ԵԿԴ/0011/01/11





ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

«11» ապրիլի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)` նախագահող դատավոր Մ.Պապոյան, քարտուղարությամբ Ռ.Ավետյանի, մասնակցությամբ մեղադրող Ս.Հարությունյանի, տուժողներ Լ.Ալավերդյանի և Կ.Ալավերդյանի, պաշտպաններ Գ.Ազարյանի և Ա.Գրիգորյանի, դռնբաց դատական նիստում քննելով քրեական գործն ըստ մեղադրանքի Լիլիթ Կառլենի Ալավերդյանի (ծնված 1977 թվականի հունիսի 22-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատապարտված, աշխատում է «Արմենիա» բժշկական կենտրոնում` որպես բուժքույր, հաշվառված է Երևան քաղաքի Մ.Հերացու փողոցի 18ա շենքի 27-րդ բնակարանում, բնակվում է Երևան քաղաքի Բաբաջանյան փողոցի 38-րդ շենքի 32-րդ բնակարանում)` ՀՀ քրեական օրենսգրքի 118-րդ հոդվածով և Կարինե Կառլենի Ալավերդյանի (ծնված 1975 թվականի դեկտեմբերի 27-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատապարտված, աշխատում է «Սադե» ընկերության Հայաստանի մասնաճյուղում` որպես ֆինանսական և վարչական գծով տնօրեն, հաշվառված է Երևան քաղաքի Մ.Հերացու փողոցի 18ա շենքի 27-րդ բնակարանում, բնակվում է Երևան քաղաքի Ե.Քոչար փողոցի 21-րդ շենքի 58-րդ բնակարանում)` ՀՀ քրեական օրենսգրքի 118-րդ հոդվածով
ՊԱՐԶԵՑ

2010 թվականի նոյեմբերի 26-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ ՀՀ քրեական օրենսգրքի 118-րդ հոդվածով նախատեսված հանցագործության հատկանիշներով հարուցվել և վարույթ է ընդունվել թիվ 15108710 քրեական գործը:
2011 թվականի հունվարի 20-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ թիվ 15108710 քրեական գործով Լիլիթ Կառլենի Ալավերդյանի և Կարինե Կառլենի Ալավերդյանի նկատմամբ ՀՀ քրեական օրենսգրքի 177-րդ հոդվածով քրեական հետապանդում չի իրականացվել հանցագործության դեպքի բացակայության հիմքով:
2011 թվականի հունվարի 20-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ թիվ 15108710 քրեական գործով Լիլիթ Կառլենի Ալավերդյանին մեղադրանք է առաջադրվել ՀՀ քրեական օրենսգրքի 118-րդ հոդվածով:
2011 թվականի հունվարի 20-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ թիվ 15108710 քրեական գործով Կարինե Կառլենի Ալավերդյանին մեղադրանք է առաջադրվել ՀՀ քրեական օրենսգրքի 118-րդ հոդվածով:
2011 թվականի հունվարի 31-ին Լիլիթ Կառլենի Ալավերդյանի և Կարինե Կառլենի Ալավերդյանի վերաբերյալ քրեական գործը մեղադրական եզրակացությամբ ուղարկվել է Դատարան:
Լիլիթ Կառլենի Ալավերդյանին մեղադրանք է առաջադրվել ՀՀ քրեական օրենսգրքի 118-րդ հոդվածով` այն արարքի համար, որ նա 2010 թվականի սեպտեմբերի 26-ին` ժամը 14:30-ի սահմաններում, Երևան քաղաքի Մ.Հերացու փողոցի 18ա շենքի 27-րդ բնակարանում կենցաղային հարցերի շուրջ վիճաբանել է քրոջ` Կարինե Կառնելի Ալավերդյանի հետ, որի ընթացքում դիտավորությամբ քաշքշել, ծեծել է վերջինին` առողջությանը պատճառելով թեթև վնասի հատկանիշներ չպարունակող մարմնական վնասվածքներ` զույգ նախաբազուկների և աջ դաստակի շրջանների քերծվածքների ձևով:
Կարինե Կառլենի Ալավերդյանին մեղադրանք է առաջադրվել ՀՀ քրեական օրենսգրքի 118-րդ հոդվածով` այն արարքի համար, որ նա 2010 թվականի սեպտեմբերի 26-ին` ժամը 14:30-ի սահմաններում, Երևան քաղաքի Մ.Հերացու փողոցի 18ա շենքի 27-րդ բնակարանում կենցաղային հարցերի շուրջ վիճաբանել է քրոջ` Լիլիթ Կառնելի Ալավերդյանի հետ, որի ընթացքում ծեծել է վերջինին` քաշքշել, ձեռքերով դիտավորությամբ հարվածել նրա մարմնի տարբեր մասերին` առողջությանը պատճառելով թեթև վնասի հատկանիշներ չպարունակող մարմնական վնասվածքներ` ձախ այտային, աջ կրծքագեղձի, աջ բազկի, ձախ նախաբազկի շրջանների քերծվածքների ձևով:
2011 թվականի ապրիլի 11-ի դատական նիստի ժամանակ տուժող Լիլիթ Ալավերդյանը հայտնեց, որ հաշտվել է ամբաստանյալ Կարինե Ալավերդյանի հետ և նշեց, որ գիտակցում է հաշտվելու հետևանքները: Տուժող Կարինե Ալավերդյանը նույնպես հայտնեց, որ հաշտվել է ամբաստանյալ Լիլիթ Ալավերդյանի հետ և նշեց, որ գիտակցում է հաշտվելու հետևանքները:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժողներ Լիլիթ Ալավերդյանը և Կարինե Ալավերդյանը հաշտվել են համապատասխանաբար ամբաստանյալներ Կարինե Ալավերդյանի և Լիլիթ Ալավերդյանի հետ, գտնում է, որ թիվ ԵԿԴ/0011/01/11 քրեական գործի վարույթը պետք է կարճել և Լիլիթ Ալավերդյանի ու Կարինե Ալավերդյանի նկատմամբ քրեական հետապնդումը դադարեցնել:
ՀՀ քրեական դատավարության օրենսգրքի 151-րդ հոդվածի 2-րդ մասի համաձայն` խափանման միջոցը վերացվում է, երբ վերանում է դրա անհրաժեշտությունը:
Դատարանը, նկատի ունենալով, որ վերը նշված հիմնավորմամբ թիվ ԵԿԴ/0011/01/11 քրեական գործի վարույթը պետք է կարճել և Լիլիթ Ալավերդյանի նկատմամբ քրեական հետապնդումը դադարեցնել, գտնում է, որ նրա նկատմամբ խափանման միջոց կիրառելու անհրաժեշտությունը վերացել է, ուստի սույն որոշումն օրինական ուժի մեջ մտնելուց հետո Լիլիթ Ալավերդյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
Դատարանը, վերոգրյալ հիմնավորմամբ, գտնում է, որ սույն որոշումն օրինական ուժի մեջ մտնելուց հետո Կարինե Ալավերդյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 151-րդ, 183-րդ և 313-րդ հոդվածներով` Դատարանը

ՈՐՈՇԵՑ

Թիվ ԵԿԴ/0011/01/11 քրեական գործի վարույթը կարճել և Լիլիթ Կառլենի Ալավերդյանի ու Կարինե Կառլենի Ալավերդյանի նկատմամբ քրեական հետապնդումը դադարեցնել` տուժողներ Կարինե Կառլենի Ալավերդյանի ու Լիլիթ Կառլենի Ալավերդյանի հաշտվելու հիմքով:
Որոշումն օրինական ուժի մեջ մտնելուց հետո Լիլիթ Կառլենի Ալավերդյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Որոշումն օրինական ուժի մեջ մտնելուց հետո Կարինե Կառլենի Ալավերդյանի նկատմամբ ընտրված խափանման միջոցը` չհեռանալու մասին ստորագրությունը, վերացնել:
Սույն որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ