Գործ թիվ ԵԿԴ/ 0351/01/



ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

ՆԱԽԱԳԱՀՈՂ ԴԱՏԱՎՈՐ՝ Գ. Ավետիսյան
ՔԱՐՏՈՒՂԱՐՈՒԹՅԱՄԲ՝ Հ.Հովհաննիսյանի
ՄԱՍՆԱԿՑՈՒԹՅԱՄԲ՝
ՄԵՂԱԴՐՈՂ՝ Ա. Գալստյանի
ՊԱՇՏՊԱՆ՝ Տ. Գրիգորյանի
ՏՈՒԺՈՂՆԵՐ` Ս.Հարությունյանի, Ն.Արշակյանի, Կ. Շմավոնյանի, Լ.Հովհաննիսյանի, Ք. Սարգսյանի, Ա.Վարթանիանս-Գարդ-Աբադի, Ս.Ավալյանի, Ժ. Առուստամյանի, Մ.Ավետիքյանի, Ծ.Սիմոնյանի, Ա. Խաչատրյանի

2011թ. ապրիլի 4-ին, դռնբաց դատական նիստում, դատարանում, քննեց քրեական գործն ըստ մեղադրանքի Ռոբերտ Սամսոնի Շահինյանի, ծնված 1989թ.
նոյեմբերի 22-ին, Երևանում, ազգությամբ` հայ, ՀՀ քաղաքացի, ամուրի, խնամքին ոչ ոք, թերի միջնակարգ կրթությամբ, չի աշխատում, նախկինում 2 անգամ դատված` 1. Ավան և Նոր Նորք համայնքների առաջին ատյանի դատարանի 2006թ. հունվարի 12-ի դատավճռով` ՀՀ քրեական օրենսգրքի 177-րդ հոդվածի 1-ին մասով` դատապարտվել է` ազատազրկման` 3 տարի ժամկետով։ ՀՀ քրեական օրենսգրքի 70-րդ հոդվածի կիրառմամբ ազատազրկման ձևով նշանակված պատիժը պայմանականորեն չի կիրառվել, սահմանվել է փորձաշրջան մեկ տարի ժամկետով, 2006թ. հուլիսի 7-ի Համաներում հայտարարելու մասին որոշմամբ 2006թ. օգոստոսի 11-ին ազատվել է պատժից, 2. Կենտրոն և Նորք-Մարաշ համայնքների առաջին ատյանի դատարանի 2007թ. դեկտեմբերի 25-ի դատավճռով` ՀՀ քրեական օրենսգրքի 177 հոդվածի 2-րդ մասի 1-ին և 4-րդ կետերով` դատապարտվել է ազատազրկման 2 տարի ժամկետով, 2009թ. ապրիլի 30-ին պայմանական վաղաժամկետ ազատվել է պատժի կրումից` 5 ամիս 1 օր չկրած մասից, հաշվառված և բնակվել է Երևանի, Գոգոլի փողոցի, թիվ 73 տանը, կալանքի տակ է 2010թ. սեպտեմբերի 27-ից։ Մեղադրվում է ՀՀ քրեական օրենսգրքի 176-րդ հոդվածի 2-րդ մասի 1-ին և 5-րդ կետերով։ Առաջադրված մեղադրանքում ամբաստանյալ Ռոբերտ Շահինյանը իրեն մեղավոր ճանաչեց։

Ռուբեն Արամի Քոչարյանի ծնված 1984թ. հոկտեմբերի 25-ին, Ռուսաստանի Դաշնության Ռոստով քաղաքում, ազգությամբ` հայ, ՀՀ քաղաքացի, ամուրի, խնամքին ոչ ոք, միջնակարգ կրթությամբ, չի աշխատում, նախկինում դատված` Արագածոտնի մարզի առաջին ատյանի ընդհանուր իրավասության դատարանի 2001թ. հոկտեմբերի 20-ի դատավճռով ՀՀ քրեական օրենսգրքի 361-րդ հոդվածի 1-ին մասով դատապարտվել է 3 ամիս ժամկետով կարգապահական գումարտակում պահելով, դատվածությունը մարված, հաշվառված է Երևանի, Նոր Նորքի 5-րդ զանգվածի, Մառի փողոցի նրբանցք, 6-րդ շենքի, 73-րդ բնակարանում, բնակվել է Երևան Հարավ Արևմտյան Ա1 թաղամասի 115-րդ շենքի 52-րդ բնակարանում, կալանքի տակ է 2010թ սեպտեմբերի 27-ից, մեղադրվում է ՀՀ քրեական օրենսգրքիի 176-րդ հոդվածի 2-րդ մասի 1-ին կետով։ Առաջադրված մեղադրանքում ամբաս- տանյալ Ռուբեն Քոչարյանը իրեն մեղավոր ճանաչեց մասնակի։


Թիվ 13176010 քրեական գործը ՀՀ քրեական օրենսգրքի 176-րդ հոդվածի 1-ին մասով հարուցվել է 2010 թվականի սեպտեմբերի 26-ին ՀՀ ոստիկանության Կենտրոնական բաժնի կողմից։
Թիվ 13174310 քրեական գործը ՀՀ քրեական օրենսգրքի 176-րդ հոդվածի 1-ին մասով հարուցվել է 2010 թվականի սեպտեմբերի 13-ին ՀՀ ոստիկանության Կենտրոնական բաժնի կողմից։
2010թ. հոկտեմբերի 12-ին թիվ 13174310 քրեական գործը միացվել է թիվ 13176010 քրեական գործին։
Թիվ 09158010 քրեական գործը ՀՀ քրեական օրենսգրքի 176-րդ հոդվածի 1-ին մասով հարուցվել է 2010 թվականի օգոստոսի 13-ին ՀՀ ոստիկանության բաժնի Քանաքեռ-Զեյթուն բաժնի կողմից։
Թիվ 09117910 քրեական գործը ՀՀ քրեական օրենսգրքի 176-րդ հոդվածի 1-ին մասով հարուցվել է 2010 թվականի օգոստոսի 23-ին ՀՀ ոստիկանության քննչական գլխավոր վարչության Երևան քաղաքի քննչական վարչության Քանաքեռ-Զեյթուն քննչական բաժնի կողմից։
2010թ. հոկտեմբերի 19-ին թիվ 09158010 քրեական գործը և թիվ 09117910 քրեական գործը միացվել է թիվ 13176010 քրեական գործին։
Թիվ 09100411 քրեական գործը ՀՀ քրեական օրենսգրքի 176-րդ հոդվածի 1-ին մասով հարուցվել է 2011 թվականի հունվարի 11-ին ՀՀ ոստիկանության քննչական գլխավոր վարչության Երևան քաղաքի քննչական վարչության Քանաքեռ-Զեյթուն քննչական բաժնի կողմից։
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Գ.Ավետիսյանի 2011թ. փետրվարի 15-ի քրեական գործը դատաքննության նշանակելու և մեկ վարույթում միացնելու մասին որոշմամբ թիվ ԵԿԴ 0351/01 /13176010/ քրեական գործն ըստ մեղադրանքի Ռոբերտ Սամսոնի Շահինյանի` ՀՀ քրեական օրենսգրքի 176-րդ հոդվածի 2-րդ մասի 1-ին և 5-րդ կետերով, Ռուբեն Արամի Քոչարյանի` ՀՀ քրեական օրենսգրքի 176-րդ հոդվածի 2-րդ մասի 1-ին կետով և թիվ ԵԿԴ 0016/01 (09100411) քրեական գործն ըստ մեղադրանքի Ռոբերտ Սամսոնի Շահինյանի` ՀՀ քրեական օրենսգրքի 176-րդ հոդվածի 2-րդ մասի 5-րդ կետով միացվել է և քննվել մեկ վարույթում։
Դատաքննությամբ և գործի տվյալներով դատարանը ապացուցված համարեց հետևյալը.
Ամբաստանյալ Ռոբերտ Սամսոնի Շահինյանը մենակ, ինչպես նաև մեկ անգամ ամբաստանյալ Ռուբեն Արամի Քոչարյանի և մեկ անգամ գործի քննությամբ չպարզված անձի հետ 2010թ. հունիսի 19-ից մինչև սեպտեմբերի 26-ն ընկած ժամանակահատվածում Երևանի տարբեր վարչական շրջաններից կատարել են կողոպուտներ։
Ամբաստանյալ Ռ. Շահինյանը, նախկինում լինելով հափշտակություն կատարելու համար դատապարտված, դատվածությունը չմարված, 2010թ. հունիսի 19-ին, ժամը 21։30-ի սահմաններում Երևանի Մաշտոցի 27-րդ շենքի մոտ քաշել-պոկելու միջոցով կրկին անգամ բացահայտ հափշտակել է Անեթ Վասիլի Վարթանիանս-Գարդ-Աբադի ոսկյա շղթան խաչով` վերջինիս պատճառելով 170.000 ՀՀ դրամի զգալի չափերի գույքային վնաս։
2010թ. հունիս ամսվա կեսերին, ժամը 22։00-ի սահմաններում Երևանի Մազմանյան 22-րդ շենքի մոտ նա քաշել-պոկելու միջոցով կրկին անգամ բացահայտ հափշտակել է Նելլի Ռուբենի Ներսիսյանի խաչով և կախազարդով ոսկյա շղթան` վերջինիս պատճառելով 144.000 ՀՀ դրամի զգալի չափերի գույքային վնաս։
2010թ. օգոստոսի 5-ին, ժամը 14։30-ի սահմաններում Երևանի Սիսակյան 4-րդ շենքի մոտից քաշել-պոկելու միջոցով նա կրկին անգամ բացահայտ հափշտակել է Թագուհի Ֆելիքսի Շահվերդյանի խաչով ոսկյա շղթան` վերջինիս պատճառելով 130.000 ՀՀ դրամի զգալի չափերի գույքային վնաս։
2010թ. օգոստոսի 5-ին, ժամը 20։00-ի սահմաններում նա Երևանի Ուլնեցու 1-ին հասցեում գտնվող թիվ 147 դպրոցի մոտ քաշել-պոկելու միջոցով կրկին անգամ բացահայտ հափշտակել է Սիրվարդ Տիգրանի Ավալյանի 180.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։
Բացի այդ, ամբաստանյալ Ռ. Շահինյանը, կողոպուտ կատարելու շուրջ նախնական համաձայնության գալով քննությամբ չպարզված անձի հետ, 2010թ. օգոստոսի 23-ին, ժամը 16։00-ի սահմաններում Երևանի Ռուբինյանց 7-րդ և 9-րդ շենքերի միջանկյալ հատվածում քաշել-պոկելու միջոցով կրկին անգամ բացահայտ հափշտակել է Ժանետա Հովհաննեսի Առուստամյանի 218.940 ՀՀ դրամ արժողության ադամանդյա քարերով ու խաչով պարանոցի ոսկյա շղթան ` վերջինիս պատճառելով զգալի չափերի գույքային վնաս։
Ամբաստանյալ Ռ. Շահինյանը 2010թ. օգոստոս ամսին, ժամը 18։30-ի սահմաններում Երևանի Խորենացի 5-րդ շենքի մոտ քաշել-պոկելու միջոցով կրկին անգամ բացահայտ հափշտակել է Անգելինա Գարիկի Պողոսյանի կախազարդով ոսկյա շղթան` վերջինիս պատճառելով 182.000 ՀՀ դրամի զգալի չափերի գույքային վնաս։
Նա 2010թ. օգոստոսի ամսվա վերջերին, ժամը 13։30-14։00-ի սահմաններում Երևանի Սարկավագի 137-րդ շենքի մոտ քաշել-պոկելու միջոցով կրկին անգամ բացահայտ հափշտակել է Մելադա Նիկոլայի Ավետիքյանի 100.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։
2010թ. սեպտեմբերի 4-ին, ժամը 15։30-ի սահմաններում նա Երևանի Գոգոլի և Շովրոյան փողոցների մոտ քաշել-պոկելու միջոցով կրկին անգամ բացահայտ հափշտակել է Լուսինե Ալբերտի Հովհաննիսյանի կախազարդով ոսկյա շղթան` վերջինիս պատճառելով 370. 000 ՀՀ դրամի զգալի չափերի գույքային վնաս։
2010թ. սեպտեմբերի 5-ին ժամը 18-ի սահմաններում Երևանի Գոգոլի թիվ 100 հասցեում գտնվող թիվ 44 դպրոցի հետնամասում նա քաշել-պոկելու միջոցով կրկին անգամ բացահայտ հափշտակել է Սիրանուշ Հարությունյանի ոսկյա շղթան` վերջինիս պատճառելով 450.000 ՀՀ դրամի զգալի չափերի գույքային վնաս։
2010թ. սեպտեմբերի 13-ին, ժամը 15։30-ի նա սահմաններում Երևանի Քաջազնունի թիվ 20/1 շենքի դիմացից քաշել-պոկելու միջոցով կրկին անգամ բացահայտ հափշտակել է Քրիստինե Սարգսյանի պարանոցի ոսկյա շղթան` վերջինիս պատճառելով 120.000 ՀՀ դրամի զգալի չափերի գույքային վնաս։
Բացի այդ, ամբաստանյալ Ռ. Շահինյանը, նախնական համաձայնության գալով Ռուբեն Քոչարյանի հետ, 2010թ. սեպտեմբերի 15-ին, ժամը 14։00-ի սահմաններում Երևանի Գյուլիքեխվյան 7-րդ շենքի մոտ քաշել-պոկելու միջոցով կրկին անգամ բացահայտ հափշտակել են Կարինե Շմավոնյանին պատկանող ոսկյա շղթան` վերջինիս պատճառելով 150.000 ՀՀ դրամի զգալի չափերի գույքային վնաս։
Ամբաստանյալ Ռ. Շահինյանը 2010թ. սեպտեմբերի 18-ին, ժամը 19։00-ի սահմաններում Երևանի Սեբաստիայի թիվ 23ա շենքի մոտ քաշել-պոկելու միջոցով կրկին անգամ բացահայտ հափշտակել է Ծովինար Մյասնիկի Սիմոնյանի 130.000 ՀՀ դրամ արժողության խաչով ոսկյա շղթան` նրան պատճառելով զգալի չափերի գույքային վնաս։
Նա 2010թ.-ի սեպտեմբերի 23-ին, ժամը 14։00-ի սահմաններում Երևանի Մաշտոցի 6-րդ շենքի դիմաց քաշել-պոկելու միջոցով կրկին անգամ բացահայտ հափշտակել է Նոյեմզար Արշակյանին պատկանող 200.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։
2010թ. սեպտեմբերի 26-ին, ժամը 16։20-ի սահմաններում նա Երևանի Սեբաստիա 28-րդ հասցեի դիմաց քաշել-պոկելու միջոցով կրկին անգամ բացահայտ հափշտակել է Աննա Ֆելիքսի Խաչատրյանի պարանոցի ոսկյա շղթան` վերջինիս պատճառելով 292.000 ՀՀ դրամի զգալի չափերի գույքային վնաս։
Վերոհիշյալ արարքի համար ամբաստանյալ Ռոբերտ Սամսոնի Շահինյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին և 5-րդ կետերով, իսկ Ռուբեն Արամի Քոչարյանին` ՀՀ քրեական օրենսգրքիի 176-րդ հոդվածի 2-րդ մասի 1-ին կետով։
Առաջադրված մեղադրանքում ամբաստանյալ Ռոբերտ Սամսոնի Շահինյանն իրեն մեղավոր ճանաչեց և ցուցմունքներ տվեց այն մասին, որ ինչպես մենակ, այնպես էլ ընկերոջ` ամբաստանյալ Ռ. Քոչարյանի և ծանոթ Սամվելի հետ կատարել են կողոպուտներ Երևանի տարբեր վարչական շրջաններից`
նախկինում լինելով հափշտակություն կատարելու համար դատապարտված, 2010թ. հունիսի 19-ին, ժամը 21։30-ի սահմաններում Երևանի Մաշտոցի 27-րդ շենքի մոտ քաշել-պոկելու միջոցով կրկին անգամ բացահայտ հափշտակել է Անեթ Վասիլի Վարթանիանս-Գարդ-Աբադի խաչով ոսկյա շղթան։ 2010թ. հունիս ամսվա կեսերին, ժամը 22։00-ի սահմաններում Երևանի Մազմանյան 22-րդ շենքի մոտ քաշել-պոկելու միջոցով կրկին անգամ բացահայտ հափշտակել է Նելլի Ռուբենի Ներսիսյանի խաչով և կախազարդով ոսկյա շղթան։ 2010թ. օգոստոսի 5-ին, ժամը 14։30-ի սահմաններում Երևանի Սիսակյան 4-րդ շենքի մոտ քաշել-պոկելու միջոցով կրկին անգամ բացահայտ հափշտակել է Թագուհի Ֆելիքսի Շահվերդյանի խաչով ոսկյա շղթան։ 2010թ. օգոստոսի 5-ին, ժամը 20։00-ի սահմաններում Երևանի Ուլնեցու փողոցում գտնվող թիվ 147 դպրոցի մոտ քաշել-պոկելու միջոցով կրկին անգամ բացահայտ հափշտակել է Սիրվարդ Տիգրանի Ավալյանի ոսկյա շղթան։ Բացի այդ, կողոպուտ կատարելու շուրջ նախնական համաձայնության գալով իր ծանոթ ոմն Սամվելի հետ, 2010թ. օգոստոսի 23-ին, ժամը 16։00-ի սահմաններում Երևանի Ռուբինյանց 7-րդ և 9-րդ շենքերի միջանկյալ հատվածում քաշել-պոկելու միջոցով կրկին անգամ բացահայտ հափշտակել է Ժանետա Հովհաննեսի Առուստամյանի պարանոցի ադամանդյա քարերով ու խաչով ոսկյա շղթան։ 2010թ. օգոստոս ամսին, ժամը 18։30-ի սահմաններում Երևանի Խորենացի 5-րդ շենքի մոտ քաշել-պոկելու միջոցով կրկին անգամ բացահայտ հափշտակել է Անգելինա Գարիկի Պողոսյանի կախազարդով ոսկյա շղթան։ 2010թ. օգոստոսի ամսվա վերջերին, ժամը 13։30-14։00-ի սահմաններում Երևանի Սարկավագի 137-րդ շենքի մոտ քաշել-պոկելու միջոցով կրկին անգամ բացահայտ հափշտակել է Մելադա Նիկոլայի Ավետիքյանի ոսկյա շղթան։ 2010թ. սեպտեմբերի 4-ին, ժամը 15։30-ի սահմաններում Երևանի Գոգոլի և Շովրոյան փողոցների մոտ քաշել-պոկելու միջոցով կրկին անգամ բացահայտ հափշտակել է Լուսինե Ալբերտի Հովհաննիսյանի կախազարդով ոսկյա շղթան։ 2010թ. սեպտեմբերի 5-ին, ժամը 18-ի սահմաններում, Գոգոլի փողոցի վրա գտնվող թիվ 44 դպրոցի հետնամասով անցնելու ժամանակ տեսել է այդտեղով քայլող իրեն անծանոթ երկու կանանց, որոնցից ձախ կողմից քայլող կնոջ` Ս. Հարությունյանի պարանոցին նկատել է ոսկյա շղթա։ Որոշելով բացահայտ հափշտակել այն, հետևից հանկարծակիորեն մոտեցել է նրանց և Ս. Հարությունյանի պարանոցից քաշել-պոկելու եղանակով հափշտակել է 18 գրամ քաշով, «կարդինալ», հյուսվածքով ոսկյա շղթան և դիմել փախուստի թիվ 44 դպրոցի հետնամասի ճաղավանդակով։ 2010թ. սեպտեմբերի 13-ին, ժամը 15։30 Երևանի Քաջազնունի թիվ 20/1 շենքի դիմացից քաշել-պոկելու միջոցով կրկին անգամ բացահայտ հափշտակել է Քրիստինե Սարգսյանի պարանոցի ոսկյա շղթան։ Բացի այդ, նախնական համաձայնության գալով իր ընկեր ամբաստանյալ Ռուբեն Քոչարյանի հետ, 2010թ. սեպտեմբերի 15-ին, ժամը 14։00-ի սահմաններում Երևանի Գյուլիքեխվյան 7-րդ հասցեի մոտից քաշել-պոկելու միջոցով կրկին անգամ բացահայտ հափշտակել են Կարինե Շմավոնյանին պատկանող ոսկյա շղթան։ 2010թ. սեպտեմբերի 18ին, ժամը 19։00-ի սահմաններում Երևանի Սեբաստիայի թիվ 23ա շենքի մոտ քաշել-պոկելու միջոցով կրկին անգամ բացահայտ հափշտակել է Ծովինար Մյասնիկի Սիմոնյանի 130.000 ՀՀ դրամ արժողության խաչով ոսկյա շղթան։ 2010թ.-ի սեպտեմբերի 23-ին, ժամը 14։00-ի սահմաններում Երևանի Մաշտոցի 6-րդ շենքի դիմաց քաշել-պոկելու միջոցով կրկին անգամ բացահայտ հափշտակել է Նոյեմզար Արշակյանին պատկանող ոսկյա շղթան։ 2010թ. սեպտեմբերի 26-ին, ժամը 16։20-ի սահմաններում Երևանի Սեբաստիա 28-րդ հասցեի դիմաց քաշել-պոկելու միջոցով կրկին անգամ բացահայտ հափշտակել է Աննա Ֆելիքսի Խաչատրյանի պարանոցի ոսկյա շղթան /քրեական գործ, հատոր 1 էջ 46-49, 103, հատոր 2 էջ 59-60, 110-111, հատոր 3, էջ 36-37, 55, 62, դատական նիստի արձանագրություն/
Առաջադրված մեղադրանքում ամբաստանայլ Ռուբեն Արամի Քոչարյանն իրեն մեղավոր ճանաչեց մասնակի և ցուցմունք տվեց այն մասին, որ ունեցել է ֆինանսական խնդիրներ, իսկ Ռ. Շահինյանն արագ գումար աշխատելու առաջարկ է արել և 2010թ. սեպտեմբերի 15-ին, ժամը 14։00-ի սահմաններում միասին գնացել են Երևանի Գյուլիքեխվյան 7 հասցեի մոտ, որտեղ Ռ. Շահինյանն արագ վազելով քաշել, պոկել է մի կնոջ ոսկյա շղթան։ Ինքը Ռ.Շահինյանի հետ պայմանավորվածության չի ունեցել հսկելու իրավիճակը։ Օժանդակել է Ռ. Շահինյանին, որպեսզի գողունին պարտակվի։ Գողություն կատարելուց հետո վազելով փախել են։ Հետագայում Ռ. Շահինյանը վաճառել է ոսկյա շղթան և իրեն այդ գումարից տվել 15.000 ՀՀ դրամ։ /քրեական գործ, հատոր 1, էջ 68-69, 111, հատոր 2 էջ 233 դատական նիստի արձանագրություն/
Ամբաստանյալներ Ռոբերտ Շահինյանին և Ռուբեն Քոչարյանին մեղսագրված արարքները, բացի խոստովանական ցուցմունքներից, հիմնավորվում են, իսկ Ռ.Քոչարյանի պատճառաբանությունները հերքվում են գործի քննությամբ ձեռք բերված և դատաքննության ժամանակ հետազոտված հետևյալ ապացույցներով.
Հենց ամբաստանյալ Ռուբեն Արամի Քոչարյանի նախաքննական ցուցմունքով, որտեղ ընդունել է, որ 2010թ. սեպտեմբերի 15-ին կողոպուտը կատարել է Ռ.Շահինյանի հետ հանցավոր համաձայնությամբ։ Առաջադրված մեղադրանքում ամբաստանյալ Ռ.Շահինյանն իրեն մեղավոր է ճանաչել, այդ թվում Ռ.Քոչարյանի հետ կատարած կողոպուտի դրվագով։ Նման պայմաններում դատարանը արժանահավատ է համարում ամբաստանյալ Ռ.Քոչարյանի նախաքննական վերոհիշյալ ցուցմունքը, նկատի ունենալով, նաև տուժող Կ.Շմավոնյանի ցուցմունքը, որ իրեն կողոպտելու ժամանակ տեսել է հսկող ամբաստանյալ Ռ.Քոչարյանին, ով Ռ.Շահինյանի հետ դիմել է փախուստի։
`
Տուժող Նոյեմզար Սաղաթելի Արշակյանի ցուցմունքներով այն մասին, որ 2010թ.-ի սեպտեմբերի 23-ին, ժամը 14։00-ի սահմաններում Երևանի Մաշտոցի 6-րդ շենքի դիմաց մի երիտասարդ արագ մոտենալով քաշել, պոկել է իր պարանոցի 200.000 ՀՀ դրամ արժողության ոսկյա շղթան և դիմել փախուստի։ Հետագայում հանձինս Ռ. Շահինյանի ճանաչել է իրեն կողոպտողին /քրեական գործ, հատոր 1 էջ 10-11, 56, 137, հատոր 2 էջ 299 դատական նիստի արձանագրություն/
Տուժող Կարինե Լենդրուշի Շմավոնյանի ցուցմունքներով այն մասին, որ 2010թ. սեպտեմբերի 15-ին, ժամը 14։00-ի սահմաններում Երևանի Գյուլիքեխվյան 7-րդ շենքի մոտով անցնելու ժամանակ հետևից արագ ոտնաձայներ է լսել, շրջվել ու տեսել է մի տղայի, ով արագ մոտենոլվ քաշել, պոկել է իր 150.000 ՀՀ դրամ արժողության ոսկյա ոսկյա շղթան ու դիմել փախուստի, նրա հետ է եղել ևս մեկը, ով կողքով վազելով շեղել է ուշադրությունը և փախել առաջին տղայի հետ, ինչից հասկացել է, որ նրանք միասին են կատարել կողոպուտը/քրեական գործ, հատոր 1 էջ 37-38, 60, դատական նիստի արձանագրություն/
Տուժող Լուսինե Ալբերտի Հովհաննիսյանի ցուցմունքներով այն մասին, որ 2010թ. սեպտեմբերի 4-ին, ժամը 15։30-ի սահմաններում աշխատանքից տուն վերադառնալու ընթացքում Երևանի Գոգոլի և Շովրոյան փողոցների հատվածում մի երիտասարդ արագ մոտեցել, քաշել, պոկել է իր 370. 000 ՀՀ դրամ արժողության պարանոցի կախազարդով ոսկյա շղթան և հափշտակելով այն դիմել փախուստի։ Հետագայում «02» հաղորդաշարը դիտելիս, ինչպես նաև «Առավոտ» օրաթերթի հոդվածում տեսնելով Ռ. Շահինյանին հանձինս նրա ճանաչել է իր շղթան հափշտակողին։/քրեական գործ, հատոր 2 էջ 120-121, էջ 297-298, դատական նիստի արձանագրություն/։
Տուժող Քրիստինե Ալբերտի Սարգսյանի ցուցմունքներով այն մասին, որ 2010թ. սեպտեմբերի 13-ին, ժամը 15։30 ընկերուհու` Կարինե Հովակիմյանի հետ Երևանի Քաջազնունի թիվ 20/1 հասցեում գործող «ՍԱՍ» սուպերմարկետի դիմացի հատվածով անցնելիս մի երիտասարդ արագ մոտեցել, քաշել, պոկել է իր 120.000 ՀՀ դրամ արժողության պարանոցի ոսկյա շղթան և դիմել փախուստի։ Հետագայում «02» հաղորդաշարը դիտելիս տեսել է Ռ. Շահինյանին և հանձինս նրա ճանաչել է իր շղթան հափշտակողին է։ /քրեական գործ, հատոր 1 էջ 188, 205, դատական նիստի արձանագրություն/
Տուժող Սիրվարդ Տիգրանի Ավալյանի ցուցմունքներով այն մասին, որ 2010թ. օգոստոսի 5-ին, ժամը 20։00-ի սահմաններում խնջույքից տուն վերադառնալու ճանապարհին Երևանի Ուլնեցու 1-ին հասցեում գտնվող թիվ 147 դպրոցի մոտ մեկը ձեռքն ուսին դնելով քաշել, պոկել է իր 180.000 ՀՀ դրամ արժողության ոսկյա շղթան և դիմել փախուստի/քրեական գործ, հատոր 2 էջ 9-10, 241, դատական նիստի արձանագրություն/
Տուժող Մելադա Նիկոլայի Ավետիքյանի ցուցմունքներով այն մասին, որ 2010թ. օգոստոսի ամսվա վերջերին, ժամը 13։30-14։00-ի սահմաններում աշխատանքից տուն վերադառնալու ժամանակ Երևանի Սարկավագի 137-րդ շենքի մոտ մի երիտասարդ արագ մոտեցել, քաշել, պոկել է իր 100.000 ՀՀ դրամ արժողության պարանոցի ոսկյա շղթան և դիմել փախուստի /քրեական գործ, հատոր 2 էջ 168-169, դատական նիստի արձանագրություն/։
Տուժող Ժանետա Հովհաննեսի Առուստամյանի ցուցմունքներով այն մասին, որ 2010թ. օգոստոսի 23-ին, ժամը 16։00-ի սահմաններում Երևանի Ռուբինյանց 7-րդ և 9-րդ շենքերի միջանկյալ հատվածում մի երիտասարդ վազելով անցել է իր կողքով, իսկ մյուսը կողքից մոտեցել և քաշել, պոկել է իր 218.940 ՀՀ դրամ արժողության պարանոցի ադամանդյա քարերով ու խաչով ոսկյա շղթան ու դիմել են փախուստի։ Հետագայում «Առավոտ» օրաթերթի «կողոպուտ հնդկա-չինական ոճով» հոդվածում տեսելէ Ռ. Շահինյանի լուսանկարը և հանձինս նրա ճանաչել իրեն կողոպտած երիտասարդին/քրեական գործ, հատոր 2 էջ 82-83, 106, դատական նիստի արձանագրություն/
Տուժող Անեթ Վասիլի Վարթանիանս-Գարդ Աբադի ցուցմունքով այն մասին, որ 2010թ. հունիսի 19-ին, ժամը 21։30-ի սահմաններում իր դստեր` Սերլի Մնասյանսի հետ Երևանի Մաշտոցի պողոտայով դեպի կանգառ քայլելու ժամանակ հանկարծ Մաշտոցի 27-րդ շենքի մոտ առջևից մի տղա արագ մոտեցել, քաշել, պոկել է իր 170.000 ՀՀ դրամ արժողության պարանոցի խաչով ոսկյա շղթան և դիմել փախուստի։ Հետագայում «02» հաղորդաշարը դիտելիս տեսել է Ռ. Շահինյանին և հանձինս նրա ճանաչել իր շղթան հափշտակած տղային/քրեական գործ, հատոր 1 էջ 250-251, հատոր 2 էջ 300-301, դատական նիստի արձանագրություն/
Տուժող Ծովինար Մյասնիկի Սիմոնյանի ցուցմունքներով այն մասին, որ 2010թ. սեպտեմբերի 18ին, ժամը 19։00-ի սահմաններում տուն վերադառնալու ճանապարհին Երևանի Սեբաստիայի թիվ 23ա շենքի մոտ մի երիտասարդ արագ մոտենալով քաշել, պոկել է իր 130.000 ՀՀ դրամ արժողության խաչով պարանոցի ոսկյա շղթան և դիմել փախուստի։ Հետագայում «02» շաբաթաթերթում տեսնելով Ռ. Շահինյանին հանձինս նրա ճանաչել է իր շղթան հափշտակած տղային /քրեական գործ, հատոր 2 էջ 213-214, էջ 305-306, դատական նիստի արձանագրություն/։
Տուժող Աննա Ֆելիքսի Խաչատրյանի ցուցմունքով այն մասին, որ 2010թ. սեպտեմբերի 26-ին, ժամը 16։20-ի սահմաններում Երևանի Սեբաստիա 28-րդ շենքի դիմաց մի երիտասարդ քաշել, պոկել է իր պարանոցի 292.000 ՀՀ դրամ արժողության ոսկյա շղթան և դիմել փախուստի։ Հետագայում «02» հաղորդաշարում տեսնելով ամբաստանյալ Ռ. Շահինյանին` հանձինս նրա ճանաչել է իր շղթայի հափշտակությունը կատարողին։ /քրեական գործ, հատոր 2 էջ 182-184, 194, 222, 200-201, դատական նիստի արձանագրություն/
Տուժող Սիրանուշ Հարությունյանի ցուցմունքներով, այն մասին, որ 2010 սեպտմբերի 5-ին ժամը 18-ի սահմաններում Գոգոլի թիվ 100 հասցեում գտնվող թիվ 44 դպրոցի մոտով իր տեգրկին` Տատյանա Հարությունյանի հետ քայլելով գնացել են տուն։ Տ. Հարությունյանը քայլել է իր աջ կողմից։ Երբ հասել են դպրոցի հետնամաս, հետևից անսպասելիորեն ինչ-որ մեկը իր պարանոցից քաշել-պոկել է 585 հարգի 18 գրամ քաշով ոսկյա շղթան և դիմել փախուստի։ Ս.Հարությունյանը նշել է, որ այդ պահին ընկել է գետնին և չի հասցրել տեսնել իր վրա հարձակվողի արտաքին տվյալները։ Տ.Հարությունյանը գոռացել է նրա հետևից և վազել սակայն այդ տղան կարողացել է փախչել դպրոցի ճաղավանդակներով։ Տ. Հարությունյանից տեղեկացել է, որ նրա հագին եղել է կապույտ գույնի ջինս և սև մայկա /քրեական գործ, հատոր 3 էջ 9-10, 54, դատական նիստի արձանագրություն/
Տուժող Նելլի Ռուբենի Ներսիսյանի դատարանում հետազոտված նախաքննական ցուցմունքներով այն մասին, որ 2010թ. հունիս ամսվա կեսերին, ժամը 22։00-ի սահմաններում Երևանի Մազմանյան 22-րդ շենքի մոտ մի երիտասարդ կտրել է ճանապարհը և արագ քաշել, պոկել իր 144.000 ՀՀ դրամ արժողության պարանոցի խաչով և կախազարդով ոսկյա շղթան ու դիմել փախուստի։ Հետագայում «02» հաղորդաշարը դիտելիս տեսել է Ռ. Շահինյանին և հանձինս նրա ճանաչել իր մոր շղթան հափշտակած տղային/քրեական գործ, հատոր 1 էջ 232-233, հատոր 2 էջ 303-304, դատական նիստի արձանագրություն/
Տուժող Թագուհի Ֆելիքսի Շահվերդյանի դատարանում հետազոտված նախաքննական ցուցմունքներով այն մասին, որ 2010թ. օգոստոսի 5-ին, ժամը 14։30-ի սահմաններում խանութից տուն վերադառնալիս Երևանի Սիսակյան 4-րդ շենքի մոտ մի երիտասարդ արագ մոտենալով քաշել, պոկել է իր 130.000 ՀՀ դրամ արժողության պարանոցի ոսկյա շղթան խաչով ու դիմել փախուստի։ Հետագայում «02» հաղորդաշարը դիտելիս տեսել է Ռ. Շահինյանին և հանձինս նրա ճանաչել իր մոր շղթան հափշտակած տղային/քրեական գործ, հատոր 1 էջ 240-241, դատական նիստի արձանագրություն/
Տուժող Անգելինա Գարիկի Պողոսյանի դատարանում հետազոտված նախաքննական ցուցմունքներով այն մասին, որ 2010թ. օգոստոս ամսին, ժամը 18։30-ի սահմաններում Երևանի Խորենացի 5-րդ շենքի մոտ մի երիտասարդ արագ մոտենալով քաշել, պոկել է իր 182.000 ՀՀ դրամ արժողության կախազարդով ոսկյա շղթան և դիմել փախուստի։ Հետագայում «02» հաղորդաշարը դիտելիս տեսել է Ռ. Շահինյանին և հանձինս նրա ճանաչել իր շղթան հափշտակած տղային /քրեական գործ, հատոր 2 էջ 125-126, հատոր 2 էջ 307-308, դատական նիստի արձանագրություն/

Վկա, Աննա Արմենակի Գրիգորյանի ցուցմունքներով այն մասին, որ 2010թ օգոստոսի 23-ին շենքի մոտ լսել է նախկինում անծանոթ տուժող Ժ. Առուստամյանի ճիչը, ով հետագայում պատմել է, որ իրենից հափշտակել են խաչով ոսկյա շղթան /քրեական գործ, հատոր 2 էջ 85-86, դատական նիստի արձանագրություն/
Վկա Անդրանիկ Սարգսի Խաչատրյանի ցուցմունքներով այն մասին, որ 2010թ սեպտեմբերի 26-ին կինը` Ա. Խաչատրյանն իրեն զանգահարել ու հայտնել է, որ մի տղա հափշտակել է նրա ոսկյա շղթան /քրեական գործ, հատոր 2 էջ 190-191, դատական նիստի արձանագրություն/
Վկա Կարինե Աշոտի Հովակիմյանի ցուցմունքներով այն մասին, որ 2010թ սեպտեմբերի 13-ին փողոցով քայլելիս մի երիտասարդ արագ մոտենալով քաշել, պոկել է ընկերուհու` Ք. Սարգսյանի պարանոցի ոսկյա շղթան ու դիմել փախուստի։ Հետագայում Ք. Սարգսյանի հետ «02» հաղորդաշարը դիտելիս տեսել և ճանաչել են նրա շղթան հափշտակած տղային, ով հանդիսացել է Ռոբերտ Սամսոնի Շահինյանը /քրեական գործ, հատոր 1 էջ 195-196 , 135, 216, դատական նիստի արձանագրություն/ ։
Վկա Սերլի Մնասյանս-Ալչամոկիի ցուցմունքով այն մասին, որ 2010թ. հունիսի 19-ին մոր` Անեթ Վարթանիանսի հետ Մաշտոցի պողոտայով քայլելու ընթացքում մի երիտասարդ արագ մոտեցել և քաշել, պոկել է մոր պարանոցի խաչով ոսկյա շղթան ու հափշտակելով այն դիմել փախուստի։ Հետագայում «02» հաղորդաշարը դիտելիս տեսել և ճանաչել է իր մոր շղթան հափշտակած տղային, ով հանդիսացել է Ռոբերտ Սամսոնի Շահինյանը /քրեական գործ, հատոր 2 էջ 219-220, դատական նիստի արձանագրություն/
Վկա Գագիկ Նավոյանի ցուցմունքներով այն մասին, որ 2010թ. օգոստոսի 5-ին իրեն է զանգահարել կինը` Ս. Ավալյանը և հայտնել, որ մի տղա հափշտակել է պարանոցի ոսկյա շղթան /քրեական գործ, հատոր 2 էջ 11-12, դատական նիստի արձանագրություն/։
Վկա Սարո Հրաչյայի Հովհաննիսյանի դատարանում հետազոտված նախաքննական ցուցմունքով այն մասին, որ 2010թ. սեպտեմբերի 4-ին մայրը` Լ. Հովհաննիսյանն իրեն հայտնել է, որ մի երիտասարդ Գոգոլի և Շովրոյան փողոցների հատվածում հափշտակել է նրա կախազարդով ոսկյա շղթան և դիմել փախուստի։ Նշված տարածքներում փնտրել է մոր նկարագրությամբ հափշտակությունը կատարած տղային, սակայն արդյունքի չի հասել։ Հետագայում, լսելով, որ ոստիկանության աշխատակիցները հայտնաբերել են կողոպուտ կատարողների, մոր հետ ինտերնետ կայքում նայել և տեսել են այն երիտասարդին, ով իր մոր մատնանշմամբ հանդիսացել է նրա ոսկյա շղթան հափշտակած անձը, ով եղել է Ռոբերտ Սամսոնի Շահինյանը /քրեական գործ, հատոր 2 էջ 154-155, դատական նիստի արձանագրություն/։
Վկա Տատյանա Հարությունյանի դատարանում հետազոտված նախաքննական ցուցմունքով այն մասին, որ 2010թ սեպտեմբերի 5-ին, ժամը 18-ի սահմաններում իր տեգրկին` Սիրանուշ Հարությունյանի հետ Գոգոլի փողոցով` թիվ 44 դպրոցի հետնամասով քայլելով գնացել են տուն։ Ինքը մի քանի քայլ առաջ է եղել Ս. Հարությունյանից, այդ պահին լսել է նրա բղավոցը «շղթան տարան»։ Շրջվել ու տեսել է, որ Ս. Հարությունյանը ընկած է գետնին, իսկ նրա հետևի կողմից վազում է ինչ-որ մի տղա, ում հագին եղել է կապույտ ջինս և սև մայկա։ Ինքը գոռացել է այդ տղայի հետևից և վազել սակայն վերջինս հասցրել է փախչել դպրոցի ճաղավանդակների վրայով /քրեական գործ, հատոր 3 էջ 12-13, դատական նիստի արձանագրություն/։
Ամբաստանյալ Ռոբերտ Շահինյանին ճանաչման ներկայացնելու մասին արձանագրությամբ, համաձայն որի տուժող Ա. Խաչատրյանը մատնացույց է արել Ռ. Շահինյանին և հայտնել, որ նա 2010թ. սեպտեմբերի 26-ին, ժամը 16։20-ի սահմաններում Երևանի Սեբաստիա 28-րդ շենքի դիմաց քաշել-պոկելու միջոցով բացահայտ հափշտակել է իր պարանոցի ոսկյա շղթան /քրեական գործ, հատոր 2 էջ 198-199/։

Ամբաստանյալ Ռոբերտ Շահինյանին ճանաչման ներկայացնելու մասին արձանագրությամբ համաձայն որի տուժող Կ. Շմավոնյանը մատնացույց է արել Ռ. Շահինյանին և հայտնել, որ նա 2010թ. սեպտեմբերի 15-ին, ժամը 14։00-ի սահմաններում Երևանի Գյուլիքեխվյան 7-րդ շենքի մոտ բացահայտ հափշտակել է իր ոսկյա շղթան/քրեական գործ, հատոր 1 էջ 53-54/
Ամբաստանյալ Ռուբեն Քոչարյանին ճանաչման ներկայացնելու մասին կազմված արձանագրությամբ հանաձայն որի տուժող Կ. Շմավոնյանը մատնացույց է արել Ռ. Քոչարյանին և հայտնել, որ նա 2010թ. սեպտեմբերի 15-ին, ժամը 14։00-ի սահմաններում Երևանի Գյուլիքեխվյան 7-րդ շենքի մոտ Ռ. Շահինյանի հետ համատեղ բացահայտ հափշտակել է իր ոսկյա շղթան։ Ռ. Քոչարյանը հայտարարել է, որ իրեն ճանաչողն այն կինն է, ում կողոպտել են Ռ. Շահինյանի հետ /քրեական գործ, հատոր 1 էջ 57-58/
Ամբաստանյալ Ռոբերտ Շահինյանին ճանաչման ներկայացնելու մասին արձանագրությամբ համաձայն որի տուժող Ն. Արշակյանը մատնացույց է արել մեղադրյալ Ռ. Շահինյանին և հայտնել, որ նա 2010թ.-ի սեպտեմբերի 23-ին, ժամը 14։00-ի սահմաններում Երևանի Մաշտոցի 6-րդ շենքի դիմաց քաշել-պոկելու միջոցով բացահայտ հափշտակել է իր պարանոցի ոսկյա շղթան, իսկ Ռ. Շահինյանը հայտարարել է, որ իրոք կատարել է այդ հափշտակությունը /քրեական գործ, հատոր 1 էջ 50-51/։
Ամբաստանյալ Ռ. Շահինյանի մասնակցությամբ կատարված քննչական փորձարարության արձանագրությամբ, որով վերջինս մատնացույց է արել Երևանի տարբեր վարչական շրջանների հատվածներ, որտեղից կատարել է կողոպուտներ /քրեական գործ, հատոր 1 էջ 77-94
Ամբաստանյալ Ռ. Քոչարյանի մասնակցությամբ կատարված քննչական փորձարարության արձանագրությամբ, որով վերջինս մատնացույց է արել Երևանի Գյուլիքեխվյան 7-րդ հասցեի դիմացի հատվածը հայտնել է, որ այդտեղ մի կնոջից Ռ. Շահինյանի հետ կատարել են կողոպուտ /քրեական գործ, հատոր 1 էջ 96-98/
Տուժողներ Ն. Արշակյանի, Կ. Շմավոնյանի, Լ. Հովհաննիսյանի, Ն. Ներսիսյանի, Թ. Շահվերդյանի, Ա. Պողոսյանի, Ա. Վարթանիանս-Գարդ-Աբադի, Ք. Սարգսյանի, Ս. Ավալյանի, Ժ. Առուստամյանի, Մ. Ավետիքյանի, Ծ. Սիմոնյանի և Ա. Խաչատրյանի կողմից ոստիկանության բաժնում կատարված կողոպուտների վերաբերյալ տված հաղորդումների արձանագրություններով /քրեական գործ, հատոր 1 էջ 3, 31, 149, 168, 170, 173, 176, 184, հատոր 2 էջ 4, 73, 130, 157, 176/։
Պաշտպանական կողմի այն պատճառաբանություննները, որ ամբաստանյալներ Ռ.Քոչարյանը Ռ. Շահինյանի հետ նախնական համաձայնությամբ չեն կատարել Կ.Շմավոնյանի կողոպուտը և, որ ամբաստանյալ Ռ.Քոչարյանը օժանդակել է Ռ. Շահինյանին, որպեսզի գողունին պարտակվի` անհիմն են և հերքվել են ոչ միայն ամբաստանյալ Ռ.Քոչարյանի նախաքննական, այլև ամբաստանյալ Ռ. Շահինյանի և տուժող Կ.Շմավոնյանի ցուցմունքներով, գործի քննությամբ ձեռք բերված մյուս ապացույցներով։
Դատարանը, վերլուծելով և գնահատելով քրեական գործի նյութերը, ապացուցված է համարում, որ ամբաստանյալ Ռ. Շահինյանը, նախկինում լինելով հափշտակություն կատարելու համար դատապարտված, դատվածությունը չմարված, 2010թ. հունիսի 19-ին, Երևանի Մաշտոցի 27-րդ շենքի մոտ կրկին անգամ բացահայտ հափշտակել է Անեթ Վասիլի Վարթանիանս-Գարդ-Աբադի խաչով ոսկյա շղթան` վերջինիս պատճառելով 170.000 ՀՀ դրամի զգալի չափերի գույքային վնաս։ 2010թ. հունիս ամսվա կեսերին, Երևանի Մազմանյան 22-րդ շենքի մոտ կրկին անգամ բացահայտ հափշտակել է Նելլի Ռուբենի Ներսիսյանի կախազարդով ոսկյա շղթան խաչով` վերջինիս պատճառելով 144.000 ՀՀ դրամի զգալի չափերի գույքային վնաս։ 2010թ. օգոստոսի 5-ին, Երևանի Սիսակյան 4-րդ շենքի մոտ կրկին անգամ բացահայտ հափշտակել է Թագուհի Ֆելիքսի Շահվերդյանի խաչով ոսկյա շղթան` վերջինիս պատճառելով 130.000 ՀՀ դրամի զգալի չափերի գույքային վնաս։ 2010թ. օգոստոսի 5-ին, Երևանի Ուլնեցու 1-ին հասցեում գտնվող թիվ 147 դպրոցի մոտ կրկին անգամ բացահայտ հափշտակել է Սիրվարդ Տիգրանի Ավալյանի 180.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։ Բացի այդ, ամբաստանյալ Ռ. Շահինյանը, նախնական համաձայնության գալով քննությամբ չպարզված անձի հետ, 2010թ. օգոստոսի 23-ին, Երևանի Ռուբինյանց 7-րդ և 9-րդ շենքերի միջանկյալ հատվածում կրկին անգամ բացահայտ հափշտակել է Ժանետա Հովհաննեսի Առուստամյանի 218.940 ՀՀ դրամ արժողության ադամանդյա քարերով ու խաչով պարանոցի ոսկյա շղթան` վերջինիս պատճառելով զգալի չափերի գույքային վնաս։ Ամբաստանյալ Ռ. Շահինյանը 2010թ. օգոստոս ամսին, Երևանի Խորենացի 5-րդ շենքի մոտ կրկին անգամ բացահայտ հափշտակել է Անգելինա Գարիկի Պողոսյանի կախազարդով ոսկյա շղթան` վերջինիս պատճառելով 182.000 ՀՀ դրամի զգալի չափերի գույքային վնաս։ Նա 2010թ. օգոստոսի ամսվա վերջերին, ժամը 13։30-14։00-ի սահմաններում Երևանի Սարկավագի 137-րդ շենքի մոտ կրկին անգամ բացահայտ հափշտակել է Մելադա Նիկոլայի Ավետիքյանի 100.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։ 2010թ. սեպտեմբերի 4-ին, նա Երևանի Գոգոլի և Շովրոյան փողոցների մոտ կրկին անգամ բացահայտ հափշտակել է Լուսինե Ալբերտի Հովհաննիսյանի ոսկյա շղթան կախազարդով` վերջինիս պատճառելով 370. 000 ՀՀ դրամի զգալի չափերի գույքային վնաս։ 2010թ. սեպտեմբերի 5-ին ժամը Երևանի Գոգոլի թիվ 100 հասցեում գտնվող թիվ 44 դպրոցի հետնամասում կրկին անգամ բացահայտ հափշտակել է Սիրանուշ Հարությունյանի ոսկյա շղթան` վերջինիս պատճառելով 450.000 ՀՀ դրամի զգալի չափերի գույքային վնաս։ 2010թ. սեպտեմբերի 13-ին, Երևանի Քաջազնունի թիվ 20/1 հասցեի դիմացից նա կրկին անգամ բացահայտ հափշտակել է Քրիստինե Սարգսյանի պարանոցի ոսկյա շղթան` վերջինիս պատճառելով 120.000 ՀՀ դրամի զգալի չափերի գույքային վնաս։ Բացի այդ, ամբաստանյալ Ռ. Շահինյանը, նախնական համաձայնության գալով Ռուբեն Քոչարյանի հետ, 2010թ. սեպտեմբերի 15-ին, Երևանի Գյուլիքեխվյան 7-րդ շենքի մոտ կրկին անգամ բացահայտ հափշտակել են Կարինե Շմավոնյանին պատկանող ոսկյա շղթան` վերջինիս պատճառելով 150.000 ՀՀ դրամի զգալի չափերի գույքային վնաս։ Բացի այդ, ամբաստանյալ Ռ. Շահինյանը 2010թ. սեպտեմբերի 18-ին, Երևանի Սեբաստիայի թիվ 23ա շենքի մոտ կրկին անգամ բացահայտ հափշտակել է Ծովինար Մյասնիկի Սիմոնյանի 130.000 ՀՀ դրամ արժողության ոսկյա շղթան խաչով` պատճառելով զգալի չափերի գույքային վնաս։ Նա 2010թ.-ի սեպտեմբերի 23-ին, Երևանի Մաշտոցի 6-րդ հասցեի դիմաց կրկին անգամ բացահայտ հափշտակել է Նոյեմզար Արշակյանին պատկանող 200.000 ՀՀ դրամ արժողության ոսկյա շղթան` վերջինիս պատճառելով զգալի չափերի գույքային վնաս։ 2010թ. սեպտեմբերի 26-ին, նա Երևանի Սեբաստիա 28-րդ շենքի դիմաց կրկին անգամ բացահայտ հափշտակել է Աննա Ֆելիքսի Խաչատրյանի պարանոցի ոսկյա շղթան` վերջինիս պատճառելով 292.000 ՀՀ դրամի զգալի չափերի գույքային վնաս։
Ամբաստանյալ Ռ. Շահինյանի արարքները համապատասխանում են ՀՀ քրեական օրենսգրքի 176-րդ հոդվածի 2-րդ մասի 1-ին և 5-րդ կետերին։
Դատարանը, վերլուծելով և գնահատելով քրեական գործի նյութերը, ապացուցված է համարում, որ ամբաստանյալ Ռ. Քոչարյանը 2010թ. սեպտեմբերի 15-ին ամբաստանյալ Ռ. Շահինյանի հետ Երևանի Գյուլիքեխվյան 7-րդ շենքի մոտ, հափշտակել է Կ.Շմավոնյանի ոսկյա շղթան, իսկ նա պայմանավորվածության համաձայն հսկել է իրավիճակը։ Հետագայում Ռ. Շահինյանը վաճառել է ոսկյա շղթան և նրան այդ գումարից տվել 15.000 ՀՀ դրամ։
Ամբաստանյալ Ռ.Քոչարյանի արարքը համապատասխանում են ՀՀ քրեական օրենսգրքի 176-րդ հոդվածի 2-րդ մասի 1-ին կետին։
Դատարանը պատիժը սահմանելիս հաշվի է առնում ամբաստանյալ Ռ. Շահինյանի կատարած հանցանքի` կրկին անգամ, մի խումբ անձանց կողմից նախնական համաձայնությամբ ուրիշի գույքի բացահայտ հափշտակության` հանրության համար վտանգավորության աստիճանը և բնույթը ու ամբաստանյալ Ռ. Շահինյանի անձնավորությունը։
Դատարանը պատիժը սահմանելիս հաշվի է առնում ամբաստանյալ Ռ. Քոչարյանի կատարած հանցանքի` մի խումբ անձանց կողմից նախնական համաձայնությամբ ուրիշի գույքի բացահայտ հափշտակության` հանրության համար վտանգավորության աստիճանը և բնույթը ու ամբաստանյալ Ռ. Քոչարյանի անձնավորությունը։
Դատարանը որպես պատասխանատվությունը և պատիժը մեղմացնող հանգամանք դիտում է այն, որ ամբաստանյալներ Ռոբերտ Շահինյանն և Ռուբեն Քոչարյանն երիտասարդ են, ամբաստանյալ Ռոբերտ Շահինյանն ամբողջությամբ, իսկ ամբաստանյալ Ռուբեն Քոչարյանը մասնակի ընդունում են կատարած հանցանքը և զղջում դրա համար։
Պատասխանատվությունը և պատիժը ծանրացնող հանգամանքներ չկան։
Կատարած արարքների համար ամբաստանյալներ Ռոբերտ Շահինյանն և Ռուբեն Քոչարյանն ենթակա են պատժի` ազատազրկման ձևով։
Քննարկելով խափանման միջոցի հարցը դատարանը գտավ, որ ամբաստանյալ Ռոբերտ Շահինյանի նկատմամբ ընտրված խափանման միջոց կալանավորումը պետք է թողնել անփոփոխ մինչև դատավճռի օրինական ուժի մեջ մտնելը։ Ամբաստանյալ Ռուբեն Քոչարյանի նկատմամբ ընտրված խափանման միջոց կալանավորումը պետք է թողնել անփոփոխ մինչև դատավճռի օրինական ուժի մեջ մտնելը։
Քննարկելով քաղաքացիական հայցի հարցը դատարանը գտավ, որ տուժողներ Սիրանուշ Հարությունյանի, Նոյեմզար Արշակյանի, Կարինե Շմավոնյանի, Լուսինե Հովհաննիսյանի, Քրիստինե Սարգսյանի, Անեթ Վասիլի Վարթանիանս-Գարդ-Աբադի, Սիրվարդ Ավալյանի, Մելադա Ավետիքյանի, Ծովինար Սիմոնյանի, Աննա Խաչատրյանի քաղաքացիական հայցը պետք է բավարարել։
Ամբաստանյալ Ռոբերտ Շահինյանից հօգուտ Սիրանուշ Հարությունյանի պետք է բռնագանձել`450.000 ՀՀ դրամ, Նոյեմզար Արշակյանի` 200.000 ՀՀ դրամ , Լուսինե Հովհաննիսյանի` 370. 000 ՀՀ դրամ, Քրիստինե Սարգսյանի` 120.000 ՀՀ դրամ , Անեթ Վասիլի Վարթանիանս-Գարդ-Աբադի` 170.000 ՀՀ դրամ, Սիրվարդ Ավալյանի` 180.000 ՀՀ դրամ, Ծովինար Սիմոնյանի`130.000 ՀՀ դրամ , Աննա Խաչատրյանի` 292.000 ՀՀ դրամ, որպես հանցագործությամբ պատճառված նյութական վնասի հատուցում։
Ամբաստանյալներ Ռոբերտ Շահինյանից և Ռուբեն Քոչարյանից համապարտության կարգով հոգուտ Կարինե Շմավոնյանի պետք է բռնագանձել 150.000 ՀՀ դրամ, որպես հանցագործությամբ պատճառված նյութական վնասի հատուցում։
Տուժող Ժանետա Առուստամյանի` քաղաքացիական հայցի հարցը պետք է համարել լուծված` վերջինիս կողմից հայցից հրաժարվելու հիմքով։
Տուժողներ Նելլի Ներսիսյանի, Թագուհի Շահվերդյանի, Անգելինա Պողոսյանի քաղաքացիական հայցերը պետք է թողնել առանց քննության, վերջիններիս իրավունք վերապահելով քաղաքացիական դատավարության կարգով դիմելու դատարան, նկատի ունենալով նրանց դատարան չներկայանալու պատճառով հնարավոր չի եղել ճշտել այդ հարցում նրանց դիրքորոշումը։
Ղեկավարվելով Հայաստանի Հանրապետության քրեական դատավարության օրենսգրքի 357-360-րդ, 364-365-րդ, 369-372-րդ հոդվածներով՝ դատարանը

Վ Ճ Ռ Ե Ց

Ամբաստանյալ Ռոբերտ Սամսոնի Շահինյանին մեղավոր ճանաչել Հայաստանի Հանրապետության քրեական օրենսգրքի 176-րդ հոդվածի 2-րդ մասի 1-ին և 5-րդ կետերով և դատապարտել` ազատազրկման` չորս տարի վեց ամիս ժամկետով։
Ամբաստանյալ Ռոբերտ Սամսոնի Շահինյանը պատիժը կրելու է ՀՀ արդարադատության նախարարության համապատասխան քրեակատարողական հիմնարկում։
Ամբաստանյալ Ռոբերտ Սամսոնի Շահինյանին պատիժը կրելու սկիզբը հաշվել 2010թ. սեպտեմբերի 27-ից։
Ամբաստանյալ Ռոբերտ Սամսոնի Շահինյանի նկատմամբ ընտրված խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Ռուբեն Արամի Քոչարյանին մեղավոր ճանաչել Հայաստանի Հանրապետության քրեական օրենսգրքի 176-րդ հոդվածի 2-րդ մասի 1-ին կետով դատապարտել` ազատազրկման` երեք տարի ժամկետով։
Ամբաստանյալ Ռուբեն Արամի Քոչարյանը պատիժը կրելու է ՀՀ արդարադատության նախարարության համապատասխան քրեակատարողական հիմնարկում։
Ամբաստանյալ Ռուբեն Արամի Քոչարյանի պատիժը կրելու սկիզբը հաշվել 2010թ. սեպտեմբերի 27-ից։
Ամբաստանյալ Ռուբեն Արամի Քոչարյանի նկատմամբ ընտրված խափանման միջոց կալանավորումը թողնել անփոփոխ մինչև դատավճռի օրինական ուժի մեջ մտնելը։
Տուժողներ Սիրանուշ Հարությունյանի, Նոյեմզար Արշակյանի, Կարինե Շմավոնյանի, Լուսինե Հովհաննիսյանի, Քրիստինե Սարգսյանի, Անեթ Վասիլի Վարթանիանս-Գարդ-Աբադի, Սիրվարդ Ավալյանի, Մելադա Ավետիքյանի, Ծովինար Սիմոնյանի, Աննա Խաչատրյանի քաղաքացիական հայցերը բավարարել։
Ամբաստանյալ Ռոբերտ Շահինյանից հօգուտ Սիրանուշ Հարությունյանի բռնագանձել`450.000/չորս հարյուր հիսուն հազար/, Նոյեմզար Արշակյանի` 200.000/ երկու հարյուր հազար/ ՀՀ դրամ , Լուսինե Հովհաննիսյանի` 370. 000/ երեք հարյուր յոթանասուն հազար/ ՀՀ դրամ, Քրիստինե Սարգսյանի` 120.000/ մեկ հարյուր քսան հազար/ ՀՀ դրամ , Անեթ Վասիլի Վարթանիանս-Գարդ-Աբադի` 170.000/ մեկ հարյուր յոթանասուն հազար/ ՀՀ դրամ, Սիրվարդ Ավալյանի` 180.000/ մեկ հարյուր ութանասուն հազար/ ՀՀ դրամ, Մելադա Ավետիքյանի` 100.000/ մեկ հարյուր հազար/ ՀՀ դրամ , Ծովինար Սիմոնյանի`130.000/մեկ հարյուր երեսուն հազար/ ՀՀ դրամ, Աննա Խաչատրյանի` 292.000/ երկու հարյուր իննսուն երկու հազար/ ՀՀ դրամ, որպես հանցագործությամբ պատճառված նյութական վնասի հատուցում։
Ամբաստանյալներ Ռոբերտ Շահինյանից և Ռուբեն Քոչարյանից համապարտության կարգով հոգուտ Կարինե Շմավոնյանի բռնագանձել 150.000/ մեկ հարյուր հիսուն հազար/ ՀՀ դրամ, որպես հանցագործությամբ պատճառված նյութական վնասի հատուցում։
Տուժողներ Նելլի Ներսիսյանի, Թագուհի Շահվերդյանի, Անգելինա Պողոսյանի քաղաքացիական հայցերը թողնել առանց քննության, վերջիններիս իրավունք վերապահելով քաղաքացիական դատավարության կարգով դիմել դատարան։
Տուժող Ժանետա Առուստամյանի` քաղաքացիական հայցի հարցը համարել լուծված` վերջինիս կողմից հայցից հրաժարվելու հիմքով։
Դատավճիռը հրապարակման օրվանից մեկամսյա ժամկետում կարող է բողոքարկվել Հայաստանի Հանրապետության վերաքննիչ քրեական դատարան։

ԴԱՏԱՎՈՐ՝ Գ.ԱՎԵՏԻՍՅԱՆ