Ո Ր Ո Շ ՈՒ Մ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.


նախագահող դատավոր` Մ. Մարտիրոսյան,
քարտուղար` Տ. Գրիգորյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների
դատախազության դատախազներ Ռ. Բունիաթյանի,
Ս. Հարությունյանի,

ամբաստանյալ Ա. Մուրադյանի,

պաշտպան Ս. Միրզոյանի,

տուժող Գ. Սիմոնյանի,
տուժողի օրինական ներկայացուցիչ Ի. Հախվերդյանի,



2011թ. մայիսի 27-ին, դատարանում, դռնբաց դատական նիստում, քննելով ԵԿԴ-0022/01/11 (13102211) քրեական գործն ըստ մեղադրանքի
Արմեն Վանիկի Մուրադյանի`
ծնված 1988թ. հունիսի 20-ին Երևանում, հայ, Հայաստանի Հանրապետության քաղաքացի, միջնակարգ-մասնագիտական կրթությամբ, ամուրի, նախկինում չդատված, բնութագրվում է դրական, բնակվել է Արարատի մարզի Վանաշեն գյուղում, կալանքի տակ է 26.01.2010թ.-ից, մեղադրվում է ՀՀ քրեական օրենսգրքի 141-րդ հոդվածով,

Պ Ա Ր Զ Ե Ց

Արմեն Վանիկի Մուրադյանին մեղադրանք է առաջադրվել ՀՀ քրեական օրենսգրքի 141-րդ հոդվածով հետևյալ արարքի համար. «որ նա` սեքսուալ բնույթի գործողություններ է կատարել տասնվեց տարին չլրացած Գոհար Արսենի Սիմոնյանի հետ։
Այսպես. Ա. Մուրադյանը 2010թ. դեկտեմբերի սկզբներին Երևան քաղաքի Նորագավիթ թաղամասում ծանոթացել է անչափահաս՝ 21.02.1998թ. ծնված, Գոհար Արսենի Սիմոնյանի հետ, ապա՝ ժամանակի ընթացքում բազմիցս հեռախոսզրույցներ են ունեցել և նրանց միջև ձևավորվել են մտերիմ փոխհարաբերություններ։
2011թ. հունվարի 25-ին, ժամը 16։00-ի սահմաններում, Ա. Մուրադյանը պայմանավորվածության համաձայն Երևան քաղաքի Էրեբունի փողոցի թիվ 29 շենքի բակում հանդիպել է Գ. Սիմոնյանին և առաջարկել է շրջել Երևան քաղաքում և ժամանակ անցկացնել։ Վերջինս համաձայնել է և Ա. Մուրադյանի հետ երթուղային տաքսիով եկել են <<Այրարատ>> կինոթատրոնի դիմաց գտնվող այգի և զբոսնել։ Նույն օրը, ժամը 17.00-ի սահմաններում Գ. Սիմոնյանը և Ա. Մուրադյանը վերջինիս առաջարկով գնացել են Երևան քաղաքի Վարդանանց փողոցի թիվ 15 հասցեում գործող «Գրին» բար, որտեղ առանձնացել են Ա. Մուրադյանի պատվիրած առանձնասենյակում։ Բարում Գ. Սիմոնյանը և Ա. Մուրադյանը սուրճ են խմել, որից հետո վերջինս կողպել է առանձնասենյակի դուռը, անջատել լույսը, ապա՝ Գ. Սիմոնյանի հետ սեքսուալ բնույթի գործողություններ կատարելով՝ համբուրել է նրա շուրթերը, ձեռք տվել մարմնի ինտիմ մասերին, որից հետո հանել է Գ. Սիմոնյանի, ապա՝ նաև իր հագուստները, առնանդամը ձգված վիճակում մոտեցրել և հպել է Գ. Սիմոնյանի հետույքի և հեշտոցի հատվածներին։»։
2011թ. մարտի 2-ին դատարան է ստացվել տուժող Գոհարիկ Սիմոնյանի և նրա մոր` տուժողի օրինական ներկայացուցիչ Իսկուհի Գրանտի Հախվերդյանի 25.02.2011թ. դիմումն այն մասին, որ ամբաստանյալ Ա. Մուրադյանի հարազատները կամովին հատուցել են պատճառված բոլոր վնասները, այդ թվում տուժողի բուժման հետ կապված բոլոր ծախսերը, իրենք ամբաստանյալից որևէ պահանջ չունեն, քաղաքացիական հայց չեն ներկայացնում։ Իրենք ընտանիքի անդամներով ներել են նրան։
Դատական քննության ընթացքում տուժողն ու նրա օրինական ներկայացուցիչը պնդեցին իրենց դիմումում նշված հանգամանքները։
2011թ. մայիսի 27-ին, դատական նիստում ամբաստանյալ Արմեն Վանիկի Մուրադյանը միջնորդեց իր նկատմամբ քրեական հետապնդումը դադարեցնել` համաներման ակտի կիրառման հիմքով։
Պաշտպանը միացավ միջնորդությանը։
Մեղադրողը միջնորդության դեմ չառարկեց։
Քննարկելով միջնորդությունը` դատարանը գտնում է հետևյալը.
ՀՀ քրեական օրենսգրքի 82-րդ հոդվածի համաձայն` «Հանցանք կատարած անձն oրենuդիր մարմնի կողմից ընդունվող համաներման ակտով կարող է ազատվել քրեական պատաuխանատվությունից, ...»։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «... քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե` ... ընդունվել է համաներման ակտ։…
Սույն հոդվածի առաջին մասի 13-րդ կետում նշված հիմքով գործի … վարույթի կարճում և քրեական հետապնդման դադարեցում չի թույլատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։»։
Նույն հոդվածի 5-րդ մասի համաձայն` «Դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը։»։
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի համաձայն` որոշվել է «... կարճել մինչև 2011թ, մայիսի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, ... որոնցով` անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում.»։
ՀՀ քրեական օրենսգրքի 141-րդ հոդվածով նախատեսված` ազատազրկման ձևով պատժի առավելագույն ժամկետը երկու տարի է։
Դատական քննությամբ հիմնավորվել է, որ տուժողին պատճառված վնասը հարթվել է` հատուցվել են նրա բուժման հետ կապված ծախսերը, տուժող կողմն ամբաստանյալի դեմ որևէ պահանջ չի ներկայացրել, տուժողի և ամբաստանյալի միջև հատուցման ենթակա վնասի կապակցությամբ վեճ առկա չէ։
Այսպիսով, ամբաստանյալ Արմեն Վանիկի Մուրադյանի նկատմամբ համաներման կիրառման համար, վերոհիշյալ որոշման 9-րդ կետով սահմանված որևէ սահմանափակում առկա չէ, որի պատճառով համաներման ակտը նրա նկատմամբ ենթակա է կիրառման։
Հետևաբար «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը սույն քրեական գործի վարույթը բացառող հանգամանք է, որի պատճառով գործի վարույթը ենթակա է կարճման, ամբաստանյալ Արմեն Մուրադյանի նկատմամբ քրեական հետապնդումը ենթակա է դադարեցման, իսկ նրա նկատմամբ ընտրված խափանման միջոց կալանավորումը ենթակա է վերացման։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի` 35-րդ հոդվածի 1-ին մասի 13-րդ կետով, 5-րդ մասով, 41-րդ հոդվածով, 312-րդ, 313-րդ հոդվածներով, «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետով և 13-րդ կետի 1-ին ենթակետի ա/ պարբերությամբ, դատարանը

Ո Ր Ո Շ Ե Ց

Ամբաստանյալ Ա. Մուրադյանի միջնորդությունը բավարարել։
ԵԿԴ-0022/01/11 (13102211) քրեական գործի վարույթն ըստ մեղադրանքի Արմեն Վանիկի Մուրադյանի` ՀՀ քրեական օրենսգրքի 141-րդ հոդվածով, կարճել և այդ հոդվածով նրա նկատմամբ քրեական հետապնդումը դադարեցնել` համաներման ակտ ընդունվելու, այն է` «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման ընդունման պատճառաբանությամբ։
Արմեն Վանիկի Մուրադյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստի դահլիճում։
Սույն որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։


ԴԱՏԱՎՈՐ՝ Մ. ՄԱՐՏԻՐՈՍՅԱՆ