Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

28 նոյեմբերի 2011թ. ք. Երևան

ԵԿԴ-0379/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղարներ` Տ. Գրիգորյան,
Է. Մկրտչյան,

մասնակցությամբ`
մեղադրող,
Հայաստանի Հանրապետության /այսուհետ ՀՀ/
գլխավոր դատախազության
թմրամիջոցների ապօրինի
շրջանառության հանցագործությունների
գործերով բաժնի դատախազ Վ. Միլիտոնյանի,


պաշտպաններ Ա. Մարտիրոսյանի,
Կ. Մանուչարյանի,
Վ. Խաչատրյանի,
Ս. Մկրտչյանի,

թարգմանիչ Ռ. Թահմասյանի,



դատարանում, դռնբաց դատական նիստում քննեց գործն ըստ մեղադրանքի
1.Սամսոն Սամսոնի Սարգսյանի`
ծնված 1966թ. հոկտեմբերի 04-ին Երևանում, հայ, ՀՀ քաղաքացի, միջնակարգ կրթությամբ, ամուրի, չի աշխատում, նախկինում դատված`
1/ Մարտունու շրջանի ժողդատարանի 29.12.1993թ. դատավճռով, ՀՀ նախորդ քրեական օրենսգրքի 105-րդ հոդվածի 1-ին մասով դատապարտվել է ազատազրկման 5 /հինգ/ տարի ժամկետով, 05.10.1992թ. հրամանագրով պատժի ժամկետը կրճատվել է և 11.08.1994թ. պայմանական վաղաժամկետ ազատվել է պատժի չկրած մասից,
2/ ՀՀ Գերագույն դատարանի 25.04.1995թ. դատավճռով, ՀՀ նախորդ քրեական օրենսգրքի 88-րդ հոդվածի 2-րդ մասով, 232-րդ հոդվածի 2-րդ մասով, նույն օրենսգրքի 38-39-րդ հոդվածների կիրառմամբ դատապարտվել է ազատազրկման 10 /տաս/ տարի ժամկետով, 14.08.2003թ. պայմանակետ վաղաժամկետ ազատվել է պատժի կրումից,
3/ ՀՀ Արմավիրի մարզի առաջին ատյանի դատարանի 20.12.2006թ. դատավճռով, ՀՀ քրեական օրենսգրքի 176-րդ հոդվածի 3-րդ մասի 1-ին կետով, 268-րդ հոդվածի 2-րդ մասով, 271-րդ հոդվածի 1-ին մասով, ՀՀ քրեական օրենսգրքի 66-րդ հոդվածի կիրառմամբ դատապարտվել է ազատազրկման 4 /չորս/ տարի 3 /երեք/ ամիս ժամկետով և տուգանքի 50.000 ՀՀ դրամ գումարի չափով, 26.11.2008թ. պայմանակետ վաղաժամկետ ազատվել է պատժի կրումից,
4/ ՀՀ Արագածոտնի մարզի 30.03.2007թ. դատավճռով, ՀՀ քրեական օրենսգրքի 271-րդ հոդվածի 1-ին մասով, ՀՀ քրեական օրենսգրքի 67-րդ հոդվածի կիրառմամբ դատապարտվել է ազատազրկման երկու տարի տաս ամիս քսան օր ժամկետով և տուգանքի 250.000 ՀՀ դրամ գումարի չափով։ Նույն դատարանի 22.09.2008թ. որոշմամբ ազատվել է ՀՀ քեական օրենսգրքի 271-րդ հոդվածի 1-ին մասով տուգանքի ձևով նշանակված պատժի կրումից,
5/ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 05.08.2010թ. դատավճռով, ՀՀ քրեական օրենսգրքի 268-րդ հոդվածի 2-րդ մասի 1-ին և 2-րդ կետերով, ՀՀ քրեական օրենսգրքի 69-րդ հոդվածի կիրառմամբ դատապարտվել է ազատազրկման 1 /մեկ/ տարի 5 /հինգ/ ամիս 29 /քսանինը/ օր ժամկետով, ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չի կիրառվել` սահմանելով փորձաշրջան 2 /երկու/ տարի ժամկետով, դատվածությունը չմարված, բնութագրվում է դրական, հաշվառված է Երևանի Էստոնական փողոցի թիվ 10 շենքի թիվ 20 բնակարանում, փաստացի բնակվել է Երևանի Շինարարների փողոցի թիվ 13 շենքի թիվ 11 բնակարանում, սույն քրեական գործով որպես խափանման միջոց է ընտրվել չհեռանալու մասին ստորագրությունը, մեղադրվում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 3-րդ մասով, 266-րդ հոդվածի 4-րդ մասով,

2.Գարիկ Էդիկի Ոսկանյանի`
ծնված 1972թ. սեպտեմբերի 24-ին Քաջարան քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում չդատված, չի աշխատում, բնութագրվում է դրական, հաշվառված է և բնակվել է Քաջարան քաղաքի Լեռնագործների փողոցի թիվ 21 շենքի թիվ 16 բնակարանում, կալանքի տակ է 24.09.2010թ.-ից, մեղադրվում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով,


3.Համեդ Համիդի Ամիրիի`
ծնված 1985թ. օգոստոսի 17-ին Իրանի Իսլամական Հանրապետության Քարաջ քաղաքում, ազգությամբ պարսիկ, Իրանի Իսլամական Հանրապետության քաղաքացի, բարձրագույն կրթությամբ, ամուրի, չի աշխատում, նախկինում դատված` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 05.02.2010թ. դատավճռով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով դատապարտվել է ազատազրկման 6 /վեց/ ամիս ժամկետով, 09.04.2010թ. ազատվել է պատժի կրումից, դատվածությունը չմարված, հաշվառված է Իրանի Իսլամական Հանրապետության Քարաջ քաղաքի Թալաղանի փողոցի թիվ 166 տուն` հասցեում, ՀՀ-ում ժամանակավորապես բնակվել է Երևանի Բաղրամյան պողոտայի թիվ 31Ա շենքի թիվ 16 բնակարանում, կալանքի տակ է 24.09.2010թ.-ից, մեղադրվում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով,

4.Էդմոնդ Էդուարդի Վարդանեսյանի`
ծնված 1970թ. դեկտեմբերի 6-ին Երևանում, հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատում, նախկինում դատված`
1/ Երևանի Մաշտոցի շրջանի ժողդատարանի 12.06.1987թ. դատավճռով, ՀՀ նախորդ քրեական օրենսգրքի 143-րդ հոդվածի 1-ին մասով դատապարտվել է ազատազրկման 1 /մեկ/ տարի ժամկետով, նույն օրենսգրքի 421-րդ հոդվածի կիրառմամբ դատավճռի կատարումը հետաձգվել է 1 տարի ժամկետով,
2/ ՌԴ Վոլգոգրադի Միխայելվսկի շրջանային դատարանի 23.04.2001թ. դատավճռով, ՌԴ քրեական օրենսգրքի 161-րդ հադվածի 2-րդ մասով դատապարտվել է ազատազրկման 4 /չորս/ տարի ժամկետով,
3/ ՌԴ Մոսկվայի Օրեխովո-Զուևո շրջանի դատարանի դատավճռով, ՌԴ քրեական օրենսգրքի 162-րդ հոդվածի 2-րդ մասով դատապարտվել է ազատազրկման 5 /հինգ/ տարի ժամկետով, նույն օրենսգրքի 70-րդ հոդվածի կիրառմամբ պատիժ է նշանակվել ազատազրկում 5 /հինգ/ տարի 6 /վեց/ ամիս ժամկետով,
4/ Երևանի Էրեբունի և Նուբարաշեն վարչական շրջանների ընդհանուր իրավասության դատարանի 26.08.2011թ. դատավճռով, ՀՀ քրեական օրենսգրքի 268-րդ հոդվածի 3-րդ մասով դատապարտվել է ազատազրկման երկու տարի ժամկետով, դատվածությունը չմարված, բնակվել է Երևանի Ֆուչիկի փողոցի թիվ 13 շենքի թիվ 34 բնակարանում, կալանքի տակ է 25.09.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով, 266-րդ հոդվածի 4-րդ մասով,

5.Արսալան Ղոլամռեզայի Քիումարսիի`
ծնված 1989թ. մարտի 21-ին Իրանի Իսլամական Հանրապետության Լահիջան քաղաքում, ազգությամբ պարսիկ, Իրանի Իսլամական Հանրապետության քաղաքացի, սովորում է Երևանում գործող «Ֆիրդուսու» անվան համալսարանում, ամուրի, նախկինում չդատված, հաշվառված է Իրանի Իսլամական Հանրապետության Լահիջան քաղաքի Քաշեֆ պողոտայի Ֆազիլաթ փողոցի թիվ 36 տուն` հասցեում, ՀՀ-ում ժամանակավորապես բնակվել է Երևանի Գյուլբենկյան փողոցի թիվ 38 շենքի թիվ 38 բնակարանում, կալանքի տակ է 24.09.2010թ.-ից, մեղադրվում է ՀՀ քրեական օրենսգրքի 268-րդ հոդվածի 3-րդ մասով,

6.Արսեն Գաբրիելի Սանասարյանի`
ծնված 1972թ. հուլիսի 14-ին Երևանում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան մեկ երեխա, չի աշխատում, նախկինում դատված` Երևանի Սպանդարյանի շրջանի ժողդատարանի 29.07.1997թ. դատավճռով, ՀՀ նախորդ քրեական օրենսգրքի 222-րդ հոդվածի 2-րդ մասով, 96-րդ հոդվածի 1-ին մասով դատապարտվել է ազատազրկման 2 /երկու/ տարի 6 /վեց/ ամիս ժամկետով, դատվածությունը մարված, հաշվառված է և բնակվում է Երևանի Թումանյան փողոցի թիվ 64 շենքի թիվ 42 բնակարանում, կալանքի տակ չէ, մեղադրվում է ՀՀ քրեական օրենսգրքի 38-268-րդ հոդվածի 3-րդ մասով, 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով։

Գործի դատավարական նախապատմությունը

Թիվ 69106910 քրեական գործը ՀՀ ոստիկանության ՔԳՎ ՀԿԳ քննության վարչությունում հարուցվել է 23.09.2010թ., ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 268-րդ հոդվածով, գործով չպարզված ոմն Արթուրի կողմից առանձնապես խոշոր չափի թմրամիջոց ապօրինի իրացնելու, Սամսոն Սարգսյանի կողմից իրացման և իր գործածման նպատակով առանձնապես խոշոր չափի թմրամիջոց ձեռք բերելու դեպքերի առթիվ։
2010թ. հոկտեմբերի 05-ին, ՀՀ քրեական օրենսգրքի 266-րդ հոդվածի 1-ին մասով, անհայտ անձի կողմից Սամսոն Սարգսյանին «ափիոն» տեսակի թմրամիջոց ապօրինի իրացնելու փաստի առթիվ, ՀՀ ոստիկանության ՔԳՎ Երևան քաղաքի քննչական վարչության Մաշտոցի քննչական բաժնում հարուցվել է թիվ 10125710 քրեական գործը։
2010թ. դեկտեմբերի 07-ին թիվ 10125710 քրեական գործն ուղարկվել է ՀՀ ոստիկանության ՔԳՎ ՀԿԳ քննության վարչություն։
10.12.2010թ. որոշմամբ, թիվ 10125710 քրեական գործն ընդունվել է ՀՀ ոստիկանության ՔԳՎ ՀԿԳ քննության վարչության քննիչի վարույթ, միացվել է թիվ 69106910 քրեական գործին և նախաքննությունը շարունակվել է թիվ 69106910 համարի տակ։
15.12.2010թ. հայտարարվել է մեղադրյալ Լեոնիդ Պավելի Նովիկովի հետախուզումը։
Քննիչի 22.12.2010թ. որոշմամբ, Վիգեն Ղազարյանի նկատմամբ, նրա կողմից ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցագործություններ կատարելու համար քրեական գործի մասը կարճվել է և նրա նկատմամբ քրեական հետապնդումը դադարեցվել է` գործուն զղջալու պատճառաբանությամբ։
Քննիչի 2011թ. դեկտեմբերի 22-ի մեկ այլ որոշմամբ, Արթուր Միշայի Ավետիսյանի կողմից Էդմոնդ Էդուարդի Վարդանեսյանից «մարիխուանա» տեսակի թմրամիջոց ձեռք բերելու վերաբերյալ քրեական գործի մասը կարճվել է` հանցակազմի բացակայության պատճառաբանությամբ։
2010թ. դեկտեմբերի 24-ի որոշմամբ, թիվ 69106910 քրեական գործից անջատվել է մեղադրյալ Լիոնիդ Պավելի Նովիկովի, անհայտ անձի կողմից Էդմոնդ Վարդանեսյանին, Գարիկ Ոսկանյանին և Գևորգ Թորոսյանին «մարիխուանա» տեսակի թմրամիջոց իրացնելու, Համեդ Ամիրիին առանձնապես խոշոր չափի «ափիոն» տեսակի թմրամիջոց իրացնելու, Սամսոն Սարգսյանին պրեկուրսոր հանդիսացող «քացախաթթվի անհիդրիդ» իրացնելու, անհայտ անձի կողմից կեղծ փող պատրաստելու և իրացնելու, հրազեն պատրաստելու, ոմն Արսենչոյի կողմից Սամսոն Սարգսյանին առանձնապես խոշոր չափի «ափիոն» տեսակի թմրամիջոց իրացնելու, Սամսոն Սարգսյանի կողմից դեռևս չպարզված անձանց «ափիոն» տեսակի թմրամիջոց իրացնելու մասը և անջատված մասով նախաքննությունը շարունակվել է թիվ 69106910/1 Ա/Մ համարի տակ։
Ամբաստանյալ Սամսոն Սամսոնի Սարգսյանին նախաքննության մարմնի կողմից մեղադրանքներ են առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 3-րդ մասով, 266-րդ հոդվածի 4-րդ մասով կետով հետևյալ արարքների համար. «որ նա` իրացնելու և իր գործածման նպատակով, կրկին անգամ, 2010թ. օգոստոս-սեպտեմբեր ամիսներին Գարիկ Էդիկի Ոսկանյանից ապօրինի ձեռք է բերել առանձնապես խոշոր չափերի «ափիոն» տեսակի թմրամիջոց, որի մի մասը գործածել է, մնացած` առանձնապես խոշոր չափերի «ափիոնն» իրացրել է տարբեր անձանց, որն արտահայտվել է հետևյալում.
Սամսոն Սամսոնի Սարգսյանը, 2010թ. օգոստոսի 5-ին դատապարտված լինելով թմրամիջոց ապօրինի ձեռք բերելու և պահելու համար, ունենալով պատժի չկրած մաս, կրկին անգամ, իրացնելու և իր գործածման նպատակով առանձնապես խոշոր չափերի «ափիոն» տեսակի թմրամիջոց ձեռք բերելու շուրջ նախնական համաձայնության է եկել Քաջարան քաղաքի բնակիչ Գարիկ Էդիկի Ոսկանյանի հետ` դրա 1 գրամը` 17 ԱՄՆ դոլարով նրանից ձեռք բերելու վերաբերյալ, որից հետո` 2010թ. օգոստոսի կեսերին, Գարիկ Ոսկանյանին վճարել է առանձնապես խոշոր չափի` 20 գրամ «ափիոնի» արժեքը կազմող 340 ԱՄՆ դոլարը և նրանից տեղեկանալով, որ թմրամիջոցը թաքցված է Երևանի Գլաձոր համալսարանի հարևանությամբ տեղակայված սյունի տակ` նշված տեղից այն վերցնելով, ապօրինի ձեռք է բերել առանձնապես խոշոր չափի` 20 գրամ «ափիոն» տեսակի թմրամիջոցը։
Բացի այդ, դրանից 5 օր անց, կրկին անգամ, նույն պայմաններով, Երևանի Վ. Մամիկոնյանի արձանի մոտ հանդիպել է Գարիկ Ոսկանյանին, վճարել առանձնապես խոշոր չափի` 30 գրամ «ափիոնի» արժեքը կազմող 510 ԱՄՆ դոլարը, որից հետո նրանից տեղեկանալով, որ հիշյալ քանակի թմրամիջոցը թաքցված է Երևան-Սևան մայրուղու վրա առկա Արծիվի հուշարձանի դիմաց տեղակայված «Արմեն» անվամբ հուշաքարի հետևում` նշված տեղից այն վերցնելով, իրացնելու և իր գործածման նպատակով ապօրինի ձեռք է բերել առանձնապես խոշոր չափի` 30 գրամ «ափիոն» տեսակի թմրամիջոցը։
Դրանից բացի, 2010թ. օգոստոսի վերջերին, կրկին անգամ, նույն պայմաններով, Երևանի Վ. Մամիկոնյանի արձանի մոտ հանդիպել է Գարիկ Ոսկանյանին, վճարել առանձնապես խոշոր չափի` 30 գրամ «ափիոնի» արժեքը կազմող 510 ԱՄՆ դոլարը, ապա նրանից տեղեկանալով, որ հիշյալ քանակի թմրամիջոցը թաքցված է Երևան-Սևան մայրուղու վրա առկա Արծիվի հուշարձանի դիմաց տեղակայված «Արմեն» անվամբ հուշաքարի հետևում` իրացնելու և իր գործածման նպատակով նշված վայրից ապօրինի ձեռք է բերել առանձնապես խոշոր չափի` 30 գրամ «ափիոն» տեսակի թմրամիջոցը։
Բացի այդ, 2010թ. սեպտեմբերի 7-ին, կրկին անգամ, իրացնելու և իր գործածման նպատակով առանձնապես խոշոր չափերի «ափիոն» տեսակի թմրամիջոց ձեռք բերելու շուրջ հեռախոսով պայմանավորվածություն է ձեռք բերել Գարիկ Ոսկանյանի հետ, որից հետո, նրա ցուցումով գնացել է Երևանի Դավիթաշեն թաղամասում գործող «Երևան Սիթի» խանութի մոտ, որտեղ Գարիկ Ոսկանյանի կնոջից` թմրամիջոցի շրջանառությունից անտեղյակ Նարինե Մուսայելյանից ապօրինի ձեռք է բերել ծխախոտի տուփի մեջ թաքցրած` 30 գրամ «ափիոնը»։
Բացի այդ, 2010թ. սեպտեմբեր ամսվա ընթացքում, չպարզված օրերին, կրկին անգամ, իր ծանոթ Արսեն Գաբրիելի Սանասարյանի օժանդակությամբ, Երևանի Գյուլնբենկյան փողոցում գործող «Ֆրեշ» խանութի մոտ, ափիոնի մեկ գրամը` 8.000 ՀՀ դրամով, ազգությամբ պարսիկ Համեդ Համիդի Ամիրիից 2 դեպքով` մոտ 10 գրամ և 15 գրամ չափաբաժիններով, իրացնելու և իր գործածման նպատակով ապօրինի ձեռք է բերել ընդհանուր` առանձնապես խոշոր չափի` մոտ 25 գրամ «ափիոն» տեսակի թմրամիջոց։
Բացի այդ, Սամսոն Սամսոնի Սարգսյանը թմրամիջոցի վերը նշված քանակության իրացումը առավել արդյունավետ իրականացնելու նպատակով, գործով դեռևս չպարզված հանգամանքներում, կրկին անգամ, ապօրինի ձեռք է բերել թմրամիջոցի պատրաստման համար պրեկուրսոր հանդիսացող «քացախաթթվի անհիդրիդ» որը «ափիոնի» համապատասխան չափաբաժնի հետ միասին պայմանավորված գնով իրացրել է մի շարք անձանց։ Այսպես.
2010թ. օգոստոս-սեպտեմբեր ամիսների ընթացքում, չպարզված օրերին, կրկին անգամ, իրացնելու և իր գործածման նպատակով ձեռք բերած առանձնապես խոշոր չափերի «ափիոն» տեսակի թմրամիջոցի վերը նշված քանակություններից, պարբերաբար, իր` Երևան քաղաքի Շինարարների փող. 11 շենքի թիվ 13 բնակարանում և վարձակալած` Երևանի Վարդանանց փող. 14 շենքի թիվ 4 բնակարանում, մոտ 30 դեպքով` յուրաքանչյուր անգամ 0.6-ական գրամ չափաբաժնով` դրան համապատասխան քանակի 0.5 մլ. պրեկուրսոր հանդիսացող ,,քացախաթթվի անհիդրիդի,, հետ միասին, 20.000 ՀՀ դրամով վաճառելու եղանակով, Էդմոնդ Էդուարդի Վարդանեսյանին է իրացրել ընդհանուր` առանձնապես խոշոր չափի` 18 գրամ «ափիոն» տեսակի թմրամիջոցը և դրան համապատասխան քանակի «քացախաթթվի անհիդրիդ»։
Բացի այդ, Սամսոն Սամսոնի Սարգսյանը «ափիոն» տեսակի թմրամիջոցի մեկ գրամը 20.000 ՀՀ դրամով վաճառելու վերաբերյալ պայմանավորվածություն է ձեռք բերել նաև Գևորգ Հրաչի Թորոսյանի հետ և 2010թ. սեպտեմբերի 19-ին, ժամը 22.00-ի սահմաններում, վերջինիս խոշոր չափի` 1,5 գրամ «ափիոն» տեսակի թմրամիջոցը վաճառելու եղանակով ապօրինի իրացնելու համար, ըստ պայմանավորվածության, Երևան քաղաքի Խանջյան փողոցին հարակից տարածքում` «Վարդան Մամիկոնյանի» արձանի մոտ, հանդիպել է Գևորգ Թորոսյանի պատվերով հանդիպման եկած` թմրամիջոցի ապօրինի շրջանառության հանգամանքից անտեղյակ, տաքսու վարորդ Արթուր Հրաչյայի Գինոսյանին, որից ստացել է Գևորգ Թորոսյանի կողմից ուղարկված` վերը նշված թմրամիջոցի արժեքը կազմող 30.000 ՀՀ դրամը և Արթուր Գինոսյանի է տվել թղթով փաթեթավորված` խոշոր չափի` 1.5 գրամ «ափիոնը»։ Վերջինս թմրամիջոցը տեղափոխել և Երևան քաղաքի Բաշինջաղյան փողոցի 169 շենքի բակում հանձնել է Գևորգ Թորոսյանին։
Նույն ժամանակահատվածում Սամսոն Սարգսյանն իր կողմից վարձակալած հիշյալ բնակարանում, պարբերաբար «ափիոնը» լուծելով «քացախաթթվի անհիդրիդի» հետ, պատրաստել է ներարկման համար պիտանի լուծույթ և ընդհանուր` խոշոր չափի` 9,8 գրամ «ափիոնը» համապատասխան քանակի «քացախաթթվի անհիդրիդի» հետ լուծելով, մաս-մաս, տարբեր օրերին, տարբեր քանակությամբ իրացրել է ներքոհիշյալ անձանց, մասնավորապես. 20 դեպքով` յուրաքանչյուր անգամ 0.2 գրամ չափաբաժնով, ընդհանուր` խոշոր չափի` 4 գրամ «ափիոնն» ապօրինի իրացրել է Գոհարի Հրաչիկի Աղայանին, 4 դեպքով` յուրաքանչյուր անգամ 0.2 գրամ չափաբաժնով, ընդհանուր` խոշոր չափի` 0.8 գրամ «ափիոնն» ապօրինի իրացրել է Լեոնիդ Պավելի Նովիկովին, 10 դեպքով` յուրաքանչյուր անգամ 0.2 գրամ չափաբաժնով, ընդհանուր` խոշոր չափի` 2 գրամ «ափիոնն» ապօրինի իրացրել է Արսեն Գաբրիելի Սանասարյանին, 5 դեպքով` յուրաքանչյուր անգամ 0.2 գրամ չափաբաժնով, ընդհանուր` խոշոր չափի` 1-ական գրամ «ափիոնն» ապօրինի իրացրել է Մովսես Աշոտի Ախիջանյանին, Հայկ Արմենի Խաչատրյանին և Վիգեն Հակոբի Ղազարյանին, իսկ խոշոր չափի` 0,9 գրամ «ափիոն» տեսակի թմրամիջոցը ապօրինի պահել է իր մոտ, որը 23.09.2010թ հայտնաբերվել է ոստիկանության Երևան քաղաքի վարչության աշխատակիցների կողմից` նրա անձնական խուզարկությամբ։ «Ափիոնի» մնացած` առանձնապես խոշոր չափերի քանակությունից մի մասը Սամսոն Սարգսյանը նույն ժամանակահատվածում չպարզված քանակի գործածել է ներարկվելու եղանակով, իսկ մնացած` առանձնապես խոշոր չափերի «ափիոնը» իրացրել է քննությամբ դեռևս չպարզված անձանց։»։
Ամբաստանյալ Գարիկ Էդիկի Ոսկանյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով հետևյալ արարքի համար. «որ նա` առանձնապես խոշոր չափերի «ափիոն» տեսակի թմրամիջոց իրացնելու շուրջ նախնական համաձայնության է եկել Իրանի Իսլամական Հանրապետության քաղաքացի` գործով դեռևս չպարզված ոմն Ամիրի հետ` դրա 1 գրամը` 15 ԱՄՆ դոլարով նրանից ձեռք բերելու վերաբերյալ, որից հետո «ափիոնի» 1 գրամը 17 ԱՄՆ դոլարով վերավաճառելու դիտավորությամբ, նշված գնով թմրամիջոց մատակարարելու շուրջ պայմանավորվել է գնորդ Սամսոն Սամսոնի Սարգսյանի հետ և, 2010թ. օգոստոսի կեսերին նրանից ստացել առանձնապես խոշոր չափի` 20 գրամ «ափիոնի» արժեքը կազմող 340 ԱՄՆ դոլարը։ Նշված գումարից 300 ԱՄՆ դոլարը Ամիրին տալով, նրանից տեղեկացել է, որ ապօրինի իրացվող թմրամիջոցը թաքցված է Երևանի Գլաձոր համալսարանի հարևանությամբ տեղակայված սյունի տակ, որի մասին տեղեկացնելով Սամսոն Սարգսյանին, այդ եղանակով նրան ապօրինի իրացրել է առանձնապես խոշոր չափի` 20 գրամ «ափիոն» տեսակի թմրամիջոցը։
Դրանից 5 օր անց, նույն պայմաններով, Երևանի Վ. Մամիկոնյանի արձանի մոտ, Սամսոն Սարգսյանից ստացել է առանձնապես խոշոր չափի` 30 գրամ «ափիոնի» արժեքը կազմող 510 ԱՄՆ դոլարը։ Նշված գումարից 450 ԱՄՆ դոլարը Ամիրին տալով, նրանից տեղեկացել է, որ ապօրինի իրացվող թմրամիջոցը թաքցված է Երևան-Սևան մայրուղու վրա առկա Արծիվի հուշարձանի դիմաց տեղակայված «Արմեն» անվամբ հուշաքարի հետևում, որի մասին տեղեկացնելով Սամսոն Սարգսյանին, այդ եղանակով նրան ապօրինի իրացրել է առանձնապես խոշոր չափի` 30 գրամ «ափիոն» տեսակի թմրամիջոցը։
Դրանից մեկ շաբաթ անց նույն պայմաններով, Երևանի Վ. Մամիկոնյանի արձանի մոտ, Սամսոն Սարգսյանից ստացել է առանձնապես խոշոր չափի` 30 գրամ «ափիոնի» արժեքը կազմող 510 ԱՄՆ դոլարը։ Նշված գումարից 450 ԱՄՆ դոլարը Ամիրին տալով, նրանից տեղեկացել է, որ ապօրինի իրացվող թմրամիջոցը թաքցված է Երևան-Սևան մայրուղու վրա առկա Արծիվի հուշարձանի դիմաց տեղակայված «Արմեն» անվամբ հուշաքարի հետևում, որի մասին տեղեկացնելով Սամսոն Սարգսյանին, այդ եղանակով նրան ապօրինի իրացրել է առանձնապես խոշոր չափի` 30 գրամ «ափիոն» տեսակի թմրամիջոցը։
Բացի այդ, 2010թ. սեպտեմբերի 7-ին, Սևան քաղաքում նույն Ամիրիից, ապառիկով, իրացման նպատակով ապօրինի ձեռք է բերել առանձնապես խոշոր չափի` 30 գրամ «ափիոն» տեսակի թմրամիջոց, որը 2 օր անց, ծխախոտի տուփի մեջ թաքցնելուց հետո, կնոջ` տուփի մեջ թմրամիջոցի պարունակությունից անտեղյակ Նարինե Մուսայելյանի միջոցով Երևանի Դավիթաշեն թաղամասում գործող «Երևան Սիթի» խանութի մոտ Սամսոն Սարգսյանին փոխանցելու եղանակով, ապօրինի իրացրել է վերջինիս` հետագայում գումարը ստանալու պայմանով։»։
Ամբաստանյալ Համեդ Համիդի Ամիրիին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով հետևյալ արարքի համար. «որ նա` իրացնելու նպատակով չպարզված հանգամանքներում ապօրինի ձեռք է բերել առանձնապես խոշոր չափերի` 41,1 գրամ «ափիոն» տեսակի թմրամիջոց, որից 2010թ. սեպտեմբեր ամսվա ընթացքում 2 դեպքով` 10 գրամ և 15 գրամ չափաբաժիններով, ընդհանուր` առանձնապես խոշոր չափի` 25 գրամ «ափիոնը»` դրա մեկ գրամը` 8.000 ՀՀ դրամով, Երևանի Գյուլնբենկյան փողոցում գործող «Ֆրեշ» խանութի մոտ, ապօրինի իրացրել է Արսեն Գաբրիելի Սանասարյանին։ Հետագա իրացման նպատակով ապօրինի պահված, առանձնապես խոշոր չափի` 16.1 գրամ «ափիոնը» 2010թ. սեպտեմբերի 24-ին, ժամը 12.00-ի սահմաններում ժամանակավորապես պահելու համար Երևանի Գյուլբենկյան փողոցում ի պահ է տվել իր հայրենակից Արսալան Ղոլամռեզայի Քիումարսիին, որի մոտից էլ նույն օրը անձնական խուզարկությամբ թմրամիջոցի նշված քանակությունը հայտնաբերվել և առգրավվել է։»։
Ամբաստանյալ Էդմոնդ Էդուարդի Վարդանեսյանին նախաքննության մարմնի կողմից մեղադրանքներ են առաջադրվել ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով, 266-րդ հոդվածի 4-րդ մասով հետևյալ արարքի համար. «որ նա` 2010թ. օգոստոս-սեպտեմբեր ամիսների ընթացքում, պարբերաբար` մոտ 30 դեպքով, Երևան քաղաքի բնակիչ Սամսոն Սամսոնի Սարգսյանից, վերջինիս բնակության վայրում` սկզբում` Շինարարների փող. 11 շենքի թիվ 13 բնակարանում, իսկ սեպտեմբեր ամսին` Վարդանանց փող. 14 շենքի թիվ 4 բնակարանում, առանց իրացնելու նպատակի, իր գործածման համար, յուրաքանչյուր անգամ 20.000 ՀՀ դրամով ապօրինի ձեռք է բերել խոշոր չափի` 0.6 գրամ «ափիոն» տեսակի թմրամիջոց, դրա լուծույթ պատրաստելու համար անհրաժեշտ 0.5 մլ. պրեկուրսոր հանդիսացող «քացախաթթվի անհիդրիդ» ընդհանուր` առանձնապես խոշոր չափի` 18 գրամ «ափիոն» տեսակի թմրամիջոց և 15 մլ. «քացախաթթվի անհիդրիդ» որը գործածել է ներարկվելու միջոցով։
Բացի այդ Էդմոնդ Էդուարդի Վարդանեսյանը գործով դեռևս չպարզված հանգամանքներում իր գործածման և իրացնելու նպատակով անհայտ անձից ապօրինի ձեռք է բերել քննությամբ չպարզված քանակի «մարիխուաննա» տեսակի թմրակիջոց և 2010թ-ի սեպտեմբերի 19-ին ժամը 12.00-ի սահմաններում իր` քաղ. Երևան, Ֆուչիկի փողոց 13 շենքի թիվ 34 բնակարանում Արթուր Միշայի Ավետիսյանին հյուրասիրելու եղանակով ապօրինի իրացրել է ծխախոտի գլանակի մեջ լցրած քննությամբ չպարզված քանակի «մարիխուաննա» տեսակի թմրամիջոց, որը նույն պահին վերջինս ծխելու միջոցով գործածել է։»։
Ամբաստանյալ Արսալան Ղոլամռեզայի Քիումարսիին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով հետևյալ արարքի համար. «որ նա` 2010թ. սեպտեմբերի 24-ին, ժամը 12.00-ի սահմաններում Երևանի Գյուլբենկյան փողոցում հանդիպել է իր հայրենակից Համեդ Համիդի Ամիրիին, որի խնդրանքով` ժամանակավորապես իր մոտ պահելու համար, նրանից ապօրինի ձեռք է բերել թվով երկու փաթեթներում փաթեթավորված` ընդհանուր` առանձնապես խոշոր չափի` 16.1 գրամ «ափիոն» տեսակի թմրամիջոց և պահել իր տաբատի ձախ գրպանում։
Ապօրինի պահված վերը նշված թմրամիջոցը նույն օրը հայտնաբերվել է Արսալան Քիումարսիի մոտ ոստիկանության աշխատակիցների կողմից նրան կասկածանքի տակ բերման ենթարկելուց հետո կատարած անձնական խուզարկությամբ։»։
Ամբաստանյալ Արսեն Գաբրիելի Սանասարյանին նախաքննության մարմնի կողմից մեղադրանքներ են առաջադրվել ՀՀ քրեական օրենսգրքի 38-268-րդ հոդվածի 3-րդ մասով, 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով հետևյալ արարքի համար. «որ նա` 2010թ. օգոստոս-սեպտեմբեր ամիսների ընթացքում` 10 դեպքով, Երևան քաղաքի Վարդանանց 14 շենքի թիվ 4 բնակարանում Սամսոն Սամսոնի Սարգսյանից ապօրինի ձեռք է բերել ներարկիչներում պատրաստված` յուրաքանչյուր անգամ 0.2 գրամ «ափիոն» տեսակի թմրամիջոցի և պրեկուրսոր հանդիսացող «քացախաթթվի անհիդրիդի» խառնուրդով ներարկման համար պատրաստի լուծույթ, ընդհանուր` խոշոր չափի` 2 գրամ «ափիոն» տեսակի թմրամիջոց և դրան համապատասխան քանակի «քացախաթթվի անհիդրիդ», որը նույն պահին ներարկման միջոցով գործածել է։
Բացի այդ, 2010թ. սեպտեմբեր ամսվա ընթացքում Սամսոն Սամսոնի Սարգսյանի կողմից առանց իրացնելու նպատակի, նրա գործածման համար առանձնապես խոշոր չափի «ափիոն» տեսակի թմրամիջոց ձեռք բերելուն օժանդակելու նպատակով, վերջինիս գումարով, ափիոնի մեկ գրամը` 8.000 ՀՀ դրամով, Երևանի Գյուլնբենկյան փողոցում գործող «Ֆրեշ» խանութի մոտ, իրեն ծանոթ Համեդ Համիդի Ամիրիից 2 դեպքով` 10 գրամ և 15 գրամ չափաբաժիններով, ապօրինի ձեռք է բերել ընդհանուր` առանձնապես խոշոր չափի` 25 գրամ «ափիոն» տեսակի թմրամիջոց և փոխանցել Սամսոն Սարգսյանին։»։
2010թ. դեկտեմբերի 30-ին, ԵԿԴ-0379/01/10 (69106910) քրեական գործն ըստ մեղադրանքի Սամսոն Սամսոնի Սարգսյանի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 3-րդ մասով, 266-րդ հոդվածի 4-րդ մասով, Գարիկ Էդիկի Ոսկանյանի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, Համեդ Համիդի Ամիրիի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, Էդմոնդ Էդուարդի Վարդանեսյանի` ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով, 266-րդ հոդվածի 4-րդ մասով, Արսալան Ղոլամռեզայի Քիումարսիի` ՀՀ քրեական օրենսգրքի 268-րդ հոդվածի 3-րդ մասով, Արսեն Գաբրիելի Սանասարյանի` ՀՀ քրեական օրենսգրքի 38-268-րդ հոդվածի 3-րդ մասով, 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Մովսես Աշոտի Ախիջանյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Հայկ Արմենի Խաչատուրյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Գոհար Հրաչիկի Աղայանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և Գևորգ Հրաչի Թորոսյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011թ. մարտի 18-ի որոշումներով, ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի նկատմամբ ընտրված խափանման միջոց չհեռանալու մասին ստորագրությունը փոփոխվել է, նրանց նկատմամբ խափանման միջոց է ընտրվել կալանավորումը և հայտարարվել է նրանց հետախուզումը` ամբաստանյալների թաքնվելու պատճառով։
Դատարանի 2011թ. մարտի 18-ի մեկ այլ որոշմամբ, քրեական գործի վարույթն ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի մասով կասեցվել է` մինչև նրանց հայտնաբերելը և գործի դատական քննությունը շարունակվել է մյուս ամբաստանյալների նկատմամբ։ Ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի վերաբերյալ կասեցված մասն անջատվել է որպես առանձին վարույթ` ԵԿԴ-0050/01/11 համարի տակ։
Դատարանի 2011թ. հունիսի 01-ի որոշմամբ, ԵԿԴ-0379/01/10 (69106910) քրեական գործով ամբաստանյալներ Գոհար Հրաչիկի Աղայանի և Գևորգ Հրաչի Թորոսյանի նկատմամբ քրեական հետապնդումը դադարեցվել է` համաներման ակտ ընդունվելու պատճառաբանությամբ։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Քրեական գործով ամբաստանյալ Գարիկ Էդիկի Ոսկանյանը 2010թ. հուլիսին, Երևան քաղաքում հանդիպել է իր վաղեմի ծանոթ, ազգությամբ պարսիկ ոմն Ամիրին, որն առաջարկել է գումար վաստակելու նպատակով զբաղվել «ափիոն» տեսակի թրամիջոցի առուվաճառքով։ Ոմն Ամիրը Գարիկ Ոսկանյանին հայտնել է, որ կարող է մեկ գրամը 15 ԱՄՆ դոլար գումարով մատակարարել «ափիոն» տեսակի թմրամիջոց և նրան առաջարկել է թմրամիջոցն իրենից գնել և ավելի թանկ գնով վերավաճառել։ Թմրամիջոցն իրացնելու նպատակով Գարիկ Ոսկանյանը հեռախոսով կապ է հաստատել ՀՀ ԱՆ «Գորիս» ՔԿՀ-ում պատիժը կրող Լևոն Վոլոդյայի Շալունցի հետ և նրա միջոցով 2010թ. հուլիսին ծանոթացել է ամբաստանյալ Սամսոն Սամսոնի Սարգսյանի հետ։ Հետագա բարդություններից խուսափելու նպատակով, Գարիկ Ոսկանյանը Սամսոն Սարգսյանից թաքցրել է իր իրական անունը և նրան ներկայացել է որպես «Ղարաբաղցի Արթուր»։ Վերջինս Սամսոն Սարգսյանի հետ զրույցի ժամանակ հայտնել է, որ մեկ գրամը 17 ԱՄՆ դոլար գումարով վաճառում է «ափիոն» տեսակի թմրամիջոց և անհրաժեշտության դեպքում կարող է պարբերաբար թմրամիջոց մատակարարել։ Սամսոն Սարգսյանը նախնական համաձայնության է եկել Գարիկ Էդիկի Ոսկանյանի հետ, 1 գրամը 17 ԱՄՆ դոլար գումարով նրանից պարբերաբար «ափիոն» տեսակի թմրամիջոց ձեռք բերելու համար և նրանք մինյանց հայտնել են իրենց բջջային հեռախոսների համարները։
2010թ. օգոստոսի կեսերին, Սամսոն Սարգսյանն իր 098-58-87-37 բջջային հեռախոսահամարից զանգահարել է Գարիկ Ոսկանյանի 098-05-06-14 հեռախոսահամարին և նրանք պայմանավորվել են հանդիպել Երևանի Հալաբյան փողոցի վրա գտնվող Ֆիզիկայի ինստիտուտի մոտ։ Նշված վայրում Սամսոն Սարգսյանը Գարիկ Ոսկանյանին վճարել է առանձնապես խոշոր չափի` 20 գրամ «ափիոն» տեսակի թմրամիջոցի արժեքը կազմող 340 ԱՄՆ դոլար գումար, որից հետո որոշ ժամանակ անց, նրա ուղեկցությամբ գնացել է Երևանի Գլաձոր համալսարանի մոտ։ Այնտեղ Գարիկ Ոսկանյանը մատնացույց է արել մասնաշենքի հարևանությամբ գտնվող սյունը և հայտնել, որ 20 գրամ «ափիոն» տեսակի թմրամիջոցը թաքցված է այդ սյան տակ։ Սամսոն Սարգսյանը նշված վայրից ապօրինի ձեռք է բերել առանձնապես խոշոր չափի` 20 գրամ «ափիոն» տեսակի թմրամիջոց։
Դրանից հինգ օր անց, Սամսոն Սարգսյանը կրկին հեռախոսազանգով պայմանավորվել և Երևանի Վ. Մամիկոնյանի արձանի մոտ հանդիպել է Գարիկ Ոսկանյանին, նրան վճարել է առանձնապես խոշոր չափի` 30 գրամ «ափիոն» տեսակի թմրամիջոցի արժեքը կազմող 510 ԱՄՆ դոլար գումար, որից հետո, նրա ուղեկցությամբ գնացել է Երևան-Սևան մայրուղու վրա գտնվող «Արծիվ» հուշարձանի մոտ։ Այնտեղ Գարիկ Ոսկանյանը մատնացույց է արել դրա դիմաց տեղակայված «Արմեն» անվամբ հուշաքարը և հայտնել, որ թմրամիջոցը թաքցված է այդ հուշաքարի հետևում։ Սամսոն Սարգսյանը նշված վայրից վերցնելով` ապօրինի ձեռք է բերել առանձնապես խոշոր չափի` 30 գրամ «ափիոն» տեսակի թմրամիջոց։
Այնուհետև, 2010թ. օգոստոսի վերջին, կրկին թմրամիջոց ձեռք բերելու նպատակով, Սամսոն Սարգսյանը զանգահարել, պայամանավորվել և Երևանի Վ. Մամիկոնյանի արձանի մոտ հանդիպել է Գարիկ Ոսկանյանին, նրան վճարել է առանձնապես խոշոր չափի` 30 գրամ «ափիոն» տեսակի թմրամիջոցի արժեքը կազմող 510 ԱՄՆ դոլար գումար, որից հետո նրանից տեղեկանալով, որ հիշյալ քանակի թմրամիջոցը թաքցված է Երևան-Սևան մայրուղու վրա գտնվող, «Արծիվ» հուշարձանի դիմաց տեղակայված «Արմեն» անվամբ հուշաքարի հետևում, նրա ուղեկցությամբ գնացել և այնտեղից ապօրինի ձեռք բերել առանձնապես խոշոր չափի` 30 գրամ «ափիոն» տեսակի թմրամիջոց։
Դրանից հետո, 2010թ. սեպտեմբերի 7-ին, Սամսոն Սարգսյանն առանձնապես խոշոր չափի «ափիոն» տեսակի թմրամիջոց ձեռք բերելու շուրջ հեռախոսով պայմանավորվածություն է ձեռք բերել Գարիկ Ոսկանյանի հետ, որից հետո, նրա ցուցումով գնացել է Երևանի Դավիթաշեն թաղամասում գործող «Երևան Սիթի» խանութի մոտ։ Այնտեղ Գարիկ Ոսկանյանի կնոջից` թմրամիջոցի շրջանառությունից անտեղյակ Նարինե Մուսայելյանից, ապօրինի ձեռք է բերել ծխախոտի տուփի մեջ թաքցված 30 գրամ «ափիոն» տեսակի թմրամիջոց։
Այնուհետև, 2010թ. օգոստոս-սեպտեմբեր ամսվա ընթացքում, Սամսոն Սարգսյանն ամբաստանյալ Արսեն Գաբրիելի Սանասարյանից տեղեկանալով, որ վերջինս մեկ գրամը 8.000 ՀՀ դրամ գումարով «ափիոն» տեսակի թմրամիջոցի ձեռքբերման հնարավորություն ունի, նրա օժանդակությամբ, Երևանի Գյուլբենկյան փողոցում գործող «Ֆրեշ» խանութի մոտ, ամբաստանյալ Համեդ Համիդի Ամիրիից, երկու անգամ, քննությամբ չպարզված օրերին, 10 գրամ և 15 գրամ չափաբաժիններով, ապօրինի, Արսեն Սանասարյանի կողմից ստանալու և իրեն հանձնելու եղանակով ձեռք է բերել առանձնապես խոշոր չափի` 25 գրամ «ափիոն» տեսակի թմրամիջոց։
Սամսոն Սամսոնի Սարգսյանը, վերոհիշյալ հանգամանքներում իր կողմից ձեռք բերված թմրամիջոցների իրացումն առավել արդյունավետ իրականացնելու նպատակով, գործով չպարզված հանգամանքներում, կրկին անգամ, ապօրինի ձեռք է բերել թմրամիջոցի պատրաստման համար պրեկուրսոր հանդիսացող «քացախաթթվի անհիդրիդ», որը «ափիոնի» համապատասխան չափաբաժնի հետ միասին, նախապես պայմանավորված գնով իրացրել է մի շարք անձանց։
Մասնավորապես, 2010թ. օգոստոս-սեպտեմբեր ամիսների ընթացքում, չպարզված օրերին, իրացնելու և իր գործածման նպատակով ձեռքբերած առանձնապես խոշոր չափերի «ափիոն» տեսակի թմրամիջոցի վերը նշված քանակությունից, ամբաստանյալ Էդմոնդ Էդուարդի Վարդանեսյանին իրացնելու նպատակով պայմանավորվածություն ձեռք բերելու համար, իր 098-58-87-37 և 098-58-87-67 հեռախոսահամարներից զանգահարել է Էդմոնդ Վարդանեսյանի 077-24-55-48 հեռախոսահամարին և պարբերաբար, իր` Երևան քաղաքի Շինարարների փողոցի թիվ 11 շենքի թիվ 13 բնակարանում և իր կողմից վարձակալված` Երևանի Վարդանանց փողոցի թիվ 14 շենքի թիվ 4 բնակարանում, շուրջ 30 դեպքով, յուրաքանչյուր անգամ 0,6-ական գրամ չափաբաժնով, դրան համապատասխան քանակությամբ 0.5 մլ. պրեկուրսոր հանդիսացող «քացախաթթվի անհիդրիդի» հետ միասին, 20.000 ՀՀ դրամ գումարով վաճառելու եղանակով Էդմոնդ Էդուարդի Վարդանեսյանին է իրացրել ընդհանուր քաշով առանձնապես խոշոր չափի` 18 գրամ «ափիոն» տեսակի թմրամիջոց և դրան համապատասխան քանակի «քացախաթթվի անհիդրիդ»։
Բացի այդ, Սամսոն Սամսոնի Սարգսյանը, «ափիոն» տեսակի թմրամիջոցի մեկ գրամը 20.000 ՀՀ դրամ գումարով վաճառելու նպատակով իր 098-58-87-37 բջջային հեռախոսահամարից զանգահարել է Գևորգ Հրաչի Թորոսյանի 093-71-82-96 հեռախոսահամարին և 2010թ. սեպտեմբերի 19-ին, ժամը 22.00-ի սահմաններում, խոշոր չափի` 1,5 գրամ «ափիոն» տեսակի թմրամիջոցը վերջինիս վաճառելու եղանակով ապօրինի իրացնելու համար պայմանավորվածություն ձեռքբերել վերջինիս հետ։ Ըստ պայմանավորվածության` Սամսոն Սարգսյանն իր վերը նշված հեռախոսահամարից զանգահարել է Գևորգ Թորոսյանի պատվերով հանդիպման եկած, թմրամիջոցի ապօրինի շրջանառությունից անտեղյակ, տաքսու վարորդ Արթուր Հրաչյայի Գինոսյանի 077-70-50-86 հեռախոսահամարին, որի հետ պայմանավորվել և Երևան քաղաքի Խանջյան փողոցին հարակից տարածքում, Վարդան Մամիկոնյանի արձանի մոտ հանդիպել է վերջինիս։ Այնուհետև Արթուր Գինոսյանից ստացել է Գևորգ Թորոսյանի կողմից ուղարկված, վերը նշված թմրամիջոցի արժեքը կազմող 30.000 ՀՀ դրամ գումարը և նրան է տվել թղթով փաթեթավորված, խոշոր չափի` 1.5 գրամ «ափիոն» տեսակի թմրամիջոց։ Արթուր Գինոսյանը թմրամիջոցը տեղափոխել և Երևան քաղաքի Բաշինջաղյան փողոցի թիվ 169 շենքի բակում հանձնել է Գևորգ Թորոսյանին։
Նույն ժամանակահատվածում, Սամսոն Սարգսյանն իր կողմից վարձակալած հիշյալ բնակարանում, պարբերաբար, «ափիոն» տեսակի թմրամիջոցը լուծելով «քացախաթթվի անհիդրիդի» հետ, պատրաստել է ներարկման համար պիտանի լուծույթ և ընդհանուր խոշոր չափի` 9,8 գրամ «ափիոնը» համապատասխան քանակի «քացախաթթվի անհիդրիդի» հետ լուծելով, մաս-մաս, տարբեր օրերին, տարբեր քանակությամբ իրացրել է հետևյալ հանգամանքներում.
Քսան դեպքով, յուրաքանչյուր անգամ 0.2 գրամ չափաբաժնով, ընդհանուր քաշով խոշոր չափի` 4 գրամ «ափիոնն» ապօրինի իրացրել է իր հետ համատեղ բնակվող Գոհար Հրաչիկի Աղայանին, չորս դեպքով, յուրաքանչյուր անգամ 0.2 գրամ չափաբաժնով, ընդհանուր քաշով խոշոր չափի` 0.8 գրամ «ափիոնն» ապօրինի իրացրել է Լեոնիդ Պավելի Նովիկովին, 10 դեպքով, յուրաքանչյուր անգամ 0.2 գրամ չափաբաժնով, ընդհանուր քաշով խոշոր չափի` 2 գրամ «ափիոնն» ապօրինի իրացրել է Արսեն Գաբրիելի Սանասարյանին, 5 դեպքով, յուրաքանչյուր անգամ 0.2 գրամ չափաբաժնով, ընդհանուր քաշով խոշոր չափի` 1-ական գրամ «ափիոնն» ապօրինի իրացրել է Մովսես Աշոտի Ախիջանյանին, Հայկ Արմենի Խաչատուրյանին և Վիգեն Հակոբի Ղազարյանին, իսկ խոշոր չափի` 0,9 գրամ «ափիոն» տեսակի թմրամիջոցն ապօրինի պահել է իր մոտ, որը 23.09.2010թ. հայտնաբերվել է ՀՀ ոստիկանության Երևան քաղաքի վարչության աշխատակիցների կողմից` նրա անձնական խուզարկությամբ։
«Ափիոն» տեսակի թմրամիջոցից մնացած, առանձնապես խոշոր չափերի քանակությունից գործով չպարզված մի մասը Սամսոն Սարգսյանը նույն ժամանակահատվածում գործածել է ներարկվելու եղանակով, իսկ մնացած առանձնապես խոշոր չափերի «ափիոնն» իրացրել է քննությամբ չպարզված անձանց։
Դատական քննությամբ պարզվել է նաև, որ ամբաստանյալ Համեդ Համիդի Ամիրին 10 գրամ և 15 գրամ չափաբաժիններով «ափիոն» տեսակի թմրամիջոցն Արսեն Սանասարյանին Երևանի Կոմիտասի պողոտայի վրա գտնվող «Ֆրեշ» խանութի մոտ իրացնելուց բացի, հետագա իրացման նպատակով ապօրինի ձեռքբերված և պահված, առանձնապես խոշոր չափերի` 16.1 գրամ «ափիոնը» 2010թ. սեպտեմբերի 24-ին, ժամը 12.00-ի սահմաններում, ժամանակավորապես պահելու համար, Երևանի Գյուլբենկյան փողոցում ի պահ է տվել իր հայրենակից, ամբաստանյալ Արսալան Ղոլամռեզայի Քիումարսիին։ Նույն օրը վերջինիս անձնական խուզարկությամբ թմրամիջոցի նշված քանակությունը հայտնաբերվել և առգրավվել է։
Քրեական գործի նախաքննությամբ պարզվել է նաև, որ ամբաստանյալներ Սամսոն Սամսոնի Սարգսյանը, Համեդ Համիդի Ամիրին, Էդմոնդ Էդուարդի Վարդանեսյանը և Արսեն Գաբրիելի Սանասարյանը տառապում են թմրամոլությամբ, հարկադիր բուժման կարիք ունեն, որի համար հակացուցումներ չկան։
Քրեական գործի նախաքննության ընթացքում կատարվել են տոքսիկոքիմիական փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որոնց արժեքն ամբաստանյալ Սամսոն Սամսոնի Սարգսյանի մասով կազմել է 9.618 /ինը հազար վեց հարյուր տասնութ/ ՀՀ դրամ գումար։
ՀՀ քրեական օրենսգրքի 268-րդ հոդվածի 2-րդ մասի 1-ին և 2-րդ կետերով նախատեսված հանցագործություն կատարելու համար ամբաստանյալ Սամսոն Սամսոնի Սարգսյանը ՀՀ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. օգոստոսի 08-ի դատավճռով դատապարտվել է ազատազրկման 1 /մեկ/ տարի 5 /հինգ/ ամիս 29 /քսանինը/ օր ժամկետով։ ՀՀ քրեական օրենսգրքի 70-րդ հոդվածի կիրառմամբ նշանակված պատիժը պայմանականորեն չի կիրառվել և սահմանվել է փորձաշրջան 2 /երկու/ տարի ժամկետով։ Այդ դատավճռով հաստատվել է, որ` «Սամսոն Սամսոնի Սարգսյանը նախկինում դատված լինելով ՀՀ քրեական օրենսգրքի 268 հոդվածով, գործով չպարզված անձից, հանգամանքներում և ժամանակ, կրկին անգամ, առանց իրացնելու նպատակի` իր գործածման համար, ապօրինի ձեռք է բերել և Երևանի Արշակունյաց 2 հասցեում գտնվող մամուլի շենքում պահել է խոշոր չափերի` 0,095 գրամ «հերոին» տեսակի թմրամիջոց, որը նույն օրը ժամը 22։00-ի սահմաններում հայտնաբերվել է ոստիկանների կողմից։»։
ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործություն կատարելու համար ամբաստանյալ Էդմոնդ Էդուարդի Վարդանեսյանը ՀՀ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 2011թ. օգոստոսի 26-ի դատավճռով դատապարտվել է ազատազրկման 2 /երկու/ տարի ժամկետով։ Այդ դատավճռով հաստատվել է նաև, որ` «...Մարատ Աշոտի Գրիգորյանը մաս-մաս, տարբեր օրերի, յուրաքանչյուր անգամ 1-3 գրամ չափաբաժիններով, դրա մեկ գրամը` 35.000 ՀՀ դրամով, իր բնակության վայրում` Երևանի Տիգրան Մեծ փողոցում գտնվող «Սթար» սուպերմարկետի մոտակայքում, «հերոին» տեսակի թմրամիջոց է իրացրել Երևան քաղաքի բնակիչներ Արամ Ռազմիկի Վլասյանին, Վարազդատ Գրիգորի Գրիգորյանին և Էդմոնդ Էդուարդի Վարդանեսյանին։...»։
Քրեական գործի դատական քննության ընթացքում, դատական վիճաբանությունների փուլում, ճառով հանդես գալու ժամանակ` մեղադրանքը պաշտպանող դատախազը հայտարարեց, որ հրաժարվում է ամբաստանյալ Էդմոնդ Էդուարդի Վարդանեսյանին ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքից և շարունակում է մեղադրանքը պաշտպանել առաջադրված մյուս մեղադրանքների մասով։





Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.

Ամբաստանյալ Սամսոն Սամսոնի Սարգսյանի նախաքննական ցուցմունքներով այն մասին, որ առաջադրված մեղադրանքում իրեն մեղավոր է ճանաչում լիովին։ Շուրջ մեկ տարի է, ինչ ներարկման եղանակով գործածում է «ափիոն» տեսակի թմրամիջոց։ 2010թ. հուլիսին իր 098-58-87-37 հեռախոսահամարին զանգահարել է ՀՀ ԱՆ «Գորիս» ՔԿՀ-ում պատիժը կրող «գորիսեցի Լյովը»։ Վերջինս տեղյակ լինելով, որ ինքն օգտագործում է «ափիոն» տեսակի թմրամիջոց` հայտնել է, որ իր ծանոթներից մեկը, որի հեռախոսահամարն է 098-05-06-14, վաճառում է «ափիոն» տեսակի թմրամիջոց և նրանից կարելի է մշտապես օգտվել։ Թմրամիջոց ձեռքբերելու նպատակով, իր վերը նշված հեռախոսահամարով զանգահարել է 098-05-06-14 հեռախոսահամարին, որին պատասխանել է մի տղամարդ և ներկայացել է «Ղարաբաղցի Արթուր» անունով։ Վերջինիս հետ պայմանավորվել և Երևանի Հալաբյան փողոցի վրա գտնվող Ֆիզիկայի ինստիտուտի մոտ հանդիպել է նրան։ Վերջինիս ինքը ներկայացել է Կամո անունով, սակայն որոշ ժամանակ անց նրան հայտնել է իր իրական անունը։ Արթուրը խոսակցության ժամանակ ասել է, որ մեկ գրամը 17 ԱՄՆ դոլար գումարով վաճառում է «ափիոն» տեսակի թմրամիջոց և անհրաժեշտության դեպքում կարող է պարբերաբար մատակարարել։ Ինքը համաձայնվել է առաջարկված գնի հետ և նախնական պատվիրել է 20 գրամ «ափիոն» տեսակի թմրամիջոց ու տեղում վճարել է դրա արժեքը կազմող 340 ԱՄՆ դոլար գումարը։ Արթուրն ասել է, որ թմրամիջոցի գումարը նախապես պետք է վերցնի, որպեսզի այդ մասին հայտնի իր «շեֆին», որից էլ պետք է տեղեկանա թմրամիջոցի գտնվելու վայրի մասին։ Որոշ ժամանակ անց, շուրջ մեկուկես ժամ հետո, Արթուրի հետ, նրա ուղեկցությամբ գնացել է «Գլաձոր» համալսարանի մոտ։ Արթուրը ցույց է տվել շենքի հարևանությամբ գտնվող սյունը և հայտնել, որ դրա տակ է թաքցված պատվիրված 20 գրամ «ափիոնը»։ Ինքը մատնանշված տեղից վերցրել է թմրամիջոցն ու նախապես իր հետ վերցրած էլեկտրոնային կշեռքով կշռելուց և քաշի չափը ճշտելուց հետո` հեռացել է։
Դրանից հինգ օր անց, թմրամիջոց գնելու նպատակով, իր հեռախոսահամարից կրկին զանգահարել է Արթուրին, որի հետ պայմանավորվել և հանդիպել է Երևանի Վ. Մամիկոնյանի արձանի մոտ։ Հանդիպման ժամանակ Արթուրին հայտնել է, որ այս անգամ ցանկանում է գնել 30 գրամ «ափիոն» և նրան վճարել է դրա արժեքը կազմող 510 ԱՄՆ դոլար գումար։ Արթուրը վերցրել է գումարը և ասել, որ թմրամիջոցի գտնվելու վայրի մասին իրեն տեղյակ կպահեն և միասին կգնան այն վերցնելու։ Որոշ ժամանակ անց, Արթուրն ինչ-որ մեկի հետ հեռախոսով խոսելուց հետո ասել է, որ թմրամիջոցի տեղն իրեն հայտնի է։ Արթուրի ուղեկցությամբ գնացել է Երևան-Սևան մայրուղու վրա գտնվող «Արծիվ» հուշարձանի մոտ, որտեղ Արթուրը մատնացույց է արել քիչ հեռու տեղակայված «Արմեն» անվամբ հուշաքարը և հայտնել, որ դրա հետևում թաքցված է 30 գրամ «ափիոն» տեսակի թմրամիջոցը։ Ինքը տեղում կշռել է թմրամիջոցն ու համոզվելով, որ դրա քաշը 30 գրամ է` հեռացել է։
2010թ. օգոստոսի վերջին, թմրամիջոց գնելու նպատակով կրկին զանգահարել է Արթուրին և հանդիպել է նրա հետ Երևանի Վ. Մամիկոնյանի արձանի մոտ։ Նրան հայտնել է, որ կրկին ցանկանում է գնել 30 գրամ «ափիոն» տեսակի թմրամիջոց և տեղում նրան վճարել է դրա արժեքը կազմող 510 ԱՄՆ դոլար գումար։ Որոշ ժամանակ անց, Արթուրի ուղեկցությամբ գնացել է Երևան-Սևան մայրուղու վրա գտնվող «Արծիվ» հուշարձանի մոտ, որտեղ Արթուրը մատնացույց է արել «Արմեն» անվամբ հուշաքարը և հայտնել, որ դրա հետևում թաքցված է 30 գրամ «ափիոն» տեսակի թմրամիջոցը։ Ինքը վերցրել է թմրամիջոցը, տեղում կշռել է այն և համոզվելով, որ դրա քաշը 30 գրամ է` Արթուրին հրաժեշտ է տվել ու հեռացել։
2010թ. սեպտեմբերի վերջին, Արթուրից թմրամիջոց գնելու նպատակով, կրկին զանգահարել է նրան, սակայն վերջինս հայտնել է, որ քաղաքից բացակայում է և չի կարող անձամբ թմրամիջոցը վաճառել։ Ինքն Արթուրին ասել է, որ գտնվում է շատ ծանր վիճակում և ցանկանում է գնել 30 գրամ «ափիոն»։ Վերջինիս ցուցումով գնացել է Երևանի Դավիթաշեն թաղամասում գործող «Երևան Սիթի» խանութի մոտ, որտեղ հանդիպել է Արթուրի կնոջը և նրանից վերցրել 30 գրամ «ափիոն» տեսակի թմրամիջոց, որը թաքցված է եղել ծխախոտի տուփի մեջ։
Արթուրից գնած «ափիոն» տեսակի թմրամիջոցը ներարկվելու համար ձեռք է բերել «քացախաթթվի անհիդրիդ» և ներարկվել, որից նաև հյուրասիրել է իր մտերիմներին։
Էդմոնդ Վարդանեսյանին ճանաչում է շատ վաղուց, միասին ապրել են նույն թաղամասում ու գիտի, որ նա նույնպես թմրամոլ է։ 2010թ. օգոստոս-սեպտեմբեր ամիսների ընթացքում, իր կողմից վարձակալված, Երևանի Վարդանանց փողոցի թիվ 14 շենքի թիվ 4 բնակարանում բնակվելու ընթացքում Էդմոնդը հաճախակի այցելել է իրեն։ Ինքն իր 098-58-87-37 և 098-58-87-67 հեռախոսահամարներից հաճախակի զանգահարել է Էդմոնդ Վարդանեսյանի 077-24-55-48 հեռախոսահամարին և իրենք հանդիպել են։ Շուրջ 30 անգամ, յուրաքանչյուր անգամ մեկ «չեկ», որը 0,6-ական գրամ «ափիոն» տեսակի թմրամիջոց է ու դրան համապատասխան քանակի «քացախաթթվի անհիդրիդ», հյուրասիրել է Էդմոնդ Էդուարդի Վարդանեսյանին։
Գոհարիկ Աղայանը իր ընկերուհին է։ Նրա հետ միասին ապրել են իր կողմից վարձակալված, Երևանի Վարդանանց փողոցի թիվ 14 շենքի թիվ 4 բնակարանում։ Նա նույնպես թմրամոլ է։ Արթուրից ձեռքբերած թմրամիջոցից ինքը հյուրասիրել է նաև Գոհարին։
2010թ. օգոստոս-սեպտեմբեր ամիսների ընթացքում, շուրջ 20 անգամ, 0,5 գրամ ափիոնի հետ խառնել է համապատասխան քանակի «քացախաթթվի անհիդրիդ», որից պատրաստել է ներարկման համար պիտանի լուծույթ, որի մեծ մասը`«3 կուբը», որը պարունակում է 0,3 գրամ «ափիոն», ինքն է ներարկվել, իսկ մնացածը` «2 կուբը», որը պարունակում է 0,2 գրամ «ափիոն», ներարկվել է Գոհարիկը։
Ճանաչում է Վիգենին, Հայկին և Մոսոյին, որոնց հետ ծանոթացել է 2010թ. հուլիսին։ Վերջիններս հաճախակի այցելել են իր կողմից վարձակալված բնակարան։ Այդ ընթացքում, շուրջ 5 անգամ, իրենց տանը նրանց հյուրասիրել է «ափիոն» տեսակի թմրամիջոց։ Յուրաքանչյուր անգամ, 0,8 գրամ «ափիոնի» հետ խառնել է համապատասխան քանակի «քացախաթթվի անհիդրիդ», որը հավասարապես իր հետ միասին Վիգենը, Մոսոն և Հայկոն, ներարկվել են։
Ճանաչում է նաև տաքսու վարորդ Գևորգին, որի հետ ծանոթացել է 2010թ. ամռանը` տաքսի ծառայությունից օգտվելիս։ Վերջինս կռահել է, որ ինքն առնչություն ունի «ափիոն» տեսակի թմրամիջոցի հետ ու ցանկություն է հայտնել գնել թմրամիջոց։ Ինքը Գևորգին հայտնել է, որ «ափիոն» տեսակի թմրամիջոցի մեկ գրամը վաճառում է 20.000 ՀՀ դրամ գումարով։ 2010թ. սեպտեմբերի վերջին, Գևորգը 093-71-82-96 հեռախոսահամարից զանգահարել է իր 098-58-87-37 հեռախոսահամարին և ցանկություն է հայտնել գնել 1,5 գրամ «ափիոն» տեսակի թմրամիջոց։ Ինքը համաձայնվել է և պայմանավորվածության համաձայն, Երևան քաղաքի Խանջյան փողոցին հարակից տարածքում գտնվող Վարդան Մամիկոնյանի արձանի մոտ հանդիպել է Գևորգի կողմից ուղարկված տաքսու վարորդին։ Վերջինիցս ստացել է թմրամիջոցի գումարը` 30.000 ՀՀ դրամ գումարը և Գևորգին փոխանցելու համար տաքսու վարորդին տվել է թղթով փաթեթավորված 1,5 գրամ «ափիոն» տեսակի թմրամիջոց։
Արսեն Սանասարյանին ճանաչում է, նրա հետ գտնվում է մտերիմ, ընկերական հարաբերությունների մեջ։ Տեղյակ է, որ նա նույնպես օգտագործում է «ափիոն» տեսակի թմրամիջոց։ Արթուրից ձեռքբերած թմրամիջոցից Արսենին նույնպես հյուրասիրել է։ 2010 թվականի օգոստոս-սեպտեմբեր ամիսների ընթացքում, իր վարձակալած բնակարանում, երեքից չորս անգամ Արսենին հյուրասիրել է «քացախաթթվի անհիդրիդով» լուծված, ներարկման համար պիտանի «ափիոնի» լուծույթ։ Յուրաքանչյուր անգամ Արսենին հյուրասիրած «ափիոնի» չափը եղել է 0,2 գրամ։
2010թ. սեպտեմբերին Արսենից տեղեկացել է, որ նրա ծանոթ, ազգությամբ պարսիկ Համեդը, մեկ գրամը 8000 ՀՀ դրամ գումարով վաճառում է «ափիոն» տեսակի թմրամիջոց։ Խնդրել է Արսենին, որ նա իր համար Համեդից գնի 10 գրամ «ափիոն»։ Արսենին տվել է 80.000 ՀՀ դրամ գումար և միասին գնացել են Երևանի Կուտուզովի անվան փողոցի խաչմերուկում գտնվող «Ֆրեշ» խանութի մոտ, որտեղ Արսենը հանդիպել է Համեդին, վճարել է գումարը ու իր համար գնել է 10 գրամ «ափիոն» տեսակի թմրամիջոց։ Ձեռքբերած թմրամիջոցը գործածելուց հետո, կրկին դիմել է Արսենին ու խնդրել, որ Համեդից գնի ևս 15 գրամ «ափիոն» տեսակի թմրամիջոց։ Արսենին տվել է 120.000 ՀՀ դրամ գումար, միասին գնացել են «Ֆրեշ» խանութի մոտ, որտեղ Արսենը հանդիպել է Համեդին և իր համար գնել է 15 գրամ «ափիոն» տեսակի թմրամիջոց։
Անձնական խուզարկությամբ իր մոտից հայտնաբերված 0,9 գրամ «ափիոն» տեսակի թմրամիջոցը ձեռք է բերել Արթուրից, այն պատկանում է իրեն ու պահել է իր գործածման համար։ Իր վարձակալած բնակարանից հայտնաբերված երկու էլեկտրոնային կշեռքները պատկանում են իրեն, դրանք օգտագործել է ափիոնը կշռելու համար։
/հատոր 1 գ.թ.100-103, հատոր 2, գ.թ. 85-86, 106-107, հատոր 3, գ.թ 4-5, 28-29, 182-183, 207/
Ամբաստանյալ Սամսոն Սամսոնի Սարգսյանն իր նախաքննական ցուցմունքները պնդել է նաև Գարիկ Ոսկանյանի, Էդմոնդ Վարդանեսյանի, Արսեն Սանասարյանի, Գոհար Աղայանի հետ առերես հարցաքննությունների ժամանակ։
/հատոր 2, գ.թ.76-77, 95-96, 97-98, 101-102/
Դատարանում ամբաստանյալ Սամսոն Սամսոնի Սարգսյանը ցուցմունք տվեց այն մասին, որ իրեն ճանաչում են նաև «Սոս» անունով։ Իր նախաքննական ցուցմունքները իրականությանը չեն համապատասխանում։ Իրեն ոստիկանները ծեծի են ենթարկել և նրանց պահանջով ցուցմունքներ է գրել այն մասին, որ թմրամիջոցներ է իրացրել։ Ինքը համաձայնվել է և մյուս ամբաստանյալներին ևս խնդրել է ցուցմունք տալ այն մասին, որ իրենից են գնել թմրամիջոցը։ Իր նկատմամբ գործադրված բռնությունների մասին որևէ մեկին չի հայտնել, չնայած գտնվել է ազատության մեջ և կարող էր դա անել։
/դատական նիստի արձանագրություն/։
Ամբաստանյալ Գարիկ Էդիկի Ոսկանյանի նախաքննական ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում։ 2007թ. Քաջարանում պատահական ծանոթացել է ազգությամբ պարսիկ Ամիրի հետ, որի հետ մինչև 2009 թվականը մտերմություն է արել։ Հետագայում իրենց միջև կապն ընդատվել է մինչև 2010 թվականի օգոստոսը։ 2010թ. օգոստոսի 1-ին իր 098-05-06-14 հեռախոսահամարին զանգահարել է Ամիրն ու հրավիրել «Մշո Ամրոց» հյուրանոց։ Ինքը համաձայնվել է ու գնացել հանդիպման, որտեղ խոակցության ժամանակ Ամիրն ասել է, որ կարող է «ափիոն» տեսակի թմրամիջոց մատակարարել։ Առաջարկել է իրենից մեկ գրամը 15 ԱՄՆ դոլար գումարով գնել «ափիոն» տեսակի թմրամիջոց և ավելի թանկ գնով վերավաճառել։ Ինքն ասել է, որ թմրամիջոցը վաճառելու «կանալ» չունի, այդ հարցով կհետաքրքրվի և կպատասխանի։ «Ափիոնի» իրացումն ապահովելու նպատակով զանգահարել է ՀՀ ԱՆ «Սևան» ՔԿՀ-ում պատիժ կրող իր աներորդի Աշոտին և հետաքրքրվել «ափիոն» տեսակի թմրամիջոց գործածող անձանց մասին։ Վերջինս խոստացել է օգնել իրեն այդ հարցով։ Որոշ ժամանակ անց իր հեռախոսին զանգահարել է ոմն Լյովա և ներկայացել որպես Աշոտի ծանոթ։ Ինքը հայտնել է, որ ունի «ափիոն» տեսակի թմրամիջոց և ցանկանում է վստահելի անձի միջոցով վաճառել այն։ Լյովան իրեն է փոխանցել 098-58-87-67 հեռախոսահամարը և հայտնել, որ դա իր ծանոթ Կամոյի համարն է, վերջինս վստահելի մարդ է և նրա հետ կարելի է ազատ գործ անել։ Իր 098-05-06-14 հեռախոսահամարից զանգահարել է Լյովայի կողմից տրված 098-58-87-67 հեռախոսահամարին, որին պատասխանել է մի տղամարդ ու ներկայացել Կամո անունով։ Ինքը թաքցրել է իր իրական անունն ու Կամոյին ներկայացել է որպես «ղարաբաղցի Արթուր»։ Կամոյի հետ պայմանավորվել և հանդիպել է Երևանի Հալաբյան փողոցի վրա գտնվող Ֆիզիկայի ինստիտուտի մոտ։ Հանդիպման ժամանակ Կամոյին ասել է, որ ունի «ափիոն» տեսակի թմարմիջոց և մեկ գրամը վաճառում է 17 ԱՄՆ դոլար գումարով։ Կամոն համաձայնվել է, պատվիրել է 20 գրամ ափիոն և տեղում վճարել է 340 ԱՄՆ դոլար գումար։ Ինքը Կամոյին ասել է, որ հաջորդ օրը կհայտնի, թե որտեղ է լինելու թմրամիջոցը և նա այնտեղից կվերցնի այն։ Նույն օրը «Մշո Ամրոց» հյուրանոցում հանդիպել է Ամիրի հետ, որին տվել է 300 ԱՄՆ դոլար գումար և նրանից տեղեկացել է, որ 20 գրամ «ափիոնը» թաքցված է լինելու Գլաձոր համալսարանի հարևանությամբ գտնվող սյան տակ։ Հաջորդ օրը Կամոյին ուղեկցել է նշված վայր, որտեղից վերջինս վերցրել է 20 գրամ «ափիոն» տեսակի թմրամիջոցը։ Կամոն իրեն հյուրասիրելու նպատակով հրավիրել է իրենց տուն։ Նրա բնակարանում գտնվելու ընթացքում, զրույցի ժամանակ վերջինս խոստովանել է, որ իր իրական անունը ոչ թե Կամո է, այլ Սոս։
Դրանից շուրջ հինգ օր անց Սոսը զանգահարել է իրեն և պայմանավորվել են հանդիպել Վ.Մամիկոնյանի արձանի մոտ։ Նշված վայրում Սոսը վճարել է 510 ԱՄՆ դոլար գումար և պատվիրել է 30 գրամ «ափիոն»։ Ինքն այդ գումարից 450 ԱՄՆ դոլար գումարը «Մշո Ամրոց» հյուրանոցում փոխանցել է Ամիրին, որից տեղեկացել է, որ 30 գրամ «ափիոնը» թաքցված է լինելու Երևան-Սևան մայրուղու վրա գտնվող «Արմեն» հուշաքարի հետևում։ Հաջորդ օրը Սոսին ուղեկցել է նշված վայր և հուշաքարի հետևից Սոսը վերցրել է 30 գրամ «ափիոնը»։
Դրանից մեկ շաբաթ անց, կրկին հանդիպել է Սոսին, որը տվել է 510 ԱՄՆ դոլար գումար և պատվիրել է ևս 30 գրամ «ափիոն» տեսակի թմրամիջոց։ Վերցված գումարից 450 դոլարն ինքը տվել է Ամիրին և նրանից տեղեկացել, որ նշված քանակության ափիոնը կրկին թաքցված է լինելու «Արմեն» հուշաքարի հետևում։ Սոսի հետ միասին գնացել են նշված վայր և հուշաքարի հետևից Սոսը վերցրել է 30 գրամ «ափիոն» տեսակի թմրամիջոցը։
2010թ. սեպտեմբերի 07-ին, խնջույքի մասնակցելու համար Ամիրն իրեն հրավիրել է Սևան, որտեղ տվել է 30 գրամ «ափիոն» տեսակի թմրամիջոց` հետագայում գումարը վերցնելու պայմանով։ Նշված «ափիոնն» ինքը թաքցրել է ծխախոտի տուփի մեջ և պահել տանը։
Մի քանի օր անց Սոսը կրկին զանգահարել է իրեն և խնդրել է 30 գրամ «ափիոն» տեսակի թմրամիջոց, բայց քանի որ այդ պահին ինքը գտնվել է քաղաքից հեռու, այդ պատճառով կնոջը` Նարինեին խնդրել է, որ Դավիթաշենի «Երևան Սիթի» խանութի մոտ հանդիպի Սոսին և նրան փոխանցի ծխախոտի տուփը։ Ծխախոտի տուփի մեջ եղել է 30 գրամ «ափիոն» տեսակի թմրամիջոց, որից իր կինը տեղյակ չի եղել։
/հատոր 2, գ.թ. 23-28, 57/
Ամբաստանյալ Գարիկ Էդիկի Ոսկանյանն իր նախաքննական ցուցմունքները պնդել է նաև Սամսոն Սամսոնի Սարգսյանի հետ առերես հարցաքննության ժամանակ։
/հատոր 2, գ.թ. 101-102/
Դատարանում ամբաստանյալ Գարիկ Էդիկի Ոսկանյանը ցուցմունք տվեց այն մասին, որ իր նախաքննական ցուցմունքները գրվել են պարտադրանքի, սպառնալիքի տակ և հարմարեցվել են Սամսոն Սարգսյանի կողմից նախաքննության ժամանակ տրված ցուցմունքների հետ։ Սամսոն Սարգսյանի հետ իրականում իրեն ծանոթացրել է Վիտալիկը, որին նաև Լյով էին ասում։ Վերջինիս մասին նախաքննության մարմնին չի հայտնել, քանի որ մտածել է, որ նա գտնվում է Դուբայում և կարիք չկա նրա մասին հայտնել։ Իր դերակատարությունը կայացել է միայն նրանում, որ օգնել է Ամիրին թմրամիջոցները վաճառելու հարցում։ Թմրամիջոցների վաճառքից ինքը որևէ օգուտ չի ունեցել։ Ամիրից վերջին անգամ վերցրած և կնոջ միջոցով Սամսոնին փոխանցած թմրամիջոցը Ամիրից վերցրել էր այն պատճառով, քանի որ Սամսոնն իրեն բազմիցս ասել էր, որ թմրամիջոցի քաշը յուրաքանչյուր անգամ պակաս է լինում և դա նախատեսված էր այդ պակասը լրացնելու համար։ Կինը թմրամիջոցի մասին ոչինչ չի իմացել։
Դատական վիճաբանությունների փուլում հանդես գալով ճառով` ամբաստանյալ Գարիկ Ոսկանյանը հայտարարեց, որ առաջադրված մեղադրանքում իրեն լիովին մեղավոր է ճանաչում և զղջում է կատարածի համար։
/դատական նիստի արձանագրություն/։
Ամբաստանյալ Էդմոնդ Էդուարդի Վարդանեսյանի ցուցմունքներով այն մասին, որ առաջադրված մեղադրանքում իրեն մեղավոր է ճանաչում մասնակիորեն։ Սամսոն Սարգսյանին ճանաչում է շատ վաղուց, իրենք միասին ապրել են միևնույն թաղամասում։ 1992թ. մեկնել է Մոսկվա, որտեղ զբաղվել է տարբեր աշխատանքներով։ ՌԴ-ում բնակվելու ընթացքում մի քանի անգամ տարբեր հանցագործություններ կատարելու համար դատապարտվել է ազատազրկման։ Պատիժը կրելու ընթացքում սկսել է գործածել տարբեր տեսակի թմրամիջոցներ։ 2010թ. հունվարին ազատվել է պատիժը կրելուց։ 2010թ. մարտին, հոր մահվան պատճառով վերադարձել է Հայաստան։ 2010թ. օգոստոսին իրենց թաղամասում հանդիպել է Սոսին, որի հետ զրույցի ընթացքում վերջինս հայտնել է, որ գործածում է «ափիոն» տեսակի թմրամիջոց և ցանկության դեպքում կարող է վաճառել։ Սոսն ասել է, որ վարձակալությամբ բնակվում է Վարդանանց փողոցում։ Նա հայտնել է, որ «ափիոնի» մեկ չեկը, որի քաշը կազմում է 0,6 գրամ, անհիդրիդի հետ միասին վաճառում է 20.000 ՀՀ դրամ գումարով։ Իրենք փոխանակվել են հեռախոսահամարներով ու մի քանի օր հետո ինքն իր 077-24-55-48 հեռախոսահամարից զանգահարել է Սոսին և հանդիպել են Երևանի Վարդանանց փողոցի վրա գտնվող շենքի բակում։ Սոսն իրեն հրավիրել է տուն, որտեղ ինքը Սոսին վճարել է 20.000 ՀՀ դրամ գումար, գնել է մեկ չեկ` 0,6 գրամ «ափիոն» տեսակի թմրամիջոց և դրա պատրաստման համար համապատասխան քանակի` 0,5 մլ «քացախաթթվի անհիդրիդ»։ Սոսից գնած թմրամիջոցը ներարկման եղանակով գործածել է։
Այնուհետև, օգոստոս-սեպտեմբեր ամիսների ընթացքում, պարբերաբար, շուրջ 30 անգամ, Սոսից գնել է «ափիոն» տեսակի թմրամիջոց։ Յուրաքանչյուր անգամ, 20.000 ՀՀ դրամ գումարով գնել է մեկ չեկ` 0,6 գրամ «ափիոն» տեսակի թմրամիջոց և դրան համապատասխան քանակի «քացախաթթվի անհիդրիդ»։ Լսել է, որ Սոսը թմրամիջոցը ձեռք է բերում Արթուր անունով անձնավորությունից, որին ինքը չի ճանաչում։
Արթուր Ավետիսյան անուն-ազգանունով անձնավորությանը ինքը ճանաչում է, վերջինս նոր է եկել Ռոսաստանից և նրա հետ հաճախակի հեռախոսով խոսել է։ Նույնիսկ հանդիպել է նրա հետ, սակայն Արթուրին «մարիխուանա» տեսակի թմրամիջոց չի հյուրասիրել։
/դատական նիստի արձանագրություն, հատոր 2, գ.թ. 73-74, 80, հատոր 3, գ.թ. 176-177, 199/
Ամբաստանյալ Էդմոնդ Էդուարդի Վարդանեսյանն իր նախաքննական ցուցմունքները պնդել է նաև Սամսոն Սամսոնի Սարգսյանի հետ առերես հարցաքննության ժամանակ։
/հատոր 2, գ.թ. 76-77/
Ամբաստանյալ Արսեն Գաբրիելի Սանասարյանի ցուցմունքներով այն մասին, որ առաջադրված մեղադրանքում իրեն մեղավոր է ճանաչում լիովին։ Շուրջ երկու տարի է, ինչ ներարկման եղանակով գործածում է «ափիոն» տեսակի թմրամիջոց։ Շուրջ 10 տարի առաջ ծանոթացել է Սոսի հետ, որի հետ գտնվել է մտերիմ հարաբերությունների մեջ։ 2010թ. օգոստոսին պատահաբար հանդիպել է Սոսին և զրույցի ընթացքում տեղեկացել, որ նա նույնպես գործածում է «ափիոն» տեսակի թմրամիջոց։ Օգոստոս-սեպտեմբեր ամիսների ընթացքում հաճախակի այցելել է Սոսի կողմից վարձակալված, Երևանի Վարդանանց փողոցի թիվ 14 շենքի թիվ 4 բնակարան, որտեղ շուրջ 10 անգամ Սոսն իրեն հյուրասիրել է «ափիոն» տեսակի թմրամիջոց։ Յուրաքանչյուր անգամ Սոսը 0.4 գրամ «ափիոնի» հետ խառնել է համապատասխան քանակությամբ «քացախաթթվի անհիդրիդ», պատրաստել է ներարկման համար պիտանի լուծույթ, որը հավասարապես երկուսով ներարկվել են։ Սոսի կողմից իրեն հյուրասիրած «ափիոնի» չափաբաժինը յուրաքանչյուր անգամ եղել է 0,2 գրամ, որի համար Սոսին գումար չի վճարել։
2010թ. սեպտեմբերին, իր ծանոթներից մեկի միջոցով իմացել է, որ ազգությամբ պարսիկ ոմն Համեդը, որի հեռախոսահամարն է 098-24-13-33, մեկ գրամը 8000 ՀՀ դրամ գումարով վաճառում է «ափիոն» տեսակի թմրամիջոց։ Այդ մասին հայտնել է իր ծանոթ Սոսին, որը գտնվելով ծանր վիճակում` իրենից խնդրել է, որ Համիդից գնի 10 գրամ «ափիոն» տեսակի թմրամիջոց։ Սոսի խնդրանքով իր 098-00-95-32 հեռախոսահամարից զանգահարել է Համեդի 098-24-13-33 հեռախոսահամարին և նրա հետ պայմանավորվել ու հանդիպել է Երևանի Կուտուզովի փողոցի վրա գտնվող «Ֆրեշ» խանութի մոտ։ Սոսի կողմից տրված 80.000 ՀՀ դրամ գումարով Համեդից գնել է 10 գրամ «ափիոն» տեսակի թմրամիջոց, որը տվել է Սոսին։ Որոշ ժամանակ անց, Սոսի խնդրանքով կրկին զանգահարել է Համեդին և ցանկություն է հայտնել գնել 15 գրամ «ափիոն»։ Համեդի հետ պայմանավորվել ու հանդիպել է նույն վայրում և Սոսից վերցրած 120.000 ՀՀ դրամ գումարով գնել է 15 գրամ «ափիոն» տեսակի թմրամիջոց, որը կրկին փոխանցել է Սոսին։ Սոսի ծանոթներից ճանաչում է «Ղարաբաղցի Արթուրին», որի հետ ծանոթացել է Վ. Մամիկոնյանի արձանի մոտ, սակայն տեղյակ չէ նրա և Սոսի փոխհարաբերությունների մասին։
/դատական նիստի արձանագրություն, հատոր 1, գ.թ. 110-112/
Ամբաստանյալ Արսեն Գաբրիելի Սանասարյանն իր նախաքննական ցուցմունքները պնդել է նաև Համեդ Համիդի Ամիրիի և Սամսոն Սամսոնի Սարգսյանի հետ առերես հարցաքննությունների ժամանակ։
/հատոր 1, գ.թ. 239-240, հատոր 2, գ.թ. 97-98/
Ամբաստանյալ Արսալան Ղոլամռեզայի Քիումարսիի նախաքննական ցուցմունքներով այն մասին, որ ուսման նպատակով շուրջ 5 տարի է, ինչ բնակվում է Հայաստանում։ Ճանաչում է Համեդ Համիդի Ամիրիին, որի հետ ծանոթացել է 3-4 տարի առաջ և նրա հետ գտնվում է ընկերական հարաբերությունների մեջ։ 2010թ. սեպտեմբերի 24-ին, առավոտյան, Երևանի Կուտուզովի փողոցի վրա գտնվող, իր կողմից վարձակալված բնակարան է եկել Համեդը և շուրջ 30 րոպե մնալուց հետո հեռացել է։ Նրա գնալուց 4-5 ժամ հետո, անձնական գործերով տանից դուրս է եկել և Կուտուզովի փողոցի վրա պատահական հանդիպել է Համեդին։ Վերջինս իրեն փոխանցել է մի փաթեթ, որի պարունակության մասին ինքը չի իմացել և խնդրել է այն մի քանի րոպեյով պահել։ Համեդից վերցրած փաթեթը պահել է իր գրպանում` մինչև որ Համեդը գնա մոտակա խանութ և վերադառնալուց հետո այն վերցնի։ Համեդի գնալուց 7-8 րոպե հետո մոտեցել են ոստիկանության աշխատակիցները և իրեն բերման ենթարկել ոստիկանություն։ Ինքը տեղյակ չի եղել, որ Համեդի կողմից տրված փաթեթի մեջ եղել է «ափիոն» տեսակի թմրամիջոց։ Առաջադրված մեղադրանքում իրեն մեղավոր չի ճանաչում։
/հատոր 1, գ.թ. 250-252, հատոր 2, գ.թ. 43-44/
Ամբաստանյալ Արսալան Ղոլամռեզայի Քիումարսին իր նախաքննական ցուցմունքները պնդել է նաև Համեդ Համիդի Ամիրիի հետ առերես հարցաքննության ժամանակ։
/հատոր 1, գ.թ. 253-254/
Ամբաստանյալ Արսալան Ղոլամռեզայի Քիումարսին դատարանում ցուցմունք տվեց այն մասին, որ իր մոտից հայտնաբերված թմրամիջոցն իրականում իրենն է եղել։ Այն վերցրել է Երևանում գտնվող, Սուլեյման անունով զբոսաշրջիկից։ Ամբաստանյալ Համեդ Ամիրին իր մոտ հայտնաբերված թմրամիջոցի հետ որևէ կապ չունի։ Նախաքննության ժամանակ հայտնել է, որ թմրամիջոցը Համեդինն է եղել, քանի որ իրեն ծեծի են ենթարկել և սպառնացել են, որ կդատապարտեն 10 տարվա ազատազրկման։ Ինքն է Համեդին ասել, որ վերջինս քննիչին հայտնի, որ իրեն հանդիպել է չորս օր առաջ, որպեսզի Համեդը խնդիրներ չունենա։ Իր նկատմամբ կատարված ապօրինությունների մասին չի հայտնել դատարանին` իր նկատմամբ կալանավորումը որպես խափանման միջոց ընտրելիս, քանի որ վախեցած է եղել և իրեն վատ է զգացել։
/դատական նիստի արձանագրություն/
Վկա Արթուր Հրաչյայի Գինոսյանի նախաքննական ցուցմունքներով այն մասին, որ 2008 թվականից աշխատում է «Կառավելա» տաքսի ծառայությունում որպես վարորդ։ 2010 թվականի սեպտեմբերին, կոնկրետ օրը չի հիշում, իրենց տաքսի ծառայության վարորդ Գևորգ Թորոսյանի կանչով գնացել է նրանց շենքի բակ, որտեղ Գևորգն իրեն է տվել 30.000 ՀՀ դրամ գումար և բջջային հեռախոսահամարներ։ Ինքը պետք է զանգահարեր այդ հեռախոսահամարներով, հանդիպեր Գևորգի ծանոթին և նրան փոխանցեր 30.000 ՀՀ դրամ գումար։ Վերջինս պետք է իրեն տար մի փաթեթ, որը պետք է տար Գևորգին։ Գևորգից ստանալով ծառայության վճարը կազմող 2000 ՀՀ դրամ գումարը` իր 077-70-50-86 հեռախոսահամարից զանգահարել է Գևորգի կողմից տրված բջջային հեռախոսահամարներին։ Պայմանավորվածության համաձայն, Երևանի Խանջյան փողոցում հանդիպել է հեռախոսահամարին պատասխանած անձնավորության հետ, որի անունը չի հիշում, նրան է տվել Գևորգի փոխանցած 30.000 ՀՀ դրամ գումարն ու նրանից վերցրել թղթի փաթեթ։ Նշված փաթեթը նույն օրը փոխանցել է Գևորգին նրանց շենքի բակում։ Գևորգն իրեն չի ասել, թե թղթի փաթեթի մեջ ինչ է եղել, իսկ ինքը դրա պարունակությունը չի ստուգել։
/հատոր 3, գ.թ. 19-20, 33/
Վկա Գոհար Հրաչյայի Աղայանի նախաքննական ցուցմունքներով այն մասին, որ 2009թ. գիշերային ակումբում պատահական ծանոթացել է Սոսի հետ։ Հետագայում իրենց հարաբերություններն ավելի են մտերմացել և սկսել են ավելի հաճախակի հանդիպել։ Սոսի հետ շփման ժամանակ հասկացել է, որ վերջինս գործածում է «ափիոն» տեսակի թմրամիջոց, սակայն այդ մասին նրա հետ չի խոսել։ 2010թ. օգոստոսին տեղափոխվել է և սկսել է համատեղ բնակվել Սոսի հետ, նրա կողմից վարձակալված` Երևանի Վարդանանց փողոցի թիվ 14 շենքի թիվ 4 բնակարանում։ Նշված տանը բնակվելու ընթացքում նկատել է, որ Սոսին հաճախակի այցելում են տարբեր մարդիկ, որոնք իր կարծիքով տան մեջ «ափիոն» տեսակի թմրամիջոց են գործածել։ Հերթական անգամ, Սոսի հետ խոսելու ժամանակ նրան ասել է, որ ինքը ժամանակին օգտագործել է «ափիոն» տեսակի թմրամիջոց և ցանկություն է հայտնել կրկին գործածել։ Դրանից հետո հաճախակի Սոսն իր ներկայությամբ «ափիոնից» պատրաստել է ներարկման համար պատրաստի լուծույթ, որը միասին օգտագործել են։ Քանի որ ինքն անձամբ չի կարողացել իրեն թմրամիջոց ներարկել, այդ պատճառով Սոսն է իրեն ներակել։
2010թ. օգոստոս-սեպտեմբեր ամիսների ընթացքում, Սոսի կողմից վարձակալված, Երևանի Վարդանանց փողոցի թիվ 14 շենքի թիվ 4 բնակարանում, շուրջ 20 անգամ Սոսն իրեն ներարկել է «ափիոն» տեսակի թմրամիջոց։ Յուրաքանչյուր անգամ Սոսը ներարկել է 2 «կուբ», որը պարունակել է շուրջ 0,2 գրամ «ափիոն»։ Ինքը կասկածներ ունի, որ Սոսը թմրամիջոցը ձեռք է բերել «Ղարաբաղցի Արթուրից», քանի որ ամեն անգամ նրան հանդիպելուց հետո Սոսի մոտ նկատել է մեծ քանակությամբ «ափիոն» տեսակի թմրամիջոց։ Սոսին հաճախակի այցելել են նրա ծանոթներից Արսենը, Ծիպոն, Վիգենը, Հայկը և Մոսոն, որոնց նույնպես Սոսը թմրամիջոց է հյուրասիրել։
/հատոր 1. գ.թ. 90-93, հատոր 2, գ.թ. 119/
Վկա Գոհար Հրաչիկի Աղայանն իր նախաքննական ցուցմունքները պնդել է նաև Սամսոն Սամսոնի Սարգսյանի հետ առերես հարցաքննության ժամանակ։
/հատոր 2, գ.թ. 95-96/
Վկա Գևորգ Հրաչի Թորոսյանի նախաքննական ցուցմունքներով այն մասին, որ աշխատում է «Կառավելա» տաքսի ծառայությունում որպես վարորդ։ 2010թ. ամռանը աշխատանքի ընթացքում ծանոթացել է Սոսի հետ, որն այդ ընթացքում որպես հաճախորդ հաճախակի օգտվել է իր մեքենայից։ Սոսին սպասարկելու ընթացքում, լսելով նրա հեռախոսային խոսակցությունների բովանդակությունը` հասկացել է, որ վերջինս առնչություն ունի «ափիոն» տեսակի թմրամիջոցի հետ։ Հետագայում, հերթական անգամ Սոսին սպասարկելու ժամանակ նրանից հետաքրքրվել է, թե արդյոք կարող է ձեռք բերել «ափիոն» տեսակի թմրամիջոց։ Սոսն իրեն հայտնել է, որ մեկ գրամը 20.000 ՀՀ դրամ գումարով վաճառում է «ափիոն» տեսակի թմրամիջոց և անհրաժեշտության դեպքում կարող է նաև իրեն վաճառել։ 2010թ. սեպտեմբերի 19-ին իր 093-71-82-96 հեռախոսահամարից զանգահարել է Սոսի 098-58-87-37 բջջային հեռախոսահամարին և նրան ասել, որ ցանկանում է գնել 1,5 գրամ «ափիոն» տեսակի թմրամիջոց։ Սոսի հետ պայմանավորվել է, որ ինքը տաքսու վարորդի հետ կուղարկի թմրամիջոցի գումարը` 30.000 ՀՀ դրամը և նույն տաքսիով էլ Սոսն իրեն կուղարկի թմրամիջոցը։ Պայմանավորվածությունից հետո զանգահարել է իրեն փոխարինող, տաքսու վարորդ Արթուր Հրաչյայի Գինոսյանի 077-70-50-86 հեռախոսահամարին, որին վճարել է 2000 ՀՀ դրամ գումար, պատվիրել է հանդիպելու համար զանգահարել Սոսի հեռախոսահամարին։ Ա. Գինոսյանը Սոսին է փոխանցել 30.000 ՀՀ դրամ գումարը և նրանից վերցրել փաթեթը, որի մեջ եղել է 1.5 գրամ «ափիոն» տեսակի թմրամիջոց։ Նշված փաթեթը իրենց շենքի բակում Ա. Գինոսյանը տվել է իրեն։ Նույն օրը նշված թմրամիջոցը կուլ տալու միջոցով ինքը գործածել է։ Արթուր Գինոսյանին ինքը չի հայտնել, որ Սոսի փոխանցած փաթեթի մեջ թմրամիջոց է եղել։
/հատոր 3, գ.թ.13-14, 70-71, 190/
Վկա Գևորգ Հրաչի Թորոսյանը դատարանում ցուցմունք տվեց այն մասին, որ իրականում Սամսոն Սարգսյանն իրեն ոչ թե «ափիոն» տեսակի թմրամիջոց է ուղարկել, այլ դեղահաբեր։ Այդ մասին քննիչին հայտնել է, սակայն վերջինս ասել է, որ տարբերություն չկա, թե փոխանցված փաթեթում «ափիոն» է եղել, թե դեղահաբեր, միևնույն է քրեորեն պատժելի արարք է կատարվել։ Չի կարող բացատրել, թե ինչպես են իր մազի փորձանմուշում հայտնաբերվել «ափիոն» տեսակի թմրամիջոցի հետքեր։
/դատական նիստի արձանագրություն/
Դատաքիմիական փորձաքննության 23.09.2011թ. թիվ 527Ք եզրակացությամբ, որի համաձայն`
«1. Փորձաքննության ներկայացված 0,9 գրամ հաստատուն քաշով նյութը հանդիսանում է ափիոն տեսակի թմրամիջոց։
2. Փորձաքննության ներկայացված թվով վեց բամբակյա խծուծներում հայտնաբերվեցին ափիոն տեսակի թմրամիջոցի հետքեր»։
/հատոր 1, գ.թ. 63-65/
Դատաքիմիական փորձաքննության 24.09.2011թ. թիվ 532Ք եզրակացությամբ, որի համաձայն` «Փորձաքննության ներկայացված 16,1 /15,3 գրամ և 0,8 գրամ/ հաստատուն քաշով նյութը հանդիսանում է ափիոն տեսակի թմրամիջոց»։
/հատոր 1, գ.թ. 184-186/
Տոքսիկոքիմիական փոձաքննության 28.09.2011թ. թիվ 10-2547 եզրակացությամբ, որի համաձայն` «Գոհար Հրաչիկի Աղայանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ. 162-164/
Տոքսիկոքիմիական փոձաքննության 28.09.2011թ. թիվ 10-2546 եզրակացությամբ, որի համաձայն` «Սամսոն Սամսոնի Սարգսյանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ.165-167/
Տոքսիկոքիմիական փոձաքննության 28.09.2011թ. թիվ 10-2573 եզրակացությամբ, որի համաձայն` «Համեդ Համիդի Ամիրիից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ.168-170/
Տոքսիկոքիմիական փոձաքննության 28.09.2011թ. թիվ 10-2574 եզրակացությամբ, որի համաձայն` «Արսալան Ղոլամռեզայի Քիումարսիից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ.171-173/
Տոքսիկոքիմիական փոձաքննության 28.09.2011թ. թիվ 10-2545 եզրակացությամբ, որի համաձայն` «Արսեն Գաբրիելի Սանասարյանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ. 174-176/
Տոքսիկոքիմիական փոձաքննության 28.09.2011թ. թիվ 10-2972 եզրակացությամբ, որի համաձայն` «Գևորգ Հրաչիկի Թորոսյանից վերցված մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 3, գ.թ. 48-50/
Տոքսիկոքիմիական փոձաքննության 28.09.2011թ. թիվ 10-2544 եզրակացությամբ, որի համաձայն` «Մովսես Աշոտի Ախիջանյանից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ.177-179/
Տոքսիկոքիմիական փոձաքննության 28.09.2011թ. թիվ 10-2541 եզրակացությամբ, որի համաձայն` «Հայկ Արմենի Խաչատրյանից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 2, գ.թ.186-188/
Տոքսիկոքիմիական փոձաքննության 06.10.2010թ. թիվ 10-2589 եզրակացությամբ, որի համաձայն` «Էդմոնդ Էդուարդի Վարդանեսյանից վերցված մեզի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ»։
/հատոր 3, գ.թ.10-12/
Դեպքի վայրը մեղադրյալի կողմից մատնացույց անելու և զննելու մասին 13.10.2010թ. արձանագրությամբ, որի համաձայն` Սամսոն Սարգսյանը մատնացույց է արել Երևանի Արգիշտի փողոցի վրա գտնվող, Գլաձոր համալսարանի հարևանությամբ առկա էլեկտրական հենասյունը։ Նա հայտարարել է, որ Գարիկ Ոսկանյանից տեղեկացել է, որ նշված սյան տակ թաքցված է 20 գրամ «ափիոն» տեսակի թմրամիջոցն ու այնտեղից ձեռք է բերել նշված քանակությամբ թմրամիջոցը։
Սամսոն Սարգսյանը մատնացույց է արել նաև Երևան-Սևան մայրուղու վրա գտնվող, «Արծիվ» հուշարձանի հարևանությամբ կառուցված, «Արմեն» գրառմամբ հուշաքարը և հայտարարել, որ Գարիկ Ոսկանյանից տեղեկացել է, որ նշված հուշաքարի հետևում թաքցված է «ափիոն» տեսակի թմրամիջոցը։ Երկու անգամ նշված վայրից ձեռք է բերել 30-ական գրամ քաշով «ափիոն» տեսակի թմրամիջոց։
/հատոր 2, գ.թ. 235-238/
Դատաքիմիական փորձաքննության 19.10.2010թ. թիվ 571ք եզրակացությամբ, որի համաձայն` «Փորձաքննության ներկայացված կշեռքների նժարների վրա հայտնաբերվել են «ափիոն» տեսակի թմրամիջոցի հետքեր»։
/հատոր 2, գ.թ. 250-252/
Դատանարկոլոգիական փորձաքննության 16.11.2010թ. թիվ 310/10 եզրակացությամբ, որի համաձայն` «Արսեն Գաբրիելի Սանասարյանը տառապում է «Ափիոնային թմրամոլությամբ», հարկադիր բուժման կարիք ունի, որի համար հակացուցումներ չկան»։
/հատոր 3, գ.թ. 81-82/
Դատանարկոլոգիական փորձաքննության 17.11.2011թ. թիվ 314/10 եզրակացությամբ, որի համաձայն` «Համեդ Համիդի Ամիրին տառապում է «Ափիոնային թմրամոլությամբ», հարկադիր բուժման կարիք ունի, որի համար հակացուցումներ չկան»։
/հատոր 3, գ.թ. 83-84/
Դատանարկոլոգիական փորձաքննության 17.11.2011թ. թիվ 313/10 եզրակացությամբ, որի համաձայն` «Էդմոնդ Էդուարդի Վարդանեսյանը տառապում է «Ափիոնային թմրամոլությամբ», հարկադիր բուժման կարիք ունի, որի համար հակացուցումներ չկան»։
/հատոր 3, գ.թ. 89-90/
Դատանարկոլոգիական փորձաքննության 17.11.2011թ. թիվ 312/10 եզրակացությամբ, որի համաձայն` «Սամսոն Սամսոնի Սարգսյանը տառապում է «Ափիոնային թմրամոլությամբ», հարկադիր բուժման կարիք ունի, որի համար հակացուցումներ չկան»։
/հատոր 3, գ.թ. 91-92/
Որպես այլ փաստաթուղթ` ապացույց ճանաչված, Սամսոն Սամսոնի Սարգսյանին, Արսեն Գաբրիելի Սանասարյանին, Գոհար Հրաչիկի Աղայանին, Հայկ Արմենի Խաչատուրյանին, Մովսես Աշոտի Ախիջանյանին բերման ենթարկելու մասին 23.09.2011թ. արձանագրություններով, որոնց համաձայն` 2010թ. սեպտեմբերի 23-ին, ժամը 15.30-ին, Երևանի Վարդանանց փողոցի թիվ 14 շենքի մոտից, ապօրինի թմրամիջոց պահելու կասկածանքով ՀՀ ոստիկանության Երևան քաղաքի վարչություն են բերման ենթարկվել Սամսոն Սամսոնի Սարգսյանը, Արսեն Գաբրիելի Սանասարյանը, Գոհար Հրաչիկի Աղայանը, Հայկ Արմենի Խաչատուրյանը և Մովսես Աշոտի Ախիջանյանը։
/հատոր 1, գ.թ. 6, 14, 29, 33/
Որպես այլ փաստաթուղթ` ապացույց ճանաչված, Գարիկ Էդիկի Ոսկանյանին բերման ենթարկելու մասին 24.09.2011թ. արձանագրությամբ, որի համաձայն` 2010թ. սեպտեմբերի 24-ին, ժամը 12.30-ին, Երևանի Խանջյան փողոցի թիվ 13ա շենքի մոտից, թմրամիջոցներ պահելու կասկածանքով ՀՀ ոստիկանության Երևան քաղաքի վարչություն է բերման ենթարկվել Գարիկ Էդիկի Ոսկանյանը։
/հատոր 1, գ.թ. 157/
Որպես այլ փաստաթուղթ` ապացույց ճանաչված, Արսալան Ղոլամռեզայի Քիումարսիին բերման ենթարկելու մասին 24.09.2011թ. արձանագրությամբ, որի համաձայն` 2010թ. սեպտեմբերի 24-ին, ժամը 13.00-ին, Երևանի Կոմիտասի պողոտայի թիվ 1 շենքի մոտից, թմրամիջոց պահելու կասկածանքով ՀՀ ոստիկանության Երևան քաղաքի վարչություն է բերման ենթարկվել Արսալան Ղոլամռեզայի Քիումարսին։
/հատոր 1, գ.թ. 167/
Որպես այլ փաստաթուղթ` ապացույց ճանաչված, Համեդ Համիդի Ամիրիին բերման ենթարկելու մասին 24.09.2011թ. արձանագրությամբ, որի համաձայն` 2010թ. սեպտեմբերի 24-ին, ժամը 13.00-ին, Երևանի Կոմիտասի պողոտայի թիվ 1 շենքի մոտից, թմրամիջոց պահելու կասկածանքով ՀՀ ոստիկանության Երևան քաղաքի վարչություն է բերման ենթարկվել Համեդ Համիդի Ամիրին։
/հատոր 1, գ.թ. 174/
Որպես այլ փաստաթուղթ` ապացույց ճանաչված, Էդմոնդ Էդուարդի Վարդանեսյանին բերման ենթարկելու մասին 25.09.2011թ. արձանագրությամբ, որի համաձայն` 2010թ. սեպտեմբերի 25-ին, ժամը 17.30-ին, Երևանի Մ. Նալբանդյանի արձանի դիմացի հատվածից, թմրանյութ պահելու և իրացնելու կասկածանքով ՀՀ ոստիկանության Երևան քաղաքի վարչություն է բերման ենթարկվել Էդմոնդ Էդուարդի Վարդանեսյանը։
/հատոր 2, գ.թ. 3/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 23.09.2010թ. արձանագրությամբ, որի համաձայն` Սամսոն Սամսոնի Սարգսյանի անձնական խուզարկությամբ, նրա տաբատի ձախ գրպանից հայտնաբերվել են շագանակագույն հետքերով բամբակյա խծուծներ և «ափիոն» տեսակի թմրամիջոցին նմանվող 0,9 գրամ զանգված։ Ըստ Սամսոն Սարգսյանի հայտարարության` հայտնաբերված 0.9 գրամ քաշով զանգվածը հանդիսանում է «ափիոն» տեսակի թմրամիջոց, իսկ բամբակյա խծուծների վրա առկա են «ափիոնի» հետքեր։
/հատոր 1, գ.թ. 7/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 23.09.2010թ. արձանագրությամբ, որի համաձայն` Արսեն Գաբրիելի Սանասարյանի անձնական խուզարկությամբ, նրա տաբատի աջ գրպանից հայտնաբերվել է «Նոկիա Ե-71» մակնիշի բջջային հեռախոս` 077-24-39-38 և 098-00-95-32 հեռախոսաքարտերով։
/հատոր 1, գ.թ. 15/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 24.09.2010թ. արձանագրությամբ, որի համաձայն` Գարիկ Էդիկի Ոսկանյանի անձնական խուզարկությամբ, նրա ձեռքում հայտնաբերվել է «Նոկիա» մակնիշի բջջային հեռախոս` 098-05-06-14 հեռախոսաքարտով։
/հատոր 1, գ.թ. 158/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 24.09.2010թ. արձանագրությամբ, որի համաձայն` Արսալան Ղոլամռեզայի Քիումարսիի անձնական խուզարկությամբ, նրա ջինսե տաբատի ձախ գրպանից հայտնաբերվել են սպիտակ պոլիէթիլենային տոպրակով փաթեթավորված, 0,8 գրամ քաշով ափիոնանման զանգված, մատին հագցնելու համար նախատեսված ռեզինե պաշտպանիչ, որի մեջ առկա է եղել շագանակագույն, «ափիոն» տեսակի թմրամիջոցին նմանվող, 16,2 գրամ քաշով զանգված։ Նրա տաբատի աջ գրպանից հայտնաբերվել է «Նոկիա» մակնիշի բջջային հեռախոս` 055-11-28-15 հեռախոսաքարտով։ Ըստ Արսալան Քիումարսիի հայտարարության` հայտնաբերված շագանակագույն զանգվածը հանդիսանում է «ափիոն» տեսակի թմրամիջոց, որը որոշ ժամանակով իր մոտ պահելու և կրկին վերադարձնելու նպատակով իրեն է տվել իր ընկեր Համեդը` Երևանի Կոմիտասի պողոտայի թիվ 1 շենքի մոտ։
/հատոր 1, գ.թ. 168/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 24.09.2010թ. արձանագրությամբ, որի համաձայն` Համեդ Համիդի Ամիրիի անձնական խուզարկությամբ, նրա մոտից հայտնաբերվել է «Այֆոն» մակնիշի բջջային հեռախոս` 095-01-99-36 հեռախոսաքարտով։
/հատոր 1, գ.թ. 176/
Որպես այլ փաստաթուղթ` ապացույց ճանաչված, անձնական խուզարկություն կատարելու մասին 25.09.2010թ. արձանագրությամբ, որի համաձայն` Էդմոնդ Էդուարդի Վարդանեսյանի անձնական խուզարկությամբ, նրա մոտից հայտնաբերվել է «Նոկիա 6080» մակնիշի բջջային հեռախոս` 077-24-55-48 հեռախոսաքարտով։
/հատոր 2, գ.թ. 4/
Հեռախոսազանգերի մուտքային և ելքային զանգերի վերծանումները զննելու մասին 22.12.2010թ. արձանագրությամբ, որի համաձայն` զննության են ենթարկվել «Ղ-Տելեկոմ» ՓԲ ընկերությունից ստացված, ամբաստանյալներ Գարիկ Էդիկի Ոսկանյանի 098-05-06-14, Սամսոն Սամսոնի Սարգսյանի 077-73-12-10, 093-50-28-48, 098-58-87-37, 098-58-87-67, Արսեն Գաբրիելի Սանասարյանի 077-24-39-38, Համեդ Համիդի Ամիրիի 098-24-13-33, Մովսես Աշոտի Ախիջանյանի 093-27-62-02, Հայկ Արմենի Խաչատուրյանի 093-98-74-00, Վիգեն Հակոբի Ղազարյանի 098-11-95-99 և Էդմոնդ Էդուարդի Վարդանեսյանի 077-24-55-48 հեռախոսահամարների մուտքային և ելքային հեռախոսազանգերի վերծանումները։ Զննությամբ պարզվել է, որ Սամսոն Սամսոնի Սարգսյանի 098-58-87-37, 098-58-87-67 և 077-73-12-10 հեռախոսահամարներից 2010թ. օգոստոս-սեպտեմբերի ամիսների ընթացքում բազմաթիվ մոտքային և ելքային հեռախոսազանգեր են կատարվել ամբաստանյալ Գարիկ Էդիկի Ոսկանյանի 098-05-06-14 հեռախոսահամարին։ Սամսոն Սարգսյանի 098-58-87-37 և 098-58-87-67 հեռախոսահամարներից բազմաթիվ մուտքային և ելքային հեռախոսազանգեր են կատարվել Էդմոնդ Վարդանեսյանի 077-24-55-48, Արսեն Սանասարյանի 098-00-95-32, Մովսես Ախիջանյանի 093-27-62-02 և Վիգեն Ղազարյանի 098-61-21-27 հեռախոսահամարներին։ Գևորգ Թորոսյանին «ափիոն» տեսակի թմրամիջոց իրացնելու օրը` 2010թ. սեպտեմբերի 19-ին, Սամսոն Սարգսյանի 098-58-87-37 հեռախոսահամարից մուտքային և ելքային հեռախոսազանգեր են կատարվել Գ. Թորոսյանի 093-71-82-96 և գործով վկա Արթուր Գինոսյանի 077-70-50-86 հեռախոսահամարներին։
/հատոր 3, գ.թ. 212-222/
Բջջային հեռախոսը զննելու մասին 22.12.2010թ. արձանագրությամբ, որի համաձայն` զննության է ենթարկվել Սամսոն Սամսոնի Սարգսյանի «Նոկիա 1616-2» մակնիշի բջջային հեռախոսը։ Բջջային հեռախոսի ելքային հաղորդագրությունների բաժնում, 23.09.2010թ. ժամը 10.42-ին, Գարիկ Ոսկանյանի 098-05-06-14 հեռախոսահամարին ուղարկվել է հաղորդագրություն հետևյալ բովանդակությամբ` «Արա այ ախպեր ինձ էրեկվանից վատ /հայհոյանք/ վիճակի մեջ թողիր, բա ես արժանի էի ապեր, մի խոսքով բաբկի ճարել եմ ու շուտ սպասում եմ քո խաբարին, շուտ զանգի ու խաբար արա թե ինչ պիտի անեմ»։
Զննության է ենթարկվել նաև Գարիկ Էդիկի Ոսկանյանի «Նոկիա 12-08» մակնիշի բջջային հեռախոսը, որի հեռախոսագրքույկում, «SOS» անվան տակ գրանցված է ամբաստանյալ Սամսոն Սամսոնի Սարգսյանի 098-58-87-67 հեռախոսահամարը։ Ստացված հաղորդագրությունների մեջ, 23.09.2010թ. ժամը 10։42-ին, Սամսոն Սամսոնի Սարգսյանի 077-73-12-10 հեռախոսահամարից ստացվել է հաղորդագրություն հետևյալ բովանդակությամբ` «Արա այ ախպեր ինձ էրեկվանից վատ /հայհոյանք/ վիճակի մեջ թողիր, բա ես արժանի էի ապեր, մի խոսքով բաբկի ճարել եմ ու շուտ սպասում եմ քո խաբարին, շուտ զանգի ու խաբար արա թե ինչ պիտի անեմ»։
/հատոր 3, գ.թ. 227-228/
Իրեղեն ապացույց ճանաչված, 0.85 և 16 գրամ քաշով «ափիոն» տեսակի թմրամիջոցներով, «Տոյո» /Toyo/ և «Սունարթիս» /Sunartis/ գրառումներով էլեկտրոնային կշեռքներով։
/հատոր 3, գ.թ. 208-210/
Ամբաստանյալ Համեդ Համիդի Ամիրին առաջադրված մեղադրանքում իրեն մեղավոր չի ճանաչել և ցուցմուքններ է տվել այն մասին, որ շուրջ 2-3 տարի է, ինչ կուլ տալու եղանակով գործածում է «ափիոն» տեսակի թմրամիջոց։ Ճանաչում է Արսենին, նրա հետ ծանոթացել է 2010թ. օգոստոս ամսին։ Վերջինս իմանալով, որ ինքը ազգությամբ պարսիկ է, իրենից «ափիոն» տեսակի թմրամիջոց է խնդրել, սակայն ինքը մերժել է։ Դրանից հետո իրենք մտերմացել են, փոխանակվել են հեռախոսահամարներով և այդ ընթացքում ինքն Արսենին պարտքով տվել է 30.000 ՀՀ դրամ գումար։ Ինքն Արսենին թմրամիջոց չի վաճառել։
Արսալան Քիումարսիին ճանաչում է, նրա հետ գտնվում է ընկերական հարաբերությունների մեջ։ Ինքը տեղյակ չէ Ա. Քիումարսիի մոտ հայտնաբերված 16,1 գրամ քաշով «ափիոն» տեսակի թմրամիջոցից և նրան վերջին անգամ տեսել է ոստիկանություն բերման ենթարկելուց 5 օր առաջ։
Արսալան Քիումարսիի հետ առերես հարցաքննության ժամանակ Համեդ Ամիրին հայտնել է, որ ոստիկանության աշխատակիցների կողմից իրեն բերման ենթարկելու օրը Արսալան Քիումարսիին հանդիպել է, սակայն նրան թմրամիջոց չի տվել։
/դատական նիստի արձանագրություն, հատոր 1, գ.թ. 235-236, 253-254, հատոր 2-րդ` գ.թ. 47, հատոր 3, գ.թ. 239-240/


Դատարանի իրավական վերլուծությունները

Վերլուծելով ամբաստանյալներ Սամսոն Սամսոնի Սարգսյանի, Գարիկ Էդիկի Ոսկանյանի, Համեդ Համիդի Ամիրիի, Արսալան Ղոլամռեզայի Քիումարսիի նախաքննական և դատաքննական ցուցմունքները, համադրելով դրանք քրեական գործի դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալներ Սամսոն Սարգսյանի և Գարիկ Ոսկանյանի դատաքննական ցուցմունքները` թմրանյութ չիրացնելու, նախաքննական ցուցմունքները բռնության և սպառնալիքի տակ գրելու մասով, Համեդ Ամիրիի նախաքննական և դատաքննական ցուցմունքները` թմրանյութ չիրացնելու մասին, Արսալան Դոլամռեզայի Քիումարսիի դատաքննական ցուցմունքները` իր մոտ հայտնաբերված «ափիոն» տեսակի թմրամիջոցն այլ անձից ձեռք բերելու մասին, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով վկա Գևորգ Հրաչի Թորոսյանի նախաքննական և դատաքննական ցուցմունքները` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ վկա Գևորգ Թորոսյանի դատարանում տված ցուցմունքները մասնակիորեն` Ս. Սարգսյանից ոչ թե թմրանյութ, այլ դեղահաբեր ձեռք բերելու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Սամսոն Սարգսյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։
Քննարկելով Սամսոն Սամսոնի Սարգսյանի 23.09.2010թ. բացատրության /հատոր1, գ.թ. 8-9/, Արսեն Գաբչիելի Սանասարյանի 23.09.2010թ. բացատրության /հատոր 1, գ.թ. 16-17/, Գոհար Հրաչիկի Աղայանի 23.09.2010թ. բացատրության /հատոր 1, գ.թ. 31-34/, Հայկ Արմենի Խաչատուրյանի 23.09.2010թ. բացատրության /հատոր 1, գ.թ. 41-43/, Մովսես Աշոտի Ախիջանյանի 23.09.2010թ. բացատրության /հատոր 1, գ.թ. 57-58/, Արսալան Ղոլամռեզայի Քիումարսիի 24.09.2010թ. բացատրության /հատոր 1, գ.թ. 169/, Համեդ Համիդի Ամիրիի 24.09.2010թ. բացատրության /հատոր 1, գ.թ. 177/ և Էդմոնդ Էդուարդի Վարդանեսյանի 25.09.2010թ. բացատրության /հատոր 2, գ.թ. 5-6/` որպես ապացույցի թույլատրելիության հարցը, դատարանը գտնում է, որ որպես ապացույց դրանք թույլատրելի չեն հետևյալ պատճառաբանությամբ.
ՀՀ կառավարության 14.06.2007թ. թիվ 818-Ն որոշման համաձայն` ՀՀ կառավարությունը որոշել է` «Համաձայն «Ոստիկանության մասին» Հայաստանի Հանրապետության օրենքի 5-րդ հոդվածի 5-րդ մասի հաստատել`
1. մարդու իրավունքների ու ազատությունների սահմանափակումից բխող` ծանուցման ենթակա իրավունքների ցանկը.
2. մարդու իրավունքների ու ազատությունների սահմանափակումից բխող` ծանուցման ենթակա իրավունքների կարգը։»
Մարդու իրավունքների ու ազատությունների սահմանափակումից բխող` ծանուցման ենթակա իրավունքների ցանկի 2-րդ կետի 2-րդ և 3-րդ ենթակետերի համաձայն` «Մարդու իրավունքերը սահմանափակելիս` մարդն իրավունք ունի ստանալու իրավաբանական օգնություն, բացատրություններ տալու փաստաբանի ներկայությամբ կամ հրաժարվելու բացատրություններ տալուց»։
Մարդու իրավունքների ու ազատությունների սահմանափակումից բխող իրավունքների ծանուցման կարգի 5-րդ կետի համաձայն` «Մարդուն ոստիկանություն բերելուց անմիջապես հետո կազմվում է իրավունքների բանավոր ծանուցման մասին արձանագրություն, որում նշվում են արձանագրությունը կազմող ոստիկանության ծառայողի պաշտոնը, կոչումը, ազգանունը, ծանուցման վայրը, ժամանակը, այն մարդու անունը, ազգանունը, ում ազատությունը սահմանափակվել է, սահմանափակման պատճառը, այն իրավական ակտը, որի հիման վրա ազատությունը սահմանափակվել է, նշում ազատության սահմանափակումից բխող իրավունքների ծանուցման փաստի, իրավունքների իրականացման կարգի պարզաբանման մասին։...»։
ՀՀ քրեական դատավարության օրենսգրքի 105-րդ հոդվածի 1-ին մասի 2-րդ և 5-րդ կետերի համաձայն` «Քրեական գործով վարույթում մեղադրանքի հիմքում չեն կարող դրվել և որպես ապացույց օգտագործվել այն նյութերը, որոնք ձեռք են բերվել` կասկածյալի և մեղադրյալի պաշտպանության իրավունքի, դատավարության լեզվին չտիրապետող անձանց իրավունքների` ՀՀ քրեական դատավարության օրենսգրքով նախատեսված լրացուցիչ երաշխիքների էական խախտմամբ, քննչական կամ այլ դատավարական գործողության կատարման կարգի էական խախտմամբ»։
Վերոհիշյալ բացատրությունները վերցնելիս` Սամսոն Սամսոնի Սարգսյանին, Արսեն Գաբրիելի Սանասարյանին, Գոհար Հրաչիկի Աղայանին, Հայկ Արմենի Խաչատուրյանին, Մովսես Աշոտի Ախիջանյանին, Արսալան Ղոլամռեզայի Քիումարսիին, Համեդ Համիդի Ամիրիին և Էդմոնդ Էդուարդի Վարդանեսյանին ՀՀ կառավարության 14.06.2007թ. թիվ 818-Ն որոշմամբ սահմանված` իրավունքների և ազատությունների սահմանափակումից բխող իրավունքները չեն պարզաբանվել և նրանք չեն տեղեկացվել փաստաբան ունենալու, բացատրություն տալուց հրաժարվելու իրավունք ունենալու մասին, չի պահպանվել այդ գործողության` օրենքով սահմանված կատարման կարգը։ Հետևաբար այդ բացատրությունները մեղադրանքի հիմքում դրվել և որպես ապացույց օգտագործվել չեն կարող։
Վերլուծելով ամբաստանյալ Սամսոն Սամսոնի Սարգսյանին, Գարիկ Էդիկի Ոսկանյանին, Համեդ Համիդի Ամիրիին, Էդմոնդ Էդուարդի Վարդանեսյանին, Արսալան Ղոլամռեզայի Քիումարսիին, Արսեն Գաբրիելի Սանասարյանին առաջադրված մեղադրանքները, նրանց ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Սամսոն Սամսոնի Սարգսյանի կողմից, նրա մեղավորությամբ, իրացնելու նպատակով, առանձնապես խոշոր չափերով թմրամիջոցներ ապօրինի ձեռք բերելը, պահելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Սամսոն Սամսոնի Սարգսյանի կողմից, նրա մեղավորությամբ, առանց իրացնելու նպատակի, առանձնապես խոշոր չափերով թմրամիջոցներ ապօրինի ձեռք բերելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Սամսոն Սամսոնի Սարգսյանի կողմից, նրա մեղավորությամբ, թմրամիջոցներ պատրաստելու նպատակով պրեկուրսորներ ապօրինի ձեռք բերելը և իրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Ամբաստանյալ Գարիկ Էդիկի Ոսկանյանի կողմից, նրա մեղավորությամբ, իրացնելու նպատակով առանձնապես խոշոր չափերով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ամբաստանյալ Համեդ Համիսի Ամիրիի կողմից, նրա մեղավորությամբ, իրացնելու նպատակով առանձնապես խոշոր չափերով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ամբաստանյալ Էդմոնդ Էդուարդի Վարդանեսյանի կողմից, նրա մեղավորությամբ, առանց իրացնելու նպատակի, առանձնապես խոշոր չափերով թմրամիջոցներ ապօրինի ձեռք բերելը և պահելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Էդմոնդ Էդուարդի Վարդանեսյանի կողմից, նրա մեղավորությամբ, թմրամիջոցներ պատրաստելու նպատակով պրեկուրսորներ ապօրինի ձեռք բերելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Նկատի ունենալով, որ քրեական գործի դատական քննության ընթացքում, դատական վիճաբանությունների փուլում մեղադրանքը պաշտպանող դատախազը հրաժարվել է Էդմոնդ Էդուարդի Վարդանեսյանին ՀՀ քրեական օրենսգրքի 266-րդ հոդվածի 1-ին մասով առաջադրված մեղադրանքից, իսկ ՀՀ քրեական դատավարության օրենսգրքի 366-րդ հոդվածի 4-րդ մասի համաձայն` դատարանում մեղադրանքը պաշտպանող դատախազի` մեղադրանքից հրաժարվելու դեպքում դատարանը մեղադրանքի այդ մասով կայացնում է արդարացնող դատավճիռ, դատարանը գտնում է, որ պետք է ճանաչել և հռչակել Էդմոնդ Էդուարդի Վարդանեսյանի անմեղությունը ՀՀ քրեական օրենսգրքի 266-րդ հոդվածի 1-ին մասով մեղսագրված հանցանքի կատարման մեջ և այդ հոդվածով նա ենթակա է արդարացման։
Ամբաստանյալ Արսալան Ղոլամռեզայի Քիումարսիի կողմից, նրա մեղավորությամբ, առանց իրացնելու նպատակի, առանձնապես խոշոր չափերով թմրամիջոցներ ապօրինի ձեռք բերելը և պահելը ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործության հատկանիշներին։
Ամբաստանյալ Արսեն Գաբրիելի Սանասարյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը և պահելը ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Արսեն Գաբրիելի Սանասարյանի կողմից, նրա մեղավորությամբ, առանց իրացնելու նպատակի, առանձնապես խոշոր չափերով թմրամիջոցներ ապօրինի ձեռք բերելուն օժանդակելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 38-268-րդ հոդվածի 3-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Արսեն Գաբրիելի Սանասարյանի կողմից, նրա մեղավորությամբ, թմրամիջոցներ պատրաստելու նպատակով պրեկուրսորներ ապօրինի ձեռք բերելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Սամսոն Սամսոնի Սարգսյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանք դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների առանձնապես վտանգավոր ռեցիդիվը։
Ամբաստանյալ Սամսոն Սամսոնի Սարգսյանն իր կատարած` Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով և 268-րդ հոդվածի 3-րդ մասով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով, որը նույնպես նա պետք է կրի։
Նկատի ունենալով, որ ամբաստանյալ Սամսոն Սամսոնի Սարգսյանի կողմից ոչ մեծ ծանրության, ծանր և առանձնապես ծանր դիտավորյալ հանցանքներ են կատարվել փորձաշրջանի ընթացքում, դատարանը գտնում է, որ ՀՀ քրեական օրենսգրքի 70-րդ հոդվածի 7-րդ կետի հիման վրա, պատիժը պայմանականորեն չկիրառելը ենթակա է վերացման և ամբաստանյալ Սամսոն Սամսոնի Սարգսյանի նկատմամբ պատիժը ենթակա է նշանակման ՀՀ քրեական օրենսգրքի 67-րդ հոդվածով նախատեսված կանոններով։
Ամբաստանյալ Գարիկ Էդիկի Ոսկանյանի նկատմամբ պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում խնամքին մինչև տասնչորս տարեկան երեխայի առկայությունը, իսկ նրա պատասխանատվությունը և պատիժը ծանրացնող հանգամանք դատարանը չի արձանագրում։
Ամբաստանյալ Գարիկ Էդիկի Ոսկանյանն իր կատարած` Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Համեդ Համիդի Ամիրիի նկատմամբ պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների ռեցիդիվը։
Ամբաստանյալ Համեդ Համիդի Ամիրին իր կատարած` Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Էդմոնդ Էդուարդի Վարդանեսյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցագործությունների վտանգավոր ռեցիդիվը։
Ամբաստանյալ Էդմոնդ Էդուարդի Վարդանեսյանն իր կատարած` Հայաստանի Հանրապետության քրեական օրենսգրքի 268-րդ հոդվածի 3-րդ մասով նախատեսված հանցագործության համար ենթակա է պատժի ազատազրկման ձևով, որը նա պետք է կրի, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության կատարման համար նշանակված պատիժն ամբաստանյալ Էդմոնդ Էդուարդի Վարդանեսյանի կողմից կրելու հարցը` դատարանը գտնում է, որ այդ հոդվածով, սույն դատավճռով նրա նկատմամբ ենթակա է կիրառման Հայաստանի Հանրապետության Ազգային ժողովի «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը։
Հաշվի առնելով, որ ամբաստանյալ Էդմոնդ Էդուարդի Վարդանեսյանը մեղավոր է մեկ այլ արարքի համար, որը նա կատարել է նախքան առաջին` ԵԷԴ/0048/01/11 քրեական գործով 26.08.2011թ. դատավճիռը կայացնելը, դատարանը գտնում է, որ նրա նկատմամբ պատիժը պետք է նշանակվի ՀՀ քրեական օրենսգրքի 66-րդ հոդվածի հիման վրա, պատիժների մասնակի գումարման սկզբունքի կիրառմամբ, վերջնական պատժի ժամկետին հաշվակցելով առաջին դատավճռով նշանակված պատժի չկրած մասը։
Ամբաստանյալ Արսալան Ղոլամռեզայի Քիումարսիի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Արսալան Ղոլամռեզայի Քիումարսին իր կատարած` Հայաստանի Հանրապետության քրեական օրենսգրքի 268-րդ հոդվածի 3-րդ մասով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Արսեն Գաբրիելի Սանասարյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում նրա խնամքին մինչև տասնչորս տարեկան երեխայի առկայությունը, հանցագործությունը բացահայտելուն և հանցագործության մյուս մասնակիցներին մերկացնելուն աջակցելը, որն արտահայտվել է ամբաստանյալ Հ. Ամիրիի կողմից իրեն «ափիոն» տեսակի թմրամիջոց իրացնելու, ամբաստանյալ Ս. Սարգսյանի կողմից, ամբաստանյալ Հ. Ամիրիից թմրամիջոցներ ապօրինի ձեռք բերելու, քրեական գործով իրեն հայտնի այլ հանգամանքների վերաբերյալ մանրամասն ինքնախոստավանական ցուցմունքներ տալով և դրանք ամբաստանյալներ Ս. Սարգսյանին և Հ. Ամիրիին առերես պնդելով։ Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Արսեն Գաբրիելի Սանասարյանն իր կատարած` Հայաստանի Հանրապետության քրեական օրենսգրքի 268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով նախատեսված յուրաքանչյուր հանցագործության համար ենթակա է պատժի ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցագործություններ կատարելու համար նշանակված պատիժներն ամբաստանյալ Արսեն Գաբրիելի Սանասարյանի կողմից կրելու հարցը` դատարանը գտնում է, որ այդ հոդվածներից յուրաքանչյուրով, սույն դատավճռով նրա նկատմամբ ենթակա է կիրառման Հայաստանի Հանրապետության Ազգային ժողովի «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը։
Քննարկելով այն հարցը, թե արդյոք ամբաստանյալ Արսեն Սանասարյանը պետք է կրի ՀՀ քրեական օրենսգրքի 38-268-րդ հոդվածի 3-րդ մասով իր նկատմամբ նշանակված պատիժը, հաշվի առնելով, որ Արսեն Սանասարյանն ամուսնացած է, խնամքին ունի մինչև տասնչորս տարեկան երեխա, իր կողմից թմրամիջոց օգտագործելու վերաբերյալ մանրամասն ցուցմունքներ տալով, թմրամիջոցի ձեռքբերման աղբյուրները մատնանշելով և հանցագործության մյուս մասնակիցներին մերկացնելով` աջակցել է հանցագործությունը բացահայտելուն, անկեղծորեն զղջում է կատարածի համար, դատարանը գտնում է, որ Արսեն Սանասարյանի կողմից կատարված հանցագործության հանրորեն վտանգավորության աստիճանը նվազել է և հնարավոր է հանգել հետևության, որ նրա ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու` նաև հետևյալ հիմնավորմամբ.
ՀՀ քրեական օրենսգրքի 70-րդ հոդվածի համաձայն` եթե դատարանը ազատազրկման ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ ՀՀ վճռաբեկ դատարանն իր` 2007թ. հունիսի 12-ի թիվ ՎԲ-12407 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել։ ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է։ Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները։ Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»։ ՀՀ վճռաբեկ դատարանը մեկ այլ` 2008թ. փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալների գույքի վրա դրված կալանքի հարցը` դատարանը գտնում է, որ ամբաստանյալներ Սամսոն Սամսոնի Սարգսյանի և Համեդ Համիդի Ամիրիի գույքի վրա նախաքննության մարմնի 07.10.2010թ. և 22.12.2010թ. որոշումներով դրված կալանքը պետք է թողնել անփոփոխ` մինչև դատավճռի կատարումը, իսկ ամբաստանյալ Գարիկ Էդիկի Ոսկանյանի գույքի վրա 07.10.2010թ. և 22.12.2010թ. որոշումներով դրված կալանքը պետք է վերացնել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 22.10.2010թ. որոշմամբ իրեղեն ապացույցներ ճանաչված, 0.85 և 16 գրամ քաշով «ափիոն» տեսակի թմրամիջոցները, «Տոյո» /Toyo/ և «Սունարթիս» /Sunartis/ գրառումներով էլեկտրոնային կշեռքները պետք է թողնել քրեական գործից անջատված մասով վարույթն իրականացնող մարմնի տնօրինմանը։
Քննարկելով խափանման միջոցների հարցը` դատարանը գտնում է, որ ամբաստանյալ Սամսոն Սամսոնի Սարգսյանի նկատմամբ որպես խափանման միջոց չհեռանալու մասին ստորագրությունը պետք է փոփոխել, խափանման միջոց պետք է ընտրել կալանավորումը և Սամսոն Սամսոնի Սարգսյանին պետք է կալանավորել դատական նիստերի դահլիճում։ Ամբաստանյալներ Գարիկ Էդիկի Ոսկանյանի, Համեդ Համիդի Ամիրիի, Էդմոնդ Էդուարդի Վարդանեսյանի և Արսալան Ղոլամռեզայի Քիումարսիի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Ամբաստանյալ Արսեն Գաբրիելի Սանասարյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Սամսոն Սամսոնի Սարգսյանից հօգուտ ՀՀ պետական բյուջեի բռնագանձման է ենթակա տոքսիկոքիմիական փորձաքննության կատարման արժեք հանդիսացող 9.618 /ինը հազար վեց հարյուր տասնութ/ ՀՀ դրամ գումար` որպես դատական ծախսեր։
Քննարկելով ամբաստանյալներ Սամսոն Սամսոնի Սարգսյանի, Համեդ Համիդի Ամիրիի և Էդմոնդ Էդուարդի Վարդանեսյանի նկատմամբ հարկադրական բուժում կիրառելու հարցը՝ դատարանը գտնում է, որ նրանց նկատմամբ պետք է կիրառել հարկադրական բուժում թմրամոլության դեմ, իսկ Արսեն Գաբրիելի Սանասարյանի վերաբերյալ նյութերը պետք է հանձնել առողջապահության մարմիններ` նրան բուժելու հարցը լուծելու համար։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-366-րդ, 369-373-րդ հոդվածներով, դատարանը`

Վ Ճ Ռ Ե Ց


1. Ամբաստանյալ Սամսոն Սամսոնի Սարգսյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 3-րդ մասով, 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի` 266-րդ հոդվածի 3-րդ մասի 2-րդ կետով` ազատազրկման 10 /տաս/ տարի ժամկետով, գույքի կեսի բռնագրավմամբ` սակայն ոչ ավելի 390.000 /երեք հարյուր իննսուն հազար/ ՀՀ դրամ գումարից, 268-րդ հոդվածի 3-րդ մասով` ազատազրկման 3 /երեք/ տարի ժամկետով, 266-րդ հոդվածի 4-րդ մասով` տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։ ՀՀ քրեական օրենսգրքի 66-րդ հոդվածով սահմանված` պատիժների մասնակի և լրիվ գումարման սկզբունքների կիրառմամբ, ամբաստանյալ Սամսոն Սամսոնի Սարգսյանի նկատմամբ պատիժ նշանակել ազատազրկում 11 /տասնմեկ/ տարի ժամկետով, գույքի կեսի բռնագրավմամբ` սակայն ոչ ավելի 390.000 /երեք հարյուր իննսուն հազար/ ՀՀ դրամ գումարից և տուգանք 50.000 /հիսուն հազար/ ՀՀ դրամ գումարի չափով։ ՀՀ քրեական օրենսգրքի 70-րդ հոդվածի 7-րդ մասի կիրառմամբ, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. օգոստոսի 08-ի դատավճռով նշանակված պատիժը պայմանականորեն չկիրառելը վերացնել։
ՀՀ քրեական օրենսգրքի 67-րդ հոդվածի կիրառմամբ` նշանակված պատժին մասնակիորեն գումարել նախորդ` Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. օգոստոսի 08-ի դատավճռով նշանակված պատժից` ազատազրկում 1 /մեկ/ տարի ժամկետով և ամբաստանյալ Սամսոն Սամսոնի Սարգսյանի նկատմամբ պատիժ նշանակել ազատազրկում 12 /տասներկու/ տարի ժամկետով, գույքի կեսի բռնագրավմամբ` սակայն ոչ ավելի 390.000 /երեք հարյուր իննսուն հազար/ ՀՀ դրամ գումարից և տուգանք 50.000 /հիսուն հազար/ ՀՀ դրամ գումարի չափով։ Ազատազրկման ձևով պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2011թ. նոյեմբերի 28-ից։
Ամբաստանյալ Սամսոն Սամսոնի Սարգսյանի նկատմամբ կիրառել հարկադրական բուժում` թմրամոլության դեմ։
Խափանման միջոց չհեռանալու մասին ստորագրությունը փոփոխել, խափանման միջոց ընտրել կալանավորումը և Սամսոն Սամսոնի Սարգսյանին կալանավորել դատական նիստերի դահլիճում։
2. Ամբաստանյալ Գարիկ Էդիկի Ոսկանյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցանքում և դատապարտել ազատազրկման 11 /տասնմեկ/ տարի ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. սեպտեմբերի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
3. Ամբաստանյալ Համեդ Համիդի Ամիրիին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 3-րդ մասի 2-րդ կետով նախատեսված հանցանքում և դատապարտել ազատազրկման 11 /տասնմեկ/ տարի ժամկետով, գույքի կեսի բռնագրավմամբ` սակայն ոչ ավելի 200.000 /երկու հարյուր հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. սեպտեմբերի 24-ից։
Ամբաստանյալ Համեդ Համիդի Ամիրիի նկատմամբ կիրառել հարկադրական բուժում` թմրամոլության դեմ։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
4 Ճանաչել և հռչակել ամբաստանյալ Էդմոնդ Էդմոնդի Վարդանեսյանի անմեղությունը` ՀՀ քրեական օրենսգրքի 266-րդ հոդվածի 1-ին մասով նախատեսված հանցանքի կատարման մեջ և նրան այդ մեղադրանքով արդարացնել` մեղադրողի կողմից մեղադրանքից հրաժարվելու պատճառաբանությամբ։
Ամբաստանյալ Էդմոնդ Էդուարդի Վարդանեսյանին մեղավոր ճանաչել Հայաստանի Հանրապետության քրեական օրենսգրքի 268-րդ հոդվածի 3-րդ մասով, 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի 268-րդ հոդվածի 3-րդ մասով` ազատազրկման 3 /երեք/ տարի ժամկետով, 266-րդ հոդվածի 4-րդ մասով` տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետի կիրառմամբ ամբաստանյալ Էդմոնդ Էդուարդի Վարդանեսյանին ազատել ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության կատարման համար նշանակված պատիժը կրելուց։ ՀՀ քրեական օրենսգրքի 66-րդ հոդվածի 4-րդ և 6-րդ մասերի կիրառմամբ` նշանակված պատժին մասնակի գումարել նախորդ` Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 26.08.2011թ. դատավճռով նշանակված պատժի չկրած մասից` ազատազրկում 1 /մեկ/ տարի ժամկետով և ամբաստանյալ Էդմոնդ Էդուարդի Վարդանեսյանի նկատմամբ պատիժ նշանակել ազատազրկում 4 /չորս/ տարի ժամկետով։ Պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. սեպտեմբերի 25-ից։
Ամբաստանյալ Էդմոնդ Էդուարդի Վարդանեսյանի նկատմամբ կիրառել հարկադրական բուժում` թմրամոլության դեմ։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
5. Ամբաստանյալ Արսալան Ղոլամռեզայի Քիումարսիին մեղավոր ճանաչել Հայաստանի Հանրապետության քրեական օրենսգրքի 268-րդ հոդվածի 3-րդ մասով նախատեսված հանցանքում և դատապարտել ազատազրկման 3 /երեք/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. սեպտեմբերի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
6. Ամբաստանյալ Արսեն Գաբրիելի Սանասարյանին մեղավոր ճանաչել Հայաստանի Հանրապետության քրեական օրենսգրքի 38-268-րդ հոդվածի 3-րդ մասով, 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի 38-268-րդ հոդվածի 3-րդ մասով` ազատազրկման 2 /երկու/ տարի ժամկետով, 268-րդ հոդվածի 2-րդ մասի 2-րդ կետով` ազատազրկման 1 /մեկ/ տարի ժամկետով, 266-րդ հոդվածի 4-րդ մասով` տուգանքի նվազագույն աշխատավարձի հիսնապատիկի` 50.000 /հիսուն հազար/ ՀՀ դրամ գումարի չափով։ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 1-ին ենթակետի կիրառմամբ ամբաստանյալ Արսեն Գաբրիելի Սանասարյանին ազատել ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության կատարման համար նշանակված պատիժը կրելուց։ «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետի կիրառմամբ ամբաստանյալ Արսեն Գաբրիելի Սանասարյանին ազատել ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության կատարման համար նշանակված պատիժը կրելուց։
ՀՀ քրեական օրենսգրքի 70-րդ հոդվածի կիրառմամբ, ամբաստանյալ Արսեն Գաբրիելի Սանասարյանի նկատմամբ պատիժը` ՀՀ քրեական օրենսգրքի 38-268-րդ հոդվածի 3-րդ մասով նախատեսված հանցագործության կատարման համար նշանակված 2 /երկու/ տարի ժամկետով ազատազրկումը, պայմանականորեն չկիրառել` սահմանելով փորձաշրջան 2 /երկու/ տարի ժամկետով։ Արսեն Սանասարյանին պարտավորեցնել չփոխել մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Ամբաստանյալ Արսեն Գաբրիելի Սանասարյանի նկատմամբ կիրառել հարկադրական բուժում թմրամոլության դեմ և նրա վերաբերյալ նյութերը հանձնել առողջապահության մարմիններ` նրան բուժելու հարցը լուծելու համար։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալներ Սամսոն Սամսոնի Սարգսյանի և Համեդ Համիդի Ամիրիի գույքի վրա նախաքննության մարմնի 07.10.2010թ. և 22.12.2010թ. որոշումներով դրված կալանքը թողնել անփոփոխ` մինչև դատավճռի կատարումը, իսկ ամբաստանյալ Գարիկ Էդիկի Ոսկանյանի գույքի վրա 07.10.2010թ. և 22.12.2010թ. որոշումներով դրված կալանքը` վերացնել։
Դատավճռի օրինական ուժի մեջ մտնելուց հետո, 22.10.2010թ. որոշմամբ իրեղեն ապացույցներ ճանաչված, 0.85 և 16 գրամ քաշով «ափիոն» տեսակի թմրամիջոցները, «Տոյո» /Toyo/ և «Սունարթիս» /Sunartis/ գրառումներով էլեկտրոնային կշեռքները թողնել քրեական գործից անջատված մասով վարույթն իրականացնող մարմնի տնօրինմանը։
Ամբաստանյալ Սամսոն Սամսոնի Սարգսյանից հօգուտ ՀՀ պետական բյուջեի բռնագանձել 9.618 /ինը հազար վեց հարյուր տասնութ/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ