2010 թվականի նոյեմբերի 13-ին` ժամը 22:00-ին Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն միասին գնացել են «Քալյումե» բար, որտեղ գարեջուր ու տեկիլա են խմել,
-2010 թվականի նոյեմբերի 14-ին` ժամը 01:30-ի սահմաններում, Դավիթ Գոգիլաշվիլին բարում փորձել է ծանոթանալ և զրուցել այնտեղ գտնվող անծանոթ, գործով ինքնությունները չպարզված աղջիկների հետ,
-բարում գտնվող անծանոթ, գործով ինքնությունները չպարզված աղջիկների հետ ծանոթանալու և զրուցելու փորձի պատճառով Դավիթ Գոգիլաշվիլիի և այդ աղջիկների հետ բարում եղած, գործով ինքնությունները չպարզված տղաների միջև վիճաբանություն է սկսվել,
-վիճաբանությանը միջամտել են Դավիթ Կոբախիձեն, Արչիլ Ջաիանին, Գոդերձի Պատարիձեն և գործով ինքնությունները չպարզված, ազգությամբ հայ այլ անձինք,
-վիճաբանության ընթացքում Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն տվել են հայհոյանքներ և ձեռքերով հարվածել գործով ինքնությունները չպարզված անձանց,
-վիճաբանության ընթացքում նետվել են շշեր, մոխրամաններ և բաժակներ,
-վիճաբանության և կռվի ընթացքում Հրաջ-Բեդվարդ Դավիդյանը, Դավիթ Գոգիլաշվիլին, Արչիլ Ջաիանին և Գոդերձի Պատարիձեն ստացել են մարմնական վնասվածքներ,
-վիճաբանության և կռվի ժամանակ Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն գտնվել են ալկոհոլի ազդեցության տակ,
-Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն սովորում են բարձրագույն ուսումնական հաստատությունում, նախկինում դատապարտված չեն եղել և բնութագրվում են դրականորեն,
-Դավիթ Գոգիլաշվիլին, Դավիթ Կոբախիձեն, Արչիլ Ջաիանին և Գոդերձի Պատարիձեն 2010 թվականի նոյեմբերի 16-ից 19-ը գտնվել են արգելանքի տակ:
3. Դատարանի իրավական վերլուծությունները.
Վերը նշված փաստերի հիման վրա Դատարանը գալիս է այն եզրահանգման, որ Դավիթ Զազայի Գոգիլաշվիլին, Դավիթ Վախթանգի Կոբախիձեի, Արչիլ Զաուրի Ջաիանիի և Գոդերձի Անզորի Պատարիձեի հետ միասին, 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56ա հասցեում գտնվող «Քալյումե» բարում դիտավորությամբ կոպիտ կերպով խախտել է հասարակական կարգը և բացահայտ անհարգալից վերաբերմունք դրսևորել հասարակության նկատմամբ, որը զուգորդվել է գործով ինքնությունները չպարզված անձանց նկատմամբ բռնություն գործադրելով:
Դատարանը անդրադառնալով որպես զենք օգտագործվող առարկաների` գարեջրի դատարկ տարաների և ապակյա մոխրամանների գործադրմամբ խուլիգանություն կատարելու համար Դավիթ Գոգիլաշվիլիին առաջադրված մեղադրանքին և նկատի ունենալով, որ վերոգրյալ հիմնավորմամբ չի հաստատվել Դավիթ Գոգիլաշվիլի կողմից շշեր և մոխրամաններ նետելու փաստը, գտնում է, որ Դավիթ Գոգիլաշվիլիի արարքում բացակայում է ՀՀ քրեական օրենսգրքի 258-րդ հոդվածի 4-րդ մասով նախատեսված` արարքը որակյալ դարձնող հատկանիշը` զենքի կամ որպես զենք օգտագործվող առարկայի գործադրումը, իսկ նրա կատարած արարքը համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներին:
ՀՀ քրեական դատավարության օրենսգրքի 309-րդ հոդվածի 1-ին մասի համաձայն` գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել: Նույն հոդվածի 2-րդ մասի համաձայն` դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը:
Դատարանը սույն քրեական գործով Դավիթ Գոգիլաշվիլիին առաջադրված մեղադրանքը ՀՀ քրեական օրենսգրքի 258-րդ հոդվածի 4-րդ մասից ՀՀ քրեական օրենսգրքի 258-րդ հոդվածի 3-րդ մասի 1-ին կետով փոփոխելը հնարավոր է համարում, քանի որ մեղադրանքի նման փոփոխությունով ամբաստանյալի վիճակը չի վատթարանում: Ավելին` դրանով ամբաստանյալի վիճակը բարելավվում է, քանի որ ՀՀ քրեական օրենսգրքի 258-րդ հոդվածի 4-րդ մասով նախատեսված արարք կատարելու համար որպես պատիժ նախատեսված է ազատազրկում` չորսից յոթ տարի ժամկետով, իսկ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարք կատարելու համար` տուգանք` նվազագույն աշխատավարձի երկուհարյուրապատիկից հինգհարյուրապատիկի չափով, կամ ազատազրկում` առավելագույնը հինգ տարի ժամկետով: Տվյալ դեպքում չի խախտվում նաև ամբաստանյալի պաշտպանության իրավունքը, քանի որ գործի փաստերը նույնն են, իսկ ամբաստանյալ Դավիթ Գոգիլաշվիլին թե նախնական քննության, թե դատական քննության ընթացքում հնարավարություն ունեցել է պաշտպանվելու մի խումբ անձանց կողմից բռնության գործադրմամբ կատարված խուլիգանության համար իրեն առաջադրված մեղադրանքից, քանի որ դա ներառված են եղել նրան ՀՀ քրեական օրենսգրքի 258-րդ հոդվածի 4-րդ մասով առաջադրված մեղադրանքում:
Ելնելով վերոգրյալից` Դատարանը գտնում է, որ ամբաստանյալ Դավիթ Զազայի Գոգիլաշվիլիին վերագրվող արարքի իրավաբանական որակումը` ՀՀ քրեական օրենսգրքի 258-րդ հոդվածի 4-րդ մասից պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ապացուցված է Դավիթ Զազայի Գոգիլաշվիլիի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարքը կատարելու մեջ:
Դավիթ Գոգիլաշվիլիի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը և կատարածի համար զղջալը:
Դատարանը գտնում է, որ Դավիթ Գոգիլաշվիլիի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը
ՀՀ քրեական օրենսգրքի 63-րդ հոդվածի 1-ին մասի 14-րդ կետի համաձայն` պատասխանատվությունը և պատիժը ծանրացնող հանգամանք է` հանցանքն ալկոհոլի ազդեցության տակ կատարելը:
Դատարանը, նկատի ունենալով, որ Դավիթ Գոգիլաշվիլին քրեական օրենսգրքով նախատեսված արարքը կատարել է ալկոհոլի ազդեցության տակ, գտնում է, որ նրա պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Դավիթ Գոգիլաշվիլին ենթակա է քրեական պատասխանատվության և պատժի:
ՀՀ քրեական օրենսգրքի 61-րդ հոդվածի 3-րդ մասի համաձայն` հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները:
Դատարանը, հաշվի առնելով Դավիթ Գոգիլաշվիլիի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
ՀՀ քրեական օրենսգրքի 69-րդ հոդվածի 5-րդ մասի համաձայն` մինչև դատական քննությունը կալանքի տակ գտնվող անձի նկատմամբ տուգանքի ձևով պատիժ նշանակելիս դատարանը, հաշվի առնելով կալանքի տակ պահելու ժամկետը, մեղմացնում է նշանակված պատիժը կամ լրիվ ազատում է պատիժը կրելուց, իսկ ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից: Դատարանը, նկատի ունենալով, որ սույն գործով ամբաստանյալ Դավիթ Գոգիլաշվիլին 2010 թվականի նոյեմբերի 16-ից 19-ը գտնվել է կալանքի տակ, գտնում է, որ նրա նկատմամբ տուգանքի ձևով նշանակվող պատժի չափը պետք է մեղմացնել:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 1-ին կետի 3-րդ ենթակետի համաձայն` պատժից պետք է ազատել, բացառությամբ այդ որոշման 8-րդ կետի 4-րդ և 5-րդ ենթակետերով նախատեսված դեպքերի, այն անձանց, որոնց նկատմամբ նշանակվել է ազատությունից զրկելու հետ չկապված պատիժ: Նույն որոշման 15-րդ կետի համաձայն` Համաներման որոշումը կիրառվում է այն անձանց նկատմամբ, որոնք հանցագործություն են կատարել մինչև 2011 թվականի մայիսի 1-ը ներառյալ, իսկ Դավիթ Գոգիլաշվիլին հանրորեն վտանգավոր արարքը կատարել է 2010 թվականի նոյեմբերի 14-ին: Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Դավիթ Գոգիլաշվիլիի նկատմամբ Համաներման որոշման կիրառման համար: Հիմք ընդունելով վերը նշվածը` Դատարանը գտնում է, որ ամբաստանյալ Դավիթ Գոգիլաշվիլիին Համաներման որոշման կիրառմամբ պետք է ազատել նշանակված պաժից:
Դատարանը գտնում է, որ դատավճիռն օրինական ուժի մեջ մտնելուց հետո Դավիթ Գոգիլաշվիլիի նկատմամբ ընտրված խափանման միջոցը` գրավը, պետք է վերացնել:
Վերը նշված փաստերի հիման վրա Դատարանը գալիս է այն եզրահանգման, որ Դավիթ Վախթանգի Կոբախիձեն, Դավիթ Զազայի Գոգիլաշվիլիի, Արչիլ Զաուրի Ջաիանիի և Գոդերձի Անզորի Պատարիձեի հետ միասին, 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56ա հասցեում գտնվող «Քալյումե» բարում դիտավորությամբ կոպիտ կերպով խախտել է հասարակական կարգը և բացահայտ անհարգալից վերաբերմունք դրսևորել հասարակության նկատմամբ, որը զուգորդվել է գործով ինքնությունները չպարզված անձանց նկատմամբ բռնություն գործադրելով:
Դատարանը անդրադառնալով որպես զենք օգտագործվող առարկաների` գարեջրի դատարկ տարաների և ապակյա մոխրամանների գործադրմամբ խուլիգանություն կատարելու համար Դավիթ Կոբախիձեին առաջադրված մեղադրանքին և նկատի ունենալով, որ վերոգրյալ հիմնավորմամբ չի հաստատվել Դավիթ Կոբախիձեի կողմից շշեր և մոխրամաններ նետելու փաստը, գտնում է, որ Դավիթ Կոբախիձեի արարքում բացակայում է ՀՀ քրեական օրենսգրքի 258-րդ հոդվածի 4-րդ մասով նախատեսված` արարքը որակյալ դարձնող հատկանիշը` զենքի կամ որպես զենք օգտագործվող առարկայի գործադրումը, իսկ նրա կատարած արարքը համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներին:
Ելնելով վերոգրյալից և հաշվի առնելով մեղադրանքի փոփոխության վերաբերյալ վերը նշված հիմնավորումները` Դատարանը գտնում է, որ ամբաստանյալ Դավիթ Վախթանգի Կոբախիձեին վերագրվող արարքի իրավաբանական որակումը` ՀՀ քրեական օրենսգրքի 258-րդ հոդվածի 4-րդ մասից պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ապացուցված է Դավիթ Վախթանգի Կոբախիձեի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարքը կատարելու մեջ:
Դավիթ Կոբախիձեի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը և կատարածի համար զղջալը:
Դատարանը գտնում է, որ Դավիթ Կոբախիձեի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը, նկատի ունենալով, որ Դավիթ Կոբախիձեն քրեական օրենսգրքով նախատեսված արարքը կատարել է ալկոհոլի ազդեցության տակ, գտնում է, որ նրա պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Դավիթ Կոբախիձեն ենթակա է քրեական պատասխանատվության և պատժի:
Դատարանը, հաշվի առնելով Դավիթ Կոբախիձեի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը, նկատի ունենալով, որ սույն գործով ամբաստանյալ Դավիթ Կոբախիձեն 2010 թվականի նոյեմբերի 16-ից 19-ը գտնվել է կալանքի տակ, վերոգրյալ հիմնավորումներով գտնում է, որ նրա նկատմամբ տուգանքի ձևով նշանակվող պատժի չափը պետք է մեղմացնել:
Դատարանը, հիմք ընդունելով Համաներման որոշման կիրառման վերաբերյալ վերը նշված հիմնավորումները և հաշվի առնելով, որ Դավիթ Կոբախիձեն հանրորեն վտանգավոր արարքը կատարել է 2010 թվականի նոյեմբերի 14-ին, գտնում է, որ ամբաստանյալ Դավիթ Կոբախիձեին Համաներման որոշման կիրառմամբ պետք է ազատել նշանակված պաժից:
Դատարանը գտնում է, որ դատավճիռն օրինական ուժի մեջ մտնելուց հետո Դավիթ Կոբախիձեի նկատմամբ ընտրված խափանման միջոցը` գրավը, պետք է վերացնել:
Վերը նշված փաստերի հիման վրա Դատարանը գալիս է այն եզրահանգման, որ Արչիլ Զաուրի Ջաիանին, Դավիթ Վախթանգի Կոբախիձեի, Դավիթ Զազայի Գոգիլաշվիլիի և Գոդերձի Անզորի Պատարիձեի հետ միասին, 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56ա հասցեում գտնվող «Քալյումե» բարում դիտավորությամբ կոպիտ կերպով խախտել է հասարակական կարգը և բացահայտ անհարգալից վերաբերմունք դրսևորել հասարակության նկատմամբ, որը զուգորդվել է գործով ինքնությունները չպարզված անձանց նկատմամբ բռնություն գործադրելով:
Դատարանը անդրադառնալով որպես զենք օգտագործվող առարկաների` գարեջրի դատարկ տարաների և ապակյա մոխրամանների գործադրմամբ խուլիգանություն կատարելու համար Արչիլ Ջաիանիին առաջադրված մեղադրանքին և նկատի ունենալով, որ վերոգրյալ հիմնավորմամբ չի հաստատվել Արչիլ Ջաիանիի կողմից շշեր և մոխրամաններ նետելու փաստը, գտնում է, որ Արչիլ Ջաիանիի արարքում բացակայում է ՀՀ քրեական օրենսգրքի 258-րդ հոդվածի 4-րդ մասով նախատեսված` արարքը որակյալ դարձնող հատկանիշը` զենքի կամ որպես զենք օգտագործվող առարկայի գործադրումը, իսկ նրա կատարած արարքը համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներին:
Ելնելով վերոգրյալից և հաշվի առնելով մեղադրանքի փոփոխության վերաբերյալ վերը նշված հիմնավորումները` Դատարանը գտնում է, որ ամբաստանյալ Արչիլ Զաուրի Ջաիանիին վերագրվող արարքի իրավաբանական որակումը` ՀՀ քրեական օրենսգրքի 258-րդ հոդվածի 4-րդ մասից պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ապացուցված է Արչիլ Զաուրի Ջաիանիի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարքը կատարելու մեջ:
Արչիլ Ջաիանիի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը և կատարածի համար զղջալը:
Դատարանը գտնում է, որ Արչիլ Ջաիանիի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը, նկատի ունենալով, որ Արչիլ Ջաիանին քրեական օրենսգրքով նախատեսված արարքը կատարել է ալկոհոլի ազդեցության տակ, գտնում է, որ նրա պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Արչիլ Ջաիանին ենթակա է քրեական պատասխանատվության և պատժի:
Դատարանը, հաշվի առնելով Արչիլ Ջաիանիի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը, նկատի ունենալով, որ սույն գործով ամբաստանյալ Արչիլ Ջաիանին 2010 թվականի նոյեմբերի 16-ից 19-ը գտնվել է կալանքի տակ, վերոգրյալ հիմնավորումներով գտնում է, որ նրա նկատմամբ տուգանքի ձևով նշանակվող պատժի չափը պետք է մեղմացնել:
Դատարանը, հիմք ընդունելով Համաներման որոշման կիրառման վերաբերյալ վերը նշված հիմնավորումները և հաշվի առնելով, որ Արչիլ Ջաիանին հանրորեն վտանգավոր արարքը կատարել է 2010 թվականի նոյեմբերի 14-ին, գտնում է, որ ամբաստանյալ Արչիլ Ջաիանիին Համաներման որոշման կիրառմամբ պետք է ազատել նշանակված պաժից:
Դատարանը գտնում է, որ դատավճիռն օրինական ուժի մեջ մտնելուց հետո Արչիլ Ջաիանիի նկատմամբ ընտրված խափանման միջոցը` գրավը, պետք է վերացնել:
Վերը նշված փաստերի հիման վրա Դատարանը գալիս է այն եզրահանգման, որ Գոդերձի Անզորի Պատարիձեն, Արչիլ Զաուրի Ջաիանի, Դավիթ Վախթանգի Կոբախիձեի և Դավիթ Զազայի Գոգիլաշվիլիի հետ միասին, 2010 թվականի նոյեմբերի 14-ին` ժամը 01:30-ի սահմաններում, Երևան քաղաքի Պուշկինի 56ա հասցեում գտնվող «Քալյումե» բարում դիտավորությամբ կոպիտ կերպով խախտել է հասարակական կարգը և բացահայտ անհարգալից վերաբերմունք դրսևորել հասարակության նկատմամբ, որը զուգորդվել է գործով ինքնությունները չպարզված անձանց նկատմամբ բռնություն գործադրելով:
Դատարանը անդրադառնալով որպես զենք օգտագործվող առարկաների` գարեջրի դատարկ տարաների և ապակյա մոխրամանների գործադրմամբ խուլիգանություն կատարելու համար Գոդերձի Պատարիձեին առաջադրված մեղադրանքին և նկատի ունենալով, որ վերոգրյալ հիմնավորմամբ չի հաստատվել Գոդերձի Պատարիձեի կողմից շշեր և մոխրամաններ նետելու փաստը, գտնում է, որ Գոդերձի Պատարիձեի արարքում բացակայում է ՀՀ քրեական օրենսգրքի 258-րդ հոդվածի 4-րդ մասով նախատեսված` արարքը որակյալ դարձնող հատկանիշը` զենքի կամ որպես զենք օգտագործվող առարկայի գործադրումը, իսկ նրա կատարած արարքը համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետի հատկանիշներին:
Ելնելով վերոգրյալից և հաշվի առնելով մեղադրանքի փոփոխության վերաբերյալ վերը նշված հիմնավորումները` Դատարանը գտնում է, որ ամբաստանյալ Գոդերձի Անզորի Պատարիձեին վերագրվող արարքի իրավաբանական որակումը` ՀՀ քրեական օրենսգրքի 258-րդ հոդվածի 4-րդ մասից պետք է վերաորակել ՀՀ քրեական օրենսգրքի 258-րդ հոդվածի 3-րդ մասի 1-ին կետով:
Ապացուցված է Գոդերձի Անզորի Պատարիձեի մեղավորությունը ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված արարքը կատարելու մեջ:
Գոդերձի Պատարիձեի անձը դրականորեն բնութագրող հանգամանքներ են բարձրագույն ուսումնական հաստատությունում սովորելը և կատարածի համար զղջալը:
Դատարանը գտնում է, որ Գոդերձի Պատարիձեի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Դատարանը, նկատի ունենալով, որ Գոդերձի Պատարիձեն քրեական օրենսգրքով նախատեսված արարքը կատարել է ալկոհոլի ազդեցության տակ, գտնում է, որ նրա պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Գոդերձի Պատարիձեն ենթակա է քրեական պատասխանատվության և պատժի:
Դատարանը, հաշվի առնելով Գոդերձի Պատարիձեի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալը, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Դատարանը, նկատի ունենալով, որ սույն գործով ամբաստանյալ Գոդերձի Պատարիձեն 2010 թվականի նոյեմբերի 16-ից 19-ը գտնվել է կալանքի տակ, վերոգրյալ հիմնավորումներով գտնում է, որ նրա նկատմամբ տուգանքի ձևով նշանակվող պատժի չափը պետք է մեղմացնել:
Դատարանը, հիմք ընդունելով Համաներման որոշման կիրառման վերաբերյալ վերը նշված հիմնավորումները և հաշվի առնելով, որ Գոդերձի Պատարիձեն հանրորեն վտանգավոր արարքը կատարել է 2010 թվականի նոյեմբերի 14-ին, գտնում է, որ ամբաստանյալ Գոդերձի Պատարիձեին Համաներման որոշման կիրառմամբ պետք է ազատել նշանակված պաժից:
Դատարանը գտնում է, որ դատավճիռն օրինական ուժի մեջ մտնելուց հետո Գոդերձի Պատարիձեի նկատմամբ ընտրված խափանման միջոցը` գրավը, պետք է վերացնել:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2011 թվականի փետրվարի 2-ի որոշմամբ իրեղեն ապացույց ճանաչված` Դավիթ Գոգիլաշվիլիի սպիտակ վարնաշապիկը պետք է վերադարձնել Դավիթ Գոգիլաշվիլիին, ծղոտե փայտը` Հրաջ Բեդվարդ-Դավիդյանին, իսկ երեք անձեռոցիկները, դեպքի վայրից առգրավված` կոտրված շշերի, բաժակների և մոխրամանների ապակյա կտորները` ոչնչացնել:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալներից ենթակա չեն բռնագանձման, քանի որ տուժողը, հնարավորություն ունենալով ներկայացնելու իր շահերը, ամբաստանյալներին որևէ պահանջ չի ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 2-6-րդ կետերով նախատեսված դատական ծախսերին, ապա դրանք նույնպես ամբաստանյալներից ենթակա չեն բռնագանձման, քանի որ 4-րդ և 6-րդ կետերով նախատեսված դատական ծախսեր ընդհանրապես չկան, իսկ 2-րդ, 3-րդ և 5-րդ կետերով նախատեսված ծախսերի վերաբերյալ տվյալները բացակայում են, ավելին` նման պահանջ Դատարան չի ներկայացվել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ 168-րդ, 309-րդ, 357-360-րդ, 365-րդ և 369-372-րդ հոդվածներով` Դատարանը


ՎՃՌԵՑ

Դավիթ Զազայի Գոգիլաշվիլիին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
ՀՀ քրեական օրենսգրքի 69-րդ հոդվածի 5-րդ մասի կիրառմամբ Դավիթ Զազայի Գոգիլաշվիլիի նկատմամբ նշանակված պատիժը մեղմացնել և վերջնական պատիժ նշանակել տուգանք` նվազագույն աշխատավարձի չորսհարյուրութսունապատիկի չափով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 3-րդ ենթակետի կիրառմամբ Դավիթ Զազայի Գոգիլաշվիլիին պատժից ազատել:
Դատավճիռն օրինական ուժի մեջ մտնելուց հետո Դավիթ Զազայի Գոգիլաշվիլիի նկատմամբ ընտրված խափանման միջոցը` գրավը, վերացնել:
Դավիթ Վախթանգի Կոբախիձեին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
ՀՀ քրեական օրենսգրքի 69-րդ հոդվածի 5-րդ մասի կիրառմամբ Դավիթ Վախթանգի Կոբախիձեի նկատմամբ նշանակված պատիժը մեղմացնել և վերջնական պատիժ նշանակել տուգանք` նվազագույն աշխատավարձի չորսհարյուրութսունապատիկի չափով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 3-րդ ենթակետի կիրառմամբ Դավիթ Վախթանգի Կոբախիձեին պատժից ազատել:
Դատավճիռն օրինական ուժի մեջ մտնելուց հետո Դավիթ Վախթանգի Կոբախիձեի նկատմամբ ընտրված խափանման միջոցը` գրավը, վերացնել:
Արչիլ Զաուրի Ջաիանիին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
ՀՀ քրեական օրենսգրքի 69-րդ հոդվածի 5-րդ մասի կիրառմամբ Արչիլ Զաուրի Ջաիանիի նկատմամբ նշանակված պատիժը մեղմացնել և վերջնական պատիժ նշանակել տուգանք` նվազագույն աշխատավարձի չորսհարյուրութսունապատիկի չափով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 3-րդ ենթակետի կիրառմամբ Արչիլ Զաուրի Ջաիանիին պատժից ազատել:
Դատավճիռն օրինական ուժի մեջ մտնելուց հետո Արչիլ Զաուրի Ջաիանիի նկատմամբ ընտրված խափանման միջոցը` գրավը, վերացնել:
Գոդերձի Անզորի Պատարիձեին մեղավոր ճանաչել ՀՀ քրեական օրենսգրքի 258-րդ հոդվածի 3-րդ մասի 1-ին կետով և պատիժ նշանակել տուգանք` նվազագույն աշխատավարձի հինգհարյուրապատիկի չափով:
ՀՀ քրեական օրենսգրքի 69-րդ հոդվածի 5-րդ մասի կիրառմամբ Գոդերձի Անզորի Պատարիձեի նկատմամբ նշանակված պատիժը մեղմացնել և վերջնական պատիժ նշանակել տուգանք` նվազագույն աշխատավարձի չորսհարյուրութսունապատիկի չափով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 3-րդ ենթակետի կիրառմամբ Գոդերձի Անզորի Պատարիձեին պատժից ազատել:
Դատավճիռն օրինական ուժի մեջ մտնելուց հետո Գոդերձի Անզորի Պատարիձեի նկատմամբ ընտրված խափանման միջոցը` գրավը, վերացնել:
Դատավճիռն օրինական ուժի մեջ մտնելուց հետո 2011 թվականի փետրվարի 2-ի որոշմամբ իրեղեն ապացույց ճանաչված` Դավիթ Գոգիլաշվիլիի սպիտակ վարնաշապիկը վերադարձնել Դավիթ Գոգիլաշվիլիին, ծղոտե փայտը վերադարձնել Հրաջ Բեդվարդ-Դավիդյանին, իսկ երեք անձեռոցիկները, դեպքի վայրից առգրավված` կոտրված շշերի, բաժակների և մոխրամանների ապակյա կտորները` ոչնչացնել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ