ԵԿԴ/0019/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
29 հուլիսի 2011թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`
նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Տ.ՏՈՆՈՅԱՆԻ
Ա.ՔՈՉԱՐՅԱՆԻ
մասնակցությամբ`
մեղադրող Լ.ՉԱԽԻՖԱԼԱԿՅԱՆԻ
ամբաստանյալներ Օ.ՉԱՐՄԱԴՈՎԻ
Ա.ՀԱԿՈԲՅԱՆԻ
Ա.ԳՐԻԳՈՐՅԱՆԻ
պաշտպաններ Հ.ԲԱՂԴԱՍԱՐՅԱՆԻ
Հ.ԻՍՐԱՅԵԼՅԱՆԻ
Ս.ՄԿՐՏՉՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
1. Օդիսեյ Իրակլիի Չարմադովի` ծնված 02.05.1972թ. Աբխազիայի Հանրապետության Գալի քաղաքում, ազգությամբ հույն, ՀՀ քաղաքացի, իր հայտարարությամբ ամուսնացած, ութ-ամյա կրթությամբ, առողջ, նախկինում դատված` 1. Երևան քաղաքի նախկին Ավան և Նոր Նորք համայնքների առաջին ատյանի դատարանի 13.05.2002թ. դատավճռով ՀՀ նախկին քրեական օրենսգրքի 180-րդ հոդվածի 2-րդ մասով դատապարտվել է ազատազրկման 3 տարի 6 ամիս ժամկետով, պատժից պայմանական վաղաժամկետ ազատվել է 24.10.2002թ-ին, 2. Երևան քա-ղաքի նախկին Կենտրոն և Նորք-Մարաշ համայնքների առաջին ատյանի դատարանի 04.02. 2005թ. դատավճռով ՀՀ քրեական օրենսգրքի 175-րդ հոդվածի 2-րդ մասի 1-ին, 3-րդ, 4-րդ, 177-րդ հոդվածի 2-րդ մասի 1-ին, 3-րդ, 4-րդ և 5-րդ կետերով ու 235-րդ հոդվածի 1-ին մասով` նույն օրենսգրքի 66-րդ հոդվածի 4-րդ կետի համաձայն, դատապարտվել է ազատազրկման 8 տարի 6 ամիս ժամկետով, ՀՀ նախկին քրեական և զինվորական գործերով վերաքննիչ դատարանի 20.07.2005թ. դատավճռով` նույն հոդվածներով` ՀՀ քրեական օրենսգրքի 66-րդ հոդվածի համա-ձայն, դատապարտվել է ազատազրկման 8 տարի ժամկետով, պատիժ է կրել քրեակատարողա-կան հիմնարկում, որպես մեղադրյալ ներգրավվելու օրվա դությամբ ունեցել է 6 ամիս 23 օր ժամ-կետով չկրած պատիժ, բնակվել է` ք.Երևան« Ավան Առինջ թաղամասի 5-րդ շենք, բնակարան հ. 5, մեղադրվում է ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով,
2. Արթուր Գեորգիի Հակոբյանի` ծնված 28.03.1967թ. ք.Երևանում, ազգությամբ հայ, ՌԴ քաղաքացի, ամուսնացած, խնամքին 4 անձ, միջնակարգ կրթությամբ, իր հայտարարությամբ` վատառողջ, նախկինում դատված` Երևան քաղաքի նախկին Ավան և Նոր Նորք համայնքների ընդհանուր իրավասության դատարանի 07.08.2009թ. դատավճռով ՀՀ քրեական օրենսգրքի 266-րդ և 268-րդ հոդվածների 1-ին մասերով` նույն օրենսգրքի 66-րդ հոդվածի համաձայն, դատա-պարտվել է ազատազրկման 3 տարի 6 ամիս ժամկետով, պատիժ է կրում քրեակատարողական հիմնարկում, որպես մեղադրյալ ներգրավվելու օրվա դությամբ ունի 2 տարի 5 ամիս 17 օր ժամ-կետով չկրած պատիժ, բնակվել է ք.Երևան, Սարկավագի փողոց, 131/1-րդ շենք, բնակարան հ. 22, մեղադրվում է ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով,
3. Արտաշես Ալբերտի Գրիգորյանի` ծնված 29.08.1969թ. ք.Երևանում, ազգությամբ հայ, ՀՀ քաղաքացի, ամուսնացած, խնամքին 4 անձ, միջնակարգ կրթությամբ, իր հայտարարութ-յամբ` որպես վարորդ աշխատել է «2x2» տաքսի ծառայությունում և վատառողջ, նախկինում դատված` Երևան քաղաքի նախկին Էրեբունի և Նուբարաշեն համայնքների առաջին ատյանի դատարանի 21.12.2007թ. դատավճռով ՀՀ քրեական օրենսգրքի 175-րդ հոդվածի 2-րդ մասի 1-ին, 2-րդ 3-րդ և 4-րդ կետերով դատապարտվել է ազատազրկման 4 տարի ժամկետով, նույն դատա-րանի 23.10.2009թ. որոշմամբ պայմանական վաղաժամկետ ազատվել է 1 տարի 10 ամիս 14 օր ժամկետով չկրած պատժից, արգելանքի տակ է 2010թ. սեպտեմբերի 28-ից, բնակվել է` ք.Երևան, Արցախի պողոտա, հ. 18ա շենք, բնակարան հ. 53, մեղադրվում է ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2010թ. սեպտեմբերի 28-ի որոշմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով հարուցել է թիվ 13148610 քրեական գործը։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2010թ. սեպտեմբերի 28-ին ձերբակալել է Արտաշես Ալբերտի Գրիգորյանին, ում 2010թ. սեպտեմբերի 30-ի որոշմամբ ներգրավել է որպես մեղադրյալ և մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ ու 3-րդ կետերով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի 2010թ. սեպտեմբերի 30-ի որոշմամբ Ա.Գրիգորյանի նկատմամբ` որպես խա-փանման միջոց, ընտրվել է կալանավորումը երկու ամիս ժամկետով, նույն դատարանի 2010թ. նոյեմբերի 22-ի որոշմամբ մեղադրյալին կալանքի տակ պահելու ժամկետը երկարացվել է երկու ամսով` մինչև 2011թ. հունվարի 28-ը, իսկ 2011թ. հունվարի 24-ի որոշմամբ` մինչև 2011թ. փետըր-վարի 28-ը։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2010թ. նոյեմբերի 25-ի որոշմամբ Օդիսեյ Իրակլիի Չարմադովին ներգրավել է որ-պես մեղադրյալ և նրան մեղադրանք է առաջադրել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով, իսկ 2010թ. նոյեմբերի 26-ի որոշմամբ Ալբերտ Հենրիկի Բախշյանին ներ-գրավել է որպես մեղադրյալ ՀՀ քրեական օրենսգրքի 266-րդ հոդվածի 2-րդ մասի 2-րդ ու 3-րդ կե-տերով։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Է.Պետրոսյանը 2010թ. նոյեմբերի 18-ի որոշումներով Ալբերտ Հենրիկի Բախշյանին ներգրավել է որպես մեղադրյալ և հայտարարել է մեղադրյալի հետախուզում։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի 2010թ. նոյեմբերի 18-ի որոշմամբ Ա.Բախշյանի նկատմամբ` որպես խափան-ման միջոց, ընտրվել է կալանավորումը` երկու ամիս ժամկետով` կալանքի սկիզբը հաշվելով նրան փաստացի արգելանքի վերցնելու օրվանից։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2010թ. դեկտեմբերի 14-ի որոշումներով Ա.Գրիգորյանին առաջադրված մեղադը-րանքը փոփոխել, նրան ներգրավել է որպես մեղադրյալ ու մեղադրանք է առաջադրել ՀՀ քրեա-կան օրենսգրքի 38-268-րդ հոդվածի 2-րդ մասի 2-րդ կետով։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2011թ. փետրվարի 2-ի որոշմամբ Արթուր Գեորգիի Հակոբյանին ներգրավել է որ-պես մեղադրյալ և նրան մեղադրանք է առաջադրել 38-268-րդ 2-րդ մասի 1-ին ու 2-րդ կետերով։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Գ.Սաղոյանը 2011թ. փետրվարի 4-ի որոշմամբ թիվ 13148610 քրեական գործից անջատել է մեղադրյալ Ա.Բախշյանի վերաբերյալ մասը թիվ 13107211 համարով։
2011թ. փետրվարի 15-ին թիվ 13148610 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի (դատավոր Գ.Պողոսյան) 2011թ. փետրվարի 18-ի որոշմամբ Արթուր Գեորգիի Հակոբյանի վերաբերյալ ՀՀ քրեական օրենսգրքի 38-268-րդ հոդվածի 2-րդ մասի 1-ին և 2-րդ կե-տերով, Օդիսեյ Իրակլիի Չարմադովի վերաբերյալ ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով և Արտաշես Ալբերտի Գրիգորյանի վերաբերյալ ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով քրեական գործն ընդունվել է վարույթ, իսկ 2011թ. փետրվարի 28-ի որոշմամբ նշանակվել է դատաքննության։
Մեղադրող Լ.Չարխիֆալակյանը 2011թ. հուլիսի 26-ի որոշումներով Ա.Հակոբյանին և Ա. Գրիգորյանին առաջադրված մեղադրանքները փոփոխել և Ա.Հակոբյանին նոր մեղադրանք է առաջադրել ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով, իսկ Ա.Գրի-գորյանին` ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով։
Ամբաստանյալ Օ.Չարմադովին ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. «ՀՀ ԱՆ «Էրեբունի» քրեակա-տարողական հիմնարկում պատիժը կրելու ընթացքում առանց իրացնելու նպատակի փորձել է ապօրինի ձեռք բերել խոշոր չափի` 2,33 գրամ «ացետիլացված ափիոն» տեսակի թմրամիջոց։
Այսպես. Օ.Չարմադովը ՀՀ քրեական օրենսգրքի 175-րդ հոդվածի 2-րդ մասի 1-ին, 3-րդ և 4-րդ կետերով, 177-րդ հոդվածի 2-րդ մասի 1-ին, 3-րդ, 4-րդ և 5-րդ կետերով և 235 հոդվածի 1-ին մասով նախատեսված հանցագործություններ կատարելու համար 2005թ. հուլիսի 20-ին ՀՀ քրեական և զինվորական գործերով վերաքննիչ դատարանի կողմից դատապարտվել է ութ տա-րի ազատազրկման և պատիժը կրել ՀՀ ԱՆ «Էրեբունի» քրեակատարողական հիմնարկում։ Օ. Չարմադովը պատիժը կրելու ընթացքում մտերիմ փոխհարաբերությունների մեջ է գտնվել նույն հիմնարկի դատապարտյալ Արտաշես Ալբերտի Գրիգորյանի հետ, որը պատժավայրից ազատ-վելուց հետո Օ.Չարմադովի հետ շարունակել է հեռախոսակապ պահպանել։
Օ.Չարմադովը պատիժը կրելու ընթացքում՝ 2010թ. սեպտեմբերի 28-ին, նպատակադրվել է իր գործածման համար ապօրինի խոշոր չափի՝ 2,33 գրամ, «ացետիլացված ափիոն» տեսակի թմրամիջոց ձեռք բերել, որի համար չպարզված եղանակով իր ծանոթ՝ թմրամիջոցների իրաց-մամբ զբաղվող, Ալբերտ Հենրիկի Բախշյանին է փոխանցել 80.000 ՀՀ դրամ գումար, ապա՝ Ա. Բախշյանից վերը նշված թմրամիջոցը վերցնելու և հանձնուքի տեսքով դատապարտյալ Արթուր Հակոբյանի մորը փոխանցելու համար պայմանավորվածություն ձեռք բերելու նպատակով նույն օրը` ժամը 0852-ի սահմաններում, իր կողմից շահագործվող 094 01-34-62 բջջային հեռախո-սահամարով զանգահարել է Ա.Գրիգորյանին։ Օ.Չարմադովը հեռախոսային խոսակցության ըն-թացքում Ա.Գրիգորյանին հայտնել է Ա.Բախշյանի մոտ իր համար նախատեսված թմրամիջոցի առկայության մասին, ապա, տեղեկանալով, որ Ա.Գրիգորյանը մեթադոնային բուժման կուրս անցնելու նպատակով գնալու է ՀՀ ԱՆ «Հոգեբուժական բժշկական կենտրոն» ՓԲ ընկերության նարկոլոգիական կլինիկա, նրան խնդրել է Երևան քաղաքի Ավան Առինջ թաղամասում հանդի-պել Ա.Բախշյանին, նրանից վերցնել թմրամիջոցը, այն թաքցնել հանձնուքի մեջ, և հանձնուքը Երևան քաղաքի Արցախի պողոտայում փոխանցել կանաչ «Օպել» մակնիշի ավտոմեքենայում սպասող անձնավորությանը։
Ա.Գրիգորյանը համաձայնվել է օժանդակել Օ.Չարմադովին և նույն օրը` ժամը 0927-ին, զանգահարել է վերջինիս տված 098 80-06-85 հեռախոսահամարին ու Ա.Բախշյանի հետ հեռա-խոսազրույց ունեցել, ապա՝ պայմանավորվածության համաձայն, գնացել է Կոտայքի մարզի Ա-ռինջ գյուղի գերեզմանատուն և հանդիպելով նրան` վերցրել է Օ.Չարմադովի խոշոր չափի` 2,33 գրամ «ացետիլացված ափիոն» տեսակի թմրամիջոցը, որից հետո այն փոխադրել է իր բնակա-րան։ Այնուհետև, նույն օրն Ա.Գրիգորյանը Երևան քաղաքի Տիգրան Մեծ պողոտայում գործող «Սթար» սուպերմարկետից Օ.Չարմադովի համար ծխախոտ, սուրճ, շաքարավազ և մրգաչրեր է գնել, ապա` խոշոր չափի թմրամիջոցը թաքցրել է մրգաչրի մեջ ու հանձնուքն իրեն սպասող անձ-նավորությանը՝ ՀՀ ԱՆ «Էրեբունի» քրեակատարողական հիմնարկի դատապարտյալ Արթուր Գեորգիի Հակոբյանի մորը՝ Եֆրոսինյա Բաբաջանովային, փոխանցելու համար ժամը 1330-ին գնացել է Արցախի պողոտայի թիվ 10 շենքի մոտակայք։
Նույն պահին Ա.Գրիգորյանը բռնվել է ՀՀ ոստիկանության աշխատակիցների կողմից ու բերման ենթարկվել Կենտրոնականի բաժնի Մարաշի բաժանմունք, որտեղ էլ կատարված անձ-նական խուզարկության ընթացքում Օ.Չարմադովի համար նախատեսված խոշոր չափի` 2,33 գրամ, «ացետիլացված ափիոն» տեսակի թմրամիջոցը հայտնաբերվել է և վերջինս հանցագոր-ծությունն ավարտին չի հասցրել իր կամքից անկախ հանգամանքներով»։
Ամբաստանյալ Ա.Հակոբյանին ՀՀ քրեական օրենսգրքի 34-38-268-րդ հոդվածի 2-րդ մա-սի 2-րդ կետով մեղադրանք է առաջադրվել այն բանի համար, որ նա. «ՀՀ ԱՆ «Էրեբունի» քրեա-կատարողական հիմնարկում պատիժը կրելու ընթացքում կատարել է խոշոր չափի` 2,33 գրամ, «ացետիլացված ափիոն» տեսակի թմրամիջոցի ձեռքբերման փորձի օժանդակություն։
Այսպես. Արթուր Գեորգիի Հակոբյանը ՀՀ քրեական օրենսգրքի 266-րդ հոդվածի 1-ին մասով և 268 հոդվածի 1-ին մասով նախատեսված հանցագործություններ կատարելու համար 2009թ. օգոստոսի 07-ին Երևանի Ավան և Նոր-Նորք համայնքների ընդհանուր իրավասության դատարանի կողմից դատապարտվել է երեք տարի վեց ամիս ժամկետով ազատազրկման, պա-տիժը կրել ՀՀ ԱՆ «Էրեբունի» քրեակատարողական հիմնարկում և մտերիմ փոխհարաբերութ-յունների մեջ գտնվել ՔԿ հիմնարկի նույն կացարանում տեղաբաշխված դատապարտյալ Օդի-սեյ Իրակլիի Չարմադովի հետ։
Ա.Հակոբյանը, 2010թ. սեպտեմբերի 28-ին` առավոտյան, տեղեկանալով, որ Օ.Չարմա-դովն առանց իրացնելու նպատակի խոշոր չափի՝ 2,33 գրամ, «ացետիլացված ափիոն» տեսակի թմրամիջոց ունի ընկերոջ՝ Արտաշես Ալբերտի Գրիգորյանի մոտ, որը վերջինս ցանկանում է առաքել ՔԿ հիմնարկ, Օ.Չարմադովին խոստացել է օժանդակել նրա կողմից ապօրինի թմրամի-ջոց ձեռք բերելուն։ Ա.Հակոբյանն այդ նպատակով նույն օրը` ժամը 1113-ին, իրեն պատկանող 098 70-61-13 բջջային հեռախոսահամարից զանգահարել է մոր՝ Եֆրոսինյա Բաբաջանովայի հետ քրեակատարողական հիմնարկ հանձնուք բերող Սիմոն Գևորգի Արզումանյանին, ապա խնդրել է մինչ ՔԿ հիմնարկ հասնելը Արցախի պողոտայի վրա գործող «Տուն դեպո» առևտրի կենտրոնի մոտակայքում հանդիպել Ա.Գրիգորյանին, նրանից վերցնել հանձնուքը, այն տեղա-փոխել ՔԿ հիմնարկ և իր համար նախատեսված հանձնուքի հետ հանձնել։
Ս.Արզումանյանը, կատարելով Ա.Հակոբյանի պահանջը, իր կողմից վարվող «Օպել» մակնիշի ավտոմեքենայով գնացել է նշված վայր, սակայն քիչ անց Ա.Հակոբյանը, Օ.Չարմադո-վի և Ա.Գրիգորյանի հեռախոսազրույցից տեղեկանալով, որ վերջինս շրջակայքում կասկածելի անձնավորությունների է տեսել և հանձնուքը ցանկանում է փոխանցել Արցախի պողոտայի թիվ 10 շենքի մոտակայքում, Ս.Արզումանյանին խնդրել է մեքենան վարել նշված շենքի մոտ և սպա-սել Ա.Գրիգորյանին, ինչն էլ Ս.Արզումանյանը կատարել է։
Նույն պահին ՀՀ ոստիկանության աշխատակիցները Երևան քաղաքի Արցախի պողո-տայի թիվ 10 շենքի մոտակայքում բռնել են Ա.Գրիգորյանին և նրան բերման ենթարկել Կենտրո-նականի բաժնի Մարաշի բաժանմունք, որտեղ էլ կատարված անձնական խուզարկության ըն-թացքում Օ.Չարմադովի համար նախատեսված խոշոր չափի` 2,33 գրամ, «ացետիլացված ափիոն» տեսակի թմրամիջոցը հայտնաբերվել է»։
Ամբաստանյալ Ա.Գրիգորյանին ՀՀ քրեական օրենսգրքի 34-38-268-րդ հոդվածի 2-րդ մա-սի 2-րդ կետով մեղադրանք է առաջադրվել այն բանի համար, որ նա. «Առանց իրացնելու նպա-տակի Օդիսեյ Իրակլիի Չարմադովի կողմից թմրամիջոցի ձեռք բերման փորձին օժանդակելու, ՀՀ ԱՆ «Էրեբունի» քրեակատարողական հիմնարկ առաքելու նպատակով ապօրինի փոխադրել է խոշոր չափի` 2,33 գրամ, «ացետիլացված ափիոն» տեսակի թմրամիջոց։
Այսպես. Ա.Գրիգորյանը 1997թ. ապրիլի 14-ին Լեհաստանի Հանրապետության Ռավա-Մազովեցկա քաղաքում ավազակային հարձակում կատարելու համար 21.12.2007թ. Երևանի Էրեբունի և Նուբարաշեն համայնքների առաջին ատյանի դատարանի կողմից ՀՀ քրեական օրենսգքրի 175-րդ հոդվածի 2-րդ մասի 1-ին, 2-րդ և 3-րդ կետերով նախատեսված հանցագործու-թյուն կատարելու համար դատապարտվել է 4 տարի ազատազրկման, պատիժը կրել է ՀՀ ԱՆ «Էրեբունի» քրեակատարողական հիմնարկում, իսկ 23.10.2009թ. 1 տարի 10 ամիս 14 օր ժամա-նակով պայմանական վաղակետ ազատվել է պատժի կրումից։
2010թ. սեպտեմբերի 28-ին` ժամը 0852-ի սահմաններում, ՀՀ ԱՆ «Էրեբունի» քրեակատա-րողական հիմնարկի դատապարտյալ Օդիսեյ Իրակլիի Չարմադովն իր կողմից շահագործվող 094 01-34-62 բջջային հեռախոսահամարից զանգահարել է ընկերոջը` Արտաշես Ալբերտի Գրի-գորյանին, և հեռախոսազրույցի ընթացքում հայտնել, որ իր գործածման համար 80.000 ՀՀ դրամով Երևան քաղաքի Աճառյան փողոցի 18 շենքի թիվ 32 բնակարանի բնակիչ Ալբերտ Հեն-րիկի Բախշյանից գնել է խոշոր չափի` 2,33 գրամ, «ացետիլացված ափիոն» տեսակի թմրամի-ջոց։ Նույն հեռախոսազրույցի ընթացքում Օ.Չարմադովը, տեղեկանալով, որ Ա.Գրիգորյանը մե-թադոնային բուժման կուրս անցնելու նպատակով գնալու է ՀՀ ԱՆ «Հոգեբուժական բժշկական կենտրոն» ՓԲ ընկերության նարկոլոգիական կլինիկա, նրան խնդրել է Երևան քաղաքի Ավան-Առինջ թաղամասում հանդիպել Ա.Բախշյանին, նրանից վերցնել թմրամիջոցը, այն թաքցնել հանձնուքի մեջ և հանձնուքը Երևան քաղաքի Արցախի պողոտայում փոխանցել կանաչ «Օպել» մակնիշի ավտոմեքենայում սպասող անձնավորությանը։
Ա.Գրիգորյանը համաձայնվել է օժանդակել Օ.Չարմադովի կողմից թմրամիջոցի ձեռք-բերման փորձին, նույն օրը` ժամը 0927-ին, զանգահարել է վերջինիս տված 098 80-06-85 հեռա-խոսահամարին ու Ա.Բախշյանի հետ հեռախոսազրույց ունեցել, ապա, պայմանավորվածութ-յան համաձայն գնացել է Կոտայքի մարզի Առինջ գյուղի գերեզմանատուն և հանդիպելով նրան` վերցրել Օ.Չարմադովին պատկանող խոշոր չափի` 2,33 գրամ, «ացետիլացված ափիոն» տեսա-կի թմրամիջոցը, որից հետո այն փոխադրել է իր բնակարան։
Այնուհետև, նույն օրն Ա.Գրիգորյանը Երևան քաղաքի Տիգրան Մեծ պողոտայում գործող «Սթար» սուպերմարկետից Օ.Չարմադովի համար ծխախոտ, սուրճ, շաքարավազ և մրգաչրեր է գնել, ապա` խոշոր չափի թմրամիջոցը թաքցրել է մրգաչրի մեջ ու հանձնուքն իրեն սպասող անձ-նավորությանը` ՀՀ ԱՆ «Էրեբունի» քրեկատարողական հիմնարկի դատապարտյալ Արթուր Գեորգիի Հակոբյանի մորը` Եֆրոսինյա Բաբաջանովային, փոխանցելու և այդ կերպ թմրամի-ջոցն ապօրինի քրեակատարողական հիմնարկ առաքելու համար ժամը 1330-ին գնացել է Արցա-խի պողոտայի թիվ 10 շենքի մոտակայք։
Նույն պահին Ա.Գրիգորյանը բռնվել է ՀՀ ոստիկանության աշխատակիցների կողմից ու բերման ենթարկվել Կենտրոնականի բաժնի Մարաշի բաժանմունք, որտեղ էլ կատարված անձ-նական խուզարկության ընթացքում Ա.Գրիգորյանի կողմից ապօրինի փոխադրված և ՀՀ ԱՆ «Է-րեբունի» ՔԿ հիմնարկ առաքման համար նախատեսված խոշոր չափի` 2,33 գրամ, «ացետիլաց-ված ափիոն» տեսակի թմրամիջոցը հայտնաբերվել է»։
Նախաքննության ընթացքում առաջադրված մեղադրանքում ամբաստանյալ Ա.Գրիգոր-յանն իրեն լիովին մեղավոր է ճանաչել, իսկ ամբաստանյալներ Օդիսեյ Չարմադովն ու Արթուր Հակոբյանն իրենց մեղավոր չեն ճանաչել առաջադրված մեղադրանքներում։
Ամբաստանյալ Օ.Չարմադովը պատճառաբանել է, որ Աբո անունով անձնավորության չի ճանաչում, քրեակատարողական հիմնարկում պատիժը կրելու ընթացքում բջջային հեռախոս չի ունեցել, Արտաշես Գրիգորյանի հետ հեռախոսակապ չի պահպանել և նրան չի խնդրել իր հա-մար թմրամիջոց ուղարկել ՔԿ հիմնարկ, իսկ ամբաստանյալ Ա.Հակոբյանը հերքել է կատարված հանցագործությանն իր մասնակցությունը` պատճառաբանելով, որ 2010թ. սեպտեմբերի 28-ին Սիմոն Արզումանյանին և իր մորը խնդրել է գնալ «Վստրեչի» կամուրջի մոտ, քանի որ նրանց պետք է հանդիպեր իր ընկեր Արմեն Ստեփանյանն ու իր համար նախատեսված գումար փո-խանցեր։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Օ.Չարմադովը, ՀՀ ԱՆ «Էրեբունի» քրեակատարողական հիմնարկում պատիժը կրելու ընթացքում ցանականալով ձեռք բերել` քրեակատարողական հիմնարկում ստանալ, իր հանցակցի միջոցով ձեռք բերված և մեկ այլ հանցակցի մոտ գտնվող` 2,33 գրամ քաշով, «Ացետիլացված ափիոն» տեսակի թմրամիջոցն ու ունենալով այդ հարցում իրեն օժանդակելու վերաբերյալ ամբաստանյալ Ա.Հակոբյանի համա-ձայնությունը, 2010թ. սեպտեմբերի 28-ին զանգահարել է իր հետ նույն քրեակատարողական հիմնարկում պատիժ կրած և պատժից պայմանական վաղաժամկետ ազատված ամբաստանյալ Ա.Գրիգորյանին ու մանրամասն նկարագրելով վերը նշված թմրամիջոցի գտնվելու վայրն ու այն իր մոտ պահող անձին` խնդրել է վերցնել նշված թմրամիջոցը, այն թաքցնել որպես հանձնուք ուղարկվող մրգաչրի մեջ, լրացուցիչ գնել ծխախոտ, թխվածքաբլիթներ, սուրճ ու շաքարավազ, դրանք տեղավորել տոպրակի մեջ և հանձնել ամբաստանյալ Ա.Հակոբյանի խնդրանքով նրան հանձնուք բերող նրա մորը` վկա Ե.Բաբաջանովային։
Ամբաստանյալ Ա.Գրիգորյանը, համաձայնվելով ամբաստանյալ Օ.Չարմադովի առա-ջարկին, հեռախոսով տրվող նրա հրահանգների համաձայն 2010թ. սեպտեմբերի 28-ի առավոտ-յան գնացել է Կոտայքի մարզի Առինջ գյուղ, ամբաստանյալ Օ.Չամադովի տված հեռախոսա-համարով ժամը 0927-ին զանգահարել է վերջինիս նշած անձնավորությանը, նրա հետ հանդիպել է գյուղի գերեզմանատան մոտ և նրանից վերցնելով 2,33 գրամ քաշով «Ացետիլացված ափիոն» տեսակի թմրամիջոցը` վերադարձել է տուն։ Այնուհետև, շարունակելով կատարել ամբաստան-յալ Օ.Չարմադովի խնդրանքը, նրա հրահանգով գնել է վերը նշված մրգաչրերը, թխվածքաբլիթ-ները, շաքարավազը, երկու տուփ սուրճը, վեց տուփ «Նոյ» տեսակի ծախախոտը, մրգաչրի մեջ թաքցրել է թմրամիջոցն ու այն գնված մյուս ապրանքների հետ տեղավորելով մեկ տոպրակի մեջ` ամբաստանյալ Ա.Հակոբյանի մորը հանձնելու համար ժամը 1330-ի սահմաններում գնացել է ք.Երևանի Արցախի պողոտա։
Մինչ այդ, նույն օրը` ժամը 1113-ին, ամբաստանյալ Ա.Հակոբյանն իր կողմից օգտագործ-վող, 098 70-61-13 հեռախոսահամարով բջջային հեռախոսով զանգահարել է մոր՝ վկա Եֆրոսին-յա Բաբաջանովայի հետ քրեակատարողական հիմնարկ հանձնուք բերող վկա Սիմոն Արզու-մանյանին և խնդրել է մինչ ՔԿ հիմնարկ հասնելը` Արցախի պողոտայում գտնվող «Տուն դեպո» առևտրի կենտրոնի մոտակայքում հանդիպել ամբաստանյալ Ա.Գրիգորյանին, նրանից վերցնել հանձնուք և այն տալ մորը` իր համար նախատեսված հանձնուքի հետ հանձնելու համար։
Վկա Ս.Արզումանյանը, կատարելով ամբաստանյալ Ա.Հակոբյանի խնդրանքը, իր վա-րած «Օպել» մակնիշի ավտոմեքենայով վկա Ե.Բաբաջանովայի հետ գնացել է «Տուն դեպո» ա-ռևտրի կենտրոնի մոտ։ Քիչ անց ամբաստանյալ Ա.Գրիգորյանը հեռախոսով ամբաստանյալ Օ.Չարմադովին տեղեկացրել է պայմանավորված վայրում կասկածելի մարդկանց տեսնելու մա-սին և առաջարկել է հանձնուքը փոխանցել Արցախի պողոտայի հ. 10 շենքի մոտակայքում, որի համար ամբաստանյալ Ա.Հակոբյանը կրին զանգահարել է վկա Ս.Արզումանյանին և խնդրել է ավտոմեքենան վարել նշված շենքի մոտ ու սպասել ամբաստանյալ Ա.Գրիգորյանին, ինչն էլ վկա Ս.Արզումանյանը կատարել է, սակայն նույն պահին նշված վայրում ամբաստանյալ Ա. Գրիգորյանը բռնվել է ՀՀ ոստիկանության աշխատակիցների կողմից ու բերման ենթարկվել ոս-տիկանության Կենտրոնականի բաժնի Մարաշի բաժանմունք, որտեղ էլ կատարված խուզար-կության ընթացքում հայտնաբերվել է ամբաստանյալ Օ.Չարմադովի համար նախատեսված` 2,33 գրամ քաշով, «Ացետիլացված ափիոն» տեսակի թմրամիջոցը։

Ապացույցների հետազոտում և գնահատում.

Դատաքննությամբ ամբաստանյալներները հրաժարվեցին ցուցմունք տալ ու պատաս-խանել հարցերին։
Ամբաստանյալներ Օ.Չարմադովն ու Ա.Հակոբյանն իրենց մեղավոր չճանաչեցին առա-ջադրված մեղադրանքներում` պատճառաբանելով, որ հանցագործություն չեն կատարել, իսկ ամբաստանյալ Ա.Գրիգորյանն իրեն մեղավոր ճանաչեց առաջադրված մեղադրանքում։
Ամբաստանյալ Ա.Գրիգորյանի դատաքննությամբ հետազոտված նախաքննական ցուց-մունքների համաձայն` նա ՀՀ ԱՆ «Էրեբունի» ՔԿ հիմնարկում պատիժ կրելու ընթացքում մտե-րիմ հարաբերությունների մեջ է գտնվել նույն ՔԿ հիմնարկի դատապարտյալ «Ադիս» մական-վամբ Օդիսեյ Չարմադովի հետ և պատժի կրումից ազատվելուց հետո շարունակել է հեռախոսա-կապ պահապանել նրա հետ։
2010թ. սեպտեմբերի 28-ին` առավոտյան ժամը 09-ի սահմաններում, երբ պատրաստվել է գնալ ՀՀ ԱՆ «Հոգեբուժական բժշկական կենտրոն» ՓԲ ընկերության նարկոլոգիական կլինիկա՝ մեթադոնային բուժման համար դեղամիջոց ստանալու, իր 098 400-437 հեռախոսահամարին զանգահարել է Ադիսը, ապա՝ տվել է իրեն անծանոթ Աբո անունով անձնավորության 098 800-685 հեռախոսահամարը, և խնդրել է Ավան գնալու ճանապարհին զանգահարել վերջինիս, նրա-նից վերցնել իր համար նախատեսված թմրամիջոցն ու ժամը 12-ի սահմաններում այն հանձնել Երևան քաղաքի «Վստրեչ»-ի կամրջի մոտ սպասող կանաչ գույնի «Օպել» մակնիշի ավտոմեքե-նայում գտնվող անձնավորությանը։ Նույն օրը տաքսի ավտոմեքենայով գնացել է նարկոլոգիա-կան կլինիկա, ստացել իրեն հասանելիք դեղահաբը, ապա զանգահարել է Աբոյին և Առինջ գյու-ղի գերեզմանատան մոտ հանդիպելով նրան` վերցրել է ձեռքով բարևելու միջոցով իրեն փո-խանցված թմրամիջոցի փաթեթը, այն պահել է գրպանում ու նույն տաքսի ավտոմեքենայով գնացել Տիգրան Մեծ պողոտա։ Ճանապարհին զանգահարել է Ադիսին և հայտնել, որ թմրամի-ջոցն իր մոտ է, ապա նրա խնդրանքով գնացել է Տիգրան Մեծի պողոտայում գործող «Սթար» առևտրի կենտրոն, որտեղից քաղցրավենիք, շաքարավազ և մրգաչիր է գնել, որից հետո թմրամի-ջոցը թաքցրել է մրգաչրի մեջ և գնացել Երևան քաղաքի Արցախի պողոտա։ Ադիսի հետ ունեցած պայմանավորվածության համաձայն գնացել է Արցախի պողոտայում գործող «Տուն դեպո» խա-նութի մոտ, սակայն, տեսնելով, որ այնտեղ մարդկանց անցուդարձը շատ է` զանգահարել է Ադի-սին, մտավախություն հայտնել, ապա խնդրել է կանաչ «Օպել» ավտոմեքենայով անձնավորութ-յան հետ հանդիպումը կազմակերպել «Վստրեչ»-ի կամուրջի մոտակայքում` «Հանդիպում» օբ-յեկտի մոտ։ Դրանից հետո տաքսիով գնացել է իր նշած վայր, բաց է թողել տաքսին և սպասել է, սակայն իրեն են մոտեցել ոստիկանության աշխատակիցները և բերման ենթարկել ոստիկանութ-յան Մարաշի բաժանմունք, որտեղ էլ կատարված խուզարկության ընթացքում հայտնաբերվել է մրգաչրի մեջ թաքցված թմրամիջոցը։
Վկա Սիմոն Արզումանյանի ցուցմունքի համաձայն` նա ամբաստանյալ Ա.Հակոբյանի խնդրանքով իր կանաչ գույնի, «Օպել» մակնիշի, 19ՕԼ071 պետհամարանիշով ավտոմեքենայով վերջինիս մոր հետ` նրա համար ՀՀ ԱՆ «Էրեբունի» քրեակատարողական հիմնարկ հանձնուք տանելու համար, 2010թ. սեպտեմբերի 28-ի առավոտյան գնացել է նրանց շենքի բակ, վերցրել է նրա մորը և ուղևորվել են դեպի «Էրեբունի» քրեակատարողական հիմնարկ։ Ճանապարհին ամ-բաստանյալ Ա.Հակոբյանը կրկին զանգահարել է իրեն և խնդրել է ավտոմեքենան վարել Երևան քաղաքի Արցախի պողոտայում գործող «Տուն դեպո» խանութի մոտ, որտեղ ինչ-որ մեկը ՔԿ հիմ-նարկ հանձնելու համար հանձնուք պետք է փոխանցեր նրա մորը։ Գնացել են նշված խանութի ուղղությամբ, սակայն ամբաստանյալ Ա.Հակոբյանը նորից զանգահարել է իրեն և խնդրել է ավ-տոմեքենան վարել «Վստրեչ»-ի կամուրջի մոտ և այնտեղ սպասող անձնավորությունից վերցնել հանձնուքը։ Գնացել է նշված վայր և «Հանդիպում» օբյեկտի մոտ սպասել անծանոթ անձնավո-րությանը, սակայն քիչ անց իրենց են մոտեցել ոստիկանության աշխատակիցները և իրեն ու ամ-բաստանյալ Ա.Հակոբյանի մորը բերման են ենթարկել ոստիկանության Մարաշի բաժանմունք, որտեղ տեղեկացել են, որ ամբաստանյալ Ա.Հակոբյանի կողմից նշված՝ իրեն անծանոթ Ա.Գրի-գորյանի մոտ եղած հանձնուքի մրգաչրի մեջ հայտնաբերվել է թաքցված թմրամիջոց։
Վկա` ամբաստանյալ Ա.Հակոբյանի մայր, Եֆրոսինյա Բաբաջանովայի նույնաբովան-դակ ցուցմունքի համաձայն` 2010թ. սեպտեմբերի 28-ին, երբ իրենց թաղամասի բնակիչ Սիմոնի ավտոմեքենայով` որդուն հանձնելու համար, հանձնուք են տանելիս եղել քրեակատարողական հիմնարկ, ճանապարհին որդին զանգահարել է Սիմոնին և խնդրել է ավտոմեքենան վարել Երե-վան քաղաքի Արցախի պողոտայում գործող «Տուն դեպո» խանութի մոտ, որտեղ ինչ-որ մեկը ՔԿ հիմնարկ հանձնելու համար հանձնուք պետք է փոխանցեր իրենց։ Գնացել են նշված խանութի ուղղությամբ, սակայն Արթուրը կրկին զանգահարել է Սիմոնին և խնդրել է ավտոմեքենան վարել «Վստրեչ»-ի կամուրջի մոտ և այնտեղ սպասող անձնավորությունից վերցնել հանձնուքը։ Գնա-ցել են նշված վայր և «Հանդիպում» օբյեկտի մոտ սպասել անծանոթ անձնավորությանը, սա-կայն քիչ անց իրենց են մոտեցել ոստիկանության աշխատակիցները և իրեն ու Սիմոնին բերման ենթարկել ոստիկանության Մարաշի բաժանմունք, որտեղ տեղեկացել են, որ Արթուրի կողմից նշված անձնավորության մոտ եղած հանձնուքում հայտնաբերվել է մրգաչրի մեջ թաքցված թմրամիջոց։
Վկաներ Վոլոդյա Օհանյանի և Հակոբ Ղազարյանի նույնաբովանդակ ցուցմունքների համաձայն` նրանք 2010թ. սեպտեմբերի 28-ին` կեսօրին, ոստիկանության աշխատակիցների կողմից հրավիրվել են ոստիկանության Կենտրոնականի բաժնի Մարաշի բաժանմունք, որտեղ մասնակցել են իրենց անծանոթ Արտաշես Գրիգորյանի անձնական խուզարկությանը, որի ըն-թացքում նրա մոտ եղած պոլիէթիլենային տոպրակում առկա մրգաչրի միջից հայտնաբերվել է կպչուն ժապավենով ամրացված պոլիէթիլենյին փաթեթ, որի պարունակությունը մուգ շագանա-կագույն զանգված է եղել։ Հայտնաբերվածի կապակցությամբ Ա.Գրիգորյանը հայտարարել է, որ այն քրեակատարողական հիմնարկ ուղարկելու համար նախատեսված թմրամիջոց է, որն Ավան թաղամասում իրեն է փոխանցել անծանոթ մի անձնավորություն՝ «Վստրեչ»-ի կամուրջի մոտ կանաչ գույնի «Օպել» մակնիշի ավտոմեքենայում սպասող անձնավորությանը հանձնելու համար։ Խուզարկության ընթացքի և արդյունքների մասին կազմվել է համապատասխան արձա-նագրություն, որը ստորագրվել է բոլոր մասնակիցների՝ այդ թվում և իրենց կողմից։
Վկա` ամբաստանյալ Օ.Չարմադովի զարմիկ, Իրակլի Չարմադովի ցուցմունքի համա-ձայն` ՀՀ ԱՆ «Էրեբունի» քրեակատարողական հիմնարկում պատիժը կրող ամբաստանյալ Օ. Չարմադովն օգտվել է 094 01-34-62 բջջային հեռախոսահամարից, որով էլ ինքը պարբերաբար հեռախոսակապ է պահպանել նրա հետ։
Վկա Մանվել Գաբրիելյանի ցուցմունքի համաձայն` նա 2006-2009թթ. պատիժ է կրել ՀՀ ԱՆ «Էրեբունի» քրեակատարողական հիմնարկում, որտեղ ծանոթացել է դատապարտյալ Օ. Չարմադովի և նրա հետ մտերիմ փոխհարաբերությունների մեջ գտնվող դատապարտյալ Ար-տաշես Գրիգորյանի հետ։ Պատժի կրումից ազատվելուց հետո՝ 2010թ. սեպտեմբերի վերջերին, Օ.Չարմադովն իրեն զանգահարել է 094 01-34-62 հեռախոսահամարից և խոսակցության ընթաց-քում հայտնել, որ ոստիկանության աշխատակիցները բռնել են Ա.Գրիգորյանին, ով գտնվում է «Նուբարաշեն» ՔԿ հիմնարկում, և խնդրել է կնոջ միջոցով Ա.Գրիգորյանին ծխախոտ ուղարկել։
«Իրեղեն ապացույց ճանաչելու և քրեական գործին կցելու մասին» 28.09.2010թ. որոշման համաձայն` 2,33 գրամ «Ացետիլացված ափիոն» տեսակի թմրամիջոցը, մրգաչիրը, քաղցրավե-նիքը և շաքարավազը ճանաչվել են իրեղեն ապացույցներ և կցվել քրեական գործին։
«Դատաքիմիական փորձաքննության» 28.09.2010թ. հ. 549 Ք եզրակացության համա-ձայն` փորձաքննության ներկայացված 2,33 գրամ հաստատուն քաշով նյութը հանդիսանում է «Ացետիլացված ափիոն» տեսակի թմրամիջոց։
Ա.Գրիգորյանի բջջային` 098 40-04-37, հեռախոսահամարից 2010թ. սեպտեմբերի 28-ին կատարված մուտքային և ելքային հեռախոսազանգերի գաղտնալսման և ձայնագրառման լազե-րային սկավառակի վերծանման համաձայն` Օ.Չարմադովը Ա.Գրիգորյանին խնդրել է Ավան թաղամաս հասնելուն պես զանգահարել 098-80-06-85 հեռախոսահամարին, զրուցել Աբո անու-նով անձնավորության հետ, նրանից վերցնել իր համար նախատեսված թմրամիջոցը, ապա՝ այն թաքցնել սննդի մեջ և նույն օրը հանձնուքի տեսքով փոխանցել Արցախի պողոտայում կանաչ գույնի «Օպել» մակնիշի ավտոմեքենայում սպասող անձնավորությանը՝ այն իրեն հասցնելու համար։ Նույն օրը Ա.Գրիգորյանն իր բջջային հեռախոսահամարից զանգահարել է Օ.Չարմա-դովի տված՝ 09880-06-85 հեռախոսահամարին և զրուցելով Աբո անունով անձնավորության հետ` Առինջ թաղամասի գերեզմանատանը հանդիպելու պայմանավորվածություն է ձեռք բերել։ Բացի այդ, նույն հեռախոսազրույցների ընթացքում Ա.Գրիգորյանը Օ.Չարմադովին հայտնել է մրգա-չրի մեջ թաքցված թմրամիջոցի մասին, իսկ «Տուն դեպո» առևտրի կենտրոն հասնելուն պես զան-գահարելով Օ.Չարմադովին` նրան հայտնել է շրջապատում կասկածելի անձնավորությունների առկայության մասին և խնդրել է հանդիպումը կազմակերպել քիչ հեռվում գտնվող «Հանդի-պում» օբյեկտի մոտ։
Ա.Գրիգորյանի, Օ.Չարմադովի, Ա.Հակոբյանի ու Ա.Բախշյանի բջջային հեռախոսահա-մարներից կատարված մուտքային և ելքային հեռախոսազանգերի վերծանումների և դրանց զննության վերաներյալ կազմված արձանագրության համաձայն` 2010թ. սեպտեմբերի 28-ին Ա. Գրիգորյանը, Օ.Չարմադովն ու Ա.Բախշյանը գտնվել են ակտիվ հեռախոսակապի մեջ, իսկ Ա. Հակոբյանը` նույն ժամանակահատվածում, ակտիվ հեռախոսակապի մեջ է գտնվել վկա Ս.Ար-զումանյանի հետ։ Ա.Գրիգորյանի և Ա.Բախշյանի հեռախոսազանգերը նշված օրը սպասարկվել են Երևան քաղաքի Ավան-Առինջ թաղամասում, իսկ Ա.Գրիգորյանի մնացած հեռախոսազանգե-րը՝ նաև Տ.Մեծ և Արցախի պողոտաներում տեղակայված՝ «ՎիվաՍելլ ՄՏՍ» ՓԲ ընկերության կապի ծածկույթն ապահովող կայանների կողմից։
«Անձին ոստիկանություն բերման ենթարկելու մասին» 28.09.2010թ. արձանագրության համաձայն` Արտաշես Ալբերտի Գրիգորյանը ոստիկանության Մարաշի բաժանմունք է բերման ենթարկվել թմրանյութ օգտագործելու, տեղափոխելու և իրացնելու կասկածանքի տակ։
«Անձնական խուզարկություն կատարելու մասին» 28.09.2010թ. արձանագրության համա-ձայն` Արտաշես Ալբերտի Գրիգորյանի ձեռքին եղած սպիտակ գույնի պարկից հայտնաբերվել է մոտ մեկ կիլոգրամ մրգերի չիր, որոնցից մեկի միջից հայտնաբերվել է կապույտ գույնի պոլիէթի-լենային պարկով փաթեթավորված` 2,6 գրամ քաշով, շագանակագույն զնագված։

Դատարանի վերլուծություն.

Դատարանը, վերլուծելով ամբաստանյալներին առաջադրված մեղադրանքները, հաշվի առնելով մեղադրանքների վերաբերյալ մեղադրողի պարզաբանումներն ու համակցության մեջ գնահատելով դատաքննությամբ հետազոտված ապացույցները, գործի հանգամանքների բազ-մակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևութ-յան, որ սույն քրեական գործին վերաբերվող փոխկապակցված հավաստի ապացույցների բա-վարար ամբողջությամբ հաստատվեց ամբաստանյալներին առաջադրված մեղադրանքները։
Ինչ վերաբերվում է ամբաստանյալներ Օ.Չարմադովի և Ա.Հակոբյանի պատճառաբանու-թյուններին, ապա դատարանը գտնում է, որ նշված պատճառաբանություններով նրանք ցանկա-նում են խուսափել կատարած հանցանքների համար պատժից ու պատասխանատվությունից և փորձում են պաշտպանության տակ վերցնել միմյանց, նշված պատճառաբանություննեը դատա-քննությամբ չհիմնավորվեցին, իսկ նրանց կատարած հանցանքները հաստատվեցին ինչպես ա-ռաջադրված մեղադրանքում իրեն լիովին մեղավոր ճանաչած ամբաստանյալ Ա.Գրիգորյանի դատաքննությամբ հետազոտված ու դատարանի կողմից որպես արժանահավատ գնահատվող նրա նախաքննական ցուցմուքներով, այնպես էլ համակցության մեջ գնահատված մյուս ապա-ցույցներով։
Ինչ վերաբերվում է վկա Վոլոդյա Օհանյանի դատաքննական ցուցմունքին` որ մրգաչրի միջից հայտնաբերված փաթեթը չի բացվել, տեղյակ չէ, թե դրա մեջ ինչ է եղել, խուզարկության արձանագրությունը չի ընթերցվել և այն չի ստորագրել, ապա դատարանը գտնում է, որ դատա-քննությամբ հետազոտված ու համակցության մեջ գնահատված ապացույցներով հիմնավորվում է նշված ցուցմունքի անարժանահավատությունը, և արժանահավատ է դատարանի կողմից գնա-հատված նրա նախաքննական ցուցմունքը։
Դատարանն արժանահավատ չի համարում նաև վկա Ե.Բաբաջանովայի դատաքննա-կան ցուցմունքի այն մասը, որ «Տուն դեպո» առևտրի կենտրոնի մոտ գնալու և «Վստրեչ»-ի կա-մուրջի մոտ հանձնուք ստանալու համար նշված վայր գնալու մասին տեղեկություն չունի և նման ցուցմունք նախաքննության ընթացքում չի տվել։ Գտնելով, որ վկան ցանկանում է իր պաշտպա-նության տակ վերցնել որդուն` դատարանն արժանահավատ է համարում ոչ թե վկայի նշված, այլ` դատարանի կողմից գնահատված նրա նախաքննական ցուցմունքը։
Միաժամանակ, դատարանը գտնում է, որ ամբաստանյալների կատարած արարքներին տրվել են ճիշտ քրեաիրավական գնահատականներ ու քրեական գործի ապացույցները ձեռք են բերվել քրեադատավարական օրենքի պահանջների պահպանմամբ։
Այսպիսով, դատարանն ապացուցված է համարում, որ ամբաստանյալ Օ.Չրմադովը կա-տարել է հանցանք` նախատեսված ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով, իսկ ամբաստանյալներ Ա.Հակոբյանն ու Ա.Գրիգորյանը կատարել են հանցանքներ` նա-խատեսված ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետերով, որոնցով և նրանք պետք է պատասխանատվության ենթարկվեն։
Ամբաստանյալների նկատմամբ պատիժներ նշանակելիս` պատիժների տեսակը և չափը որոշելիս, դատարանը հաշվի է առնում նրանցից յուրաքանչյուրի կատարած հանցագործութ-յունների բնույթն ու հանրության համար վտանգավորության աստիճանը և նրանց անձը։
Որպես ամբաստանյալ Ա.Գրիգորյանի պատասխանատվությունն ու պատիժը մեղմաց-նող հանգամանք` դատարանը հաշվի է առնում, որ խոստովանական ցուցմուքներով նա աջակ-ցել է հանցագործությունը բացահայտելուն և հանցագործության մյուս մասնակիցներին մեր-կացնելուն, խնամքին ունի 4 անձ, այդ թվում` մինչև 14 տարեկան երկու երեխան և վատառողջ կինը, իսկ որպես նրա անձը բնութագրող տվյալ` այն, որ բնութագրվում է դրական։
Որպես ամբաստանյալ Ա.Հակոբյանի պատասխանատվությունն ու պատիժը մեղմացնող հանգամանք` դատարանը հաշվի է առնում, որ նա խնամքին են գտնվում 4 անձ, այդ թվում մինչև 14 տարեկան երեխան և 2-րդ խմբի հաշմանդամ մայրը։
Որպես ամբաստանյալներ Օ.Չրմադովի, Ա.Հակոբյանի ու Ա.Գրիգորյանի պատասխա-նատվությունն ու պատիժը ծանրացնող հանգամանք` դատարանը հաշվի է առնում նրանց կող-մից հանցանք կատարելու ռեցիդիվը։
Դատարանը, քննության առնելով իրեղեն ապացույցների տնօրինման հարցը, գտնում է, որ փորձաքննության կատարումից հետո մնացած` 2,28 գրամ քաշով, «Ացետիլացված ափիոն» տեսակի թմրամիջոցը պետք է վերադարձվի ՀՀ ոստիկանության ՔԳՎ Երևան քաղաքի ՔՎ Կենտրոնական քննչական բաժին` սույն քրեական գործից անջատված մասով` 13107211 քրեա-կան գործով, տնօրինելու համար, իսկ մրգաչիրը, քաղցրավենիքը, շաքարավազը, 2 տուփ սուրճը և 6 տուփ «Նոյ» տեսակի ծախախոտները` որպես հետագա օգտագործման համար ոչ պիտանի, պետք է ոչնչացվեն։
Քննության առնելով խափանման միջոցների հարցը` դատարանը գտնում է, որ ամբաս-տանյալ Ա.Գրիգորյանի նկատմամբ կիրառված խափանման միջոցը` կալանավորումը, պետք է թողնվի անփոփոխ` մինչև դատավճռի օրինական ուժի մեջ մտնելը, ամբաստանյալ Օ.Չարմա-դովի նկատմամաբ` մինչև դատավճռի օրինական ուժի մեջ մտնելը, որպես խափանման միջոց, պետք է կիրառվի կալանավորումը, իսկ ամբաստանյալ Ա.Հակոբյանի նկատմամբ խափանման միջոցի կիրառման անհրաժեշտություն չկա` նկատի ունենալով, որ նա ազատզարկման ձևով պատիժ է կրում։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119, 137, 357-360, 365, 367 և 369-372 հոդվածներով` դատարանը

Վ Ճ Ռ Ե Ց

1. Օդիսեյ Իրակլիի Չարմադովին ճանաչել մեղավոր ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով և դատապարտել ազատազրկման 2 տարի ժամկետով։
ՀՀ քրեական օրենսգրքի 67-րդ հոդվածի համաձայն` նշանակված պատժին մասնակիո-րեն գումարել ՀՀ նախկին քրեական և զինվորական գործերով վերաքննիչ դատարանի 20.07. 2005թ. դատավճռով նշանակված պատժի չկրած մասից 6 ամիսն ու որպես վերջնական պատիժ` նշանակել ազատազրկում 2 տարի 6 ամիս ժամկետով` պատժի կրման սկիզբը հաշվելով 2010թ. նոյեմբերի 25-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Օ.Չարմադովի նկատմամբ` որպես խափանման միջոց, կիրառել կալանավորումը և մինչև դատավճռի օրինական ուժի մեջ մտնելը այն թողնել անփոփոխ։
2. Արթուր Գեորգիի Հակոբյանին ճանաչել մեղավոր ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով և դատապարտել ազատազրկման 1 տարի 6 ամիս ժամկե-տով։
ՀՀ քրեական օրենսգրքի 67-րդ հոդվածի համաձայն` նշանակված պատժին մասնակիո-րեն գումարել Երևան քաղաքի նախկին Ավան և Նոր Նորք համայնքների ընդհանուր իրավասու-թյան դատարանի 07.08.2009թ. դատավճռով նշանակված պատժի չկրած մասից 1 տարին ու որ-պես վերջնական պատիժ` նշանակել ազատազրկում 2 տարի 6 ամիս ժամկետով` պատժի կրման սկիզբը հաշվելով 2011թ. փետրվարի 2-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
3. Արտաշես Ալբերտի Գրիգորյանին ճանաչել մեղավոր ՀՀ քրեական օրենսգրքի 34-38-268-րդ հոդվածի 2-րդ մասի 2-րդ կետով և դատապարտել ազատազրկման 1 տարի 6 ամիս ժամ-կետով։
ՀՀ քրեական օրենսգրքի 67-րդ հոդվածի համաձայն` նշանակված պատժին մասնակիո-րեն գումարել Երևան քաղաքի նախկին Էրեբունի և Նուբարաշեն համայնքների առաջին ատյա-նի դատարանի 21.12.2007թ. դատավճռով նշանակված պատժի չկրած մասից 1 տարին ու որպես վերջնական պատիժ` նշանակել ազատազրկում 2 տարի 6 ամիս ժամկետով` պատժի կրման սկիզբը հաշվելով 2010թ. սեպտեմբերի 28-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ա.Գրիգորյանի նկատմամբ ընտրված կիրառված խափանման միջոցը` կալանքը, թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույց ճանաչված 2,28 գրամ քաշով «Ացետիլացված ափիոն» տեսակի թըմ-րամիջոցը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնական քննչա-կան բաժին` սույն քրեական գործից անջատված մասով` 13107211 քրեական գործով, տնօրինե-լու համար, իսկ մրգաչիրը, քաղցրավենիքը, շաքարավազը, 2 տուփ սուրճը և 6 տուփ «Նոյ» տե-սակի ծախախոտները` ոչնչացնել։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակվե-լու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ