ԵԿԴ/0371/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Է.ՀԱՐՈՒԹՅՈՒՆՅԱՆԻ
ամբաստանյալ Ա.ԱՂԱՋԱՆՅԱՆԻ
պաշտպան Ա.ՀՈԲՈՍՅԱՆԻ

2011թ. ապրիլի 20-ին դատարանում` դռնբաց դատական նիստում, քննեց գործն ըստ մեղադրանքի` Արթուր Արտավազդի Աղաջանյանի` ծնված 01.04.1965թ. ք.Երևանում, ազգութ-յամբ հայ, ՀՀ քաղաքացի, ամուսնացած, խնամքին վեց անձ, միջնակարգ կրթությամբ, առողջ, իր հայտարարությամբ` որպես վարորդ աշխատել է «5 աստղ» տաքսի ծառայությու-նում, չդատված, բնակվել է` ք.Երևան, Ավան թաղամաս, 8-րդ փողոց, տուն հ. 7, արգելանքի տակ է 2010թ. հոկտեմբերի 20-ից, մեղադրվում է ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով։
Ամբաստանյալ Ա.Աղաջանյանին ՀՀ քրեական օրենսգրքի 266-րդ հոդվածի 4-րդ մա-սով ու 268-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. «2010թ. հոկտեմբերի 20-ին զանգահարել է իր ծանոթ Ալբերտ Հենրիկի Բախշյանին և պայմանավորվածության համաձայն ժամը 0100-ի սահմաններում հանդիպելով Երևան քա-ղաքի Ավան-Առինջի գերեզմանատանը` վերջինիցս առանց իրացնելու նպատակի` իր գոր-ծածման համար, ապօրինի ձեռք է բերել և իր մոտ պահել խոշոր չափի` 0,6 գրամ հաստա-տուն քաշով, ափիոն տեսակի թմրամիջոց և պրեկուրսոր հանդիսացող 0,7 մլ ծավալով քացա-խաթթվի անհիդրիդ լուծույթ, սակայն չի հասցրել գործածել, քանի որ նույն օրը` ժամը 1000-ի սահմաններում, Երևան քաղաքի Խորենացի ու Տիգրան Մեծի փողոցների խաչմերուկում բռնվել է ոստիկանության աշխատակիցների կողմից, և ոստիկանության Կենտրոնական բաժնում հիշյալ թմրամիջոցն ու պրեկուրսորը հայտնաբերվել է նրա անձնական խուզար-կությամբ»։
Ամբաստանյալ Ա.Աղաջանյանը` մինչև դատաքննությունն սկսվելը, միջնորդեց դա-տական քննությունն անցկացնել արագացված կարգով և հայտարարեց, որ այն ներկայաց-նում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ա.Աղաջանյանը կատարել է հանցանք-ներ` նախատեսված ՀՀ քրեական օրենսգրքի 266-րդ հոդվածի 4-րդ մասով ու 268-րդ հոդվա-ծի 2-րդ մասի 2-րդ կետով, որոնցով և նա պետք է պատասխանատվության ենթարկվի։
Ամբաստանյալ Ա.Աղաջանյանի նկատմամբ պատիժ նշանակելիս` պատժի տեսակը և չափը որոշելիս, դատարանը հաշվի է առնում ինչպես նրա կատարած արարքների բնույթն ու հանրության համար վտանգավորության աստիճանը և նրա գույքային դրությունը, այնպես էլ արագացված կարգով անցկացված դատական քննության ընթացքում ուսումնասիրված` նրա անձը բնութագրող տվյալները և պատասխանատվությունն ու պատիժը մեղմացնող և ծան-րացնող հանգամանքները։
Որպես ամբաստանյալ Ա.Աղաջանյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեծորեն զղջաց կատարած հանցանքի համար, բնութագրվում է դրական, խոստո-վանական ցուցմունքով աջակցել է հանցագործությունը բացահայտելուն և հանցագործութ-յան մյուս մասնակցին մերկացնելուն, նրա խնամքին են գտնվում վեց անձ` հաշմանդամ մայրն ու քույրը, չաշխատող կինը, չափահաս, սակայն բարձրագույն ուսուցման վճարովի համակարգով սովորող ուսանող որդին, անչափահաս և մինչև տասնչորս տարեկան որդինե-րը։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, քննության առնելով իրեղեն ապացույցի տնօրինման հարցը, գտնում է, որ փորձաքննության կատարումից հետո մնացած 0,55 գրամ քաշով «Ափիոն» տեսակի թմրամիջոցը և 0,4 մլ ծավալով քացախաթթվի անհիդրիդը պետք է վերադարձվեն ՀՀ ոստի-կանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15115910 քրեական գործով, տնօրինելու համար։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119, 357, 359, 360, 374 ու 3753 հոդվածներով` դատարանը

Վ Ճ Ռ Ե Ց

Արթուր Արտավազդի Աղաջանյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով ու ՀՀ քրեական օրենսգրքի 266-րդ հոդվածի 4-րդ մասով նրան դատապարտել 50.000 (հիսուն հազար) դրամ տուգանքի, իսկ ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 6 (վեց) ամիս ժամկետով։
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները լրիվ գումարելու միջոցով` որպես վերջնական պատիժ, նշանակել ազատազրկում 6 (վեց) ամիս ժամկետով և 50.000 (հիսուն հազար) դրամ տուգանք։
Ազատազրկման ձևով նշանակված պատիժը կրած լինելու հիմքով Ա.Աղաջանյանին անհապաղ ազատել կալանքից դատական նիստի դահլիճում, և նրա նկատմամբ կիրառված խափանման միջոցը վերացնել։
Իրեղեն ապացույցները` 0,55 գրամ քաշով «Ափիոն» տեսակի թմրամիջոցը և 0,4 մլ ծա-վալով քացախաթթվի անհիդրիդը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15115910 քրեական գործով, տնօրինելու համար։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ