ԵԿԴ/0375/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը՝

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ա.ՔՈՉԱՐՅԱՆԻ
Տ.ՏՈՆՈՅԱՆԻ
Ս.ՊԵՏՐՈՍՅԱՆԻ
մասնակցությամբ`
մեղադրող Վ.ՄԻԼԻՏՈՆՅԱՆԻ
տուժող Ա.ԳՈԳՈՒԻՆՅԱՆ-
ԴՈԳՐԱՄԱԴՋՅԱՆԻ
տուժողի ներկ. Ա.ՓԱՐՍԱԴԱՆՅԱՆԻ
ամբաստանյալ Ա.ԳԱՍՊԱՐՅԱՆԻ
պաշտպան Ա.ԶՈՀՐԱԲՅԱՆԻ

2011թ. հունիսի 28-ին դատարանում` դռնբաց դատական նիստում, քննեց գործն ըստ մեղադրանքի Արման Նուշիկի Գասպարյանի` ծնված 06.01.1981թ. ք.Էջմիածնում, ազգութ-յամբ հայ, ՀՀ քաղաքացի, ամուսնացած, խնամքին 1 անձ, միջնակարգ մասնագիտական կրթությամբ, առողջ, չի աշխատում, դատվածություն չունեցող, հաշվառված է` Արմավիրի մարզ, Փարաքար գյուղ, Կոմունայի փողոց, տուն հ. 28ա, բնակվում է` ք.Երևան, Լալայանց փողոց, 47ա ՇԵՆք, տուն հ. 71, 2010թ. դեկտեմբերի 11-ից մինչև 17-ը պահվել է կալանքի տակ, արգելանքի տակ չէ, մեղադրվում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով։

Գործի դատավարական նախապատմությունը.

ՀՀ ոստիկանության ՔԳՎ ՀԿԳ ՔՎ ՀԿԳ ավագ քննիչ Տ.Կիրակոսյանը 2010թ. հոկ-տեմբերի 22-ի որոշմամբ ՀՀ քրեական օրենսգրքի 178-րդ հոդվածի 2-րդ մասի 2-րդ կետով հարուցել է թիվ 69107410 քրեական գործն ու այն ընդունել իր վարույթ, իսկ 2010թ. դեկտեմբե-րի 10-ի որոշմամբ Արման Նուշիկի Գասպարյանին ներգրավել է որպես մեղադրյալ ու նրան մեղադրանք է առաջադրել ՀՀ քրեական օրենսգրքի 178-րդ հոդվածի 2-րդ մասի 2-րդ կետով։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանի 2010թ. դեկտեմբերի 11-ի որոշմամբ Ա.Գասպարյանի նկատմամբ` որ-պես խափանման միջոց, կիրառվել է կալանավորումը` երկու ամիս ժամկետով` կալանքի սկիզբը հաշվելով նրան փաստացի կալանքի վերցնելու պահից, իսկ նույն դատարանի 2010թ. դեկտեմբերի 17-ի որոշմամբ Ա.Գասպարյանի նկատմամբ` որպես կալանավորման այլընտը-րանքային խափանման միջոց, կիրառվել է գրավը։
ՀՀ ոստիկանության ՔԳՎ ՀԿԳ ՔՎ ՀԿԳ ավագ քննիչ Տ.Կիրակոսյանի 2010թ. դեկ-տեմբերի 17-ի որոշմամբ Ա.Գասպարյանն ազատվել է կալանքից։
2010թ. դեկտեմբերի 29-ին թիվ 69107410 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհա-նուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանի (դատավոր Գ.Պողոսյան) 2011թ. հունվարի 12-ի որոշմամբ Արման Նու-շիկի Գասպարյանի վերաբերյալ ՀՀ քրեական օրենսգրքի 178-րդ հոդվածի 2-րդ մասի 2-րդ կետով քրեական գործն ընդունվել է վարույթ, իսկ 2011թ. հունվարի 31-ի որոշմամբ նշանակ-վել է դատաքննության։
Ամբաստանյալ Ա.Գասպարյանին ՀՀ քրեական օրենսգրքի 178-րդ հոդվածի 2-րդ մա-սի 2-րդ կետով մեղադրանք է առաջադրվել այն բանի համար, որ նա. «Խարդախությամբ ուրիշի գույքի խոշոր չափերի հափշտակություն կատարելու դիտավորությամբ չարաշահելով իր ծանոթ Աիդա Գոգուինյան-Դոգրամադջյանի վտահությունը` իրեն պարտքով գումար տրամադրելու հարցում, գումարը 10 օրից վերադարձնելու, ինչպես նաև վերջինիս կողմից իրացնելու նպատակով ապօրինի ձեռք բերված «բուպրենորֆին» տեսակի թմրամիջոց պա-րունակող սուբուտեքս դեղահաբերը վաճառելու առումով նրան օժանդակելու կեղծ խոստում-ներով 2010թ. ապրիլ ամսվա վերջին` Երևան քաղաքի Սայաթ-Նովա և Մոսկովյան փողոցնե-րի խաչմերուկում, Աիդա Գոգուինյան-Դոգրամադջյանից, իբրև, պարտքով վերցրել է 850.000 ՀՀ դրամ գումար և, տիրանալով նրա խոշոր չափերի գումարներին, հափշտակել է այն»։
Նախաքննության մարմինն ամբաստանյալին մեղսագրված արարքները հիմնավոր-ված է համարել տուժողի ու վկաների ցուցմունքներով, քննչական գործողություն կատարելու մասին արձանագրությամբ և ապացույց ճանաչված պարտավորագրով։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալը, տուժող Աիդա Գոգուինյան-Դոգ-րամադջյանի խոշոր չափերի գույքը խարդախությամբ հափշտակելու դիտավորությամբ չա-րաշահելով նրա վտահությունն ու կեղծ խոստումներ տալով, վերջինիս կողմից իրացնելու նպատակով ապօրինի ձեռք բերված «բուպրենորֆին» տեսակի թմրամիջոց պարունակող սուբուտեքս դեղահաբերը վաճառելու հարցում նրան օժանդակելու մասին, պարտքով` 10 օրից վերադարձնելու պայմանով, նրանից խնդրել է 1.000.000 ՀՀ դրամ։ Տուժողը, վստահելով ամբաստանյալին, 2010թ. ապրիլ ամսվա վերջին` Երևան քաղաքի Սայաթ-Նովա և Մոսկով-յան փողոցների խաչմերուկում, 850.000 ՀՀ դրամ է տվել նրան, սակայն ամբաստանյալը, ստանալով նշված գումարը, խուսափել է տուժողի հետ հանդիպումից, չի պատասխանել նրա հեռախոսազանգերին և հափշտակել է տուժողից ստացած 850.000 ՀՀ դրամը։

Ապացույցների հետազոտում և գնահատում.

Դատաքննությամբ ամբաստանյալ Ա.Գասպարյանն առաջադրված մեղադրանքում իրեն մեղավոր ճանաչեց լիովին և խոստովանեց, որ ի սկզբանե նպատակ չունենալով վերա-դարձնել ու չարաշահելով տուժողի վստահությունը, հափշտակել է նրանից վերցրած 850.000 ՀՀ դրամը։
Տուժող Աիդա Գոգուինյան-Դոգրամադջյանը ցուցմունք տվեց այն մասին, որ 2010թ. ապրիլ ամսվա կեսերին ամբաստանյալ Ա.Գասպարյանը, պատճառաբանելով, թե, իբր, ըն-տանիքը գտնվում է ծանր վիճակում և գումարի կարիք ունի, իրենից պարտքով խնդրել է 1.000.000 ՀՀ դրամ գումար ու խոստացել այն վերադարձնել 10 օրից։ Հավատալով նրա խոս-տումներին և վստահելով նրան` մի քանի օր անց նրան տվել է 850.000 ՀՀ դրամ, ու երբ նրա խոստացած ժամկետն անցնել է, փորձել է նրա հետ կապվել հեռախոսով` նրա տված հեռա-խոսամարով, սակայն` ապարդյուն։ Ամբաստանյալին հանդիպելու համար դիմել է Սիլվանա Արշակյանին, սակայն վերջինս նույնպես տեղեկություն չի ունեցել, թե որտեղ է նա։ Ս.Ար-շակյանին և իր մորը` Ռիմա Թումանյանին, պատմել է, որ գումար է տվել ամբաստանյալին։
Չկարողանալով հանդիպել ամբաստանյալին` հասկացել է, որ նա, օգտվելով իր վըս-տահությունից, խաբել է իրեն և հափշտակել իր գումարները։
Վկա Ռիմա Թումանյանը ցուցմունք տվեց այն մասին, որ դուստրը` տուժող Ա.Գո-գուինյան-Դոգրամադջյանն իրեն պատմել է, որ ամբաստանյալին 850.000 ՀՀ դրամ է տվել, որը նա չի վերադարձրել, և որ չի կարողանում նրան հանդիպել, քանի որ նա չի պատասխա-նում իր հեռախոսազանգերին։
Վկա Սիլվանա Արշակյանը ցուցմունք տվեց այն մասին, որ 2010թ. մայիս ամսին տու-ժողն իրեն պատմել է, որ ամբաստանյալը, պատճառաբանելով, որ ընտանիքը ծանր սոցիա-լական վիճակում է, պարտքով գումար է խնդրել և խոստացել է կարճ ժամկետում վերադարձ-նել այն։ Հավատալով ամբաստանյալին` տուժողը 850.000 ՀՀ դրամ է տվել նրան, սակայն պայմանավորված ժամկետն անցնելուց հետո տուժողը փնտրել և չի կարողացել հանդիպել ամբաստանյալին, ինչի մասին ասել է նաև իրեն։
Վկա` ամբաստանյալի կին, Իվետա Եդիգարյանը ցուցմունք տվեց այն մասին, որ ամ-բաստանյալն իրեն պատմել է, որ տուժողից գումար է վերցրել և չի կարողացել այն ժամանա-կին վերադարձնել։ Թեև իրենց եկամուտները շատ մեծ չեն եղել, բայց ունեցել են պարտքեր, որոնք պետք է վճարվեին, սակայն կոնկրետ տեղեկություն չունի, թե ամբաստանյալը տուժո-ղից վերցրած գումարը որտեղ և ինչի համար է ծախսել։
Որպես այլ փաստաթուղթ ապացույց ճանաչված` Արման Գասպարյանի կողմից 11.12.2010թ. գրված պարտավորագրի համաձայն` նա Աիդա Գոգուինյան-Դոգրամադջյանից վերցրել է 850.000 ՀՀ դրամ։
«Առգրավում կատարելու մասին» 12.12.2010թ. արձանագրության համաձայն` ամբաս-տանյալի եղբայր Արթուր Գասպարյանն ամբողջությամբ վերականգնել է եղբոր կողմից պատճառված վնասը։

Դատարանի վերլուծություն.

Դատարանը, վերլուծելով ամբաստանյալ Ա.Գասպարյանին առաջադրված մեղադը-րանքը, համակցության մեջ գնահատելով դատաքննությամբ հետազոտված ապացույցները, գործի հանգամանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակըց-ված հավաստի ապացույցների բավարար ամբողջությամբ հաստատվում է, որ ամբաստան-յալը կատարել է ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախա-տեսված հանցագործություն, նրա կատարած արարքին տրվել է ճիշտ քրեաիրավական գնա-հատական, ու քրեական գործի ապացույցները ձեռք են բերվել քրեադատավարական օրեն-քի պահանջների պահպանմամբ։
Այսպիսով, դատարանն ապացուցված է համարում, որ ամբաստանյալ Ա.Գասպար-յանը խաբեությամբ հափշտակել է տուժողի խոշոր չափերով գույքը` դրամը։
Ամբաստանյալ Ա.Գասպարյանի նկատմամբ պատիժ նշանակելիս` պատժի տեսակը և չափը որոշելիս, դատարանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը, այնպես էլ նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգա-մանքները։
Որպես ամբաստանյալ Ա.Գասպարյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և զղջաց կատարած հանցանքի համար, բնութագրվում է դրական, ամբողջությամբ հա-տուցվել է տուժողից նրա հափշտակած գումարը, տուժողը ներել է նրան ու նրա խնամքին է գտնվում մինչև 14 տարեկան երեխան։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, հաշվի առնելով ամբաստանյալի անձը, նրա կատարած արարքի բը-նույթն ու հանրության համար վտանգավորության աստիճանը, ելնելով ՀՀ քրեական օրենս-գրքի 10-րդ և 61-րդ հոդվածներով սահմանված արդարության, պատասխանատվության ան-հատականացման ու պատիժ նշանակելու ընդհանուր սկզբունքներից, սոցիալական արդա-րությունը վերականգնելու և ամբաստանյալի կողմից նոր հանցագործությունների կատարու-մը կանխելու անհրաժեշտությունից, հանգում է հետևության, որ նրա կատարած հանցագոր-ծության համար նախատեսված նվազ խիստ պատժատեսակը չի կարող ապահովել պատժի նպատակներն ու նա պետք է դատապարտվի ազատազրկման։
Քննության առնելով ամբաստանյալ Ա.Գասպարյանի նկատմամբ կիրառված խա-փանման միջոցի հարցը, դատարանը, նկատի ունենալով, որ նա, «Հայաստանի Հանրապե-տության անկախության հռչակման 20-րդ տարեդարձի կապակցությամբ համաներում հայ-տարարելու մասին» ՀՀ ԱԺ 26.05.2011թ. որոշման 1-ին կետի 1-ին ենթակետի կիրառմամբ պետք է ազատվի պատժից, գտնում է, որ նրա նկատմամբ կիրառված խափանման միջոցը` կալանավորումը, պետք է վերացվի, իսկ դատավճիռն օրինական ուժի մեջ մտնելուց հետո Ա. Գասպարյանին կալանքից ազատելիս մուծված գրավի գումարը` 500.000 դրամը, պետք է վե-րադարձվի գրավատու Արթուր Գասպարյանին։
Տուժողը քաղաքացիական հայց չհարուցեց։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 143, 151, 357-360, 365 ու 369-372 հոդվածներով` դատարանը


Վ Ճ Ռ Ե Ց

Արման Նուշիկի Գասպարյանին ճանաչել մեղավոր ՀՀ քրեական օրենսգրքի 178-րդ հոդվածի 2-րդ մասի 2-րդ կետով և դատապարտել ազատազրկման 2 (երկու) տարի ժամկե-տով։
ՀՀ քրեական օրենսգրքի 69-րդ հոդվածի համաձայն` նշանակված պատժին հաշվակ-ցել Ա.Գասպարյանի նախնական կալանքի տակ գտնված 6 (վեց) օրը և թողնել կրելու ազա-տազրկում 1 (մեկ) տարի 11 (տասնմեկ) ամիս 24 (քսանչորս) օր ժամկետով։
«Հայաստանի Հանրապետության անկախության հռչակման 20-րդ տարեդարձի կա-պակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 1-ին կետի 1-ին ենթակետի կիրառմամբ Արման Նուշիկի Գասպարյանին ազատել պատժից։
Ա.Գասպարյանի նկատմամբ ընտրված խափանման միջոցը վերացնել, իսկ դատա-վճիռն օրինական ուժի մեջ մտնելուց հետո` Ա.Գասպարյանին կալանքից ազատելիս մուծ-ված գրավի գումարը` 500.000 (հինգ հարյուր հազար) դրամը, վերադարձնել գրավատու Ար-թուր Գասպարյանին։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ