Գործ թիվ ԵԿԴ 0368/01


ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

ՆԱԽԱԳԱՀՈՂ ԴԱՏԱՎՈՐ՝ Գ. Ավետիսյան
ՔԱՐՏՈՒՂԱՐՈՒԹՅԱՄԲ՝ Հ.Հովհաննիսյանի

ՄԱՍՆԱԿՑՈՒԹՅԱՄԲ՝
ՄԵՂԱԴՐՈՂ՝ Ա. Կարապետյանի
ՊԱՇՏՊԱՆՆԵՐ՝ Գ. Բոյախանջյանի
Վ. Արմենակյանի
2011թ. մայիսի 16-ին« դռնբաց դատական նիստում« դատարանում« քննեց քրեական գործն ըստ մեղադրանքի Սիմոն Վոլոդիայի Ասատրյանի` ծնված 1985թ. փետրվարի 1-ին«
Երևանում« ազգությամբ` հայ« ՀՀ քաղաքացի« թերի բարձրագույն կրթությամբ« սովորում է Երևանի պետական ճարտարագիտական համալսարանի հեռակա ուսուցման 3-րդ կուրսում, ամուսնացած« խնամքին` մեկ անձ« նախկինում դատված` Շենգավիթի համայնքի ընդհանուր իրավասության դատարանի 2005թ. ապրիլի 22-ի դատավճռով ՀՀ քրեական օրենսգրքի 175-րդ հոդվածի 2-րդ մասի 1-ին և 2-րդ կետերով դատապարտվել է` ազատազրկման` 3 տարի ժամկետով« պատժից ազատվել է 2006թ. հուլիսի 31-ին« դատվածությունը չմարված, հաշվառված և բնակվում է Երևանի Խուդյակովի փողոցի 70-րդ շենքի թիվ 1 բնակարանում« կալանքի տակ է 2010թ նոյեմբերի 15-ից« մեղադրվում է Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով։ Առաջադրված մեղադրանքում Սիմոն Վոլոդյայի Ասատրյանն իրեն մեղավոր ճանաչեց մասնակի։

Միքայել Հոմերոսի Նահապետյանի` ծնված 1964թ. հոկտեմբերի 9-ին« Երևանում« ազգությամբ` հայ« ՀՀ քաղաքացի« միջնակարգ կրթությամբ« ամուսնացած« խնամքին` ոչ ոք« ֆիզիկապես վատառողջ, տառապում է` խրոնիկական հեպատիտ C ցիռոզի անցումով, լյարդաբջջային և անոթային առքկոմպենսացիա, պորտալ հիպերտենցիա հիվանդությամբ, 2-րդ խմբի հաշմանդամ, ՀՀ Երկրապահ Կամավորական միության անդամ, մասնակցել է ՀՀ և Արցախի սահմանների պաշտպանության մարտական գործողություններին` 1994թ. վիրավորվել, նախկինում չդատված« աշխատում է «Հայռուսգազարդ» ՓԲԸ-ում որպես փականագործ« հաշվառված է Երևանի Նար Դոսի փողոցի թիվ 114 տանը« բնակվում է Երևանի« Խուդյակովի փողոցի թիվ 84/2 շենքի 5-րդ բնակարանում« սույն քրեական գործով ձերբակալված է եղել 2010թ. նոյեմբերի 15-ից մինչև 2010թ. նոյեմբերի 17-ը, մեղադրվում է Հայաստանի Հանրապետության քրեական օրենսգրքի 268-րդ հոդվածի 2-րդ մասի 1-ին և 2-րդ կետերով։ Առաջադրված մեղադրանքում Միքայել Հոմերոսի Նահապետյանն իրեն մեղավոր ճանաչեց։

Թիվ 15107010 քրեական գործը Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետի և 268-րդ հոդվածի 2-րդ մասի 2-րդ կետի հատկանիշներով հարուցվել է 2010թ. նոյեմբերի 15-ին ՀՀ Ոստիկանության քննչական գլխավոր վարչության Երևանի ՔՎ Կենտրոնականի քննչական բաժնի կողմից։

Դատաքննությամբ և գործի տվյալներով դատարանը ապացուցված համարեց հետևյալը.
Ամբաստանյալ Ս. Ասատրյանը 2010թ. հոկտեմբեր ամսին չպարզված անձից և հանգամանքներում իրացնելու նպատակով ապօրինաբար ձեռք է բերել և Երևանի Խուդյակովի փողոցի թիվ 70 շենքի մուտքում՝ էլեկտրասնուցման վահանակի արկղում պահել խոշոր չափի՝ 9«7 գրամ «ափիոն» տեսակի թմրամիջոց։
2010թ. հոկտեմբերի վերջերին ամբաստանյալ Ս.Ասատրյանը Երևանի Խուդյակովի փողոցում ամբաստանյալ Մ.Նահապետյանին հայտնել է իր մոտ եղած «ափիոն» տեսակի թմրամիջոցի առկայության մասին։ Տեղեկանալով« որ ամբաստանյալ Մ.Նահապետյանը ցանկանում է թմրամիջոց գործածել« իր կողմից ապօրինի ձեռք բերված և պահվող թմրամիջոցից խոշոր չափի՝ մեկ գրամ «ափիոն» տեսակի թմրամիջոցը նրան նվիրելով« իրացրել է։
Ամբաստանյալ Ս.Ասատրյանը ընդառաջելով ամբաստանյալ Մ.Նահապետյանի խնդրանքին 2010թ. նոյեմբերի սկզբներին Երևանի Խուդյակով փողոցի թիվ 70 շենքի բակում ամբաստանյալ Մ.Նահապետյանին նվիրելու եղանակով ապօրինի կրկին իրացրել է խոշոր չափի՝ մեկ գրամ «ափիոն» տեսակի թմրամիջոց։
Դրանից մի քանի օր անց« ամբաստանյալ Ս.Ասատրյանը Երևանի Խուդյակովի փողոցի թիվ 70 շենքի բակում իր կողմից իրացնելու նպատակով ապօրինի ձեռք բերված և պահվող «ափիոն» տեսակի թմրամիջոցից մեկ գրամ` խոշոր չափի թմրամիջոցը հյուրասիրելու եղանակով իրացրել է ամբաստանյալ Մ.Նահապետյանին։
2010թ. նոյեմբերի 10-ին« ցերեկը ամբաստանյալ Ս.Ասատրյանը նույն վայրում ամբաստանյալ Մ.Նահապետյանին հյուրասիրելու եղանակով ապօրինի իրացրել է 1«85 գրամ «ափիոն» տեսակի թմրամիջոց։ Իրացնելու նպատակով ապօրինի ձեռք բերված և պահվող թմրամիջոցի մնացած՝ 4«85 գրամ «ափիոն» տեսակի թմրամիջոցը ամբաստանյալ Ս.Ասատրյանի մոտ հայտնաբերվել է 2010թ. նոյեմբերի 13-ին` անձնական խուզարկության ընթացքում։
Ամբաստանյալ Մ.Նահապետյանը 2010թ. հոկտեմբեր-նոյեմբեր ամիսներին տարբեր օրերի կրկին` չորս անգամ առանց իրացնելու նպատակի իր օգտագործման համար ամբաստանյալ Ս.Ասատրյանից` նվիրելու եղանակով ապօրինի ձեռք է բերել, պահել և փոխադրել` առաջին երեք անգամ մեկական, իսկ 2010թ. նոյեմբերի 10-ին` 1.85 գրամ խոշոր չափի ափիոն տեսակի թմրամիջոց։ 2010թ. նոյեմբերի 10-ին Ս.Ասատրյանից ձեռք բերած 1.85 գ ափիոն տեսակի թմրամիջոցը հայտնաբերվել է նրա անձնական խուզարկության ժամանակ։
Վերոհիշյալ արարքները կատարելու համար ամբաստանյալ Սիմոն Վոլոդյայի Ասատրյանին մեղադրանք է առաջադրվել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով« իսկ Միքայել Հոմերոսի Նահապետյանին` Հայաստանի Հանրապետության քրեական օրենսգրքի 268-րդ հոդվածի 2-րդ մասի 1-ին և 2-րդ կետերով։
Առաջադրված մեղադրանքում ամբաստանյալ Սիմոն Ասատրյանն իրեն մեղավոր ճանաչեց մասնակի և ցուցմունքներ տվեց« որ «ափիոն» տեսակի թմրամիջոցը գտել է իրենց շենքի նկուղային մաս տանող դռան մոտի աստիճանների վրայից։ Գնդիկի նման բան է եղել։ Այն վերցնելու ժամանակ չի էլ մտածել« որ դա թմրանյութ է« դրա համար է վերցրել, բացել է« հոտ քաշել« սուր հոտ է եկել։ Հետո էլ դրել է հաշվիչների տուփի վրա« հետը տուն չի տարել« ուղղակի մտքով չի անցել« որ տանը պահի։ Այն ցույց է տվել Մ.Նահապետյանին« ով հայտնել է, որ դա թմրամիջոց է, ապա՝ հետագայում նրան տալու համար պահել է իրենց շենքի էլեկտրական սնուցման վահանակի մոտ։ Մ.Նահապետյանն ասել է, որ իր լյարդի համար լավ է« մի քիչ վերցրել է։ Միքայել Նահապետյանին ընդամենը մեկ անգամ է այդ նյութից տվել։ 2010թ. նոյեմբերի 10-ին երեկոյան իրեն զանգահարել է Միքայել Նահապետյանը« ասել« որ մոտը եղած ամբողջ նյութը իջեցնի։ Իջեցրել է« ոստիկանները բռնել են։ Նախաքննության ժամանակ իր նկատմամբ բռնություն է գործադրվել։ Բաժնում ևս ասել են, որ գրի թե հայտնաբերվածը թմրանյութ է։ Ստիպել են« ինքն էլ գրել է։ Բաժնում է իմացել« որ իր գտած զանգվածը թմրանյութ է։ /քրեական գործ, էջ 81-84, 146, դատական նիստի արձանագրություն/։
Առաջադրված մեղադրանքում ամբաստանյալ Միքայել Նահապետյանն իրեն մեղավոր ճանաչեց և ցուցմունքներ տվեց« որ 2010թ. հոկտեմբերի վերջերին Երևանի Խուդյակով փողոցի թիվ 70 շենքի բակում հանդիպել է թաղամասի բնակիչ Սիմոն Ասատրյանին« ով իրեն հայտնել է« որ շենքի ընդհանուր օգտագործման նկուղից «չեռնյաշկա» տեսակի թմրանյութ է գտել։ Լյարդի շրջանում ունեցած ցավերը մեղմելու նպատակով Սիմոն Ասատրյանին խնդրել է թմրամիջոցի մի մասն իրեն տալ։ Սիմոն Ասատրյանն առանց որևէ փոխհատուցում պահանջելու իրեն է տվել մոտ մեկ գրամ թմրամիջոց« որն ինքը հետագայում ընտանիքի անդամներից աննկատ կուլ տալու միջոցով գործածել է։ Սիմոն Ասատրյանն իրեն խնդրել է թմրամիջոցի առկայության մասին ոչ ոքի չտեղեկացնել։ Դրանից հետո 2010թ. հոկտեմբերի վերջերին շենքի բակում Սիմոն Ասատրյանից« վերցրել է մոտ մեկ գրամ «ափիոն» տեսակի թմրամիջոց« որը նույն օրը սուրճի մեջ լուծելով օգտագործել է։ Մի քանի օր անց նոյեմբերի 04-ին կրկին անգամ Սիմոն Ասատրյանից վերցրել է «ափիոն» տեսակի թմրամիջոց« որը նույն եղանակով լուծելով տաք սուրճի մեջ խմել է։
Վերջին անգամ 2010թ. նոյեմբերի 10-ին ցերեկը իրենց շենքի բակում հանդիպել է Սիմոն Ասատրյանին« նրանից վերցրել փաթեթավորված «ափիոն» տեսակի թմրամիջոցը« այն դրել է բաճկոնի աջ գրպանում և պահել հետագա օգտագործման համար։
2010թ. նոյեմբերի 13-ին« ժամը 22.00-ի սահմաններում« Երևանի Նար-Դոս փողոցում ոստիկանության աշխատակիցները իրեն բերման են ենթարկել ոստիկանության Կենտրոնականի բաժին« որտեղ անձնական խուզարկության ժամանակ Սիմոն Ասատրյանից վերցրած 1.85 գրամ քաշով «ափիոն» տեսակի թմրամիջոցը հայտնաբերվել է։ Ոստիկանությունում պատմել է ճշմարտությունը և համոզելու համար« որ թմրամիջոցը վերցրել է Սիմոն Ասատրյանից« ոստիկանության աշխատակիցներից թույլտվություն վերցնելով բջջային հեռախոսով զանգահարել է Սիմոն Ասատրյանին և ժամադրել շենքի բակում` խնդրելով բերել ունեցած ողջ թմրամիջոցը։ Ոստիկանության աշխատակիցները« պայմանավորված վայրից Սիմոն Ասատրյանին բերման են ենթարկել։ Վերջինս իրեն տված թմրամիջոցի դիմաց գումար չի պահանջել« սակայն ինքը նրան դրամական օժանդակություն է ցուցաբերել։ /քրեական գործ էջ 40-43« 87-88« 131« դատական նիստի արձանագրություն/
Ամբաստանյալ Սիմոն Ասատրյանի պատճառաբանություններն անհիմն են« նպատակ են հետապնդում խուսափել քրեական պատասխանատվությունից, դրանք հերքվում« իսկ ամբաստանյալներ Սիմոն Ասատրյանին և Միքայել Նահապետյանին մեղսագրված արարքները« բացի ամբաստանյալ Միքայել Նահապետյանի խոստովանական ցուցմունքներից հիմնավորվում են քրեական գործի քննությամբ ձեռք բերված և դատաքննության ժամանակ հետազոտված հետևյալ ապացույցներով։
Հենց ամբաստանյալ Սիմոն Ասատրյանի 2010թ. նոյեմբերի 13-ի իր ձեռքով գրված բացատրությամբ, որտեղ նշել է, որ այդ զանգվածը ինքը վերցրել է իրենց շենքի նկուղից` թմրանյութ օգտագործող իրենց շենքի բնակիչ Օնոյի թաքստոցից, իմացել է, որ դա թմրանյութ է։ Իր հիշելով Մ.Նահապետյանին տվել է 5 անգամ փոքր չափերով, որի դիմաց նա 10 000 – 15 000 ՀՀ դրամ է տվել, որպես ձեռքի ծախս։ Թմրանյութը Մ.Նահապետյանին փոխանցելու ժամանակ եղել է մենակ։ Նա է իրեն ասել, որ գտածը պոլիէթիլենի փոքր կտորների մեջ փաթաթի և տա իրեն /քրեական գործ, էջ 17-18/։ Իսկ որպես կասկածյալի և մեղադրյալի տված ցուցմունքներում նշել է, որ ձեռք բերելով այդ զանգվածը, այն ցույց է տվել ամբաստանյալ Մ.Նահապետյանին, ով հայտնել է, որ դա թմրանյութ է, կայֆ է, որից հետո մեկ կտոր տվել է վերջինիս։ Նույն օրը երեկոյան զանգել է Մ.Նահապետյանը և նրա խնդրանքով թմրանյութի զանգվածը իջեցրել է նրան հանձնելու համար ու բռնվել ոստիկանության աշխատողների կողմից։ Հայտնել է նաև, որ իր նկատմամբ բռնություն չի գործադրվել, բացատրությունը տվել է հուզված վիճակում։ Ամբաստանյալ Մ.Նահապետյանի հետ առերես հարցաքննության ժամանակ ամբաստանյալ Ս.Ասատրյանը ընդունել է, որ իր գտածը թմրամիջոց է /քրեական գործ, էջ 81-84, 146, 87-88/ ։
Դատարանը արժանահավատ է համարում ամբաստանյալ Ս.Ասատրյանի նախաքննության ժամանակ տված վերոհիշյալ ցուցմունքները։ Դատարանում տված ցուցմունքները դատարանը անարժանահավատ է համարում, նկատի ունենալով, որ չեն համապատասխանում գործով ձեռք բերված փաստական հանգամանքներին։ Փոխելով նախաքննության ընթացքում տված ցուցմունքները ամբաստանյալը ցանկանում է խուսափել քրեական պատասխանատվությունից։
Անձնական խուզարկության մասին 2010թ. նոյեմբերի 13-ի արձանագրությամբ, համաձայն որի Սիմոն Ասատրյանի մոտից հայտնաբերվել է պոլիէթիլենային տոպրակով փաթեթավորված սև գույնի ափիոնանման զանգված, որը եղել է 5.1 գրամ, հայտնաբերվել է նաև «Մոտոռալա» մոդելի 358925009204666 գործարանային համարով բջջային հեռախոս, որի մեջ տեղադրված է եղել 094-53-74-74 հեռախոսահամարը, հայտնաբերված հեռախոսի միջից բացի տեղադրված քարտից հայտնաբերվել է «ալո» քարտ, որի վրա գրված են եղել հետևյալ թվերը` 8937493306891901, որի համարն է 098-48-46-46։ Ս.Ասատրյանը հայտարարել է, որ իր մոտից հայտնաբերված զանգվածը հանդիսանում է «Կայֆի դեղ», որը վերցրել է իրենց շենքի նկուղից, շենքի բնակիչ Օնոյի թաքցրած վայրից, այդ զանգվածից չի օգտագործել, սակայն տվել է Մ.Նահապետյանին/քրեական գործ, էջ 5/։
Անձնական խուզարկության մասին 2010թ. նոյեմբերի 13-ի արձանագրությամբ, համաձայն որի Մ.Նահապետյանի մոտից հայտնաբերվել է պոլիէթիլենային տոպրակով փաթեթավորված սև գույնի ափիոնանման զանգված, որը եղել է 1.9 գրամ։ Մ.Նահապետյանը հայտարարել է, որ իր մոտից հայտնաբերված զանգվածը հանդիսանում է «չեռնյաշկա» տեսակի թմրամիջոց, պատկանում է իրեն, որը ձեռք է բերել Ս.Ասատրյանից` իր օգտագործման համար։ /քրեական գործ, էջ 6/։
Դատաքիմիական փորձաքննության թիվ 651Ք եզրակացությամբ, համաձայն որի Մ.Նահապետյանի և Ս.Ասատրյանի անձնական խուզարկությամբ հայտնաբերված և փորձաքննությանը ներկայացված համապատասխանաբար՝ 1.85 և 4«85 գրամ քաշով մուգ շագանակագույն նյութերը հանդիսանում են «ափիոն» տեսակի թմրամիջոց։ /քրեական գործ էջ 27-29/
Դատաքիմիական փորձաքննության թիվ 655Ք եզրակացությամբ, համաձայն որի փորձաքննությանը ներկայացված թիվ 651Ք եզրակացությամբ հետազոտված Մ. Նահապետյանի և Ս.Ասատրյանի մոտից հայտնաբերված «ափիոն» տեսակի թմրամիջոցներն ըստ իրենց հանքային քիմիական բաղադրությունների միատեսակ են /քրեական գործ էջ 265-267/
Ամբաստանյալներ Մ.Նահապետյանի և Ս.Ասատրյանի անձնական խուզարկությամբ հայտնաբերված համապատասխանաբար՝ 1.85 և 4«85 գրամ թմրամիջոցների առկայությամբ և այդպիսիք իրեղեն ապացույց ճանաչելու մասի որոշմամբ /քրեական գործ էջ 33/։
Տոքսիոքիմիական փորձաքննության թիվ 10-3062 եզրակացությամբ« համաձայն որի Մ. Նահապետյանից վերցված մեզի և մազի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ /քրեական գործ էջ 116-117/։


Ապացույց ճանաչված այլ փաստաթուղթ հանդիսացող` ամբաստանյալներ Մ.Նահապետյանի և Ս.Ասատրյանի բջջային հեռախոսահամարներից կատարված մուտքային և ելքային հեռախոսազանգերի վերծանումներով« համաձայն որոնց վերջիններս հանցագործությունները կատարելու ժամանակահատվածում գտնվել են ակտիվ հեռախոսակապի մեջ։/քրեական գործ էջ 317-318/։
Ապացույց ճանաչված այլ ապացույց հանդիսացող՝ ամբաստանյալներ Մ.Նահապետյանին և Ս.Ասատրյանին ՀՀ ոստիկանության Կենտրոնականի բաժին բերման ենթարկելու մասին արձանագրությամբ« Մ.Նահապետյանի և Ս.Ասատրյանի բացատրություններով/քրեական գործ էջ 317-318/։
Դատարանը« վերլուծելով և գնահատելով քրեական գործի նյութերը« ապացուցված է համարում« որ ամբաստանյալ Սիմոն Ասատրյանը 2010թ. հոկտեմբեր ամսին չպարզված անձից և հանգամանքներում իրացնելու նպատակով ապօրինաբար ձեռք է բերել և պահել խոշոր չափի՝ 9«7 գրամ «ափիոն» տեսակի թմրամիջոց« որից 4«85 գրամ թմրամիջոցը նվիրելու եղանակով իրացրել է Միքայել Հոմերոսի Նահապետյանին« իսկ մնացած՝ 4«85 գրամ «ափիոն» տեսակի թմրամիջոցը պահել հետագա իրացման համար։
Ս.Ասատրյանը իրացնելու նպատակով ապօրինաբար ձեռք բերած և պահած խոշոր չափի՝ թմրամիջոցից 2010թ. հոկտեմբերի վերջերից մինչև նոյեմբերի կեսերը խոշոր չափի՝ մեկական գրամ «ափիոն» տեսակի թմրամիջոցը Մ.Նահապետյանին նվիրելով« չորս անգամ իրացրել է։
2010թ. նոյեմբերի 10-ին« Ս.Ասատրյանը Մ.Նահապետյանին հյուրասիրելու եղանակով ապօրինի իրացրել է 1«85 գրամ «ափիոն» տեսակի թմրամիջոց։ Իրացնելու նպատակով ապօրինի ձեռք բերված և պահվող թմրամիջոցի մնացած՝ 4«85 գրամ «ափիոն» տեսակի թմրամիջոցը Ս.Ասատրյանի մոտ հայտնաբերվել է 2010թ. նոյեմբերի 13-ին անձնական խուզարկությամբ։
Ամբաստանյալ Սիմոն Ասատրյանի կատարած արարքը համապատասխանում է Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետին։
Դատարանը ապացուցված է համարում« որ ամբաստանյալ Միքայել Նահապետյանը 2010թ. հոկտեմբերի վերջերից մինչև նոյեմբերի կեսերն ընկած ժամանակահատվածում ամբաստանյալ Սիմոն Վոլոդյայի Ասատրյանից առանց իրացնելու նպատակի՝ իր գործածման համար ապօրինի կրկին` չորս անգամ ձեռք է բերել և պահել խոշոր չափի՝ մեկական գրամ «ափիոն» տեսակի թմրամիջոց« որը փոխադրել է իր բնակարան և չորս անգամ գործածել։
2010թ. նոյեմբերի 10-ին Մ.Նահապետյանը Ս.Ասատրյանից կրկին անգամ առանց իրացնելու նպատակի՝ իր գործածման համար« ապօրինի ձեռք է բերել խոշոր չափի՝ 1«85 գրամ «ափիոն» տեսակի թմրամիջոց« որը 2010թ. նոյեմբերի 13-ին անձնական խուզարկությամբ հայտնաբերվել է։
Ամբաստանյալ Միքայել Նահապետյանի կատարած արարքը համապատասխանում է Հայաստանի Հանրապետության քրեական օրենսգրքի 268-րդ հոդվածի 2-րդ մասի 1-ին և 2-րդ կետերին։
Դատարանը պատիժ սահմանելիս հաշվի է առնում ամբաստանյալ Սիմոն Ասատրյանի կատարած հանցանքի` խոշոր չափերով իրացնելու նպատակով« թմրամիջոց ապoրինի ձեռք բերելու« պահելու« իրացնելու` հանրության համար վտանգավորության աստիճանը և բնույթը ու ամբաստանյալ Ս. Ասատրյանի անձնավորությունը։
Դատարանը պատիժ սահմանելիս հաշվի է առնում ամբաստանյալ Միքայել Նահապետյանի կատարած հանցանքի` կրկին անգամ, խոշոր չափերով առանց իրացնելու նպատակի թմրամիջոց ապoրինի ձեռք բերելու« պահելու` հանրության համար վտանգավորության աստիճանը և բնույթը ու ամբաստանյալ Մ. Նահապետյանի անձնավորությունը։
Դատարանը որպես պատասխանատվությունը և պատիժը մեղմացնող հանգամանք դիտում է այն« որ ամբաստանյալ Սիմոն Ասատրյանը երիտասարդ է« խնամքին ունի մեկ անձ« ուսանող է, սովորում է Երևանի պետական ճարտարագիտական համալսարանի 3-րդ կուրսում, մասնակի ընդունում է կատարած հանցանքը և զղջում դրա համար, իսկ ամբաստանյալ Միքայել Նահապետյանը հանցանքը կատարում է առաջին անգամ« ընդունում է կատարած հանցանքը« զղջում դրա համար« ֆիզիկապես վատառողջ է, տառապում է` խրոնիկական հեպատիտ C ցիռոզի անցումով, լյարդաբջջային և անոթային առքկոմպենսացիա, պորտալ հիպերտենցիա հիվանդությամբ, 2-րդ խմբի հաշմանդամ է, ՀՀ Երկրապահ Կամավորական միության անդամ, մասնակցել է ՀՀ և Արցախի սահմանների պաշտպանության մարտական գործողություններին` 1994թ. վիրավորվել, բնութագրվում է դրական։
Դատարանը որպես պատասխանատվությունը և պատիժը ծանրացնող հանգամանք է համարում ամբաստանյալ Սիմոն Ասատրյանի հանցագործության ռեցիդիվը։
Կատարած արարքների համար ամբաստանյալներ Սիմոն Ասատրյանը և Միքայել Նահապետյանն ենթակա են պատժի` Սիմոն Ասատրյանը ազատազրկման ձևով։
Դատարանը, միաժամանակ հաշվի առնելով ամբաստանյալ Միքայել Նահապետյանի անձնավորությունը, մասնավորապես, այն, որ հանցանքը կատարում է առաջին անգամ« ընդունում է կատարած հանցանքը« զղջում դրա համար« ֆիզիկապես վատառողջ է, տառապում է` խրոնիկական հեպատիտ C ցիռոզի անցումով, լյարդաբջջային և անոթային առքկոմպենսացիա, պորտալ հիպերտենցիա հիվանդությամբ, 2-րդ խմբի հաշմանդամ է, ՀՀ Երկրապահ Կամավորական միության անդամ, մասնակցել է ՀՀ և Արցախի սահմանների պաշտպանության մարտական գործողություններին` 1994թ. վիրավորվել, բնութագրվում է դրական, օժանդակել է հանցագործության` մասնավորապես թմրանյութի ձեռք բերման աղբյուրը բացահայտելուն, նրա կատարած հանցանքի վտանգավորության աստիճանը, հանգում է հետևության, որ նրա ուղղումն ու վերադաստիարակումը հնարավոր է առանց հասարակությունից մեկուսացնելու, նաև առանց ազատազրկման ձևով նախատեսված պատիժը կրելու, և գտնում է, որ ազատազրկման ձևով նրա նկատմամբ նշանակված պատիժը պետք է ՀՀ քրեական օրենսգրքի 70-րդ հոդվածի կիրառմամբ պայմանականորեն չկիրառել՝ սահմանելով փորձաշրջան` վարքագծի նկատմամբ հսկողություն դնելով վերահսկողություն իրականացնող մարմինների վրա։
Դատարանը գտավ« որ ամբաստանյալ Սիմոն Ասատրյանի նկատմամբ ընտրված խափանման միջոց կալանավորումը պետք է թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Միքայել Նահապետյանի նկատմամբ ընտրված խափանման միջոց ստորագրություն չհեռանալու մասին պետք է թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույց ճանաչված` ամբաստանյալներ Մ.Նահապետյանի և Ս.Ասատրյանի անձնական խուզարկությամբ հայտնաբերված համապատասխանաբար՝ 1.85 և 4«85 գրամ թմրամիջոցները պետք է վերադարձնել վարույթն իրականացնող մարմնին` ՀՀ ոստիկանության քննչական գլխավոր վարչության հատկապես կարևոր գործերի քննության վարչության` տնօրինությանը, սույն գործով անջատված մասով քրեական գործում պահելու համար։
Դատարանը գտավ, որ ՀՀ քրեական օրենսգրքի 266-րդ հոդվածի 2-րդ մասի 2-րդ կետի սանկցիայով նախատեսված գույքի բռնագրավման ձևով լրացուցիչ պատիժը ամբաստանյալ Ս.Ասատրյանի նկատմամբ չպետք է կիրառել, նկատի ունենալով, որ նա խնամքին ունի մեկ անձ« ուսանող է, մասնակի ընդունում է կատարած հանցանքը, թմրամիջոցի իրացումից շահ չի ստացել։
Ղեկավարվելով Հայաստանի Հանրապետության քրեական դատավարության օրենսգրքի 357-360-րդ« 364-365-րդ« 369-372-րդ հոդվածներով՝ դատարանը





Վ Ճ Ռ Ե Ց

Ամբաստանյալ Սիմոն Վոլոդիայի Ասատրյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով և դատապարտել ազատազրկման` վեց տարի ժամկետով` առանց գույքի բռնագրավման։
Ամբաստանյալ Սիմոն Վոլոդիայի Ասատրյանը պատիժը կրելու է ՀՀ արդարադատության նախարարության համապատասխան քրեակատարողական հիմնարկում։
Ամբաստանյալ Սիմոն Վոլոդիայի Ասատրյանի պատիժը կրելու սկիզբը հաշվել 2010թ.-ի նոյեմբերի 15-ից։
Ամբաստանյալ Սիմոն Վոլոդիայի Ասատրյանի նկատմամբ ընտրված խափանման միջոց` կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Միքայել Հոմերոսի Նահապետյանին մեղավոր ճանաչել Հայաստանի Հանրապետության քրեական օրենսգրքի 268-րդ հոդվածի 2-րդ մասի 1-ին և 2-րդ կետերով և դատապարտել ազատազրկման` մեկ տարի ժամկետով։ Նշանակված պատժից հանել ամբաստանյալ Միքայել Հոմերոսի Նահապետյանի սույն քրեական գործով անազատության, ձերբակալության մեջ գտնվելու ժամանակը` 2 օրը և նրա նկատմամբ վերջնական պատիժ սահմանել ազատազրկում` 11 ամիս 28 օր ժամկետով։
Հայաստանի Հանրապետության քրեական օրենսգրքի 70-րդ հոդվածի կիրառմամբ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան մեկ տարի ժամկետով` վարքի վերահսկողությունը դնելով իրավասու մարմինների վրա։
Ամբաստանյալ Միքայել Հոմերոսի Նահապետյանի նկատմամբ ընտրված խափանման միջոցը` ստորագրություն չհեռանալու մասին թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույց ճանաչված` ամբաստանյալներ Մ.Նահապետյանի և Ս.Ասատրյանի անձնական խուզարկությամբ հայտնաբերված համապատասխանաբար՝ 1.85 և 4«85 գրամ թմրամիջոցները վերադարձնել վարույթն իրականացնող մարմնին` ՀՀ ոստիկանության քննչական գլխավոր վարչության հատկապես կարևոր գործերի քննության վարչության` տնօրինությանը։
Դատավճիռը հրապարակման օրվանից մեկամսյա ժամկետում կարող է բողոքարկվել Հայաստանի Հանրապետության վերաքննիչ քրեական դատարան։


ԴԱՏԱՎՈՐ՝ Գ.ԱՎԵՏԻՍՅԱՆ