Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

31 հունվարի 2011թ. ք. Երևան

ԵԿԴ-0347/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մեղադրող`
Երևանի Կենտրոն և Նորք-Մարաշ
վարչական շրջանների
դատախազի տեղակալ Ա. Աֆանդյան,

պաշտպան` Գ. Քալաշյան,

տուժողներ` Վ. Բաղդասարյան,
Ք. Զաքարյան,


դատարանում, դռնբաց դատական նիստում քննեց գործն ըստ մեղադրանքի
1. Ռուստամ Համբարձումի Ղամբարյանի`
ծնված 1986թ. սեպտեմբերի 11-ին Երևանում, հայ, Հայաստանի Հանրապետության /այսուհետ ՀՀ/ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, բնութագրվում է դրական, բնակվում է Երևանի Մարգարյան փողոցի թիվ 20/2 շենքի թիվ 11 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով,

2. Եղիշե Սամվելի Մարկոսյանի`
ծնված 1989թ. հուլիսի 18-ին Երևանում, հայ, ՀՀ քաղաքացի, վատառողջ, միջնակարգ կրթությամբ, ամուրի, խնամքին ոչ ոք, նախկինում չդատված, աշխատում է «Մեգաֆուդ» ՍՊԸ-ում որպես առաքիչ, բնութագրվում է դրական, բնակվում է Երևանի Մարգարյան փողոցի 2-րդ նրբանցքի թիվ 1/1 շենքի թիվ 3 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով,

3. Հրաչյա Հովհաննեսի Հակոբյանի`
ծնված 1988թ. հոկտեմբերի 10-ին Երևանում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, աշխատում է «Պատրոն ՌՄ» ՍՊԸ-ում որպես վարորդ, բնութագրվում է դրական, բնակվում է Երևանի Մազմանյան փողոցի թիվ 5/1 շենքի թիվ 19 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով,

4. Ռուդոլֆ Արմենի Տոնոյանի`
ծնված 1988թ. հունվարի 17-ին Երևանում, հայ, ՀՀ քաղաքացի, ութամյա կրթությամբ, ամուրի, խնամքին ոչ ոք, նախկինում չդատված, աշխատում է «ՀայՌուսգազարտ» ՓԲԸ-ում որպես փականագործ, բնութագրվում է դրական, բնակվում է Երևանի Մարգարյան փողոցի թիվ 16/2 շենքի թիվ 29 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով,

5. Գրիշա Գևորգի Հովհաննիսյանի`
ծնված 1988թ. օգոստոսի 2-ին Երևանում, հայ, ՀՀ քաղաքացի, միջնակարգ-մասնագիտական կրթությամբ, ամուսնացած, խնամքին ոչ ոք, նախկինում չդատված, աշխատում է «Էյ Էս Ջեյ Քոնստրաքշն» ՍՊԸ-ում որպես մատակարար, բնութագրվում է դրական, բնակվում է Երևանի Մարգարյան փողոցի 2-րդ նրբանցքի թիվ 1 շենքի թիվ 3 բնակարանում, կալանքի տակ չէ, մեղադրվում է ՀՀ քրեական օրենսգրքի 258-րդ հոդվածի 3-րդ մասի 1-ին կետով։


Գործի դատավարական նախապատմությունը
Թիվ 15107610 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2010թ. նոյեմբերի 18-ին, ՀՀ քրեական օրենսգրքի 258-րդ հոդվածի 3-րդ մասի 1-ին կետով, մի խումբ անձանց կողմից բռնության գործադրման զուգորդմամբ խուլիգանություն կատարելու դեպքի առթիվ։
Ամբաստանյալ Ռուստամ Համբարձումի Ղամբարյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ արարքի համար. «որ նա` 2010թ. նոյեմբերի 8-ին` ժամը 01.30-ի սահմաններում, Երևան քաղաքի Հյուսիսային պողոտա 1 հասցեում գտնվող «Ատլանտիկ» ակումբում մի խումբ անձանց` իր ընկերներ Հրաչյա Հակոբյանի, Եղիշե Մարկոսյանի, Գրիշա Հովհաննիսյանի և Ռուդոլֆ Տոնոյանի հետ միասին, անհիմն վիճաբանել են Քրիստինե Զաքարյանի և Վարդուհի Բաղդասարյանի հետ ու կոպիտ կերպով խախտելով հասարակական կարգը` բարձրաձայն սեռական բնույթի հայհոյանքներ են տվել վերջիններիս հասցեին, բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ, որի ընթացքում իրենց գործողությունները զուգորդել են նրանց նկատմամբ բռնություն։»։
Ամբաստանյալ Եղիշե Սամվելի Մարկոսյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ արարքի համար. «որ նա` 2010թ. նոյեմբերի 8-ին` ժամը 01.30-ի սահմաններում, Երևան քաղաքի Հյուսիսային պողոտա 1 հասցեում գտնվող «Ատլանտիկ» ակումբում մի խումբ անձանց` իր ընկերներ Հրաչյա Հակոբյանի, Ռուստամ Ղամբարյանի, Գրիշա Հովհաննիսյանի և Ռուդոլֆ Տոնոյանի հետ միասին, անհիմն վիճաբանել են Քրիստինե Զաքարյանի և Վարդուհի Բաղդասարյանի հետ ու կոպիտ կերպով խախտելով հասարակական կարգը` բարձրաձայն սեռական բնույթի հայհոյանքներ են տվել վերջիններիս հասցեին, բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ, որի ընթացքում իրենց գործողությունները զուգորդել են նրանց նկատմամբ բռնություն գործադրելով, մասնավորապես Ե. Մարկոսյանը քաշքշել և ծեծի է ենթարկել Ք. Զաքարյանին։»։
Ամբաստանյալ Հրաչյա Հովհաննեսի Հակոբյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ արարքի համար. «որ նա` 2010թ. նոյեմբերի 8-ին` ժամը 01.30-ի սահմաններում, Երևան քաղաքի Հյուսիսային պողոտա 1 հասցեում գտնվող «Ատլանտիկ» ակումբում մի խումբ անձանց` իր ընկերներ Հրաչյա Հակոբյանի, Եղիշե Մարկոսյանի, Գրիշա Հովհաննիսյանի և Ռուստամ Ղամբարյանի հետ միասին, անհիմն վիճաբանել են Քրիստինե Զաքարյանի և Վարդուհի Բաղդասարյանի հետ ու կոպիտ կերպով խախտելով հասարակական կարգը` բարձրաձայն սեռական բնույթի հայհոյանքներ են տվել վերջիններիս հասցեին, բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ, որի ընթացքում իրենց գործողությունները զուգորդել են նրանց նկատմամբ բռնություն գործադրելով, մասնավորապես Ռ. Տոնոյանը քաշքշել և ծեծի է ենթարկել Վ. Բաղդասարյանին։»։
Ամբաստանյալ Ռուդոլֆ Արմենի Տոնոյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ արարքի համար. «որ նա` 2010թ. նոյեմբերի 8-ին` ժամը 01.30-ի սահմաններում, Երևան քաղաքի Հյուսիսային պողոտա 1 հասցեում գտնվող «Ատլանտիկ» ակումբում մի խումբ անձանց` իր ընկերներ Ռուստամ Ղամբարյանի, Եղիշե Մարկոսյանի, Գրիշա Հովհաննիսյանի և Ռուդոլֆ Տոնոյանի հետ միասին, անհիմն վիճաբանել են Քրիստինե Զաքարյանի և Վարդուհի Բաղդասարյանի հետ ու կոպիտ կերպով խախտելով հասարակական կարգը` բարձրաձայն սեռական բնույթի հայհոյանքներ են տվել վերջիններիս հասցեին, բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ, որի ընթացքում իրենց գործողությունները զուգորդել են նրանց նկատմամբ բռնություն գործադրելով, մասնավորապես Հ. Հակոբյանը քաշքշել և ծեծի է ենթարկել Ք. Զաքարյանին։»։
Ամբաստանյալ Գրիշա Գևորգի Հովհաննիսյանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով հետևյալ արարքի համար. «որ նա` 2010թ. նոյեմբերի 8-ին` ժամը 01.30-ի սահմաններում, Երևան քաղաքի Հյուսիսային պողոտա 1 հասցեում գտնվող «Ատլանտիկ» ակումբում մի խումբ անձանց` իր ընկերներ Հրաչյա Հակոբյանի, Եղիշե Մարկոսյանի, Ռուստամ Ղամբարյանի և Ռուդոլֆ Տոնոյանի հետ միասին, անհիմն վիճաբանել են Քրիստինե Զաքարյանի և Վարդուհի Բաղդասարյանի հետ ու կոպիտ կերպով խախտելով հասարակական կարգը` բարձրաձայն սեռական բնույթի հայհոյանքներ են տվել վերջիններիս հասցեին, բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ, որի ընթացքում իրենց գործողությունները զուգորդել են նրանց նկատմամբ բռնություն գործադրելով, մասնավորապես Գ. Հովհաննիսյանը քաշքշել և ծեծի է ենթարկել Վ. Բաղդասարյանին։»։
21.12.2010թ. քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
2010թ նոյեմբերի 7-ին, ժամը 23.00-ի սահմաններում ամբաստանյալներ Ռուստամ Ղամբարյանը, Եղիշե Մարկոսյանը, Ռուդոլֆ Տոնոյանը, Հրաչյա Հակոբյանը և Գրիշա Հովհաննիսյանը, ժամանակ անցկացնելու նպատակով, այցելել են Երևանի Հյուսիսային պողոտայի թիվ 1 հասցեում գործող «Ատլանտիկ» ակումբ և տեղ զբաղեցրել ակումբի սրահի թիվ 10 սեղանի շուրջ։ Նրանք ալկոհոլային խմիչքներ են գործածել և զվարճացել են։ Շուրջ երկու ժամ անց, 2010թ. նոյեմբերի 8-ին, ժամը 01։00-ի սահմաններում ամբաստանյալ Ե. Մարկոսյանն ակումբի պարահրապարակում մոտեցել է տուժող, իր ընկալմամբ մարմնավաճառ Քրիստինե Զաքարյանին և ցանկություն հայտնել ծանոթանալ նրա հետ, սակայն մերժվել է։ Քիչ անց ամբաստանյալ Ե. Մարկոսյանն ամբաստանյալ Ռ. Ղամբարյանի հետ միասին, ծանոթանալու առաջարկով կրկին մոտեցել են իրենց ընկալմամբ մարմնավաճառներ, տուժող Ք. Զաքարյանին և նրա ընկերուհի, տուժող Վարդուհի Բաղդասարյանին, նրանց գումար են առաջարկել իրենց հետ սեռական հարաբերություն ունենալու դիմաց և կրկին մերժում ստանալով` վերադարձել են պարահրապարակ։ Ք. Զաքարյանը խնդրել է Վ. Բաղդասարյանին միասին պարել` որպեսզի տղաները չանհանգստացնեն։ Պարելու ընթացքում ամբաստանյալներ Ե. Մարկոսյանը և Ռ. Ղամբարյանը, իրենց հետ պարելու առաջարկով կրկին մոտեցել են տուժողներ Ք. Զաքարյանին և Վ. Բաղդասարյանին, սակայն կրկին մերժում են ստացել։ Երաժշտության ավարտից հետո Ք. Զաքարյանը և Վ. Բաղդասարյանը նստել են իրենց` թիվ 5 սեղանի շուրջ։ Այդ ժամանակ կրկին նրանց են մոտեցել Ե. Մարկոսյանն ու Ռ. Ղամբարյանը և Ք. Զաքարյանին առաջարկել են խոսելու նպատակով սրահից դուրս գալ։ Հասնելով հանդերձասրահի մոտ` տուժող Ք. Զաքարյանը նրանց հայտնել է, որ իրենք մարմնավաճառներ չեն, որին ի պատասխան ամբաստանյալ Ե. Մարկոսյանը նրա հասցեին տվել է սեռական բնույթի հայհոյանքներ, բռնելով նրա վերնաշապիկից քաշքշել է` նրան անվանելով մարմնավաճառ։ Այդ ժամանակ ամբաստանյալ Ռ. Ղամբարյանն աջ ձեռքով` բռունցքով հարվածել է Ք. Զաքարյանի գլխի ձախ հատվածին` նրա հասցեին տալով սեռական բնույթի հայհոյանքներ։ Այնուհետև Ք. Զաքարյանին հարվածներ է հասցրել նաև Ե. Մարկոսյանը, որի արդյունքում պոկվել է Ք. Զաքարյանի հոնքի հատվածում ամրացված զարդը։ Միջադեպը պատահաբար տեսնելով` վիճաբանողներին է մոտեցել տուժող Վ. Բաղդասարյանը։ Նրա հետ միաժամանակ վիճաբանության մասնակիցներին են մոտեցել Ռ. Ղամբարյանի և Ե. Մարկոսյանի ընկերներ, ամբաստանյալներ Հ. Հակոբյանը, Ռ. Տոնոյանը և Գ. Հովհաննիսյանը։ Ռ. Տոնոյանը և Գ. Հովհաննիսյանը քաշքշել ու հարվածներ են հասցրել վիճաբանությանը միջամտած տուժող Վ. Բաղդասարյանի մարմնի տարբեր մասերին, իսկ ամբաստանյալ Հ. Հակոբյանը քաշել է նրա մազերից և մի քանի անգամ հարվածել է Ք. Զաքարյանի մարմնի տարբեր մասերին։ Վիճաբանության ընթացքում, ակումբի հաճախորդների ներկայությամբ, ամբաստանյալները հնչեցրել են սեռական բնույթի հայհոյանքներ և հարվածներ են հասցրել տուժողներ Ք. Զաքարյանին և Վ. Բաղդասարյանին` նման կերպ բացահայտ անհարգալից վերաբերմունք արտահայտելով հասարակության` ակումբի հաճախորդների նկատմամբ։ «Ատլանտիկ» ակումբի մենեջեր, վկա Նաիրա Վարդգեսյանի և մատուցող, վկա Պողոս Արզումանյանի միջամտության արդյունքում վիճաբանությունն ու կռիվը դադարել է և դրա մասնակիցները դուրս են հրավիրվել։ Ակումբից դուրս գալու ժամանակ տուժող Ք. Զաքարյանը հանդիպել է տարածքում ծառայություն իրականացնող ՀՀ ոստիկանության ՊՊԾ 3-րդ հատուկ գումարտակի 1-ին վաշտի 2-րդ դասակի ոստիկաններ, վկաներ Արման Ավետիսյանին ու Կարեն Ղազարյանին և մատնացույց անելով իրենց հետ ակումբից դուրս հրավիրված տղաներին` հայտարարել է, որ նրանք իրենց հասցեին տվել են սեռական բնույթի հայհոյանքներ ու ծեծի են ենթարկել իրենց, որից հետո ոստիկաններն ամբաստանյալներ Հ. Հակոբյանին, Ե. Մարկոսյանին, Ռ. Ղամբարյանին, Գ. Հովհաննիսյանին և Ռ. Տոնոյանին բերման են ենթարկել ՀՀ ոստիկանության Կենտրոնական բաժին։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Ռուստամ Համբարձումի Ղամբարյանը նախկինում դատված չի եղել, բնութագրվում է դրական, իրեն վերագրվող արարքը կատարել է ալկոհոլային հարբածության վիճակում։
Ամբաստանյալ Եղիշե Սամվելի Մարկոսյանը նախկինում դատված չի եղել, բնութագրվում է դրական, վատառողջ է, նրա մոտ ախտորոշվել է` «Ողնաշարի կրծքագոտկային հատվածի երրորդ աստիճանի սկոլիոզ, օստեոխոնդրոզ ֆունկցիայի չափավոր խանգարում» հիվանդությունը, իրեն վերագրվող արարքը կատարել է ալկոհոլային հարբածության վիճակում։
Ամբաստանյալ Ռուդոլֆ Արմենի Տոնոյանը նախկինում դատված չի եղել, բնութագրվում է դրական, իրեն վերագրվող արարքը կատարել է ալկոհոլային հարբածության վիճակում։
Ամբաստանյալ Հրաչյա Հովհաննեսի Հակոբյանը նախկինում դատված չի եղել, բնութագրվում է դրական, իրեն վերագրվող արարքը կատարել է ալկոհոլային հարբածության վիճակում։
Ամբաստանյալ Գրիշա Գևորգի Հովհաննիսյանն ամուսնացած է, նախկինում դատված չի եղել, բնութագրվում է դրական, իրեն վերագրվող արարքը կատարել է ալկոհոլային հարբածության վիճակում։



Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.

Տուժող Քրիստինե Զաքարյանի նախաքննական ցուցմունքով այն մասին, որ 2010թ նոյեմբերի 7-ին, իր ընկերուհի Վ. Բաղդասարյանի հետ, Գյումրի քաղաքից ժամանել են Երևան` աշխատանք փնտրելու և տուն վարձելու նպատակով։ Նույն օրը երեկոյան, ժամը 00.30-ի սահմաններում որոշել են զվարճանալու նպատակով գնալ «Ատլանտիկ» գիշերային ակումբ։ Այնտեղ ինքը սկսել է մենակ պարել, որի ժամանակ իրեն է մոտեցել Եղիշե Մարկոսյանը, որի անունն իմացել է հետագայում ոստիկանության բաժին գնալու ժամանակ։ Նա առաջարկել է ծանոթանալ և պարել միասին։ Ինքը մերժել է առաջարկը և նստելով Վ. Բաղդասարյանի մոտ` տեղի ունեցածի մասին պատմել է նրան։ Այնուհետև Վ. Բաղդասարյանի հետ սկսել են միասին պարել, որի ընթացքում կրկին իրեն է մոտեցել նույն անձը` այս անգամ գումարով իր հետ սեռական հարաբերություն ունենալու առաջարկով, որին կրկին մերժել է, բացատրելով, որ իրենք մարմնավաճառներ չեն։ Դրանից հետո, երբ ինքը Վ. Բաղդասարյանի հետ նստած է եղել իրենց սեղանի շուրջ` իրենց են մոտեցել Ե. Մարկոսյանը և նրա ընկեր Ռ. Ղամբարյանը, որի անունը նույնպես իմացել է ոստիկանության բաժին գնալու ընթացքում և իրեն առաջարկել են խոսելու նպատակով իրենց հետ դուրս գալ սրահից։ Դուրս գալու ընթացքում, ակումբի հանդերձասրահի մոտ ինքը փորձել է բացատրել, որ իրենք մարմնավաճառներ չեն, սակայն Ե. Մարկոսյանը հայտնել է, որ իրենք մարմնավաճառ են, հրահրել է քաշքշուք, որի ժամանակ տվել է սեռական բնույթի հայհոյանքներ, իսկ Ռ. Ղամբարյանը բռունցքով հարվածել է իր գլխին, նույնպես տվել է սեռական բնույթի հայհոյանքներ։ Այնուհետև իրեն սկսել է հարվածել նաև Ե. Մարկոսյանը, որի հարվածների արդյունքում պոկվել է իր հոնքին ամրացված ոսկյա նախշազարդը։ Այնուհետև իրենց են մոտեցել իր ընկերուհի Վարդուհին, Ռ. Ղամբարյանի և Ե. Մարկոսյանի մյուս երեք ընկերները` Ռուդոլֆ Տոնոյանը, Գրիշա Հովհաննիսյանը և Հրաչյա Հակոբյանը։ Ռ. Տոնոյանը և Գ. Հովհաննիսյանը հարվածել են Վարդուհի Բաղդասարյանին, իսկ Հ. Հակոբյանը քաշքշել է նրա մազերից, որից հետո մի քանի անգամ հարվածել է իրեն։ Նշված անձինք ակումբի հաճախորդների ներկայությամբ հարվածել են իրենց մարմնի տարբեր մասերին` միաժամանակ տալով սեռական բնույթի հայհոյանքներ և միայն ակումբի մենեջերի ու մատուցողի միջամտությունից հետո են հանգստացել, որից հետո ակումբի մենեջերն իրենց բոլորին դուրս է հրավիրել ակումբից։ Դրսում տեսնելով ոստիկանների` ինքը պատմել է տեղի ունեցածի մասին և մատնացույց է արել այն տղաներին, որոնք իրենց ծեծի են ենթարկել։ Ոստիկանության բաժնում տեղեկացել է, որ նրանց տվյալներն են Ե. Մարկոսյան, Հ. Հակոբյան, Ռ. Ղամբարյան, Գ. Հովհաննիսյան և Ռ. Տոնոյան։
Տուժող Ք. Զաքարյանն իր նախաքննական ցուցմունքը պնդել է նաև Ե. Մարկոսյանի և Ռ. Ղամբարյանի հետ առերես հարցաքննության ժամանակ։
/գ.թ. 83-85, 93-94, 101-102/։
Տուժող Վարդուհի Բաղդասարյանի նախաքննական ցուցմունքով այն մասին, որ 2010թ նոյեմբերի 7-ին, իր ընկերուհի Քրիստինե Զաքարյանի հետ Գյումրի քաղաքից կեսօրին ժամանել են Երևան` աշխատանք փնտրելու և տուն վարձելու նպատակով։ Նույն օրը, երեկոյան ժամը 00.30-ի սահմաններում Կոմիտաս փողոցում գտնվող «Տաշիր» պիցայատնից որոշել են զվարճանալու նպատակով գնալ «Ատլանտիկ» գիշերային ակումբ։ Այնտեղ Քրիստինեն սկզբում պարել է միայնակ և երբ նստել է սեղանի շուրջ` պատմել է, որ պարելու ընթացքում ինչ-որ երիտասարդ է մոտեցել իրեն և առաջարկել ծանոթանալ, որին ինքը մերժել է։ Ավելի ուշ սեղանի մոտ իրենց են մոտեցել երկու երիտասարդներ և գումար են առաջարկել` իրենց հետ սեռական հարաբերություն ունենալու դիմաց, սակայն իրենք նրանց բացատրել են, որ իրենք մարմնավաճառներ չեն։ Քիչ անց, պարելուց հետո, երբ ինքը և Քրիստինեն նստած են եղել իրենց սեղանի շուրջ և ինքը զբաղված է եղել բջջային հեռախոսի խաղերով` պատահաբար նկատել է, որ Քրիստինեն քայլում է դեպի հանդերձասրահ և ակնթարթ անց հանդերձասրահի մոտ նրա և այդ երկու երիտասարդների միջև քաշքշուկ է սկսվել։ Ինքն անմիջապես քայլել է նրանց ուղղությամբ։ Միաժամանակ վիճաբանողներին են մոտեցել ևս երեք երիտասարդներ, որոնցից մեկը հարձակվել է Քրիստինեի վրա, իսկ մյուս երկուսը սկսել են հարվածներ հասցնել իր մարմնի տարբեր մասերին։ Նրանք բոլորը, ակումբի հաճախորդների ներկայությամբ, տվել են սեռական բնույթի հայհոյանքներ ու խառը հարվածներ են հասցրել իրենց։ Ակումբի մենեջերի և մատուցողի միջամտության արդյունքում հաջողվել է հանդարտացնել այդ հինգ երիտասարդներին, որից հետո մենեջերը պահանջել է դուրս գալ ակումբից։ Ակումբից դուրս գալու ընթացքում նկատել են ոստիկանների և Քրիստինեն մատնացույց անելով նշված հինգ տղաներին` հայտարարել է, որ նրանք ծեծի են ենթարկել իրենց, տվել են սեռական բնույթի հայհոյանքներ։ Ոստիկանները նշված անձանց բերման են ենթարկել ոստիկանության բաժին, որի ընթացքում իմացել է տղաների անունները։ Նրանցից Գ. Հովհաննիսյանը և Ռ. Տոնոյանը հարվածել են իրեն, իսկ Ե. Մարկոսյանը, Հ. Հակոբյանը և Ռ. Ղամբարյանը` Քրիստինե Զաքարյանին։
Տուժող Վ. Բաղդասարյանն իր նախաքննական ցուցմունքը պնդել է նաև Ռ. Տոնոյանի և Գ. Հովհաննիսյանի հետ առերես հարցաքննության ժամանակ։
/գ.թ. 68-71, 140-141, 142-143/։
Վկա, «Ատլանտիկ» գիշերային ակումբի մատուցող Պողոս Հայկազի Արզումանյանի ցուցմունքով այն մասին, որ 2010թ. նոյեմբերի 7-ին, ժամը 23.30-ի սահմաններում ակումբ են եկել 20-25 տարեկան հինգ երիտասարդներ, որոնք տեղավորվել են թիվ 10 սեղանի շուրջ և պատվիրել են մոտ 20 շիշ գարեջուր։ Այնուհետև, ժամը 01.30-ի սահմաններում, երբ ինքը կանգնած է եղել բարի դիմադիրի մոտ` տեսել է, որ հանդերձասրահի մոտ վիճաբանություն է տեղի ունենում։ Այնտեղ նկատել է նաև ակումբի մենեջեր Նաիրային ու շտապ մոտեցել է վիճաբանողներին։ Տեսել է, որ թիվ 10 սեղանի հինգ տղաները վիճաբանում են թիվ 5 սեղանի երկու աղջիկների հետ և սեռական բնույթի հայհոյանքներ տալով` հարվածում են նրանց։ Միայն իր և մենեջերի միջամտության արդյունքում է հնարավոր եղել հանգստացնել վիճաբանողներին և դուրս հրավիրել ակումբից։
Վկա Պ. Արզումանյանն իր ցուցմունքը պնդել է նաև Ռ. Տոնոյանի, Գ. Հովհաննիսյանի, Ե. Մարկոսյանի, Ռ. Ղամբարյանի և Հ. Հակոբյանին հետ առերես հարցաքննության ժամանակ։
/գ.թ. 173-175, 189-190, 191-192, 193-194, 195-196, 197-198/։
Վկա, «Ատլանտիկ» գիշերային ակումբի մենեջեր Նաիրա Թելմանի Վարդգեսյանի նախաքննական ցուցմունքով այն մասին, որ 2010թ. նոյեմբերի 7-ին, ժամը 24.00-ի սահմաններում «Ատլանտիկ» գիշերային ակումբ են եկել 20-25 տարեկան հինգ երիտասարդներ, որոնք տեղավորվել են թիվ 10 սեղանի շուրջ և ընթացքում պատվիրել են մոտ 20 շիշ գարեջուր։ Այնուհետև ժամը 00.30-ի սահմաններում ակումբ են եկել երկու երիտասարդ աղջիկներ, որոնց ինքը նստեցրել է թիվ 5 սեղանի մոտ։ Ժամը 01.30-ի սահմաններում նկատել է, որ հանդերձասրահի մոտ թիվ 10 սեղանի հինգ տղաները վիճաբանում են թիվ 5 սեղանի աղջիկների հետ և քաշքշում են նրանց։ Այդ ընթացքում սև մազերով աղջիկն հարվածել է ցածրահասակ տղային, որին հետևել է տղայի պատասխան հարվածը։ Մոտեցել է նրանց և լսել, որ այդ հինգ երիտասարդները սեռական բնույթի հայհոյանքներ են տալիս։ Նկատել է նաև, որ երիտասարդներից մեկը բռունցքով հարվածել է սև մազերով աղջկա գլխին։ Ծեծկռտուքին հետևել են ակումբի որոշ հաճախորդներ, որոնք չեն միջամտել։ Խառնաշփոթ է եղել, բոլոր հինգ երիտասարդները հայհոյել և հարվածել են աղջիկներին։ Միայն իր և ակումբի մատուցող Պողոս Արզումանյանի միջամտության արդյունքում է հնարավոր եղել հանդարտացնել նրանց և բոլորին դուրս հրավիրել ակումբից։
/դատական նիստի արձանագրություն, գ.թ. 136-138, 199-200, 201/։
Վկաներ, ՀՀ ոստիկանության ՊՊԾ գնդի 3-րդ հատուկ գումարտակի 1-ին վաշտի 2-րդ դասակի ոստիկաններ Կարեն Զավենի Ղազարյանի և Արամ Աշոտի Ավետիսյանի նույնաբովանդակ ցուցմունքներով այն մասին, որ 2010թ. նոյեմբերի 8-ին, ժամը 01.50-ի սահմաններում գտնվել են գիշերային ծառայության մեջ։ «Ատլանտիկ» գիշերային ակումբի մոտով անցնելիս իրենց են մոտեցել երկու երիտասարդ աղջիկներ և մատնացույց անելով ակումբի դիմաց կանգնած հինգ երիտասարդ տղաներին` հայտարարել են, որ ակումբի ներսում նրանք քաշքշել, հարվածել են իրենց և տվել են սեռական բնույթի հայհոյանքներ։ Մոտենալով այդ տղաներին` իրենք ներկայացել են, որից հետո նշված արարքը կատարելու կասկածանքով նրանց բերման են ենթարկել ՀՀ ոստիկանության Կենտրոնական բաժին, որտեղ պարզվել է, որ նրանք հանդիսանում են Ռ. Տոնոյանը, Գ. Հովհաննիսյանը, Ե. Մարկոսյանը, Ռ. Ղամբարյանն և Հ. Հակոբյանը։
/դատական նիստի արձանագրություն, գ.թ. 104-105, 106-107/։
Դեպքի վայրի զննության մասին 08.11.2010թ. արձանագրությամբ այն մասին, որ դեպքի վայրն է հանդիսանում Երևանի Հյուսիսային պողոտայի թիվ 1 հասցեում գտնվող «Ատլանտիկ» դիսկո ակումբը։ Ակումբը շենքի նկուղային հարկում է։ Նախասրահի ձախ կողմում հանդերձասրահն է և զուգարանը, իսկ աջ կողմում դեպի սրահ տանող աստիճաններն են։ Սրահի ձախ կողմում կողք-կողքի շարված են տաս սեղան-աթոռներ։ Սրահի կենտրոնում պարասրահն է, որտեղ առկա է մետաղյա ձող։ Ըստ ակումբի մենեջեր Նաիրա Վարդգեսյանի հայտարարության` 2010թ. նոյեմբերի 8-ին, ժամը 01.30-ի սահմաններում ակումբի հանդերձասրահի մոտ երկու աղջիկ վիճաբանել են հինգ տղաների հետ։
/գ.թ. 28-30/։
Դատարանում ամբաստանյալ Ռուստամ Համբարձումի Ղամբարյանն առաջադրված մեղադրանքում իրեն մեղավոր ճանաչեց, սակայն հրաժարվեց ցուցմունք տալուց և հարցերին պատասխանելուց։
/դատական նիստի արձանագրություն/։
Դատարանում ամբաստանյալ Եղիշե Սամվելի Մարկոսյանն առաջադրված մեղադրանքում իրեն մեղավոր ճանաչեց, սակայն հրաժարվեց ցուցմունք տալուց և հարցերին պատասխանելուց։
/դատական նիստի արձանագրություն/։
Դատարանում ամբաստանյալ Ռուդոլֆ Արմենի Տոնոյանն առաջադրված մեղադրանքում իրեն մեղավոր ճանաչեց, սակայն հրաժարվեց ցուցմունք տալուց և հարցերին պատասխանելուց։
/դատական նիստի արձանագրություն/։
Դատարանում ամբաստանյալ Հրաչյա Հովհաննեսի Հակոբյանն առաջադրված մեղադրանքում իրեն մեղավոր ճանաչեց, սակայն հրաժարվեց ցուցմունք տալուց և հարցերին պատասխանելուց։
/դատական նիստի արձանագրություն/։
Դատարանում ամբաստանյալ Գրիշա Գևորգի Հովհաննիսյանն առաջադրված մեղադրանքում իրեն մեղավոր ճանաչեց, սակայն հրաժարվեց ցուցմունք տալուց և հարցերին պատասխանելուց։
/դատական նիստի արձանագրություն/։


Դատարանի իրավական վերլուծությունները


Վերլուծելով ամբաստանյալներ Ռուստամ Համբարձումի Ղամբարյանին, Եղիշե Սամվելի Մարկոսյանին, Ռուդոլֆ Արմենի Տոնոյանին, Հրաչյա Հովհաննեսի Հակոբյանին և Գրիշա Գևորգի Հովհաննիսյանին առաջադրված մեղադրանքները, նրանց նախաքննական ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Ռուստամ Համբարձումի Ղամբարյանի կողմից, նրա մեղավորությամբ, մի խումբ անձանց կողմից խուլիգանություն կատարելը, որը զուգորդվել է անձանց նկատմամբ բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ամբաստանյալ Եղիշե Սամվելի Մարկոսյանի կողմից, նրա մեղավորությամբ, մի խումբ անձանց կողմից խուլիգանություն կատարելը, որը զուգորդվել է անձանց նկատմամբ բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ամբաստանյալ Ռուդոլֆ Արմենի Տոնոյանի կողմից, նրա մեղավորությամբ, մի խումբ անձանց կողմից խուլիգանություն կատարելը, որը զուգորդվել է անձանց նկատմամբ բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ամբաստանյալ Հրաչյա Հովհաննեսի Հակոբյանի կողմից, նրա մեղավորությամբ, մի խումբ անձանց կողմից խուլիգանություն կատարելը, որը զուգորդվել է անձանց նկատմամբ բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ամբաստանյալ Գրիշա Գևորգի Հովհաննիսյանի կողմից, նրա մեղավորությամբ, մի խումբ անձանց կողմից խուլիգանություն կատարելը, որը զուգորդվել է անձանց նկատմամբ բռնություն գործադրելով` ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Ռուստամ Համբարձումի Ղամբարյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Ռուստամ Համբարձումի Ղամբարյանն իր կատարած` Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Ամբաստանյալ Եղիշե Սամվելի Մարկոսյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա վատառողջ է` տառապում է «Ողնաշարի կրծքագոտկային հատվածի երրորդ աստիճանի սկոլիոզ, օստեոխոնդրոզ ֆունկցիայի չափավոր խանգարում» հիվանդությամբ, նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Եղիշե Սամվելի Մարկոսյանն իր կատարած` Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Ամբաստանյալ Հրաչյա Հովհաննեսի Հակոբյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Հրաչյա Հովհաննեսի Հակոբյանն իր կատարած` Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Ամբաստանյալ Ռուդոլֆ Արմենի Տոնոյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Ռուդոլֆ Արմենի Տոնոյանն իր կատարած` Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Ամբաստանյալ Գրիշա Գևորգի Հովհաննիսյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում հանցանքն ալկոհոլի ազդեցության տակ կատարելը։
Ամբաստանյալ Գրիշա Գևորգի Հովհաննիսյանն իր կատարած` Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի տուգանքի ձևով, որը նա պետք է կրի։
Գործով քաղաքացիական հայց չի հարուցվել գույքային վնասի հատուցման պահանջ չի ներկայացվել։
Քննարկելով խափանման միջոցի հարցը` դատարանը գտնում է, որ ամբաստանյալներից յուրաքանչյուրի` Ռուստամ Համբարձումի Ղամբարյանի, Եղիշե Սամվելի Մարկոսյանի, Ռուդոլֆ Արմենի Տոնոյանի, Հրաչյա Հովհաննեսի Հակոբյանի և Գրիշա Գևորգի Հովհաննիսյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ, 364-367-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Ռուստամ Համբարձումի Ղամբարյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի երեքհարյուրհիսնապատիկի` 350.000 /երեք հարյուր հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Եղիշե Սամվելի Մարկոսյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի երեքհարյուրհիսնապատիկի` 350.000 /երեք հարյուր հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Ռուդոլֆ Արմենի Տոնոյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Հրաչյա Հովհաննեսի Հակոբյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Գրիշա Գևորգի Հովհաննիսյանին մեղավոր ճանաչել Հայաստանի Հանրապետության քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցանքում և դատապարտել տուգանքի նվազագույն աշխատավարձի երկուհարյուրհիսնապատիկի` 250.000 /երկու հարյուր հիսուն հազար/ ՀՀ դրամ գումարի չափով։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ