ԵԿԴ/0344/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Հ.ԷՅՐԱՄՋՅԱՆԻ
տուժող Ա.ԱՎԱԳՅԱՆԻ
ամբաստանյալ Մ.ՈՍԿԱՆՅԱՆԻ
պաշտպան Ռ.ԳՐԻԳՈՐՅԱՆԻ

2011թ. մարտի 25-ին դատարանում` դռնբաց դատական նիստում, քննեց գործն ըստ մեղադրանքի` Մաթևոս Մանուկի Ոսկանյանի` ծնված 01.01.1959թ. Ապարանի ՆՎՇՏ-ի Նո-րաշեն գյուղում, հայ, ՀՀ քաղաքացի, փաստացի ամուսնացած, խնամքին չորս անձ, միջնա-կարգ կրթությամբ, վատառողջ, իր հայտարարությամբ` անհատ ձեռնարկատեր, չդատված, բնակվել է` ք.Երևան, Դավիթաշեն, 6-րդ փողոց, տուն հ. 18, արգելանքի տակ է 2010թ. նոյեմ-բերի 26-ից, մեղադրվում է ՀՀ քրեական օրենսգրքի 316-րդ հոդվածի 1-ին մասով։
Ամբաստանյալ Մ.Ոսկանյանին ՀՀ քրեական օրենսգրքի 316-րդ հոդվածի 1-ին մասով մեղադրանք է առաջադրվել այն բանի համար, որ նա. «Գտնվելով ալկոհոլի ազդեցության տակ, իշխանության ներկայացուցչի նկատմամբ գործադրել է կյանքի կամ առողջության հա-մար ոչ վտանգավոր բռնություն, որը կապված է եղել վերջինիս կողմից ծառայողական պար-տականությունները կատարելու հետ։ Այսպես.
2010թ. նոյեմբերի 25-ին` ժամը 2330-ի սահմաններում, Երևան քաղաքի Գրիգոր Լուսա-վորիչ և Իտալիայի փողոցների խաչմերուկում իր վարած «Մերսեդես-Բենս ՄԼ-320» մակնիշի 88 ԼՕ 222 պետհամարանիշի ավտոմեքենայով կատարել է ՃԵԿ-ի խախտում, որի համար նրան կանգնեցրել է ՀՀ ոստիկանության ՃՈ 1-ին սպայական գումարտակի 3-րդ վաշտի 2-րդ դասակի ավագ տեսուչ Արմեն Ավագյանը և բացատրելով կատարած խախտման էությունը, պահանջել է մեքենայի տեխ.անձնագիրն ու վարորդական իրավունքի վկայականը, որի ըն-թացքում զգացել է, որ նրանից ալկոհոլի հոտ է գալիս։ Այդ կապակցությամբ տրված հարցին Մ.Ոսկանյանը պատասխանել է, որ իրականում ալկոհոլ է օգտագործել, որի ընթացքում փոր-ձել է Ա.Ավագյանից հետ վերցնել փաստաթղթերը` մասնավորապես ալկոհոլ օգտագործելու հանգամանքը պարզելու նպատակով համապատասխան ստուգման ենթարկվելուց խուսա-փելու համար, այդ պատճառով վիճաբանել է նրա հետ, տվել սեռական բնույթի հայհոյանք-ներ և չենթարկվելով իշխանության ներկայացուցիչ հանդիսացող` ՀՀ ոստիկանության ՃՈ 1-ին սպայական գումարտակի 3-րդ վաշտի 2-րդ դասակի ավագ տեսուչ Արմեն Ավագյանի օրի-նական պահանջներին` կապված վերջինիս ծառայողական պարտականությունների կա-տարման հետ, առողջության համար ոչ վտանգավոր բռնություն է գործադրել նրա նկատ-մամբ` քաշքշելով և բռունցքներով հարվածներ հասցնելով Ա.Ավագյանի դեմքի շրջանում` վերջինիս առողջությանը պատճառելով թեթև վնասի հատկանիշներ չպարունակող մարմնա-կան վնասվածքներ` ձախ ճակատային շրջանի քերծվածքի, ձախ աչքի վերին կոպի շրջանի արյունազեղման ձևով»։
Ամբաստանյալ Մ.Ոսկանյանը` մինչև դատաքննությունն սկսվելը, միջնորդեց դատա-կան քննությունն անցկացնել արագացված կարգով և հայտարարեց, որ այն ներկայացնում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Մ.Ոսկանյանը կատարել է հանցանք` նախատեսված ՀՀ քրեական օրենսգրքի 316-րդ հոդվածի 1-ին մասով, որով և նա պետք է պատասխանատվության ենթարկվի։
Ամբաստանյալ Մ.Ոսկանյանի նկատմամբ պատիժ նշանակելիս` պատժի տեսակը որոշելիս, դատարանը, հաշվի առնելով նրա կատարած արարքի բնույթն ու հանրության հա-մար վտանգավորության աստիճանը, գտնում է, որ նրա կատարած հանցագործության հա-մար նախատեսված նվազ խիստ պատժատեսակը չի կարող ապահովել պատժի նպատակ-ները և նա պետք է դատապարտվի ազատազրկման, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար։
Ամբաստանյալի նկատմամբ նշանակվելիք պատժի չափը որոշելիս դատարանը նաև հաշվի է առնում արագացված կարգով անցկացված դատական քննության ընթացքում ու-սումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Մ.Ոսկանյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեծորեն զղջաց կատարած հանցանքի համար, նախկինում արատավորված ու դատ-ված չի եղել, բնութագրվում է դրական, Արցախի ազատության պայքարում կատարած հա-տուկ ծառայությունների համար պարգևատրվել է «Մայրական երախտագիտություն» մեդա-լով, իսկ 2010թ-ին` «Հայաստանի երկրապահ» հուշամեդալով, Ապարանի Շողակն գյուղի ոռոգման և խմելու ջրագծերի, գազաֆիկացման, ճանապարհների վերանորոգման աշխա-տանքներին ակտիվ մասնակցելու` շինարարական նյութերով ապահովելու, պատերազմի, աշխատանքի և զինված ուժերի Դավթաշենի տարածքի վետերանների խորհրդին նյութական ու բարոյական օգնություն ցուցաբերելու ու Դավթաշեն վարչական շրջանին աջակցելու, շրջանի բարօրության գործում ակտիվ մասնակցություն ցուցաբերելու համար արժանացել է պատվոգրի և շնորհակալագրերի, նրա խնամքի տակ են գտնվում չաշխատող ու «Վեգետա-անոթային դիստոնիա» ախտորոշմամբ հիվանդ կինը, երկու չափահաս, սակայն վճարովի ուսուցման կարգով ՀՀ պետական համալսարանի տնտեսագիտության ֆակուլտետի ուսանող երեխաներն ու 4-ամյա որդին, վատառողջ է` տառապում է դիսցիրկուլյատոր էնցեֆալոպա-տիա II, քրոնիկ պրոստատիտ, նեյրոցիրկուլյատոր դիստոնիա սրտային տիպի, 1-ին աստի-ճանի հիպերտոնիկ հիվանդությամբ, սրտի իշեմիկ հիվանդություն, լարվածության կայուն ստենոկարդիա ՖԴ2, ուղեղի աթերոսկլերոզ` արյան շրջանառության անցողիկ խանգարում-ներով, հետինֆարկտային կարդիոսկլերոզ ախտորոշումներով հիվանդություններով։
Որպես ամբաստանյալի պատասխանատվությունն ու պատիժը ծանրացնող հանգա-մանք` դատարանը հաշվի է առնում հանցանքն ալկոհոլի ազդեցության տակ կատարելը։
Դատարանը, քննության առնելով իրեղեն ապացույցի տնօրինման հարցը, գտնում է, որ ՀՀ ոստիկանության ՃՈ համազգեստի բաճկոնը պետք է վերադարձվի տուժող Ա.Ավագ-յանին։
Քննության առնելով ամբաստանյալի նկատմամբ կիրառված խափանման միջոցի հարցը` դատարանը գտնում է, որ նրա նկատմամբ կիրառված խափանման միջոցը պետք է թողնվի անփոփոխ` մինչև դատավճռի օրինական ուժի մեջ մտնելը։
Տուժողը քաղաքացիական հայց չներկայացրեց։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119, 357, 359, 360 ու 3753 հոդվածներով` դատարանը

Վ Ճ Ռ Ե Ց

Մաթևոս Մանուկի Ոսկանյանին ճանաչել մեղավոր ՀՀ քրեական օրենսգրքի 316-րդ հոդվածի 1-ին մասով ու դատապարտել ազատազրկման` 1 (մեկ) տարի ժամկետով։
Պատժի կրման սկիզբը հաշվել 2010թ. նոյեմբերի 26-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Մ.Ոսկանյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույցը` ՀՀ ոստիկանության ՃՈ համազգեստի բաճկոնը, վերադարձնել տուժող Ա.Ավագյանին։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ