ԵԿԴ/0373/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ս.ԱԲՐԱՀԱՄՅԱՆԻ
տուժող Գ.ՄԿՐՏՉՅԱՆԻ
ամբաստանյալ Ն.ՂԱԶԱՐՅԱՆԻ
պաշտպան Ս.ՀԱՐՈՒԹՅՈՒՆՅԱՆԻ

2011թ. մայիսի 11-ին դատարանում` դռնբաց դատական նիստում, քննեց գործն ըստ մեղադրանքի` Նունե Տիգրանի Ղազարյանի` ծնված 10.10.1976թ. ք.Մեծամորում, ազգութ-յամբ հայ, ՀՀ քաղաքացի, իր հայտարարությամբ` ամուսնալուծված և խնամքին երկու անձ, միջնակարգ կրթությամբ, առողջ, չի աշխատել, չդատված, հաշվառված է` ք.Մեծամոր, 8-րդ շենք, բնակարան հ. 5, բնակվել է` ք.Երևան, Սարյան փողոց, 35-րդ շենք, բնակարան հ. 41, արգելանքի տակ է 2010թ. դեկտեմբերի 17-ից, մեղադրվում է ՀՀ քրեական օրենսգրքի 178-րդ հոդվածի 3-րդ մասի 1-ին կետով։
Ամբաստանյալ Ն.Ղազարյանին ՀՀ քրեական օրենսգրքի 178-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. «Խարդախության եղանա-կով կատարել է ուրիշի գույքի առանձնապես խոշոր չափերի հափշտակություն, այն է` 2010թ. մարտի 9-ին իր ծանոթ Գոհարիկ Մկրտչյանին խաբելով, թե իբր ինչ-որ թմրամոլների մեծ գու-մարային պարտքեր ունի ու եթե դրանք հաջորդ օրը չվերադարձնի իրեն կսպանեն, մինչև նույն տարվա ապրիլի 20-ը գումարը վերադարձնելու պատրվակով Երևան քաղաքի Մ.Խորե-նացի 33 հասցեում գտնվող «Տաշիր» առևտրի կենտրոնի ոսկու շուկայում նրանից խաբեութ-յամբ վերցրել է 14.000 ԱՄՆ դոլարին համարժեք 560 գրամ քաշի տարբեր տեսակի ոսկե զար-դեր, սակայն չարաշահելով վերջինիս վստահությունը հափշտակել է հիշյալ ոսկե զարդերը` Գ.Մկրտչյանին պատճառելով առանձնապես խոշոր չափի` ընդհանուր 5.180.000 ՀՀ դրամի գույքային վնաս»։
Ամբաստանյալ Ն.Ղազարյանը` մինչև դատաքննությունն սկսվելը, միջնորդեց դատա-կան քննությունն անցկացնել արագացված կարգով ու հայտարարեց, որ այն ներկայացնում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատաքննությամբ մեղադրող Ս.Աբրահամյանը 19.04.2011թ. կայացրած որոշմամբ ամբաստանյալ Նունե Տիգրանի Ղազարյանին առաջադրված մեղադրանքը փոփոխեց և նրան նոր մեղադրանք առաջադրեց ՀՀ քրեական օրենսգրքի 178-րդ հոդվածի 3-րդ մասի 1-ին կետով` խարդախությամբ տուժողից 5.211.528 ՀՀ դրամին համարժեք 560 գրամ քաշով տար-բեր տեսակի ոսկե զարդեր հափշտակելու համար։
Ամբաստանյալ Ն.Ղազարյանը հայտարարեց, որ համաձայն է նաև նոր առաջադըր-ված մեղադրանքի հետ։
Դատարանի որոշմամբ արագացված դատական քննության կարգ կիրառելու վերա-բերյալ ամբաստանյալի միջնորդությունը բավարարվել է և դատական քննությունն անցկաց-վել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ն.Ղազարյանը կատարել է հանցանք` նախատեսված ՀՀ քրեական օրենսգրքի 178-րդ հոդվածի 3-րդ մասի 1-ին կետով, որով և նա պետք է պատասխանատվության ենթարկվի։
Ամբաստանյալ Ն.Ղազարյանի նկատմամբ պատիժ նշանակելիս` պատժի չափը որո-շելիս, դատարանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը, այնպես էլ` արագացված կարգով անցկացված դա-տական քննության ընթացքում ուսումնասիրված` նրա անձը բնութագրող տվյալներն ու պա-տասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Ն.Ղազարյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեծորեն զղջաց կատարած հանցանքի համար, նախկինում դատված չի եղել և նրա խնամքին է գտնվում նորածին երեխան։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Քննության առնելով ամբաստանյալի նկատմամբ ՀՀ քրեական օրենսգրքի 178-րդ հոդ-վածի 3-րդ մասի 1-ին կետով նախատեսված լրացուցիչ պատիժ` գույքի բռնագրավում, նշա-նակելու մասին հարցը, դատարանը, հաշվի առնելով նրա ընտանեկան և սոցիալական վի-ճակը, գտնում է, որ նա պետք է դատապարտվի առանց գույքի բռնագրավման։
Քննության առնելով Գոհարիկ Մկրտչյանի ընդդեմ Ն.Ղազարյանի` հանցագործութ-յան հետևանքով պատճառված վնասի հատուցման պահանջի մասին հայցը, դատարանը, հաշվի առնելով, որ պատասխանողը (ամբաստանյալը) չառարկեց դրա դեմ, և նկատի ունե-նալով, որ հայցվորի պահանջը հիմնավորված է ու հաստատվում է քրեական գործի նյու-թերով, գտնում է, որ հայցը պետք է բավարարվի և Ն.Ղազարյանից հօգուտ Գ.Մկրտչյանի պետք է բռնագանձվի 5.211.528 ՀՀ դրամ` որպես հանցագործությամբ պատճառված վնասի հատուցում։
Դատարանը, նկատի ունենալով, որ թեև նախաքննության ընթացքում ամբաստանյա-լի գույքի վրա կալանք դնելու մասին որոշում է կայացվել, սակայն փաստացի նման գույք չի հայտնաբերվել և կոնկրետ որևէ գույքի վրա կալանք չի դրվել, գտնում է, որ հանցագործութ-յամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի վերացման հարց սույն դատավճռով չի կա-րող քննարկվել։
Քննության առնելով ամբաստանյալի նկատմամբ կիրառված խափանման միջոցի հարցը` դատարանը գտնում է, որ նրա նկատմամբ կիրառված խափանման միջոցը պետք է թողնվի անփոփոխ` մինչև դատավճռի օրինական ուժի մեջ մտնելը։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 163, 357-360, 365, 367 ու 3753 հոդվածներով` դատարանը

Վ Ճ Ռ Ե Ց

Նունե Տիգրանի Ղազարյանին ճանաչել մեղավոր ՀՀ քրեական օրենսգրքի 178-րդ հոդվածի 3-րդ մասի 1-ին կետով ու դատապարտել ազատազրկման` 4 (չորս) տարի 6 (վեց) ամիս ժամկետով` առանց գույքի բռնագրավման։
Պատժի կրման սկիզբը հաշվել 2010թ. դեկտեմբերի 17-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ն.Ղազարյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Բավարարել Գոհարիկ Մկրտչյանի ընդդեմ Նունե Ղազարյանի` վնասի հատուցման պահանջի մասին հայցն ու Ն.Ղազարյանից հօգուտ Գ.Մկրտչյանի բռնագանձել 5.211.528 (հինգ միլիոն երկու հարյուր տասնմեկ հազար հինգ հարյուր քսանութ) ՀՀ դրամ` որպես հան-ցագործությամբ պատճառված վնասի հատուցում։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ