Հիմնական
Գործի համար:
ԵԿԴ/0012/01/11
Վիճակագրական տողի համար :
11.1
Պատասխանող
Միքայել Զոհրաբյան
Անդրանիկ Շահբազյան
Միքայել Զոհրաբյան Ռաֆիկի
Անդրանիկ Շահբազյան Պապի
Հրայր Հրայրյան Բաբկենի
Միքայել Զոհրաբյան
Դատավոր
Քրեական վերաքննիչ
Սերգեյ Չիչոյան
Կենտրոն և Նորք-Մարաշ
Մնացական Մարտիրոսյան
Վճռաբեկ
Դավիթ Ավետիսյան
Համլետ Ասատրյան
Դատավոր
Քրեական վերաքննիչ
Սերգեյ Չիչոյան
Կենտրոն և Նորք-Մարաշ
Մնացական Մարտիրոսյան
Վճռաբեկ
Դավիթ Ավետիսյան
Համլետ Ասատրյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Քրեական վերաքննիչ | 2011-12-27 | 14:45 | 2 | Կայացվել է | ||
| Կենտրոն և Նորք-Մարաշ | 2011-02-25 | 12:00 | 4 | |||
| Կենտրոն և Նորք-Մարաշ | 2011-09-29 | 12:00 | 4 |
Գործ ԵԿԴ/0012/01/11
Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
27 դեկտեմբերի 2011թ. ք. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ
ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ
ԴԱՏԱՎՈՐՆԵՐ Ե. ԴԱՐԲԻՆՅԱՆ
Գ. ԱՎԵՏԻՍՅԱՆ
ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ
ՄԱՍՆԱԿՑՈՒԹՅԱՄԲ
ՄԵՂԱԴՐՈՂ Լ. ՉԱՐԽԻՖԱԼԱԿՅԱՆԻ
ՊԱՇՏՊԱՆՆԵՐ Վ. ԳԵՎՈՐԳՅԱՆԻ
Ա. ՍԻՐՈՒՆՅԱՆԻ
Դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները` Անդրանիկ Պապի Շահբազյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճռի դեմ
Պ Ա Ր Զ Ե Ց
1. Գործի դատավարական նախապատմությունը.
2010 թվականի օգոստոսի 18-ին ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում ՀՀ քրեական օրենսգրքի 268-րդ հոդվածի 2-րդ մասի 2-րդ կետով հարուցվել է թիվ 13141110 քրեական գործը` Միքայել Զոհրաբյանի կողմից ապօրինի խոշոր չափի <<չորացված մարիխուանա>> տեսակի թմրամիջոց ձեռք բերելու և պահելու դեպքի առթիվ:
Նույն օրը Միքայել Ռաֆիկի Զոհրաբյանը և Անդրանիկ Պապի Շահբազյանը ձերբակալվել են:
2010 թվականի օգոստոսի 20-ին Անդրանիկ Պապի Շահբազյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով:
2010 թվականի օգոստոսի 20-ին Միքայել Ռաֆիկի Զոհրաբյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի օգոստոսի 20-ի որոշումներով Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կիրառվել է կալանավորումը` 2/երկու/ ամիս ժամանակով: Կալանքի սկիզբը հաշվվել է 2010 թվականի օգոստոսի 18-ից:
2011 թվականի հունվարի 17-ին Անդրանիկ Պապի Շահբազյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով:
2011 թվականի հունվարի 17-ին Միքայել Ռաֆիկի Զոհրաբյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով:
2011 թվականի փետրվարի 01-ին Երևան քաղաքի Կենտրոն և Նորք-Մարաշ վարչական շրջանների դատախազի ժամանակավոր պաշտոնակատարի կողմից քրեական գործն ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, 268-րդ հոդվածի 2-րդ մասի 1-ին, 2-րդ կետերով և Հրայր Բաբկենի Հրայրյանի` ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննության առնելու համար:
2011 թվականի սեպտեմբերի 08-ին Անդրանիկ Պապի Շահբազյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով:
2011 թվականի սեպտեմբերի 08-ին Միքայել Ռաֆիկի Զոհրաբյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռով ամբաստանյալ Անդրանիկ Պապի Շահբազյանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտվել ազատազրկման 6/վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Ամբաստանյալ Միքայել Ռաֆիկի Զոհրաբյանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտվել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3/երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2/երկու/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ է նշանակվել ազատազրկում 4/չորս/ տարի 6/վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնվել է անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացվել է։
Վճռվել է նաև դատավճիռն օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով <<չորացված մարիխուանա>> տեսակի թմրամիջոցը ոչնչացնել, իսկ Մ.Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը` որպես եկամուտ, հանձնել պետությանը։
Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձվել է 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։
Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձվել է 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճռի դեմ վերքննիչ բողոքներ են բերել ամբաստանյալ Անդրանիկ Շահբազյանը, նրա պաշտպան Վաղարշակ Գևորգյանը և ամբաստանյալ Միքայել Զոհրաբյանի պաշտպան Ալեքսանդր Սիրունյանը:
Քրեական գործը ՀՀ վերաքննիչ քրեական դատարան մուտք է եղել 2011 թվականի հոկտեմբերի 28-ին:
ՀՀ վերաքննիչ քրեական դատարանի 2011 թվականի նոյեմբերի 01-ի որոշմամբ վերաքննիչ բողոքներն ընդունվել են վարույթ և քրեական գործը նշանակվել քննության վճռաբեկ դատարանում գործերի քննության համար սահմանված կանոններով:
Վերաքննիչ բողոքների դեմ գրավոր պատասխաններ չեն ստացվել:
2. Գործի փաստական հանգամանքները.
Դատաքննությամբ, գործի տվյալներով, դատարանը հիմնավորված է համարել հետևյալը.
Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, <<չորացված մարիխուանա>> տեսակի թմրամիջոց հետևյալ հանգամանքներում.
Ամբաստանյալ Միքայել Զոհրաբյանը 2009 թվականի ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել մտերիմ փոխհարաբերություններ։
2010 թվականի հուլիսի կեսերին ամբաստանյալ Մ.Զոհրաբյանը ցանկացել է իր գործածման համար ապօրինի <<չորացված մարիխուանա>> տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա.Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ.Զոհրաբյանին ապօրինի իրացրել է խոշոր չափի` 7 գրամ <<չորացված մարիխուանա>> տեսակի թմրամիջոց։ Մ.Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։
Բացի այդ, ամբաստանյալ Մ.Զոհրաբյանը 2010 թվականի օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ <<չորացված մարիխուանա>> տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։
Բացի այդ, 2010 թվականի օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ.Զոհրաբյանը Հրայր Հրայրյանին հյուրասիրելու եղանակով ապօրինի իրացրել է <<մարիխուանա>> տեսակի թմրամիջոց, որը վերջինս ծխելու միջոցով գործածել է։
Բացի այդ, ամբաստանյալ Մ.Զոհրաբյանը 2010 թվականի օգոստոսի 18-ին, ժամը 0030-ի սահմաններում, իր աշխատավայրում` Երևանում գործող <<Արբատ>> սրճարանում, տեղեկանալով, որ Հ.Հրայրյանը ցանկանում է իր գործածման համար ապօրինի խոշոր չափի <<չորացված մարիխուանա>> տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ.Զոհրաբյանը Հ.Հրայրյանից վերցրել է 45.000 ՀՀ դրամ գումար, ապա` իր և Հ.Հրայրյանի գործածման համար <<չորացված մարիխուանա>> տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա.Շահբազյանին։ Մ.Զոհրաբյանը Ա.Շահբազյանից, ընդհանուր` 36.000 ՀՀ դրամով գնելու միջոցով, Հ.Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ <<չորացված մարիխուանա>> տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։
Նույն օրը, ժամը 0200-ի սահմաններում ամբաստանյալ Մ.Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ.Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ.Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ <<չորացված մարիխուանա>> տեսակի թմրամիջոցը։
3. Վերաքննիչ բողոքների հիմքերը, փաստարկները և պահանջը.
Վերաքննիչ բողոքները քննվում են հետևյալ հիմքերի սահմաններում ներքոհիշյալ հիմնավորումներով:
Ամբաստանյալ Անդրանիկ Շահբազյանը և նրա պաշտպան Վաղարշակ Գևորգյանը վերաքննիչ բողոքում նշել են, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը կայացրած դատական ակտով Անդրանիկ Պապի Շահբազյանի նկատմամբ թույլ է տվել ՀՀ քրեական դատավարության օրենսգրքի 397-րդ և 398-րդ հոդվածներով նախատեսված նյութական և քրեադատավարական նորմերի խախտումներ, որոնք ազդել են գործով ճիշտ որոշում կայացնելու վրա։
Մասնավորապես` դատարանը չի կիրառել կիրառման ենթակա ՀՀ քրեական օրենսգրքի օրենսգրքի 10-րդ հոդվածի 1-ին մասի, 61-րդ հոդվածի 1-ին և 2-րդ մասերի, 62-րդ հոդվածի 2-րդ մասի պահանջները:
Եթե դատարանը հաշվի առներ գործի բնույթը և դատական ակտում շարադրեր Անդրանիկ Շահբազյանի պատասխանատվությունը և աատիժը մեղմացնող բոլոր հանգամանքները, անձը բնութագրող տվյալները, մասնավորապես՝ նախաքննության ընթացքում և դատարանում իրեն մեղավոր ճանաչելով ինքնախաատվանանկան ցուցմունքներ տալը, քրեորեն պատժելի մեկ արարք կատարած լինելը, կատարած արարքի համար անկեղծորեն, գործուն զղջալը, գործով օբյեկտիվ ճշմարտության բացահայտմանն օգնելը, աջակցելը և չխոչընդոտելը, դատվածություն և հանցավոր կապեր չունենալը, դրական բնութագրվելը և մի շարք այլ մեղմացուցիչ հանգամանքները, ապա նրա նկատմամբ կնշանակեր արդարացի, ՀՀ քրեական օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ, որը կհամապատասխաներ նրա կատարած հանցանքի ծանրությանը, դա կատարելու հանգամանքներին։
Դատարանը խախտել է ՀՀ քրեական դատավարության օրենսգրքի 358-րդ հոդվածի 4-րդ մասի, 360-րդ հոդվածի 1-ին մասի պահանջները:
Եթե դատարանն արդարության, պատասխանատվության և պատժի անհատականցման սկզբունքներից ելնելով գնահատեր գործով ձեռք բերված ապացույցները, ամբաստանյալի անձը բնութագրող տվյալները, պատասխանատվությունը և պատիժը մեղմացնող հանգամանքները, ապա կհանգեր ճիշտ հետևության և Անդրանիկ Շահբազյանի նկատմամբ կնշանակեր համաչափ և արդարացի պատիժ։
Դատարանը դատավճռում որևէ որևէ ձևով չի դիտարկել ՀՀ քրեական օրենսգրքի 64-րդ հոդվածի կիրառումը՝ ՀՀ քրեական օրենսգրքի Հատուկ մասի համապատասխան հոդվածով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, նախատեսված պատժի նվազագույն չափից ավելի ցածր պատիժ որոշելու տեսանկյունից։
Անդրանիկ Շահբազյանի նկատմամբ պատժի տեսակը և չափը որոշելու տեսանկյունից, անհրաժեշտ էր հաշվի առնել նաև, որ Անդրանիկ Շահբազյանն օգնել և օժանդակել է քննությանը՝ գործով օբյեկտիվ ճշմարտության բացահայտմանը, կատարած արարքի համար անկեղծորեն գղջացել է, նախաքննության և
դատաքննության ընթացքում տվել է ինքնախոստովանական և ճիշտ ցուցմունքներ, նախկինում դատապարտված չի եղել, որևէ հակաօրինական արարք թույլ չի տվել, չունի հանցավոր կապեր, նախաքննության ընթացքում դրսևորել է պատշաճ վարքագիծ, չի խոչընդոտել մինչդատական վարույթում և դատարանում գործի քննությանը, չի խուսափել քրեական պատասխանատվությունից և պատժից, ֆիզիկապես վատառողջ է` տառապում է <<Աջ թոքի էխինոկոկոզ։ Որովայնի կպումային հիվանդություն:>> ախտորոշումներով, որի պատճառով ազատվել է նաև պարտադիր զինվորական ծառայությունից և Անդրանիկ Շահբազյանին հասարակությունից երկար ժամանակով մեկուսացնելով` վտանգվում է նրա կյանքն ու առողջությունը, երիտասարդ է, ունի մշտական բնակության վայր, բնութագրվում է դրական։
Դատավճռում չի նշվել և քրեական գործում էլ չկա Անդրանիկ Շահբյազյանի պատասխանատվությունը և պատիժը ծանրացնող որևէ հանգամանք, իսկ նրա պատասխանատվությունը և պատիժը մեղմացնող վերոնշյալ բազմաթիվ հանգամանքները հաշվի չեն առնվել դատարանի կողմից։
Դատարանն Անդրանիկ Շահբազյանի նկատմամբ անհամաչափ, խիստ պատիժ նշանակելիս անտեսել ու խախտել է ՀՀ քրեական օրենսգրքի 48-րդ հոդվածի 2-րդ կետի սկզբունքը:
Դատարանը կաշկանդված չէր և բոլոր հիմքերն ուներ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ պատիժ նշանակելու համար, քանի որ այդ կերպ հնարավոր էր հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, ինչպես նաև ապահովել ՀՀ քրեական օրենսգրքի 10-րդ և 61-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները, սակայն անհիմն ձևով չի կիրառել։
Վերոգրյալի հիման վրա և ղեկավարվելով <<Մարդու իրավունքների և հիմնարար ազատությունների պաշտպանության մասին>> Կոնվենցիայի 6-րդ, 7-րդ հոդվածներով, ՀՀ Սահամանդրաթյան 18-րդ, 19-րդ, 20-րդ հոդվածներով, ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ հոդվածներով, ՀՀ քրեական դատավարության օրենսգրքի 358-րդ, 360-րդ, 376-379-րդ, 3801-րդ, 381-րդ, 383-րդ, 385-րդ, 386-րդ, 388-րդ, 390-րդ, 391-րդ, 393-399-րդ հոդվածներով` ամբաստանյալն ու պաշտպանը խնդրել են բեկանել և փոփոխել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 29.09.2011թ. թիվ ԵԿԴ/0012/01/11 դատական ակտը՝ Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ։
Ամբաստանյալ Միքայել Զոհրաբյանի պաշտպան Ալեքսանդր Սիրունյանը վերաքննիչ բողոքում նշել է, որ իր պաշտպանյալին ՀՀ քրեական օրենսգրքի 266-րդ հոդվածի 1-ին մասով դատապարտելիս, դատարանը կայացրել է դատական ակտ, որը հիմնված չէ ապացույցների վրա։
Տվյալ դեպքում դատարանն անտեսել է, որ ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում դեպքը և հանգամանքները /կատարման ժամանակը, տեղը, եղանակը/։
Դատարանը, թիվ ԵԿԴ/0012/01/11 քրեական գործով կայացված դատավճռով թույլ է տվել դատական սխալ` նյութական և դատավարական իրավունքի խախտումներ, որոնք ազդել են գործի ելքի վրա, ինչը ՀՀ քրեական դատավարության օրենսգրքի 3801-րդ հոդվածի 1-ին մասի 1-ին կետի համաձայն` վերաքննիչ բողոք բերելու հիմք է հանդիսանում։
Դատական սխալը կայանում է նրանում, որ դատարանի հետևությունները չեն համապատասխանում ապացույցներին, այդ պատճառով նշված դատավճռիը ոչ միայն ենթակա է բեկանման, այլև գործի հանգամանքներից ակնհայտորեն հետևում է, որ այն կարող է փոփոխվել։
Նկատի ունենալով վերոգրյալը` պաշտպան Ալեքսանդր Սիրունյանը խնդրել է թիվ ԵԿԴ/0012/01/11 քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից 2011 թվականի սեպտեմբերի 29-ին կայացված դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով Միքայել Զոհրաբյանին արդարացնել։
4. Վերաքննիչ բողոքների դեմ բերված պատասխանը.
Մեղադրող, Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Լ.Չարխիֆալակյանը վերաքննիչ բողոքների դեմ առարկեց` նշելով, որ քրեական գործով ձեռք բերված ապացույցներով հիմնավորովում է Միքայել Զոհրաբյանին ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքը, իսկ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածը կիրառելու համար բացառիկ հանգամանքներ չկան:
5. Վերաքննիչ դատարանի պատճառաբանությունները և եզրահանգումը.
Վերաքննիչ դատարանը վերաքննիչ բողոքների հիմքերի և հիմնավորումների սահմաններում վերլուծելով գործի նյութերը, լսելով կողմերի հիմնավորումները վերաքննիչ բողոքների կապակցությամբ, դատական ակտը չբողոքարկած մեղադրողի պատասխանը` հանգում է հետևության, որ վերաքննիչ բողոքները պետք է մերժել` հետևյալ պատճառաբանությամբ.
ՀՀ քրեական դատավարության օրենսգրքի 385-րդ հոդվածի 1-ին մասի համաձայն` վերաքննիչ քրեական դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում, նույն հոդվածի 3-րդ մասի 1-ին նախադասության համաձայն` վերաքննիչ դատարանում բողոքի քննության ժամանակ առաջին ատյանի դատարանում հաստատված փաստական հանգամանքներն ընդունվում են որպես հիմք, բացառությամբ այն դեպքի, երբ բողոքում վիճարկվում է որևէ փաստական հանգամանք, և վերաքննիչ դատարանը հանգում է այն եզրակացության, որ տվյալ փաստական հանգամանքի վերաբերյալ եզրակացության հանգելիս առաջին ատյանի դատարանն ակնհայտ սխալ է թույլ տվել:
Սույն քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռի դեմ բերված վերաքննիչ բողոքներով ամբաստանյալ Անդրանիկ Շահբազյանը և պաշտպան Վաղարշակ Գևորգյանը խնդրել են Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ, իսկ պաշտպան Ալեքսանդր Սիրունյանը խնդրել է դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով նրան արդարացնել։
Ամբաստանյալ Անդրանիկ Շահբազյանի կողմից ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքը կատարելը և նրա մեղքը որևէ մասնակցի կողմից չի վիճարկվում, չի վիճարկվում նաև առաջին ատյանի դատարանի կողմից դատավճռով հաստատված ճանաչված որևէ փաստական հանգամանք, այդ իսկ պատճառով Անդրանիկ Շահբազյանին առաջադրված մեղադրանքի հիմնավորվածությունը ՀՀ վերաքննիչ քրեական դատարանը քննության առարկա չի դարձնում, այլ քննության առարկա է դարձնում դատավճռով նշանակված պատժի հիմնավորվածությունը:
Միաժամանակ ՀՀ վերաքննիչ քրեական դատարանը ելնելով ՀՀ վերաքննիչ քրեական դատարանի դատաքննության սահմաններից` Անդրանիկ Շահբազյանի ցուցմունքները քննության առարկա կդարձնի միայն այն մասով, որ մասով որ դրանք առնչվում են ամբաստանյալ Միքայել Զոհրաբյանին մեղսագրված հանցանքների հիմնավորվածությանը:
Ընդհանուր իրավասության դատարանում ամբաստանյալ Միքայել Ռաֆիկի Զոհրաբյանն առաջադրված մեղադրանքում իրեն մեղավոր է ճանաչել մասնակիորեն` թմրանյութ իրացնելու մասով իրեն մեղավոր չի ճանաչել, ցուցմունք է տվել այն մասին, որ թմրանյութը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան <<մարիխուանա>> տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։
Նախաքննության ընթացքում Միքայել Զոհրաբյանը ցուցմունք է տվել այն մասին, որ 2009 թվականի իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010 թվականի հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով <<չորացված մարիխուանա>> տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010 թվականի օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6000 ՀՀ դրամով նրանից գնել 1 փաթեթ` 3.5 գրամ քաշով <<մարիխուանա>> տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010 թվականի օգոստոսի 17-ին իր աշխատավայր` <<Արբատ>> սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար <<մարիխուանա>> տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45.000 ՀՀ դրամ գումար, որից 40.000 ՀՀ դրամը՝ հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 0030-ի սահմաններում, Երևանի <<Հին Էրիվան>> ռեստորանի մոտից, վարձակալած <<Վազ 2106>> մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքն Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես` ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին` Վարդանանց և Հանրապետության փողոցների խաչմերուկում, ոստիկանության աշխատակիցները բռնել են իրեն և բերման ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով <<չորացված մարիխուանա>> տեսակի թմրամիջոցը։ Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ <<մարիխուանա>> տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ <<մարիխուանա>> տեսակի թմրամիջոցը նախատեսված է եղել իր գործածման համար, այն Հ.Հրայրյանին իրացնելու նպատակ չի ունեցել։ Թեև գումար վերցնելիս Հ.Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։
ՀՀ վերաքննիչ քրեական դատարանը, ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադավարական օրենքի նորմերի պահպանումը, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ ամբաստանյալ Միքայել Զոհրաբյանի պատճառաբանություններն արժանահավատ չեն, մտացածին են, նպատակ են հետապնդում խուսափել քրեական պատասխանատվությունից և պատժից, ամբաստանյալ Միքայել Զոհրաբյանի կողմից հանցանքները կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով.
Ամբաստանյալ Անդրանիկ Շահբազյանի նախաքննական և դատաքննական ցուցմունքներով, վկաներ ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկաններ Ռոման Իգորի Հովհաննիսյանի, Գևորգ Ռուբենի Կիրակոսյանի, Գրիգոր Ժորիկի Դանիելյանի դատաքննական ցուցմունքներով, վկաներ Էդուարդ Ալեքսանդրի Բալաբեկյանի, Հայկ Սարուխանի Խաչատրյանի, Գոռ Արմենի Մելքոնյանի նախաքննական ցուցմունքներով, ինչպես նաև անձին ճանաչման ներկայացնելու մասին 18.08.2010թ. արձանագրությամբ, դատաքիմիական փորձագետի 2010 թվականի օգոստոսի 18-ի թիվ 390Ք եզրակացությամբ, տոքսիկոքիմիական փորձաքննության 2010 թվականի սեպտեմբերի 03-ի թիվ 10-2198, թիվ 10-2199 և 2010 թվականի սեպտեմբերի 09-ի թիվ 10-2331 եզրակացություններով, ապացույց ճանաչված, <<Ղ-Տելեկոմ>> ՓԲ ընկերությունից ստացված, Մ.Զոհրաբյանի կողմից օգտագործված 094-60-11-43, Ա.Շահբազյանի կողմից օգտագործված 093-95-98-14, Հ.Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրություններով, անձնական խուզարկություն կատարելու մասին 18.08.2010թ. արձանագրությամբ, իրեղեն ապացույց ճանաչված 20,78 գրամ քաշով <<չորացված մարիխուանա>> տեսակի թմրամիջոցով:
Դատարանը վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` գտել է, որ վերջինիս ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։
ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ:
ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում`
1. դեպքը և հանգամանքները/կատարման ժամանակը, տեղը, եղանակը և այլն/.
2. կասկածյալի և մեղադրյալի առնչությունը դեպքին.
3. հանցագործության` քրեական օրենքով նախատեսված հատկանիշները.
4. անձի մեղավորությունը քրեական օրենքով չթույլատրված արարքը կատարելու մեջ.
5. քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով:
Վերաքննիչ քրեական դատարանը հիմնավոր չի համարում պաշտպան Ալեքսանդր Սիրունյանի վերաքննիչ բողոքի այն փաստարկները, որ Միքայել Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով դատական ակտը հիմնված չէ ապացույցների վրա:
ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում:
Ընդհանուր իրավասության դատարանը Միքայել Զոհրաբյանի արարքները գնահատելիս պահպանել է ապացույցների գնահատման վերաբերյալ ՀՀ քրեադատավարական օրենսդրության պահանջները, ամբաստանյալի կողմից իրեն մեղսագրված արարքները կատարելը և նրա մեղքը հիմնավորվում է քրեական գործին վերաբերող փոխկապակցված հավաստի ապացույցների բավարար ամբողջությամբ:
Այս կապակցությամբ վերաքննիչ բողոքի պատճառաբանությունները` Միքայել Զոհրաբյանին ՀՀ քրեական օրենսգրքի 266-րդ հոդվածով արդարացնելու վերաբերյալ, անհիմն են, չեն բխում քրեական գործի նյութերից:
Միևնույն ժամանակ ՀՀ վերաքննիչ քրեական դատարանն արձանագրում է, որ առաջին ատյանի դատարանը քննության առնելով դատական քննության ընթացքում ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները փոփոխելու հարցը` հանգել է սխալ հետևության` գտնելով, որ մեղադրողի կողմից <<ՀՀ քրեական օրենսգրքում փոփոխություններ և լրացումներ կատարելու մասին>> 2011 թվականի մայիսի 23-ին ընդունված ՀՀ օրենքի համաձայն նախաքննության ընթացքում ամբաստանյալներին առաջադրված մեղադրանքները փոփոխելը և Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, իսկ Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նոր մեղադրանքներ առաջադրելը չի բխում ՀՀ քրեական օրենսգրքի 12-րդ և 13-րդ հոդվածների պահանջներից, ամբաստանյալ Անդրանիկ Շահբազյանի արարքը որակել և պատիժ է սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի` ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով, տվյալ դեպքում մեղադրողի կողմից առաջադրված մեղադրանքները չպետք է փոխվեին: Նկատի ունենալով, որ այդ մասով դատական ակտը չի բողոքարկվել ՀՀ քրեական դատավարության օրենսգրքի 385-րդ հոդվածի 1-ին մասի համաձայն` ՀՀ վերաքննիչ քրեական դատարանն այդ հարցը քննության առարկա չի դարձնում:
Քննության առնելով ամբաստանյալ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ օրենքով նախատեսվածից ավելի մեղմ պատիժ նշանակելու վերաբերյալ վերաքննիչ բողոքի փաստարկները, վերաքննիչ դատարանը գտնում է, որ ընդհանուր իրավասության դատարանի կողմից պահպանվել են ՀՀ քրեական օրենսգրքի Ընդհանուր մասով ամրագրված պատժի նշանակումը կանոնակարգող իրավադրույթները և տվյալ դեպքում պատժի մեղմացումն անթույլատրելի է` հետևյալ պատճառաբանությամբ.
ՀՀ քրեական օրենսգրքի 64-րդ հոդվածի 1-ին մասի համաձայն` հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի` հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսվածն է այդ հոդվածով, կամ չկիրառել որպես պարտադիր նախատեսված լրացուցիչ պատիժ, նույն հոդվածի 2-րդ մասի համաձայն` բացառիկ կարող են ճանաչվել ինչպես առանձին մեղմացնող հանգամանքները, այնպես էլ այդ հանգամանքների համակցությունը:
ՀՀ քրեական օրենսգրքի 64-րդ հոդվածի 1-ին մասի բովանդակային վերլուծությունից հետևում է, որ օրենքով նախատեսվածից ավելի մեղմ պատիժ նշանակելու համար պարտադիր է հետևյալ երկու պայմաններից գոնե մեկի առկայությունը.
1. հանցանքի` հանրության համար վտանգավորության աստիճանն էականորեն նվազեցնող, հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայություն.
2. խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելը:
Դատարանն ամբաստանյալ Անդրանիկ Շահբազյանի նկատմամբ պատիժ նշանակելիս հաշվի է առել հանցագործության` հանրության համար վտանգավորության աստիճանը և բնույթը, անձը բնութագրող տվյալները` վատառողջ է, նախկինում դատված չի եղել, բնութագրվում է դրական: Ամբաստանյալի պատասխանատվությունն ու պատիժը մեղմացնող և ծանրացնող հանգամանքներ դատարանը չի արձանագրել:
ՀՀ վերաքննիչ քրեական դատարանը ՀՀ քրեական օրենսգրքի 64-րդ հոդվածի 1-ին մասի պահանջների համատեքստում քննության առնելով սույն քրեական գործի հանգամանքները` գտնում է, որ առկա են ամբաստանյալ Անդրանիկ Շահբազյանի անձը նպաստավոր բնութագրող, քրեական պատասխանատվությունը և պատիժը մեղմացնող հանգամանքներ, սակայն այդ հանգամանքները, ՀՀ քրեական օրենսգրքի 64-րդ հոդվածի իմաստով, բացառիկ չեն կարող դիտվել ինչպես առանձին-առանձին, այնպես էլ` իրենց համակցության մեջ:
ՀՀ վերաքննիչ քրեական դատարանը փաստում է, որ ընդհանուր իրավասության դատարանը հաշվի առնելով ՀՀ քրեական օրենսգրքի 5-րդ, 10-րդ, 48-րդ, 61-րդ հոդվածների դրույթները` ամբաստանյալ Անդրանիկ Շահբազյանի նկատմամբ պատժատեսակի և պատժաչափի նշանակման, ինչպես նաև նշանակված պատիժը կրելու անհրաժեշտության հարցում հանգել է հիմնավորված հետևությունների:
Քննության առնելով վերը նշված բոլոր հանգամանքներն իրենց համակցության մեջ, ՀՀ վերաքննիչ քրեական դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը պետք է թողնել օրինական ուժի մեջ, իսկ վերաքննիչ բողոքները` առանց բավարարման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը
Ո Ր Ո Շ Ե Ց
Ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները մերժել:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը` քրեական գործով ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ
Ո Ր Ո Շ Ո Ւ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
27 դեկտեմբերի 2011թ. ք. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ
ՀԵՏԵՎՅԱԼ ԿԱԶՄՈՎ
ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ
ԴԱՏԱՎՈՐՆԵՐ Ե. ԴԱՐԲԻՆՅԱՆ
Գ. ԱՎԵՏԻՍՅԱՆ
ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ
ՄԱՍՆԱԿՑՈՒԹՅԱՄԲ
ՄԵՂԱԴՐՈՂ Լ. ՉԱՐԽԻՖԱԼԱԿՅԱՆԻ
ՊԱՇՏՊԱՆՆԵՐ Վ. ԳԵՎՈՐԳՅԱՆԻ
Ա. ՍԻՐՈՒՆՅԱՆԻ
Դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները` Անդրանիկ Պապի Շահբազյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճռի դեմ
Պ Ա Ր Զ Ե Ց
1. Գործի դատավարական նախապատմությունը.
2010 թվականի օգոստոսի 18-ին ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում ՀՀ քրեական օրենսգրքի 268-րդ հոդվածի 2-րդ մասի 2-րդ կետով հարուցվել է թիվ 13141110 քրեական գործը` Միքայել Զոհրաբյանի կողմից ապօրինի խոշոր չափի <<չորացված մարիխուանա>> տեսակի թմրամիջոց ձեռք բերելու և պահելու դեպքի առթիվ:
Նույն օրը Միքայել Ռաֆիկի Զոհրաբյանը և Անդրանիկ Պապի Շահբազյանը ձերբակալվել են:
2010 թվականի օգոստոսի 20-ին Անդրանիկ Պապի Շահբազյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով:
2010 թվականի օգոստոսի 20-ին Միքայել Ռաֆիկի Զոհրաբյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի օգոստոսի 20-ի որոշումներով Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կիրառվել է կալանավորումը` 2/երկու/ ամիս ժամանակով: Կալանքի սկիզբը հաշվվել է 2010 թվականի օգոստոսի 18-ից:
2011 թվականի հունվարի 17-ին Անդրանիկ Պապի Շահբազյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով:
2011 թվականի հունվարի 17-ին Միքայել Ռաֆիկի Զոհրաբյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով:
2011 թվականի փետրվարի 01-ին Երևան քաղաքի Կենտրոն և Նորք-Մարաշ վարչական շրջանների դատախազի ժամանակավոր պաշտոնակատարի կողմից քրեական գործն ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, 268-րդ հոդվածի 2-րդ մասի 1-ին, 2-րդ կետերով և Հրայր Բաբկենի Հրայրյանի` ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննության առնելու համար:
2011 թվականի սեպտեմբերի 08-ին Անդրանիկ Պապի Շահբազյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով:
2011 թվականի սեպտեմբերի 08-ին Միքայել Ռաֆիկի Զոհրաբյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռով ամբաստանյալ Անդրանիկ Պապի Շահբազյանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտվել ազատազրկման 6/վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Ամբաստանյալ Միքայել Ռաֆիկի Զոհրաբյանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտվել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3/երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2/երկու/ տարի ժամկետով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ է նշանակվել ազատազրկում 4/չորս/ տարի 6/վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնվել է անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացվել է։
Վճռվել է նաև դատավճիռն օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով <<չորացված մարիխուանա>> տեսակի թմրամիջոցը ոչնչացնել, իսկ Մ.Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը` որպես եկամուտ, հանձնել պետությանը։
Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձվել է 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։
Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձվել է 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճռի դեմ վերքննիչ բողոքներ են բերել ամբաստանյալ Անդրանիկ Շահբազյանը, նրա պաշտպան Վաղարշակ Գևորգյանը և ամբաստանյալ Միքայել Զոհրաբյանի պաշտպան Ալեքսանդր Սիրունյանը:
Քրեական գործը ՀՀ վերաքննիչ քրեական դատարան մուտք է եղել 2011 թվականի հոկտեմբերի 28-ին:
ՀՀ վերաքննիչ քրեական դատարանի 2011 թվականի նոյեմբերի 01-ի որոշմամբ վերաքննիչ բողոքներն ընդունվել են վարույթ և քրեական գործը նշանակվել քննության վճռաբեկ դատարանում գործերի քննության համար սահմանված կանոններով:
Վերաքննիչ բողոքների դեմ գրավոր պատասխաններ չեն ստացվել:
2. Գործի փաստական հանգամանքները.
Դատաքննությամբ, գործի տվյալներով, դատարանը հիմնավորված է համարել հետևյալը.
Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, <<չորացված մարիխուանա>> տեսակի թմրամիջոց հետևյալ հանգամանքներում.
Ամբաստանյալ Միքայել Զոհրաբյանը 2009 թվականի ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել մտերիմ փոխհարաբերություններ։
2010 թվականի հուլիսի կեսերին ամբաստանյալ Մ.Զոհրաբյանը ցանկացել է իր գործածման համար ապօրինի <<չորացված մարիխուանա>> տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա.Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ.Զոհրաբյանին ապօրինի իրացրել է խոշոր չափի` 7 գրամ <<չորացված մարիխուանա>> տեսակի թմրամիջոց։ Մ.Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։
Բացի այդ, ամբաստանյալ Մ.Զոհրաբյանը 2010 թվականի օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ <<չորացված մարիխուանա>> տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։
Բացի այդ, 2010 թվականի օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ.Զոհրաբյանը Հրայր Հրայրյանին հյուրասիրելու եղանակով ապօրինի իրացրել է <<մարիխուանա>> տեսակի թմրամիջոց, որը վերջինս ծխելու միջոցով գործածել է։
Բացի այդ, ամբաստանյալ Մ.Զոհրաբյանը 2010 թվականի օգոստոսի 18-ին, ժամը 0030-ի սահմաններում, իր աշխատավայրում` Երևանում գործող <<Արբատ>> սրճարանում, տեղեկանալով, որ Հ.Հրայրյանը ցանկանում է իր գործածման համար ապօրինի խոշոր չափի <<չորացված մարիխուանա>> տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ.Զոհրաբյանը Հ.Հրայրյանից վերցրել է 45.000 ՀՀ դրամ գումար, ապա` իր և Հ.Հրայրյանի գործածման համար <<չորացված մարիխուանա>> տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա.Շահբազյանին։ Մ.Զոհրաբյանը Ա.Շահբազյանից, ընդհանուր` 36.000 ՀՀ դրամով գնելու միջոցով, Հ.Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ <<չորացված մարիխուանա>> տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։
Նույն օրը, ժամը 0200-ի սահմաններում ամբաստանյալ Մ.Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ.Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ.Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ <<չորացված մարիխուանա>> տեսակի թմրամիջոցը։
3. Վերաքննիչ բողոքների հիմքերը, փաստարկները և պահանջը.
Վերաքննիչ բողոքները քննվում են հետևյալ հիմքերի սահմաններում ներքոհիշյալ հիմնավորումներով:
Ամբաստանյալ Անդրանիկ Շահբազյանը և նրա պաշտպան Վաղարշակ Գևորգյանը վերաքննիչ բողոքում նշել են, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը կայացրած դատական ակտով Անդրանիկ Պապի Շահբազյանի նկատմամբ թույլ է տվել ՀՀ քրեական դատավարության օրենսգրքի 397-րդ և 398-րդ հոդվածներով նախատեսված նյութական և քրեադատավարական նորմերի խախտումներ, որոնք ազդել են գործով ճիշտ որոշում կայացնելու վրա։
Մասնավորապես` դատարանը չի կիրառել կիրառման ենթակա ՀՀ քրեական օրենսգրքի օրենսգրքի 10-րդ հոդվածի 1-ին մասի, 61-րդ հոդվածի 1-ին և 2-րդ մասերի, 62-րդ հոդվածի 2-րդ մասի պահանջները:
Եթե դատարանը հաշվի առներ գործի բնույթը և դատական ակտում շարադրեր Անդրանիկ Շահբազյանի պատասխանատվությունը և աատիժը մեղմացնող բոլոր հանգամանքները, անձը բնութագրող տվյալները, մասնավորապես՝ նախաքննության ընթացքում և դատարանում իրեն մեղավոր ճանաչելով ինքնախաատվանանկան ցուցմունքներ տալը, քրեորեն պատժելի մեկ արարք կատարած լինելը, կատարած արարքի համար անկեղծորեն, գործուն զղջալը, գործով օբյեկտիվ ճշմարտության բացահայտմանն օգնելը, աջակցելը և չխոչընդոտելը, դատվածություն և հանցավոր կապեր չունենալը, դրական բնութագրվելը և մի շարք այլ մեղմացուցիչ հանգամանքները, ապա նրա նկատմամբ կնշանակեր արդարացի, ՀՀ քրեական օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ, որը կհամապատասխաներ նրա կատարած հանցանքի ծանրությանը, դա կատարելու հանգամանքներին։
Դատարանը խախտել է ՀՀ քրեական դատավարության օրենսգրքի 358-րդ հոդվածի 4-րդ մասի, 360-րդ հոդվածի 1-ին մասի պահանջները:
Եթե դատարանն արդարության, պատասխանատվության և պատժի անհատականցման սկզբունքներից ելնելով գնահատեր գործով ձեռք բերված ապացույցները, ամբաստանյալի անձը բնութագրող տվյալները, պատասխանատվությունը և պատիժը մեղմացնող հանգամանքները, ապա կհանգեր ճիշտ հետևության և Անդրանիկ Շահբազյանի նկատմամբ կնշանակեր համաչափ և արդարացի պատիժ։
Դատարանը դատավճռում որևէ որևէ ձևով չի դիտարկել ՀՀ քրեական օրենսգրքի 64-րդ հոդվածի կիրառումը՝ ՀՀ քրեական օրենսգրքի Հատուկ մասի համապատասխան հոդվածով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, նախատեսված պատժի նվազագույն չափից ավելի ցածր պատիժ որոշելու տեսանկյունից։
Անդրանիկ Շահբազյանի նկատմամբ պատժի տեսակը և չափը որոշելու տեսանկյունից, անհրաժեշտ էր հաշվի առնել նաև, որ Անդրանիկ Շահբազյանն օգնել և օժանդակել է քննությանը՝ գործով օբյեկտիվ ճշմարտության բացահայտմանը, կատարած արարքի համար անկեղծորեն գղջացել է, նախաքննության և
դատաքննության ընթացքում տվել է ինքնախոստովանական և ճիշտ ցուցմունքներ, նախկինում դատապարտված չի եղել, որևէ հակաօրինական արարք թույլ չի տվել, չունի հանցավոր կապեր, նախաքննության ընթացքում դրսևորել է պատշաճ վարքագիծ, չի խոչընդոտել մինչդատական վարույթում և դատարանում գործի քննությանը, չի խուսափել քրեական պատասխանատվությունից և պատժից, ֆիզիկապես վատառողջ է` տառապում է <<Աջ թոքի էխինոկոկոզ։ Որովայնի կպումային հիվանդություն:>> ախտորոշումներով, որի պատճառով ազատվել է նաև պարտադիր զինվորական ծառայությունից և Անդրանիկ Շահբազյանին հասարակությունից երկար ժամանակով մեկուսացնելով` վտանգվում է նրա կյանքն ու առողջությունը, երիտասարդ է, ունի մշտական բնակության վայր, բնութագրվում է դրական։
Դատավճռում չի նշվել և քրեական գործում էլ չկա Անդրանիկ Շահբյազյանի պատասխանատվությունը և պատիժը ծանրացնող որևէ հանգամանք, իսկ նրա պատասխանատվությունը և պատիժը մեղմացնող վերոնշյալ բազմաթիվ հանգամանքները հաշվի չեն առնվել դատարանի կողմից։
Դատարանն Անդրանիկ Շահբազյանի նկատմամբ անհամաչափ, խիստ պատիժ նշանակելիս անտեսել ու խախտել է ՀՀ քրեական օրենսգրքի 48-րդ հոդվածի 2-րդ կետի սկզբունքը:
Դատարանը կաշկանդված չէր և բոլոր հիմքերն ուներ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ պատիժ նշանակելու համար, քանի որ այդ կերպ հնարավոր էր հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, ինչպես նաև ապահովել ՀՀ քրեական օրենսգրքի 10-րդ և 61-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները, սակայն անհիմն ձևով չի կիրառել։
Վերոգրյալի հիման վրա և ղեկավարվելով <<Մարդու իրավունքների և հիմնարար ազատությունների պաշտպանության մասին>> Կոնվենցիայի 6-րդ, 7-րդ հոդվածներով, ՀՀ Սահամանդրաթյան 18-րդ, 19-րդ, 20-րդ հոդվածներով, ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ հոդվածներով, ՀՀ քրեական դատավարության օրենսգրքի 358-րդ, 360-րդ, 376-379-րդ, 3801-րդ, 381-րդ, 383-րդ, 385-րդ, 386-րդ, 388-րդ, 390-րդ, 391-րդ, 393-399-րդ հոդվածներով` ամբաստանյալն ու պաշտպանը խնդրել են բեկանել և փոփոխել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 29.09.2011թ. թիվ ԵԿԴ/0012/01/11 դատական ակտը՝ Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ։
Ամբաստանյալ Միքայել Զոհրաբյանի պաշտպան Ալեքսանդր Սիրունյանը վերաքննիչ բողոքում նշել է, որ իր պաշտպանյալին ՀՀ քրեական օրենսգրքի 266-րդ հոդվածի 1-ին մասով դատապարտելիս, դատարանը կայացրել է դատական ակտ, որը հիմնված չէ ապացույցների վրա։
Տվյալ դեպքում դատարանն անտեսել է, որ ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում դեպքը և հանգամանքները /կատարման ժամանակը, տեղը, եղանակը/։
Դատարանը, թիվ ԵԿԴ/0012/01/11 քրեական գործով կայացված դատավճռով թույլ է տվել դատական սխալ` նյութական և դատավարական իրավունքի խախտումներ, որոնք ազդել են գործի ելքի վրա, ինչը ՀՀ քրեական դատավարության օրենսգրքի 3801-րդ հոդվածի 1-ին մասի 1-ին կետի համաձայն` վերաքննիչ բողոք բերելու հիմք է հանդիսանում։
Դատական սխալը կայանում է նրանում, որ դատարանի հետևությունները չեն համապատասխանում ապացույցներին, այդ պատճառով նշված դատավճռիը ոչ միայն ենթակա է բեկանման, այլև գործի հանգամանքներից ակնհայտորեն հետևում է, որ այն կարող է փոփոխվել։
Նկատի ունենալով վերոգրյալը` պաշտպան Ալեքսանդր Սիրունյանը խնդրել է թիվ ԵԿԴ/0012/01/11 քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից 2011 թվականի սեպտեմբերի 29-ին կայացված դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով Միքայել Զոհրաբյանին արդարացնել։
4. Վերաքննիչ բողոքների դեմ բերված պատասխանը.
Մեղադրող, Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Լ.Չարխիֆալակյանը վերաքննիչ բողոքների դեմ առարկեց` նշելով, որ քրեական գործով ձեռք բերված ապացույցներով հիմնավորովում է Միքայել Զոհրաբյանին ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքը, իսկ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածը կիրառելու համար բացառիկ հանգամանքներ չկան:
5. Վերաքննիչ դատարանի պատճառաբանությունները և եզրահանգումը.
Վերաքննիչ դատարանը վերաքննիչ բողոքների հիմքերի և հիմնավորումների սահմաններում վերլուծելով գործի նյութերը, լսելով կողմերի հիմնավորումները վերաքննիչ բողոքների կապակցությամբ, դատական ակտը չբողոքարկած մեղադրողի պատասխանը` հանգում է հետևության, որ վերաքննիչ բողոքները պետք է մերժել` հետևյալ պատճառաբանությամբ.
ՀՀ քրեական դատավարության օրենսգրքի 385-րդ հոդվածի 1-ին մասի համաձայն` վերաքննիչ քրեական դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում, նույն հոդվածի 3-րդ մասի 1-ին նախադասության համաձայն` վերաքննիչ դատարանում բողոքի քննության ժամանակ առաջին ատյանի դատարանում հաստատված փաստական հանգամանքներն ընդունվում են որպես հիմք, բացառությամբ այն դեպքի, երբ բողոքում վիճարկվում է որևէ փաստական հանգամանք, և վերաքննիչ դատարանը հանգում է այն եզրակացության, որ տվյալ փաստական հանգամանքի վերաբերյալ եզրակացության հանգելիս առաջին ատյանի դատարանն ակնհայտ սխալ է թույլ տվել:
Սույն քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռի դեմ բերված վերաքննիչ բողոքներով ամբաստանյալ Անդրանիկ Շահբազյանը և պաշտպան Վաղարշակ Գևորգյանը խնդրել են Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ, իսկ պաշտպան Ալեքսանդր Սիրունյանը խնդրել է դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով նրան արդարացնել։
Ամբաստանյալ Անդրանիկ Շահբազյանի կողմից ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքը կատարելը և նրա մեղքը որևէ մասնակցի կողմից չի վիճարկվում, չի վիճարկվում նաև առաջին ատյանի դատարանի կողմից դատավճռով հաստատված ճանաչված որևէ փաստական հանգամանք, այդ իսկ պատճառով Անդրանիկ Շահբազյանին առաջադրված մեղադրանքի հիմնավորվածությունը ՀՀ վերաքննիչ քրեական դատարանը քննության առարկա չի դարձնում, այլ քննության առարկա է դարձնում դատավճռով նշանակված պատժի հիմնավորվածությունը:
Միաժամանակ ՀՀ վերաքննիչ քրեական դատարանը ելնելով ՀՀ վերաքննիչ քրեական դատարանի դատաքննության սահմաններից` Անդրանիկ Շահբազյանի ցուցմունքները քննության առարկա կդարձնի միայն այն մասով, որ մասով որ դրանք առնչվում են ամբաստանյալ Միքայել Զոհրաբյանին մեղսագրված հանցանքների հիմնավորվածությանը:
Ընդհանուր իրավասության դատարանում ամբաստանյալ Միքայել Ռաֆիկի Զոհրաբյանն առաջադրված մեղադրանքում իրեն մեղավոր է ճանաչել մասնակիորեն` թմրանյութ իրացնելու մասով իրեն մեղավոր չի ճանաչել, ցուցմունք է տվել այն մասին, որ թմրանյութը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան <<մարիխուանա>> տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։
Նախաքննության ընթացքում Միքայել Զոհրաբյանը ցուցմունք է տվել այն մասին, որ 2009 թվականի իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010 թվականի հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով <<չորացված մարիխուանա>> տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010 թվականի օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6000 ՀՀ դրամով նրանից գնել 1 փաթեթ` 3.5 գրամ քաշով <<մարիխուանա>> տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010 թվականի օգոստոսի 17-ին իր աշխատավայր` <<Արբատ>> սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար <<մարիխուանա>> տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45.000 ՀՀ դրամ գումար, որից 40.000 ՀՀ դրամը՝ հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 0030-ի սահմաններում, Երևանի <<Հին Էրիվան>> ռեստորանի մոտից, վարձակալած <<Վազ 2106>> մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքն Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես` ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին` Վարդանանց և Հանրապետության փողոցների խաչմերուկում, ոստիկանության աշխատակիցները բռնել են իրեն և բերման ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով <<չորացված մարիխուանա>> տեսակի թմրամիջոցը։ Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ <<մարիխուանա>> տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ <<մարիխուանա>> տեսակի թմրամիջոցը նախատեսված է եղել իր գործածման համար, այն Հ.Հրայրյանին իրացնելու նպատակ չի ունեցել։ Թեև գումար վերցնելիս Հ.Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։
ՀՀ վերաքննիչ քրեական դատարանը, ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադավարական օրենքի նորմերի պահպանումը, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ ամբաստանյալ Միքայել Զոհրաբյանի պատճառաբանություններն արժանահավատ չեն, մտացածին են, նպատակ են հետապնդում խուսափել քրեական պատասխանատվությունից և պատժից, ամբաստանյալ Միքայել Զոհրաբյանի կողմից հանցանքները կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով.
Ամբաստանյալ Անդրանիկ Շահբազյանի նախաքննական և դատաքննական ցուցմունքներով, վկաներ ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկաններ Ռոման Իգորի Հովհաննիսյանի, Գևորգ Ռուբենի Կիրակոսյանի, Գրիգոր Ժորիկի Դանիելյանի դատաքննական ցուցմունքներով, վկաներ Էդուարդ Ալեքսանդրի Բալաբեկյանի, Հայկ Սարուխանի Խաչատրյանի, Գոռ Արմենի Մելքոնյանի նախաքննական ցուցմունքներով, ինչպես նաև անձին ճանաչման ներկայացնելու մասին 18.08.2010թ. արձանագրությամբ, դատաքիմիական փորձագետի 2010 թվականի օգոստոսի 18-ի թիվ 390Ք եզրակացությամբ, տոքսիկոքիմիական փորձաքննության 2010 թվականի սեպտեմբերի 03-ի թիվ 10-2198, թիվ 10-2199 և 2010 թվականի սեպտեմբերի 09-ի թիվ 10-2331 եզրակացություններով, ապացույց ճանաչված, <<Ղ-Տելեկոմ>> ՓԲ ընկերությունից ստացված, Մ.Զոհրաբյանի կողմից օգտագործված 094-60-11-43, Ա.Շահբազյանի կողմից օգտագործված 093-95-98-14, Հ.Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրություններով, անձնական խուզարկություն կատարելու մասին 18.08.2010թ. արձանագրությամբ, իրեղեն ապացույց ճանաչված 20,78 գրամ քաշով <<չորացված մարիխուանա>> տեսակի թմրամիջոցով:
Դատարանը վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` գտել է, որ վերջինիս ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։
ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ:
ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում`
1. դեպքը և հանգամանքները/կատարման ժամանակը, տեղը, եղանակը և այլն/.
2. կասկածյալի և մեղադրյալի առնչությունը դեպքին.
3. հանցագործության` քրեական օրենքով նախատեսված հատկանիշները.
4. անձի մեղավորությունը քրեական օրենքով չթույլատրված արարքը կատարելու մեջ.
5. քրեական օրենքով նախատեսված պատասխանատվությունը մեղմացնող կամ խստացնող հանգամանքները.
6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով:
Վերաքննիչ քրեական դատարանը հիմնավոր չի համարում պաշտպան Ալեքսանդր Սիրունյանի վերաքննիչ բողոքի այն փաստարկները, որ Միքայել Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով դատական ակտը հիմնված չէ ապացույցների վրա:
ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում:
Ընդհանուր իրավասության դատարանը Միքայել Զոհրաբյանի արարքները գնահատելիս պահպանել է ապացույցների գնահատման վերաբերյալ ՀՀ քրեադատավարական օրենսդրության պահանջները, ամբաստանյալի կողմից իրեն մեղսագրված արարքները կատարելը և նրա մեղքը հիմնավորվում է քրեական գործին վերաբերող փոխկապակցված հավաստի ապացույցների բավարար ամբողջությամբ:
Այս կապակցությամբ վերաքննիչ բողոքի պատճառաբանությունները` Միքայել Զոհրաբյանին ՀՀ քրեական օրենսգրքի 266-րդ հոդվածով արդարացնելու վերաբերյալ, անհիմն են, չեն բխում քրեական գործի նյութերից:
Միևնույն ժամանակ ՀՀ վերաքննիչ քրեական դատարանն արձանագրում է, որ առաջին ատյանի դատարանը քննության առնելով դատական քննության ընթացքում ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները փոփոխելու հարցը` հանգել է սխալ հետևության` գտնելով, որ մեղադրողի կողմից <<ՀՀ քրեական օրենսգրքում փոփոխություններ և լրացումներ կատարելու մասին>> 2011 թվականի մայիսի 23-ին ընդունված ՀՀ օրենքի համաձայն նախաքննության ընթացքում ամբաստանյալներին առաջադրված մեղադրանքները փոփոխելը և Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, իսկ Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նոր մեղադրանքներ առաջադրելը չի բխում ՀՀ քրեական օրենսգրքի 12-րդ և 13-րդ հոդվածների պահանջներից, ամբաստանյալ Անդրանիկ Շահբազյանի արարքը որակել և պատիժ է սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի` ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով, տվյալ դեպքում մեղադրողի կողմից առաջադրված մեղադրանքները չպետք է փոխվեին: Նկատի ունենալով, որ այդ մասով դատական ակտը չի բողոքարկվել ՀՀ քրեական դատավարության օրենսգրքի 385-րդ հոդվածի 1-ին մասի համաձայն` ՀՀ վերաքննիչ քրեական դատարանն այդ հարցը քննության առարկա չի դարձնում:
Քննության առնելով ամբաստանյալ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ օրենքով նախատեսվածից ավելի մեղմ պատիժ նշանակելու վերաբերյալ վերաքննիչ բողոքի փաստարկները, վերաքննիչ դատարանը գտնում է, որ ընդհանուր իրավասության դատարանի կողմից պահպանվել են ՀՀ քրեական օրենսգրքի Ընդհանուր մասով ամրագրված պատժի նշանակումը կանոնակարգող իրավադրույթները և տվյալ դեպքում պատժի մեղմացումն անթույլատրելի է` հետևյալ պատճառաբանությամբ.
ՀՀ քրեական օրենսգրքի 64-րդ հոդվածի 1-ին մասի համաձայն` հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի` հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսվածն է այդ հոդվածով, կամ չկիրառել որպես պարտադիր նախատեսված լրացուցիչ պատիժ, նույն հոդվածի 2-րդ մասի համաձայն` բացառիկ կարող են ճանաչվել ինչպես առանձին մեղմացնող հանգամանքները, այնպես էլ այդ հանգամանքների համակցությունը:
ՀՀ քրեական օրենսգրքի 64-րդ հոդվածի 1-ին մասի բովանդակային վերլուծությունից հետևում է, որ օրենքով նախատեսվածից ավելի մեղմ պատիժ նշանակելու համար պարտադիր է հետևյալ երկու պայմաններից գոնե մեկի առկայությունը.
1. հանցանքի` հանրության համար վտանգավորության աստիճանն էականորեն նվազեցնող, հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայություն.
2. խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելը:
Դատարանն ամբաստանյալ Անդրանիկ Շահբազյանի նկատմամբ պատիժ նշանակելիս հաշվի է առել հանցագործության` հանրության համար վտանգավորության աստիճանը և բնույթը, անձը բնութագրող տվյալները` վատառողջ է, նախկինում դատված չի եղել, բնութագրվում է դրական: Ամբաստանյալի պատասխանատվությունն ու պատիժը մեղմացնող և ծանրացնող հանգամանքներ դատարանը չի արձանագրել:
ՀՀ վերաքննիչ քրեական դատարանը ՀՀ քրեական օրենսգրքի 64-րդ հոդվածի 1-ին մասի պահանջների համատեքստում քննության առնելով սույն քրեական գործի հանգամանքները` գտնում է, որ առկա են ամբաստանյալ Անդրանիկ Շահբազյանի անձը նպաստավոր բնութագրող, քրեական պատասխանատվությունը և պատիժը մեղմացնող հանգամանքներ, սակայն այդ հանգամանքները, ՀՀ քրեական օրենսգրքի 64-րդ հոդվածի իմաստով, բացառիկ չեն կարող դիտվել ինչպես առանձին-առանձին, այնպես էլ` իրենց համակցության մեջ:
ՀՀ վերաքննիչ քրեական դատարանը փաստում է, որ ընդհանուր իրավասության դատարանը հաշվի առնելով ՀՀ քրեական օրենսգրքի 5-րդ, 10-րդ, 48-րդ, 61-րդ հոդվածների դրույթները` ամբաստանյալ Անդրանիկ Շահբազյանի նկատմամբ պատժատեսակի և պատժաչափի նշանակման, ինչպես նաև նշանակված պատիժը կրելու անհրաժեշտության հարցում հանգել է հիմնավորված հետևությունների:
Քննության առնելով վերը նշված բոլոր հանգամանքներն իրենց համակցության մեջ, ՀՀ վերաքննիչ քրեական դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը պետք է թողնել օրինական ուժի մեջ, իսկ վերաքննիչ բողոքները` առանց բավարարման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը
Ո Ր Ո Շ Ե Ց
Ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները մերժել:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը` քրեական գործով ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, թողնել օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։
ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություններ
Իսկականի հետ ճիշտ է`
ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
29 սեպտեմբերի 2011թ. ք. Երևան
ԵԿԴ-0012/01/11
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.
նախագահող դատավոր` Մ. Մարտիրոսյան,
քարտուղարներ` Տ. Գրիգորյան, Էդ. Մկրտչյան
մասնակցությամբ`
մեղադրող,
Երևան քաղաքի Կենտրոն և Նորք-Մարաշ
վարչական շրջանների դատախազության
ավագ դատախազ ` Լ. Չարխիֆալակյանի,
ամբաստանյալ Ա. Շահբազյանի
պաշտպան` Վ. Գևորգյանի,
ամբաստանյալ Մ. Զոհրաբյանի
պաշտպաններ` Ս. Մարտիրոսյանի,
Ա. Սիրունյանի,
դատարանում, դռնբաց դատական նիստում քննեց գործն ըստ մեղադրանքի
1. Անդրանիկ Պապի Շահբազյանի`
ծնված 1987թ. նոյեմբերի 13-ին Արարատի մարզի Արևաբույր գյուղում, հայ, Հայաստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, վատառողջ, բնութագրվում է դրական, հաշվառված է և բնակվել է Արարատի մարզի Արևաբույր գյուղում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 1-ին մասով,
2. Միքայել Ռաֆիկի Զոհրաբյանի`
ծնված 1989թ. նոյեմբերի 16-ին Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, աշխատել է «Արբատ» սրճարանում որպես մատուցող, հաշվառված է Ղազախստանի Հանրապետության Ալմա Աթա քաղաքի Սույումբայա փողոցի թիվ 667 շենքի թիվ 34 բնակարանում, բնակվել է Երևանի Չեխովի փողոցի թիվ 10 շենքի թիվ 143 բնակարանում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։
Գործի դատավարական նախապատմությունը
Թիվ 13141110 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2010թ. օգոստոսի 18-ին, ՀՀ քրեական օրենսգրքի 268-րդ հոդվածի 2-րդ մասի 2-րդ կետով, Միքայել Զոհրաբյանի կողմից ապօրինի խոշոր չափի «չորացված մարիխուանա» տեսակի թմրամիջոց ձեռք բերելու և պահելու դեպքի առթիվ։
Քննիչի 14.01.2011թ. որոշմամբ, թիվ 13141110 քրեական գործով Արայիկ Կոմիտասի Գասպարյանի կողմից ապօրինի թմրամիջոց իրացնելու կապացությամբ քրեական հետապնդում չի իրականացվել` ապացույցների անբավարարության հիմքով։
Նախաքննության մարմինն ամբաստանյալ Անդրանիկ Պապի Շահբազյանին մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Բացի այդ, Ա. Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, կրկին անգամ, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով, կրկին անգամ, ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին կրկին անգամ ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։»։
Նախաքննության մարմինն ամբաստանյալ Միքայել Ռաֆիկի Զոհրաբյանին մեղադրանքներ է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։ Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ. Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի Մարզի Արևաբույր գյուղ և հանդիպել Անդրանիկ Պապի Շահբազյանին։ Մ. Զոհրաբյանն Ա. Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ. Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ. Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։»։
Նախաքննության մարմինն ամբաստանյալ Հրայր Բաբկենի Հրայրյանին մեղադրանք է առաջադրել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով հետևյալ արարքի համար. «որ նա` 2010թ. օգոստոսի 17-ին Երևան քաղաքի բնակիչ Միքայել Ռաֆիկի Զոհրաբյանի միջոցով առանց իրացնելու նպատակի` իր գործածման համար, փորձել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։
Այսպես. Հրայր Բաբկենի Հրայրյանը 2010թ. օգոստոսի 17-ին տեղեկանալով, որ իր ծանոթ, «Արբատ» սրճարանի մատուցող Միքայել Ռաֆիկի Զոհրաբյանը կարող է իր գործածման համար ապօրինի թմրամիջոց ձեռք բերել, նպատակադրվել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։ Այդ նպատակով Հրայր Հրայրյանը 2010թ. օգոստոսի 17-ին ժամը 17։00 սահմաններում «Արբատ» սրճարանում Մ. Զոհրաբյանին տվել է 45.000 ՀՀ դրամ գումար, որով էլ վերջինս Արարատի մարզի Արևաբույր գյուղի բնակիչ Անդրանիկ Պապի Շահբազյանից իրացնելու նպատակով ապօրինի ձեռք է բերել խոշոր չափի` 17.58 գրամ «չորացված մարիխուանա» տեսակի թմրամիջոց, որն ապօրինի փոխադրել է Երևան քաղաք, սակայն չի հասցրել փոխանցել Հ. Հրայրյանին, քանի որ 2010թ. օգոստոսի 18-ին ժամը 02։00-ին Երևան քաղաքի Վարդանանց և Հանրապետության փողոցների հատման մասում բռնվել է ոստիկանության աշխատակիցների կողմից, և Հ. Հրայրյանը հանցագործությունն ավարտին չի հասցրել իր կամքից անկախ հանգամանքներով։»։
2011թ. փետրվարի 01-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Քրեական գործի դատական քննության ընթացքում, դատարանի 08.06.2011թ. որոշմամբ, ԵԿԴ-0012/01/11 (13141110) քրեական գործով ամբաստանյալ Հրայր Բաբկենի Հրայրյանի նկատմամբ քրեական հետապնդումը դադարեցվել է` համաներման ակտ ընդունվելու պատճառաբանությամբ։
2011թ. սեպտեմբերի 8-ի դատական նիստում, մեղադրողի կողմից ներկայացվել են նրա չորս որոշումները, առաջին երկուսը` ամբաստանյալներից յուրաքանչյուրին` Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքը փոփոխելու և նոր մեղադրանք առաջադրելու մասին, երրորդը` Անդրանիկ Պապի Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով մեղադրանք առաջադրելու, չորրորդը` Միքայել Ռաֆիկի Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով մեղադրանքներ առաջադրելու մասին։
Անդրանիկ Պապի Շահբազյանի մասով որոշումները հետևյալն են`
«Որոշում
առաջադրված մեղադրանքը փոփոխելու և նոր մեղադրանք առաջադրելու մասին
« 08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը
Պարզեցի
Թիվ 13141110 քրեական գործի մինչդատական վարույթի ընթացքում մեղադրյալ Անդրանիկ Պապի Շահբազյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ և 2.1 կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։
«ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ հոդվածի համաձայն նույն օրենսգրքի 266-րդ հոդվածի 2-րդ մասի 2.1 կետը ճանաչվել է ուժը կորցրած։
ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
Այսպիսով, անհրաժեշտություն է առաջացել ամբաստանյալ Անդրանիկ Պապի Շահբազյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով
Որոշեցի
1. Թիվ 13141110 քրեական գործով մինչդատական վարույթի ընթացքում մեղադրյալ Անդրանիկ Պապի Շահբազյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան։
Ո ր ո շ ու մ
որպես մեղադրյալ ներգրավելու մասին
«08» սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս
Անդրանիկ Պապի Շահբազյանին /ծնված 13.11.1987թ. Արարատի մարզի Արևաբույր գյուղում, հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, բնակվում է Արարատի մարզի Արևաբույր գյուղում, ներկայումս ՀՀ ԱՆ «Նուբարաշեն» ՔԿ հիմնարկի կալանավոր /
մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։
Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 1-ին մասով։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։
Այսպիսով, Անդրանիկ Շահբազյանը կատարել է հանցավոր արարքներ, որոնք նախատեսված են ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով
Որոշեցի
1. Թիվ 13141110 քրեական գործով Անդրանիկ Պապի Շահբազյանին մեղադրանք առաջադրել ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան»։
Միքայել Ռաֆիկի Զոհրաբյանի մասով որոշումները հետևյալն են`
«Որոշում
առաջադրված մեղադրանքը փոփոխելու և նոր մեղադրանք առաջադրելու մասին
«08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը
Պարզեցի
Թիվ 13141110 քրեական գործի մինչդատական վարույթի ընթացքում մեղադրյալ Միքայել Ռաֆիկի Զոհրաբյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ, 2.1 կետերով և 268 հոդվածի 2-րդ մասի 1-ին և 2-րդ կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Բացի այդ, Մ.Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։
Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ.Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա` վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ.Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։
«ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ և 26-րդ հոդվածների համաձայն նույն օրենսգրքի 266-րդ հոդվածի 2-րդ մասի 2.1 կետը և 268-րդ հոդվածի 2-րդ մասի 1-ին կետը ճանաչվել են ուժը կորցրած։
ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
Սույն քրեական գործի դատաքննության ընթացքում հետազոտված թույլատրելի և վերաբերելի ապացույցների համակցությամբ ապացուցված պետք է համարել, որ Մ. Զոհրաբյանը 2010թ. օգոստոսի 18-ին խոշոր չափի` 20,78 գրամ «չորացված մարիխուանա» տեսակի թմրամիջոցից 17,58 գրամը ապօրինի ձեռք է բերել ոչ թե Հրայր Հրայրյանին իրացնելու նպատակով, այլ նշված թմրամիջոցը ձեռք է բերել Հ. Հրայրյանի խնդրանքով, նրա տված գումարով, հանդես է եկել նրա շահերից ելնելով և փորձել է օժանդակել Հ. Հրայրյանի կողմից խոշոր չափի թմրամիջոցի ձեռք բերման փորձին, սակայն իր կամքից անկախ հանգամանքներով չի կարողացել ավարտին հասցնել հանցագործությունը, քանի որ 2010թ. օգոստոսի 18-ին ժամը 02.00-ի սահմաններում Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին։
Վերոգրյալ դրվագի վերաբերյալ որպես թույլատրելի և վերաբերելի ապացույցներ մեղադրանքի կողմը գնահատում է քրեական գործի դատաքննության ընթացքում հետազոտված Մ. Զոհրաբյանի ցուցմունքները, ապացույց ճանաչված այլ փաստաթուղթ հանդիսացող մեղադրյալ Մ. Զոհրաբյանի բացատրությունը, Հ. Հրայրյանի կողմից 2010թ. օգոստոսի 18-ին կատարված հանցանքի վերաբերյալ դատաքննության ընթացքում տված ցուցմունքը։
Այսպիսով, կատարված օրենսդրական փոփոխությունների և դատաքննության ընթացքում հետազոտված ապացույցների արդյունքում անհրաժեշտություն է առաջացել ամբաստանյալ Միքայել Ռաֆիկի Զոհրաբյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով
Որոշեցի
1. Թիվ 13141110 քրեական գործով մինչդատական վարույթի ընթացքում մեղադրյալ Միքայել Ռաֆիկի Զոհրաբյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան։
Ո ր ո շ ու մ
որպես մեղադրյալ ներգրավելու մասին
«08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս
Միքայել Ռաֆիկի Զոհրաբյանին /ծնված 16.11.1989թ. Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, չամուսնացած, նախկինում չդատված, աշխատել է «Արբատ» սրճարանում` որպես մատուցող, բնակվում է ք.Երևան, Չեխովի փող., 10շենք, բն. 143, ներկայումս ՀՀ ԱՆ «Նուբարաշեն» ՔԿ հիմնարկի կալանավոր /
մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 2-րդ մասի 2-րդ կետով։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 1-ին մասով։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 266 հոդվածի 1-ին մասով։
Բացի այդ, Մ. Զոհրաբյանը 2010թ. օգոստոսի 18-ին, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, խոստացել է վերջինիս օժանդակել այդ հարցում։ Այդ նպատակով Մ.Զոհրաբյանը Հրայր Հրայրյանից ստացել է 45.000 ՀՀ դրամ գումար, ապա իր և Հ. Հրայրյանի գործածման համար ապօրինի չորացված մարիխուանա տեսակի թմրամիջոց ձեռք բերելու նպատակով, վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով ապօրինի ձեռք է բերել Հ. Հրայրյանին հանձնելու համար խոշոր չափի` 17,58 գրամ, իսկ իր գործածման համար զգալի չափի` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին, և Մ. Զոհրաբյանն իր կամքից անկախ հանգամանքներով չի կարողացել ավարտին հասցնել հանցագործությունը` օժանդակել Հ. Հրայրյանի կողմից խոշոր չափի թմրամիջոցը ձեռք բերելուն, քանի որ կատարված անձնական խուզարկության ընթացքում Հ. Հրայրյանի, ինչպես նաև իր գործածման համար նախատեսված չորացված մարիխուանա տեսակի թմրամիջոցը հայտնաբերվել է Մ. Զոհրաբյանի մոտից։
Այսինքն, Մ. Զոհրաբյանը կատարել է ՀՀ քր. օր.-ի 34-38-268 հոդվածի 2-րդ մասի 2-րդ կետով և 268 հոդվածի 1-ին մասով նախատեսված հանցագործություններ։
Այսպիսով, Միքայել Զոհրաբյանը կատարել է հանցավոր արարքներ, որոնք նախատեսված են ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով
Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով
Որոշեցի
1. Թիվ 13141110 քրեական գործով Միքայել Ռաֆիկի Զոհրաբյանին մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան»։
Դատարանի կողմից հաստատված փաստական հանգամանքները
Դատաքննությամբ, գործի տվյալներով, դատարանը հիմնավորված է համարում հետևյալը.
Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, «չորացված մարիխուանա» տեսակի թմրամիջոց հետևյալ հանգամանքներում.
Ամբաստանյալ Միքայել Զոհրաբյանը 2009թ. ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել է մտերիմ փոխհարաբերություններ։
2010թ. հուլիսի կեսերին ամբաստանյալ Մ. Զոհրաբյանը ցանկացել է իր գործածման համար ապօրինի «չորացված մարիխուանա» տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա. Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ. Զոհրաբյանին ապօրինի իրացրել է խոշոր չափի` 7 գրամ «չորացված մարիխուանա» տեսակի թմրամիջոց։ Մ. Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։
Բացի այդ, ամբաստանյալ Մ. Զոհրաբյանը 2010թ. օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ «չորացված մարիխուանա» տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։
Բացի այդ, 2010թ. օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ. Զոհրաբյանը Հրայր Հրայրյանին հյուրասիրելու եղանակով ապօրինի իրացրել է «մարիխուանա» տեսակի թմրամիջոց, որը վերջինս ծխելու միջոցով գործածել է։
Բացի այդ, ամբաստանյալ Մ. Զոհրաբյանը 2010թ. օգոստոսի 18-ին, ժամը 00։30-ի սահմաններում, իր աշխատավայրում` Երևանում գործող «Արբատ» սրճարանում, տեղեկանալով, որ Հ. Հրայրյանը ցանկանում է իր գործածման համար ապօրինի խոշոր չափի «չորացված մարիխուանա» տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ. Զոհրաբյանը Հ. Հրայրյանից վերցրել է 45.000 ՀՀ դրամ գումար, ապա` իր և Հ. Հրայրյանի գործածման համար «չորացված մարիխուանա» տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա. Շահբազյանին։ Մ. Զոհրաբյանը Ա. Շահբազյանից, ընդհանուրը` 36.000 ՀՀ դրամով գնելու միջոցով, Հ. Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ «չորացված մարիխուանա» տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։
Նույն օրը, ժամը 02։00-ի սահմաններում ամբաստանյալ Մ. Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ. Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ. Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ «չորացված մարիխուանա» տեսակի թմրամիջոցը։
Քրեական գործի նախաքննության ընթացքում, 2010թ. օգոստոսի 26-ից սեպտեմբերի 03-ն ընկած ժամանակահատվածում կատարվել են տոքսիկոքիմիական փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից։ Համաձայն քրեական գործում առկա, աշխատանքների հանձնման-ընդունման վերաբերյալ 2010թ. սեպտեմբերի 03-ին կազմված արձանագրությունների` աշխատանքների համար վճարման ենթակա գումարը, այսինքն փորձագետների վարձատրության` դատական ծախսեր հանդիսացող գումարը ամբաստանյալ Միքայել Ռաֆիկի Զոհրաբյանի մասով կազմել է 19.236 /տասնինը հազար երկու հարյուր երեսունվեց/ ՀՀ դրամ գումար, իսկ ամբաստանյալ Անդրանիկ Պապի Շահբազյանի մասով` 28.854 /քսանութ հազար ութ հարյուր հիսունչորս/ ՀՀ դրամ գումար /հատոր 2, գ.թ. 88, 92/։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Անդրանիկ Պապի Շահբազյանը վատառողջ է, նախկինում դատված չի եղել, բնութագրվում է դրական։
Ամբաստանյալ Միքայել Ռաֆիկի Զոհրաբյանը նախկինում դատված չի եղել, բնութագրվում է դրական։
Ապացույցների հետազոտում և գնահատում
Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Անդրանիկ Պապի Շահբազյանի նախաքննական ինքնախոստովանական ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, իր ազգական Վարդան Աբրահամյանի միջոցով ծանոթացել է Միքայել Զոհրաբյանի հետ, որի ընթացքում միմյանց հետ հեռախոսահամարներ են փոխանակել։ 2010թ. հուլիսին իրեն է զանգահարել Միքայել Զոհրաբյանը և խնդրել է սեփական գործածման համար «մարիխուանա» տեսակի թմրամիջոց գտնել։ Խոստացել է օգնել, որից հետո իրենց գյուղի վարելահողեր տանող ճանապարհին աճած կանեփի բույսից քաղելու և չորացնելու միջոցով թմրամիջոց է պատրաստել։ Նույն օրը երեկոյան, Արարատի մարզի Արևաբույր գյուղում հանդիպել է Միքայել Զոհրաբյանին և 12.000 ՀՀ դրամ գումար վերցնելով` նրան է տվել երկու փաթեթ թմրամիջոց։ Բացի այդ, 2010թ. օգոստոսի սկզբներին Միքայել Զոհրաբյանը կրկին զանգահարել է իրեն և թմրամիջոց է խնդրել։ Նույն եղանակով, նշված թմրամիջոցից, նույն օրը երեկոյան, Արևաբույր գյուղում հանդիպման ժամանակ Միքայելին 6000 ՀՀ դրամով վաճառել է մեկ փաթեթ թմրամիջոց, իսկ 2010թ. օգոստոսի 18-ին, ընդհանուրը` 36.000 ՀՀ դրամով Միքայելին է վաճառել 6 փաթեթ թմրամիջոց։ Մ. Զոհրաբյանին վաճառված թմրամիջոցների հետ իր մորեղբայր Արայիկ Գասպարյանը որևէ առնչություն չունի։
/հատոր 2, գ.թ. 48-50, հատոր 3, գ.թ. 99-100, 131/
Ամբաստանյալ Անդրանիկ Պապի Շահբազյանը իր նախաքննական ցուցմունքները պնդել է նաև Միքայել Ռաֆիկի Զոհրաբյանի հետ առերես հարցաքննության ժամանակ։
/հատոր 1, գ.թ. 115-116/
Դատարանում ամբաստանյալ Անդրանիկ Պապի Շահբազյանը պնդեց իր նախաքննական ցուցմունքները, սակայն դատարանին հայտնեց, որ ՀՀ քրեական օրենսգրքի 266-րդ հոդվածի 1-ին մասով առաջադրված նոր մեղադրանքը չի ընդունում, քանի որ համաձայն չէ արարքի իրավաբանական որակման հետ։ Ինքն իրեն մեղավոր է ճանաչում միայն ՀՀ քրեական օրենսգրքի 266-րդ հոդվածի 2-րդ մասի 2-րդ կետով։
/դատական նիստի արձանագրություն/։
Ամբաստանյալ Միքայել Ռաֆիկի Զոհրաբյանի նախաքննական ցուցմունքներով այն մասին, որ առաջադրված մեղադրանքներում իրեն մեղավոր է ճանաչում մասնակիորեն։ 2009թ. իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010թ. հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով «չորացված մարիխուանա» տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010թ. օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6.000 ՀՀ դրամով նրանից գնել 1 փաթեթ` 3.5 գրամ քաշով «մարիխուանա» տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010թ. օգոստոսի 17-ին իր աշխատավայր` «Արբատ» սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար «մարիխուանա» տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45000 ՀՀ դրամ գումար, որից 40000 ՀՀ դրամը՝հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 00։30-ի սահմաններում, Երևանի «Հին Էրիվան» ռեստորանի մոտից, վարձակալած «Վազ 2106» մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքը Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել է Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին, Վարդանանց և Հանրապետության փողոցների խաչմերուկում ոստիկանության աշխատակիցները բռնել են իրեն և բերման են ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով «չորացված մարիխուանա» տեսակի թմրամիջոցը։
Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ «մարիխուանա» տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ «մարիխուանա» տեսակի թմրամիջոցը նախատեսված է եղել իր գործածման համար, այն Հ. Հրայրյանին իրացնելու նպատակ չի ունեցել։ Թեև գումար վերցնելիս Հ. Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։
/հատոր 1, գ.թ. 25-29, 113, հատոր 2, գ.թ. 40-42, հատոր 3, գ.թ. 140/։
Դատարանում ամբաստանյալ Միքայել Ռաֆիկի Զոհրաբյանը ցուցմունք տվեց այն մասին, որ առաջադրված մեղադրանքում իրեն մեղավոր է ճանաչում մասնակիորեն, թմրանյութ իրացնելու մասով իրեն մեղավոր չի ճանաչում, թմրանյութն ինքը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան «մարիխուանա» տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։
/դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Ռոման Իգորի Հովհաննիսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, Երևանի Ալեք Մանուկյան և Սայաթ-Նովա փողոցների հատվածում ծառայություն կատարելու ընթացքում իրեն է զանգահարել ՀՀ ոստիկանության ՊՊՎ գնդի ոստիկան Էդուարդ Բալաբեկյանը։ Նա հայտնել է, որ իր տաքսի ավտոմեքենայով Մասիս քաղաքից վերադառնում է Երևան և ավտոմեքենայում կասկածելի ուղևոր կա։ Միաժամանակ նա խնդրել է Երևանի Վարդանանց փողոցով անցնելիս ավտոմեքենան կանգնեցնել և ուղևորին ստուգել։ Ինքը զանգահարել է պարեկային ավտոմեքենայով ծառայություն իրականացնող ՀՀ ոստիկանության ՊՊԾ գնդի ոստիկան Գևորգ Կիրակոսյանին և տեղեկացրել է նշվածի մասին։ Մոտ մեկ ժամ անց ոստիկանության աշխատակիցներից տեղեկացել է, որ ՊՊԾ գնդի ոստիկանները կանգնեցրել են Էդուարդ Բալաբեկյանի վարած ավտոմեքենան, ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ կատարված անձնական խուզարկությամբ վերջինիս մոտից հայտնաբերվել է վեց փաթեթ «մարիխուանա» տեսակի թմրամիջոց։
/հատոր 1, գ.թ. 83-84, դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գևորգ Ռուբենի Կիրակոսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գրիգոր Դանիելյանի հետ Կենտրոն վարչական տարածքում ծառայություն կատարելիս` իրեն է զանգահարել ՊՊԾ գնդի ոստիկան Ռոման Հովհաննիսյանը և հայտնել, որ Էդուարդ Բալաբեկյանը Մասիս քաղաքից ավտոմեքենայով գալիս է Երևան, նրա ավտոմեքենայում կասկածելի ուղևոր կա, խնդրել է ճանապարհին կանգնեցնել ավտոմեքենան և ուղևորին բերման ենթարկել ոստիկանության բաժին։ Ծառայողական ավտոմեքենայով գնացել են Երևանի Վարդանանց փողոց։ Քիչ անց իր ավտոմեքենայով նշված փողոցով անցել է նաև Էդուարդ Բալաբեկյանը։ Իրենք հետևել են նրան, Երևանի Վարդանանց և Հանրապետության փողոցների խաչմերուկում կանգնեցրել են նրա կողմից վարած ավտոմեքենան, իսկ ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որի անձնական խուզարկությամբ հայտնաբերվել է վեց փաթեթ թմրամիջոց։
/հատոր 1, գ.թ. 70-71, դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գրիգոր Ժորիկի Դանիելյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գևորգ Կիրակոսյանի հետ ծառայություն են կատարել Երևանի Կենտրոն վարչական տարածքում։ Ծառայության ընթացքում Գևորգ Կիրակոսյանը տեղեկացրել է, որ իրեն է զանգահարել ոստիկան Ռոման Հովհաննիսյանը և հայտնել, որ Մասիս քաղաքից ավտոմեքենայով Երևան է գալիս ոստիկանության աշխատակից Էդուարդ Բալաբեկյանը, որի ավտոմեքենայում կասկածելի անձ կա։ Իրենք գնացել են Երևանի Վարդանանց փողոց, որտեղ հետևել են նշված փողոցով անցնող, Էդուարդ Բալաբեկյանի վարած ավտոմեքենային, իսկ Վարդանանց և Հանրապետության փողոցների հատման մասում կանգնեցրել են այն։ Ավտոմեքենայում նստած ուղևորին` մինչ այդ իրենց անծանոթ Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ նրա անձնական խուզարկությամբ հայտնաբերվել է վեց փաթեթ թմրամիջոց։
/հատոր 1, գ.թ. 80-81, դատական նիստի արձանագրություն/։
Վկա Էդուարդ Ալեքսանդրի Բալաբեկյանի նախաքննական ցուցմունքով այն մասին, որ 2008թ. հոկտեմբերից աշխատում է ՀՀ ոստիկանության ՊՊ վարչության Կենտրոնական բաժնին կից պահպանության բաժնում որպես ոստիկան։ Աշխատանքը հերթափոխային է, ուստի սոցիալական վատ պայմանների պատճառով որոշել է ոչ աշխատանքային օրերին, իրեն պատկանող, «Վազ 2106» մակնիշի ավտոմեքենայով ուղևորներ տեղափոխել` ընտանիքի հոգսը թեթևացնելու համար։ 2010թ. օգոստոսի 18-ին, ժամը 00.30-ի սահմաններում, իր «Վազ 2106» մակնիշի, 07 ՕՕ 905 պետհամարանիշի տաքսի ավտոմեքենայով Երևանի «Հին Էրիվան» ռեստորանի մոտ կայանված լինելու ընթացքում, մոտեցել է մինչ այդ իրեն անծանոթ Միքայել Զոհրաբյանը և նստելով ավտոմեքենան` պատվիրել է իրեն տեղափոխել Արարատի մարզ։ Արարատի մարզի գյուղերից մեկում Մ. Զոհրաբյանի խնդրանքով ավտոմեքենան կանգնեցրել է ճամփեզրին կանգնած մի անձնավորության մոտ։ Միքայելն իջել է ավտոմեքենայից, բարևել է նրան, ապա երկուսով նստել են իր տաքսի ավտոմեքենան, որից հետո նրանց պատվերով ավտոմեքենան վարել է ևս 100 մետր դեպի Արտաշատ քաղաքի ուղղությամբ։ Այնուհետև Միքայելն ու անծանոթն իջել են ավտոմեքենայից։ Միքայելը նրան գումար է տվել, որից հետո վերջինս քայլելով գնացել է գյուղամեջ։ Կասկածելով Մ. Զոհրաբյանի կողմից թմրամիջոց ձեռք բերելու հանգամանքի մասին` ինքն անմիջապես զանգահարել է ընկերոջը` ՀՀ ոստիկանության ՊՊԾ գնդի աշխատակից Ռոման Հովհաննիսյանին և հայտնել, որ կասկածելի ուղևոր ունի, որի հետ վերադառնալու են Երևան` Օպերայի տարածք։ Միաժամանակ խնդրել է ճանապարհին ավտոմեքենան կանգնեցնել և ստուգել ուղևորին։ Մի քանի րոպե անց անծանոթը վերադարձել է, Միքայելի հետ նստել են ավտոմեքենան և վերադարձել են նույն գյուղ։ Ճանապարհին Միքայելն ու անծանոթն իջել են ավտոմեքենայից, ծխելուց հետո Միքայելը կրկին նստել է ավտոմեքենան և վերադարձել են Երևան։ Ճանապարհին Մ. Զոհրաբյանի տրամադրությունը բարձր է եղել, հեռախոսազրույցի ընթացքում վերջինս զրուցակցին հայտնել է, որ 6 կգ խորովածով վերադառնում է։ Ճանապարհին, խոսակցության ընթացքում, Մ. Զոհրաբյանը հայտնել է, որ մոտը թմրամիջոց կա և խնդրել է զգույշ վարել ավտոմեքենան, որպեսզի ոստիկանների կողմից չբռնվեն։ Ռոմանի հետ ունեցած պայմանավորվածության համաձայն ավտոմեքենան վարել է Երևանի Վարդանանց փողոցով, որտեղ իրենց կանգնեցրել են ոստիկանության աշխատակիցները և Միքայել Զոհրաբյանին բերման են ենթարկել ոստիկանության Կենտրոնական բաժին։ Հետագայում տեղեկացել է, որ Միքայելի մոտ հայտնաբերվել է վեց փաթեթ «մարիխուանա» տեսակի թմրամիջոց։
/հատոր 1, գ.թ. 85-86/։
Վկա Հայկ Սարուխանի Խաչատրյանի նախաքննական ցուցմունքով այն մասին, որ 2010թ. օգոստոսի 18-ին, ժամը 02։00-ի սահմաններում, իր կողմից վարած տաքսի ավտոմեքենայով գտնվել է Երևանի Մաշտոցի պողոտայում, երբ իրեն են մոտեցել ոստիկանության Կենտրոնական բաժնի աշխատակիցները և հրավիրել են ոստիկանության բաժին՝ մեկ այլ քաղաքացու հետ որպես ընթերակա մասնակցելու իրեն անծանոթ Միքայել Զոհրաբյանի անձնական խուզարկությանը։ Խուզարկության ընթացքում Մ. Զոհրաբյանի տաբատի աջ և ձախ գրպաններից հայտնաբերվել են վեց թղթե փաթեթներ, որոնցում առկա է եղել դեղնականաչավուն զանգված։ Մ. Զոհրաբյանը հայտարարել է, որ փաթեթների պարունակությունը թմրամիջոց է, այն ձեռք է բերել Մասիս քաղաքում՝ Անդրանիկ անունով անձնավորությունից։ Հայտնաբերվածը կշռվել է, խուզարկության ընթացքի և արդյունքների մասին կազմվել է համապատասխան արձանագրություն, որը ստորագրվել է նաև իր կողմից։
/հատոր 1, գ.թ. 82/։
Վկա Գոռ Արմենի Մելքոնյանի նախաքննական ցուցմունքով այն մասին, որ Հրայր Բաբկենի Հրայրյանն իր ընկերն է, միասին սովորել են Երևանի Պուշկինի անվան միջնակարգ դպրոցում։ Միքայել Զոհրաբյանը և Հրայր Հրայրյանը ծանոթացել են իր միջոցով` «Արբատ» սրճարանում, որտեղ Մ. Զոհրաբյանն աշխատել է որպես մատուցող։ 2010թ. օգոստոսին Հրայրից տեղեկացել է, որ թմրամիջոցներ ձեռք բերելու համար նա Միքայել Զոհրաբյանին գումար է տվել, սակայն Միքայելը բռնվել է ոստիկանների կողմից։
/հատոր 3, գ.թ. 101-102/։
Անձին ճանաչման ներկայացնելու մասին 18.08.2010թ. արձանագրությամբ, որի համաձայն մեղադրյալ Միքայել Զոհրաբյանը զննելով իրեն ճանաչման ներկայացված թվով 4 անձանց լուսանկարները` մատնացույց է արել Անդրանիկ Շահբազյանի լուսանկարը և հայտարարել է, որ վերջինիցս մեկ ամսվա ընթացքում երեք անգամ ձեռք է բերել ընդհանուրը` 9 փաթեթ թմրամիջոց, որից առաջին անգամ` 2 փաթեթ, 2-րդ անգամ` 1 փաթեթ, իսկ 3-րդ անգամ` 6 փաթեթ «մարիխուանա» տեսակի թմրամիջոց։
/հատոր 1, գ.թ. 46/։
Դատաքիմիական փորձագետի 2010թ. օգոստոսի 18-ի թիվ 390Ք եզրակացությամբ այն մասին որ` «Փորձաքննությանը ներկայացված թվով վեց փաթեթներով ընդհանուր 20,78 /3,33 գրամ, 3,5 գրամ, 3,45 գրամ, 3,8 գրամ, 3,5 գրամ, 3,8 գրամ/ գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։»։
/հատոր 1, գ.թ. 14-16/։
Տոքսիկոքիմիական փորձաքննության 2010թ. սեպտեմբերի 03-ի թիվ 10-2198 եզրակացությամբ այն մասին, որ` «Միքայել Ռաֆիկի Զոհրաբյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 86-87/։
Տոքսիկոքիմիական փորձաքննության 2010թ. սեպտեմբերի 03-ի թիվ 10-2199 եզրակացությամբ այն մասին, որ` «Անդրանիկ Պապի Շահբազյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 89-91/։
Տոքսիկոքիմիական փորձաքննության 2010թ. սեպտեմբերի 09-ի թիվ 10-2331 եզրակացությամբ այն մասին, որ` «Հրայր Բաբկենի Հրայրյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 93-96/։
Ապացույց ճանաչված, «Ղ-Տելեկոմ» ՓԲ ընկերությունից ստացված, Մ. Զոհրաբյանի կողմից օգտագործված 094-60-11-43, Ա. Շահբազյանի կողմից օգտագործված 093-95-98-14, Հ. Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, համաձայն որոնց` հանցագործությունները կատարելու ժամանակահատվածում Անդրանիկ Շահբազյանը, Միքայել Զոհրաբյանը և Հրայր Հրայրյանը գտնվել են ակտիվ հեռախոսակապի մեջ։
/հատոր 1, գ.թ.141-194, հատոր 2, գ.թ. 79-83/։
Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին, ժամը 0200-ին Երևանի Վարդանանց և Հանրապետություն փողոցների խաչմերուկից, թմրանյութ պահելու, օգտագործելու և իրացնելու կասկածանքով Միքայել Զոհրաբյանը բերման է ենթարկվել ՀՀ ոստիկանության Կենտրոնական բաժին։
/հատոր 1, գ.թ. 4/։
Անձնական խուզարկություն կատարելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին ՀՀ ոստիկանության Կենտրոնական բաժնում կատարված անձնական խուզարկությամբ Միքայել Զոհրաբյանի տաբատի առջևի աջ և ձախ գրպաններից հայտնաբերվել են ընդհանուրը` 22,8 գրամ քաշով վեց հատ թղթե փաթեթներ, որոնց մեջ առկա է եղել դեղնականաչավուն զանգված։
/հատոր 1, գ.թ. 5/։
Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. գոստոսի 18-ին, ժամը 1800-ին Մասիսի շրջանի Արևաբույր գյուղից, թմրանյութ պահելու, օգտագործելու և իրացնելու կասկածանքով Անդրանիկ Շահբազյանը բերման է ենթարկվել ՀՀ ոստիկանության Կենտրոնական բաժին։
/հատոր 1, գ.թ. 34/։
Իրեղեն ապացույցներ ճանաչված, 20,78 գրամ քաշով «չորացված մարիխուանա» տեսակի թմրամիջոցով։
/հատոր 1, գ.թ. 31/
Պաշտպանության կողմի միջնորդությամբ դատարանում որպես վկա հարցաքննված Հրայր Բաբկենի Հրայրյանի նախաքննական` 02.09.2010թ. որպես կասկածյալ և 07.09.2010թ. որպես մեղադրյալ տված ցուցմունքներով այն մասին, որ 2010թ. հուլիսի կեսերին Երևանի «Արբատ» սրճարանում, իր ընկեր Գոռ Մելքոնյանի միջոցով ծանոթացել է սրճարանի մատուցող Միքայել Զոհրաբյանի հետ։ Վերջինս խոսակցություններից մեկի ժամանակ տեղեկացրել է, որ «մարիխուանա» տեսակի թմրամիջոց է օգտագործում։ 2010թ. օգոստոսի սկզբներին Միքայելը հայտնել է, որ «մարիխուանա» տեսակի թմրամիջոց ունի, որն առաջարկել է միասին ծխելու եղանակով օգտագործել։ Ինքը համաձայնել է, որից հետո Միքայելը կես լիտր տարողության կապրոնե շշի վերևի հատվածում փայլաթիթեղ դնելով, վրան լցրել է մեկ ծխախոտի չափով կանաչավուն զանգված, շշի տակից անցք է բացել և զանգվածը վառել է, որն ամբողջությամբ ծխելու եղանակով գործածել են։ Մինչև Միքայելի կողմից իրեն թմրամիջոց հյուրասիրելը` ինքը թմրամիջոց չի գործածել։ 2010թ. օգոստոսի 17-ին, ժամը 15։00-ի սահմաններում Միքայելը զանգահարել է իրեն և տեղեկացրել, որ գնում է «մարիխուանա» տեսակի թմրամիջոց գնելու, ապա հարցրել, թե արդյոք ինքն էլ չի ցանկանում այդպիսիք ձեռք բերել։ Ինքը ցանկություն է հայտնել թմրամիջոց ձեռք բերել, ուստի այդ նպատակով նույն օրը գնացել է «Արբատ» սրճարան, որտեղ հանդիպել է Միքայելին և նրան է տվել 45.000 ՀՀ դրամ կանխիկ գումար, որից 5000 ՀՀ դրամը՝որպես ճանապարհածախս, 20.000 ՀՀ դրամը` պարտքով, իսկ մնացած 20.000 ՀՀ դրամը՝իր համար թմրամիջոց գնելու համար։ Միքայելի հետ պայմանավորվել են, որ թմրամիջոցը գնելուց հետո նա պետք է զանգահարի իրեն, հանդիպեն և փոխանցի իր բաժին «մարիխուանան»։ 2010թ. օգոստոսի 18-ին, ժամը 01։00-ի սահմաններում զանգահարել է Միքայելին և հեռախոսազրույցի ընթացքում տեղեկացել է, որ նա թմրամիջոցը ձեռք է բերել և վերադառնում է Երևան։ Դրանից մոտ 30 րոպե անց կրկին զանգահարել է Միքայելին, պարզելու համար, թե վերջինս ուր է հասել, սակայն Միքայելի հեռախոսն անջատված է եղել։
Հետագայում Հ. Հրայրյանը ցուցմունք է տվել այն մասին, որ գումարը Մ. Զոհրաբյանին տվել է պարտքով, նրանից թմրամիջոցներ ձեռք բերելու մտադրություն չի ունեցել, Մ. Զոհրաբյանն իրեն երբևէ թմրամիջոց չի հուրասիրել։
/հատոր 1, գ.թ. 226-230, հատոր 2, գ.թ. 34, հատոր 2, գ.թ. 101-103, հատոր 3, գ.թ. 147/։
Դատարանում վկա Հրայր Բաբկենի Հրայրյանը ցուցմունք տվեց այն մասին, որ Միքայել Զոհրաբյանին գումար տալը չի հիշում, դեպքի հետ կապված որոշ հանգամանքներ չի հիշում, քանի որ հոգեբանական որոշակի խնդիրներ է ունեցել։ Ինքն է Միքայելին ասել, որ իր համար թմրամիջոց ձեռք բերի։
/դատական նիստի արձանագրություն/
Դատարանի իրավական վերլուծությունները
Վերլուծելով ամբաստանյալ Միքայել Ռաֆիկի Զոհրաբյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Միքայել Զոհրաբյանի նախաքննական և դատաքննական ցուցմունքները մասնակիորեն` թմրանյութ չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ վկա Հրայր Հրայրյանի ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։ Միաժամանակ դատարանը գտնում է, որ վկա Հրայր Բաբկենի Հրայրյանի կողմից դատարանում սուտ ցուցմունք տալը նշանակություն չի կարող ունենալ գործի լուծման համար, այսինքն առկա են ՀՀ քրեական օրենսգրքի 338-րդ հոդվածի 3-րդ մասով սահմանված հանգամանքները։
Վերլուծելով ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները, նրանց ցուցմունքները և գործով ձեռք բերված ապացույցները, դատարանը գտնում է, որ ամբաստանյալ Անդրանիկ Պապի Շահբազյանի կողմից, նրա մեղավորությամբ, իրացնելու նպատակով, խոշոր չափերով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Անդրանիկ Պապի Շահբազյանի կողմից, նրա մեղավորությամբ, թմրամիջոցներ ապօրինի իրացնելը։
Ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, թմրամիջոցներ ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը, փոխադրելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելուն օժանդակելու փորձ կատարելը։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, թմրամիջոցներ ապօրինի ձեռք բերելը, փոխադրելը և պահելը։
Քննարկելով ամբաստանյալներ Անդրանիկ Պապի Շահբազյանի նկատմամբ ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Ռաֆիկի Զոհրաբյանի նկատմամբ ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով պատիժ նշանակելու հարցը` դատարանը գտնում է հետևյալը.
Քրեական գործի դատական քննության ընթացքում մեղադրանքը պաշտպանող դատախազը ղեկավարվելով «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքով և ՀՀ քրեական դատավարության օրենսգրքի 3091 հոդվածի 1-ին մասով` փոփոխել է սույն քրեական գործի նախաքննության ընթացքում ամբաստանյալներ Անդրանիկ Շահբազյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով, Միքայել Զոհրաբյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով առաջադրված մեղադրանքները և նրանց նոր մեղադրանքներ է առաջադրել` Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։
ՀՀ քրեական օրենսգրքի 12-րդ հոդվածի համաձայն`
«1. Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով։
2. Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից։»։
ՀՀ քրեական օրենսգրքի 13-րդ հոդվածի համաձայն`
« 1. Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի։
3. Պատասխանատվությունը մասնակիորեն մեղմացնող և միաժամանակ պատասխանատվությունը մասնակիորեն խստացնող օրենքը հետադարձ ուժ ունի միայն այն մասով, որը մեղմացնում է պատասխանատվությունը։»։
Նկատի ունենալով, որ ամբաստանյալներ Անդրանիկ Շահբազյանին և Միքայել Զոհրաբյանին վերագրվող արարքները նրանց կողմից կատարվել են 2010թ. հուլիս-օգոստոս ամիսներին, այսինքն մինչև «ՀՀ քրեական օրենսգրքում փոփոխություններ և լրացումներ կատարելու մասին» 23.05.2011թ. ՀՀ օրենքի ընդունումը, իսկ ՀՀ քրեական օրենսգրքի 13-րդ հոդվածի համաձայն արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի, դատարանը գտնում է, որ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքը ամբաստանյալներ Ա. Շահբազյանի և Մ. Զոհրաբյանի նկատմամբ կիրառվել չի կարող, քանի որ հանցավոր արարքները նրանց կողմից կատարվել են մինչև այդ օրենքի օրինական ուժի մեջ մտնելը, իսկ նշված օրենքի կիրառմամբ ամբաստանյալների արարքի հանցավորությունը չի վերանում, պատիժը չի մեղմանում և հանցանք կատարած անձի վիճակն այլ կերպ չի բարելավվում։ Հետևաբար, ամբաստանյալ Անդրանիկ Շահբազյանի արարքը ենթակա է որակման և նրա նկատմամբ պետք է պատիժ սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի արարքները ենթակա են որակման և նրա նկատմամբ պատիժ պետք է նշանակվի ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված հանցագործությունների համար։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Անդրանիկ Պապի Շահբազյանի նկատմամբ, նրա կատարած հանցագործության համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա վատառողջ է, նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Անդրանիկ Պապի Շահբազյանն իր կատարած` Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Միքայել Ռաֆիկի Զոհրաբյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Միքայել Ռաֆիկի Զոհրաբյանն իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալների գույքի վրա դրված կալանքի հարցը` դատարանը գտնում է, որ Անդրանիկ Պապի Շահբազյանի և Միքայել Ռաֆիկի Զոհրաբյանի գույքի վրա նախաքննության մարմնի 04.11.2010թ. որոշումներով դրված կալանքը պետք է վերացնել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը պետք է ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը պետք է որպես եկամուտ հանձնել պետությանը։
Քննարկելով խափանման միջոցների հարցը` դատարանը գտնում է, որ ամբաստանյալներից յուրաքանչյուրի` Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձման է ենթակա տոքսիկոքիմիական փորձաքննության կատարման արժեք հանդիսացող 28.854 /քսանութ հազար ութ հարյուր հիսունչորս/ ՀՀ դրամ գումար, ամբաստանյալ Միքայել Ռաֆիկի Զոհրաբյանից` 19.236 /տասնինը հազար երկու հարյուր երեսունվեց/ ՀՀ դրամ գումար ` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը`
Վ Ճ Ռ Ե Ց
1. Ամբաստանյալ Անդրանիկ Պապի Շահբազյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտել ազատազրկման 6 /վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Միքայել Ռաֆիկի Զոհրաբյանին մեղավոր ճանաչել Հայաստանի Հանրապետության ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2 /երկու/ տարի ժամկետով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնել անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացնել։
Դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը որպես եկամուտ հանձնել պետությանը։
Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձել 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։
Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձել 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
ԴԱՏԱՎՈՐ` Մ. ՄԱՐՏԻՐՈՍՅԱՆ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
29 սեպտեմբերի 2011թ. ք. Երևան
ԵԿԴ-0012/01/11
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.
նախագահող դատավոր` Մ. Մարտիրոսյան,
քարտուղարներ` Տ. Գրիգորյան, Էդ. Մկրտչյան
մասնակցությամբ`
մեղադրող,
Երևան քաղաքի Կենտրոն և Նորք-Մարաշ
վարչական շրջանների դատախազության
ավագ դատախազ ` Լ. Չարխիֆալակյանի,
ամբաստանյալ Ա. Շահբազյանի
պաշտպան` Վ. Գևորգյանի,
ամբաստանյալ Մ. Զոհրաբյանի
պաշտպաններ` Ս. Մարտիրոսյանի,
Ա. Սիրունյանի,
դատարանում, դռնբաց դատական նիստում քննեց գործն ըստ մեղադրանքի
1. Անդրանիկ Պապի Շահբազյանի`
ծնված 1987թ. նոյեմբերի 13-ին Արարատի մարզի Արևաբույր գյուղում, հայ, Հայաստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, վատառողջ, բնութագրվում է դրական, հաշվառված է և բնակվել է Արարատի մարզի Արևաբույր գյուղում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 1-ին մասով,
2. Միքայել Ռաֆիկի Զոհրաբյանի`
ծնված 1989թ. նոյեմբերի 16-ին Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, աշխատել է «Արբատ» սրճարանում որպես մատուցող, հաշվառված է Ղազախստանի Հանրապետության Ալմա Աթա քաղաքի Սույումբայա փողոցի թիվ 667 շենքի թիվ 34 բնակարանում, բնակվել է Երևանի Չեխովի փողոցի թիվ 10 շենքի թիվ 143 բնակարանում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։
Գործի դատավարական նախապատմությունը
Թիվ 13141110 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2010թ. օգոստոսի 18-ին, ՀՀ քրեական օրենսգրքի 268-րդ հոդվածի 2-րդ մասի 2-րդ կետով, Միքայել Զոհրաբյանի կողմից ապօրինի խոշոր չափի «չորացված մարիխուանա» տեսակի թմրամիջոց ձեռք բերելու և պահելու դեպքի առթիվ։
Քննիչի 14.01.2011թ. որոշմամբ, թիվ 13141110 քրեական գործով Արայիկ Կոմիտասի Գասպարյանի կողմից ապօրինի թմրամիջոց իրացնելու կապացությամբ քրեական հետապնդում չի իրականացվել` ապացույցների անբավարարության հիմքով։
Նախաքննության մարմինն ամբաստանյալ Անդրանիկ Պապի Շահբազյանին մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Բացի այդ, Ա. Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, կրկին անգամ, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով, կրկին անգամ, ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին կրկին անգամ ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։»։
Նախաքննության մարմինն ամբաստանյալ Միքայել Ռաֆիկի Զոհրաբյանին մեղադրանքներ է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։ Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ. Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի Մարզի Արևաբույր գյուղ և հանդիպել Անդրանիկ Պապի Շահբազյանին։ Մ. Զոհրաբյանն Ա. Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ. Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ. Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։»։
Նախաքննության մարմինն ամբաստանյալ Հրայր Բաբկենի Հրայրյանին մեղադրանք է առաջադրել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով հետևյալ արարքի համար. «որ նա` 2010թ. օգոստոսի 17-ին Երևան քաղաքի բնակիչ Միքայել Ռաֆիկի Զոհրաբյանի միջոցով առանց իրացնելու նպատակի` իր գործածման համար, փորձել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։
Այսպես. Հրայր Բաբկենի Հրայրյանը 2010թ. օգոստոսի 17-ին տեղեկանալով, որ իր ծանոթ, «Արբատ» սրճարանի մատուցող Միքայել Ռաֆիկի Զոհրաբյանը կարող է իր գործածման համար ապօրինի թմրամիջոց ձեռք բերել, նպատակադրվել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։ Այդ նպատակով Հրայր Հրայրյանը 2010թ. օգոստոսի 17-ին ժամը 17։00 սահմաններում «Արբատ» սրճարանում Մ. Զոհրաբյանին տվել է 45.000 ՀՀ դրամ գումար, որով էլ վերջինս Արարատի մարզի Արևաբույր գյուղի բնակիչ Անդրանիկ Պապի Շահբազյանից իրացնելու նպատակով ապօրինի ձեռք է բերել խոշոր չափի` 17.58 գրամ «չորացված մարիխուանա» տեսակի թմրամիջոց, որն ապօրինի փոխադրել է Երևան քաղաք, սակայն չի հասցրել փոխանցել Հ. Հրայրյանին, քանի որ 2010թ. օգոստոսի 18-ին ժամը 02։00-ին Երևան քաղաքի Վարդանանց և Հանրապետության փողոցների հատման մասում բռնվել է ոստիկանության աշխատակիցների կողմից, և Հ. Հրայրյանը հանցագործությունն ավարտին չի հասցրել իր կամքից անկախ հանգամանքներով։»։
2011թ. փետրվարի 01-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Քրեական գործի դատական քննության ընթացքում, դատարանի 08.06.2011թ. որոշմամբ, ԵԿԴ-0012/01/11 (13141110) քրեական գործով ամբաստանյալ Հրայր Բաբկենի Հրայրյանի նկատմամբ քրեական հետապնդումը դադարեցվել է` համաներման ակտ ընդունվելու պատճառաբանությամբ։
2011թ. սեպտեմբերի 8-ի դատական նիստում, մեղադրողի կողմից ներկայացվել են նրա չորս որոշումները, առաջին երկուսը` ամբաստանյալներից յուրաքանչյուրին` Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքը փոփոխելու և նոր մեղադրանք առաջադրելու մասին, երրորդը` Անդրանիկ Պապի Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով մեղադրանք առաջադրելու, չորրորդը` Միքայել Ռաֆիկի Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով մեղադրանքներ առաջադրելու մասին։
Անդրանիկ Պապի Շահբազյանի մասով որոշումները հետևյալն են`
«Որոշում
առաջադրված մեղադրանքը փոփոխելու և նոր մեղադրանք առաջադրելու մասին
« 08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը
Պարզեցի
Թիվ 13141110 քրեական գործի մինչդատական վարույթի ընթացքում մեղադրյալ Անդրանիկ Պապի Շահբազյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ և 2.1 կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։
«ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ հոդվածի համաձայն նույն օրենսգրքի 266-րդ հոդվածի 2-րդ մասի 2.1 կետը ճանաչվել է ուժը կորցրած։
ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
Այսպիսով, անհրաժեշտություն է առաջացել ամբաստանյալ Անդրանիկ Պապի Շահբազյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով
Որոշեցի
1. Թիվ 13141110 քրեական գործով մինչդատական վարույթի ընթացքում մեղադրյալ Անդրանիկ Պապի Շահբազյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան։
Ո ր ո շ ու մ
որպես մեղադրյալ ներգրավելու մասին
«08» սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս
Անդրանիկ Պապի Շահբազյանին /ծնված 13.11.1987թ. Արարատի մարզի Արևաբույր գյուղում, հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, բնակվում է Արարատի մարզի Արևաբույր գյուղում, ներկայումս ՀՀ ԱՆ «Նուբարաշեն» ՔԿ հիմնարկի կալանավոր /
մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։
Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 1-ին մասով։
Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։
Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։
Այսպիսով, Անդրանիկ Շահբազյանը կատարել է հանցավոր արարքներ, որոնք նախատեսված են ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով
Որոշեցի
1. Թիվ 13141110 քրեական գործով Անդրանիկ Պապի Շահբազյանին մեղադրանք առաջադրել ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։
2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան»։
Միքայել Ռաֆիկի Զոհրաբյանի մասով որոշումները հետևյալն են`
«Որոշում
առաջադրված մեղադրանքը փոփոխելու և նոր մեղադրանք առաջադրելու մասին
«08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը
Պարզեցի
Թիվ 13141110 քրեական գործի մինչդատական վարույթի ընթացքում մեղադրյալ Միքայել Ռաֆիկի Զոհրաբյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ, 2.1 կետերով և 268 հոդվածի 2-րդ մասի 1-ին և 2-րդ կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Բացի այդ, Մ.Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։
Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ.Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա` վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ.Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։
«ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ և 26-րդ հոդվածների համաձայն նույն օրենսգրքի 266-րդ հոդվածի 2-րդ մասի 2.1 կետը և 268-րդ հոդվածի 2-րդ մասի 1-ին կետը ճանաչվել են ուժը կորցրած։
ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
Սույն քրեական գործի դատաքննության ընթացքում հետազոտված թույլատրելի և վերաբերելի ապացույցների համակցությամբ ապացուցված պետք է համարել, որ Մ. Զոհրաբյանը 2010թ. օգոստոսի 18-ին խոշոր չափի` 20,78 գրամ «չորացված մարիխուանա» տեսակի թմրամիջոցից 17,58 գրամը ապօրինի ձեռք է բերել ոչ թե Հրայր Հրայրյանին իրացնելու նպատակով, այլ նշված թմրամիջոցը ձեռք է բերել Հ. Հրայրյանի խնդրանքով, նրա տված գումարով, հանդես է եկել նրա շահերից ելնելով և փորձել է օժանդակել Հ. Հրայրյանի կողմից խոշոր չափի թմրամիջոցի ձեռք բերման փորձին, սակայն իր կամքից անկախ հանգամանքներով չի կարողացել ավարտին հասցնել հանցագործությունը, քանի որ 2010թ. օգոստոսի 18-ին ժամը 02.00-ի սահմաններում Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին։
Վերոգրյալ դրվագի վերաբերյալ որպես թույլատրելի և վերաբերելի ապացույցներ մեղադրանքի կողմը գնահատում է քրեական գործի դատաքննության ընթացքում հետազոտված Մ. Զոհրաբյանի ցուցմունքները, ապացույց ճանաչված այլ փաստաթուղթ հանդիսացող մեղադրյալ Մ. Զոհրաբյանի բացատրությունը, Հ. Հրայրյանի կողմից 2010թ. օգոստոսի 18-ին կատարված հանցանքի վերաբերյալ դատաքննության ընթացքում տված ցուցմունքը։
Այսպիսով, կատարված օրենսդրական փոփոխությունների և դատաքննության ընթացքում հետազոտված ապացույցների արդյունքում անհրաժեշտություն է առաջացել ամբաստանյալ Միքայել Ռաֆիկի Զոհրաբյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով
Որոշեցի
1. Թիվ 13141110 քրեական գործով մինչդատական վարույթի ընթացքում մեղադրյալ Միքայել Ռաֆիկի Զոհրաբյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան։
Ո ր ո շ ու մ
որպես մեղադրյալ ներգրավելու մասին
«08 » սեպտեմբերի 2011թ. ք. Երևան
Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս
Միքայել Ռաֆիկի Զոհրաբյանին /ծնված 16.11.1989թ. Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, չամուսնացած, նախկինում չդատված, աշխատել է «Արբատ» սրճարանում` որպես մատուցող, բնակվում է ք.Երևան, Չեխովի փող., 10շենք, բն. 143, ներկայումս ՀՀ ԱՆ «Նուբարաշեն» ՔԿ հիմնարկի կալանավոր /
մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 2-րդ մասի 2-րդ կետով։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 1-ին մասով։
Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։
Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 266 հոդվածի 1-ին մասով։
Բացի այդ, Մ. Զոհրաբյանը 2010թ. օգոստոսի 18-ին, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, խոստացել է վերջինիս օժանդակել այդ հարցում։ Այդ նպատակով Մ.Զոհրաբյանը Հրայր Հրայրյանից ստացել է 45.000 ՀՀ դրամ գումար, ապա իր և Հ. Հրայրյանի գործածման համար ապօրինի չորացված մարիխուանա տեսակի թմրամիջոց ձեռք բերելու նպատակով, վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով ապօրինի ձեռք է բերել Հ. Հրայրյանին հանձնելու համար խոշոր չափի` 17,58 գրամ, իսկ իր գործածման համար զգալի չափի` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։
Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին, և Մ. Զոհրաբյանն իր կամքից անկախ հանգամանքներով չի կարողացել ավարտին հասցնել հանցագործությունը` օժանդակել Հ. Հրայրյանի կողմից խոշոր չափի թմրամիջոցը ձեռք բերելուն, քանի որ կատարված անձնական խուզարկության ընթացքում Հ. Հրայրյանի, ինչպես նաև իր գործածման համար նախատեսված չորացված մարիխուանա տեսակի թմրամիջոցը հայտնաբերվել է Մ. Զոհրաբյանի մոտից։
Այսինքն, Մ. Զոհրաբյանը կատարել է ՀՀ քր. օր.-ի 34-38-268 հոդվածի 2-րդ մասի 2-րդ կետով և 268 հոդվածի 1-ին մասով նախատեսված հանցագործություններ։
Այսպիսով, Միքայել Զոհրաբյանը կատարել է հանցավոր արարքներ, որոնք նախատեսված են ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով
Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով
Որոշեցի
1. Թիվ 13141110 քրեական գործով Միքայել Ռաֆիկի Զոհրաբյանին մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։
2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։
Կենտրոն և Նորք-Մարաշ վարչական շրջանների
դատախազության ավագ դատախազ,
արդարադատության երրորդ դասի խորհրդական Լ. Չարխիֆալակյան»։
Դատարանի կողմից հաստատված փաստական հանգամանքները
Դատաքննությամբ, գործի տվյալներով, դատարանը հիմնավորված է համարում հետևյալը.
Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, «չորացված մարիխուանա» տեսակի թմրամիջոց հետևյալ հանգամանքներում.
Ամբաստանյալ Միքայել Զոհրաբյանը 2009թ. ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել է մտերիմ փոխհարաբերություններ։
2010թ. հուլիսի կեսերին ամբաստանյալ Մ. Զոհրաբյանը ցանկացել է իր գործածման համար ապօրինի «չորացված մարիխուանա» տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա. Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ. Զոհրաբյանին ապօրինի իրացրել է խոշոր չափի` 7 գրամ «չորացված մարիխուանա» տեսակի թմրամիջոց։ Մ. Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։
Բացի այդ, ամբաստանյալ Մ. Զոհրաբյանը 2010թ. օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ «չորացված մարիխուանա» տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։
Բացի այդ, 2010թ. օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ. Զոհրաբյանը Հրայր Հրայրյանին հյուրասիրելու եղանակով ապօրինի իրացրել է «մարիխուանա» տեսակի թմրամիջոց, որը վերջինս ծխելու միջոցով գործածել է։
Բացի այդ, ամբաստանյալ Մ. Զոհրաբյանը 2010թ. օգոստոսի 18-ին, ժամը 00։30-ի սահմաններում, իր աշխատավայրում` Երևանում գործող «Արբատ» սրճարանում, տեղեկանալով, որ Հ. Հրայրյանը ցանկանում է իր գործածման համար ապօրինի խոշոր չափի «չորացված մարիխուանա» տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ. Զոհրաբյանը Հ. Հրայրյանից վերցրել է 45.000 ՀՀ դրամ գումար, ապա` իր և Հ. Հրայրյանի գործածման համար «չորացված մարիխուանա» տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա. Շահբազյանին։ Մ. Զոհրաբյանը Ա. Շահբազյանից, ընդհանուրը` 36.000 ՀՀ դրամով գնելու միջոցով, Հ. Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ «չորացված մարիխուանա» տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։
Նույն օրը, ժամը 02։00-ի սահմաններում ամբաստանյալ Մ. Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ. Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ. Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ «չորացված մարիխուանա» տեսակի թմրամիջոցը։
Քրեական գործի նախաքննության ընթացքում, 2010թ. օգոստոսի 26-ից սեպտեմբերի 03-ն ընկած ժամանակահատվածում կատարվել են տոքսիկոքիմիական փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից։ Համաձայն քրեական գործում առկա, աշխատանքների հանձնման-ընդունման վերաբերյալ 2010թ. սեպտեմբերի 03-ին կազմված արձանագրությունների` աշխատանքների համար վճարման ենթակա գումարը, այսինքն փորձագետների վարձատրության` դատական ծախսեր հանդիսացող գումարը ամբաստանյալ Միքայել Ռաֆիկի Զոհրաբյանի մասով կազմել է 19.236 /տասնինը հազար երկու հարյուր երեսունվեց/ ՀՀ դրամ գումար, իսկ ամբաստանյալ Անդրանիկ Պապի Շահբազյանի մասով` 28.854 /քսանութ հազար ութ հարյուր հիսունչորս/ ՀՀ դրամ գումար /հատոր 2, գ.թ. 88, 92/։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Անդրանիկ Պապի Շահբազյանը վատառողջ է, նախկինում դատված չի եղել, բնութագրվում է դրական։
Ամբաստանյալ Միքայել Ռաֆիկի Զոհրաբյանը նախկինում դատված չի եղել, բնութագրվում է դրական։
Ապացույցների հետազոտում և գնահատում
Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Անդրանիկ Պապի Շահբազյանի նախաքննական ինքնախոստովանական ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, իր ազգական Վարդան Աբրահամյանի միջոցով ծանոթացել է Միքայել Զոհրաբյանի հետ, որի ընթացքում միմյանց հետ հեռախոսահամարներ են փոխանակել։ 2010թ. հուլիսին իրեն է զանգահարել Միքայել Զոհրաբյանը և խնդրել է սեփական գործածման համար «մարիխուանա» տեսակի թմրամիջոց գտնել։ Խոստացել է օգնել, որից հետո իրենց գյուղի վարելահողեր տանող ճանապարհին աճած կանեփի բույսից քաղելու և չորացնելու միջոցով թմրամիջոց է պատրաստել։ Նույն օրը երեկոյան, Արարատի մարզի Արևաբույր գյուղում հանդիպել է Միքայել Զոհրաբյանին և 12.000 ՀՀ դրամ գումար վերցնելով` նրան է տվել երկու փաթեթ թմրամիջոց։ Բացի այդ, 2010թ. օգոստոսի սկզբներին Միքայել Զոհրաբյանը կրկին զանգահարել է իրեն և թմրամիջոց է խնդրել։ Նույն եղանակով, նշված թմրամիջոցից, նույն օրը երեկոյան, Արևաբույր գյուղում հանդիպման ժամանակ Միքայելին 6000 ՀՀ դրամով վաճառել է մեկ փաթեթ թմրամիջոց, իսկ 2010թ. օգոստոսի 18-ին, ընդհանուրը` 36.000 ՀՀ դրամով Միքայելին է վաճառել 6 փաթեթ թմրամիջոց։ Մ. Զոհրաբյանին վաճառված թմրամիջոցների հետ իր մորեղբայր Արայիկ Գասպարյանը որևէ առնչություն չունի։
/հատոր 2, գ.թ. 48-50, հատոր 3, գ.թ. 99-100, 131/
Ամբաստանյալ Անդրանիկ Պապի Շահբազյանը իր նախաքննական ցուցմունքները պնդել է նաև Միքայել Ռաֆիկի Զոհրաբյանի հետ առերես հարցաքննության ժամանակ։
/հատոր 1, գ.թ. 115-116/
Դատարանում ամբաստանյալ Անդրանիկ Պապի Շահբազյանը պնդեց իր նախաքննական ցուցմունքները, սակայն դատարանին հայտնեց, որ ՀՀ քրեական օրենսգրքի 266-րդ հոդվածի 1-ին մասով առաջադրված նոր մեղադրանքը չի ընդունում, քանի որ համաձայն չէ արարքի իրավաբանական որակման հետ։ Ինքն իրեն մեղավոր է ճանաչում միայն ՀՀ քրեական օրենսգրքի 266-րդ հոդվածի 2-րդ մասի 2-րդ կետով։
/դատական նիստի արձանագրություն/։
Ամբաստանյալ Միքայել Ռաֆիկի Զոհրաբյանի նախաքննական ցուցմունքներով այն մասին, որ առաջադրված մեղադրանքներում իրեն մեղավոր է ճանաչում մասնակիորեն։ 2009թ. իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010թ. հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով «չորացված մարիխուանա» տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010թ. օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6.000 ՀՀ դրամով նրանից գնել 1 փաթեթ` 3.5 գրամ քաշով «մարիխուանա» տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010թ. օգոստոսի 17-ին իր աշխատավայր` «Արբատ» սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար «մարիխուանա» տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45000 ՀՀ դրամ գումար, որից 40000 ՀՀ դրամը՝հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 00։30-ի սահմաններում, Երևանի «Հին Էրիվան» ռեստորանի մոտից, վարձակալած «Վազ 2106» մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքը Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել է Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին, Վարդանանց և Հանրապետության փողոցների խաչմերուկում ոստիկանության աշխատակիցները բռնել են իրեն և բերման են ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով «չորացված մարիխուանա» տեսակի թմրամիջոցը։
Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ «մարիխուանա» տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ «մարիխուանա» տեսակի թմրամիջոցը նախատեսված է եղել իր գործածման համար, այն Հ. Հրայրյանին իրացնելու նպատակ չի ունեցել։ Թեև գումար վերցնելիս Հ. Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։
/հատոր 1, գ.թ. 25-29, 113, հատոր 2, գ.թ. 40-42, հատոր 3, գ.թ. 140/։
Դատարանում ամբաստանյալ Միքայել Ռաֆիկի Զոհրաբյանը ցուցմունք տվեց այն մասին, որ առաջադրված մեղադրանքում իրեն մեղավոր է ճանաչում մասնակիորեն, թմրանյութ իրացնելու մասով իրեն մեղավոր չի ճանաչում, թմրանյութն ինքը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան «մարիխուանա» տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։
/դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Ռոման Իգորի Հովհաննիսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, Երևանի Ալեք Մանուկյան և Սայաթ-Նովա փողոցների հատվածում ծառայություն կատարելու ընթացքում իրեն է զանգահարել ՀՀ ոստիկանության ՊՊՎ գնդի ոստիկան Էդուարդ Բալաբեկյանը։ Նա հայտնել է, որ իր տաքսի ավտոմեքենայով Մասիս քաղաքից վերադառնում է Երևան և ավտոմեքենայում կասկածելի ուղևոր կա։ Միաժամանակ նա խնդրել է Երևանի Վարդանանց փողոցով անցնելիս ավտոմեքենան կանգնեցնել և ուղևորին ստուգել։ Ինքը զանգահարել է պարեկային ավտոմեքենայով ծառայություն իրականացնող ՀՀ ոստիկանության ՊՊԾ գնդի ոստիկան Գևորգ Կիրակոսյանին և տեղեկացրել է նշվածի մասին։ Մոտ մեկ ժամ անց ոստիկանության աշխատակիցներից տեղեկացել է, որ ՊՊԾ գնդի ոստիկանները կանգնեցրել են Էդուարդ Բալաբեկյանի վարած ավտոմեքենան, ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ կատարված անձնական խուզարկությամբ վերջինիս մոտից հայտնաբերվել է վեց փաթեթ «մարիխուանա» տեսակի թմրամիջոց։
/հատոր 1, գ.թ. 83-84, դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գևորգ Ռուբենի Կիրակոսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գրիգոր Դանիելյանի հետ Կենտրոն վարչական տարածքում ծառայություն կատարելիս` իրեն է զանգահարել ՊՊԾ գնդի ոստիկան Ռոման Հովհաննիսյանը և հայտնել, որ Էդուարդ Բալաբեկյանը Մասիս քաղաքից ավտոմեքենայով գալիս է Երևան, նրա ավտոմեքենայում կասկածելի ուղևոր կա, խնդրել է ճանապարհին կանգնեցնել ավտոմեքենան և ուղևորին բերման ենթարկել ոստիկանության բաժին։ Ծառայողական ավտոմեքենայով գնացել են Երևանի Վարդանանց փողոց։ Քիչ անց իր ավտոմեքենայով նշված փողոցով անցել է նաև Էդուարդ Բալաբեկյանը։ Իրենք հետևել են նրան, Երևանի Վարդանանց և Հանրապետության փողոցների խաչմերուկում կանգնեցրել են նրա կողմից վարած ավտոմեքենան, իսկ ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որի անձնական խուզարկությամբ հայտնաբերվել է վեց փաթեթ թմրամիջոց։
/հատոր 1, գ.թ. 70-71, դատական նիստի արձանագրություն/։
Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գրիգոր Ժորիկի Դանիելյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գևորգ Կիրակոսյանի հետ ծառայություն են կատարել Երևանի Կենտրոն վարչական տարածքում։ Ծառայության ընթացքում Գևորգ Կիրակոսյանը տեղեկացրել է, որ իրեն է զանգահարել ոստիկան Ռոման Հովհաննիսյանը և հայտնել, որ Մասիս քաղաքից ավտոմեքենայով Երևան է գալիս ոստիկանության աշխատակից Էդուարդ Բալաբեկյանը, որի ավտոմեքենայում կասկածելի անձ կա։ Իրենք գնացել են Երևանի Վարդանանց փողոց, որտեղ հետևել են նշված փողոցով անցնող, Էդուարդ Բալաբեկյանի վարած ավտոմեքենային, իսկ Վարդանանց և Հանրապետության փողոցների հատման մասում կանգնեցրել են այն։ Ավտոմեքենայում նստած ուղևորին` մինչ այդ իրենց անծանոթ Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ նրա անձնական խուզարկությամբ հայտնաբերվել է վեց փաթեթ թմրամիջոց։
/հատոր 1, գ.թ. 80-81, դատական նիստի արձանագրություն/։
Վկա Էդուարդ Ալեքսանդրի Բալաբեկյանի նախաքննական ցուցմունքով այն մասին, որ 2008թ. հոկտեմբերից աշխատում է ՀՀ ոստիկանության ՊՊ վարչության Կենտրոնական բաժնին կից պահպանության բաժնում որպես ոստիկան։ Աշխատանքը հերթափոխային է, ուստի սոցիալական վատ պայմանների պատճառով որոշել է ոչ աշխատանքային օրերին, իրեն պատկանող, «Վազ 2106» մակնիշի ավտոմեքենայով ուղևորներ տեղափոխել` ընտանիքի հոգսը թեթևացնելու համար։ 2010թ. օգոստոսի 18-ին, ժամը 00.30-ի սահմաններում, իր «Վազ 2106» մակնիշի, 07 ՕՕ 905 պետհամարանիշի տաքսի ավտոմեքենայով Երևանի «Հին Էրիվան» ռեստորանի մոտ կայանված լինելու ընթացքում, մոտեցել է մինչ այդ իրեն անծանոթ Միքայել Զոհրաբյանը և նստելով ավտոմեքենան` պատվիրել է իրեն տեղափոխել Արարատի մարզ։ Արարատի մարզի գյուղերից մեկում Մ. Զոհրաբյանի խնդրանքով ավտոմեքենան կանգնեցրել է ճամփեզրին կանգնած մի անձնավորության մոտ։ Միքայելն իջել է ավտոմեքենայից, բարևել է նրան, ապա երկուսով նստել են իր տաքսի ավտոմեքենան, որից հետո նրանց պատվերով ավտոմեքենան վարել է ևս 100 մետր դեպի Արտաշատ քաղաքի ուղղությամբ։ Այնուհետև Միքայելն ու անծանոթն իջել են ավտոմեքենայից։ Միքայելը նրան գումար է տվել, որից հետո վերջինս քայլելով գնացել է գյուղամեջ։ Կասկածելով Մ. Զոհրաբյանի կողմից թմրամիջոց ձեռք բերելու հանգամանքի մասին` ինքն անմիջապես զանգահարել է ընկերոջը` ՀՀ ոստիկանության ՊՊԾ գնդի աշխատակից Ռոման Հովհաննիսյանին և հայտնել, որ կասկածելի ուղևոր ունի, որի հետ վերադառնալու են Երևան` Օպերայի տարածք։ Միաժամանակ խնդրել է ճանապարհին ավտոմեքենան կանգնեցնել և ստուգել ուղևորին։ Մի քանի րոպե անց անծանոթը վերադարձել է, Միքայելի հետ նստել են ավտոմեքենան և վերադարձել են նույն գյուղ։ Ճանապարհին Միքայելն ու անծանոթն իջել են ավտոմեքենայից, ծխելուց հետո Միքայելը կրկին նստել է ավտոմեքենան և վերադարձել են Երևան։ Ճանապարհին Մ. Զոհրաբյանի տրամադրությունը բարձր է եղել, հեռախոսազրույցի ընթացքում վերջինս զրուցակցին հայտնել է, որ 6 կգ խորովածով վերադառնում է։ Ճանապարհին, խոսակցության ընթացքում, Մ. Զոհրաբյանը հայտնել է, որ մոտը թմրամիջոց կա և խնդրել է զգույշ վարել ավտոմեքենան, որպեսզի ոստիկանների կողմից չբռնվեն։ Ռոմանի հետ ունեցած պայմանավորվածության համաձայն ավտոմեքենան վարել է Երևանի Վարդանանց փողոցով, որտեղ իրենց կանգնեցրել են ոստիկանության աշխատակիցները և Միքայել Զոհրաբյանին բերման են ենթարկել ոստիկանության Կենտրոնական բաժին։ Հետագայում տեղեկացել է, որ Միքայելի մոտ հայտնաբերվել է վեց փաթեթ «մարիխուանա» տեսակի թմրամիջոց։
/հատոր 1, գ.թ. 85-86/։
Վկա Հայկ Սարուխանի Խաչատրյանի նախաքննական ցուցմունքով այն մասին, որ 2010թ. օգոստոսի 18-ին, ժամը 02։00-ի սահմաններում, իր կողմից վարած տաքսի ավտոմեքենայով գտնվել է Երևանի Մաշտոցի պողոտայում, երբ իրեն են մոտեցել ոստիկանության Կենտրոնական բաժնի աշխատակիցները և հրավիրել են ոստիկանության բաժին՝ մեկ այլ քաղաքացու հետ որպես ընթերակա մասնակցելու իրեն անծանոթ Միքայել Զոհրաբյանի անձնական խուզարկությանը։ Խուզարկության ընթացքում Մ. Զոհրաբյանի տաբատի աջ և ձախ գրպաններից հայտնաբերվել են վեց թղթե փաթեթներ, որոնցում առկա է եղել դեղնականաչավուն զանգված։ Մ. Զոհրաբյանը հայտարարել է, որ փաթեթների պարունակությունը թմրամիջոց է, այն ձեռք է բերել Մասիս քաղաքում՝ Անդրանիկ անունով անձնավորությունից։ Հայտնաբերվածը կշռվել է, խուզարկության ընթացքի և արդյունքների մասին կազմվել է համապատասխան արձանագրություն, որը ստորագրվել է նաև իր կողմից։
/հատոր 1, գ.թ. 82/։
Վկա Գոռ Արմենի Մելքոնյանի նախաքննական ցուցմունքով այն մասին, որ Հրայր Բաբկենի Հրայրյանն իր ընկերն է, միասին սովորել են Երևանի Պուշկինի անվան միջնակարգ դպրոցում։ Միքայել Զոհրաբյանը և Հրայր Հրայրյանը ծանոթացել են իր միջոցով` «Արբատ» սրճարանում, որտեղ Մ. Զոհրաբյանն աշխատել է որպես մատուցող։ 2010թ. օգոստոսին Հրայրից տեղեկացել է, որ թմրամիջոցներ ձեռք բերելու համար նա Միքայել Զոհրաբյանին գումար է տվել, սակայն Միքայելը բռնվել է ոստիկանների կողմից։
/հատոր 3, գ.թ. 101-102/։
Անձին ճանաչման ներկայացնելու մասին 18.08.2010թ. արձանագրությամբ, որի համաձայն մեղադրյալ Միքայել Զոհրաբյանը զննելով իրեն ճանաչման ներկայացված թվով 4 անձանց լուսանկարները` մատնացույց է արել Անդրանիկ Շահբազյանի լուսանկարը և հայտարարել է, որ վերջինիցս մեկ ամսվա ընթացքում երեք անգամ ձեռք է բերել ընդհանուրը` 9 փաթեթ թմրամիջոց, որից առաջին անգամ` 2 փաթեթ, 2-րդ անգամ` 1 փաթեթ, իսկ 3-րդ անգամ` 6 փաթեթ «մարիխուանա» տեսակի թմրամիջոց։
/հատոր 1, գ.թ. 46/։
Դատաքիմիական փորձագետի 2010թ. օգոստոսի 18-ի թիվ 390Ք եզրակացությամբ այն մասին որ` «Փորձաքննությանը ներկայացված թվով վեց փաթեթներով ընդհանուր 20,78 /3,33 գրամ, 3,5 գրամ, 3,45 գրամ, 3,8 գրամ, 3,5 գրամ, 3,8 գրամ/ գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։»։
/հատոր 1, գ.թ. 14-16/։
Տոքսիկոքիմիական փորձաքննության 2010թ. սեպտեմբերի 03-ի թիվ 10-2198 եզրակացությամբ այն մասին, որ` «Միքայել Ռաֆիկի Զոհրաբյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 86-87/։
Տոքսիկոքիմիական փորձաքննության 2010թ. սեպտեմբերի 03-ի թիվ 10-2199 եզրակացությամբ այն մասին, որ` «Անդրանիկ Պապի Շահբազյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 89-91/։
Տոքսիկոքիմիական փորձաքննության 2010թ. սեպտեմբերի 09-ի թիվ 10-2331 եզրակացությամբ այն մասին, որ` «Հրայր Բաբկենի Հրայրյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 93-96/։
Ապացույց ճանաչված, «Ղ-Տելեկոմ» ՓԲ ընկերությունից ստացված, Մ. Զոհրաբյանի կողմից օգտագործված 094-60-11-43, Ա. Շահբազյանի կողմից օգտագործված 093-95-98-14, Հ. Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, համաձայն որոնց` հանցագործությունները կատարելու ժամանակահատվածում Անդրանիկ Շահբազյանը, Միքայել Զոհրաբյանը և Հրայր Հրայրյանը գտնվել են ակտիվ հեռախոսակապի մեջ։
/հատոր 1, գ.թ.141-194, հատոր 2, գ.թ. 79-83/։
Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին, ժամը 0200-ին Երևանի Վարդանանց և Հանրապետություն փողոցների խաչմերուկից, թմրանյութ պահելու, օգտագործելու և իրացնելու կասկածանքով Միքայել Զոհրաբյանը բերման է ենթարկվել ՀՀ ոստիկանության Կենտրոնական բաժին։
/հատոր 1, գ.թ. 4/։
Անձնական խուզարկություն կատարելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին ՀՀ ոստիկանության Կենտրոնական բաժնում կատարված անձնական խուզարկությամբ Միքայել Զոհրաբյանի տաբատի առջևի աջ և ձախ գրպաններից հայտնաբերվել են ընդհանուրը` 22,8 գրամ քաշով վեց հատ թղթե փաթեթներ, որոնց մեջ առկա է եղել դեղնականաչավուն զանգված։
/հատոր 1, գ.թ. 5/։
Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. գոստոսի 18-ին, ժամը 1800-ին Մասիսի շրջանի Արևաբույր գյուղից, թմրանյութ պահելու, օգտագործելու և իրացնելու կասկածանքով Անդրանիկ Շահբազյանը բերման է ենթարկվել ՀՀ ոստիկանության Կենտրոնական բաժին։
/հատոր 1, գ.թ. 34/։
Իրեղեն ապացույցներ ճանաչված, 20,78 գրամ քաշով «չորացված մարիխուանա» տեսակի թմրամիջոցով։
/հատոր 1, գ.թ. 31/
Պաշտպանության կողմի միջնորդությամբ դատարանում որպես վկա հարցաքննված Հրայր Բաբկենի Հրայրյանի նախաքննական` 02.09.2010թ. որպես կասկածյալ և 07.09.2010թ. որպես մեղադրյալ տված ցուցմունքներով այն մասին, որ 2010թ. հուլիսի կեսերին Երևանի «Արբատ» սրճարանում, իր ընկեր Գոռ Մելքոնյանի միջոցով ծանոթացել է սրճարանի մատուցող Միքայել Զոհրաբյանի հետ։ Վերջինս խոսակցություններից մեկի ժամանակ տեղեկացրել է, որ «մարիխուանա» տեսակի թմրամիջոց է օգտագործում։ 2010թ. օգոստոսի սկզբներին Միքայելը հայտնել է, որ «մարիխուանա» տեսակի թմրամիջոց ունի, որն առաջարկել է միասին ծխելու եղանակով օգտագործել։ Ինքը համաձայնել է, որից հետո Միքայելը կես լիտր տարողության կապրոնե շշի վերևի հատվածում փայլաթիթեղ դնելով, վրան լցրել է մեկ ծխախոտի չափով կանաչավուն զանգված, շշի տակից անցք է բացել և զանգվածը վառել է, որն ամբողջությամբ ծխելու եղանակով գործածել են։ Մինչև Միքայելի կողմից իրեն թմրամիջոց հյուրասիրելը` ինքը թմրամիջոց չի գործածել։ 2010թ. օգոստոսի 17-ին, ժամը 15։00-ի սահմաններում Միքայելը զանգահարել է իրեն և տեղեկացրել, որ գնում է «մարիխուանա» տեսակի թմրամիջոց գնելու, ապա հարցրել, թե արդյոք ինքն էլ չի ցանկանում այդպիսիք ձեռք բերել։ Ինքը ցանկություն է հայտնել թմրամիջոց ձեռք բերել, ուստի այդ նպատակով նույն օրը գնացել է «Արբատ» սրճարան, որտեղ հանդիպել է Միքայելին և նրան է տվել 45.000 ՀՀ դրամ կանխիկ գումար, որից 5000 ՀՀ դրամը՝որպես ճանապարհածախս, 20.000 ՀՀ դրամը` պարտքով, իսկ մնացած 20.000 ՀՀ դրամը՝իր համար թմրամիջոց գնելու համար։ Միքայելի հետ պայմանավորվել են, որ թմրամիջոցը գնելուց հետո նա պետք է զանգահարի իրեն, հանդիպեն և փոխանցի իր բաժին «մարիխուանան»։ 2010թ. օգոստոսի 18-ին, ժամը 01։00-ի սահմաններում զանգահարել է Միքայելին և հեռախոսազրույցի ընթացքում տեղեկացել է, որ նա թմրամիջոցը ձեռք է բերել և վերադառնում է Երևան։ Դրանից մոտ 30 րոպե անց կրկին զանգահարել է Միքայելին, պարզելու համար, թե վերջինս ուր է հասել, սակայն Միքայելի հեռախոսն անջատված է եղել։
Հետագայում Հ. Հրայրյանը ցուցմունք է տվել այն մասին, որ գումարը Մ. Զոհրաբյանին տվել է պարտքով, նրանից թմրամիջոցներ ձեռք բերելու մտադրություն չի ունեցել, Մ. Զոհրաբյանն իրեն երբևէ թմրամիջոց չի հուրասիրել։
/հատոր 1, գ.թ. 226-230, հատոր 2, գ.թ. 34, հատոր 2, գ.թ. 101-103, հատոր 3, գ.թ. 147/։
Դատարանում վկա Հրայր Բաբկենի Հրայրյանը ցուցմունք տվեց այն մասին, որ Միքայել Զոհրաբյանին գումար տալը չի հիշում, դեպքի հետ կապված որոշ հանգամանքներ չի հիշում, քանի որ հոգեբանական որոշակի խնդիրներ է ունեցել։ Ինքն է Միքայելին ասել, որ իր համար թմրամիջոց ձեռք բերի։
/դատական նիստի արձանագրություն/
Դատարանի իրավական վերլուծությունները
Վերլուծելով ամբաստանյալ Միքայել Ռաֆիկի Զոհրաբյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Միքայել Զոհրաբյանի նախաքննական և դատաքննական ցուցմունքները մասնակիորեն` թմրանյութ չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ վկա Հրայր Հրայրյանի ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։ Միաժամանակ դատարանը գտնում է, որ վկա Հրայր Բաբկենի Հրայրյանի կողմից դատարանում սուտ ցուցմունք տալը նշանակություն չի կարող ունենալ գործի լուծման համար, այսինքն առկա են ՀՀ քրեական օրենսգրքի 338-րդ հոդվածի 3-րդ մասով սահմանված հանգամանքները։
Վերլուծելով ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները, նրանց ցուցմունքները և գործով ձեռք բերված ապացույցները, դատարանը գտնում է, որ ամբաստանյալ Անդրանիկ Պապի Շահբազյանի կողմից, նրա մեղավորությամբ, իրացնելու նպատակով, խոշոր չափերով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Անդրանիկ Պապի Շահբազյանի կողմից, նրա մեղավորությամբ, թմրամիջոցներ ապօրինի իրացնելը։
Ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, թմրամիջոցներ ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը, փոխադրելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելուն օժանդակելու փորձ կատարելը։
Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, թմրամիջոցներ ապօրինի ձեռք բերելը, փոխադրելը և պահելը։
Քննարկելով ամբաստանյալներ Անդրանիկ Պապի Շահբազյանի նկատմամբ ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Ռաֆիկի Զոհրաբյանի նկատմամբ ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով պատիժ նշանակելու հարցը` դատարանը գտնում է հետևյալը.
Քրեական գործի դատական քննության ընթացքում մեղադրանքը պաշտպանող դատախազը ղեկավարվելով «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքով և ՀՀ քրեական դատավարության օրենսգրքի 3091 հոդվածի 1-ին մասով` փոփոխել է սույն քրեական գործի նախաքննության ընթացքում ամբաստանյալներ Անդրանիկ Շահբազյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով, Միքայել Զոհրաբյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով առաջադրված մեղադրանքները և նրանց նոր մեղադրանքներ է առաջադրել` Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։
ՀՀ քրեական օրենսգրքի 12-րդ հոդվածի համաձայն`
«1. Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով։
2. Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից։»։
ՀՀ քրեական օրենսգրքի 13-րդ հոդվածի համաձայն`
« 1. Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն։
2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի։
3. Պատասխանատվությունը մասնակիորեն մեղմացնող և միաժամանակ պատասխանատվությունը մասնակիորեն խստացնող օրենքը հետադարձ ուժ ունի միայն այն մասով, որը մեղմացնում է պատասխանատվությունը։»։
Նկատի ունենալով, որ ամբաստանյալներ Անդրանիկ Շահբազյանին և Միքայել Զոհրաբյանին վերագրվող արարքները նրանց կողմից կատարվել են 2010թ. հուլիս-օգոստոս ամիսներին, այսինքն մինչև «ՀՀ քրեական օրենսգրքում փոփոխություններ և լրացումներ կատարելու մասին» 23.05.2011թ. ՀՀ օրենքի ընդունումը, իսկ ՀՀ քրեական օրենսգրքի 13-րդ հոդվածի համաձայն արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի, դատարանը գտնում է, որ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքը ամբաստանյալներ Ա. Շահբազյանի և Մ. Զոհրաբյանի նկատմամբ կիրառվել չի կարող, քանի որ հանցավոր արարքները նրանց կողմից կատարվել են մինչև այդ օրենքի օրինական ուժի մեջ մտնելը, իսկ նշված օրենքի կիրառմամբ ամբաստանյալների արարքի հանցավորությունը չի վերանում, պատիժը չի մեղմանում և հանցանք կատարած անձի վիճակն այլ կերպ չի բարելավվում։ Հետևաբար, ամբաստանյալ Անդրանիկ Շահբազյանի արարքը ենթակա է որակման և նրա նկատմամբ պետք է պատիժ սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի արարքները ենթակա են որակման և նրա նկատմամբ պատիժ պետք է նշանակվի ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված հանցագործությունների համար։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Անդրանիկ Պապի Շահբազյանի նկատմամբ, նրա կատարած հանցագործության համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա վատառողջ է, նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Անդրանիկ Պապի Շահբազյանն իր կատարած` Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Միքայել Ռաֆիկի Զոհրաբյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Միքայել Ռաֆիկի Զոհրաբյանն իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալների գույքի վրա դրված կալանքի հարցը` դատարանը գտնում է, որ Անդրանիկ Պապի Շահբազյանի և Միքայել Ռաֆիկի Զոհրաբյանի գույքի վրա նախաքննության մարմնի 04.11.2010թ. որոշումներով դրված կալանքը պետք է վերացնել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը պետք է ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը պետք է որպես եկամուտ հանձնել պետությանը։
Քննարկելով խափանման միջոցների հարցը` դատարանը գտնում է, որ ամբաստանյալներից յուրաքանչյուրի` Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձման է ենթակա տոքսիկոքիմիական փորձաքննության կատարման արժեք հանդիսացող 28.854 /քսանութ հազար ութ հարյուր հիսունչորս/ ՀՀ դրամ գումար, ամբաստանյալ Միքայել Ռաֆիկի Զոհրաբյանից` 19.236 /տասնինը հազար երկու հարյուր երեսունվեց/ ՀՀ դրամ գումար ` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը`
Վ Ճ Ռ Ե Ց
1. Ամբաստանյալ Անդրանիկ Պապի Շահբազյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտել ազատազրկման 6 /վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
2. Ամբաստանյալ Միքայել Ռաֆիկի Զոհրաբյանին մեղավոր ճանաչել Հայաստանի Հանրապետության ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2 /երկու/ տարի ժամկետով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնել անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացնել։
Դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը որպես եկամուտ հանձնել պետությանը։
Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձել 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։
Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձել 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
ԴԱՏԱՎՈՐ` Մ. ՄԱՐՏԻՐՈՍՅԱՆ
Դատական գործ N: ԵԿԴ/0012/01/11
Կենտրոն և Նորք-Մարաշ
Նոր քրեական գործ
| Երբ է գործը ստացվել | 01-02-2011 |
|---|---|
| Քրեական գործի համարը | 0012/01/11 |
| Ինչ կարգով է գործը ստացվել | Առաջին անգամ |
| Դատախազություն | Կենտրոն և Նորք-Մարաշ վարչական շրջանների դատախազություն |
| Նախաքննական գործի համարը | 13141110 |
| Մեղադրական եզրակացության համառոտ բովանդակություն | Մեղադրվում է նրանում, որ Արարատի մարզի Արևաբույր գյուղում առանց իրացնելու նպատակի` անձնական օգտագործման համար, Ա. Շահբազյանից ապօրինի ձեռք է բերել և պահեր խոշոր չափի` 7 գրամ չորացված մարիխուանա տեսակի թմրամիջոց |
| Մեղադրյալ | |
| Անձ | |
| Անուն | Միքայել |
| Ազգանուն | Զոհրաբյան |
| Հայրանուն | Ռաֆիկի |
| Հասցե | --------------- |
| Սոցիալական քարտ | --------------- |
| Հոդված_1 | |
| Հոդված | 266 Մաս 2 Կետ 2, 2.1 |
| Մեղադրյալ | |
| Անձ | |
| Անուն | Անդրանիկ |
| Ազգանուն | Շահբազյան |
| Հայրանուն | Պապի |
| Հասցե | --------------- |
| Սոցիալական քարտ | --------------- |
| Հոդված_1 | |
| Հոդված | 266 Մաս 2 Կետ 2, 2.1 |
| Մեղադրյալ | |
| Անձ | |
| Անուն | Հրայր |
| Ազգանուն | Հրայրյան |
| Հայրանուն | Բաբկենի |
| Հասցե | --------------- |
| Սոցիալական քարտ | --------------- |
| Հոդված_1 | |
| Հոդված | 34-268 Մաս 2 Կետ 2 |
| Վիճակագրական տողի համարը | 11.1 |
| Չափահաս | Այո |
| Չափահաս | Այո |
| Չափահաս | Ոչ |
Մակագրել
| Երբ | 01-02-2011 |
|---|---|
| Նախագահող դատավոր | |
| Անուն | Մնացական |
| Ազգանուն | Մարտիրոսյան |
Ընդունվել է վարույթ
| Երբ | 02-02-2011 |
|---|---|
| Որոշումը ուղարկվել է կողմերին | 02-02-2011 |
| Ուղարկվել է հուշաթերթիկ/որոշումը | 02-02-2011 |
Նշանակվել է դատական քննություն
| Երբ | 25-02-2011 |
|---|---|
| Դատավարության կողմեր | Մեղադրյալ |
| Դատավարության կողմեր | Մեղադրյալ |
| Դատավարության կողմեր | Մեղադրյալ |
| Դատավարության կողմեր | Պաշտպան |
| Դատավարության կողմեր | Պաշտպան |
| Դատավարության կողմեր | Պաշտպան |
| Դատավարության կողմեր | |
| Անուն | Անդրանիկ |
| Ազգանուն | Շահբազյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Միքայել |
| Ազգանուն | Զոհրաբյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Հրայր |
| Ազգանուն | Հրայրյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Վաղարշակ |
| Ազգանուն | Գևորգյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Սամվել |
| Ազգանուն | Մարտիրոսյան |
| Հասցե | --------------- |
| Սեռ | 1 |
| Դատավարության կողմեր | |
| Անուն | Նիկոլայ |
| Ազգանուն | Բաղդասարյան |
| Հասցե | --------------- |
| Սեռ | 1 |
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 10-03-2011 |
|---|---|
| Ժամ | 15:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 31-03-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 21-04-2011 |
|---|---|
| Ժամ | 15:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 12-05-2011 |
|---|---|
| Ժամ | 15:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 24-05-2011 |
|---|---|
| Ժամ | 15:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 08-06-2011 |
|---|---|
| Ժամ | 15:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 20-06-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 29-06-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 13-07-2011 |
|---|---|
| Ժամ | 14:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 14-07-2011 |
|---|---|
| Ժամ | 14:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 09-08-2011 |
|---|---|
| Ժամ | 11:30 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 18-08-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 01-09-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 08-09-2011 |
|---|---|
| Ժամ | 12:30 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 17-09-2011 |
|---|---|
| Ժամ | 12:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 27-09-2011 |
|---|---|
| Ժամ | 16:00 |
| Նիստերի դահլիճի համարը | 4 |
Նշանակվել է դատական նիստ/դատական քննություն
| Երբ | 29-09-2011 |
|---|---|
| Ժամ | 12:00 |
| Նիստերի դահլիճի համարը | 4 |
Կայացվել է դատավճիռ
| Ամսաթիվ | 29-09-2011 |
|---|
Մեղադրական
| Մեղադրյալ | |
|---|---|
| Անուն | Անդրանիկ |
| Ազգանուն | Շահբազյան |
| Հասցե | --------------- |
| Սեռ | 1 |
| Ամսաթիվ | 29-09-2011 |
| Այլ հանցագործության հոդվածներ | |
| Հիմնական պատիժ | Որոշակի ժամկետով ազատազրկում |
| Լրացուցիչ պատիժ | Գույքի բռնագրավում |
| Բռնագանձնված գույքի չափը | ոչ ավելի 54.000 ՀՀ դրամ գումարից |
Մեղադրական
| Մեղադրյալ | |
|---|---|
| Անուն | Միքայել |
| Ազգանուն | Զոհրաբյան |
| Հասցե | --------------- |
| Սեռ | 1 |
| Ամսաթիվ | 29-09-2011 |
| Այլ հանցագործության հոդվածներ | |
| Այլ հանցագործության հոդվածներ | |
| Հիմնական պատիժ | Որոշակի ժամկետով ազատազրկում |
Դատական ակտ
| Դատական ակտի բովանդակությունը | Դ Ա Տ Ա Վ Ճ Ի Ռ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 29 սեպտեմբերի 2011թ. ք. Երևան ԵԿԴ-0012/01/11 Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով. նախագահող դատավոր` Մ. Մարտիրոսյան, քարտուղարներ` Տ. Գրիգորյան, Էդ. Մկրտչյան մասնակցությամբ` մեղադրող, Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ ` Լ. Չարխիֆալակյանի, ամբաստանյալ Ա. Շահբազյանի պաշտպան` Վ. Գևորգյանի, ամբաստանյալ Մ. Զոհրաբյանի պաշտպաններ` Ս. Մարտիրոսյանի, Ա. Սիրունյանի, դատարանում, դռնբաց դատական նիստում քննեց գործն ըստ մեղադրանքի 1. Անդրանիկ Պապի Շահբազյանի` ծնված 1987թ. նոյեմբերի 13-ին Արարատի մարզի Արևաբույր գյուղում, հայ, Հայաստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, վատառողջ, բնութագրվում է դրական, հաշվառված է և բնակվել է Արարատի մարզի Արևաբույր գյուղում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 1-ին մասով, 2. Միքայել Ռաֆիկի Զոհրաբյանի` ծնված 1989թ. նոյեմբերի 16-ին Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, աշխատել է «Արբատ» սրճարանում որպես մատուցող, հաշվառված է Ղազախստանի Հանրապետության Ալմա Աթա քաղաքի Սույումբայա փողոցի թիվ 667 շենքի թիվ 34 բնակարանում, բնակվել է Երևանի Չեխովի փողոցի թիվ 10 շենքի թիվ 143 բնակարանում, կալանքի տակ է 18.08.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։ Գործի դատավարական նախապատմությունը Թիվ 13141110 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2010թ. օգոստոսի 18-ին, ՀՀ քրեական օրենսգրքի 268-րդ հոդվածի 2-րդ մասի 2-րդ կետով, Միքայել Զոհրաբյանի կողմից ապօրինի խոշոր չափի «չորացված մարիխուանա» տեսակի թմրամիջոց ձեռք բերելու և պահելու դեպքի առթիվ։ Քննիչի 14.01.2011թ. որոշմամբ, թիվ 13141110 քրեական գործով Արայիկ Կոմիտասի Գասպարյանի կողմից ապօրինի թմրամիջոց իրացնելու կապացությամբ քրեական հետապնդում չի իրականացվել` ապացույցների անբավարարության հիմքով։ Նախաքննության մարմինն ամբաստանյալ Անդրանիկ Պապի Շահբազյանին մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։ Բացի այդ, Ա. Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, կրկին անգամ, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։ Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով, կրկին անգամ, ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին կրկին անգամ ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։»։ Նախաքննության մարմինն ամբաստանյալ Միքայել Ռաֆիկի Զոհրաբյանին մեղադրանքներ է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով հետևյալ արարքների համար. «որ նա` 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։ Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։ Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։ Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ. Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի Մարզի Արևաբույր գյուղ և հանդիպել Անդրանիկ Պապի Շահբազյանին։ Մ. Զոհրաբյանն Ա. Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։ Նույն օրը, ժամը 02.00-ի սահմաններում Մ. Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ. Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։»։ Նախաքննության մարմինն ամբաստանյալ Հրայր Բաբկենի Հրայրյանին մեղադրանք է առաջադրել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով հետևյալ արարքի համար. «որ նա` 2010թ. օգոստոսի 17-ին Երևան քաղաքի բնակիչ Միքայել Ռաֆիկի Զոհրաբյանի միջոցով առանց իրացնելու նպատակի` իր գործածման համար, փորձել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։ Այսպես. Հրայր Բաբկենի Հրայրյանը 2010թ. օգոստոսի 17-ին տեղեկանալով, որ իր ծանոթ, «Արբատ» սրճարանի մատուցող Միքայել Ռաֆիկի Զոհրաբյանը կարող է իր գործածման համար ապօրինի թմրամիջոց ձեռք բերել, նպատակադրվել է ապօրինի ձեռք բերել խոշոր չափի` 17.58 գրամ «չորացված մարիխուանա» տեսակի թմրամիջոց։ Այդ նպատակով Հրայր Հրայրյանը 2010թ. օգոստոսի 17-ին ժամը 17։00 սահմաններում «Արբատ» սրճարանում Մ. Զոհրաբյանին տվել է 45.000 ՀՀ դրամ գումար, որով էլ վերջինս Արարատի մարզի Արևաբույր գյուղի բնակիչ Անդրանիկ Պապի Շահբազյանից իրացնելու նպատակով ապօրինի ձեռք է բերել խոշոր չափի` 17.58 գրամ «չորացված մարիխուանա» տեսակի թմրամիջոց, որն ապօրինի փոխադրել է Երևան քաղաք, սակայն չի հասցրել փոխանցել Հ. Հրայրյանին, քանի որ 2010թ. օգոստոսի 18-ին ժամը 02։00-ին Երևան քաղաքի Վարդանանց և Հանրապետության փողոցների հատման մասում բռնվել է ոստիկանության աշխատակիցների կողմից, և Հ. Հրայրյանը հանցագործությունն ավարտին չի հասցրել իր կամքից անկախ հանգամանքներով։»։ 2011թ. փետրվարի 01-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։ Քրեական գործի դատական քննության ընթացքում, դատարանի 08.06.2011թ. որոշմամբ, ԵԿԴ-0012/01/11 (13141110) քրեական գործով ամբաստանյալ Հրայր Բաբկենի Հրայրյանի նկատմամբ քրեական հետապնդումը դադարեցվել է` համաներման ակտ ընդունվելու պատճառաբանությամբ։ 2011թ. սեպտեմբերի 8-ի դատական նիստում, մեղադրողի կողմից ներկայացվել են նրա չորս որոշումները, առաջին երկուսը` ամբաստանյալներից յուրաքանչյուրին` Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքը փոփոխելու և նոր մեղադրանք առաջադրելու մասին, երրորդը` Անդրանիկ Պապի Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով մեղադրանք առաջադրելու, չորրորդը` Միքայել Ռաֆիկի Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով մեղադրանքներ առաջադրելու մասին։ Անդրանիկ Պապի Շահբազյանի մասով որոշումները հետևյալն են` «Որոշում առաջադրված մեղադրանքը փոփոխելու և նոր մեղադրանք առաջադրելու մասին « 08 » սեպտեմբերի 2011թ. ք. Երևան Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը Պարզեցի Թիվ 13141110 քրեական գործի մինչդատական վարույթի ընթացքում մեղադրյալ Անդրանիկ Պապի Շահբազյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ և 2.1 կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։ Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։ Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։ «ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ հոդվածի համաձայն նույն օրենսգրքի 266-րդ հոդվածի 2-րդ մասի 2.1 կետը ճանաչվել է ուժը կորցրած։ ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։ Այսպիսով, անհրաժեշտություն է առաջացել ամբաստանյալ Անդրանիկ Պապի Շահբազյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։ Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով Որոշեցի 1. Թիվ 13141110 քրեական գործով մինչդատական վարույթի ընթացքում մեղադրյալ Անդրանիկ Պապի Շահբազյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով և 266 հոդվածի 2-րդ մասի 2-րդ կետով։ 2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։ Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Չարխիֆալակյան։ Ո ր ո շ ու մ որպես մեղադրյալ ներգրավելու մասին «08» սեպտեմբերի 2011թ. ք. Երևան Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս Անդրանիկ Պապի Շահբազյանին /ծնված 13.11.1987թ. Արարատի մարզի Արևաբույր գյուղում, հայ, ՀՀ քաղաքացի, միջնակարգ կրթությամբ, չամուսնացած, նախկինում չդատված, չի աշխատում, բնակվում է Արարատի մարզի Արևաբույր գյուղում, ներկայումս ՀՀ ԱՆ «Նուբարաշեն» ՔԿ հիմնարկի կալանավոր / մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել խոշոր չափի` 7 գրամ քաշով «չորացված մարիխուանա» տեսակի թմրամիջոց, որը 12.000 ՀՀ դրամով վաճառելու եղանակով ապօրինի իրացրել է Միքայել Զոհրաբյանին։ Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։ Բացի այդ, Ա.Շահբազյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում, իրացնելու նպատակով ապօրինի ձեռք է բերել զգալի չափի` 3,5 գրամ քաշով «չորացված մարիխուանա» տեսակի թմրամիջոց, որը 6.000 ՀՀ դրամով վաճառելու եղանակով ապօրինի իրացրել է Մ. Զոհրաբյանին։ Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 1-ին մասով։ Բացի այդ, Ա. Շահբազյանը 2010թ. օգոստոսի 18-ին, ժամը 01.30-ի սահմաններում, Արարատի մարզի Արևաբույր գյուղում, իրացնելու նպատակով ապօրինի ձեռք է բերել և 36.000 ՀՀ դրամով վաճառելու եղանակով Մ. Զոհրաբյանին ապօրինի իրացրել է խոշոր չափի` 20,78 գրամը գերազանցող «չորացված մարիխուանա» տեսակի թմրամիջոց։ Այսինքն, Ա. Շահբազյանը կատարել է հանցանք, որը նախատեսված է ՀՀ քր. օր. 266 հոդվածի 2-րդ մասի 2-րդ կետով։ Այսպիսով, Անդրանիկ Շահբազյանը կատարել է հանցավոր արարքներ, որոնք նախատեսված են ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։ Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով Որոշեցի 1. Թիվ 13141110 քրեական գործով Անդրանիկ Պապի Շահբազյանին մեղադրանք առաջադրել ՀՀ քր. օր-ի 266 հոդվածի 1-ին մասով և 266 հոդվածի 2-րդ մասի 2-րդ կետով։ 2. Որոշման մասին հայտնել Անդրանիկ Շահբազյանին, միաժամանակ նրան հանձնելով որոշման մեկ օրինակը։ Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Չարխիֆալակյան»։ Միքայել Ռաֆիկի Զոհրաբյանի մասով որոշումները հետևյալն են` «Որոշում առաջադրված մեղադրանքը փոփոխելու և նոր մեղադրանք առաջադրելու մասին «08 » սեպտեմբերի 2011թ. ք. Երևան Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս հետազոտելով թիվ 13141110 քրեական գործի նյութերը Պարզեցի Թիվ 13141110 քրեական գործի մինչդատական վարույթի ընթացքում մեղադրյալ Միքայել Ռաֆիկի Զոհրաբյանին մեղադրանք է առաջադրվել ՀՀ քր. օր.-ի 266 հոդվածի 2-րդ մասի 2-րդ, 2.1 կետերով և 268 հոդվածի 2-րդ մասի 1-ին և 2-րդ կետերով այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։ Բացի այդ, Մ.Զոհրաբյանը 2010թ. օգոստոսի սկզբներին, կոնկրետ օրը պարզված չէ, կրկին անգամ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։ Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին կրկին անգամ ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։ Բացի այդ, Մ. Զոհրաբյանը 2010թ. օգոստոսի 18-ին, ժամը 00.30-ի սահմաններում, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, նպատակադրվել է վերջինիս ապօրինի թմրամիջոցներ իրացնել։ Հանցավոր մտադրությունն իրականացնելու նպատակով Մ.Զոհրաբյանն Հրայր Հրայրյանից պահանջել և ստացել է 45.000 ՀՀ դրամ գումար, ապա` վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով կրկին անգամ Հրայր Հրայրյանին ապօրինի իրացնելու նպատակով ապօրինի ձեռք է բերել խոշոր չափի` 17,58 գրամ, իսկ իր գործածման համար` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։ Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնականի բաժին, որտեղ կատարված անձնական խուզարկության ընթացքում Մ.Զոհրաբյանի կողմից ապօրինի ձեռք բերված և պահվող խոշոր չափի` 20,78 գրամ «չորացված մարիխուանա» տեսակի թմրամիջոցը հայտնաբերվել է։ «ՀՀ քրեական օրենսգրքում փոփոխություններ և լրացումներ կատարելու մասին» ՀՀ ԱԺ կողմից 23.05.2011թ. ընդունված ՀՀ օրենքի 25-րդ և 26-րդ հոդվածների համաձայն նույն օրենսգրքի 266-րդ հոդվածի 2-րդ մասի 2.1 կետը և 268-րդ հոդվածի 2-րդ մասի 1-ին կետը ճանաչվել են ուժը կորցրած։ ՀՀ քրեական օրենսգրքի 13-րդ հոդվածի 1-ին մասի համաձայն արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։ Սույն քրեական գործի դատաքննության ընթացքում հետազոտված թույլատրելի և վերաբերելի ապացույցների համակցությամբ ապացուցված պետք է համարել, որ Մ. Զոհրաբյանը 2010թ. օգոստոսի 18-ին խոշոր չափի` 20,78 գրամ «չորացված մարիխուանա» տեսակի թմրամիջոցից 17,58 գրամը ապօրինի ձեռք է բերել ոչ թե Հրայր Հրայրյանին իրացնելու նպատակով, այլ նշված թմրամիջոցը ձեռք է բերել Հ. Հրայրյանի խնդրանքով, նրա տված գումարով, հանդես է եկել նրա շահերից ելնելով և փորձել է օժանդակել Հ. Հրայրյանի կողմից խոշոր չափի թմրամիջոցի ձեռք բերման փորձին, սակայն իր կամքից անկախ հանգամանքներով չի կարողացել ավարտին հասցնել հանցագործությունը, քանի որ 2010թ. օգոստոսի 18-ին ժամը 02.00-ի սահմաններում Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին։ Վերոգրյալ դրվագի վերաբերյալ որպես թույլատրելի և վերաբերելի ապացույցներ մեղադրանքի կողմը գնահատում է քրեական գործի դատաքննության ընթացքում հետազոտված Մ. Զոհրաբյանի ցուցմունքները, ապացույց ճանաչված այլ փաստաթուղթ հանդիսացող մեղադրյալ Մ. Զոհրաբյանի բացատրությունը, Հ. Հրայրյանի կողմից 2010թ. օգոստոսի 18-ին կատարված հանցանքի վերաբերյալ դատաքննության ընթացքում տված ցուցմունքը։ Այսպիսով, կատարված օրենսդրական փոփոխությունների և դատաքննության ընթացքում հետազոտված ապացույցների արդյունքում անհրաժեշտություն է առաջացել ամբաստանյալ Միքայել Ռաֆիկի Զոհրաբյանին քրեական գործի մինչդատական վարույթի ընթացքում առաջադրված մեղադրանքը փոփոխել և վերը նշված հանցանքները կատարելու համար նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։ Ելնելով վերոգրյալից և ղեկավարվելով ՀՀ քր. դատ. օր-ի 204 և 3091 հոդվածի 1-ին մասով Որոշեցի 1. Թիվ 13141110 քրեական գործով մինչդատական վարույթի ընթացքում մեղադրյալ Միքայել Ռաֆիկի Զոհրաբյանին առաջադրված մեղադրանքը փոփոխել և նրան նոր մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։ 2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։ Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Չարխիֆալակյան։ Ո ր ո շ ու մ որպես մեղադրյալ ներգրավելու մասին «08 » սեպտեմբերի 2011թ. ք. Երևան Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Մ. Չարխիֆալակյանս, հետազոտելով թիվ 13141110 քրեական գործով ձեռք բերված ապացույցները և նկատի ունենալով, որ ձեռք են բերվել բավարար ապացույցների համակցություն, որոնք հիմք են տալիս Միքայել Ռաֆիկի Զոհրաբյանին /ծնված 16.11.1989թ. Ղազախստանի Հանրապետության Ալմա Աթա քաղաքում, հայ, Ղազախստանի Հանրապետության քաղաքացի, միջնակարգ կրթությամբ, չամուսնացած, նախկինում չդատված, աշխատել է «Արբատ» սրճարանում` որպես մատուցող, բնակվում է ք.Երևան, Չեխովի փող., 10շենք, բն. 143, ներկայումս ՀՀ ԱՆ «Նուբարաշեն» ՔԿ հիմնարկի կալանավոր / մեղադրանք առաջադրել այն բանի համար, որ նա 2010թ. հուլիսի կեսերին, կոնկրետ օրը պարզված չէ, Արարատի մարզի Արևաբույր գյուղում, առանց իրացնելու նպատակի` իր գործածման համար, Անդրանիկ Պապի Շահբազյանից 12.000 ՀՀ դրամով գնելու միջոցով ապօրինի ձեռք է բերել խոշոր չափի` 7 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10շենքի թիվ 143 բնակարանի իր ննջասենյակում։ Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 2-րդ մասի 2-րդ կետով։ Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Արարատի մարզի Արևաբույր գյուղում առանց իրացնելու նպատակի` իր գործածման համար, Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3,5 գրամ «չորացված մարիխուանա» տեսակի թմրամիջոց, որը փոխադրել և ապօրինի պահել է Երևան քաղաքի Չեխովի փողոցի 10 շենքի թիվ 143 բնակարանի իր ննջասենյակում։ Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 268 հոդվածի 1-ին մասով։ Բացի այդ, Մ. Զոհրաբյանը 2010թ. օգոստոսի սկզբներին, կոնկրետ օրը պարզված չէ, Երևան քաղաքի Սայաթ-Նովա փողոցի շենքերից մեկի շքամուտքում Հրայր Հրայրյանին ապօրինի իրացրել է մարիխուանա տեսակի թմրամիջոց, որը Հ. Հրայրյանը ծխելու միջոցով գործածել է։ Այսինքն, Մ. Զոհրաբյանը կատարել է հանցավոր արարք, որը նախատեսված է ՀՀ քր. օր. 266 հոդվածի 1-ին մասով։ Բացի այդ, Մ. Զոհրաբյանը 2010թ. օգոստոսի 18-ին, Երևան քաղաքում գործող «Արբատ» սրճարանում տեղեկանալով, որ իր ծանոթ Հրայր Հրայրյանը ցանկանում է գործածման համար խոշոր չափի «չորացված մարիխուանա» տեսակի թմրամիջոց ապօրինի ձեռք բերել, խոստացել է վերջինիս օժանդակել այդ հարցում։ Այդ նպատակով Մ.Զոհրաբյանը Հրայր Հրայրյանից ստացել է 45.000 ՀՀ դրամ գումար, ապա իր և Հ. Հրայրյանի գործածման համար ապօրինի չորացված մարիխուանա տեսակի թմրամիջոց ձեռք բերելու նպատակով, վարձակալած` Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Անդրանիկ Պապի Շահբազյանին։ Մ.Զոհրաբյանն Ա.Շահբազյանից ընդհանուր 36.000 ՀՀ դրամով գնելու միջոցով ապօրինի ձեռք է բերել Հ. Հրայրյանին հանձնելու համար խոշոր չափի` 17,58 գրամ, իսկ իր գործածման համար զգալի չափի` 3,2 գրամը գերազանցող «չորացված մարիխուանա» տեսակի թմրամիջոց, որի մի մասը տեղում ծխելու միջոցով գործածել է, իսկ մնացած թմրամիջոցը փոխադրել է Երևան քաղաք։ Նույն օրը, ժամը 02.00-ի սահմաններում Մ.Զոհրաբյանը Երևան քաղաքի Վարդանանց և Հանրապետության փողոցների հատման մասից բերման է ենթարկվել ոստիկանության Կենտրոնականի բաժին, և Մ. Զոհրաբյանն իր կամքից անկախ հանգամանքներով չի կարողացել ավարտին հասցնել հանցագործությունը` օժանդակել Հ. Հրայրյանի կողմից խոշոր չափի թմրամիջոցը ձեռք բերելուն, քանի որ կատարված անձնական խուզարկության ընթացքում Հ. Հրայրյանի, ինչպես նաև իր գործածման համար նախատեսված չորացված մարիխուանա տեսակի թմրամիջոցը հայտնաբերվել է Մ. Զոհրաբյանի մոտից։ Այսինքն, Մ. Զոհրաբյանը կատարել է ՀՀ քր. օր.-ի 34-38-268 հոդվածի 2-րդ մասի 2-րդ կետով և 268 հոդվածի 1-ին մասով նախատեսված հանցագործություններ։ Այսպիսով, Միքայել Զոհրաբյանը կատարել է հանցավոր արարքներ, որոնք նախատեսված են ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով Ելնելով վերոգրյալից և ղեկավարվելով ՀՀ քր. դատ. օր.-ի 202 և 203 հոդվածներով Որոշեցի 1. Թիվ 13141110 քրեական գործով Միքայել Ռաֆիկի Զոհրաբյանին մեղադրանք առաջադրել ՀՀ քր. օր.-ի 266 հոդվածի 1-ին մասով, 34-38-268 հոդվածի 2-րդ մասի 2-րդ կետով, 268 հոդվածի 1-ին մասով և 268 հոդվածի 2-րդ մասի 2-րդ կետով։ 2. Որոշման մասին հայտնել Միքայել Զոհրաբյանին, միաժամանակ նրան հանձնելով որոշման մեկ օրինակը։ Կենտրոն և Նորք-Մարաշ վարչական շրջանների դատախազության ավագ դատախազ, արդարադատության երրորդ դասի խորհրդական Լ. Չարխիֆալակյան»։ Դատարանի կողմից հաստատված փաստական հանգամանքները Դատաքննությամբ, գործի տվյալներով, դատարանը հիմնավորված է համարում հետևյալը. Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, «չորացված մարիխուանա» տեսակի թմրամիջոց հետևյալ հանգամանքներում. Ամբաստանյալ Միքայել Զոհրաբյանը 2009թ. ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել է մտերիմ փոխհարաբերություններ։ 2010թ. հուլիսի կեսերին ամբաստանյալ Մ. Զոհրաբյանը ցանկացել է իր գործածման համար ապօրինի «չորացված մարիխուանա» տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա. Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ. Զոհրաբյանին ապօրինի իրացրել է խոշոր չափի` 7 գրամ «չորացված մարիխուանա» տեսակի թմրամիջոց։ Մ. Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։ Բացի այդ, ամբաստանյալ Մ. Զոհրաբյանը 2010թ. օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ «չորացված մարիխուանա» տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։ Բացի այդ, 2010թ. օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ. Զոհրաբյանը Հրայր Հրայրյանին հյուրասիրելու եղանակով ապօրինի իրացրել է «մարիխուանա» տեսակի թմրամիջոց, որը վերջինս ծխելու միջոցով գործածել է։ Բացի այդ, ամբաստանյալ Մ. Զոհրաբյանը 2010թ. օգոստոսի 18-ին, ժամը 00։30-ի սահմաններում, իր աշխատավայրում` Երևանում գործող «Արբատ» սրճարանում, տեղեկանալով, որ Հ. Հրայրյանը ցանկանում է իր գործածման համար ապօրինի խոշոր չափի «չորացված մարիխուանա» տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ. Զոհրաբյանը Հ. Հրայրյանից վերցրել է 45.000 ՀՀ դրամ գումար, ապա` իր և Հ. Հրայրյանի գործածման համար «չորացված մարիխուանա» տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա. Շահբազյանին։ Մ. Զոհրաբյանը Ա. Շահբազյանից, ընդհանուրը` 36.000 ՀՀ դրամով գնելու միջոցով, Հ. Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ «չորացված մարիխուանա» տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։ Նույն օրը, ժամը 02։00-ի սահմաններում ամբաստանյալ Մ. Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ. Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ. Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ «չորացված մարիխուանա» տեսակի թմրամիջոցը։ Քրեական գործի նախաքննության ընթացքում, 2010թ. օգոստոսի 26-ից սեպտեմբերի 03-ն ընկած ժամանակահատվածում կատարվել են տոքսիկոքիմիական փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից։ Համաձայն քրեական գործում առկա, աշխատանքների հանձնման-ընդունման վերաբերյալ 2010թ. սեպտեմբերի 03-ին կազմված արձանագրությունների` աշխատանքների համար վճարման ենթակա գումարը, այսինքն փորձագետների վարձատրության` դատական ծախսեր հանդիսացող գումարը ամբաստանյալ Միքայել Ռաֆիկի Զոհրաբյանի մասով կազմել է 19.236 /տասնինը հազար երկու հարյուր երեսունվեց/ ՀՀ դրամ գումար, իսկ ամբաստանյալ Անդրանիկ Պապի Շահբազյանի մասով` 28.854 /քսանութ հազար ութ հարյուր հիսունչորս/ ՀՀ դրամ գումար /հատոր 2, գ.թ. 88, 92/։ Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Անդրանիկ Պապի Շահբազյանը վատառողջ է, նախկինում դատված չի եղել, բնութագրվում է դրական։ Ամբաստանյալ Միքայել Ռաֆիկի Զոհրաբյանը նախկինում դատված չի եղել, բնութագրվում է դրական։ Ապացույցների հետազոտում և գնահատում Դատարանի կողմից հաստատված հանգամանքներն հիմնավորվում են հետևյալ ապացույցներով. Ամբաստանյալ Անդրանիկ Պապի Շահբազյանի նախաքննական ինքնախոստովանական ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, իր ազգական Վարդան Աբրահամյանի միջոցով ծանոթացել է Միքայել Զոհրաբյանի հետ, որի ընթացքում միմյանց հետ հեռախոսահամարներ են փոխանակել։ 2010թ. հուլիսին իրեն է զանգահարել Միքայել Զոհրաբյանը և խնդրել է սեփական գործածման համար «մարիխուանա» տեսակի թմրամիջոց գտնել։ Խոստացել է օգնել, որից հետո իրենց գյուղի վարելահողեր տանող ճանապարհին աճած կանեփի բույսից քաղելու և չորացնելու միջոցով թմրամիջոց է պատրաստել։ Նույն օրը երեկոյան, Արարատի մարզի Արևաբույր գյուղում հանդիպել է Միքայել Զոհրաբյանին և 12.000 ՀՀ դրամ գումար վերցնելով` նրան է տվել երկու փաթեթ թմրամիջոց։ Բացի այդ, 2010թ. օգոստոսի սկզբներին Միքայել Զոհրաբյանը կրկին զանգահարել է իրեն և թմրամիջոց է խնդրել։ Նույն եղանակով, նշված թմրամիջոցից, նույն օրը երեկոյան, Արևաբույր գյուղում հանդիպման ժամանակ Միքայելին 6000 ՀՀ դրամով վաճառել է մեկ փաթեթ թմրամիջոց, իսկ 2010թ. օգոստոսի 18-ին, ընդհանուրը` 36.000 ՀՀ դրամով Միքայելին է վաճառել 6 փաթեթ թմրամիջոց։ Մ. Զոհրաբյանին վաճառված թմրամիջոցների հետ իր մորեղբայր Արայիկ Գասպարյանը որևէ առնչություն չունի։ /հատոր 2, գ.թ. 48-50, հատոր 3, գ.թ. 99-100, 131/ Ամբաստանյալ Անդրանիկ Պապի Շահբազյանը իր նախաքննական ցուցմունքները պնդել է նաև Միքայել Ռաֆիկի Զոհրաբյանի հետ առերես հարցաքննության ժամանակ։ /հատոր 1, գ.թ. 115-116/ Դատարանում ամբաստանյալ Անդրանիկ Պապի Շահբազյանը պնդեց իր նախաքննական ցուցմունքները, սակայն դատարանին հայտնեց, որ ՀՀ քրեական օրենսգրքի 266-րդ հոդվածի 1-ին մասով առաջադրված նոր մեղադրանքը չի ընդունում, քանի որ համաձայն չէ արարքի իրավաբանական որակման հետ։ Ինքն իրեն մեղավոր է ճանաչում միայն ՀՀ քրեական օրենսգրքի 266-րդ հոդվածի 2-րդ մասի 2-րդ կետով։ /դատական նիստի արձանագրություն/։ Ամբաստանյալ Միքայել Ռաֆիկի Զոհրաբյանի նախաքննական ցուցմունքներով այն մասին, որ առաջադրված մեղադրանքներում իրեն մեղավոր է ճանաչում մասնակիորեն։ 2009թ. իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010թ. հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով «չորացված մարիխուանա» տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010թ. օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6.000 ՀՀ դրամով նրանից գնել 1 փաթեթ` 3.5 գրամ քաշով «մարիխուանա» տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010թ. օգոստոսի 17-ին իր աշխատավայր` «Արբատ» սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար «մարիխուանա» տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45000 ՀՀ դրամ գումար, որից 40000 ՀՀ դրամը՝հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 00։30-ի սահմաններում, Երևանի «Հին Էրիվան» ռեստորանի մոտից, վարձակալած «Վազ 2106» մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքը Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել է Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին, Վարդանանց և Հանրապետության փողոցների խաչմերուկում ոստիկանության աշխատակիցները բռնել են իրեն և բերման են ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով «չորացված մարիխուանա» տեսակի թմրամիջոցը։ Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ «մարիխուանա» տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ «մարիխուանա» տեսակի թմրամիջոցը նախատեսված է եղել իր գործածման համար, այն Հ. Հրայրյանին իրացնելու նպատակ չի ունեցել։ Թեև գումար վերցնելիս Հ. Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։ /հատոր 1, գ.թ. 25-29, 113, հատոր 2, գ.թ. 40-42, հատոր 3, գ.թ. 140/։ Դատարանում ամբաստանյալ Միքայել Ռաֆիկի Զոհրաբյանը ցուցմունք տվեց այն մասին, որ առաջադրված մեղադրանքում իրեն մեղավոր է ճանաչում մասնակիորեն, թմրանյութ իրացնելու մասով իրեն մեղավոր չի ճանաչում, թմրանյութն ինքը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան «մարիխուանա» տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։ /դատական նիստի արձանագրություն/։ Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Ռոման Իգորի Հովհաննիսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, Երևանի Ալեք Մանուկյան և Սայաթ-Նովա փողոցների հատվածում ծառայություն կատարելու ընթացքում իրեն է զանգահարել ՀՀ ոստիկանության ՊՊՎ գնդի ոստիկան Էդուարդ Բալաբեկյանը։ Նա հայտնել է, որ իր տաքսի ավտոմեքենայով Մասիս քաղաքից վերադառնում է Երևան և ավտոմեքենայում կասկածելի ուղևոր կա։ Միաժամանակ նա խնդրել է Երևանի Վարդանանց փողոցով անցնելիս ավտոմեքենան կանգնեցնել և ուղևորին ստուգել։ Ինքը զանգահարել է պարեկային ավտոմեքենայով ծառայություն իրականացնող ՀՀ ոստիկանության ՊՊԾ գնդի ոստիկան Գևորգ Կիրակոսյանին և տեղեկացրել է նշվածի մասին։ Մոտ մեկ ժամ անց ոստիկանության աշխատակիցներից տեղեկացել է, որ ՊՊԾ գնդի ոստիկանները կանգնեցրել են Էդուարդ Բալաբեկյանի վարած ավտոմեքենան, ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ կատարված անձնական խուզարկությամբ վերջինիս մոտից հայտնաբերվել է վեց փաթեթ «մարիխուանա» տեսակի թմրամիջոց։ /հատոր 1, գ.թ. 83-84, դատական նիստի արձանագրություն/։ Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գևորգ Ռուբենի Կիրակոսյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գրիգոր Դանիելյանի հետ Կենտրոն վարչական տարածքում ծառայություն կատարելիս` իրեն է զանգահարել ՊՊԾ գնդի ոստիկան Ռոման Հովհաննիսյանը և հայտնել, որ Էդուարդ Բալաբեկյանը Մասիս քաղաքից ավտոմեքենայով գալիս է Երևան, նրա ավտոմեքենայում կասկածելի ուղևոր կա, խնդրել է ճանապարհին կանգնեցնել ավտոմեքենան և ուղևորին բերման ենթարկել ոստիկանության բաժին։ Ծառայողական ավտոմեքենայով գնացել են Երևանի Վարդանանց փողոց։ Քիչ անց իր ավտոմեքենայով նշված փողոցով անցել է նաև Էդուարդ Բալաբեկյանը։ Իրենք հետևել են նրան, Երևանի Վարդանանց և Հանրապետության փողոցների խաչմերուկում կանգնեցրել են նրա կողմից վարած ավտոմեքենան, իսկ ուղևոր Միքայել Զոհրաբյանին բերման են ենթարկել ոստիկանության Կենտրոնական բաժին, որի անձնական խուզարկությամբ հայտնաբերվել է վեց փաթեթ թմրամիջոց։ /հատոր 1, գ.թ. 70-71, դատական նիստի արձանագրություն/։ Վկա, ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկան Գրիգոր Ժորիկի Դանիելյանի ցուցմունքով այն մասին, որ 2010թ. օգոստոսի 18-ին, ժամը 01։30-ի սահմաններում, նույն վաշտի ոստիկան Գևորգ Կիրակոսյանի հետ ծառայություն են կատարել Երևանի Կենտրոն վարչական տարածքում։ Ծառայության ընթացքում Գևորգ Կիրակոսյանը տեղեկացրել է, որ իրեն է զանգահարել ոստիկան Ռոման Հովհաննիսյանը և հայտնել, որ Մասիս քաղաքից ավտոմեքենայով Երևան է գալիս ոստիկանության աշխատակից Էդուարդ Բալաբեկյանը, որի ավտոմեքենայում կասկածելի անձ կա։ Իրենք գնացել են Երևանի Վարդանանց փողոց, որտեղ հետևել են նշված փողոցով անցնող, Էդուարդ Բալաբեկյանի վարած ավտոմեքենային, իսկ Վարդանանց և Հանրապետության փողոցների հատման մասում կանգնեցրել են այն։ Ավտոմեքենայում նստած ուղևորին` մինչ այդ իրենց անծանոթ Միքայել Զոհրաբյանին բերման են ենթարկել ոստիկանության Կենտրոնական բաժին, որտեղ նրա անձնական խուզարկությամբ հայտնաբերվել է վեց փաթեթ թմրամիջոց։ /հատոր 1, գ.թ. 80-81, դատական նիստի արձանագրություն/։ Վկա Էդուարդ Ալեքսանդրի Բալաբեկյանի նախաքննական ցուցմունքով այն մասին, որ 2008թ. հոկտեմբերից աշխատում է ՀՀ ոստիկանության ՊՊ վարչության Կենտրոնական բաժնին կից պահպանության բաժնում որպես ոստիկան։ Աշխատանքը հերթափոխային է, ուստի սոցիալական վատ պայմանների պատճառով որոշել է ոչ աշխատանքային օրերին, իրեն պատկանող, «Վազ 2106» մակնիշի ավտոմեքենայով ուղևորներ տեղափոխել` ընտանիքի հոգսը թեթևացնելու համար։ 2010թ. օգոստոսի 18-ին, ժամը 00.30-ի սահմաններում, իր «Վազ 2106» մակնիշի, 07 ՕՕ 905 պետհամարանիշի տաքսի ավտոմեքենայով Երևանի «Հին Էրիվան» ռեստորանի մոտ կայանված լինելու ընթացքում, մոտեցել է մինչ այդ իրեն անծանոթ Միքայել Զոհրաբյանը և նստելով ավտոմեքենան` պատվիրել է իրեն տեղափոխել Արարատի մարզ։ Արարատի մարզի գյուղերից մեկում Մ. Զոհրաբյանի խնդրանքով ավտոմեքենան կանգնեցրել է ճամփեզրին կանգնած մի անձնավորության մոտ։ Միքայելն իջել է ավտոմեքենայից, բարևել է նրան, ապա երկուսով նստել են իր տաքսի ավտոմեքենան, որից հետո նրանց պատվերով ավտոմեքենան վարել է ևս 100 մետր դեպի Արտաշատ քաղաքի ուղղությամբ։ Այնուհետև Միքայելն ու անծանոթն իջել են ավտոմեքենայից։ Միքայելը նրան գումար է տվել, որից հետո վերջինս քայլելով գնացել է գյուղամեջ։ Կասկածելով Մ. Զոհրաբյանի կողմից թմրամիջոց ձեռք բերելու հանգամանքի մասին` ինքն անմիջապես զանգահարել է ընկերոջը` ՀՀ ոստիկանության ՊՊԾ գնդի աշխատակից Ռոման Հովհաննիսյանին և հայտնել, որ կասկածելի ուղևոր ունի, որի հետ վերադառնալու են Երևան` Օպերայի տարածք։ Միաժամանակ խնդրել է ճանապարհին ավտոմեքենան կանգնեցնել և ստուգել ուղևորին։ Մի քանի րոպե անց անծանոթը վերադարձել է, Միքայելի հետ նստել են ավտոմեքենան և վերադարձել են նույն գյուղ։ Ճանապարհին Միքայելն ու անծանոթն իջել են ավտոմեքենայից, ծխելուց հետո Միքայելը կրկին նստել է ավտոմեքենան և վերադարձել են Երևան։ Ճանապարհին Մ. Զոհրաբյանի տրամադրությունը բարձր է եղել, հեռախոսազրույցի ընթացքում վերջինս զրուցակցին հայտնել է, որ 6 կգ խորովածով վերադառնում է։ Ճանապարհին, խոսակցության ընթացքում, Մ. Զոհրաբյանը հայտնել է, որ մոտը թմրամիջոց կա և խնդրել է զգույշ վարել ավտոմեքենան, որպեսզի ոստիկանների կողմից չբռնվեն։ Ռոմանի հետ ունեցած պայմանավորվածության համաձայն ավտոմեքենան վարել է Երևանի Վարդանանց փողոցով, որտեղ իրենց կանգնեցրել են ոստիկանության աշխատակիցները և Միքայել Զոհրաբյանին բերման են ենթարկել ոստիկանության Կենտրոնական բաժին։ Հետագայում տեղեկացել է, որ Միքայելի մոտ հայտնաբերվել է վեց փաթեթ «մարիխուանա» տեսակի թմրամիջոց։ /հատոր 1, գ.թ. 85-86/։ Վկա Հայկ Սարուխանի Խաչատրյանի նախաքննական ցուցմունքով այն մասին, որ 2010թ. օգոստոսի 18-ին, ժամը 02։00-ի սահմաններում, իր կողմից վարած տաքսի ավտոմեքենայով գտնվել է Երևանի Մաշտոցի պողոտայում, երբ իրեն են մոտեցել ոստիկանության Կենտրոնական բաժնի աշխատակիցները և հրավիրել են ոստիկանության բաժին՝ մեկ այլ քաղաքացու հետ որպես ընթերակա մասնակցելու իրեն անծանոթ Միքայել Զոհրաբյանի անձնական խուզարկությանը։ Խուզարկության ընթացքում Մ. Զոհրաբյանի տաբատի աջ և ձախ գրպաններից հայտնաբերվել են վեց թղթե փաթեթներ, որոնցում առկա է եղել դեղնականաչավուն զանգված։ Մ. Զոհրաբյանը հայտարարել է, որ փաթեթների պարունակությունը թմրամիջոց է, այն ձեռք է բերել Մասիս քաղաքում՝ Անդրանիկ անունով անձնավորությունից։ Հայտնաբերվածը կշռվել է, խուզարկության ընթացքի և արդյունքների մասին կազմվել է համապատասխան արձանագրություն, որը ստորագրվել է նաև իր կողմից։ /հատոր 1, գ.թ. 82/։ Վկա Գոռ Արմենի Մելքոնյանի նախաքննական ցուցմունքով այն մասին, որ Հրայր Բաբկենի Հրայրյանն իր ընկերն է, միասին սովորել են Երևանի Պուշկինի անվան միջնակարգ դպրոցում։ Միքայել Զոհրաբյանը և Հրայր Հրայրյանը ծանոթացել են իր միջոցով` «Արբատ» սրճարանում, որտեղ Մ. Զոհրաբյանն աշխատել է որպես մատուցող։ 2010թ. օգոստոսին Հրայրից տեղեկացել է, որ թմրամիջոցներ ձեռք բերելու համար նա Միքայել Զոհրաբյանին գումար է տվել, սակայն Միքայելը բռնվել է ոստիկանների կողմից։ /հատոր 3, գ.թ. 101-102/։ Անձին ճանաչման ներկայացնելու մասին 18.08.2010թ. արձանագրությամբ, որի համաձայն մեղադրյալ Միքայել Զոհրաբյանը զննելով իրեն ճանաչման ներկայացված թվով 4 անձանց լուսանկարները` մատնացույց է արել Անդրանիկ Շահբազյանի լուսանկարը և հայտարարել է, որ վերջինիցս մեկ ամսվա ընթացքում երեք անգամ ձեռք է բերել ընդհանուրը` 9 փաթեթ թմրամիջոց, որից առաջին անգամ` 2 փաթեթ, 2-րդ անգամ` 1 փաթեթ, իսկ 3-րդ անգամ` 6 փաթեթ «մարիխուանա» տեսակի թմրամիջոց։ /հատոր 1, գ.թ. 46/։ Դատաքիմիական փորձագետի 2010թ. օգոստոսի 18-ի թիվ 390Ք եզրակացությամբ այն մասին որ` «Փորձաքննությանը ներկայացված թվով վեց փաթեթներով ընդհանուր 20,78 /3,33 գրամ, 3,5 գրամ, 3,45 գրամ, 3,8 գրամ, 3,5 գրամ, 3,8 գրամ/ գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։»։ /հատոր 1, գ.թ. 14-16/։ Տոքսիկոքիմիական փորձաքննության 2010թ. սեպտեմբերի 03-ի թիվ 10-2198 եզրակացությամբ այն մասին, որ` «Միքայել Ռաֆիկի Զոհրաբյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։ /հատոր 2, գ.թ. 86-87/։ Տոքսիկոքիմիական փորձաքննության 2010թ. սեպտեմբերի 03-ի թիվ 10-2199 եզրակացությամբ այն մասին, որ` «Անդրանիկ Պապի Շահբազյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։ /հատոր 2, գ.թ. 89-91/։ Տոքսիկոքիմիական փորձաքննության 2010թ. սեպտեմբերի 09-ի թիվ 10-2331 եզրակացությամբ այն մասին, որ` «Հրայր Բաբկենի Հրայրյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։ /հատոր 2, գ.թ. 93-96/։ Ապացույց ճանաչված, «Ղ-Տելեկոմ» ՓԲ ընկերությունից ստացված, Մ. Զոհրաբյանի կողմից օգտագործված 094-60-11-43, Ա. Շահբազյանի կողմից օգտագործված 093-95-98-14, Հ. Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, համաձայն որոնց` հանցագործությունները կատարելու ժամանակահատվածում Անդրանիկ Շահբազյանը, Միքայել Զոհրաբյանը և Հրայր Հրայրյանը գտնվել են ակտիվ հեռախոսակապի մեջ։ /հատոր 1, գ.թ.141-194, հատոր 2, գ.թ. 79-83/։ Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին, ժամը 0200-ին Երևանի Վարդանանց և Հանրապետություն փողոցների խաչմերուկից, թմրանյութ պահելու, օգտագործելու և իրացնելու կասկածանքով Միքայել Զոհրաբյանը բերման է ենթարկվել ՀՀ ոստիկանության Կենտրոնական բաժին։ /հատոր 1, գ.թ. 4/։ Անձնական խուզարկություն կատարելու մասին 18.08.2010թ. արձանագրությամբ, որի համաձայն` 2010թ. օգոստոսի 18-ին ՀՀ ոստիկանության Կենտրոնական բաժնում կատարված անձնական խուզարկությամբ Միքայել Զոհրաբյանի տաբատի առջևի աջ և ձախ գրպաններից հայտնաբերվել են ընդհանուրը` 22,8 գրամ քաշով վեց հատ թղթե փաթեթներ, որոնց մեջ առկա է եղել դեղնականաչավուն զանգված։ /հատոր 1, գ.թ. 5/։ Ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրությամբ, որի համաձայն` 2010թ. գոստոսի 18-ին, ժամը 1800-ին Մասիսի շրջանի Արևաբույր գյուղից, թմրանյութ պահելու, օգտագործելու և իրացնելու կասկածանքով Անդրանիկ Շահբազյանը բերման է ենթարկվել ՀՀ ոստիկանության Կենտրոնական բաժին։ /հատոր 1, գ.թ. 34/։ Իրեղեն ապացույցներ ճանաչված, 20,78 գրամ քաշով «չորացված մարիխուանա» տեսակի թմրամիջոցով։ /հատոր 1, գ.թ. 31/ Պաշտպանության կողմի միջնորդությամբ դատարանում որպես վկա հարցաքննված Հրայր Բաբկենի Հրայրյանի նախաքննական` 02.09.2010թ. որպես կասկածյալ և 07.09.2010թ. որպես մեղադրյալ տված ցուցմունքներով այն մասին, որ 2010թ. հուլիսի կեսերին Երևանի «Արբատ» սրճարանում, իր ընկեր Գոռ Մելքոնյանի միջոցով ծանոթացել է սրճարանի մատուցող Միքայել Զոհրաբյանի հետ։ Վերջինս խոսակցություններից մեկի ժամանակ տեղեկացրել է, որ «մարիխուանա» տեսակի թմրամիջոց է օգտագործում։ 2010թ. օգոստոսի սկզբներին Միքայելը հայտնել է, որ «մարիխուանա» տեսակի թմրամիջոց ունի, որն առաջարկել է միասին ծխելու եղանակով օգտագործել։ Ինքը համաձայնել է, որից հետո Միքայելը կես լիտր տարողության կապրոնե շշի վերևի հատվածում փայլաթիթեղ դնելով, վրան լցրել է մեկ ծխախոտի չափով կանաչավուն զանգված, շշի տակից անցք է բացել և զանգվածը վառել է, որն ամբողջությամբ ծխելու եղանակով գործածել են։ Մինչև Միքայելի կողմից իրեն թմրամիջոց հյուրասիրելը` ինքը թմրամիջոց չի գործածել։ 2010թ. օգոստոսի 17-ին, ժամը 15։00-ի սահմաններում Միքայելը զանգահարել է իրեն և տեղեկացրել, որ գնում է «մարիխուանա» տեսակի թմրամիջոց գնելու, ապա հարցրել, թե արդյոք ինքն էլ չի ցանկանում այդպիսիք ձեռք բերել։ Ինքը ցանկություն է հայտնել թմրամիջոց ձեռք բերել, ուստի այդ նպատակով նույն օրը գնացել է «Արբատ» սրճարան, որտեղ հանդիպել է Միքայելին և նրան է տվել 45.000 ՀՀ դրամ կանխիկ գումար, որից 5000 ՀՀ դրամը՝որպես ճանապարհածախս, 20.000 ՀՀ դրամը` պարտքով, իսկ մնացած 20.000 ՀՀ դրամը՝իր համար թմրամիջոց գնելու համար։ Միքայելի հետ պայմանավորվել են, որ թմրամիջոցը գնելուց հետո նա պետք է զանգահարի իրեն, հանդիպեն և փոխանցի իր բաժին «մարիխուանան»։ 2010թ. օգոստոսի 18-ին, ժամը 01։00-ի սահմաններում զանգահարել է Միքայելին և հեռախոսազրույցի ընթացքում տեղեկացել է, որ նա թմրամիջոցը ձեռք է բերել և վերադառնում է Երևան։ Դրանից մոտ 30 րոպե անց կրկին զանգահարել է Միքայելին, պարզելու համար, թե վերջինս ուր է հասել, սակայն Միքայելի հեռախոսն անջատված է եղել։ Հետագայում Հ. Հրայրյանը ցուցմունք է տվել այն մասին, որ գումարը Մ. Զոհրաբյանին տվել է պարտքով, նրանից թմրամիջոցներ ձեռք բերելու մտադրություն չի ունեցել, Մ. Զոհրաբյանն իրեն երբևէ թմրամիջոց չի հուրասիրել։ /հատոր 1, գ.թ. 226-230, հատոր 2, գ.թ. 34, հատոր 2, գ.թ. 101-103, հատոր 3, գ.թ. 147/։ Դատարանում վկա Հրայր Բաբկենի Հրայրյանը ցուցմունք տվեց այն մասին, որ Միքայել Զոհրաբյանին գումար տալը չի հիշում, դեպքի հետ կապված որոշ հանգամանքներ չի հիշում, քանի որ հոգեբանական որոշակի խնդիրներ է ունեցել։ Ինքն է Միքայելին ասել, որ իր համար թմրամիջոց ձեռք բերի։ /դատական նիստի արձանագրություն/ Դատարանի իրավական վերլուծությունները Վերլուծելով ամբաստանյալ Միքայել Ռաֆիկի Զոհրաբյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Միքայել Զոհրաբյանի նախաքննական և դատաքննական ցուցմունքները մասնակիորեն` թմրանյութ չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։ Վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ վկա Հրայր Հրայրյանի ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։ Միաժամանակ դատարանը գտնում է, որ վկա Հրայր Բաբկենի Հրայրյանի կողմից դատարանում սուտ ցուցմունք տալը նշանակություն չի կարող ունենալ գործի լուծման համար, այսինքն առկա են ՀՀ քրեական օրենսգրքի 338-րդ հոդվածի 3-րդ մասով սահմանված հանգամանքները։ Վերլուծելով ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները, նրանց ցուցմունքները և գործով ձեռք բերված ապացույցները, դատարանը գտնում է, որ ամբաստանյալ Անդրանիկ Պապի Շահբազյանի կողմից, նրա մեղավորությամբ, իրացնելու նպատակով, խոշոր չափերով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության հատկանիշներին։ Ապացուցված է նաև ամբաստանյալ Անդրանիկ Պապի Շահբազյանի կողմից, նրա մեղավորությամբ, թմրամիջոցներ ապօրինի իրացնելը։ Ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, թմրամիջոցներ ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։ Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը, փոխադրելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։ Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելուն օժանդակելու փորձ կատարելը։ Ապացուցված է նաև ամբաստանյալ Միքայել Ռաֆիկի Զոհրաբյանի կողմից, նրա մեղավորությամբ, առանց իրացնելու նպատակի, թմրամիջոցներ ապօրինի ձեռք բերելը, փոխադրելը և պահելը։ Քննարկելով ամբաստանյալներ Անդրանիկ Պապի Շահբազյանի նկատմամբ ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Ռաֆիկի Զոհրաբյանի նկատմամբ ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով պատիժ նշանակելու հարցը` դատարանը գտնում է հետևյալը. Քրեական գործի դատական քննության ընթացքում մեղադրանքը պաշտպանող դատախազը ղեկավարվելով «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքով և ՀՀ քրեական դատավարության օրենսգրքի 3091 հոդվածի 1-ին մասով` փոփոխել է սույն քրեական գործի նախաքննության ընթացքում ամբաստանյալներ Անդրանիկ Շահբազյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով, Միքայել Զոհրաբյանին ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով և 268-րդ հոդվածի 2-րդ մասի 1-ին, 2-րդ կետերով առաջադրված մեղադրանքները և նրանց նոր մեղադրանքներ է առաջադրել` Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով, Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով։ ՀՀ քրեական օրենսգրքի 12-րդ հոդվածի համաձայն` «1. Արարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով։ 2. Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից։»։ ՀՀ քրեական օրենսգրքի 13-րդ հոդվածի համաձայն` « 1. Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն։ 2. Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի։ 3. Պատասխանատվությունը մասնակիորեն մեղմացնող և միաժամանակ պատասխանատվությունը մասնակիորեն խստացնող օրենքը հետադարձ ուժ ունի միայն այն մասով, որը մեղմացնում է պատասխանատվությունը։»։ Նկատի ունենալով, որ ամբաստանյալներ Անդրանիկ Շահբազյանին և Միքայել Զոհրաբյանին վերագրվող արարքները նրանց կողմից կատարվել են 2010թ. հուլիս-օգոստոս ամիսներին, այսինքն մինչև «ՀՀ քրեական օրենսգրքում փոփոխություններ և լրացումներ կատարելու մասին» 23.05.2011թ. ՀՀ օրենքի ընդունումը, իսկ ՀՀ քրեական օրենսգրքի 13-րդ հոդվածի համաձայն արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի, դատարանը գտնում է, որ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ին ընդունված ՀՀ օրենքը ամբաստանյալներ Ա. Շահբազյանի և Մ. Զոհրաբյանի նկատմամբ կիրառվել չի կարող, քանի որ հանցավոր արարքները նրանց կողմից կատարվել են մինչև այդ օրենքի օրինական ուժի մեջ մտնելը, իսկ նշված օրենքի կիրառմամբ ամբաստանյալների արարքի հանցավորությունը չի վերանում, պատիժը չի մեղմանում և հանցանք կատարած անձի վիճակն այլ կերպ չի բարելավվում։ Հետևաբար, ամբաստանյալ Անդրանիկ Շահբազյանի արարքը ենթակա է որակման և նրա նկատմամբ պետք է պատիժ սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի արարքները ենթակա են որակման և նրա նկատմամբ պատիժ պետք է նշանակվի ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված հանցագործությունների համար։ Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Անդրանիկ Պապի Շահբազյանի նկատմամբ, նրա կատարած հանցագործության համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա վատառողջ է, նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։ Ամբաստանյալ Անդրանիկ Պապի Շահբազյանն իր կատարած` Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։ Ամբաստանյալ Միքայել Ռաֆիկի Զոհրաբյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։ Ամբաստանյալ Միքայել Ռաֆիկի Զոհրաբյանն իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի։ Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։ Քննարկելով ամբաստանյալների գույքի վրա դրված կալանքի հարցը` դատարանը գտնում է, որ Անդրանիկ Պապի Շահբազյանի և Միքայել Ռաֆիկի Զոհրաբյանի գույքի վրա նախաքննության մարմնի 04.11.2010թ. որոշումներով դրված կալանքը պետք է վերացնել։ Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը պետք է ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը պետք է որպես եկամուտ հանձնել պետությանը։ Քննարկելով խափանման միջոցների հարցը` դատարանը գտնում է, որ ամբաստանյալներից յուրաքանչյուրի` Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Քննարկելով դատական ծախսերի հարցը` դատարանը գտնում է, որ ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձման է ենթակա տոքսիկոքիմիական փորձաքննության կատարման արժեք հանդիսացող 28.854 /քսանութ հազար ութ հարյուր հիսունչորս/ ՀՀ դրամ գումար, ամբաստանյալ Միքայել Ռաֆիկի Զոհրաբյանից` 19.236 /տասնինը հազար երկու հարյուր երեսունվեց/ ՀՀ դրամ գումար ` որպես դատական ծախսեր։ Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը` Վ Ճ Ռ Ե Ց 1. Ամբաստանյալ Անդրանիկ Պապի Շահբազյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտել ազատազրկման 6 /վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։ Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։ 2. Ամբաստանյալ Միքայել Ռաֆիկի Զոհրաբյանին մեղավոր ճանաչել Հայաստանի Հանրապետության ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2 /երկու/ տարի ժամկետով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. օգոստոսի 18-ից։ Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։ Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնել անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացնել։ Դատավճռի օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով «չորացված մարիխուանա» տեսակի թմրամիջոցը ոչնչացնել, իսկ Մ. Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը որպես եկամուտ հանձնել պետությանը։ Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձել 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։ Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձել 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։ Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ ԴԱՏԱՎՈՐ` Մ. ՄԱՐՏԻՐՈՍՅԱՆ |
|---|---|
| Դատական ակտի ամսաթիվը | 29-09-2011 |
Գործը հանձնվել է գրասենյակ
| Գործը հանձնվել է գրասենյակ | 27-10-2011 |
|---|---|
| Էջերի քանակ | 232, 264, 169, 317 |
Գործն ուղարկվել է
| Գործը ուղարկվել է | 27-10-2011 |
|---|---|
| Էջերի քանակը | 232, 264, 169, 317 |
| ՈՒր(դատարան) | Քրեական վերաքննիչ |
| Ելքի գրության համարը | Ե-29531 |
Գործը բողոքարկվել է
| Ամսաթիվ | 28-10-2011 |
|---|
Գործը ստացվել է (կատարումն ապահովելու համար, և ... )
| Ամսաթիվ | 20-03-2012 |
|---|
Դատավճռի, որոշման կատարում
| Ամսաթիվ | 23-03-2012 |
|---|
Գործը հանձնվել է գրասենյակ
| Գործը հանձնվել է գրասենյակ | 26-03-2012 |
|---|---|
| Էջերի քանակ | 232, 264, 169, 483 |
| Գործին կից նյութերը | Միքայել Զոհրաբյանի մոտից հայտնաբերված գումարը |
Գործը հանձնվել է դատարանի արխիվ
| Ամսաթիվ | 26-03-2012 |
|---|---|
| Էջերի քանակը | 232, 264, 169, 483 |
| Գործին կից նյութերը | Միքայել Զոհրաբյանի մոտից հայտնաբերված գումարը |
| Այլ նշումներ | Իրեղեն ապացույցը` հանձնել ԴԱՀԿ ծառայության ավագ ՀԿ` Ա. Փարսադանյանին |
Դատական գործ N: ԵԿԴ/0012/01/11
Քրեական վերաքննիչ
Ստացվել է վերաքննիչ բողոք
| Ամսաթիվ | 26-10-2011 |
|---|---|
| Ամսաթիվ | 24-10-2011 |
| Ում կողմից է բերվել բողոքը | Ամբաստանյալ |
| Բողոքը բերող անձը | |
| Անուն | Անդրանիկ |
| Ազգանուն | Շահբազյան |
| Հասցե | --------------- |
| Սեռ | 0 |
| Բողոքի բովանդակությունը | Անդրանիկ Շահբազյան մյուսը` Միքայել Զոհրաբյան Միքայել Ռաֆիկի Զոհրաբյան Բեկանել և / փոփոխել Կենտրոն և Նորք-Մարաշ վարչական շրջանների ընդհանուր իրավասության դատարանի` Անդրանիկ Պապի Շահբազյանի /ՀՀ քր.օր 266 հոդ. 2-րդ մասի 2-րդ կետով - ազատազրկում 6 տարի ժամկետով` գույքի կեսի բռնագրավմամբ , սակայն ոչ ավելի 54.000 ՀՀ դրամ գումարից / վերաբերյալ 29.09.2011թ. դատավճիռը և ՀՀ քր.օր-ի 64 հոդվածի կիրառմամբ Անդրանիկ Պապի Շահբազյանի նկատմամբ նշանակել ՀՀ քր.օր 266 հոդ. 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ |
| Բողոքի ստացման կարգը | Հանձնվել է փոստին |
| Չափահաս | Այո |
Մակագրել
| Ամսաթիվ | 27-10-2011 |
|---|---|
| Նախագահող դատավոր | |
| Անուն | Սերգեյ |
| Ազգանուն | Չիչոյան |
Քրեական գործի մուտքագրում
| Ամսաթիվ | 28-10-2011 |
|---|---|
| Կից փաստաթղթեր և իրեղեն ապացույց | չկա |
Ընդունվել է վարույթ
| Ամսաթիվ | 01-11-2011 |
|---|
Նշանակվել է դատական քննություն
| Երբ | 11-11-2011 |
|---|---|
| Ուղարկվել է ծանուցագիր | 01-11-2011 |
| Ժամ | 15:00 |
| Նիստերի դահլիճի համարը | 2 |
Նշանակվել է դատական քննություն
| Երբ | 30-11-2011 |
|---|---|
| Ուղարկվել է ծանուցագիր | 11-11-2011 |
| Ժամ | 13:00 |
| Նիստերի դահլիճի համարը | 2 |
Նշանակվել է դատական քննություն
| Երբ | 12-12-2011 |
|---|---|
| Ժամ | 12:00 |
| Նիստերի դահլիճի համարը | 2 |
| Նիստը | Կայացվել է |
Նշանակվել է դատական քննություն
| Երբ | 21-12-2011 |
|---|---|
| Ուղարկվել է ծանուցագիր | 12-12-2011 |
| Ժամ | 12:00 |
| Նիստերի դահլիճի համարը | 2 |
Նշանակվել է դատական քննություն
| Երբ | 27-12-2011 |
|---|---|
| Ուղարկվել է ծանուցագիր | 21-12-2011 |
| Ժամ | 14:45 |
| Նիստերի դահլիճի համարը | 2 |
| Նիստը | Կայացվել է |
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
| Անփոփոխ թողնված դատական ակտը | Պատճառաբանվել է |
|---|---|
| Ամսաթիվ | 27-12-2011 |
| Ամբաստանյալ | |
| Անուն | Միքայել |
| Ազգանուն | Զոհրաբյան |
| Հասցե | --------------- |
| Սեռ | 1 |
| Ամբաստանյալ | |
| Անուն | Անդրանիկ |
| Ազգանուն | Շահբազյան |
| Հասցե | --------------- |
| Սեռ | 0 |
| Քր. դատ. օր. հոդված | |
| Քր. դատ. օր. հոդված | |
| Քր.օր. հոդված |
Դատական ակտ
| Դատական ակտ | Գործ ԵԿԴ/0012/01/11 Ո Ր Ո Շ Ո Ւ Մ ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 27 դեկտեմբերի 2011թ. ք. Երևան ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ ՆԱԽԱԳԱՀՈՂ ԴԱՏԱՎՈՐ Ս. ՉԻՉՈՅԱՆ ԴԱՏԱՎՈՐՆԵՐ Ե. ԴԱՐԲԻՆՅԱՆ Գ. ԱՎԵՏԻՍՅԱՆ ՔԱՐՏՈՒՂԱՐՈՒԹՅԱՄԲ Տ. ՀԱԿՈԲՅԱՆԻ ՄԱՍՆԱԿՑՈՒԹՅԱՄԲ ՄԵՂԱԴՐՈՂ Լ. ՉԱՐԽԻՖԱԼԱԿՅԱՆԻ ՊԱՇՏՊԱՆՆԵՐ Վ. ԳԵՎՈՐԳՅԱՆԻ Ա. ՍԻՐՈՒՆՅԱՆԻ Դռնբաց դատական նիստում, վճռաբեկ վարույթի կանոններով, քննության առնելով ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները` Անդրանիկ Պապի Շահբազյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճռի դեմ Պ Ա Ր Զ Ե Ց 1. Գործի դատավարական նախապատմությունը. 2010 թվականի օգոստոսի 18-ին ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում ՀՀ քրեական օրենսգրքի 268-րդ հոդվածի 2-րդ մասի 2-րդ կետով հարուցվել է թիվ 13141110 քրեական գործը` Միքայել Զոհրաբյանի կողմից ապօրինի խոշոր չափի <<չորացված մարիխուանա>> տեսակի թմրամիջոց ձեռք բերելու և պահելու դեպքի առթիվ: Նույն օրը Միքայել Ռաֆիկի Զոհրաբյանը և Անդրանիկ Պապի Շահբազյանը ձերբակալվել են: 2010 թվականի օգոստոսի 20-ին Անդրանիկ Պապի Շահբազյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով: 2010 թվականի օգոստոսի 20-ին Միքայել Ռաֆիկի Զոհրաբյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով: Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010 թվականի օգոստոսի 20-ի որոշումներով Անդրանիկ Պապի Շահբազյանի և Միքայել Ռաֆիկի Զոհրաբյանի նկատմամբ որպես խափանման միջոց կիրառվել է կալանավորումը` 2/երկու/ ամիս ժամանակով: Կալանքի սկիզբը հաշվվել է 2010 թվականի օգոստոսի 18-ից: 2011 թվականի հունվարի 17-ին Անդրանիկ Պապի Շահբազյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով: 2011 թվականի հունվարի 17-ին Միքայել Ռաֆիկի Զոհրաբյանին առաջադրված մեղադրանքի ծավալը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 268-րդ հոդվածի 2-րդ մասի 1-ին, 2-րդ կետերով: 2011 թվականի փետրվարի 01-ին Երևան քաղաքի Կենտրոն և Նորք-Մարաշ վարչական շրջանների դատախազի ժամանակավոր պաշտոնակատարի կողմից քրեական գործն ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով, 268-րդ հոդվածի 2-րդ մասի 1-ին, 2-րդ կետերով և Հրայր Բաբկենի Հրայրյանի` ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննության առնելու համար: 2011 թվականի սեպտեմբերի 08-ին Անդրանիկ Պապի Շահբազյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2-րդ կետով: 2011 թվականի սեպտեմբերի 08-ին Միքայել Ռաֆիկի Զոհրաբյանին առաջադրված մեղադրանքը փոփոխվել և նոր մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով: Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռով ամբաստանյալ Անդրանիկ Պապի Շահբազյանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտվել ազատազրկման 6/վեց/ տարի ժամկետով` գույքի կեսի բռնագրավմամբ, սակայն ոչ ավելի 54.000 /հիսունչորս հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։ Ամբաստանյալ Միքայել Ռաֆիկի Զոհրաբյանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նախատեսված հանցանքներում և դատապարտվել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3/երեք/ տարի 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2/երկու/ տարի ժամկետով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Միքայել Ռաֆիկի Զոհրաբյանի նկատմամբ պատիժ է նշանակվել ազատազրկում 4/չորս/ տարի 6/վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010 թվականի օգոստոսի 18-ից։ Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։ Ամբաստանյալ Անդրանիկ Պապի Շահբազյանի գույքի վրա նախաքննության մարմնի 04.11.2010թ. որոշմամբ դրված կալանքը թողնվել է անփոփոխ` մինչև դատավճռի կատարումը, իսկ ամբաստանյալ Միքայել Ռաֆիկի Զոհրաբյանի գույքի վրա 04.11.2010թ. որոշմամբ դրված կալանքը` վերացվել է։ Վճռվել է նաև դատավճիռն օրինական ուժի մեջ մտնելուց հետո, իրեղեն ապացույցներ ճանաչված, 20.78 գրամ քաշով <<չորացված մարիխուանա>> տեսակի թմրամիջոցը ոչնչացնել, իսկ Մ.Զոհրաբյանի անձնական խուզարկությամբ հայտնաբերված 22.000 ՀՀ դրամ գումարը` որպես եկամուտ, հանձնել պետությանը։ Ամբաստանյալ Անդրանիկ Պապի Շահբազյանից հօգուտ ՀՀ պետական բյուջեի բռնագանձվել է 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։ Ամբաստանյալ Միքայել Ռաֆիկի Զոհրաբյանից հօգուտ ՀՀ պետական բյուջեի բռնագանձվել է 19.236 /տասնինը հազար երկու հարյուր երեսունվեց/ ՀՀ դրամ գումար` որպես դատական ծախսեր։ Դատավճռի դեմ վերքննիչ բողոքներ են բերել ամբաստանյալ Անդրանիկ Շահբազյանը, նրա պաշտպան Վաղարշակ Գևորգյանը և ամբաստանյալ Միքայել Զոհրաբյանի պաշտպան Ալեքսանդր Սիրունյանը: Քրեական գործը ՀՀ վերաքննիչ քրեական դատարան մուտք է եղել 2011 թվականի հոկտեմբերի 28-ին: ՀՀ վերաքննիչ քրեական դատարանի 2011 թվականի նոյեմբերի 01-ի որոշմամբ վերաքննիչ բողոքներն ընդունվել են վարույթ և քրեական գործը նշանակվել քննության վճռաբեկ դատարանում գործերի քննության համար սահմանված կանոններով: Վերաքննիչ բողոքների դեմ գրավոր պատասխաններ չեն ստացվել: 2. Գործի փաստական հանգամանքները. Դատաքննությամբ, գործի տվյալներով, դատարանը հիմնավորված է համարել հետևյալը. Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանը, բազմիցս, գործով չպարզված անձից և հանգամանքներում, իրացման նպատակով ապօրինի ձեռք է բերել և ամբաստանյալ Միքայել Զոհրաբյանին ապօրինի իրացրել է խոշոր չափերով, <<չորացված մարիխուանա>> տեսակի թմրամիջոց հետևյալ հանգամանքներում. Ամբաստանյալ Միքայել Զոհրաբյանը 2009 թվականի ընթացքում ծանոթացել է Արարատի մարզի Արևաբույր գյուղի բնակիչ, ամբաստանյալ Անդրանիկ Պապի Շահբազյանի հետ և նրա հետ հաստատել մտերիմ փոխհարաբերություններ։ 2010 թվականի հուլիսի կեսերին ամբաստանյալ Մ.Զոհրաբյանը ցանկացել է իր գործածման համար ապօրինի <<չորացված մարիխուանա>> տեսակի թմրամիջոց ձեռք բերել և իր այդ մտադրության մասին հեռախոսազրույցի ընթացքում հայտնել է ամբաստանյալ Ա.Շահբազյանին։ Վերջինս խոստացել է թմրամիջոց իրացնել նրան և նույն օրը երեկոյան, Արարատի մարզի Արևաբույր գյուղում տեղի ունեցած հանդիպման ժամանակ, 12.000 ՀՀ դրամով վաճառելու միջոցով Մ.Զոհրաբյանին ապօրինի իրացրել է խոշոր չափի` 7 գրամ <<չորացված մարիխուանա>> տեսակի թմրամիջոց։ Մ.Զոհրաբյանն իր կողմից ապօրինի ձեռք բերված թմրամիջոցը փոխադրել է Երևան և ապօրինի պահել է իր` Չեխովի փողոցի թիվ 10 շենքի թիվ 143 հասցեում գտնվող բնակարանում, որն հետագայում մաս-մաս, ծխելու միջոցով գործածել է։ Բացի այդ, ամբաստանյալ Մ.Զոհրաբյանը 2010 թվականի օգոստոսի սկզբներին, Արարատի մարզի Արևաբույր գյուղում, առանց իրացնելու նպատակի, իր գործածման համար ամբաստանյալ Անդրանիկ Պապի Շահբազյանից 6.000 ՀՀ դրամով գնելու միջոցով ապօրինի ձեռք է բերել զգալի չափի` 3.5 գրամ <<չորացված մարիխուանա>> տեսակի թմրամիջոց, որը փոխադրել է Երևան և ապօրինի պահել է վերոհիշյալ բնակարանի իր ննջասենյակում։ Բացի այդ, 2010 թվականի օգոստոսի սկզբներին, գործով չպարզված օրը, Երևանի Սայաթ-Նովա փողոցի շենքերից մեկի շքամուտքում, ամբաստանյալ Մ.Զոհրաբյանը Հրայր Հրայրյանին հյուրասիրելու եղանակով ապօրինի իրացրել է <<մարիխուանա>> տեսակի թմրամիջոց, որը վերջինս ծխելու միջոցով գործածել է։ Բացի այդ, ամբաստանյալ Մ.Զոհրաբյանը 2010 թվականի օգոստոսի 18-ին, ժամը 0030-ի սահմաններում, իր աշխատավայրում` Երևանում գործող <<Արբատ>> սրճարանում, տեղեկանալով, որ Հ.Հրայրյանը ցանկանում է իր գործածման համար ապօրինի խոշոր չափի <<չորացված մարիխուանա>> տեսակի թմրամիջոց ձեռք բերել, խոստացել է այդ հարցում օժանդակել նրան։ Այդ նպատակով Մ.Զոհրաբյանը Հ.Հրայրյանից վերցրել է 45.000 ՀՀ դրամ գումար, ապա` իր և Հ.Հրայրյանի գործածման համար <<չորացված մարիխուանա>> տեսակի թմրամիջոց խոշոր չափերով, ապօրինի ձեռք բերելու նպատակով, իր վարձակալած, վկա Էդուարդ Բալաբեկյանի կողմից վարվող տաքսի ավտոմեքենայով գնացել է Արարատի մարզի Արևաբույր գյուղ և հանդիպել Ա.Շահբազյանին։ Մ.Զոհրաբյանը Ա.Շահբազյանից, ընդհանուր` 36.000 ՀՀ դրամով գնելու միջոցով, Հ.Հրայրյանին հանձնելու համար ձեռք է բերել խոշոր չափի` 17.58 գրամ, իսկ իր գործածման համար զգալի չափի` 3.2 գրամ <<չորացված մարիխուանա>> տեսակի թմրամիջոց, որի մի մասը ծխելու եղանակով գործածել է, իսկ մյուս մասը փոխադրել է Երևան։ Նույն օրը, ժամը 0200-ի սահմաններում ամբաստանյալ Մ.Զոհրաբյանը Երևանի Վարդանանց և Հանրապետության փողոցների հատման մասից բերման է ենթարկվել ՀՀ ոստիկանության Կենտրոնական բաժին, որի պատճառով, իր կամքից անկախ հանգամանքներով չի կարողացել օժանդակել Հ.Հրայրյանի կողմից խոշոր չափի թմրամիջոց ձեռք բերելուն։ Անձնական խուզարկության ժամանակ, Մ.Զոհրաբյանի մոտից հայտնաբերվել և առգրավվել է ապօրինի ձեռք բերված և պահվող, խոշոր չափի` 20.78 գրամ <<չորացված մարիխուանա>> տեսակի թմրամիջոցը։ 3. Վերաքննիչ բողոքների հիմքերը, փաստարկները և պահանջը. Վերաքննիչ բողոքները քննվում են հետևյալ հիմքերի սահմաններում ներքոհիշյալ հիմնավորումներով: Ամբաստանյալ Անդրանիկ Շահբազյանը և նրա պաշտպան Վաղարշակ Գևորգյանը վերաքննիչ բողոքում նշել են, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը կայացրած դատական ակտով Անդրանիկ Պապի Շահբազյանի նկատմամբ թույլ է տվել ՀՀ քրեական դատավարության օրենսգրքի 397-րդ և 398-րդ հոդվածներով նախատեսված նյութական և քրեադատավարական նորմերի խախտումներ, որոնք ազդել են գործով ճիշտ որոշում կայացնելու վրա։ Մասնավորապես` դատարանը չի կիրառել կիրառման ենթակա ՀՀ քրեական օրենսգրքի օրենսգրքի 10-րդ հոդվածի 1-ին մասի, 61-րդ հոդվածի 1-ին և 2-րդ մասերի, 62-րդ հոդվածի 2-րդ մասի պահանջները: Եթե դատարանը հաշվի առներ գործի բնույթը և դատական ակտում շարադրեր Անդրանիկ Շահբազյանի պատասխանատվությունը և աատիժը մեղմացնող բոլոր հանգամանքները, անձը բնութագրող տվյալները, մասնավորապես՝ նախաքննության ընթացքում և դատարանում իրեն մեղավոր ճանաչելով ինքնախաատվանանկան ցուցմունքներ տալը, քրեորեն պատժելի մեկ արարք կատարած լինելը, կատարած արարքի համար անկեղծորեն, գործուն զղջալը, գործով օբյեկտիվ ճշմարտության բացահայտմանն օգնելը, աջակցելը և չխոչընդոտելը, դատվածություն և հանցավոր կապեր չունենալը, դրական բնութագրվելը և մի շարք այլ մեղմացուցիչ հանգամանքները, ապա նրա նկատմամբ կնշանակեր արդարացի, ՀՀ քրեական օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ, որը կհամապատասխաներ նրա կատարած հանցանքի ծանրությանը, դա կատարելու հանգամանքներին։ Դատարանը խախտել է ՀՀ քրեական դատավարության օրենսգրքի 358-րդ հոդվածի 4-րդ մասի, 360-րդ հոդվածի 1-ին մասի պահանջները: Եթե դատարանն արդարության, պատասխանատվության և պատժի անհատականցման սկզբունքներից ելնելով գնահատեր գործով ձեռք բերված ապացույցները, ամբաստանյալի անձը բնութագրող տվյալները, պատասխանատվությունը և պատիժը մեղմացնող հանգամանքները, ապա կհանգեր ճիշտ հետևության և Անդրանիկ Շահբազյանի նկատմամբ կնշանակեր համաչափ և արդարացի պատիժ։ Դատարանը դատավճռում որևէ որևէ ձևով չի դիտարկել ՀՀ քրեական օրենսգրքի 64-րդ հոդվածի կիրառումը՝ ՀՀ քրեական օրենսգրքի Հատուկ մասի համապատասխան հոդվածով՝ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, նախատեսված պատժի նվազագույն չափից ավելի ցածր պատիժ որոշելու տեսանկյունից։ Անդրանիկ Շահբազյանի նկատմամբ պատժի տեսակը և չափը որոշելու տեսանկյունից, անհրաժեշտ էր հաշվի առնել նաև, որ Անդրանիկ Շահբազյանն օգնել և օժանդակել է քննությանը՝ գործով օբյեկտիվ ճշմարտության բացահայտմանը, կատարած արարքի համար անկեղծորեն գղջացել է, նախաքննության և դատաքննության ընթացքում տվել է ինքնախոստովանական և ճիշտ ցուցմունքներ, նախկինում դատապարտված չի եղել, որևէ հակաօրինական արարք թույլ չի տվել, չունի հանցավոր կապեր, նախաքննության ընթացքում դրսևորել է պատշաճ վարքագիծ, չի խոչընդոտել մինչդատական վարույթում և դատարանում գործի քննությանը, չի խուսափել քրեական պատասխանատվությունից և պատժից, ֆիզիկապես վատառողջ է` տառապում է <<Աջ թոքի էխինոկոկոզ։ Որովայնի կպումային հիվանդություն:>> ախտորոշումներով, որի պատճառով ազատվել է նաև պարտադիր զինվորական ծառայությունից և Անդրանիկ Շահբազյանին հասարակությունից երկար ժամանակով մեկուսացնելով` վտանգվում է նրա կյանքն ու առողջությունը, երիտասարդ է, ունի մշտական բնակության վայր, բնութագրվում է դրական։ Դատավճռում չի նշվել և քրեական գործում էլ չկա Անդրանիկ Շահբյազյանի պատասխանատվությունը և պատիժը ծանրացնող որևէ հանգամանք, իսկ նրա պատասխանատվությունը և պատիժը մեղմացնող վերոնշյալ բազմաթիվ հանգամանքները հաշվի չեն առնվել դատարանի կողմից։ Դատարանն Անդրանիկ Շահբազյանի նկատմամբ անհամաչափ, խիստ պատիժ նշանակելիս անտեսել ու խախտել է ՀՀ քրեական օրենսգրքի 48-րդ հոդվածի 2-րդ կետի սկզբունքը: Դատարանը կաշկանդված չէր և բոլոր հիմքերն ուներ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ պատիժ նշանակելու համար, քանի որ այդ կերպ հնարավոր էր հասնել ՀՀ քրեական օրենսգրքի 48-րդ հոդվածով նախատեսված պատժի նպատակներին, ինչպես նաև ապահովել ՀՀ քրեական օրենսգրքի 10-րդ և 61-րդ հոդվածներով սահմանված՝ արդարության, պատասխանատվության անհատականացման և պատիժ նշանակելու ընդհանուր սկզբունքները, սակայն անհիմն ձևով չի կիրառել։ Վերոգրյալի հիման վրա և ղեկավարվելով <<Մարդու իրավունքների և հիմնարար ազատությունների պաշտպանության մասին>> Կոնվենցիայի 6-րդ, 7-րդ հոդվածներով, ՀՀ Սահամանդրաթյան 18-րդ, 19-րդ, 20-րդ հոդվածներով, ՀՀ քրեական օրենսգրքի 10-րդ, 48-րդ, 61-րդ, 62-րդ, 64-րդ հոդվածներով, ՀՀ քրեական դատավարության օրենսգրքի 358-րդ, 360-րդ, 376-379-րդ, 3801-րդ, 381-րդ, 383-րդ, 385-րդ, 386-րդ, 388-րդ, 390-րդ, 391-րդ, 393-399-րդ հոդվածներով` ամբաստանյալն ու պաշտպանը խնդրել են բեկանել և փոփոխել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 29.09.2011թ. թիվ ԵԿԴ/0012/01/11 դատական ակտը՝ Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ։ Ամբաստանյալ Միքայել Զոհրաբյանի պաշտպան Ալեքսանդր Սիրունյանը վերաքննիչ բողոքում նշել է, որ իր պաշտպանյալին ՀՀ քրեական օրենսգրքի 266-րդ հոդվածի 1-ին մասով դատապարտելիս, դատարանը կայացրել է դատական ակտ, որը հիմնված չէ ապացույցների վրա։ Տվյալ դեպքում դատարանն անտեսել է, որ ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում դեպքը և հանգամանքները /կատարման ժամանակը, տեղը, եղանակը/։ Դատարանը, թիվ ԵԿԴ/0012/01/11 քրեական գործով կայացված դատավճռով թույլ է տվել դատական սխալ` նյութական և դատավարական իրավունքի խախտումներ, որոնք ազդել են գործի ելքի վրա, ինչը ՀՀ քրեական դատավարության օրենսգրքի 3801-րդ հոդվածի 1-ին մասի 1-ին կետի համաձայն` վերաքննիչ բողոք բերելու հիմք է հանդիսանում։ Դատական սխալը կայանում է նրանում, որ դատարանի հետևությունները չեն համապատասխանում ապացույցներին, այդ պատճառով նշված դատավճռիը ոչ միայն ենթակա է բեկանման, այլև գործի հանգամանքներից ակնհայտորեն հետևում է, որ այն կարող է փոփոխվել։ Նկատի ունենալով վերոգրյալը` պաշտպան Ալեքսանդր Սիրունյանը խնդրել է թիվ ԵԿԴ/0012/01/11 քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի կողմից 2011 թվականի սեպտեմբերի 29-ին կայացված դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով Միքայել Զոհրաբյանին արդարացնել։ 4. Վերաքննիչ բողոքների դեմ բերված պատասխանը. Մեղադրող, Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Լ.Չարխիֆալակյանը վերաքննիչ բողոքների դեմ առարկեց` նշելով, որ քրեական գործով ձեռք բերված ապացույցներով հիմնավորովում է Միքայել Զոհրաբյանին ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքը, իսկ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածը կիրառելու համար բացառիկ հանգամանքներ չկան: 5. Վերաքննիչ դատարանի պատճառաբանությունները և եզրահանգումը. Վերաքննիչ դատարանը վերաքննիչ բողոքների հիմքերի և հիմնավորումների սահմաններում վերլուծելով գործի նյութերը, լսելով կողմերի հիմնավորումները վերաքննիչ բողոքների կապակցությամբ, դատական ակտը չբողոքարկած մեղադրողի պատասխանը` հանգում է հետևության, որ վերաքննիչ բողոքները պետք է մերժել` հետևյալ պատճառաբանությամբ. ՀՀ քրեական դատավարության օրենսգրքի 385-րդ հոդվածի 1-ին մասի համաձայն` վերաքննիչ քրեական դատարանը դատական ակտը վերանայում է վերաքննիչ բողոքի հիմքերի և հիմնավորումների սահմաններում, նույն հոդվածի 3-րդ մասի 1-ին նախադասության համաձայն` վերաքննիչ դատարանում բողոքի քննության ժամանակ առաջին ատյանի դատարանում հաստատված փաստական հանգամանքներն ընդունվում են որպես հիմք, բացառությամբ այն դեպքի, երբ բողոքում վիճարկվում է որևէ փաստական հանգամանք, և վերաքննիչ դատարանը հանգում է այն եզրակացության, որ տվյալ փաստական հանգամանքի վերաբերյալ եզրակացության հանգելիս առաջին ատյանի դատարանն ակնհայտ սխալ է թույլ տվել: Սույն քրեական գործով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի սեպտեմբերի 29-ի դատավճռի դեմ բերված վերաքննիչ բողոքներով ամբաստանյալ Անդրանիկ Շահբազյանը և պաշտպան Վաղարշակ Գևորգյանը խնդրել են Անդրանիկ Պապի Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ, իսկ պաշտպան Ալեքսանդր Սիրունյանը խնդրել է դատավճռիը` Միքայել Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով, բեկանել, այն փոփոխել և այդ մասով նրան արդարացնել։ Ամբաստանյալ Անդրանիկ Շահբազյանի կողմից ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքը կատարելը և նրա մեղքը որևէ մասնակցի կողմից չի վիճարկվում, չի վիճարկվում նաև առաջին ատյանի դատարանի կողմից դատավճռով հաստատված ճանաչված որևէ փաստական հանգամանք, այդ իսկ պատճառով Անդրանիկ Շահբազյանին առաջադրված մեղադրանքի հիմնավորվածությունը ՀՀ վերաքննիչ քրեական դատարանը քննության առարկա չի դարձնում, այլ քննության առարկա է դարձնում դատավճռով նշանակված պատժի հիմնավորվածությունը: Միաժամանակ ՀՀ վերաքննիչ քրեական դատարանը ելնելով ՀՀ վերաքննիչ քրեական դատարանի դատաքննության սահմաններից` Անդրանիկ Շահբազյանի ցուցմունքները քննության առարկա կդարձնի միայն այն մասով, որ մասով որ դրանք առնչվում են ամբաստանյալ Միքայել Զոհրաբյանին մեղսագրված հանցանքների հիմնավորվածությանը: Ընդհանուր իրավասության դատարանում ամբաստանյալ Միքայել Ռաֆիկի Զոհրաբյանն առաջադրված մեղադրանքում իրեն մեղավոր է ճանաչել մասնակիորեն` թմրանյութ իրացնելու մասով իրեն մեղավոր չի ճանաչել, ցուցմունք է տվել այն մասին, որ թմրանյութը ձեռք է բերել իր գործածման համար։ Հրայր Հրայրյանի հետ ընկերներ են, երբևէ նրան <<մարիխուանա>> տեսակի թմրամիջոց չի հյուրասիրել, իսկ գումարը նրանից պարտքով է վերցրել։ Դա եղել է ընդամենը մեկ անգամ, գումարն իրեն անհրաժեշտ է եղել անձնական կարիքների համար։ Նախաքննական ցուցմունքները գրվել են քննիչի կողմից, որոնք ինքը ստորագրել է։ Ինքն անձամբ ցուցմունք չի գրել։ Թմրանյութ ձեռք բերելու մասով նախաքննական ցուցմունքները ճիշտ են։ Նախաքննության ընթացքում Միքայել Զոհրաբյանը ցուցմունք է տվել այն մասին, որ 2009 թվականի իր ծանոթ Վարդան Աբրահամյանի միջոցով ծանոթացել է Արարատի մարզի Արևաբույր գյուղի բնակիչ Անդրանիկ Շահբազյանի հետ, որի ընթացքում փոխանակվել են հեռախոսահամարներով։ 2010 թվականի հուլիսի կեսերին ինքը զանգահարել է Անդրանիկ Շահբազյանին` մտածելով, որ գյուղում է բնակվում և հնարավոր է կանեփի թփերից պատրաստած թմրամիջոց ունենա, խնդրել է իրեն օգնել այդպիսիք ձեռք բերելու հարցում։ Անդրանիկը հայտնել է, որ թեև անձամբ թմրամիջոց չունի, սակայն կհետաքրքրվի և տեղյակ կպահի։ Նույն օրը երեկոյան Անդրանիկը զանգահարել է իրեն և տեղեկացրել, որ ծանոթ ունի, որը մեկ փաթեթ թմրամիջոցը վաճառում է 6000 ՀՀ դրամով։ Հեռախոսազրույցից հետո տաքսի ավտոմեքենայով գնացել է Արարատի մարզի Արևաբույր գյուղ, որտեղ հանդիպել է Անդրանիկին և նրանից 12.000 ՀՀ դրամով գնել է երկու փաթեթ` 7 գրամ քաշով <<չորացված մարիխուանա>> տեսակի թմրամիջոց։ Այնուհետև վերադարձել է տուն, թմրամիջոցը թաքցրել է իր ննջասենյակում և տարբեր օրերի ընթացքում ծխելու միջոցով գործածել է։ 2010 թվականի օգոստոսի սկզբներին, նույն եղանակով, Արարատի մարզի Արևաբույր գյուղում հանդիպել է Անդրանիկին և 6000 ՀՀ դրամով նրանից գնել 1 փաթեթ` 3.5 գրամ քաշով <<մարիխուանա>> տեսակի թմրամիջոց, որը տեղափոխել է Երևան և պահել է իր ննջասենյակում։ Հետագայում թմրամիջոցը մաս-մաս ծխելու միջոցով գործածել է։ 2010 թվականի օգոստոսի 17-ին իր աշխատավայր` <<Արբատ>> սրճարան է այցելել իր ծանոթ Հրայր Հրայրյանը, որը ցանկություն է հայտնել գործածման համար <<մարիխուանա>> տեսակի թմրամիջոց ձեռք բերել։ Այդ նպատակով ինքը զանգահարել է Անդրանիկ Շահբազյանին և հայտնել է, որ ցանկանում է վեց փաթեթ թմրամիջոց գնել, հինգ փաթեթը` Հրայրի, իսկ մեկ փաթեթը` իր գործածման համար։ Վերջինս հայտնել է, որ պահանջված թմրամիջոցը կա, միաժամանակ տեղեկացրել է, որ հնարավոր է գնային փոփոխություն լինի և մեկ փաթեթը վաճառվի 8000 ՀՀ դրամով։ Այդ մասին տեղեկացրել է Հրայրին։ Վերջինս համաձայնել է և իրեն տվել 45.000 ՀՀ դրամ գումար, որից 40.000 ՀՀ դրամը՝ հինգ փաթեթ թմրամիջոցի համար, իսկ 5000 ՀՀ դրամը` որպես ճանապարհածախս։ Աշխատանքն ավարտելուց հետո, օգոստոսի 18-ին, ժամը 0030-ի սահմաններում, Երևանի <<Հին Էրիվան>> ռեստորանի մոտից, վարձակալած <<Վազ 2106>> մակնիշի տաքսի ավտոմեքենայով գնացել է Արարատի մարզի Արևաբույր գյուղ, որտեղ զանգահարել և հանդիպել է Անդրանիկին, ապա վերջինիս առաջարկով գնացել են Արտաշատ քաղաքի ուղղությամբ։ Մոտ 5 րոպե ավտոմեքենայով շարժվելուց հետո, Անդրանիկի պահանջով ավտոմեքենան կանգնեցրել են, նրա հետ դուրս են եկել ավտոմեքենայից, ինքն Անդրանիկին է տվել վեց փաթեթ թմրամիջոցի համար պահանջված 36.000 ՀՀ դրամ գումարը։ Անդրանիկի խնդրանքով ինքը սպասել է, իսկ նա քայլելով գնացել է մայրուղու ուղղությամբ, ապա մոտ 10 րոպե անց վերադառնալով` նստել է տաքսի ավտոմեքենան և վերադարձել են Արևաբույր գյուղ։ Տեղ հասնելուն պես` ինքն ու Անդրանիկն իջել են ավտոմեքենայից, վերջինս իրեն է փոխանցել վեց փաթեթ թմրամիջոցը, որոնցից մեկը բացել և ծխելու միջոցով գործածել է, իսկ մյուս փաթեթները տեղավորել է իր գրպաններում և վերադարձել Երևան։ Ճանապարհին զանգահարել է Հրայրին և պայմանավորվել է Օպերայի վարչական շենքի մոտ հասնելուն պես զանգահարել նրան։ Ճանապարհին` Վարդանանց և Հանրապետության փողոցների խաչմերուկում, ոստիկանության աշխատակիցները բռնել են իրեն և բերման ենթարկել ոստիկանության Կենտրոնական բաժին, որտեղ կատարված անձնական խուզարկության ժամանակ իր մոտից հայտնաբերվել է նշված վեց փաթեթ, 20,78 գրամ քաշով <<չորացված մարիխուանա>> տեսակի թմրամիջոցը։ Հետագայում Միքայել Զոհրաբյանը ցուցմունք է տվել, որ Հրայր Հրայրյանին երբևէ <<մարիխուանա>> տեսակի թմրամիջոց չի հյուրասիրել, իսկ օգոստոսի 18-ին Անդրանիկ Շահբազյանից 36.000 ՀՀ դրամով գնած վեց փաթեթ <<մարիխուանա>> տեսակի թմրամիջոցը նախատեսված է եղել իր գործածման համար, այն Հ.Հրայրյանին իրացնելու նպատակ չի ունեցել։ Թեև գումար վերցնելիս Հ.Հրայրյանին թմրամիջոցներ տրամադրելու խոստում է տվել, սակայն իրականում նրան խաբել է, նման խոստում տվել է գումար վերցնելու նպատակով։ ՀՀ վերաքննիչ քրեական դատարանը, ստուգելով գործի փաստական հանգամանքների բացահայտման ու քրեական օրենքի կիրառման ճշտությունը, ինչպես նաև գործը քննելիս և լուծելիս քրեադավարական օրենքի նորմերի պահպանումը, ստուգելով ապացույցների ձեռքբերման աղբյուրները, քրեական գործով ձեռք բերված յուրաքանչյուր ապացույց վերլուծելով թույլատրելիության, վերաբերելիության վերաբերյալ քրեադատավարական պահանջների, գործով ձեռք բերված ապացույցների ամբողջ համակցությունը` քրեական գործի լուծման համար բավարարության տեսանկյունից, հանգում է այն հետևության, որ ամբաստանյալ Միքայել Զոհրաբյանի պատճառաբանություններն արժանահավատ չեն, մտացածին են, նպատակ են հետապնդում խուսափել քրեական պատասխանատվությունից և պատժից, ամբաստանյալ Միքայել Զոհրաբյանի կողմից հանցանքները կատարելը և նրա մեղքը հաստատված, իսկ պատճառաբանությունները հերքված են քրեական գործով ձեռք բերված և դատական ակտում շարադրված հետևյալ ապացույցներով. Ամբաստանյալ Անդրանիկ Շահբազյանի նախաքննական և դատաքննական ցուցմունքներով, վկաներ ՀՀ ոստիկանության ՊՊԾ գնդի 1-ին գումարտակի 2-րդ վաշտի ոստիկաններ Ռոման Իգորի Հովհաննիսյանի, Գևորգ Ռուբենի Կիրակոսյանի, Գրիգոր Ժորիկի Դանիելյանի դատաքննական ցուցմունքներով, վկաներ Էդուարդ Ալեքսանդրի Բալաբեկյանի, Հայկ Սարուխանի Խաչատրյանի, Գոռ Արմենի Մելքոնյանի նախաքննական ցուցմունքներով, ինչպես նաև անձին ճանաչման ներկայացնելու մասին 18.08.2010թ. արձանագրությամբ, դատաքիմիական փորձագետի 2010 թվականի օգոստոսի 18-ի թիվ 390Ք եզրակացությամբ, տոքսիկոքիմիական փորձաքննության 2010 թվականի սեպտեմբերի 03-ի թիվ 10-2198, թիվ 10-2199 և 2010 թվականի սեպտեմբերի 09-ի թիվ 10-2331 եզրակացություններով, ապացույց ճանաչված, <<Ղ-Տելեկոմ>> ՓԲ ընկերությունից ստացված, Մ.Զոհրաբյանի կողմից օգտագործված 094-60-11-43, Ա.Շահբազյանի կողմից օգտագործված 093-95-98-14, Հ.Հրայրյանի կողմից օգտագործված 098-83-26-32 հեռախոսահամարների հեռախոսազանգերի վերծանումներով, ապացույց ճանաչված, անձին ոստիկանության բաժին բերման ենթարկելու մասին 18.08.2010թ. արձանագրություններով, անձնական խուզարկություն կատարելու մասին 18.08.2010թ. արձանագրությամբ, իրեղեն ապացույց ճանաչված 20,78 գրամ քաշով <<չորացված մարիխուանա>> տեսակի թմրամիջոցով: Դատարանը վերլուծելով պաշտպանության կողմի միջնորդությամբ դատարանում հարցաքննված վկա Հրայր Բաբկենի Հրայրյանի նախաքննական և դատաքննական ցուցմունքները` գտել է, որ վերջինիս ցուցմունքները մասնակիորեն` Միքայել Զոհրաբյանի կողմից, հյուրասիրելու եղանակով իրեն թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Միքայել Զոհրաբյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։ ՀՀ քրեական դատավարության օրենսգրքի 104-րդ հոդվածի 1-ին մասի համաձայն` քրեական գործով ապացույցներ են ցանկացած փաստական տվյալներ, որոնց հիման վրա օրենքով որոշված կարգով հետաքննության մարմինը, քննիչը, դատախազը, դատարանը պարզում են քրեական օրենսգրքով նախատեսված արարքի առկայությունը կամ բացակայությունը, այդ արարքը կասկածյալի կամ մեղադրյալի կողմից կատարելը կամ չկատարելը և մեղադրյալի մեղավորությունը կամ անմեղությունը, ինչպես նաև գործի ճիշտ լուծման համար նշանակություն ունեցող այլ հանգամանքներ: ՀՀ քրեական դատավարության օրենսգրքի 107-րդ հոդվածի համաձայն` միայն ապացույցների հիման վրա են հաստատվում` 1. դեպքը և հանգամանքները/կատարման ժամանակը, տեղը, եղանակը և այլն/. 2. կասկածյալի և մեղադրյալի առնչությունը դեպքին. 3. հանցագործության` քրեական օրենքով նախատեսված հատկանիշները. 4. անձի մեղավորությունը քրեական օրենքով չթույլատրված արարքը կատարելու մեջ. 5. քրեական օրենքով նախատեսված պատասխանատվությունը մեղմացնող կամ խստացնող հանգամանքները. 6. այն հանգամանքները, որոնցով դատավարության մասնակիցը կամ քրեական դատավարությանը մասնակցող այլ անձը հիմնավորում է իր պահանջները, եթե այլ բան նախատեսված չէ օրենքով: Վերաքննիչ քրեական դատարանը հիմնավոր չի համարում պաշտպան Ալեքսանդր Սիրունյանի վերաքննիչ բողոքի այն փաստարկները, որ Միքայել Զոհրաբյանի վերաբերյալ ՀՀ քրեական օրենսգրքի 266-րդ հոդվածի 1-ին մասով դատական ակտը հիմնված չէ ապացույցների վրա: ՀՀ քրեական դատավարության օրենսգրքի 25-րդ հոդվածի համաձայն` դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ, նույն հոդվածի 2-րդ մասի համաձայն` քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում: Ընդհանուր իրավասության դատարանը Միքայել Զոհրաբյանի արարքները գնահատելիս պահպանել է ապացույցների գնահատման վերաբերյալ ՀՀ քրեադատավարական օրենսդրության պահանջները, ամբաստանյալի կողմից իրեն մեղսագրված արարքները կատարելը և նրա մեղքը հիմնավորվում է քրեական գործին վերաբերող փոխկապակցված հավաստի ապացույցների բավարար ամբողջությամբ: Այս կապակցությամբ վերաքննիչ բողոքի պատճառաբանությունները` Միքայել Զոհրաբյանին ՀՀ քրեական օրենսգրքի 266-րդ հոդվածով արդարացնելու վերաբերյալ, անհիմն են, չեն բխում քրեական գործի նյութերից: Միևնույն ժամանակ ՀՀ վերաքննիչ քրեական դատարանն արձանագրում է, որ առաջին ատյանի դատարանը քննության առնելով դատական քննության ընթացքում ամբաստանյալներ Անդրանիկ Պապի Շահբազյանին և Միքայել Ռաֆիկի Զոհրաբյանին առաջադրված մեղադրանքները փոփոխելու հարցը` հանգել է սխալ հետևության` գտնելով, որ մեղադրողի կողմից <<ՀՀ քրեական օրենսգրքում փոփոխություններ և լրացումներ կատարելու մասին>> 2011 թվականի մայիսի 23-ին ընդունված ՀՀ օրենքի համաձայն նախաքննության ընթացքում ամբաստանյալներին առաջադրված մեղադրանքները փոփոխելը և Անդրանիկ Շահբազյանին ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, իսկ Միքայել Զոհրաբյանին` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 2-րդ մասի 2-րդ կետով, 268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով նոր մեղադրանքներ առաջադրելը չի բխում ՀՀ քրեական օրենսգրքի 12-րդ և 13-րդ հոդվածների պահանջներից, ամբաստանյալ Անդրանիկ Շահբազյանի արարքը որակել և պատիժ է սահմանել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, իսկ Միքայել Զոհրաբյանի` ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 2-րդ մասի 2-րդ կետով, տվյալ դեպքում մեղադրողի կողմից առաջադրված մեղադրանքները չպետք է փոխվեին: Նկատի ունենալով, որ այդ մասով դատական ակտը չի բողոքարկվել ՀՀ քրեական դատավարության օրենսգրքի 385-րդ հոդվածի 1-ին մասի համաձայն` ՀՀ վերաքննիչ քրեական դատարանն այդ հարցը քննության առարկա չի դարձնում: Քննության առնելով ամբաստանյալ Անդրանիկ Շահբազյանի նկատմամբ ՀՀ քրեական օրենսգրքի 64-րդ հոդվածի կիրառմամբ օրենքով նախատեսվածից ավելի մեղմ պատիժ նշանակելու վերաբերյալ վերաքննիչ բողոքի փաստարկները, վերաքննիչ դատարանը գտնում է, որ ընդհանուր իրավասության դատարանի կողմից պահպանվել են ՀՀ քրեական օրենսգրքի Ընդհանուր մասով ամրագրված պատժի նշանակումը կանոնակարգող իրավադրույթները և տվյալ դեպքում պատժի մեղմացումն անթույլատրելի է` հետևյալ պատճառաբանությամբ. ՀՀ քրեական օրենսգրքի 64-րդ հոդվածի 1-ին մասի համաձայն` հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայության դեպքում, որոնք էականորեն նվազեցնում են հանցանքի` հանրության համար վտանգավորության աստիճանը, ինչպես նաև խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելու դեպքում կարող է նշանակվել սույն օրենսգրքի Հատուկ մասի համապատասխան հոդվածով նախատեսված պատժի նվազագույն չափից ավելի ցածր պատիժ կամ ավելի մեղմ պատժատեսակ, քան նախատեսվածն է այդ հոդվածով, կամ չկիրառել որպես պարտադիր նախատեսված լրացուցիչ պատիժ, նույն հոդվածի 2-րդ մասի համաձայն` բացառիկ կարող են ճանաչվել ինչպես առանձին մեղմացնող հանգամանքները, այնպես էլ այդ հանգամանքների համակցությունը: ՀՀ քրեական օրենսգրքի 64-րդ հոդվածի 1-ին մասի բովանդակային վերլուծությունից հետևում է, որ օրենքով նախատեսվածից ավելի մեղմ պատիժ նշանակելու համար պարտադիր է հետևյալ երկու պայմաններից գոնե մեկի առկայությունը. 1. հանցանքի` հանրության համար վտանգավորության աստիճանն էականորեն նվազեցնող, հանցանքի շարժառիթների ու նպատակների, հանցավորի դերի, հանցանքը կատարելիս ու դրանից հետո նրա վարքագծի և այլ հանգամանքների հետ կապված բացառիկ հանգամանքների առկայություն. 2. խմբակային հանցագործության մասնակցի կողմից խմբի կատարած հանցանքը բացահայտելուն ակտիվորեն աջակցելը: Դատարանն ամբաստանյալ Անդրանիկ Շահբազյանի նկատմամբ պատիժ նշանակելիս հաշվի է առել հանցագործության` հանրության համար վտանգավորության աստիճանը և բնույթը, անձը բնութագրող տվյալները` վատառողջ է, նախկինում դատված չի եղել, բնութագրվում է դրական: Ամբաստանյալի պատասխանատվությունն ու պատիժը մեղմացնող և ծանրացնող հանգամանքներ դատարանը չի արձանագրել: ՀՀ վերաքննիչ քրեական դատարանը ՀՀ քրեական օրենսգրքի 64-րդ հոդվածի 1-ին մասի պահանջների համատեքստում քննության առնելով սույն քրեական գործի հանգամանքները` գտնում է, որ առկա են ամբաստանյալ Անդրանիկ Շահբազյանի անձը նպաստավոր բնութագրող, քրեական պատասխանատվությունը և պատիժը մեղմացնող հանգամանքներ, սակայն այդ հանգամանքները, ՀՀ քրեական օրենսգրքի 64-րդ հոդվածի իմաստով, բացառիկ չեն կարող դիտվել ինչպես առանձին-առանձին, այնպես էլ` իրենց համակցության մեջ: ՀՀ վերաքննիչ քրեական դատարանը փաստում է, որ ընդհանուր իրավասության դատարանը հաշվի առնելով ՀՀ քրեական օրենսգրքի 5-րդ, 10-րդ, 48-րդ, 61-րդ հոդվածների դրույթները` ամբաստանյալ Անդրանիկ Շահբազյանի նկատմամբ պատժատեսակի և պատժաչափի նշանակման, ինչպես նաև նշանակված պատիժը կրելու անհրաժեշտության հարցում հանգել է հիմնավորված հետևությունների: Քննության առնելով վերը նշված բոլոր հանգամանքներն իրենց համակցության մեջ, ՀՀ վերաքննիչ քրեական դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը պետք է թողնել օրինական ուժի մեջ, իսկ վերաքննիչ բողոքները` առանց բավարարման: Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-394-րդ, 402-րդ, 418-րդ հոդվածներով` ՀՀ վերաքննիչ քրեական դատարանը Ո Ր Ո Շ Ե Ց Ամբաստանյալ Անդրանիկ Շահբազյանի, նրա պաշտպան Վաղարշակ Գևորգյանի և ամբաստանյալ Միքայել Զոհրաբյանի պաշտպան Ալեքսանդր Սիրունյանի վերաքննիչ բողոքները մերժել: Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը` քրեական գործով ըստ մեղադրանքի` Անդրանիկ Պապի Շահբազյանի` ՀՀ քրեական օրենսգրքի 266-րդ հոդվածի 2-րդ մասի 2-րդ կետով և Միքայել Ռաֆիկի Զոհրաբյանի` ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, թողնել օրինական ուժի մեջ: Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում։ ՆԱԽԱԳԱՀՈՂ ԴԱՏԱՎՈՐ` ստորագրություն ԴԱՏԱՎՈՐՆԵՐ` ստորագրություններ Իսկականի հետ ճիշտ է` ՆԱԽԱԳԱՀՈՂ ԴԱՏԱՎՈՐ` Ս. ՉԻՉՈՅԱՆ |
|---|---|
| Դատական ակտի ամսաթիվը | 27-12-2011 |
Գործը հանձնվել է գրասենյակ
| Ամսաթիվ | 31-01-2012 |
|---|---|
| Էջերի քանակը | Բաղկացած է 4 հատորից. հատոր 1-ին 232 թերթ, հատոր 2-րդ 264 թերթ, հատոր 3-րդ 169 թերթ, հատոր 4-րդ 413 թերթ |
Գործն ուղարկվել է
| Գործն ուղարկվել է | 31-01-2012 |
|---|---|
| Էջերի քանակը | 232, 264, 169, 413 թերթից: |
| Ուր | Վճռաբեկ |
| Գրության համարը | Ե-1220/12 |
Գործը բողոքարկվել է
| Ամսաթիվ | 06-02-2012 |
|---|
Դատական գործ N: ԵԿԴ/0012/01/11
Վճռաբեկ
Ստացվել է վճռաբեկ բողոք
| Բողոքի ստացման ամսաթիվ | 01-02-2012 |
|---|---|
| Բողոք բերող անձինք | Ամբաստանյալի պաշտպան |
| Բողոք բերող անձինք | Ամբաստանյալի պաշտպան |
| Բողոք բերող անձինք | |
| Անուն | Վաղարշակ |
| Ազգանուն | Գեվորգյան |
| Հասցե | --------------- |
| Սեռ | 0 |
| Լրացուցիչ ինֆորմացիա | ամբաստանյալ՝ Անդրանիկ Պապի Շահբազյան |
| Բողոք բերող անձինք | |
| Անուն | Ալեքսանդր |
| Ազգանուն | Սիրունյան |
| Հասցե | --------------- |
| Սեռ | 0 |
| Լրացուցիչ ինֆորմացիա | ամբաստանյալ՝ Միքայել Ռաֆիկի Զոհրաբյան, բողոքը ստացվել է 30.01.2012թ. |
| Չափահաս | Այո |
Գործը ստացվել է վճռաբեկ դատարան
| Գործի առաքման ամսաթիվը | 31-01-2012 |
|---|---|
| Գրության համարը | Ե-1220 |
| Գործի ստացման ամսաթիվը | 07-02-2012 |
| Քրեական գործի հատորներ /փաստաթղթեր/ | 4 հատոր |
| Գործի համարը | ԵԿԴ/0012/01/11 |
| Գործը ստացվել է | Քրեական վերաքննիչ |
| Պատասխանատվության ենթարկվածների թիվը | 2 |
Մակագրել
| Ամսաթիվ | 07-02-2012 |
|---|---|
| Նախագահող դատավոր | |
| Անուն | Դավիթ |
| Ազգանուն | Ավետիսյան |
| Դատավոր | |
| Անուն | Համլետ |
| Ազգանուն | Ասատրյան |
Բողոքը վերադարձվել է որոշումով
| Ամսաթիվ | 29-02-2012 |
|---|---|
| Որոշման բովանդակությունը | ԵԿԴ/0012/01/11 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎՃՌԱԲԵԿ ԴԱՏԱՐԱՆ Ո Ր Ո Շ ՈՒ Մ ՎՃՌԱԲԵԿ ԲՈՂՈՔՆԵՐԸ ՎԵՐԱԴԱՐՁՆԵԼՈՒ ՄԱՍԻՆ 29 փետրվարի 2012 թվական ք.Երևան ՀՀ վճռաբեկ դատարանի քրեական պալատը (այսուհետ` Վճռաբեկ դատարան), նախագահությամբ Դ.ԱՎԵՏԻՍՅԱՆԻ մասնակցությամբ դատավորներ Հ.ԱՍԱՏՐՅԱՆԻ Ե.ԴԱՆԻԵԼՅԱՆԻ Հ.ՂՈՒԿԱՍՅԱՆԻ Ա.ՊՈՂՈՍՅԱՆԻ քննարկելով Անդրանիկ Պապի Շահբազյանի և Միքայել Ռաֆիկի Զոհրաբյանի վերաբերյալ ՀՀ վերաքննիչ քրեական դատարանի 2011 թվականի դեկտեմբերի 27-ի որոշման դեմ ամբաստանյալ Ա.Շահբազյանի և նրա պաշտպան Վ.Գևորգյանի, ամբաստանյալ Մ.Զոհրաբյանի պաշտպան Ա.Սիրունյանի վճռաբեկ բողոքները վարույթ ընդունելու հարցը, Պ Ա Ր Զ Ե Ց Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճռով Անդրանիկ Շահբազյանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, և նրա նկատմամբ պատիժ է նշանակվել ազատազրկում` 6 (վեց) տարի ժամկետով` գույքի կեսի բռնագրավմամբ, բայց ոչ ավելի 54.000 ՀՀ դրամից: Նույն դատավճռով Միքայել Զոհրաբյանը մեղավոր է ճանաչվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 2-րդ մասի 2-րդ կետով, և ՀՀ քրեական օրենսգրքի 66-րդ հոդվածի կանոններով` պատիժները մասնակիորեն գումարելու միջոցով, Մ.Զոհրաբյանի նկատմամբ վերջնական պատիժ է նշանակվել ազատազրկում` 4 (չորս) տարի 6 (վեց) ամիս ժամկետով: Ամբաստանյալ Ա.Շահբազյանի, նրա պաշտպան Վ.Գևորգյանի, ամբաստանյալ Մ.Զոհրաբյանի պաշտպան Ա.Սիրունյանի վերաքննիչ բողոքների քննության արդյունքում ՀՀ վերաքննիչ քրեական դատարանը 2011 թվականի դեկտեմբերի 27-ի որոշմամբ բողոքները մերժել է, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի սեպտեմբերի 29-ի դատավճիռը` թողել օրինական ուժի մեջ: Վերոգրյալ որոշման դեմ վճռաբեկ բողոքներ են բերել ամբաստանյալ Ա.Շահբազյանը և նրա պաշտպան Վ.Գևորգյանը, ամբաստանյալ Մ.Զոհրաբյանի պաշտպան Ա.Սիրունյանը: 1. Ամբաստանյալ Ա.Շահբազյանը և նրա պաշտպան Վ.Գևորգյանը խնդրել են բեկանել և փոփոխել ՀՀ վերաքննիչ քրեական դատարանի 2011 թվականի դեկտեմբերի 27-ի որոշումը, և ՀՀ քրեական օրենսգրքի 64-րդ հոդվածի կիրառմամբ Ա.Շահբազյանի նկատմամբ նշանակել ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված պատժի նվազագույն չափից ավելի ցածր պատիժ: Բողոք բերած անձինք փաստարկել են, որ բողոքը պետք է վարույթ ընդունվի, քանի որ առկա է ՀՀ քրեական դատավարության օրենսգրքի 414.2-րդ հոդվածի 1-ին մասի 3-րդ կետով սահմանված հիմքը, այն է` վերաքննիչ դատարանի կողմից թույլ է տրված առերևույթ դատական սխալ, որը կարող է առաջացնել կամ առաջացրել է ծանր հետևանքներ: Բողոքի հեղինակները, մասնավորապես, գտել են, որ առաջին ատյանի դատարանի դատավճիռը Ա.Շահբազյանի նկատմամբ նշանակված պատժաչափի առումով անհիմն է, ակնհայտ խիստ, կայացվել է ՀՀ Սահմանադրության, ՀՀ քրեական դատավարության և քրեական օրենսգրքերի ոչ ճիշտ կիրառմամբ: Պատժի տեսանկյունից դատական ակտը պատճառաբանված չէ և դատարանի հետևությունները հիմնված չեն դատաքննության ժամանակ հետազոտված ապացույցների վրա, ինչի արդյունքում Ա.Շահբազյանի նկատմամբ թույլ են տրվել ՀՀ քրեական դատավարության օրենսգրքի 397-րդ, 398-րդ հոդվածներով նախատեսված նյութական և դատավարական նորմերի խախտումներ, որոնք ազդել են գործով ճիշտ որոշում կայացնելու վրա: Վճռաբեկ դատարանը գտնում է, որ բողոքաբերների փաստարկները բավարար չեն եզրահանգելու, որ առկա է ՀՀ քրեական դատավարության օրենսգրքի 406-րդ հոդվածի 1-ին մասի 1-ին կետով նախատեսված` գործի ելքի վրա ազդած դատական սխալ` նյութական կամ դատավարական իրավունքի խախտում, որը կարող է առաջացնել կամ առաջացրել է ծանր հետևանք: Հետևաբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 3-րդ կետով նախատեսված հիմքը հիմնավորված չէ: 2. Ամբաստանյալ Մ.Զոհրաբյանի պաշտպան Ա.Սիրունյանը խնդրել է բեկանել ՀՀ վերաքննիչ քրեական դատարանի 2011 թվականի դեկտեմբերի 27-ի որոշումը, Մ.Զոհրաբյանին ՀՀ քրեական օրենսգրքի 266-րդ հոդվածով դատապարտելու մասով փոփոխել և նրան այդ մեղադրանքով արդարացնել: Բողոք բերած անձը փաստարկել է, որ բողոքը պետք է վարույթ ընդունվի, քանի որ առկա են ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին, 3-րդ կետերով սահմանված հիմքերը, այն է` բողոքում բարձրացված հարցի վերաբերյալ վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար, և վերաքննիչ դատարանի կողմից թույլ է տրված առերևույթ դատական սխալ, որը կարող է առաջացնել կամ առաջացրել է ծանր հետևանքներ: Բողոքի հեղինակը գործի փաստական հանգամանքների և ձեռք բերված ապացույցների վկայակոչմամբ գտել է, որ Մ.Զոհրաբյանի նկատմամբ ՀՀ քրեական օրենսգրքի 266-րդ հոդվածի 1-ին մասով դատարանը կայացրել է մեղադրական դատական ակտ, որը հիմնված չէ ապացույցների վրա: Վերլուծելով բողոքի փաստարկները` Վճռաբեկ դատարանը գտնում է, որ դրանք բավարար չեն եզրահանգելու, որ բողոքում բարձրացված հարցի վերաբերյալ Վճռաբեկ դատարանի որոշումը կարող է էական նշանակություն ունենալ օրենքի միատեսակ կիրառության համար: Հետևաբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 1-ին կետով նախատեսված հիմքը հիմնավորված չէ: Վճռաբեկ դատարանը նաև գտնում է, որ բողոքաբերի փաստարկները բավարար չեն եզրահանգելու, որ առկա է ՀՀ քրեական դատավարության օրենսգրքի 406-րդ հոդվածի 1-ին մասի 1-ին կետով նախատեսված` գործի ելքի վրա ազդած դատական սխալ` նյութական կամ դատավարական իրավունքի խախտում, որը կարող է առաջացնել կամ առաջացրել է ծանր հետևանք: Հետևաբար, բերված բողոքում ՀՀ քրեական դատավարության օրենսգրքի 414.2-րդ հոդվածի 1-ին մասի 3-րդ կետով նախատեսված հիմքը նույնպես հիմնավորված չէ: ՀՀ քրեական դատավարության օրենսգրքի 414.1-րդ հոդվածի 1-ին մասի համաձայն` վճռաբեկ բողոքը վերադարձվում է, եթե այն չի համապատասխանում նույն օրենսգրքի 407-րդ հոդվածի և 414.2-րդ հոդվածի 1-ին մասի պահանջներին, ուստի ներկայացված բողոքները ենթակա են վերադարձման: Հաշվի առնելով վերոշարադրյալ հիմնավորումները և ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 414.1-րդ հոդվածի 1-ին և 2-րդ մասերով` Վճռաբեկ դատարանը Ո Ր Ո Շ Ե Ց Անդրանիկ Պապի Շահբազյանի և Միքայել Ռաֆիկի Զոհրաբյանի վերաբերյալ ՀՀ վերաքննիչ քրեական դատարանի 2011 թվականի դեկտեմբերի 27-ի որոշման դեմ ամբաստանյալ Ա.Շահբազյանի և նրա պաշտպան Վ.Գևորգյանի, ամբաստանյալ Մ.Զոհրաբյանի պաշտպան Ա.Սիրունյանի վճռաբեկ բողոքները վերադարձնել: Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման: Նախագահող` Դ.ԱՎԵՏԻՍՅԱՆ Դատավորներ` Հ.ԱՍԱՏՐՅԱՆ Ե.ԴԱՆԻԵԼՅԱՆ Հ.ՂՈՒԿԱՍՅԱՆ Ա.ՊՈՂՈՍՅԱՆ |
Որոշումը ուղարկվել է կողմերին
| Ամսաթիվ | 02-03-2012 |
|---|
Գործի առաքում
| Գործի առաքման ամսաթիվ | 06-03-2012 |
|---|---|
| Դատարան | Կենտրոն և Նորք-Մարաշ |
| Այլ նշումներ | 4 հատոր` 232, 264, 169, 464 թերթ: |