ԵԿԴ/0322/01/10







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«2» օգոստոսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Կ.Կարապետյան
մեղադրողներ Է.Հարությունյան
Հ.Էյրամջյան
պաշտպաններ Ն.Սարգսյան
Հ.Վարդանյան
թարգմանիչ Ա.Խանիկյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Ռամազ Մերաբի Շիոմգվդլիշվիլի` ծնված 1973 թվականի ապրիլի 5-ին Վրաստանի Տիանեթի քաղաքում, ազգությամբ վրացի, Վրաստանի քաղաքացի, միջնակարգ կրթությամբ, ամուսնացած, չի աշխատում, նախկինում դատապարտված, բնակվել է Վրաստանի Մցխեթա քաղաքի Մայիսի 9-ի փողոցի 36-րդ տանը: Մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով և 34-177-րդ հոդվածի 2-րդ մասի 3-րդ կետով, արգելանքի տակ է 2010 թվականի հուլիսի 22-ից:
1. Գործի դատավարական նախապատմությունը.
2009 թվականի նոյեմբերի 2-ին ՀՀ ոստիկանության Կենտրոնականի քննչական բաժնի քննիչ Ա.Մանուկյանի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով նախատեսված հանցագործության հատկանիշներով հարուցվել և վարույթ է ընդունվել թիվ 15102209 քրեական գործը:
2009 թվականի դեկտեմբերի 29-ին ՀՀ ոստիկանության Կենտրոնականի քննչական բաժնի քննիչ Ա.Մանուկյանի որոշմամբ թիվ 15102209 քրեական գործով վարույթը կասեցվել է` որպես մեղադրյալ ներգրավման ենթակա անձի հայտնի չլինելու հիմքով:
2010 թվականի հուլիսի 22-ին ՀՀ ոստիկանության Կենտրոնականի քննչական բաժնի քննիչ Ա.Մանուկյանի որոշմամբ թիվ 15102209 քրեական գործով վարույթը վերսկսվել է:
2010 թվականի հուլիսի 24-ին ՀՀ ոստիկանության Կենտրոնականի քննչական բաժնի քննիչ Ա.Մանուկյանի որոշմամբ թիվ 15102209 քրեական գործով Ռամազ Մերաբի Շիոմգվդլիշվիլիին մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
2010 թվականի նույեմբերի 9-ին ՀՀ ոստիկանության Կենտրոնականի քննչական բաժնի քննիչ Գ.Սաղոյանի որոշմամբ թիվ 15102209 քրեական գործն ընդունվել է վարույթ:
2010 թվականի նոյեմբերի 10-ին ՀՀ ոստիկանության Կենտրոնականի քննչական բաժնի քննիչ Գ.Սաղոյանի որոշմամբ թիվ 15102209 քրեական գործով Ռամազ Մերաբի Շիոմգվդլիշվիլիին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 3-րդ մասի 3-րդ կետով և 34-177-րդ հոդվածի 3-րդ մասի 3-րդ կետով:
2010 թվականի նոյեմբերի 24-ին ՀՀ ոստիկանության Կենտրոնականի քննչական բաժնի քննիչ Գ.Սաղոյանի որոշմամբ թիվ 15102209 քրեական գործից անջատվել է տուժող Մեղեդի Էբրահիմի Ղազարյանի բնակարանից գողություն կատարելու դրվագով Ռամազ Մերաբի Շիոմգվդլիշվիլիի` ինքնությունը չպարզված հանցակցի վերաբերյալ մասը, որին շնորհվել է 15102209/1 համարը:
2010 թվականի դեկտեմբերի 2-ին Ռամազ Մերաբի Շիոմգվդլիշվիլիի վերաբերյալ քրեական գործը մեղադրական եզրակացությամբ ուղարկվել է Դատարան, որին շնորհվել է ԵԿԴ/0322/01/10 համարը:
2010 թվականի դեկտեմբերի 2-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Ա.Խաչատրյանի որոշմամբ թիվ ԵԿԴ/0322/01/10 քրեական գործն ընդունվել է վարույթ:
2011 թվականի հունվարի 13-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Մ.Պապոյանի որոշմամբ թիվ ԵԿԴ/0322/01/10 քրեական գործն ընդունվել է վարույթ:
2011 թվականի հունիսի 30-ին` դատական քննության ընթացքում, մեղադրող Է.Հարությունյանի որոշմամբ Ռամազ Մերաբի Շիոմգվդլիշվիլիին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով և 34-177-րդ հոդվածի 2-րդ մասի 3-րդ կետով` այն արարքների համար, որ նա 2008 թվականի կեսերին` ցերեկային ժամերին, դռան փականը կոտերլու միջոցով մուտք է գործել Արտաշես Սերգեյի Թանթուշյանին պատկանող` Երևան քաղաքի Սայաթ-Նովա պողոտայի 4-րդ շենքի 74-րդ բնակարան և այնտեղից գաղտնի հափշտակել վերջինի` 1.535.000 ՀՀ դրամին համարժեք 5.000 ԱՄՆ դոլար գումարը:
Այնուհետև, Ռամազ Շիոմգվդլիշվիլին 2008 թվականի վերջերին, գողություն կատարելու նպատակով, տեխնիկական միջոցների գործադրմամբ փականը բացելու միջոցով ապօրինի մուտք է գործել Երևան քաղաքի Սայաթ-Նովա պողոտայի 4-րդ շենքի 97-րդ բնակարան և այնտեղից գաղտնի հափշտակել Ալեքսանդր Հովիկի Եսայանին պատկանող զգալի չափի` 50.000 ՀՀ դրամ արժողության «Տոշիբա» ֆիրմայի նոութբուք համակարգիչը:
Բացի այդ, Ռամազ Շիոմգվդլիշվիլին 2008 թվականի վերջերին` ցերեկային ժամերին, գողություն կատարելու նպատակով, տեխնիկական միջոցների գործադրմամբ փականը կոտրելու միջոցով ապօրինի մուտք է գործել Լիաննա Գևորգի Սարիբեկյանին պատկանող Երևան քաղաքի Վարդանանց փողոցի 22-րդ շենքի 2-րդ բնակարան, սակայն արժեքավոր իրեր չգտնելով` հեռացել է և հանցագործությունն ավարտին չի հասցրել իր կամքից անկախ հանգամանքներով:
Այնուհետև, Ռամազ Շիոմգվդլիշվիլին 2009 թվականի նոյեմբերի 2-ին` ժամը 14:00-ի սահմաններում, ինքնությունը չպարզված Զազա և Լևան անուններով անձանց հետ նախնական համաձայնության գալով, մուտքի դռան փականը տեխնիկական միջոցների գործադրմամբ կոտրելու միջոցով ապօրինի մուտք է գործել Մեղեդի Էբրահիմի Ղազարյանի կողմից վարձակալված` Երևան քաղաքի Սայրան փողոցի 24ա շենքի 24-րդ բնակարան և այնտեղից գաղտնի հափշտակել վերջինի խոշոր չափի` 2.000.000 ՀՀ դրամ ընդհանուր արժողության «Կենոն» ֆիրմայի թվային տեսախցիկը, «Տոշիբա» ֆիրմայի նոութբուք համակարգիչը և 4.000 ԱՄՆ դոլար գումարը:
Բացի այդ, Ռամազ Շիոմգվդլիշվիլին 2010 թվականի հուլիսի 16-ին` ժամը 14:00-ից մինչև հուլիսի 17-ի` ժամը 11:00-ն ընկած ժամանակահատվածում, գույքի գաղտնի հափշտակություն կատարելու նպատակով փորձել է տեխնիկական միջոցների գործադրմամբ կոտրել Արա Աղվանի Մինասյանին պատկանող` Երևան քաղաքի Տպագրիչների փողոցի 8-րդ շենքի 46-րդ բնակարանի մոտքի դուռը, սակայն չկարողանալով` հեռացել է և հանցագործությունն ավարտին չի հասցրել իր կամքից անկախ հանգամանքններով:
2. Արագացված դատական քննություն.
Մինչ դատաքննությունն սկսելն ամբաստանյալ Ռամազ Մերաբի Շիոմգվդլիշվիլին միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ռամազ Մերաբի Շիոմգվդլիշվիլին կատարել է արարքներ` նախատեսված ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով և 34-177-րդ հոդվածի 2-րդ մասի 3-րդ կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, քննչական փորձարարության արձանագրությունները, ՀՀ ոստիկանության ինֆորմացիոն կենտրոնի պահանջագրերը, եկավ հետևյալ եզրահանգման.
Ռամազ Շիոմգվդլիշվիլիի անձը դրականորեն բնութագրող հանգամանքներ են ամուսնացած լինելը և կատարածի համար զղջալը։
Դատարանը Ռամազ Շիոմգվդլիշվիլիի կողմից ինքնախոստովանական ցուցմունքներ տալը և հանցագործությունները բացահայտելուն աջակցելը դիտում է պատասխանատվությունը և պատիժը մեղմացնող հանգամանք, քանի որ ամբաստանյալը կամովին հայտնել է իր կողմից նախկինում կատարված այնպիսի հանցավոր արարքների մասին և մատնացույց է արել այնպիսի դեպքի վայրեր, որոնք վարույթն իրականացնող մարմնին մինչ այդ հայտնի չեն եղել։
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Ռամազ Շիոմգվդլիշվիլիի կատարած բոլոր արարքներով էլ առկա են:
Դատարանը միաժամանակ արձանագրում է, որ Ռամազ Շիոմգվդլիշվիլիի կատարած բոլոր արարքներով էլ պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Ռամազ Շիոմգվդլիշվիլիի ենթակա է քրեական պատասխանատվության և պատժի:
ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված է պատիժ` տուգանք` նվազագույն աշխատավարձի հինգհարյորապատիկից հազարապատիկի չափով, կամ ազատազրկում` երկուսից հինգ տարի ժամկետով: ՀՀ քրեական օրենսգրքի 65-րդ հոդվածի 3-րդ մասի համաձայն` հանցափորձի համար ազատազրկման ձևով պատժի ժամկետը չի կարող գերազանցել ՀՀ քրեական օրենսգրքի հատուկ մասի համապատասխան հոդվածի մասով որոշակի ժամկետով ազատազրկման ձևով նախատեսված պատժի առավելագույն ժամկետի երեք քառորդը: Այսինքն, ՀՀ քրեական օրենսգրքի ուժով տվյալ չավարտված հանցագործության համար նախատեսված պատժի առավելագույն ժամկետը երեք տարի ինը ամիս ժամկետով ազատազրկումն է: ՀՀ քրեական դատավարության օրենսգրքի 3753 հոդվածի 6-րդ մասի համաձայն` դատարանը արագացված կարգով դատական քննության արդյունքում մեղադրական դատավճիռ կայացնելիս նշանակում է պատիժ, որը չի կարող գերազանցել կատարված հանցագործության համար նախատեսված առավել խիստ պատժի երկու երրորդը, իսկ եթե առավել խիստ պատժի երկու երրորդը փոքր է տվյալ հանցագործության համար նախատեսված առավել մեղմ պատժից, ապա առավել մեղմ պատիժը: Տվյալ դեպքում չավարտված արարքների համար նախատեսված պատժի առավելագույն ժամկետը ՀՀ քրեական օրենսգրքի ուժով երեք տարի ինը ամիս ժամկետով ազատազրկումն է, հետևաբար արագացված կարգ կիրառելու պայմաններում` ամբաստանյալի նկատմամբ չավարտված արարքների համար նշանակվող պատիժը չի կարող գերազանցել երկու տարի վեց ամիս ժամկետով ազատազրկումը: Իսկ ինչ վերաբերում է ավարատված արարքների համար նշանակվող պատժին, ապա այն չի կարող գերազանցել երեք տարի չորս ամիս ժամկետով ազատազրկումը:
Ելնելով վերոգրյալից և հաշվի առնելով Ռամազ Շիոմգվդլիշվիլիի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, Դատարանը գտնում է, որ ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով Ռամազ Մերաբի Շիոմգվդլիշվիլիի նկատմամբ պատիժ պետք է նշանակել ազատազրկում` 2 (երկու) տարի 6 (վեց) ամիս ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 1-ին կետի 1-ին ենթակետի համաձայն` պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց` բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի: Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը, սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Ռամազ Մերաբի Շիոմգվդլիշվիլիի նկատմամբ Համաներման որոշման կիրառման համար:
Հիմք ընդունելով վերը նշվածը` Դատարանը գտնում է, որ Համաներման որոշման կիրառմամբ ամբաստանյալ Ռամազ Մերաբի Շիոմգվդլիշվիլիին պետք է ազատել ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նշանակված պաժից:
Ելնելով վերոգրյալից և հաշվի առնելով Ռամազ Շիոմգվդլիշվիլիի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, Դատարանը գտնում է, որ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով Ռամազ Մերաբի Շիոմգվդլիշվիլիի նկատմամբ պատիժ պետք է նշանակել ազատազրկում` 3 (երեք) տարի 3 (երեք) ամիս ժամկետով:
Համաներման որոշման 8-րդ կետի 3-րդ ենթակետի համաձայն` պատժաչափի չկրած մասը պետք է կրճատել մեկ երրորդով` դիտավորությամբ հանցագործություն կատարելու համար առավելագույնը տասը տարի ժամկետով ազատազրկման դատապարտված անձանց նկատմամբ` բացառությամբ սույն կետի 4-րդ և 5-րդ ենթակետերով նախատեսված դեպքերի:
Հիմք ընդունելով վերը նշվածը` Դատարանը գտնում է, որ Համաներման որոշման կիրառմամբ Ռամազ Մերաբի Շիոմգվդլիշվիլիի նկատմամբ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով նշանակված պատժաչափի չկրած մասը պետք է կրճատել մեկ երրորդով:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Ռամազ Շիոմգվդլիշվիլիի պատժի կրման սկիզբը պետք է հաշվել 2010 թվականի հուլիսի 22-ից, քանի որ նա ձերբակալվել է այդ օրը, իսկ 2010 թվականի հուլիսի 24-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Ռամազ Շիոմգվդլիշվիլիի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2010 թվականի սեպտեմբերի 9-ի որոշմամբ իրեղեն ապացույց ճանաչված` Արայիկ Մինասյանի բնակարանի մուտքի դռան փականը, միջուկը և բանալիները պետք է թողնել Արայիկ Մինասյանի տնօրինությանը:
Դատարանը գտնում է, որ դատավճիռն օրինական ուժի մեջ մտնելուց հետո` 2010 թվականի հուլիսի 21-ի անձնական զննությամբ առգրավված 420 ԱՄՆ դոլարը և «Նոկիա 1208» տեսակի բջջային հեռախոսը պետք է վերադարձնել Ռամազ Մերաբի Շիոմգվդլիշվիլիին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով։ Սույն գործով 2009 թվականի նոյեմբերի 4-ին տուժող Մեղեդի Ղազարյանը, այնուհետև` 2010 թվականի օգոստոսի 5-ին տուժող Արտաշես Թանթուշյանը ճանաչվել են քաղաքացիական հայցվորներ: ՀՀ քրեական դատավարության օրենսգրքի 308-րդ հոդվածի 2-րդ մասի համաձայն` քաղաքացիական հայցվորի չներկայանալու դեպքում դատարանը քաղաքացիական հայցը թողնում է առանց քննության` քաղաքացիական հայցվորին իրավունք վերապահելով հայց հարուցել քաղաքացիական դատավարության կարգով: Քանի որ, քաղաքացիական հայցվորներ (տուժողներ) Մեղեդի Ղազարյանը և Արտաշես Թանթուշյանը չեն ներկայացել դատական նիստին և չեն միջնորդել քաղաքացիական հայցերը քննարկել իրենց բացակայությամբ, ուստի նրանց կողմից հարուցած քաղաքացիական հայցերը պետք է թողնել առանց քննության: Քաղաքացիական հայցերն առանց քննության թողնելու պարագայում Դատարանն այլևս չի անդրադառնում քաղաքացիական հայցերի` ՀՀ քրեական դատավարության օրենսգրքի և/կամ այլ օրենքների պահանջներին համապատասխան ներկայացված լինելու, ինչպես նաև հիմնավոր կամ անհիմն լինելու հարցերին:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախսերը` տուժողին հանցագործության հետևանքով պատճառված վնասի փոխհատուցման գումարները, ամբաստանյալ Ռամազ Շիոմգվդլիշվիլիից Դատարանի նախաձեռնությամբ ենթակա չեն բռնագանձման, քանի որ տուժողների կողմից իրենց գույքային շահերն անձամբ պաշտպանելու հնարավորությունից զրկված լինելու վերաբերյալ տվյալները բացակայում են: Ինչ վերաբերում է ՀՀ քրեական դատավարության օրենսգրքի 168-րդ հոդվածի առաջին մասի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալներից ենթակա չեն բռնագանձման։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Ռամազ Մերաբի Շիոմգվդլիշվիլիին մեղավոր ճանաչել ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով և 177-րդ հոդվածի 2-րդ մասի 1-ին, 2-րդ, 3-րդ կետերով:
ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով Ռամազ Մերաբի Շիոմգվդլիշվիլիի նկատմամբ պատիժ նշանակել ազատազրկում` 2 (երկու) տարի 6 (վեց) ամիս ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 1-ին ենթակետի կիրառմամբ Ռամազ Մերաբի Շիոմգվդլիշվիլիին ազատել ՀՀ քրեական օրենսգրքի 34-177-րդ հոդվածի 2-րդ մասի 3-րդ կետով նշանակված պատժից:
ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով Ռամազ Մերաբի Շիոմգվդլիշվիլիի նկատմամբ պատիժ նշանակել ազատազրկում` 3 (երեք) տարի 3 (երեք) ամիս ժամկետով` պատժի կրման սկիզբը հաշվելով 2010 թվականի հուլիսի 22-ից:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 8-րդ կետի 3-րդ ենթակետի կիրառմամբ Ռամազ Մերաբի Շիոմգվդլիշվիլիի նկատմամբ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, 3-րդ կետերով նշանակված պատժաչափի չկրած մասը կրճատել մեկ երրորդով:
Ռամազ Մերաբի Շիոմգվդլիշվիլիի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Մեղեդի Ղազարյանի և Արտաշես Թանթուշյանի կողմից ներկայացված քաղաքացիական հայցերը թողնել առանց քննության:
Դատավճիռն օրինական ուժի մեջ մտնելուց հետո` 2010 թվականի սեպտեմբերի 9-ի որոշմամբ իրեղեն ապացույց ճանաչված` Արայիկ Մինասյանի բնակարանի մուտքի դռան փականը, միջուկը և բանալիները թողնել Արայիկ Մինասյանի տնօրինությանը:
Դատավճիռն օրինական ուժի մեջ մտնելուց հետո` 2010 թվականի հուլիսի 21-ի անձնական զննությամբ առգրավված 420 ԱՄՆ դոլարը և «Նոկիա 1208» տեսակի բջջային հեռախոսը վերադարձնել Ռամազ Մերաբի Շիոմգվդլիշվիլիին:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ