Հիմնական

Գործի համար: ԵԿԴ/0366/01/10
Վիճակագրական տողի համար : 11.1

Պատասխանող

Մելիք Պողոսյան
Մելիք Պողոսյան Նորիկի
Մելիք Պողոսյան
Մելիք Պողոսյան

Դատավոր

Քրեական վերաքննիչ

Արարատ Պետրոսյան

Կենտրոն և Նորք-Մարաշ

Մնացական Մարտիրոսյան

Դատավոր

Քրեական վերաքննիչ

Արարատ Պետրոսյան

Կենտրոն և Նորք-Մարաշ

Մնացական Մարտիրոսյան

Մեղադրական եզրակացության համառոտ բովանդակություն: Մեղադրվում է նրանում, որ անհայտ անձից իրացնելու նպատակով ձեռք է բերել և 2010թ. մայիսի 12-ին Կոնստանտին Մանուկյանին ապօրինի իրացրել է ափիոն տեսակի թմրամիջոց
Դատարան Օր Ժամ Դատարանի դահլիճի համար Ստատուս Որոշում Այլ նշումներ
Քրեական վերաքննիչ 2011-10-14 10:00 2
Կենտրոն և Նորք-Մարաշ 2011-01-21 15:00 4
Կենտրոն և Նորք-Մարաշ 2011-03-03 15:00 4
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

ԵԿԴ/0366/01/10
Երևան քաղաքի Կենտրոն և Նորք
Մարաշ վարչական շրջանների
ընդհանուր իրավասության առաջին
ատյանի դատարանի որոշում
նախագահող դատավոր Մ. Մարտիրոսյան

ՈՐՈՇՈՒՄ

14 հոկտեմբերի 2011 թվական ք. Երևան

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ նաև`
վերաքննիչ դատարան/ ԿԱԶՄՈՎ`

նախագահող դատավոր Ա. ՊԵՏՐՈՍՅԱՆ

քարտուղարությամբ Պ. ԲՈՇՆԱՂՅԱՆԻ
մասնակցությաբ
դատախազ` Ա. ՓԱՆՈՍՅԱՆԻ

դռնբաց դատական նիստում դատական ստուգման ենթարկելով դատապարտյալ Մելիք Նորիկի Պողոսյանի վերաքննիչ բողոքը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի /այսուհետ նաև` առաջին ատյանի դատարան/ 2011 թվականի օգոստոսի 3-ի որոշման դեմ

ä²ð¼ºò

Գործի դատավարական նախապատմությունը և փաստական հանգամանքները

1. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի դատավճռով 3-ի Մելիք Պողոսյանը դատապարտվել է ՀՀ քրեական օրենսգրքի 266-րդ հոդվածի 1-ին մասով ` ազատազրկման 3 տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի /հարյուր հազար ՀՀ դրամ/ գումարի չափով: ՀՀ քրեական օրենսգրքի 66-րդ հոդվածով սահմանված` պատիժները մասնակի գումարման սկզբունքի կիրառմամբ, վերջնական պատիժ է նշանակվել ազատազրկում 5 տարի 6 ամիս ժամկետով` առանց գույքի բռնագրավման և տուգանք, նվազագույն աշխատավարձի հարյուրապատիկի /հարյուր հազար ՀՀ դրամ/ գումարի չափով:

2. 2011 թվականի հունիսի 22-ին դատապարտյալ Մելիք Պողոսյանը դիմում է ներկայացրել առաջին ատյանի դատարան` խնդրելով առանց իր մասնակցության վերանայել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից իր նկատմամբ կայացրած դատավճիռը` նկատի ունենալով ՀՀ Ազգային Ժողովի կողմից 2011 թվականի մայիսի 23-ին ընդունված <<ՀՀ քրեական օրենսգրքում փոփոխություններ կատարելու մասին>> ՀՀ օրենքը:

4. Առաջին ատյանի դատարանի 3.08.2011թ. որոշմամբ, նույն դատարանի 3.03.2011թ. դատավճռով Մ. Պողոսյանին` ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ և 2.1 կետով, 266-րդ հոդվածի 4-րդ մասով մեղսագրված արարքները համապատասխանեցվել է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցագորշություններին:
Դատավճիռը մնացած` այդ թվում պատժի մասով թողնվել է անփոփոխ:

5. Առաջին ատյանի դատարանի 3.08.2011թ. որոշման դեմ վերաքննիչ բողոք է բերել դատապարտյալ Մ. Պողոսյանը:

Վերաքննիչ բողոքի հիմքերը, փաստարկները և պահանջը

Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով.

Գոռ Գալստյանը, վկայակոչելով վերաքննիչ բողոքում նշված պատճառաբանությունները, խնդրել է վերանայել դատարանի որոշումը և պատժի մասով նվազեցնել:

Վերաքննիչ դատարանի պատճառաբանությունները և եզրահանգումը

7. Վերաքննիչ դատարանն անհրաժեշտ է համարում անդրադառնալ սույն գործով առաջին ատյանի դատարանի որոշման բողոքարկման ժամկետին:

8. Գործի նյութերից երևում է, որ դատապարտյալ Մ. Պողոսյանը 22.06.2011թ. դիմելով առաջին ատյանի դատարանին, խնդրել է առանց իր մասնակցության վերանայել իր նկատմամբ կայացված`Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 3.03.2010թ. դատավճիռը:
Առաջին ատյանի դատարանը դատավճիռը համապատասխանեցնելու մասին որոշումը կայացրել է 2011 թվականի օգոստոսի 3-ին, նշելով, որ այն կարող է բողոքարկվել հրապարակման պահից` տասնօրյա ժամկետում:
Որոշումը դատապարտյալին ուղարկվել է 8.08.2011թ: Դատապարտյալը որոշման դեմ վերաքննիչ բողոք է ներկայացրել 18.08.2011թ., որը վերաքննիչ դատարան մուտք է եղել 26.08.2011թ.` այսինքն դատապարտյալը բաց է թողել բողոքարկման համար օրենքով սահմանված տասնօրյա ժամկետը:

9. Վերաքննիչ դատարանը հաշվի առնելով, որ դատապարտյալ Մ. Պողոսյանը առաջին ատյանի դատարանի կայացրած որոշման հրապարակմանը չի մասնակցել, որի արդյունքում ժամանակին չի իրազեկվել իր վերաբերյալ կայացված որոշումը բողքարկելու կարգին, մասնավորապես` դրա համար սահմանված ժամկետին, գտնում է, որ բաց թողնված ժամկետը պետք է համարել հարգելի:

10. Վերաքննիչ բողոքում նշված հիմքերի և հիմնավորումների սահմաններում կատարելով դատական ստուգում` ներկայացնելով դատական ակտի բովանդակությունը, վերաքննիչ բողոքի էությունը, լսելով նաև դատախազի պատասխանը, վերլուծելով գործի նյութերը, Վերաքննիչ դատարանը հանգում է այն հետևության, որ վերաքննիչ բողոքը պետք է մերժել` իսկ դատական ակտը փոփոխել, հետևյալ պատճառաբանությամբ.

11. 2011 թվականի մայիսի 25-ին ուժի մեջ մտած <ՀՀ քրեական օրենսգրքում փոփոխություններ և լրացումներ կատարելու մասին> 23.05.2011թ. օրենքի 2-րդ հոդվածի համաձայն` ՀՀ քրեական օրենսգրքի 21-րդ հոդվածը /հանցագործությունների կրկնակիությունը/ ուժը կորցված է ճանաչվել:

12. ՀՀ Սահմանադրության 22-րդ հոդվածի համաձայն` արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ:

13. ՀՀ քրեական օրենսգրքի 13-րդ հոդվածի 1-ին մասը սահմանում է, որ <<արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն>>:
ՀՀ քրեական օրենսգրքի վերոշարադրյալ դրույթի վերլուծությունից երևում է, որ օրենքի հետադարձության կանոնը կիրառվում է այն դեպքերում, երբ անձի կողմից հանցավոր արարքը կատարվել է նախքան արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքի ուժի մեջ մտնելը:

14. Ինչպես Երևում է գործի նյութերից, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի 3-ի դատավճռով Մ. Պողոսյանը դատապարտվել է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով, 266-րդ հոդվածի 4-րդ մասով:
Մինչդեռ առաջին ատյանի դատարանը վերոհիշյալ դատավճիռը վերանայելու մասին որոշման մեջ նշել է, որ Մ. Պողոսյանը դատապարտվել է նաև ՀՀ քրեական օրենսգրքի 266-րդ հոդվածի 2-րդ մասի 2-րդ /խոշոր չափերով/ և 2.1 կետերով նախատեսված հանցանք կատարելու համար:

15. Տվյալ դեպքում դատապարտյալ Մ. Պողոսյանի վերաբերյալ դատական ակտը վերանայելու արդյունքում առաջին ատյանի դատարանը քննարկման առարկա է դարձրել, այնուհետև համապատասխանեցրել է այնպիսի արարք, որը հիշյալ դատավճռով Մ. Պողոսյանին մեղսագրված չի եղել:

16 Վերաքննիչ դատարանը գտնում է, որ վերոշարադրյալ հիմքերով առաջին ատյանի դատարանի 2011 թվականի օգոստոսի 3-ի վերոհիշյալ որոշումը պետք է փոփոխել և ՀՀ քրեական օրենսգրքի 266-րդ հոդվածի 2-րդ մասի 2.1 կետով Մ. Պողոսյանին մեղսագրված արարքը պետք է համապատասխանեցնել ՀՀ քրեական օրենսգրքի 266-րդ հոդված 1-ին մասին:

16. Անդրադառնալով Մ. Պողոսյանի բողոքի հիմնավորումներին այն մասին, որ պետք է կրճատել պատժաչափը, Վերաքննիչ դատարանը, հաշվի առնելով դատապարտյալ Մ. Պողոսյանի կողմից կատարած հանցագործությունների բնույթը, հասարակական վտանգավորության աստիճանը և նրա անձը, գտնում է, որ նրա նկատմամբ նշանակված պատիժը համապատասխանում է նրա անձին և կատարած հանցանքի ծանրության աստիճանին, ուստի այն կրճատելու հիմքերը բացակայում են և վերոհիշյալ հիմքերով վերաքննիչ բողոքը ենակա է մերժման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-րդ, 394-րդ հոդվածներով, 402, 404 հոդվածներով, 412 հոդածի 1-ին մասով, վերաքննիչ դատարանը

ՈՐՈՇԵՑ

1. Վերաքննիչ բողոքը մերժել:
2. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի օգոստոսի որոշումը` Մելիք Նորիկի Պողոսյանի վերաբերյալ նույն դատարանի 2011 թվականի մարտի 3-ի դատավճիռը վերանայելու մասին, փոփոխել:
3. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի 3-ի դատավճռով Մելիք Պողոսյանին ՀՀ քրեական օրենսգրքի 266-րդ հոդվածի 2-րդ մասի 2.1 կետով մեղսագրված արարքը համապատասխանեցնել ՀՀ քրեական օրենսգրքի 266-րդ հոդվածի 1-ին մասին:
4. Որոշումը մնացած մասով թողնել անփոփոխ:
5. Որոշումը կարող է բողոքարկվել ՀՀ վճռաբեկ դատարան` այն ստանալու պահից 15-օրյա ժամկետում:


ՆԱԽԱԳԱՀՈՂ ԴԱՏԱՎՈՐ` Ա. ՊԵՏՐՈՍՅԱՆ
Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

03 մարտի 2011թ. ք. Երևան

ԵԿԴ-0366/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մեղադրող`
Երևանի քաղաքի դատախազության
ավագ դատախազ Ա. Փանոսյան,

պաշտպան` Ս. Հարությունյան,


դատարանում, դռնբաց դատական նիստում քննեց գործն ըստ մեղադրանքի
Մելիք Նորիկի Պողոսյանի`
ծնված 1961թ. փետրվարի 26-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, խնամքին ոչ ոք, դատվածություն չունի, չի աշխատում, բնակվել է Երևանի Սիսակյան փողոցի թիվ 8 շենքի թիվ 34 բնակարանում, կալանքի տակ է 17.11.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով։

Գործի դատավարական նախապատմությունը

ՀՀ ոստիկանության Երևան քաղաքի քննչական վարչության Կենտրոնականի քննչական բաժնում, ՀՀ քրեական օրենսգրքի 266-րդ հոդվածի 1-ին մասով, 38-266-րդ հոդվածի 1-ին մասով, 266-րդ հոդվածի 4-րդ մասով և 268-րդ հոդվածի 2-րդ մասի 1-ին կետով, Մելիք Նորիկի Պողոսյանի կողմից զգալի չափերի հասնող «ափիոն» տեսակի թմրամիջոցը և քացախաթթվի անհիդրիդ հանդիսացող պրեկուրսորը Կոնստանտին Մանուկյանի օժանդակությամբ Գագիկ Մովսեսի Ղազարյանին իրացնելու փաստի առթիվ, 2010թ. մայիսի 14-ին հարուցվել է թիվ 13124410 քրեական գործը։
18.05.2010թ. քրեական գործն ընդունվել է ՀՀ ոստիկանության ՔԳՎ Երևան քաղաքի քննչական վարչության ԾՀՔ բաժնի քննիչի վարույթ։
Քննիչի 25.08.2010թ. որոշմամբ, թիվ 13124410 քրեական գործի նյութերով, ոմն Ժորիկի կողմից Կ. Մանուկյանին թմրամիջոց իրացնելու դեպքի առթիվ, ՀՀ քրեական օրենսգրքի 266-րդ հոդվածի 1-ին մասով, հարուցվել է նոր քրեական գործ, առանձնացվել է առանձին վարույթում և նախաքննությունը կատարվել է 59120410 համարի տակ։
Քննիչի 25.08.2010թ. մեկ այլ որոշմամբ, թիվ 13124410 քրեական գործով Գագիկ Մովսեսի Ղազարյանի նկատմամբ քրեական հետապնդում չի իրականացվել և նրա վերաբերյալ քրեական գործի մասը կարճվել է` վերջինիս մահվան պատճառաբանությամբ։
Քննիչի 21.10.2010թ. որոշմամբ հայտարարվել է թիվ 59120410 քրեական գործով մեղադրյալ Մելիք Նորիկի Պողոսյանի հետախուզումը։
Քննիչի 25.10.2010թ. որոշմամբ, թիվ 59120410 քրեական գործի վարույթը կասեցվել է` մեղադրյալ Մելիք Նորիկի Պողոսյանի կողմից քննությունից թաքնվելու պատճառաբանությամբ։
17.11.2010թ. Մելիք Նորիկի Պողոսյանը հայտնաբերվել և տեղափոխվել է ՀՀ ԱՆ «Նուբարաշեն» քրեակատարողական հիմնարկ։
Քննիչի 17.11.2010թ. որոշմամբ թիվ 59120410 քրեական գործի վարույթը վերսկսվել է։
Քննիչի 20.12.2010թ. որոշմամբ, թիվ 59120410 քրեական գործով Կոնստանտին Հրաչի Մանուկյանի կողմից թմրամիջոցներ կամ թմրամիջոց պատրաստելու համար պրեկուրսոր հանդիսացող քացախաթթվի անհիդրիդ իրացնելու մասով վերջինիս նկատմամբ քրեական հետապնդում չի իրականացվել` ապացույցների անբավարարության պատճառաբանությամբ։
Քննիչի 27.12.2010թ. որոշմամբ, թիվ 59120410 քրեական գործի նյութերով, անհայտ անձի կողմից Մ. Պողոսյանին թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ իրացնելու դեպքի առթիվ, ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 4-րդ մասով հարուցվել է նոր քրեական գործ, առանձնացվել է առանձին վարույթում և նախաքննությունը կատարվել է 59135810 համարի տակ։
Ամբաստանյալ Մելիք Նորիկի Պողոսյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով հետևյալ արարքների համար. <<որ նա` անհայտ անձից իրացնելու նպատակով, գործով չպարզված հանգամանքներում, ձեռք է բերել և 2010թ. մայիսի 12-ին Կոնստանտին Մանուկյանին ապօրինի իրացրել է «ափիոն» տեսակի թմրամիջոց։
Բացի այդ, նա 2010թ. մայիսի 13-ին, իրացնելու նպատակով գործով չպարզված հանգամանքներում, կրկին անգամ անհայտ անձից ապօրինի ձեռք է բերել և Կոնստանտին Մանուկյանին ու Գագիկ Ղազարյանին ապօրինի իրացրել զգալի չափի 0,18 գրամ քաշով «ափիոն» տեսակի թմրամիջոց և 0,5մլ ծավալով թմրամիջոց պատրաստելու համար «պրեկուրսոր» հանդիսացող քացախաթթվի անհիդրիդ, որն էլ նույն օրը հայտնաբերվել է ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից Գագիկ Ղազարյանի անձնական խուզարկության ժամանակ։»։
2010թ. դեկտեմբերի 29-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Մելիք Նորիկի Պողոսյանն իրացնելու նպատակով, գործով չպարզված հանգամանքներում, անհայտ անձից ձեռք է բերել և 2010թ. մայիսի 12-ին դատապարտյալ Կոնստանտին Մանուկյանին ապօրինի իրացրել է «ափիոն» տեսակի թմրամիջոց։
Բացի այդ, 2010թ. մայիսի 13-ին, ամբաստանյալ Մ. Պողոսյանը, կրկին անգամ, Կոնստանտին Մանուկյանին ու Գագիկ Ղազարյանին ապօրինի իրացրել է զգալի չափի` 0,18 գրամ քաշով «ափիոն» տեսակի թմրամիջոց և 0,5 մլ ծավալով, թմրամիջոց պատրաստելու համար պրեկուրսոր հանդիսացող քացախաթթվի անհիդրիդ, որը նույն օրը հայտնաբերվել է ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից` Գագիկ Ղազարյանի անձնական խուզարկության ժամանակ։
Քրեական գործի նախաքննության ընթացքում կատարվել է դատաքիմիական փորձաքննություն ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որի արժեքը կազմել է 19.236 /տասնիննը հազար երկու հարյուր երեսունվեց/ ՀՀ դրամ գումար։


Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Մելիք Նորիկի Պողոսյանի նախաքննական ցուցմունքներով այն մասին, որ առաջադրված մեղադրանքում իրեն մեղավոր է ճանաչում, 2010թ. մայիսի 12-ին և 13-ին Կոնստանտին Մանուկյանին է իրացրել թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ։
/հատոր 2, գթ. 166, 190-191, 220, 230/։
Դատարանում Մելիք Նորիկի Պողոսյանը հրաժարվեց ցուցմունքներ տալուց, սակայն հարցերին պատասխանելով` հայտնեց, որ Կոնստանտին Մանուկյանին թմրանյութ և քացախաթթվի անհիդրիդ իրացնելու համար իրեն մեղավոր է ճանաչում, սակայն դա կատարվել է մեկ անգամ և ոչ թե երկու։ Թմրամիջոցն ինքը ձեռք է բերել Գևորգ անունով անձնավորությունից, որին ճանաչել է շուրջ չորս հինգ տարի։ Ճանաչել է նաև Գագիկ Ղազարյանին, որն իրեն ասել է, որ վատ է զգում և այդ վիճակից դուրս գալու համար թմրամիջոց է խնդրել իրենից։ Միաժամանակ նա ասել է, որ թմրամիջոցն ինքը փոխանցի նրա ընկեր Կոնստանտին Մանուկյանի միջոցով։ Ինքը թմրամիջոցը և քացախաթթվի անհիդրիդը տվել է Կոնստանտին Մանուկյանին, սակայն դրա դիմաց գումար չի վերցրել։ Դա տեղի է ունեցել ընդամենը մեկ անգամ։ Նախաքննական ցուցմունքներում նշել է, որ ինքը երկու անգամ է թմրամիջոց տվել Կոնստանտին Մանուկյանին, ինչպես նաև, որ նրանից թմրամիջոց է ձեռք բերել, սակայն դա իրականությանը չի համապատասխանում, ինքը նման ցուցմունք է տվել քննիչի ուղղորդմամբ, ինչպես նաև վրդովված լինելով նրանից, որ Կոնստանտին Մանուկյանն իր դեմ ցուցմունք է տվել։
/դատական նիստի արձանագրություն/։
Դատապարտյալ Կոնստանտին Հրաչի Մանուկյանի նախաքննական ցուցմունքներով այն մասին, որ 2010թ. մայիսի 12-ին հանդիպել է իր ծանոթ Գագիկ Ղազարյանին և միասին որոշել են թմրամիջոց օգտագործել։ Զանգահարել է իր ծանոթ Ժորիկի 098-14-49-17 հեռախոսահամարին, նրա հետ պայմանավորվել է հանդիպել և իր կողմից վարած «ՎԱԶ 2106» մակնիշի ավտոմեքենայով, Գ. Ղազարյանի հետ գնացել են Նորագյուղ կոչվող թաղամաս, որտեղ իր 15.000 ՀՀ դրամ գումարով Ժորիկից գնել է «ափիոն» տեսակի թմրամիջոց։ Նույն օրն ինքն ու Գագիկ Ղազարյանը թմրամիջոցն օգտագործել են «թոխմախ» կոչվող գերեզմանոցում։ Հաջորդ օրը, Գագիկ Ղազարյանի հետ, իր կողմից վարած «ՎԱԶ 2106» մակնիշի ավտոմեքենայով, կրկին թմրամիջոց ձեռք բերելու նպատակով, գնացել են Երևանի Նորագյուղ թաղամաս և Գագիկ Ղազարյանի կողմից տրամադրված 15.000 ՀՀ դրամ գումարով ոմն Ժորիկից դարձյալ գնել են «ափիոն» տեսակի թմրամիջոց և ներարկիչի մեջ լցված քացախաթթվի անհիդրիդ։ Հետ վերադառնալիս թմրամիջոցը և ներարկիչով լցված քացախաթթվի անհիդրիդն ինքը տվել է Գագիկ Ղազարյանին։ Վերջինիս անձնական խուզարկության ժամանակ դա հայտնաբերվել է ՀՀ ոստիկանության աշխատակիցների կողմից, երբ Երևանի Խորենացի-Մաշտոց փողոցների խաչմերուկից իրենց բերման են ենթարկել ոստիկանության բաժին։
/հատոր 1, գթ. 65-66, 94-95,100/։
Դատարանում դատապարտյալ Կոնստանտին Հրաչի Մանուկյանը ցուցմունք տվեց այն մասին, որ ամբաստանյալ Մելիք Նորիկի Պողոսյանին չի ճանաչում, նրան տեսնում է առաջին անգամ։ Ինքը դատապարտվել է ոմն Ժորիկից թմրամիջոց ձեռք բերելու և օգտագործելու համար, որին ինքն անձամբ չի ճանաչել։ Նրա անունը հայտնել է իր հանգուցյալ ընկեր Գագիկ Ղազարյանը։ Թմրանյութն ինքը ձեռք է բերել տարբեր անձանցից և ներարկվել է միայն այն ժամանակ, երբ ցավեր է ունեցել։ Իր նախաքննական ցուցմունքները գրել է ճնշման ազդեցության տակ։
/դատական նիստի արձանագրություն/։
Այժմ հանգուցյալ Գագիկ Մովսեսի Ղազարյանի նախաքննական ցուցմունքներով այն մասին, որ 2010թ. մայիսի 12-ին իր ծանոթ Կոնստանտին Մանուկյանի հետ, վերջինիս կողմից վարած «ՎԱԶ 2106» մակնիշի ավտոմեքենայով գնացել են Նորագյուղ թաղամաս, որտեղ Կոնստանտին Մանուկյանն իր 15.000 ՀՀ դրամ գումարով, ոմն Ժորիկից ձեռք է բերել «ափիոն» տեսակի թմրամիջոց, որը նույն օրը միասին օգտագործել են «թոխմախ» կոչվող գերեզմանոցում։ Հաջորդ օրը, 2010թ. մայիսի 13-ին, Երևանի «Կայարան» կոչվող թաղամասում հանդիպել է Կոնստանտին Մանուկյանին, որոշել են թմրամիջոց օգտագործել, որից հետո, կրկին նրա կողմից վարած «ՎԱԶ 2106» մակնիշի ավտոմեքենայով գնացել են Նորագյուղ թաղամաս։ Ինքը Կոնստանտին Մանուկյանին է տրամադրել 15.000 ՀՀ դրամ գումար և իջնելով ավտոմեքենայից` «Գայիի» մոտ սպասել է նրան։ 15 րոպե անց Կ. Մանուկյանը վերադարձել է, իրեն է տվել «ափիոն» տեսակի թմրամիջոցն ու քացախաթթվի անհիդրիդը, որից հետո ավտոմեքենայով երթևեկելու ընթացքում որոշել են թմրամիջոցի օգտագործման վայրը, սակայն Երևանի Խորենացի-Մաշտոց փողոցների խաչմերուկում ավտոմեքենան կանգնեցրել են ոստիկանության աշխատակիցներն ու իրենց բերման են ենթարկել ոստիկանության բաժին, որտեղ իր անձնական խուզարկության ժամանակ, իր վերնազգեստի ձախ ծոցագրպանից հայտնաբերել են ներարկիչ մեջ լցված քացախաթթվի անհիդրիդը և պոլիէթիլենով փաթեթավորված «ափիոն» տեսակի թմրամիջոցը։
/հատոր 1, գթ.52-55, 85-86/։
Վկա Ռուզաննա Նորիկի Պողոսյանի նախաքննական ցուցմունքով այն մասին, որ հանդիսանում է Մելիք Պողոսյանի քույրը։ 2010թ. սկզբներից եղբոր վարքագիծը փոխվել է և երբ ինքը կասկած ունենալով` հարցրել է, թե արդյոք թմրամիջոցներ չի օգտագործում` եղբայրը հավատացրել է, որ նման բան ընդհանրապես չկա։ 2010թ. մայիսի սկզբներից եղբայրն անակնկալ ձևով անհետացել է և նույնիսկ երբ 2010թ. հունիսի 9-ին մահացել է իրենց հայր Նորիկ Պողոսյանը` եղբայրը չի մասնակցել նրա հուղարկավորությանը։ 2010թ. հունիսին իր բնակարանի 010-54-37-77 հետախոսահամարին է զանգահարել եղբայրը և հայտնել, որ զանգահարում է փողոցի հեռախոսային կետերից մեկից, որպեսզի հեռախոսահամարը չֆիքսվի։ Նա հայտնել է, որ թաքնվում է ոստիկանության աշխատակիցներից, քանի որ Կենտրոնի ոստիկանությունում բռնել են այն անձանց, ումից նա թմրամիջոց է վերցրել։ Եղբորը մանուկ հասակից ընտանիքում և շրջապատում անվանել են «Ժորիկ»։ 2010թ. մայիսի կեսերին հեռուստատեսությամբ, 1-02 հաղորդաշարով տեսել է, որ թմրամիջոցի իրացման համար փնտրվում է ոմն «Ժորիկ»՝ Մելիք Պողոսյան անվամբ անձնավորությունը, հաշվառված է Երևանի Սիսակյան փողոցի թիվ 8 շենքի թիվ 34 բնակարանում։ Դրանից հետո համոզվել է, որ եղբայրը կապ ունի թմրամիջոցների հետ։
/հատոր 2, գթ. 83-85/։
Դատաքիմիական փորձաքննության 14.05.2010թ. թիվ 272Ք եզրակացությամբ այն մասին, որ`
«1. Փորձաքննության ներկայացված 0.18 գրամ հաստատուն քաշով նյութը հանդիսանում է ափիոն տեսակի թմրամիջոց։
2. Փորձաքննության ներկայացված ներարկիչում առկա 0.5 մլ ծավալով հեղուկները հանդիսանում են քացախաթթվի անհիդրիդ։ Քացախաթթվի անհիդրիդը հանդիսանում է պրեկուրսոր։»։
/հատոր 1, գթ.40-42/։
Դատաքիմիական փորձաքննության 03.12.2010թ. թիվ 09-3162 եզրակացությամբ այն մասին, որ`
«Փորձաքննությանը տրամադրված Մելիք Նորիկի Պողոսյանի մազի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ, որոնց օգտագործման վաղեմությունը համապատասխանում է մոտ երկու ամսվա վաղեմության։»։
/հատոր 2, գթ. 212-214/։
Դատանարկոլոգիական փորձաքննության 21.12.2010թ. թիվ 365/10 եզրակացությամբ այն մասին, որ`
«Մելիք Նորիկի Պողոսյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի։»։
/հատոր 2, գթ. 239-240/։
Տոքսիկոքիմիական փորձաքննության 20.05.2010թ. թիվ 10-1167 եզրակացությամբ այն մասին, որ`
«Կոնստանտին Հրաչի Մանուկյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։»։
/հատոր 1, գթ. 150-151/։
Տոքսիկոքիմիական փորձաքննության 20.05.2010թ. թիվ 10-1166 եզրակացությամբ այն մասին, որ`
«Գագիկ Մովսեսի Ղազարյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։»։
/hատոր 1, գթ. 146-147/։
Անձնական խուզարկության ենթարկելու մասին 13.05.2010թ. արձանագրությամբ այն մասին, որ 2010թ. մայիսի 13-ին, ժամը 17.45-ին ՀՀ ոստիկանության Կենտրոնական բաժնի Մարաշի բաժանմունքում, Գագիկ Ղազարյանի անձնական խուզարկությամբ, նրա վերնազգեստի ձախ ծոցագրպանից հայտնաբերվել է 0,18 գրամ հաստատուն քաշով «ափիոն» տեսակի թմրամիջոց և ներարկիչում առկա 0.5 ծավալով քացախաթթվի անհիդրիդ։
Գ. Ղազարյանը հայտարարել է, որ հայտնաբերված ներարկիչն իր պարունակությամբ պատկանում է իրեն, մոտ մեկ ամիս այն գտնվում է իր մոտ, այն իրեն է տվել իր ընկեր Կոնստանտին Մանուկյանը։ Դեղամիջոցը նախատեսված է եղել իր գործածման համար, նախկինում ինքն օգտագործել է «Չերնյաշկա» տեսակի թմրամիջոց։
/հատոր 1, գթ. 4/
«Ղ-Տելեկոմ» ՓԲԸ-ից ստացված 094-64-64-59, 098-14-49-17, 077-64-02-54 հեռախոսահամարներից կայացած ելքային և մուտքային հեռախոսազանգերի վերծանումները զննության ենթարկելու վերաբերյալ 23.08.2010թ. արձանագրությամբ, որի համաձայն Գագիկ Ղազարյանը, Կոնստանտին Մանուկյանը և Մելիք Պողոսյանը 2010թ. մայիսի 12-ին և 13-ին հեռախոսակապի մեջ են գտնվել միմյանց հետ։
/հատոր 2, գթ. 49/։
ՀՀ ոստիկանության Կենտրոնականի բաժնի Մարաշի բաժանմունքից ստացված, Երևան քաղաքի Կենտրոն և Նորք Մարաշ համայնքների ընդհանուր իրավասության դատարանի որոշմամբ հեռախոսային խոսակցությունները գաղտնալսելու և ձայնագրառելու վերաբերյալ լազերային սկավառակը վերարտադրելու և զննության ենթարկելու վերաբերյալ 23.08.2010թ. արձանագրությամբ։
/հատոր 2, գթ. 50-52/։


Դատարանի իրավական վերլուծությունները.

Վերլուծելով ամբաստանյալ Մելիք Նորիկի Պողոսյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Մելիք Պողոսյանի դատաքննական ցուցմունքները մասնակիորեն` ՀՀ քրեական օրենսգրքի 266-րդ հոդվածի 2-րդ մասի 2.1 կետով նախատեսված արարք չկատարելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով դատապարտյալ Կոնստանտին Մանուկյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ դատապարտյալ Կոնստանտին Մանուկյանի` դատարանում տված ցուցմունքներն իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Մելիք Պողոսյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։
Վերլուծելով ամբաստանյալ Մելիք Նորիկի Պողոսյանին առաջադրված մեղադրանքը, նրա ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Մելիք Նորիկի Պողոսյանի կողմից, նրա մեղավորությամբ, իրացնելու նպատակով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Մելիք Նորիկի Պողոսյանի կողմից, նրա մեղավորությամբ, կրկին անգամ թմրամիջոցներ ապօրինի իրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2.1 կետով նախատեսված հանցագործության հատկանիշներին։
Ապացուցված է նաև ամբաստանյալ Մելիք Նորիկի Պողոսյանի կողմից, նրա մեղավորությամբ, թմրամիջոցներ պատրաստելու նպատակով պրեկուրսորներ ապօրինի ձեռք բերելը և դրանք ապօրինի իրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Մելիք Նորիկի Պողոսյանի նկատմամբ նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Մելիք Նորիկի Պողոսյանն իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2.1 կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով, որը նույնպես նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալի գույքի վրա դրված կալանքի հարցը` դատարանը գտնում է, որ Մելիք Նորիկի Պողոսյանի գույքի վրա նախաքննության մարմնի 24.12.2010թ. որոշմամբ դրված կալանքը ենթակա է վերացման։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, թիվ 13124410 քրեական գործով իրեղեն ապացույցներ ճանաչված, 0,18 գրամ քաշով «ափիոն» տեսակի թմրամիջոցը և ներարկիչում առկա 0,5 ծավալով քացախաթթվի անհիդրիդը պետք է վերադարձնել վարույթն իրականացնող մարմնին` քրեական գործից անջատված մասով տնօրինելու համար։
Քննարկելով խափանման միջոցի հարցը` դատարանը գտնում է, որ ամբաստանյալ Մելիք Նորիկի Պողոսյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Մելիք Նորիկի Պողոսյանից հօգուտ ՀՀ պետական բյուջեյի բռնագանձման է ենթակա դատաքիմիական փորձաքննության կատարման արժեք հանդիսացող 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-366-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Մելիք Նորիկի Պողոսյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 /հինգ/ տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամ գումարի չափով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Մելիք Նորիկի Պողոսյանի նկատմամբ պատիժ նշանակել ազատազրկում 5 /հինգ/ տարի 6 /վեց/ ամիս ժամկետով` առանց գույքի բռնագրավման և տուգանք 100.000 /հարյուր հազար/ ՀՀ դրամ գումարի չափով։ Ազատազրկման ձևով պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010թ. նոյեմբերի 17-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Մելիք Նորիկի Պողոսյանի գույքի վրա նախաքննության մարմնի 24.12.2010թ. որոշմամբ դրված կալանքը վերացնել։
Դատավճռի օրինական ուժի մեջ մտնելուց հետո, թիվ 13124410 քրեական գործով իրեղեն ապացույցներ ճանաչված, 0,18 գրամ քաշով «ափիոն» տեսակի թմրամիջոցը և ներարկիչում առկա 0,5 մլ ծավալով քացախաթթվի անհիդրիդը վերադարձնել վարույթն իրականացնող մարմնին` քրեական գործից անջատված մասով տնօրինելու համար։
Ամբաստանյալ Մելիք Նորիկի Պողոսյանից հօգուտ ՀՀ պետական բյուջեյի բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ
Դատական գործ N: ԵԿԴ/0366/01/10
Կենտրոն և Նորք-Մարաշ
Նոր քրեական գործ
Երբ է գործը ստացվել 29-12-2010
Քրեական գործի համարը 0366/01/10
Ինչ կարգով է գործը ստացվել Առաջին անգամ
Դատախազություն Երևան քաղաքի դատախազություն
Նախաքննական գործի համարը 59120410
Մեղադրական եզրակացության համառոտ բովանդակություն Մեղադրվում է նրանում, որ անհայտ անձից իրացնելու նպատակով ձեռք է բերել և 2010թ. մայիսի 12-ին Կոնստանտին Մանուկյանին ապօրինի իրացրել է ափիոն տեսակի թմրամիջոց
Մեղադրյալ
Անձ
Անուն Մելիք
Ազգանուն Պողոսյան
Հայրանուն Նորիկի
Հասցե ---------------
Սոցիալական քարտ ---------------
Վիճակագրական տողի համարը 11.1
Չափահաս Այո
Մակագրել
Երբ 29-12-2010
Նախագահող դատավոր
Անուն Մնացական
Ազգանուն Մարտիրոսյան
Ընդունվել է վարույթ
Երբ 10-01-2011
Որոշումը ուղարկվել է կողմերին 10-01-2011
Ուղարկվել է հուշաթերթիկ/որոշումը 10-01-2011
Նշանակվել է դատական քննություն
Երբ 21-01-2011
Դատավարության կողմեր Մեղադրյալ
Դատավարության կողմեր
Անուն Մելիք
Ազգանուն Պողոսյան
Հասցե ---------------
Սեռ 1
Ժամ 15:00
Նիստերի դահլիճի համարը 4
Նշանակվել է դատական նիստ/դատական քննություն
Երբ 02-02-2011
Ժամ 14:00
Նիստերի դահլիճի համարը 4
Նշանակվել է դատական նիստ/դատական քննություն
Երբ 17-02-2011
Ժամ 14:00
Նիստերի դահլիճի համարը 4
Նշանակվել է դատական նիստ/դատական քննություն
Երբ 02-03-2011
Ժամ 15:00
Նիստերի դահլիճի համարը 4
Նշանակվել է դատական նիստ/դատական քննություն
Երբ 03-03-2011
Ժամ 15:00
Նիստերի դահլիճի համարը 4
Կայացվել է դատավճիռ
Ամսաթիվ 03-03-2011
Մեղադրական
Մեղադրյալ
Անուն Մելիք
Ազգանուն Պողոսյան
Հասցե ---------------
Սեռ 1
Ամսաթիվ 03-03-2011
Այլ հանցագործության հոդվածներ
Այլ հանցագործության հոդվածներ
Այլ հանցագործության հոդվածներ
Հիմնական պատիժ Որոշակի ժամկետով ազատազրկում
Հիմնական պատիժ Տուգանք
Դատական ակտ
Դատական ակտի բովանդակությունը Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

03 մարտի 2011թ. ք. Երևան

ԵԿԴ-0366/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մեղադրող`
Երևանի քաղաքի դատախազության
ավագ դատախազ Ա. Փանոսյան,

պաշտպան` Ս. Հարությունյան,


դատարանում, դռնբաց դատական նիստում քննեց գործն ըստ մեղադրանքի
Մելիք Նորիկի Պողոսյանի`
ծնված 1961թ. փետրվարի 26-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, խնամքին ոչ ոք, դատվածություն չունի, չի աշխատում, բնակվել է Երևանի Սիսակյան փողոցի թիվ 8 շենքի թիվ 34 բնակարանում, կալանքի տակ է 17.11.2010թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով։

Գործի դատավարական նախապատմությունը

ՀՀ ոստիկանության Երևան քաղաքի քննչական վարչության Կենտրոնականի քննչական բաժնում, ՀՀ քրեական օրենսգրքի 266-րդ հոդվածի 1-ին մասով, 38-266-րդ հոդվածի 1-ին մասով, 266-րդ հոդվածի 4-րդ մասով և 268-րդ հոդվածի 2-րդ մասի 1-ին կետով, Մելիք Նորիկի Պողոսյանի կողմից զգալի չափերի հասնող «ափիոն» տեսակի թմրամիջոցը և քացախաթթվի անհիդրիդ հանդիսացող պրեկուրսորը Կոնստանտին Մանուկյանի օժանդակությամբ Գագիկ Մովսեսի Ղազարյանին իրացնելու փաստի առթիվ, 2010թ. մայիսի 14-ին հարուցվել է թիվ 13124410 քրեական գործը։
18.05.2010թ. քրեական գործն ընդունվել է ՀՀ ոստիկանության ՔԳՎ Երևան քաղաքի քննչական վարչության ԾՀՔ բաժնի քննիչի վարույթ։
Քննիչի 25.08.2010թ. որոշմամբ, թիվ 13124410 քրեական գործի նյութերով, ոմն Ժորիկի կողմից Կ. Մանուկյանին թմրամիջոց իրացնելու դեպքի առթիվ, ՀՀ քրեական օրենսգրքի 266-րդ հոդվածի 1-ին մասով, հարուցվել է նոր քրեական գործ, առանձնացվել է առանձին վարույթում և նախաքննությունը կատարվել է 59120410 համարի տակ։
Քննիչի 25.08.2010թ. մեկ այլ որոշմամբ, թիվ 13124410 քրեական գործով Գագիկ Մովսեսի Ղազարյանի նկատմամբ քրեական հետապնդում չի իրականացվել և նրա վերաբերյալ քրեական գործի մասը կարճվել է` վերջինիս մահվան պատճառաբանությամբ։
Քննիչի 21.10.2010թ. որոշմամբ հայտարարվել է թիվ 59120410 քրեական գործով մեղադրյալ Մելիք Նորիկի Պողոսյանի հետախուզումը։
Քննիչի 25.10.2010թ. որոշմամբ, թիվ 59120410 քրեական գործի վարույթը կասեցվել է` մեղադրյալ Մելիք Նորիկի Պողոսյանի կողմից քննությունից թաքնվելու պատճառաբանությամբ։
17.11.2010թ. Մելիք Նորիկի Պողոսյանը հայտնաբերվել և տեղափոխվել է ՀՀ ԱՆ «Նուբարաշեն» քրեակատարողական հիմնարկ։
Քննիչի 17.11.2010թ. որոշմամբ թիվ 59120410 քրեական գործի վարույթը վերսկսվել է։
Քննիչի 20.12.2010թ. որոշմամբ, թիվ 59120410 քրեական գործով Կոնստանտին Հրաչի Մանուկյանի կողմից թմրամիջոցներ կամ թմրամիջոց պատրաստելու համար պրեկուրսոր հանդիսացող քացախաթթվի անհիդրիդ իրացնելու մասով վերջինիս նկատմամբ քրեական հետապնդում չի իրականացվել` ապացույցների անբավարարության պատճառաբանությամբ։
Քննիչի 27.12.2010թ. որոշմամբ, թիվ 59120410 քրեական գործի նյութերով, անհայտ անձի կողմից Մ. Պողոսյանին թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ իրացնելու դեպքի առթիվ, ՀՀ քրեական օրենսգրքի 266-րդ հոդվածի 1-ին մասով և 266-րդ հոդվածի 4-րդ մասով հարուցվել է նոր քրեական գործ, առանձնացվել է առանձին վարույթում և նախաքննությունը կատարվել է 59135810 համարի տակ։
Ամբաստանյալ Մելիք Նորիկի Պողոսյանին մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով հետևյալ արարքների համար. <<որ նա` անհայտ անձից իրացնելու նպատակով, գործով չպարզված հանգամանքներում, ձեռք է բերել և 2010թ. մայիսի 12-ին Կոնստանտին Մանուկյանին ապօրինի իրացրել է «ափիոն» տեսակի թմրամիջոց։
Բացի այդ, նա 2010թ. մայիսի 13-ին, իրացնելու նպատակով գործով չպարզված հանգամանքներում, կրկին անգամ անհայտ անձից ապօրինի ձեռք է բերել և Կոնստանտին Մանուկյանին ու Գագիկ Ղազարյանին ապօրինի իրացրել զգալի չափի 0,18 գրամ քաշով «ափիոն» տեսակի թմրամիջոց և 0,5մլ ծավալով թմրամիջոց պատրաստելու համար «պրեկուրսոր» հանդիսացող քացախաթթվի անհիդրիդ, որն էլ նույն օրը հայտնաբերվել է ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից Գագիկ Ղազարյանի անձնական խուզարկության ժամանակ։»։
2010թ. դեկտեմբերի 29-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Մելիք Նորիկի Պողոսյանն իրացնելու նպատակով, գործով չպարզված հանգամանքներում, անհայտ անձից ձեռք է բերել և 2010թ. մայիսի 12-ին դատապարտյալ Կոնստանտին Մանուկյանին ապօրինի իրացրել է «ափիոն» տեսակի թմրամիջոց։
Բացի այդ, 2010թ. մայիսի 13-ին, ամբաստանյալ Մ. Պողոսյանը, կրկին անգամ, Կոնստանտին Մանուկյանին ու Գագիկ Ղազարյանին ապօրինի իրացրել է զգալի չափի` 0,18 գրամ քաշով «ափիոն» տեսակի թմրամիջոց և 0,5 մլ ծավալով, թմրամիջոց պատրաստելու համար պրեկուրսոր հանդիսացող քացախաթթվի անհիդրիդ, որը նույն օրը հայտնաբերվել է ՀՀ ոստիկանության Կենտրոնականի բաժնի Մարաշի բաժանմունքի աշխատակիցների կողմից` Գագիկ Ղազարյանի անձնական խուզարկության ժամանակ։
Քրեական գործի նախաքննության ընթացքում կատարվել է դատաքիմիական փորձաքննություն ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որի արժեքը կազմել է 19.236 /տասնիննը հազար երկու հարյուր երեսունվեց/ ՀՀ դրամ գումար։


Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Մելիք Նորիկի Պողոսյանի նախաքննական ցուցմունքներով այն մասին, որ առաջադրված մեղադրանքում իրեն մեղավոր է ճանաչում, 2010թ. մայիսի 12-ին և 13-ին Կոնստանտին Մանուկյանին է իրացրել թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ։
/հատոր 2, գթ. 166, 190-191, 220, 230/։
Դատարանում Մելիք Նորիկի Պողոսյանը հրաժարվեց ցուցմունքներ տալուց, սակայն հարցերին պատասխանելով` հայտնեց, որ Կոնստանտին Մանուկյանին թմրանյութ և քացախաթթվի անհիդրիդ իրացնելու համար իրեն մեղավոր է ճանաչում, սակայն դա կատարվել է մեկ անգամ և ոչ թե երկու։ Թմրամիջոցն ինքը ձեռք է բերել Գևորգ անունով անձնավորությունից, որին ճանաչել է շուրջ չորս հինգ տարի։ Ճանաչել է նաև Գագիկ Ղազարյանին, որն իրեն ասել է, որ վատ է զգում և այդ վիճակից դուրս գալու համար թմրամիջոց է խնդրել իրենից։ Միաժամանակ նա ասել է, որ թմրամիջոցն ինքը փոխանցի նրա ընկեր Կոնստանտին Մանուկյանի միջոցով։ Ինքը թմրամիջոցը և քացախաթթվի անհիդրիդը տվել է Կոնստանտին Մանուկյանին, սակայն դրա դիմաց գումար չի վերցրել։ Դա տեղի է ունեցել ընդամենը մեկ անգամ։ Նախաքննական ցուցմունքներում նշել է, որ ինքը երկու անգամ է թմրամիջոց տվել Կոնստանտին Մանուկյանին, ինչպես նաև, որ նրանից թմրամիջոց է ձեռք բերել, սակայն դա իրականությանը չի համապատասխանում, ինքը նման ցուցմունք է տվել քննիչի ուղղորդմամբ, ինչպես նաև վրդովված լինելով նրանից, որ Կոնստանտին Մանուկյանն իր դեմ ցուցմունք է տվել։
/դատական նիստի արձանագրություն/։
Դատապարտյալ Կոնստանտին Հրաչի Մանուկյանի նախաքննական ցուցմունքներով այն մասին, որ 2010թ. մայիսի 12-ին հանդիպել է իր ծանոթ Գագիկ Ղազարյանին և միասին որոշել են թմրամիջոց օգտագործել։ Զանգահարել է իր ծանոթ Ժորիկի 098-14-49-17 հեռախոսահամարին, նրա հետ պայմանավորվել է հանդիպել և իր կողմից վարած «ՎԱԶ 2106» մակնիշի ավտոմեքենայով, Գ. Ղազարյանի հետ գնացել են Նորագյուղ կոչվող թաղամաս, որտեղ իր 15.000 ՀՀ դրամ գումարով Ժորիկից գնել է «ափիոն» տեսակի թմրամիջոց։ Նույն օրն ինքն ու Գագիկ Ղազարյանը թմրամիջոցն օգտագործել են «թոխմախ» կոչվող գերեզմանոցում։ Հաջորդ օրը, Գագիկ Ղազարյանի հետ, իր կողմից վարած «ՎԱԶ 2106» մակնիշի ավտոմեքենայով, կրկին թմրամիջոց ձեռք բերելու նպատակով, գնացել են Երևանի Նորագյուղ թաղամաս և Գագիկ Ղազարյանի կողմից տրամադրված 15.000 ՀՀ դրամ գումարով ոմն Ժորիկից դարձյալ գնել են «ափիոն» տեսակի թմրամիջոց և ներարկիչի մեջ լցված քացախաթթվի անհիդրիդ։ Հետ վերադառնալիս թմրամիջոցը և ներարկիչով լցված քացախաթթվի անհիդրիդն ինքը տվել է Գագիկ Ղազարյանին։ Վերջինիս անձնական խուզարկության ժամանակ դա հայտնաբերվել է ՀՀ ոստիկանության աշխատակիցների կողմից, երբ Երևանի Խորենացի-Մաշտոց փողոցների խաչմերուկից իրենց բերման են ենթարկել ոստիկանության բաժին։
/հատոր 1, գթ. 65-66, 94-95,100/։
Դատարանում դատապարտյալ Կոնստանտին Հրաչի Մանուկյանը ցուցմունք տվեց այն մասին, որ ամբաստանյալ Մելիք Նորիկի Պողոսյանին չի ճանաչում, նրան տեսնում է առաջին անգամ։ Ինքը դատապարտվել է ոմն Ժորիկից թմրամիջոց ձեռք բերելու և օգտագործելու համար, որին ինքն անձամբ չի ճանաչել։ Նրա անունը հայտնել է իր հանգուցյալ ընկեր Գագիկ Ղազարյանը։ Թմրանյութն ինքը ձեռք է բերել տարբեր անձանցից և ներարկվել է միայն այն ժամանակ, երբ ցավեր է ունեցել։ Իր նախաքննական ցուցմունքները գրել է ճնշման ազդեցության տակ։
/դատական նիստի արձանագրություն/։
Այժմ հանգուցյալ Գագիկ Մովսեսի Ղազարյանի նախաքննական ցուցմունքներով այն մասին, որ 2010թ. մայիսի 12-ին իր ծանոթ Կոնստանտին Մանուկյանի հետ, վերջինիս կողմից վարած «ՎԱԶ 2106» մակնիշի ավտոմեքենայով գնացել են Նորագյուղ թաղամաս, որտեղ Կոնստանտին Մանուկյանն իր 15.000 ՀՀ դրամ գումարով, ոմն Ժորիկից ձեռք է բերել «ափիոն» տեսակի թմրամիջոց, որը նույն օրը միասին օգտագործել են «թոխմախ» կոչվող գերեզմանոցում։ Հաջորդ օրը, 2010թ. մայիսի 13-ին, Երևանի «Կայարան» կոչվող թաղամասում հանդիպել է Կոնստանտին Մանուկյանին, որոշել են թմրամիջոց օգտագործել, որից հետո, կրկին նրա կողմից վարած «ՎԱԶ 2106» մակնիշի ավտոմեքենայով գնացել են Նորագյուղ թաղամաս։ Ինքը Կոնստանտին Մանուկյանին է տրամադրել 15.000 ՀՀ դրամ գումար և իջնելով ավտոմեքենայից` «Գայիի» մոտ սպասել է նրան։ 15 րոպե անց Կ. Մանուկյանը վերադարձել է, իրեն է տվել «ափիոն» տեսակի թմրամիջոցն ու քացախաթթվի անհիդրիդը, որից հետո ավտոմեքենայով երթևեկելու ընթացքում որոշել են թմրամիջոցի օգտագործման վայրը, սակայն Երևանի Խորենացի-Մաշտոց փողոցների խաչմերուկում ավտոմեքենան կանգնեցրել են ոստիկանության աշխատակիցներն ու իրենց բերման են ենթարկել ոստիկանության բաժին, որտեղ իր անձնական խուզարկության ժամանակ, իր վերնազգեստի ձախ ծոցագրպանից հայտնաբերել են ներարկիչ մեջ լցված քացախաթթվի անհիդրիդը և պոլիէթիլենով փաթեթավորված «ափիոն» տեսակի թմրամիջոցը։
/հատոր 1, գթ.52-55, 85-86/։
Վկա Ռուզաննա Նորիկի Պողոսյանի նախաքննական ցուցմունքով այն մասին, որ հանդիսանում է Մելիք Պողոսյանի քույրը։ 2010թ. սկզբներից եղբոր վարքագիծը փոխվել է և երբ ինքը կասկած ունենալով` հարցրել է, թե արդյոք թմրամիջոցներ չի օգտագործում` եղբայրը հավատացրել է, որ նման բան ընդհանրապես չկա։ 2010թ. մայիսի սկզբներից եղբայրն անակնկալ ձևով անհետացել է և նույնիսկ երբ 2010թ. հունիսի 9-ին մահացել է իրենց հայր Նորիկ Պողոսյանը` եղբայրը չի մասնակցել նրա հուղարկավորությանը։ 2010թ. հունիսին իր բնակարանի 010-54-37-77 հետախոսահամարին է զանգահարել եղբայրը և հայտնել, որ զանգահարում է փողոցի հեռախոսային կետերից մեկից, որպեսզի հեռախոսահամարը չֆիքսվի։ Նա հայտնել է, որ թաքնվում է ոստիկանության աշխատակիցներից, քանի որ Կենտրոնի ոստիկանությունում բռնել են այն անձանց, ումից նա թմրամիջոց է վերցրել։ Եղբորը մանուկ հասակից ընտանիքում և շրջապատում անվանել են «Ժորիկ»։ 2010թ. մայիսի կեսերին հեռուստատեսությամբ, 1-02 հաղորդաշարով տեսել է, որ թմրամիջոցի իրացման համար փնտրվում է ոմն «Ժորիկ»՝ Մելիք Պողոսյան անվամբ անձնավորությունը, հաշվառված է Երևանի Սիսակյան փողոցի թիվ 8 շենքի թիվ 34 բնակարանում։ Դրանից հետո համոզվել է, որ եղբայրը կապ ունի թմրամիջոցների հետ։
/հատոր 2, գթ. 83-85/։
Դատաքիմիական փորձաքննության 14.05.2010թ. թիվ 272Ք եզրակացությամբ այն մասին, որ`
«1. Փորձաքննության ներկայացված 0.18 գրամ հաստատուն քաշով նյութը հանդիսանում է ափիոն տեսակի թմրամիջոց։
2. Փորձաքննության ներկայացված ներարկիչում առկա 0.5 մլ ծավալով հեղուկները հանդիսանում են քացախաթթվի անհիդրիդ։ Քացախաթթվի անհիդրիդը հանդիսանում է պրեկուրսոր։»։
/հատոր 1, գթ.40-42/։
Դատաքիմիական փորձաքննության 03.12.2010թ. թիվ 09-3162 եզրակացությամբ այն մասին, որ`
«Փորձաքննությանը տրամադրված Մելիք Նորիկի Պողոսյանի մազի փորձանմուշի մեջ հայտնաբերվել են ափիոնի խմբին պատկանող թմրամիջոցի թմրալկալոիդներ, որոնց օգտագործման վաղեմությունը համապատասխանում է մոտ երկու ամսվա վաղեմության։»։
/հատոր 2, գթ. 212-214/։
Դատանարկոլոգիական փորձաքննության 21.12.2010թ. թիվ 365/10 եզրակացությամբ այն մասին, որ`
«Մելիք Նորիկի Պողոսյանի մոտ թմրանյութերի գործածումը կրում է էպիզոդիկ բնույթ, ուստի հարկադիր բուժման կարիք չունի։»։
/հատոր 2, գթ. 239-240/։
Տոքսիկոքիմիական փորձաքննության 20.05.2010թ. թիվ 10-1167 եզրակացությամբ այն մասին, որ`
«Կոնստանտին Հրաչի Մանուկյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։»։
/հատոր 1, գթ. 150-151/։
Տոքսիկոքիմիական փորձաքննության 20.05.2010թ. թիվ 10-1166 եզրակացությամբ այն մասին, որ`
«Գագիկ Մովսեսի Ղազարյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։»։
/hատոր 1, գթ. 146-147/։
Անձնական խուզարկության ենթարկելու մասին 13.05.2010թ. արձանագրությամբ այն մասին, որ 2010թ. մայիսի 13-ին, ժամը 17.45-ին ՀՀ ոստիկանության Կենտրոնական բաժնի Մարաշի բաժանմունքում, Գագիկ Ղազարյանի անձնական խուզարկությամբ, նրա վերնազգեստի ձախ ծոցագրպանից հայտնաբերվել է 0,18 գրամ հաստատուն քաշով «ափիոն» տեսակի թմրամիջոց և ներարկիչում առկա 0.5 ծավալով քացախաթթվի անհիդրիդ։
Գ. Ղազարյանը հայտարարել է, որ հայտնաբերված ներարկիչն իր պարունակությամբ պատկանում է իրեն, մոտ մեկ ամիս այն գտնվում է իր մոտ, այն իրեն է տվել իր ընկեր Կոնստանտին Մանուկյանը։ Դեղամիջոցը նախատեսված է եղել իր գործածման համար, նախկինում ինքն օգտագործել է «Չերնյաշկա» տեսակի թմրամիջոց։
/հատոր 1, գթ. 4/
«Ղ-Տելեկոմ» ՓԲԸ-ից ստացված 094-64-64-59, 098-14-49-17, 077-64-02-54 հեռախոսահամարներից կայացած ելքային և մուտքային հեռախոսազանգերի վերծանումները զննության ենթարկելու վերաբերյալ 23.08.2010թ. արձանագրությամբ, որի համաձայն Գագիկ Ղազարյանը, Կոնստանտին Մանուկյանը և Մելիք Պողոսյանը 2010թ. մայիսի 12-ին և 13-ին հեռախոսակապի մեջ են գտնվել միմյանց հետ։
/հատոր 2, գթ. 49/։
ՀՀ ոստիկանության Կենտրոնականի բաժնի Մարաշի բաժանմունքից ստացված, Երևան քաղաքի Կենտրոն և Նորք Մարաշ համայնքների ընդհանուր իրավասության դատարանի որոշմամբ հեռախոսային խոսակցությունները գաղտնալսելու և ձայնագրառելու վերաբերյալ լազերային սկավառակը վերարտադրելու և զննության ենթարկելու վերաբերյալ 23.08.2010թ. արձանագրությամբ։
/հատոր 2, գթ. 50-52/։


Դատարանի իրավական վերլուծությունները.

Վերլուծելով ամբաստանյալ Մելիք Նորիկի Պողոսյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալ Մելիք Պողոսյանի դատաքննական ցուցմունքները մասնակիորեն` ՀՀ քրեական օրենսգրքի 266-րդ հոդվածի 2-րդ մասի 2.1 կետով նախատեսված արարք չկատարելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով դատապարտյալ Կոնստանտին Մանուկյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ դատապարտյալ Կոնստանտին Մանուկյանի` դատարանում տված ցուցմունքներն իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Մելիք Պողոսյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։
Վերլուծելով ամբաստանյալ Մելիք Նորիկի Պողոսյանին առաջադրված մեղադրանքը, նրա ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Մելիք Նորիկի Պողոսյանի կողմից, նրա մեղավորությամբ, իրացնելու նպատակով թմրամիջոցներ ապօրինի ձեռք բերելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Մելիք Նորիկի Պողոսյանի կողմից, նրա մեղավորությամբ, կրկին անգամ թմրամիջոցներ ապօրինի իրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2.1 կետով նախատեսված հանցագործության հատկանիշներին։
Ապացուցված է նաև ամբաստանյալ Մելիք Նորիկի Պողոսյանի կողմից, նրա մեղավորությամբ, թմրամիջոցներ պատրաստելու նպատակով պրեկուրսորներ ապօրինի ձեռք բերելը և դրանք ապօրինի իրացնելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Մելիք Նորիկի Պողոսյանի նկատմամբ նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Մելիք Նորիկի Պողոսյանն իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով և 266-րդ հոդվածի 2-րդ մասի 2.1 կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով, որը նույնպես նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալի գույքի վրա դրված կալանքի հարցը` դատարանը գտնում է, որ Մելիք Նորիկի Պողոսյանի գույքի վրա նախաքննության մարմնի 24.12.2010թ. որոշմամբ դրված կալանքը ենթակա է վերացման։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, թիվ 13124410 քրեական գործով իրեղեն ապացույցներ ճանաչված, 0,18 գրամ քաշով «ափիոն» տեսակի թմրամիջոցը և ներարկիչում առկա 0,5 ծավալով քացախաթթվի անհիդրիդը պետք է վերադարձնել վարույթն իրականացնող մարմնին` քրեական գործից անջատված մասով տնօրինելու համար։
Քննարկելով խափանման միջոցի հարցը` դատարանը գտնում է, որ ամբաստանյալ Մելիք Նորիկի Պողոսյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալ Մելիք Նորիկի Պողոսյանից հօգուտ ՀՀ պետական բյուջեյի բռնագանձման է ենթակա դատաքիմիական փորձաքննության կատարման արժեք հանդիսացող 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-366-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Մելիք Նորիկի Պողոսյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 /հինգ/ տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամ գումարի չափով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Մելիք Նորիկի Պողոսյանի նկատմամբ պատիժ նշանակել ազատազրկում 5 /հինգ/ տարի 6 /վեց/ ամիս ժամկետով` առանց գույքի բռնագրավման և տուգանք 100.000 /հարյուր հազար/ ՀՀ դրամ գումարի չափով։ Ազատազրկման ձևով պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում` պատժի սկիզբը հաշվելով 2010թ. նոյեմբերի 17-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Մելիք Նորիկի Պողոսյանի գույքի վրա նախաքննության մարմնի 24.12.2010թ. որոշմամբ դրված կալանքը վերացնել։
Դատավճռի օրինական ուժի մեջ մտնելուց հետո, թիվ 13124410 քրեական գործով իրեղեն ապացույցներ ճանաչված, 0,18 գրամ քաշով «ափիոն» տեսակի թմրամիջոցը և ներարկիչում առկա 0,5 մլ ծավալով քացախաթթվի անհիդրիդը վերադարձնել վարույթն իրականացնող մարմնին` քրեական գործից անջատված մասով տնօրինելու համար։
Ամբաստանյալ Մելիք Նորիկի Պողոսյանից հօգուտ ՀՀ պետական բյուջեյի բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ
Դատական ակտի ամսաթիվը 03-03-2011
Գործը հանձնվել է գրասենյակ
Գործը հանձնվել է գրասենյակ 06-04-2011
Էջերի քանակ 294, 313
Գործն ուղարկվել է
Գործը ուղարկվել է 06-04-2011
Էջերի քանակը 294, 313
ՈՒր(դատարան) Քրեական վերաքննիչ
Ելքի գրության համարը Ե-8062
Գործը բողոքարկվել է
Ամսաթիվ 12-04-2011
Գործը ստացվել է (կատարումն ապահովելու համար, և ... )
Ամսաթիվ 31-05-2011
Դատավճռի, որոշման կատարում
Ամսաթիվ 03-06-2011
Գործը հանձնվել է գրասենյակ
Գործը հանձնվել է գրասենյակ 09-06-2011
Էջերի քանակ 294, 353
ՀՀ քրեական օրենսգրքի փոփոխություններին և լրացումներին համապատասխանեցում
Ամսաթիվ 01-07-2011
Ամբաստանյալ/Դատապարտյալ
Անուն Մելիք
Ազգանուն Պողոսյան
Հասցե ---------------
Սեռ 0
Գործը հանձնվել է դատավորին
Ամսաթիվ 06-07-2011
Դատարան Կենտրոն և Նորք-Մարաշ
Հանձնվել է դատավորին
Անուն Մնացական
Ազգանուն Մարտիրոսյան
Նշանակվել է դատաքննություն
Ամսաթիվ 03-08-2011
Կայացվել է որոշում
Ամսաթիվ 03-08-2011
Որոշման բովանդակություն ԵԿԴ-0333/01/10

Ո Ր Ո Շ Ու Մ
դատական ակտը վերանայելու մասին դիմումը քննելու վերաբերյալ


Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը


նախագահող դատավոր` Մ.Մարտիրոսյան,
քարտուղար` Տ. Գրիգորյան,

մասնակցությամբ`
Երևան քաղաքի դատախազության
ավագ դատախազ Ա. Փանոսյանի,


2011թ. օգոստոսի 3-ին, դատարանում, դռնբաց դատական նիստում, քննելով դատապարտյալ Մելիք Նորիկի Պողոսյանի
/ծնված 1961թ. փետրվարի 26-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, խնամքին ոչ ոք, չի աշխատում, բնակվել է Երևանի Սիսակյան փողոցի թիվ 8 շենքի թիվ 34 բնակարանում, Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 03.03.2011թ. դատավճռով, ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ և 2.1 կետերով, 266-րդ հոդվածի 4-րդ մասով, ՀՀ քրեական օրենսգրքի 66-րդ հոդվածի կիրառմամբ դատապարտվել է ազատազրկման 5 /հինգ/ տարի 6 /վեց/ ամիս ժամկետով` առանց գույքի բռնագրավման և տուգանքի 100.000 /հարյուր հազար/ ՀՀ դրամ գումարի չափով/
դիմումը` դատական ակտը վերանայելու մասին,

Պ ա ր զ ե ց

Մելիք Նորիկի Պողոսյանը Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի` ԵԿԴ-0366/01/10 քրեական գործով 2011 թվականի մարտի 3-ին կայացրած դատավճռով դատապարտվել է` ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 /հինգ/ տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամ գումարի չափով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Մելիք Նորիկի Պողոսյանի նկատմամբ պատիժ է նշանակվել ազատազրկում 5 /հինգ/ տարի 6 /վեց/ ամիս ժամկետով` առանց գույքի բռնագրավման և տուգանք 100.000 /հարյուր հազար/ ՀՀ դրամ գումարի չափով։ Պատժի սկիզբը հաշվվել է 2010թ. նոյեմբերի 17-ից։ Այդ դատավճիռը օրինական ուժի մեջ է մտել 2011 թվականի ապրիլի 28-ին։
2011թ. հուլիսի 1-ին դատարան է ստացվել դատապարտյալ Մելիք Պողոսյանի դիմումը, որով վերջինս խնդրել է առանց իր մասնակցության վերանայել Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի մարտի 3-ի դատավճիռը` նկատի ունենալով ՀՀ Ազգային ժողովի կողմից 2011 թվականի մայիսի 23-ին ընդունված «ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքը։
Դատական նիստում դատախազ Ա. Փանոսյանը դիմումի դեմ չառարկեց։
Քննարկելով դիմումը` դատարանը գտնում է, որ այն հիմնավոր է և ենթակա է բավարարման հետևյալ պատճառաբանությամբ.
ՀՀ քրեական օրենսգրքի 13-րդ հոդվածի 1-ին մասի համաձայն` «Արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն` տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում` այն անձանց վրա, ովքեր կրում են պատիժը կամ կրել են դա, սակայն ունեն դատվածություն։»։
«ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՀ օրենքի 25-րդ հոդվածի համաձայն` ՀՀ քրեական օրենսգրքի 266-րդ հոդվածի 2-րդ մասի 2.1 կետը ուժը կորցրած է ճանաչվել։
Հաշվի առնելով այդ հանգամանքը` դատարանը գտնում է, որ դատապարտյալ Մելիք Նորիկի Պողոսյանի դիմումը պետք է բավարարել և վերանայել Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից ԵԿԴ-0366/01/10 քրեական գործով 03.03.2011թ. կայացված դատավճիռը։
Վերանայման արդյունքում, Մելիք Նորիկի Պողոսյանի կատարած և վերոհիշյալ դատավճռով հաստատված, ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ և 2.1 կետերով, 266-րդ հոդվածի 4-րդ մասով նախատեսված հանցանքները համապատասխանում են ՀՀ քրեական օրենսգրքի` 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցագործություններին։
Դատարանը միաժամանակ գտնում է, որ Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի` ԵԿԴ-0366/01/10 քրեական գործով 2011թ. մարտի 3-ի դատավճիռը մնացած, այդ թվում` նշանակված պատժի մասով պետք է թողնել անփոփոխ։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 379-րդ, 429-րդ, 437-րդ, 438-րդ հոդվածներով, դատարանը

Ո ր ո շ ե ց

Դատապարտյալ Մելիք Նորիկի Պողոսյանի դիմումը բավարարել։
ԵԿԴ-0366/01/10 քրեական գործով Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011թ. մարտի 3-ի դատավճիռը վերանայել` Մելիք Նորիկի Պողոսյանի կատարած և այդ դատավճռով հաստատված, ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ և 2.1 կետերով, 266-րդ հոդվածի 4-րդ մասով նախատեսված հանցանքները համապատասխանեցնել ՀՀ քրեական օրենսգրքի` 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցագործություններին։
Դատավճիռը մնացած` այդ թվում պատժի մասով թողնել անփոփոխ։
Որոշումը կարող է բողոքարկվել ՀՀ քրեական վերաքննիչ դատարան` հրապարակելու օրվանից տասնօրյա ժամկետում։

ԴԱՏԱՎՈՐ՝ Մ. ՄԱՐՏԻՐՈՍՅԱՆ
Գործը հանձնվել է գրասենյակ
Գործը հանձնվել է գրասենյակ 01-09-2011
Էջերի քանակ 294, 354, 13
Գործն ուղարկվել է
Գործը ուղարկվել է 01-09-2011
Էջերի քանակը 294, 354, 13
ՈՒր(դատարան) Քրեական վերաքննիչ
Ելքի գրության համարը Ե-23395
Գործը բողոքարկվել է
Ամսաթիվ 09-09-2011
Գործը ստացվել է (կատարումն ապահովելու համար, և ... )
Ամսաթիվ 29-11-2011
Գործը հանձնվել է գրասենյակ
Գործը հանձնվել է գրասենյակ 13-02-2012
Էջերի քանակ 294, 354, 13, 40
Գործը հանձնվել է դատարանի արխիվ
Ամսաթիվ 14-02-2012
Էջերի քանակը 294, 354, 13, 40
Դատական գործ N: ԵԿԴ/0366/01/10
Քրեական վերաքննիչ
Ստացվել է վերաքննիչ բողոք
Ամսաթիվ 31-03-2011
Ամսաթիվ 31-03-2011
Ում կողմից է բերվել բողոքը Պաշտպան
Բողոքը բերող անձը
Անուն Սիրանուշ
Ազգանուն Հարությունյան
Հասցե ---------------
Սեռ 0
Բողոքի բովանդակությունը Մելիք Պողոսյան Բեկանել և փոփոխել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` Մելիք Նորիկի Պողոսյանի /ՀՀ քր. օր-ի 266 հոդ. 1-ին մասով , 266 հոդ. 2-րդ մասի 2.1 կետով , 266 հոդ. 4-րդ մասով , ՀՀ քր.օր. 66 հոդ. կարգով վերջնական պատիժ - ազատազրկում 5 տարի 6 ամիս ժամկետով` առանց գույքի բռնագրավման և տուգանք` 100.000 ՀՀ դրամի չափով / վերաբերյալ 03.03.2011թ. դատավճիռը` Մելիք Պողոսյանին ՀՀ քր. օր-ի 266 հոդ. 2-րդ մասի 2.1 կետով անպարտ ճանաչելու , նրան առաջադրված մեղադրանքը վերաորակելու` մայիսի 13-ի դրվագի կապակցությամբ ՀՀ քր. օր-ի 266 հոդ. 1-ին մասով մեղադրանք առաջադրելու և այդ հոդվածի պատժաչափով համաչափ մեղմ պատիժ սահմանելու առումով : Մեղադրական դատավճիռ կայացբնելու դեպքոմ Մելիք Պողոսյանին ՀՀ քր. օր-ի 266 հոդ. 1-ին մասով , 266 հոդ. 2-րդ մասի 2.1 կետով առաջադրված մեղադրանքը ՀՀ քր. օր-ի 266 հոդ. 2-րդ մասի 2.1 կետով վերաորակել և սահմանել համաչափ մեղմ պատիժ , դատավճռի մնացած մասը թողնելով անփոփոխ :
Բողոքի ստացման կարգը Առձեռն հանձնվել է գրասենյակ
Չափահաս Այո
Մակագրել
Ամսաթիվ 04-04-2011
Նախագահող դատավոր
Անուն Մասիս
Ազգանուն Ռեհանյան
Քրեական գործի մուտքագրում
Ամսաթիվ 12-04-2011
Կից փաստաթղթեր և իրեղեն ապացույց Չկա:
Ընդունվել է վարույթ
Ամսաթիվ 13-04-2011
Նշանակվել է դատական քննություն
Երբ 28-04-2011
Ժամ 12:00
Նիստերի դահլիճի համարը 4
Վերաքննիչ վարույթը կարճվել է
Ամսաթիվ 28-04-2011
Որոշման բովանդակություն ԳործԵԿԴ/0366/01/10

Ո Ր Ո Շ ՈՒ Մ

ՎԵՐԱՔՆՆԻՉ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

28 ապրիլի 2011թ. ք.Երևան

ՀՀ քրեական վերաքննիչ դատարանի դատավոր Մ. Ռեհանյանս ուսումնասիրելով ամբաստանյալ Մելիք Նորիկի Պողոսյանի դիմումն իր պաշտպան Սիրանուշ Հարությունյանի կողմից ներկայացված վերաքննիչ բողոքը հետ վերցնելու մասին,

Պ Ա Ր Զ Ե Ց Ի

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011թ. մարտի 03-ի դատավճռով ամբաստանյալ Մելիք Նորիկի Պողոսյանը մեղավոր է ճանաչվել Հայաստանի Հանրապետության քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով և 266-րդ հոդվածի 4-րդ մասով նախատեսված հանցանքներում և դատապարտել` ՀՀ քրեական օրենսգրքի 266-րդ հոդվածի 1-ին մասով` ազատազրկման 3 /երեք/ տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 /հինգ/ տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամ գումարի չափով։
ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ամբաստանյալ Մելիք Նորիկի Պողոսյանի նկատմամբ պատիժ է նշանակվել ազատազրկում 5 /հինգ/ տարի 6 /վեց/ ամիս ժամկետով` առանց գույքի բռնագրավման և տուգանք 100.000 /հարյուր հազար/ ՀՀ դրամ գումարի չափով։
Պատժի սկիզբը հաշվելով 2010թ. նոյեմբերի 17-ից։
Խափանման միջոց կալանավորումը թողնվել է անփոփոխ` մինչև դատավճռի օրինական ուժի մեջ մտնելը։
Մելիք Նորիկի Պողոսյանի գույքի վրա նախաքննության մարմնի 24.12.2010թ. որոշմամբ դրված կալանքը վերացվել է։
Վճռվել է. դատավճռի օրինական ուժի մեջ մտնելուց հետո, թիվ 13124410 քրեական գործով իրեղեն ապացույցներ ճանաչված, 0,18 գրամ քաշով ՙափիոն՚ տեսակի թմրամիջոցը և ներարկիչում առկա 0,5 մլ ծավալով քացախաթթվի անհիդրիդը վերադարձնել վարույթն իրականացնող մարմնին` քրեական գործից անջատված մասով տնօրինելու համար։
Ամբաստանյալ Մելիք Նորիկի Պողոսյանից հօգուտ ՀՀ պետական բյուջե բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Դատավճռի դեմ 2011թ. ապրիլի 01-ին վերաքննիչ բողոք է բերել ամբաստանյալ Մելիք Պողոսյանի պաշտպան Սիրանուշ Հարությունյանը , որը վարույթ եմ ընդունել 2011թ. ապրիլի 13-ին և նշանակել քննության 2011թ. ապրիլի 28-ին, ժամը 1200-ին:
Ամբաստանյալ Մելիք Նորկի Պողոսյանը դիմում է ներկայացրել վերաքննիչ դատարան, խնդրելով` իր պաշտպան Սիրանուշ Հարությունյանի կողմից, ներկայացված վերաքննիչ բողոքը քննության չառնել և հետ վերադարձնել:
ՀՀ քրեական դատավարության օրենսգրքի 383-րդ հոդվածի 3-րդ մասի համաձայն բողոք բերած անձը և այն անձը, որի շահերի պաշտպանության նպատակով բերվել է բողոքը, իրավունք ունեն հետ վերցնելու այն մինչև վերաքննիչ դատարանում դատական նիստը սկսվելը:
Նույն հոդվածի 4-րդ մասի համաձայն` եթե վերաքննիչ բողոքարկման ժամկետն ավարտվել է, իuկ տվյալ դատական ակտի դեմ այլ վերաքննիչ բողոքներ չեն բերվել, ապա բողոքը հետ վերցնելու դեպքում դատարանը կայացնում է վերաքննիչ վարույթը կարճելու մաuին որոշում:
Որոշումը կայացնելու պահից առաջին ատյանի դատարանի դատական ակտը մտնում է ուժի մեջ:
Տվյալ դեպքում բողոք բերած անձի կողմից իր վերաքննիչ բողոքը հետ վերցնելը հիմք է վերաքննիչ վարույթը կարճելու համար:
Վերոգրյալի հիման վրա և ղեկավարվելով քրեական դատավարության օրենսգրքի 383-րդ հոդվածով,

Ո Ր Ո Շ Ե Ց Ի

Վերաքննիչ վարույթը կարճել` ամբաստանյալ Մելիք Նորիկի Պողոսյանի կողմից, բողոքը հետ վերցնելու հիմքով:


ՆԱԽԱԳԱՀՈՂ ԴԱՏԱՎՈՐ
Մ.ՌԵՀԱՆՅԱՆ
Գործը հանձնվել է գրասենյակ
Ամսաթիվ 25-05-2011
Էջերի քանակը <294>, <339>:
Գործն ուղարկվել է
Գործն ուղարկվել է 26-05-2011
Էջերի քանակը 294, 339 թերթից
Ուր Կենտրոն և Նորք-Մարաշ
Գրության համարը Ե-7490/11
Ստացվել է վերաքննիչ բողոք
Ամսաթիվ 26-08-2011
Ամսաթիվ 19-08-2011
Ում կողմից է բերվել բողոքը Դատապարտյալ
Բողոքը բերող անձը
Անուն Մելիք
Ազգանուն Պողոսյան
Հասցե ---------------
Սեռ 0
Բողոքի բովանդակությունը Վերանայել և չեղյալ համարել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` դատապարտյալ Մելիք Նորիկի Պողոսյանի վերաբերյալ նույն դատարանի 03.03.2010թ. դատավճիռը վերանայելու մասին 03.08.2011թ. որոշումը և իր նկատմամբ կիրառել մարդասիրական որոշում :
Բողոքի ստացման կարգը Հանձնվել է փոստին
Չափահաս Այո
Մակագրել
Ամսաթիվ 05-09-2011
Նախագահող դատավոր
Անուն Արարատ
Ազգանուն Պետրոսյան
Քրեական գործի մուտքագրում
Ամսաթիվ 05-09-2011
Կից փաստաթղթեր և իրեղեն ապացույց Չկա
Ընդունվել է վարույթ
Ամսաթիվ 06-09-2011
Նշանակվել է դատական քննություն
Երբ 23-09-2011
Ժամ 11:30
Նիստերի դահլիճի համարը 1
Նշանակվել է դատական քննություն
Երբ 10-10-2011
Ժամ 11:30
Նիստերի դահլիճի համարը 1
Նշանակվել է դատական քննություն
Երբ 12-10-2011
Ժամ 10:00
Նիստերի դահլիճի համարը 2
Նշանակվել է դատական քննություն
Երբ 14-10-2011
Ժամ 10:00
Նիստերի դահլիճի համարը 2
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
Անփոփոխ թողնված դատական ակտը Պատճառաբանվել է
Ամսաթիվ 14-10-2011
Ամբաստանյալ
Անուն Մելիք
Ազգանուն Պողոսյան
Հասցե ---------------
Սեռ 0
Քր. դատ. օր. հոդված
Քր. դատ. օր. հոդված
Քր.օր. հոդված
Դատական ակտ
Դատական ակտ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

ԵԿԴ/0366/01/10
Երևան քաղաքի Կենտրոն և Նորք
Մարաշ վարչական շրջանների
ընդհանուր իրավասության առաջին
ատյանի դատարանի որոշում
նախագահող դատավոր Մ. Մարտիրոսյան

ՈՐՈՇՈՒՄ

14 հոկտեմբերի 2011 թվական ք. Երևան

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ նաև`
վերաքննիչ դատարան/ ԿԱԶՄՈՎ`

նախագահող դատավոր Ա. ՊԵՏՐՈՍՅԱՆ

քարտուղարությամբ Պ. ԲՈՇՆԱՂՅԱՆԻ
մասնակցությաբ
դատախազ` Ա. ՓԱՆՈՍՅԱՆԻ

դռնբաց դատական նիստում դատական ստուգման ենթարկելով դատապարտյալ Մելիք Նորիկի Պողոսյանի վերաքննիչ բողոքը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի /այսուհետ նաև` առաջին ատյանի դատարան/ 2011 թվականի օգոստոսի 3-ի որոշման դեմ

ä²ð¼ºò

Գործի դատավարական նախապատմությունը և փաստական հանգամանքները

1. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի դատավճռով 3-ի Մելիք Պողոսյանը դատապարտվել է ՀՀ քրեական օրենսգրքի 266-րդ հոդվածի 1-ին մասով ` ազատազրկման 3 տարի ժամկետով, 266-րդ հոդվածի 2-րդ մասի 2.1 կետով` ազատազրկման 5 տարի ժամկետով` առանց գույքի բռնագրավման, 266-րդ հոդվածի 4-րդ մասով` տուգանքի, նվազագույն աշխատավարձի հարյուրապատիկի /հարյուր հազար ՀՀ դրամ/ գումարի չափով: ՀՀ քրեական օրենսգրքի 66-րդ հոդվածով սահմանված` պատիժները մասնակի գումարման սկզբունքի կիրառմամբ, վերջնական պատիժ է նշանակվել ազատազրկում 5 տարի 6 ամիս ժամկետով` առանց գույքի բռնագրավման և տուգանք, նվազագույն աշխատավարձի հարյուրապատիկի /հարյուր հազար ՀՀ դրամ/ գումարի չափով:

2. 2011 թվականի հունիսի 22-ին դատապարտյալ Մելիք Պողոսյանը դիմում է ներկայացրել առաջին ատյանի դատարան` խնդրելով առանց իր մասնակցության վերանայել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի կողմից իր նկատմամբ կայացրած դատավճիռը` նկատի ունենալով ՀՀ Ազգային Ժողովի կողմից 2011 թվականի մայիսի 23-ին ընդունված <<ՀՀ քրեական օրենսգրքում փոփոխություններ կատարելու մասին>> ՀՀ օրենքը:

4. Առաջին ատյանի դատարանի 3.08.2011թ. որոշմամբ, նույն դատարանի 3.03.2011թ. դատավճռով Մ. Պողոսյանին` ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ և 2.1 կետով, 266-րդ հոդվածի 4-րդ մասով մեղսագրված արարքները համապատասխանեցվել է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցագորշություններին:
Դատավճիռը մնացած` այդ թվում պատժի մասով թողնվել է անփոփոխ:

5. Առաջին ատյանի դատարանի 3.08.2011թ. որոշման դեմ վերաքննիչ բողոք է բերել դատապարտյալ Մ. Պողոսյանը:

Վերաքննիչ բողոքի հիմքերը, փաստարկները և պահանջը

Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով.

Գոռ Գալստյանը, վկայակոչելով վերաքննիչ բողոքում նշված պատճառաբանությունները, խնդրել է վերանայել դատարանի որոշումը և պատժի մասով նվազեցնել:

Վերաքննիչ դատարանի պատճառաբանությունները և եզրահանգումը

7. Վերաքննիչ դատարանն անհրաժեշտ է համարում անդրադառնալ սույն գործով առաջին ատյանի դատարանի որոշման բողոքարկման ժամկետին:

8. Գործի նյութերից երևում է, որ դատապարտյալ Մ. Պողոսյանը 22.06.2011թ. դիմելով առաջին ատյանի դատարանին, խնդրել է առանց իր մասնակցության վերանայել իր նկատմամբ կայացված`Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 3.03.2010թ. դատավճիռը:
Առաջին ատյանի դատարանը դատավճիռը համապատասխանեցնելու մասին որոշումը կայացրել է 2011 թվականի օգոստոսի 3-ին, նշելով, որ այն կարող է բողոքարկվել հրապարակման պահից` տասնօրյա ժամկետում:
Որոշումը դատապարտյալին ուղարկվել է 8.08.2011թ: Դատապարտյալը որոշման դեմ վերաքննիչ բողոք է ներկայացրել 18.08.2011թ., որը վերաքննիչ դատարան մուտք է եղել 26.08.2011թ.` այսինքն դատապարտյալը բաց է թողել բողոքարկման համար օրենքով սահմանված տասնօրյա ժամկետը:

9. Վերաքննիչ դատարանը հաշվի առնելով, որ դատապարտյալ Մ. Պողոսյանը առաջին ատյանի դատարանի կայացրած որոշման հրապարակմանը չի մասնակցել, որի արդյունքում ժամանակին չի իրազեկվել իր վերաբերյալ կայացված որոշումը բողքարկելու կարգին, մասնավորապես` դրա համար սահմանված ժամկետին, գտնում է, որ բաց թողնված ժամկետը պետք է համարել հարգելի:

10. Վերաքննիչ բողոքում նշված հիմքերի և հիմնավորումների սահմաններում կատարելով դատական ստուգում` ներկայացնելով դատական ակտի բովանդակությունը, վերաքննիչ բողոքի էությունը, լսելով նաև դատախազի պատասխանը, վերլուծելով գործի նյութերը, Վերաքննիչ դատարանը հանգում է այն հետևության, որ վերաքննիչ բողոքը պետք է մերժել` իսկ դատական ակտը փոփոխել, հետևյալ պատճառաբանությամբ.

11. 2011 թվականի մայիսի 25-ին ուժի մեջ մտած <ՀՀ քրեական օրենսգրքում փոփոխություններ և լրացումներ կատարելու մասին> 23.05.2011թ. օրենքի 2-րդ հոդվածի համաձայն` ՀՀ քրեական օրենսգրքի 21-րդ հոդվածը /հանցագործությունների կրկնակիությունը/ ուժը կորցված է ճանաչվել:

12. ՀՀ Սահմանադրության 22-րդ հոդվածի համաձայն` արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ:

13. ՀՀ քրեական օրենսգրքի 13-րդ հոդվածի 1-ին մասը սահմանում է, որ <<արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքը հետադարձ ուժ ունի, այսինքն՝ տարածվում է մինչև այդ օրենքն ուժի մեջ մտնելը համապատասխան արարք կատարած անձանց, այդ թվում՝ այն անձանց վրա, ովքեր կրում են պատիժը կամ կրել են դա, սակայն ունեն դատվածություն>>:
ՀՀ քրեական օրենսգրքի վերոշարադրյալ դրույթի վերլուծությունից երևում է, որ օրենքի հետադարձության կանոնը կիրառվում է այն դեպքերում, երբ անձի կողմից հանցավոր արարքը կատարվել է նախքան արարքի հանցավորությունը վերացնող, պատիժը մեղմացնող կամ հանցանք կատարած անձի վիճակն այլ կերպ բարելավող օրենքի ուժի մեջ մտնելը:

14. Ինչպես Երևում է գործի նյութերից, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի 3-ի դատավճռով Մ. Պողոսյանը դատապարտվել է ՀՀ քրեական օրենսգրքի 266-րդ հոդվածի 1-ին մասով, 266-րդ հոդվածի 2-րդ մասի 2.1 կետով, 266-րդ հոդվածի 4-րդ մասով:
Մինչդեռ առաջին ատյանի դատարանը վերոհիշյալ դատավճիռը վերանայելու մասին որոշման մեջ նշել է, որ Մ. Պողոսյանը դատապարտվել է նաև ՀՀ քրեական օրենսգրքի 266-րդ հոդվածի 2-րդ մասի 2-րդ /խոշոր չափերով/ և 2.1 կետերով նախատեսված հանցանք կատարելու համար:

15. Տվյալ դեպքում դատապարտյալ Մ. Պողոսյանի վերաբերյալ դատական ակտը վերանայելու արդյունքում առաջին ատյանի դատարանը քննարկման առարկա է դարձրել, այնուհետև համապատասխանեցրել է այնպիսի արարք, որը հիշյալ դատավճռով Մ. Պողոսյանին մեղսագրված չի եղել:

16 Վերաքննիչ դատարանը գտնում է, որ վերոշարադրյալ հիմքերով առաջին ատյանի դատարանի 2011 թվականի օգոստոսի 3-ի վերոհիշյալ որոշումը պետք է փոփոխել և ՀՀ քրեական օրենսգրքի 266-րդ հոդվածի 2-րդ մասի 2.1 կետով Մ. Պողոսյանին մեղսագրված արարքը պետք է համապատասխանեցնել ՀՀ քրեական օրենսգրքի 266-րդ հոդված 1-ին մասին:

16. Անդրադառնալով Մ. Պողոսյանի բողոքի հիմնավորումներին այն մասին, որ պետք է կրճատել պատժաչափը, Վերաքննիչ դատարանը, հաշվի առնելով դատապարտյալ Մ. Պողոսյանի կողմից կատարած հանցագործությունների բնույթը, հասարակական վտանգավորության աստիճանը և նրա անձը, գտնում է, որ նրա նկատմամբ նշանակված պատիժը համապատասխանում է նրա անձին և կատարած հանցանքի ծանրության աստիճանին, ուստի այն կրճատելու հիմքերը բացակայում են և վերոհիշյալ հիմքերով վերաքննիչ բողոքը ենակա է մերժման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-րդ, 394-րդ հոդվածներով, 402, 404 հոդվածներով, 412 հոդածի 1-ին մասով, վերաքննիչ դատարանը

ՈՐՈՇԵՑ

1. Վերաքննիչ բողոքը մերժել:
2. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի օգոստոսի որոշումը` Մելիք Նորիկի Պողոսյանի վերաբերյալ նույն դատարանի 2011 թվականի մարտի 3-ի դատավճիռը վերանայելու մասին, փոփոխել:
3. Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մարտի 3-ի դատավճռով Մելիք Պողոսյանին ՀՀ քրեական օրենսգրքի 266-րդ հոդվածի 2-րդ մասի 2.1 կետով մեղսագրված արարքը համապատասխանեցնել ՀՀ քրեական օրենսգրքի 266-րդ հոդվածի 1-ին մասին:
4. Որոշումը մնացած մասով թողնել անփոփոխ:
5. Որոշումը կարող է բողոքարկվել ՀՀ վճռաբեկ դատարան` այն ստանալու պահից 15-օրյա ժամկետում:


ՆԱԽԱԳԱՀՈՂ ԴԱՏԱՎՈՐ` Ա. ՊԵՏՐՈՍՅԱՆ
Դատական ակտի ամսաթիվը 14-10-2011
Գործը հանձնվել է գրասենյակ
Ամսաթիվ 23-11-2011
Էջերի քանակը 294, 354, 13 և 37 թերթերից:
Գործն ուղարկվել է
Գործն ուղարկվել է 23-11-2011
Էջերի քանակը 294, 354, 13 և 37 թերթերից:
Ուր Կենտրոն և Նորք-Մարաշ
Գրության համարը Ե-17609/11