Հիմնական

Գործի համար: ԵԿԴ/0320/01/10
Վիճակագրական տողի համար : 11.1

Պատասխանող

Բաղդասար Խաչատրյան
Բաղդասար Խաչատրյան Ղարիբ

Դատավոր

Քրեական վերաքննիչ

Մասիս Ռեհանյան

Կենտրոն և Նորք-Մարաշ

Գագիկ Պողոսյան

Դատավոր

Քրեական վերաքննիչ

Մասիս Ռեհանյան

Կենտրոն և Նորք-Մարաշ

Գագիկ Պողոսյան

Մեղադրական եզրակացության համառոտ բովանդակություն: Մեղադրվում է այն բանի համար, որ նա առանց իրացնելու նպատակի ապօրինի ձեռք է բերել և պահել պրեկուրսոր հանդիսացող 1.4 մլ ծավալով քացախաթթվի անհիդրիդ, 0.25 գրամ ափիոն և 2 ներարկիչմների մեջ լցված զգալի չափի 0.0648 գրամ ացետիլացված ափիոն տեսակի թմրամիջոց
Դատարան Օր Ժամ Դատարանի դահլիճի համար Ստատուս Որոշում Այլ նշումներ
Քրեական վերաքննիչ 2011-03-23 16:00 4 Մեղադրողի չներկայանալու պատճառով:
Կենտրոն և Նորք-Մարաշ 2010-12-21 10:00 1
Կենտրոն և Նորք-Մարաշ 2011-02-08 17:50 1
Գործ ԵԿԴ/0320/01/10

Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ`

ՆԱԽԱԳԱՀՈՂ ԴԱՏԱՎՈՐ Մ.ՌԵՀԱՆՅԱՆ
ԴԱՏԱՎՈՐՆԵՐ Ա.ԴԱՆԻԵԼՅԱՆ
Մ.ԱՐՂԱՄԱՆՅԱՆ

ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ

Մասնակցությամբ`

ԴԱՏԱԽԱԶ` Ա.ՄԱՅԻԼՅԱՆԻ
ԱՄԲԱՍՏԱՆՅԱԼ` Բ.ԽԱՉԱՏՐՅԱՆԻ

2011թ. մարտի 23-ին ք.Երևան

Դռնբաց դատական նիստում, քննության առնելով մեղադրող Ա.Մայիլյանի վերաքննիչ բողոքն ամբաստանյալ Բաղդասար Ղարիբի Խաչատրյանի վերաբերյալ` ՀՀ քրեական օրենսգրքի 266-րդ հոդվածի 4-րդ մասով, ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռի դեմ,

Պ Ա Ր Զ Ե Ց

1.Գործի դատավարական նախապատմությունը.
2010թ. օգոստոսի 14-ին, ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնում` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով հարուցվել է թիվ 13140310 քրեական գործը:
2010թ. օգոստոսի 14-ին, Բաղդասար Ղարիբի Խաչատրյանի նկատմամբ` որպես խափանման միջոց, կիրառվել է ստորագրություն` չհեռանալու մասին:
2010թ.օգոստոսի 17-ին, նախաքննական մարմնի որոշմամբ Բաղդասար Խաչատրյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։
2010թ. հոկտեմբերի 21-ի որոշմամբ, ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը` թիվ 13140310 քրեական գործն ընդունել է իր վարույթ։
2010թ. նոյեմբերի 16-ի որոշմամբ ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը թիվ 13140310 քրեական գործի նյութերով` ՀՀ քրեական օրենսգրքի 266-րդ հոդվածի 1-ին, 4-րդ մասերով, հարուցել է թիվ 15107310 քրեական գործը և այն ընդունել վարույթ։
2010թ. նոյեմբերի 16-ի որոշմամբ, թիվ 13140310 քրեական գործով Բաղդասար Խաչատրյանի անձնական զննությամբ հայտնաբերված դանակի մասով, քրեական հետապնդում չիրականացնել ` հանցակազմի բացակայության պատճառաբանությամբ:
2010թ. նոյեմբերի 25-ին Բաղդասար Խաչատրյանի վերաբերյալ, թիվ 13140310 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռով Բաղդասար Ղարիբի Խաչատրյանը մեղավոր է ճանաչվել ՀՀ քրեական օրենսգրքի 266-րդ հոդվածի 4-րդ և ՀՀ քրեական օրենսգրքի 268-րդ հոդվածի 1-ին մասերով և դատապարտվել` ՀՀ քրեական օրենսգրքի 266-րդ հոդվածի 4-րդ մասով` 100.000 (հարյուր հազար) դրամ տուգանքի, ՀՀ քրեական օրենսգրքի 268-րդ հոդվածի 1-ին մասով` կալանքի 2 (երկու) ամիս ժամկետով։
ՀՀ քրեական օրենսգրքի 66-րդ հոդվածի 2-րդ մասի համաձայն` նշանակված պատիժները լրիվ գումարելու միջոցով, որպես վերջնական պատիժ` նշանակվել է կալանք 2 (երկու) ամիս ժամկետով և 100.000 (հարյուր հազար) դրամ տուգանք։
Բաղդասար Խաչատրյանի նկատմամբ նշանակվել է հարկադիր բուժում թմրամոլությունից` արտահիվանդանոցային հոգեբուժական օգնություն ցուցաբերող առողջապահական մարմինների հաստատությունում։
Բաղդասար Խաչատրյանի նկատմամբ կիրառված խափանման միջոցը թողնվել է անփոփոխ` մինչև դատավճռի օրինական ուժի մեջ մտնելը, և նրա պատժի կրման սկիզբը հաշվվել է դատավճիռն օրինական ուժի մեջ մտնելուց հետո նրան արգելանքի վերցնելու օրվանից։
Վճռվել է. իրեղեն ապացույցները` 0,2 գրամ քաշով «Ափիոն», երկու ներարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամիջոցներն ու 0,9 մլ պրեկուրսոր հանդիսացող քացախաթթվի անհիդրիդը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15107310 քրեական գործով, տնօրինելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռի դեմ վերաքննիչ բողոք է բերել մեղադրող Ա.Մայիլյանը:
2. Գործի փաստական հանգամանքները
Բաղդասար Խաչատրյանին` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով մեղադրանք է առաջադրվել այն բանի համար, որ նա 2010թ. օգոստոսի 11-ին, Երևան քաղաքի <<Վերնիսաժ>> տոնավաճառում, գործով չպարզված իր ծանոթ Ավետիքից անհատույց` իր գործածման համար, վերցրել է և իր մոտ պահել է 0,25 գրամ հաստատուն քաշով <<Ափիոն>> տեսակի թմրամիջոց, 0,0648 գրամ ընդհանուր քաշով <<Ացետիլացված ափիոն>>-ի պարունակությամբ 1,5 մլ և 1,2 մլ ծավալներով լուծույթներով լցված երկու ներարկիչ և 1,4 մլ ծավալով քացախաթթվի անհիդրիդի պարունակությամբ մեկ հատ ներարկիչ, որոնք 2010թ. օգոստոսի 13-ին` ՀՀ ոստիկանության Կենտրոնականի բաժնում, հայտնաբերվել են նրա անձնական խուզարկությամբ։
3.Վերաքննիչ բողոքի հիմքերը, փաստարկները և պահանջը.
Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով.
Վերաքննիչ բողոքում հեղինակը նշել է, որ գտնում է Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը 08.02.2011թ. դատավճռով, Բաղդասար Խաչատրյանի նկատմամբ պատիժ սահմանելիս գտել է, որ նա իր կատարած արարքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, այն, որ արատավորված չի եղել, համաձայնվել է մեղադրանքի հետ, անկեղծորեն զղջացել է կատարածի համար, հանգել է հետևության, որ ամբաստանյալի ուղղվելը հնարավոր է մեղմ պատիժ սահմանելով։
Գտնում է, որ դատարանի կողմից խախտվել է ՀՀ քրեական օրենսգրքի 10-րդ, 48-րդ հոդվածի 2-րդ մասի, 61–րդ հոդվածների դրույթները` նշանակված մեղմ պատիժը չի համապատասխանում կատարված հանցանքի ծանրությանը և ամբաստանյալի անձին։
Խնդրել է Բաղդասար Ղարիբի Խաչատրյանի նկատմամբ`ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 08.02.2011թ. դատական ակտը պատժի մասով բեկանել և նշանակել համաչափ՝ ազատազրկման ձևով պատիժ:
4.Վերաքննիչ բողոքի դեմ բերված պատասխանը.
Մեղադրողի վերաքննիչ բողոքի դեմ առարկեց ամբաստանյալը` նշելով, որ իրեն մեղավոր է ճանաչում, զղջում է կատարածի համար, խնդրում է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճիռը թողնել անփոփոխ, իսկ բերված բողոքը մերժել:
5. Վերաքննիչ դատարանի պատճառաբանությունները և եզրահանգումը
Քննելով վերաքննիչ բողոքը նշված հիմքերի սահմաններում, ՀՀ վերաքննիչ քրեական դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատական ակտը պետք է թողնել անփոփոխ, իսկ մեղադրողի վերաքննիչ բողոքը մերժել հետևյալ պատճառաբանությամբ.
ՀՀ քրեական օրենսգրքի 10-րդ հոդվածն ամրագրել է` արդարության և պատասխանատվության անհատականացման սկզբունքը: Պատիժ նշանակելիս արդարության սկզբունքը դրսևորում է օրենքով նախատեսված մի շարք պահանջներով: Հանցանք կատարած անձի նկատմամբ կիրառվող պատիժն արդարացի է, եթե համապատասխանում է հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար է անձին ուղղելու և նրա կողմից նոր հանցանքի կատարումը կանխելու համար:
ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի հատուկ մասի համապատասխան հոդվածի սահմաններում` հաշվի առնելով նույն օրենսգրքի ընդհանուր մասի դրույթները:
ՀՀ քրեական օրենսգրքի 48-րդ հոդվածի 2-րդ մասի համաձայն՝ հանցագործության համար մեղավոր ճանաչված անձի նկատմամբ նշանակվող պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Պատիժ նշանակելիս հանցավորի նկատմամբ անհատական մոտեցումն անհրաժեշտ է, որպեսզի դատարանը պատժի տեսակն ու չափը ընտրելիս համոզվի, որ դրանով կհասնի պատժի վերը նշված նպատակներին, որոնք փոխկապակցված և փոխհամաձայնեցված են (մեկ նպատակով նպատակը ենթադրում է մյուսները և յուրաքանչյուրի ինքնուրույն իրականացումն օժանդակում է մյուսներին): Այսինքն` պատժի նպատակներին հասնելու երաշխիք է հանցագործություն կատարած անձի նկատմամբ արդարացի, արարքի ծանրությանը և հասարակական վտանգավորությանը համապատասխան պատիժ նշանակելը:
Վերաքննիչ դատարանն արձանագրում է, որ ընդհանուր իրավասության դատարանն ամբաստանյալ Բաղդասար Ղարիբի Խաչատրյանի նկատմամբ պատիժ նշանակելիս` հաշվի է առել որպես պատասխանատվությունն ու պատիժը մեղմացնող հանգամանք նրա վատառողջ լինելը այն որ տառապում է խրոնիկ ձգձգվող հեպատիտ` ցիրոզի անցումով, խրոնիկ խոլեցիստոպանկրեատիտ` պայմանական շրջանում, միզաքարային դիաթեզ, խրոնիկ գաստրիտ և սիմպտոմատիկ հիպերտոնիա ախտորոշումներով հիվանդություններով, ինչպես նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը և նրա նկատմամբ` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով,
ՀՀ քրեական օրենսգրքի 66-րդ հոդվածի 2-րդ մասի կիրառմամբ` որպես վերջնական պատիժ` նշանակել է կալանք 2 (երկու) ամիս ժամկետով և 100.000 (հարյուր հազար/ դրամ տուգանքի։
Վերաքննիչ դատարանը մեղադրողի վերաքննիչ բողոքի առկայության պայմաններում, քննության առնելով ամբաստանյալ Բաղդասար Ղարիբի Խաչատրյանի նկատմամբ նշանակված պատժի հարցը, գտնում է, որ ընդհանուր իրավասության դատարանը հաշվի առնելով նրա կողմից կատարված հանցագործության բնույթը և հասարակական վտանգավորության աստիճանը, դատական ակտում շարադրված ամբաստանյալի անձը բնութագրող, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը հանգել է ճիշտ հետևության և վերջինիս նկատմամբ նշանակել է համաչափ պատիժ:
ՀՀ Վերաքննիչ դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատական ակտը ամբաստանյալ` Բաղդասար Խաչատրյանի նկատմամբ հիմնավորված է, օրինական, հետևաբար վերաքննիչ բողոքում նշված պատճառաբանությունները հիմք չեն կարող հանդիսանալ դատական ակտը բեկանելու և ամբաստանյալի նկատմամբ նշանակված պատիժը խստացնելու համար:
ՀՀ վերաքննիչ քրեական դատարանը` ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 23-րդ, 390-րդ, 393-394-րդ, 402-րդ հոդվածներով,

Ո Ր Ո Շ Ե Ց

Ամբաստանյալ Բաղդասար Ղարիբի Խաչատրյանի վերաբերյալ` ՀՀ քրեական օրենսգրքի 266-րդ հոդվածի 4-րդ մասով, ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճիռը թողնել անփոփոխ, իսկ մեղադրողի վերաքննիչ բողոքը մերժել:
Սույն որոշումը կարող է բողոքարկվել ՀՀ վճռաբեկ դատարան հրապարակման պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ ստորագրություն
ԴԱՏԱՎՈՐՆԵՐ ստորագրություններ

Իսկականի հետ ճիշտ է:

ՆԱԽԱԳԱՀՈՂ ԴԱՏԱՎՈՐ Մ.ՌԵՀԱՆՅԱՆ
ԵԿԴ/0320/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ՄԱՅԻԼՅԱՆԻ
ամբաստանյալ Բ.ԽԱՉԱՏՐՅԱՆԻ

2011թ. փետրվարի 8-ին դատարանում` դռնբաց դատական նիստում, քննեց գործն ըստ մե-ղադրանքի` Բաղդասար Ղարիբի Խաչատրյանի` ծնված 12.10.1957թ. ք.Երևանում, ազգությամբ հայ, ՀՀ քաղաքացի, իր հայտարարությամբ` ամուսնացած և միջնակարգ կրթությամբ, վատառողջ, չի աշ-խատում, Երևան քաղաքի նախկին Կենտրոն և Նորք-Մարաշ համայնքների ընդհանուր իրավասու-թյան դատարանի 07.05.2008թ. դատավճռով ՀՀ քրեական օրենսգրքի 235-րդ հոդվածի 1-ին և 271-րդ հոդվածի 1-ին մասերով` նույն օրենգրքի 66-րդ հոդվածի համաձայն, դատապարտվել է ազատա-զրկման 6 ամիս ժամկետով և 50.000 դրամ տուգանքի, ՀՀ քրեական օրենսգրքի 70-րդ հոդվածի կի-րառմամբ ազատազրկման ձևով նշանակված պատիժը պայմանականորեն չի կիրառվել և սահման-վել է փորձաշրջան 1 տարի ժամկետով, դատվածությունը` մարված, բնակվում է` ք.Երևան, Նալ-բանդյան փողոց, 50-րդ շենք, հ. 19 բնակարան, արգելանքի տակ չէ, մեղադրվում է ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Ասատրյանը 2010թ. օգոստոսի 14-ի որոշմամբ ՀՀ քրեական օրենսգրքի 266-րդ հոդ-վածի 4-րդ և 268-րդ հոդվածի 1-ին մասերով հարուցել է թիվ 13140310 քրեական գործն ու այն ընդունել իր վարույթ, նույն օրը կայացրած մեկ այլ որոշմամբ Բաղդասար Ղարիբի Խաչա-տըրյանի նկատմամբ` որպես խափանման միջոց, կիրառել է ստորագրություն` չհեռանալու մասին, իսկ 2010թ. օգոստոսի 17-ի որոշմամբ Բ.Խաչատրյանին ներգրավել է որպես մեղա-դըրյալ ու նրան մեղադրանք է առաջադրել ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը 2010թ. հոկտեմբերի 21-ի որոշմամբ թիվ 13140310 քրեական գործն ըն-դունել է իր վարույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը 2010թ. նոյեմբերի 16-ի որոշմամբ թիվ 13140310 քրեական գործի նյու-թերով ՀՀ քրեական օրենսգրքի 266-րդ հոդվածի 1-ին և 4-րդ մասերով հարուցել է թիվ 15107310 քրեական գործն ու այն ընդունել իր վարույթ։
2010թ. նոյեմբերի 25-ին թիվ 13140310 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհա-նուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանի (դատավոր Գ.Պողոսյան) 2010թ. նոյեմբերի 29-ի որոշմամբ Բաղդասար Ղարիբի Խաչատրյանի վերաբերյալ ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով քրեական գործն ընդունվել է վարույթ, իսկ 2010թ. դեկտեմբերի 13-ի որոշմամբ նշանակվել է դատաքննության։
Ամբաստանյալ Բաղդասար Խաչատրյանին ՀՀ քրեական օրենսգրքի 266-րդ հոդվածի 4-րդ ու 268-րդ հոդվածի 1-ին մասերով մեղադրանք է առաջադրվել այն բանի համար, որ նա. «2010թ-ի օգոստոսի 11-ին ոմն Ավետիքից ապօրինի ձեռք է բերել 1,4 մլ պրեկուրսոր հանդի-սացող քացախաթթվի անհիդրիդ և զգալի չափի 0,25 մգ քաշով ափիոն տեսակի թմրամիջոց, 1,5 մլ և 1,2 մլ քաշով ացետիլացված ափիոն տեսակի թմրամիջոց, որոնք հայտնաբերվել են 2010թ-ի օգոստոսի 13-ին ՀՀ ոստիկանության Կենտրոնականի բաժնում` անձնական խու-զարկության ժամանակ»։
Նախաքննության ընթացքում ամբաստանյալ Բ.Խաչատրյանն իրեն մեղավոր է ճա-նաչել լիովին և տվել խոստովանական ցուցմունքներ։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Բաղդասար Խաչատրյանը 2010թ. օգոստոսի 11-ին` ք.Երևանի «Վերնիսաժ» տոնավաճառում, գործով չպարզված իր ծանոթ Ավետիքից անհատույց` իր գործածման համար, վերցրել է և իր մոտ պահել է 0,25 գրամ հաս-տատուն քաշով «Ափիոն» տեսակի թմրամիջոց, 0,0648 գրամ ընդհանուր քաշով «Ացետիլաց-ված ափիոն»-ի պարունակությամբ 1,5 մլ և 1,2 մլ ծավալներով լուծույթներով լցված երկու նե-րարկիչ և 1,4 մլ ծավալով քացախաթթվի անհիդրիդի պարունակությամբ մեկ հատ ներարկիչ, որոնք 2010թ. օգոստոսի 13-ին` ՀՀ ոստիկանության Կենտրոնականի բաժնում, հայտնաբեր-վել են նրա անձնական խուզարկությամբ։

Ապացույցների հետազոտում և գնահատում.

Դատաքննությամբ ամբաստանյալ Բաղդասար Խաչատրյանը ՀՀ քրեական օրենս-գրքի 266-րդ հոդվածի 4-րդ ու 268-րդ հոդվածի 1-ին մասերով առաջադրված մեղադրանքում իրեն մեղավոր ճանաչեց լիովին և հրաժարվեց ցուցմունք տալուց, սակայն պատասխանելով իրեն ուղղված հարցերին, հայտնեց, որ իր մոտից հայտնաբերված թմրամիջոցները ձեռք է բերել իր ծանոթ Ավետիքից։
Ամբաստանյալ Բ.Խաչատրյանի դատաքննությամբ հետազոտված նախաքննական ցուցմունքների համաձայն 2010թ. օգոստոսի 11-ին` ք.Երևանի «Վերնիսաժ» տոնավաճառում իր ծանոթ Ավետիքից իր oգտագործման համար` որպես նվեր, վերցրել է և իր մոտ պահել «Ա-փիոն» տեսակի թմրանյութ։ 2010թ. օգոստոսի 13-ին` ժամը 12-ի սահմաններում, իր ծանոթ տաքսու վարորդ Արթուր Բեկտաշյանի ավտոմեքենայով գնացել է ք.Երևանի Նոր-Նորքի 6-րդ զանգվածում բնակվող իր բարեկամին տեսնելու և նրանից գումար վերցնելու համար, ու երբ վերադարձել է, դրսում իրեն սպասող Ա.Բեկտաշյանի մոտ` նրա հետ վերադառնալիս` Նոր-Նորքի 4-րդ զանգվածից ոստիկանության աշխատակիցներն իրենց բերման են ենթարկել ՀՀ ոստիկանության Կենտրոնականի բաժին, որտեղ էլ անձնական խուզարկությամբ իր մոտից հայտնաբերվել են ֆոլգայի մեջ փաթաթված 0,3 գրամ քաշով «Ափիոն» տեսակի թմրանյութ և 3 հատ ներարկիչ, որոնցից երկուսի մեջ լցված է եղել «Ափիոն» տեսակի թմրանյութ, իսկ մյու-սի մեջ` պրեկուրսոր, որոնց վերաբերյալ ասել է, որ դրանք իրենն են և որ դրանք վերցրել է իր ծանոթ Ավետիքից։
Վկա` տաքսի ավտոմեքենայի վարորդ, Արթուր Բեկտաշյանի ցուցմունքի համաձայն` 2010թ. օգոստոսի 13-ին զանգահարել է իր հաճախորդ Բ.Խաչատրյանը և միասին գնացել են ք.Երևանի Նոր-Նորքի 6-րդ զանգված, որտեղ նրան սպասել է ավտոմեքենայի մեջ։ Որոշ ժա-մանակ անց Բ.Խաչատրյանը վերադարձել է և Կենտրոն համայնք իջնելու ճանապարհին` Նոր-Նորքի 4-րդ զանգվածում, ոստիկանության աշխատակիցները կանգնեցրել են իր ավտո-մեքենան ու իրենց բերման են ենթարկել ոստիկանության Կենտրոնականի բաժին, որտեղ իրենց խուզարկել են և, Բ.Խաչատրյանի մոտից ինչ-որ բան հայտնաբերելով, ասել են, որ դա հնարավոր է, որ թմրանյութ է։
Վկաներ Յուրիկ Մանուկյանի և Հրանտ Միրիջանյանի նույնաբովանդակ ցուցմունքնե-րի համաձայն` 2010թ. օգոստոսի 13-ին` ժամը 1600-ի սահմաններում, իրենց ներկայությամբ կատարված Բաղդասար Խաչատրյանի անձնական խուզարկությամբ նրա վերնաշապիկի ձախ կողմի գրպանից հայտնաբերվել է փայլուն թղթով փաթեթավորված սև զանգված` 0,3 գրամ քաշով, իսկ ծոցից` 3 հատ 2 միլիգրամ տարողությամբ ներարկիչներ, որոնցից երկուսի մեջ եղել են 1,3 և 1,5 մգ շագանակագույն զանգվածներ, իսկ երրորդի մեջ` 1,3 մգ թափանցիկ զանգված։
Բ.Խաչատրյանը հայտարարել է, որ 2 ներարկիչիում եղած շագանակագույն զանգ-վածը «Ափիոն» տեսակի թմրանյութ է, երրորդի մեջ` քացախաթթվի անհիդրիդ, իսկ սև զանգ-վածն «Ափիոն» տեսակի թմրամիջոց է և դրանք պատկանում են իրեն։
«Անձնական խուզարկության մասին» 13.08.2010թ. արձանագրության համաձայն` 2010թ. օգոստոսի 13-ին Բաղդասար Ղարիբի Խաչատրյանի անձնական խուզարկությամբ` նրա վերնաշապիկի ձախ կողմի գրպանից, հայտնաբերվել է փայլուն թղթով փաթեթավոր-ված, 0,3 գրամ քաշով ափիոնանման սև զանգված, ծոցից` պոլիէթիլենային տոպրակ, որի մեջ առկա է եղել 3 հատ 2 մլ տարողությամբ ներարկիչներ` ասեղներով, որոնցից երկուսի մեջ առ-կա է եղել 1,3 և 1,5 մլ շագանակագույն զանգված, իսկ երրորդի մեջ` 1,3 մլ թափանցիկ զանգ-ված։ Բ.Խաչատրյանը հայտարարել է, որ հայտնաբերվածը պատկանում է իրեն, ներարկիչ-ներից երկուսի մեջ «Ափիոն» տեսակի թմրամիջոց է, երրորդի մեջ` քացախաթթվի անհիդրիդ, իսկ սև զանգվածն «Ափիոն» տեսակի թմրամիջոց է։
Դատաքիմիական փորձաքննության 14.08.2010թ. հ. 385 Ք եզրակացության համա-ձայն` փորձաքննությանը ներկայացված 0,25 գրամ հաստատուն քաշով նյութը հանդիսա-նում է «Ափիոն» տեսակի թմրամիջոց։
Փորձաքննությանը ներկայացված ներարկիչներում առկա 1,5 մլ և 1,2 մլ ծավալներով շագանակագույն լուծույթները հանդիսանում են «Ացետիլացված ափիոն» տեսակի թմրամի-ջոցի լուծույթներ, որոնցում չոր «Ացետիլացված ափիոն»-ի քաշը կազմում է` ընդհանուր 0,0648 գրամ (0,0348 գրամ և 0,03 գրամ)։
Փորձաքննությանը ներկայացված ներարկիչում առկա 1,4 մլ ծավալով անգույն թա-փանցող հեղուկը հանդիսանում է քացախաթթվի անհիդրիդ։
Տոքսիկոքիմիական փորձաքննության 02.09.2010թ. հ.10-2167 եզրակացության համա-ձայն` Բաղդասար Ղարիբի Խաչատրյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։
«Իրեղեն ապացույց ճանաչելու և քրեական գործին կցելու մասին» 12.11.2010թ. որոշ-ման համաձայն` իրեղեն ապացույց են ճանաչվել ու քրեական գործին կցվել 0,25 գրամ քա-շով «Ափիոն», երկու ներարկիչների մեջ լցված 0,0648 գրամ ընդհանուր քաշով «Ացետիլաց-ված ափիոն» տեսակի թմրամիջոցներն ու մեկ ներարկիչում 1,4 մլ պրեկուրսոր հանդիսացող քացախաթթվի անհիդրիդը։
Դատանարկոլոգիական փորձաքննության 29.09.2010թ. թիվ 281/10 եզրակացություն-ների համաձայն` Բաղդասար Ղարիբի Խաչատրյանը տառապում է «Ափիոնային թմրամոլու-թյամբ», հարկադիր բուժման կարիք ունի, որի համար հակացուցումներ չկան։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակ-ցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաս-տի ապացույցների բավարար ամբողջությամբ հաստատվում է, որ ամբաստանյալ Խ.Բաղ-դասարյանն առանց իրացնելու նպատակի, ապօրինի ձեռք է բերել ու իր մոտ պահել թմրամի-ջոց պատրաստելու նպատակով պրեկուրսոր և զգալի չափերով թմրամիջոց։
Ամբաստանյալի կատարած հանցանքները հաստատվում են ինչպես իր իսկ խոստո-վանական ցուցմունքներով, այնպես էլ դատաքննությամբ հետազոտված ու համակցության մեջ գնահատված մյուս ապացույցներով, նրա կատարած արարքներին տրվել են ճիշտ քրեաիրավական գնահատականներ և քրեական գործի ապացույցները ձեռք են բերվել քրեադատավարական օրենքի պահանջների պահպանմամբ։
Այսպիսով, դատարանն ապացուցված է համարում, որ ամբաստանյալ Խ.Բաղդասար-յանը կատարել է հանցանքներ` նախատեսված ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով, որոնցով և նա պետք է պատասխանատվության են-թարկվի։
Ամբաստանյալի նկատմամբ պատիժ նշանակելիս` պատիժների տեսակը և չափը որո-շելիս, դատարանը հաշվի է առնում նրա կատարած հանցագործությունների բնույթն ու հան-րության համար վտանգավորության աստիճանը և նրա անձը։
Որպես ամբաստանյալ Բ.Խաչատրյանի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է դիտավորյալ հանցագործություններ, իսկ որպես նրա պատասխանատվությունն ու պատիժը մեղմացնող հանգամանք` որ վատառողջ է. տառապում է խրոնիկ ձգձգվող հեպատիտ` ցիրոզի անցումով, խրոնիկ խոլեցիստոպանկ-րեատիտ` պայմանական շրջանում, միզաքարային դիաթեզ, խրոնիկ գաստրիտ և սիմպտո-մատիկ հիպերտոնիա ախտորոշումներով հիվանդություններով։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, նկատի ունենալով ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող վերոգրյալ հանգամանքները, նրա պա-տասխանատվությունն ու պատիժը ծանրացնող հանգամանքների բացակայությունը և, ելնե-լով ՀՀ քրեական օրենսգրքի 10-րդ ու 61-րդ հոդվածներով սահմանված արդարության, պա-տասխանատվության անհատականացման և պատիժ նշանակելու ընդհանուր սկզբունքնե-րից, գտնում է, որ ամբաստանյալ Բ.Խաչատրյանի ուղղվելը հնարավոր է նրա կատարած հանցագործությունների համար նախատեսված պատիժներից նվազ խիստ տեսակը նշանա-կելով, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար։
Դատարանը, քննության առնելով իրեղեն ապացույցների տնօրինման հարցը, գտնում է, որ փորձաքննության կատարումից հետո մնացած 0,2 գրամ քաշով «Ափիոն», երկու նե-րարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամի-ջոցներն ու մեկ ներարկիչում 0,9 մլ պրեկուրսոր հանդիսացող քացախաթթվի անհիդրիդը պետք է վերադարձվեն ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15107310 քրեական գոր-ծով, տնօրինելու համար։
Դատարանը, նկատի ունենալով, որ դատանարկոլոգիական փորձաքննության եզրա-կացության համաձայն ամբաստանյալ Բ.Խաչատրյանը տառապում է «Ափիոնային թմրամո-լությամբ», հարկադիր բուժման կարիք ունի, որի համար հակացուցումներ չկան, գտնում է, որ նրա նկատմամբ պետք է նշանակվի հարկադիր բուժում թմրամոլությունից` արտահիվանդա-նոցային հոգեբուժական օգնություն ցուցաբերող առողջապահական մարմինների հաստա-տությունում։
Քննության առնելով ամբաստանյալի նկատմամբ ընտրված խափանման միջոցի հար-ցը և հաշվի առնելով, որ նա չի թաքնվել քրեական վարույթն իրականացնող մարմնից, չի խո-չընդոտել գործի քննությանը, չի կատարել քրեական օրենքով չթույլատրված արարք, ունի մշտական բնակության վայր ու չի խուսափի քրեական պատասխանատվությունից և նշա-նակված պատիժը կրելուց` դատարանը գտնում է, որ նրա նկատմամբ ընտրված խափան-ման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ ու նրա պատժի կրման սկիզբը պետք է հաշվվի դատավճիռն օրինական ուժի մեջ մտնելուց հե-տո` նրան արգելանքի վերցնելու օրվանից։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 119, 357-360, 365, 367 և 369-372 հոդվածներով` դատարանը

Վ Ճ Ռ Ե Ց

Բաղդասար Ղարիբի Խաչատրյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով և ՀՀ քրեական օրենսգրքի 266-րդ հոդվա-ծի 4-րդ մասով դատապարտել 100.000 (մեկ հարյուր հազար) դրամ տուգանքի, իսկ ՀՀ քրեա-կան օրենսգրքի 268-րդ հոդվածի 1-ին մասով` կալանքի 2 (երկու) ամիս ժամկետով։
ՀՀ քրեական օրենսգրքի 66-րդ հոդվածի 2-րդ մասի համաձայն` նշանակված պատիժ-ները լրիվ գումարելու միջոցով, որպես վերջնական պատիժ` նշանակել կալանք 2 (երկու) ամիս ժամկետով և 100.000 (երկու հարյուր հազար) դրամ տուգանք։
Բ.Խաչատրյանի նկատմամբ նշանակել հարկադիր բուժում թմրամոլությունից` ար-տահիվանդանոցային հոգեբուժական օգնություն ցուցաբերող առողջապահական մարմին-ների հաստատությունում։
Բ.Խաչատրյանի նկատմամբ կիրառված խափանման միջոցը թողնել անփոփոխ` մին-չև դատավճռի օրինական ուժի մեջ մտնելը, և նրա պատժի կրման սկիզբը հաշվել դատա-վճիռն օրինական ուժի մեջ մտնելուց հետո նրան արգելանքի վերցնելու օրվանից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Իրեղեն ապացույցները` 0,2 գրամ քաշով «Ափիոն», երկու ներարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամիջոցներն ու 0,9 մլ պրեկուրսոր հանդիսացող քացախաթթվի անհիդրիդը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մա-սով` թիվ 15107310 քրեական գործով, տնօրինելու համար։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ
Դատական գործ N: ԵԿԴ/0320/01/10
Կենտրոն և Նորք-Մարաշ
Նոր քրեական գործ
Երբ է գործը ստացվել 26-11-2010
Քրեական գործի համարը 0320/01/10
Ինչ կարգով է գործը ստացվել Առաջին անգամ
Դատախազություն Կենտրոն և Նորք-Մարաշ վարչական շրջանների դատախազություն
Նախաքննական գործի համարը 13140310
Մեղադրական եզրակացության համառոտ բովանդակություն Մեղադրվում է այն բանի համար, որ նա առանց իրացնելու նպատակի ապօրինի ձեռք է բերել և պահել պրեկուրսոր հանդիսացող 1.4 մլ ծավալով քացախաթթվի անհիդրիդ, 0.25 գրամ ափիոն և 2 ներարկիչմների մեջ լցված զգալի չափի 0.0648 գրամ ացետիլացված ափիոն տեսակի թմրամիջոց
Մեղադրյալ
Անձ
Անուն Բաղդասար
Ազգանուն Խաչատրյան
Հայրանուն Ղարիբ
Հասցե ---------------
Սոցիալական քարտ ---------------
Վիճակագրական տողի համարը 11.1
Չափահաս Այո
Մակագրել
Երբ 26-11-2010
Նախագահող դատավոր
Անուն Գագիկ
Ազգանուն Պողոսյան
Ընդունվել է վարույթ
Երբ 29-11-2010
Որոշումը ուղարկվել է կողմերին 29-11-2010
Ուղարկվել է հուշաթերթիկ/որոշումը 29-11-2010
Նշանակվել է դատական քննություն
Երբ 21-12-2010
Դատավարության կողմեր
Ժամ 10:00
Նիստերի դահլիճի համարը 1
Նշանակվել է դատական նիստ/դատական քննություն
Երբ 29-12-2010
Ժամ 10:00
Նիստերի դահլիճի համարը 1
Նշանակվել է դատական նիստ/դատական քննություն
Երբ 19-01-2011
Ժամ 11:00
Նիստերի դահլիճի համարը 1
Նշանակվել է դատական նիստ/դատական քննություն
Երբ 27-01-2011
Ժամ 10:00
Նիստերի դահլիճի համարը 1
Նշանակվել է դատական նիստ/դատական քննություն
Երբ 04-02-2011
Ժամ 17:00
Նիստերի դահլիճի համարը 1
Նշանակվել է դատական նիստ/դատական քննություն
Երբ 08-02-2011
Ժամ 17:50
Նիստերի դահլիճի համարը 1
Կայացվել է դատավճիռ
Ամսաթիվ 08-02-2011
Մեղադրական
Ամսաթիվ 08-02-2011
Դատական ակտ
Դատական ակտի բովանդակությունը ԵԿԴ/0320/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ՄԱՅԻԼՅԱՆԻ
ամբաստանյալ Բ.ԽԱՉԱՏՐՅԱՆԻ

2011թ. փետրվարի 8-ին դատարանում` դռնբաց դատական նիստում, քննեց գործն ըստ մե-ղադրանքի` Բաղդասար Ղարիբի Խաչատրյանի` ծնված 12.10.1957թ. ք.Երևանում, ազգությամբ հայ, ՀՀ քաղաքացի, իր հայտարարությամբ` ամուսնացած և միջնակարգ կրթությամբ, վատառողջ, չի աշ-խատում, Երևան քաղաքի նախկին Կենտրոն և Նորք-Մարաշ համայնքների ընդհանուր իրավասու-թյան դատարանի 07.05.2008թ. դատավճռով ՀՀ քրեական օրենսգրքի 235-րդ հոդվածի 1-ին և 271-րդ հոդվածի 1-ին մասերով` նույն օրենգրքի 66-րդ հոդվածի համաձայն, դատապարտվել է ազատա-զրկման 6 ամիս ժամկետով և 50.000 դրամ տուգանքի, ՀՀ քրեական օրենսգրքի 70-րդ հոդվածի կի-րառմամբ ազատազրկման ձևով նշանակված պատիժը պայմանականորեն չի կիրառվել և սահման-վել է փորձաշրջան 1 տարի ժամկետով, դատվածությունը` մարված, բնակվում է` ք.Երևան, Նալ-բանդյան փողոց, 50-րդ շենք, հ. 19 բնակարան, արգելանքի տակ չէ, մեղադրվում է ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Ասատրյանը 2010թ. օգոստոսի 14-ի որոշմամբ ՀՀ քրեական օրենսգրքի 266-րդ հոդ-վածի 4-րդ և 268-րդ հոդվածի 1-ին մասերով հարուցել է թիվ 13140310 քրեական գործն ու այն ընդունել իր վարույթ, նույն օրը կայացրած մեկ այլ որոշմամբ Բաղդասար Ղարիբի Խաչա-տըրյանի նկատմամբ` որպես խափանման միջոց, կիրառել է ստորագրություն` չհեռանալու մասին, իսկ 2010թ. օգոստոսի 17-ի որոշմամբ Բ.Խաչատրյանին ներգրավել է որպես մեղա-դըրյալ ու նրան մեղադրանք է առաջադրել ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը 2010թ. հոկտեմբերի 21-ի որոշմամբ թիվ 13140310 քրեական գործն ըն-դունել է իր վարույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը 2010թ. նոյեմբերի 16-ի որոշմամբ թիվ 13140310 քրեական գործի նյու-թերով ՀՀ քրեական օրենսգրքի 266-րդ հոդվածի 1-ին և 4-րդ մասերով հարուցել է թիվ 15107310 քրեական գործն ու այն ընդունել իր վարույթ։
2010թ. նոյեմբերի 25-ին թիվ 13140310 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհա-նուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանի (դատավոր Գ.Պողոսյան) 2010թ. նոյեմբերի 29-ի որոշմամբ Բաղդասար Ղարիբի Խաչատրյանի վերաբերյալ ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով քրեական գործն ընդունվել է վարույթ, իսկ 2010թ. դեկտեմբերի 13-ի որոշմամբ նշանակվել է դատաքննության։
Ամբաստանյալ Բաղդասար Խաչատրյանին ՀՀ քրեական օրենսգրքի 266-րդ հոդվածի 4-րդ ու 268-րդ հոդվածի 1-ին մասերով մեղադրանք է առաջադրվել այն բանի համար, որ նա. «2010թ-ի օգոստոսի 11-ին ոմն Ավետիքից ապօրինի ձեռք է բերել 1,4 մլ պրեկուրսոր հանդի-սացող քացախաթթվի անհիդրիդ և զգալի չափի 0,25 մգ քաշով ափիոն տեսակի թմրամիջոց, 1,5 մլ և 1,2 մլ քաշով ացետիլացված ափիոն տեսակի թմրամիջոց, որոնք հայտնաբերվել են 2010թ-ի օգոստոսի 13-ին ՀՀ ոստիկանության Կենտրոնականի բաժնում` անձնական խու-զարկության ժամանակ»։
Նախաքննության ընթացքում ամբաստանյալ Բ.Խաչատրյանն իրեն մեղավոր է ճա-նաչել լիովին և տվել խոստովանական ցուցմունքներ։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Բաղդասար Խաչատրյանը 2010թ. օգոստոսի 11-ին` ք.Երևանի «Վերնիսաժ» տոնավաճառում, գործով չպարզված իր ծանոթ Ավետիքից անհատույց` իր գործածման համար, վերցրել է և իր մոտ պահել է 0,25 գրամ հաս-տատուն քաշով «Ափիոն» տեսակի թմրամիջոց, 0,0648 գրամ ընդհանուր քաշով «Ացետիլաց-ված ափիոն»-ի պարունակությամբ 1,5 մլ և 1,2 մլ ծավալներով լուծույթներով լցված երկու նե-րարկիչ և 1,4 մլ ծավալով քացախաթթվի անհիդրիդի պարունակությամբ մեկ հատ ներարկիչ, որոնք 2010թ. օգոստոսի 13-ին` ՀՀ ոստիկանության Կենտրոնականի բաժնում, հայտնաբեր-վել են նրա անձնական խուզարկությամբ։

Ապացույցների հետազոտում և գնահատում.

Դատաքննությամբ ամբաստանյալ Բաղդասար Խաչատրյանը ՀՀ քրեական օրենս-գրքի 266-րդ հոդվածի 4-րդ ու 268-րդ հոդվածի 1-ին մասերով առաջադրված մեղադրանքում իրեն մեղավոր ճանաչեց լիովին և հրաժարվեց ցուցմունք տալուց, սակայն պատասխանելով իրեն ուղղված հարցերին, հայտնեց, որ իր մոտից հայտնաբերված թմրամիջոցները ձեռք է բերել իր ծանոթ Ավետիքից։
Ամբաստանյալ Բ.Խաչատրյանի դատաքննությամբ հետազոտված նախաքննական ցուցմունքների համաձայն 2010թ. օգոստոսի 11-ին` ք.Երևանի «Վերնիսաժ» տոնավաճառում իր ծանոթ Ավետիքից իր oգտագործման համար` որպես նվեր, վերցրել է և իր մոտ պահել «Ա-փիոն» տեսակի թմրանյութ։ 2010թ. օգոստոսի 13-ին` ժամը 12-ի սահմաններում, իր ծանոթ տաքսու վարորդ Արթուր Բեկտաշյանի ավտոմեքենայով գնացել է ք.Երևանի Նոր-Նորքի 6-րդ զանգվածում բնակվող իր բարեկամին տեսնելու և նրանից գումար վերցնելու համար, ու երբ վերադարձել է, դրսում իրեն սպասող Ա.Բեկտաշյանի մոտ` նրա հետ վերադառնալիս` Նոր-Նորքի 4-րդ զանգվածից ոստիկանության աշխատակիցներն իրենց բերման են ենթարկել ՀՀ ոստիկանության Կենտրոնականի բաժին, որտեղ էլ անձնական խուզարկությամբ իր մոտից հայտնաբերվել են ֆոլգայի մեջ փաթաթված 0,3 գրամ քաշով «Ափիոն» տեսակի թմրանյութ և 3 հատ ներարկիչ, որոնցից երկուսի մեջ լցված է եղել «Ափիոն» տեսակի թմրանյութ, իսկ մյու-սի մեջ` պրեկուրսոր, որոնց վերաբերյալ ասել է, որ դրանք իրենն են և որ դրանք վերցրել է իր ծանոթ Ավետիքից։
Վկա` տաքսի ավտոմեքենայի վարորդ, Արթուր Բեկտաշյանի ցուցմունքի համաձայն` 2010թ. օգոստոսի 13-ին զանգահարել է իր հաճախորդ Բ.Խաչատրյանը և միասին գնացել են ք.Երևանի Նոր-Նորքի 6-րդ զանգված, որտեղ նրան սպասել է ավտոմեքենայի մեջ։ Որոշ ժա-մանակ անց Բ.Խաչատրյանը վերադարձել է և Կենտրոն համայնք իջնելու ճանապարհին` Նոր-Նորքի 4-րդ զանգվածում, ոստիկանության աշխատակիցները կանգնեցրել են իր ավտո-մեքենան ու իրենց բերման են ենթարկել ոստիկանության Կենտրոնականի բաժին, որտեղ իրենց խուզարկել են և, Բ.Խաչատրյանի մոտից ինչ-որ բան հայտնաբերելով, ասել են, որ դա հնարավոր է, որ թմրանյութ է։
Վկաներ Յուրիկ Մանուկյանի և Հրանտ Միրիջանյանի նույնաբովանդակ ցուցմունքնե-րի համաձայն` 2010թ. օգոստոսի 13-ին` ժամը 1600-ի սահմաններում, իրենց ներկայությամբ կատարված Բաղդասար Խաչատրյանի անձնական խուզարկությամբ նրա վերնաշապիկի ձախ կողմի գրպանից հայտնաբերվել է փայլուն թղթով փաթեթավորված սև զանգված` 0,3 գրամ քաշով, իսկ ծոցից` 3 հատ 2 միլիգրամ տարողությամբ ներարկիչներ, որոնցից երկուսի մեջ եղել են 1,3 և 1,5 մգ շագանակագույն զանգվածներ, իսկ երրորդի մեջ` 1,3 մգ թափանցիկ զանգված։
Բ.Խաչատրյանը հայտարարել է, որ 2 ներարկիչիում եղած շագանակագույն զանգ-վածը «Ափիոն» տեսակի թմրանյութ է, երրորդի մեջ` քացախաթթվի անհիդրիդ, իսկ սև զանգ-վածն «Ափիոն» տեսակի թմրամիջոց է և դրանք պատկանում են իրեն։
«Անձնական խուզարկության մասին» 13.08.2010թ. արձանագրության համաձայն` 2010թ. օգոստոսի 13-ին Բաղդասար Ղարիբի Խաչատրյանի անձնական խուզարկությամբ` նրա վերնաշապիկի ձախ կողմի գրպանից, հայտնաբերվել է փայլուն թղթով փաթեթավոր-ված, 0,3 գրամ քաշով ափիոնանման սև զանգված, ծոցից` պոլիէթիլենային տոպրակ, որի մեջ առկա է եղել 3 հատ 2 մլ տարողությամբ ներարկիչներ` ասեղներով, որոնցից երկուսի մեջ առ-կա է եղել 1,3 և 1,5 մլ շագանակագույն զանգված, իսկ երրորդի մեջ` 1,3 մլ թափանցիկ զանգ-ված։ Բ.Խաչատրյանը հայտարարել է, որ հայտնաբերվածը պատկանում է իրեն, ներարկիչ-ներից երկուսի մեջ «Ափիոն» տեսակի թմրամիջոց է, երրորդի մեջ` քացախաթթվի անհիդրիդ, իսկ սև զանգվածն «Ափիոն» տեսակի թմրամիջոց է։
Դատաքիմիական փորձաքննության 14.08.2010թ. հ. 385 Ք եզրակացության համա-ձայն` փորձաքննությանը ներկայացված 0,25 գրամ հաստատուն քաշով նյութը հանդիսա-նում է «Ափիոն» տեսակի թմրամիջոց։
Փորձաքննությանը ներկայացված ներարկիչներում առկա 1,5 մլ և 1,2 մլ ծավալներով շագանակագույն լուծույթները հանդիսանում են «Ացետիլացված ափիոն» տեսակի թմրամի-ջոցի լուծույթներ, որոնցում չոր «Ացետիլացված ափիոն»-ի քաշը կազմում է` ընդհանուր 0,0648 գրամ (0,0348 գրամ և 0,03 գրամ)։
Փորձաքննությանը ներկայացված ներարկիչում առկա 1,4 մլ ծավալով անգույն թա-փանցող հեղուկը հանդիսանում է քացախաթթվի անհիդրիդ։
Տոքսիկոքիմիական փորձաքննության 02.09.2010թ. հ.10-2167 եզրակացության համա-ձայն` Բաղդասար Ղարիբի Խաչատրյանից վերցված մազի և մեզի փորձանմուշների մեջ հայտնաբերվել են ափիոնի խմբին պատկանող թմրամիջոցի թմրալկալոիդներ։
«Իրեղեն ապացույց ճանաչելու և քրեական գործին կցելու մասին» 12.11.2010թ. որոշ-ման համաձայն` իրեղեն ապացույց են ճանաչվել ու քրեական գործին կցվել 0,25 գրամ քա-շով «Ափիոն», երկու ներարկիչների մեջ լցված 0,0648 գրամ ընդհանուր քաշով «Ացետիլաց-ված ափիոն» տեսակի թմրամիջոցներն ու մեկ ներարկիչում 1,4 մլ պրեկուրսոր հանդիսացող քացախաթթվի անհիդրիդը։
Դատանարկոլոգիական փորձաքննության 29.09.2010թ. թիվ 281/10 եզրակացություն-ների համաձայն` Բաղդասար Ղարիբի Խաչատրյանը տառապում է «Ափիոնային թմրամոլու-թյամբ», հարկադիր բուժման կարիք ունի, որի համար հակացուցումներ չկան։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակ-ցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաս-տի ապացույցների բավարար ամբողջությամբ հաստատվում է, որ ամբաստանյալ Խ.Բաղ-դասարյանն առանց իրացնելու նպատակի, ապօրինի ձեռք է բերել ու իր մոտ պահել թմրամի-ջոց պատրաստելու նպատակով պրեկուրսոր և զգալի չափերով թմրամիջոց։
Ամբաստանյալի կատարած հանցանքները հաստատվում են ինչպես իր իսկ խոստո-վանական ցուցմունքներով, այնպես էլ դատաքննությամբ հետազոտված ու համակցության մեջ գնահատված մյուս ապացույցներով, նրա կատարած արարքներին տրվել են ճիշտ քրեաիրավական գնահատականներ և քրեական գործի ապացույցները ձեռք են բերվել քրեադատավարական օրենքի պահանջների պահպանմամբ։
Այսպիսով, դատարանն ապացուցված է համարում, որ ամբաստանյալ Խ.Բաղդասար-յանը կատարել է հանցանքներ` նախատեսված ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով, որոնցով և նա պետք է պատասխանատվության են-թարկվի։
Ամբաստանյալի նկատմամբ պատիժ նշանակելիս` պատիժների տեսակը և չափը որո-շելիս, դատարանը հաշվի է առնում նրա կատարած հանցագործությունների բնույթն ու հան-րության համար վտանգավորության աստիճանը և նրա անձը։
Որպես ամբաստանյալ Բ.Խաչատրյանի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է դիտավորյալ հանցագործություններ, իսկ որպես նրա պատասխանատվությունն ու պատիժը մեղմացնող հանգամանք` որ վատառողջ է. տառապում է խրոնիկ ձգձգվող հեպատիտ` ցիրոզի անցումով, խրոնիկ խոլեցիստոպանկ-րեատիտ` պայմանական շրջանում, միզաքարային դիաթեզ, խրոնիկ գաստրիտ և սիմպտո-մատիկ հիպերտոնիա ախտորոշումներով հիվանդություններով։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Դատարանը, նկատի ունենալով ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող վերոգրյալ հանգամանքները, նրա պա-տասխանատվությունն ու պատիժը ծանրացնող հանգամանքների բացակայությունը և, ելնե-լով ՀՀ քրեական օրենսգրքի 10-րդ ու 61-րդ հոդվածներով սահմանված արդարության, պա-տասխանատվության անհատականացման և պատիժ նշանակելու ընդհանուր սկզբունքնե-րից, գտնում է, որ ամբաստանյալ Բ.Խաչատրյանի ուղղվելը հնարավոր է նրա կատարած հանցագործությունների համար նախատեսված պատիժներից նվազ խիստ տեսակը նշանա-կելով, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար։
Դատարանը, քննության առնելով իրեղեն ապացույցների տնօրինման հարցը, գտնում է, որ փորձաքննության կատարումից հետո մնացած 0,2 գրամ քաշով «Ափիոն», երկու նե-րարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամի-ջոցներն ու մեկ ներարկիչում 0,9 մլ պրեկուրսոր հանդիսացող քացախաթթվի անհիդրիդը պետք է վերադարձվեն ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15107310 քրեական գոր-ծով, տնօրինելու համար։
Դատարանը, նկատի ունենալով, որ դատանարկոլոգիական փորձաքննության եզրա-կացության համաձայն ամբաստանյալ Բ.Խաչատրյանը տառապում է «Ափիոնային թմրամո-լությամբ», հարկադիր բուժման կարիք ունի, որի համար հակացուցումներ չկան, գտնում է, որ նրա նկատմամբ պետք է նշանակվի հարկադիր բուժում թմրամոլությունից` արտահիվանդա-նոցային հոգեբուժական օգնություն ցուցաբերող առողջապահական մարմինների հաստա-տությունում։
Քննության առնելով ամբաստանյալի նկատմամբ ընտրված խափանման միջոցի հար-ցը և հաշվի առնելով, որ նա չի թաքնվել քրեական վարույթն իրականացնող մարմնից, չի խո-չընդոտել գործի քննությանը, չի կատարել քրեական օրենքով չթույլատրված արարք, ունի մշտական բնակության վայր ու չի խուսափի քրեական պատասխանատվությունից և նշա-նակված պատիժը կրելուց` դատարանը գտնում է, որ նրա նկատմամբ ընտրված խափան-ման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ ու նրա պատժի կրման սկիզբը պետք է հաշվվի դատավճիռն օրինական ուժի մեջ մտնելուց հե-տո` նրան արգելանքի վերցնելու օրվանից։
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 119, 357-360, 365, 367 և 369-372 հոդվածներով` դատարանը

Վ Ճ Ռ Ե Ց

Բաղդասար Ղարիբի Խաչատրյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով և ՀՀ քրեական օրենսգրքի 266-րդ հոդվա-ծի 4-րդ մասով դատապարտել 100.000 (մեկ հարյուր հազար) դրամ տուգանքի, իսկ ՀՀ քրեա-կան օրենսգրքի 268-րդ հոդվածի 1-ին մասով` կալանքի 2 (երկու) ամիս ժամկետով։
ՀՀ քրեական օրենսգրքի 66-րդ հոդվածի 2-րդ մասի համաձայն` նշանակված պատիժ-ները լրիվ գումարելու միջոցով, որպես վերջնական պատիժ` նշանակել կալանք 2 (երկու) ամիս ժամկետով և 100.000 (երկու հարյուր հազար) դրամ տուգանք։
Բ.Խաչատրյանի նկատմամբ նշանակել հարկադիր բուժում թմրամոլությունից` ար-տահիվանդանոցային հոգեբուժական օգնություն ցուցաբերող առողջապահական մարմին-ների հաստատությունում։
Բ.Խաչատրյանի նկատմամբ կիրառված խափանման միջոցը թողնել անփոփոխ` մին-չև դատավճռի օրինական ուժի մեջ մտնելը, և նրա պատժի կրման սկիզբը հաշվել դատա-վճիռն օրինական ուժի մեջ մտնելուց հետո նրան արգելանքի վերցնելու օրվանից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Իրեղեն ապացույցները` 0,2 գրամ քաշով «Ափիոն», երկու ներարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամիջոցներն ու 0,9 մլ պրեկուրսոր հանդիսացող քացախաթթվի անհիդրիդը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մա-սով` թիվ 15107310 քրեական գործով, տնօրինելու համար։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ
Դատական ակտի ամսաթիվը 08-02-2011
Գործը հանձնվել է գրասենյակ
Գործը հանձնվել է գրասենյակ 28-02-2011
Էջերի քանակ 346
Գործն ուղարկվել է
Գործը ուղարկվել է 28-02-2011
Էջերի քանակը 346
Գործին կից նյութերը Բ. Խաչատրյանի անձնագիրը
ՈՒր(դատարան) Քրեական վերաքննիչ
Ելքի գրության համարը Ե-4754
Գործը բողոքարկվել է
Ամսաթիվ 01-03-2011
Գործը ստացվել է (կատարումն ապահովելու համար, և ... )
Ամսաթիվ 03-05-2011
Դատավճռի, որոշման կատարում
Ամսաթիվ 23-05-2011
Գործը հանձնվել է գրասենյակ
Գործը հանձնվել է գրասենյակ 06-06-2011
Էջերի քանակ 389
Գործը հանձնվել է դատարանի արխիվ
Ամսաթիվ 16-05-2011
Էջերի քանակը 389
Դատական գործ N: ԵԿԴ/0320/01/10
Քրեական վերաքննիչ
Ստացվել է վերաքննիչ բողոք
Ամսաթիվ 21-02-2011
Ամսաթիվ 18-02-2011
Ում կողմից է բերվել բողոքը Մեղադրող
Բողոքը բերող անձը
Անուն Ա
Ազգանուն Մայիլյան
Հասցե ---------------
Սեռ 0
Բողոքի բովանդակությունը Բաղդասար Խաչատրյան Բեկանել պատժի մասով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` Բաղդասար Ղարիբի Խաչատրյանի /ՀՀ քր. օր-ի 268 հոդ. 1-ին մասով - կալանք` 2 ամիս ժամկետով և տուգանք` 100.000 ՀՀ դրամի չափով / վերաբերյալ 08.02.2011թ. դատավճիռը և նշանակել համաչափ` ազատազրկման ձևով պատիժ :
Բողոքի ստացման կարգը Առձեռն հանձնվել է գրասենյակ
Չափահաս Այո
Մակագրել
Ամսաթիվ 24-02-2011
Նախագահող դատավոր
Անուն Մասիս
Ազգանուն Ռեհանյան
Քրեական գործի մուտքագրում
Ամսաթիվ 01-03-2011
Կից փաստաթղթեր և իրեղեն ապացույց Բաղդասար Խաչատրյանի անձնագիրը:
Ընդունվել է վարույթ
Ամսաթիվ 02-03-2011
Նշանակվել է դատական քննություն
Երբ 18-03-2011
Ժամ 12:00
Նիստերի դահլիճի համարը 4
Նշանակվել է դատական քննություն
Երբ 23-03-2011
Ժամ 16:00
Այլ նշումներ Մեղադրողի չներկայանալու պատճառով:
Նիստերի դահլիճի համարը 4
Վերաքննիչ բողոքը մերժվել է և ստորադաս դատարանի դատական ակտը թողնվել է անփոփոխ
Անփոփոխ թողնված դատական ակտը Պատճառաբանվել է
Ամսաթիվ 23-03-2011
Ամբաստանյալ
Անուն Բաղդասար
Ազգանուն Խաչատրյան
Հասցե ---------------
Սեռ 0
Քր. դատ. օր. հոդված
Քր. դատ. օր. հոդված
Քր.օր. հոդված
Դատական ակտ
Դատական ակտ Գործ ԵԿԴ/0320/01/10

Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ`

ՆԱԽԱԳԱՀՈՂ ԴԱՏԱՎՈՐ Մ.ՌԵՀԱՆՅԱՆ
ԴԱՏԱՎՈՐՆԵՐ Ա.ԴԱՆԻԵԼՅԱՆ
Մ.ԱՐՂԱՄԱՆՅԱՆ

ՔԱՐՏՈՒՂԱՐՈՒԹՅԱՄԲ` Մ.ՄԵԼՔՈՆՅԱՆԻ

Մասնակցությամբ`

ԴԱՏԱԽԱԶ` Ա.ՄԱՅԻԼՅԱՆԻ
ԱՄԲԱՍՏԱՆՅԱԼ` Բ.ԽԱՉԱՏՐՅԱՆԻ

2011թ. մարտի 23-ին ք.Երևան

Դռնբաց դատական նիստում, քննության առնելով մեղադրող Ա.Մայիլյանի վերաքննիչ բողոքն ամբաստանյալ Բաղդասար Ղարիբի Խաչատրյանի վերաբերյալ` ՀՀ քրեական օրենսգրքի 266-րդ հոդվածի 4-րդ մասով, ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռի դեմ,

Պ Ա Ր Զ Ե Ց

1.Գործի դատավարական նախապատմությունը.
2010թ. օգոստոսի 14-ին, ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնում` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով հարուցվել է թիվ 13140310 քրեական գործը:
2010թ. օգոստոսի 14-ին, Բաղդասար Ղարիբի Խաչատրյանի նկատմամբ` որպես խափանման միջոց, կիրառվել է ստորագրություն` չհեռանալու մասին:
2010թ.օգոստոսի 17-ին, նախաքննական մարմնի որոշմամբ Բաղդասար Խաչատրյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով։
2010թ. հոկտեմբերի 21-ի որոշմամբ, ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը` թիվ 13140310 քրեական գործն ընդունել է իր վարույթ։
2010թ. նոյեմբերի 16-ի որոշմամբ ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Ա.Դալլաքյանը թիվ 13140310 քրեական գործի նյութերով` ՀՀ քրեական օրենսգրքի 266-րդ հոդվածի 1-ին, 4-րդ մասերով, հարուցել է թիվ 15107310 քրեական գործը և այն ընդունել վարույթ։
2010թ. նոյեմբերի 16-ի որոշմամբ, թիվ 13140310 քրեական գործով Բաղդասար Խաչատրյանի անձնական զննությամբ հայտնաբերված դանակի մասով, քրեական հետապնդում չիրականացնել ` հանցակազմի բացակայության պատճառաբանությամբ:
2010թ. նոյեմբերի 25-ին Բաղդասար Խաչատրյանի վերաբերյալ, թիվ 13140310 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռով Բաղդասար Ղարիբի Խաչատրյանը մեղավոր է ճանաչվել ՀՀ քրեական օրենսգրքի 266-րդ հոդվածի 4-րդ և ՀՀ քրեական օրենսգրքի 268-րդ հոդվածի 1-ին մասերով և դատապարտվել` ՀՀ քրեական օրենսգրքի 266-րդ հոդվածի 4-րդ մասով` 100.000 (հարյուր հազար) դրամ տուգանքի, ՀՀ քրեական օրենսգրքի 268-րդ հոդվածի 1-ին մասով` կալանքի 2 (երկու) ամիս ժամկետով։
ՀՀ քրեական օրենսգրքի 66-րդ հոդվածի 2-րդ մասի համաձայն` նշանակված պատիժները լրիվ գումարելու միջոցով, որպես վերջնական պատիժ` նշանակվել է կալանք 2 (երկու) ամիս ժամկետով և 100.000 (հարյուր հազար) դրամ տուգանք։
Բաղդասար Խաչատրյանի նկատմամբ նշանակվել է հարկադիր բուժում թմրամոլությունից` արտահիվանդանոցային հոգեբուժական օգնություն ցուցաբերող առողջապահական մարմինների հաստատությունում։
Բաղդասար Խաչատրյանի նկատմամբ կիրառված խափանման միջոցը թողնվել է անփոփոխ` մինչև դատավճռի օրինական ուժի մեջ մտնելը, և նրա պատժի կրման սկիզբը հաշվվել է դատավճիռն օրինական ուժի մեջ մտնելուց հետո նրան արգելանքի վերցնելու օրվանից։
Վճռվել է. իրեղեն ապացույցները` 0,2 գրամ քաշով «Ափիոն», երկու ներարկիչների մեջ լցված 2 մլ ընդհանուր քաշով «Ացետիլացված ափիոն» տեսակի թմրամիջոցներն ու 0,9 մլ պրեկուրսոր հանդիսացող քացախաթթվի անհիդրիդը վերադարձնել ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով` թիվ 15107310 քրեական գործով, տնօրինելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճռի դեմ վերաքննիչ բողոք է բերել մեղադրող Ա.Մայիլյանը:
2. Գործի փաստական հանգամանքները
Բաղդասար Խաչատրյանին` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով մեղադրանք է առաջադրվել այն բանի համար, որ նա 2010թ. օգոստոսի 11-ին, Երևան քաղաքի <<Վերնիսաժ>> տոնավաճառում, գործով չպարզված իր ծանոթ Ավետիքից անհատույց` իր գործածման համար, վերցրել է և իր մոտ պահել է 0,25 գրամ հաստատուն քաշով <<Ափիոն>> տեսակի թմրամիջոց, 0,0648 գրամ ընդհանուր քաշով <<Ացետիլացված ափիոն>>-ի պարունակությամբ 1,5 մլ և 1,2 մլ ծավալներով լուծույթներով լցված երկու ներարկիչ և 1,4 մլ ծավալով քացախաթթվի անհիդրիդի պարունակությամբ մեկ հատ ներարկիչ, որոնք 2010թ. օգոստոսի 13-ին` ՀՀ ոստիկանության Կենտրոնականի բաժնում, հայտնաբերվել են նրա անձնական խուզարկությամբ։
3.Վերաքննիչ բողոքի հիմքերը, փաստարկները և պահանջը.
Վերաքննիչ բողոքը քննվում է հետևյալ հիմքերի սահմաններում ներքոհիշյալ հիմնավորումներով.
Վերաքննիչ բողոքում հեղինակը նշել է, որ գտնում է Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը 08.02.2011թ. դատավճռով, Բաղդասար Խաչատրյանի նկատմամբ պատիժ սահմանելիս գտել է, որ նա իր կատարած արարքի համար ենթակա է պատժի և միաժամանակ հաշվի առնելով հանցավորի անձը բնութագրող տվյալները, այն, որ արատավորված չի եղել, համաձայնվել է մեղադրանքի հետ, անկեղծորեն զղջացել է կատարածի համար, հանգել է հետևության, որ ամբաստանյալի ուղղվելը հնարավոր է մեղմ պատիժ սահմանելով։
Գտնում է, որ դատարանի կողմից խախտվել է ՀՀ քրեական օրենսգրքի 10-րդ, 48-րդ հոդվածի 2-րդ մասի, 61–րդ հոդվածների դրույթները` նշանակված մեղմ պատիժը չի համապատասխանում կատարված հանցանքի ծանրությանը և ամբաստանյալի անձին։
Խնդրել է Բաղդասար Ղարիբի Խաչատրյանի նկատմամբ`ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 08.02.2011թ. դատական ակտը պատժի մասով բեկանել և նշանակել համաչափ՝ ազատազրկման ձևով պատիժ:
4.Վերաքննիչ բողոքի դեմ բերված պատասխանը.
Մեղադրողի վերաքննիչ բողոքի դեմ առարկեց ամբաստանյալը` նշելով, որ իրեն մեղավոր է ճանաչում, զղջում է կատարածի համար, խնդրում է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճիռը թողնել անփոփոխ, իսկ բերված բողոքը մերժել:
5. Վերաքննիչ դատարանի պատճառաբանությունները և եզրահանգումը
Քննելով վերաքննիչ բողոքը նշված հիմքերի սահմաններում, ՀՀ վերաքննիչ քրեական դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատական ակտը պետք է թողնել անփոփոխ, իսկ մեղադրողի վերաքննիչ բողոքը մերժել հետևյալ պատճառաբանությամբ.
ՀՀ քրեական օրենսգրքի 10-րդ հոդվածն ամրագրել է` արդարության և պատասխանատվության անհատականացման սկզբունքը: Պատիժ նշանակելիս արդարության սկզբունքը դրսևորում է օրենքով նախատեսված մի շարք պահանջներով: Հանցանք կատարած անձի նկատմամբ կիրառվող պատիժն արդարացի է, եթե համապատասխանում է հանցանքի ծանրությանը, դա կատարելու հանգամանքներին, հանցավորի անձնավորությանը, անհրաժեշտ և բավարար է անձին ուղղելու և նրա կողմից նոր հանցանքի կատարումը կանխելու համար:
ՀՀ քրեական օրենսգրքի 61-րդ հոդվածի 1-ին մասը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է քրեական օրենսգրքի հատուկ մասի համապատասխան հոդվածի սահմաններում` հաշվի առնելով նույն օրենսգրքի ընդհանուր մասի դրույթները:
ՀՀ քրեական օրենսգրքի 48-րդ հոդվածի 2-րդ մասի համաձայն՝ հանցագործության համար մեղավոր ճանաչված անձի նկատմամբ նշանակվող պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները:
Պատիժ նշանակելիս հանցավորի նկատմամբ անհատական մոտեցումն անհրաժեշտ է, որպեսզի դատարանը պատժի տեսակն ու չափը ընտրելիս համոզվի, որ դրանով կհասնի պատժի վերը նշված նպատակներին, որոնք փոխկապակցված և փոխհամաձայնեցված են (մեկ նպատակով նպատակը ենթադրում է մյուսները և յուրաքանչյուրի ինքնուրույն իրականացումն օժանդակում է մյուսներին): Այսինքն` պատժի նպատակներին հասնելու երաշխիք է հանցագործություն կատարած անձի նկատմամբ արդարացի, արարքի ծանրությանը և հասարակական վտանգավորությանը համապատասխան պատիժ նշանակելը:
Վերաքննիչ դատարանն արձանագրում է, որ ընդհանուր իրավասության դատարանն ամբաստանյալ Բաղդասար Ղարիբի Խաչատրյանի նկատմամբ պատիժ նշանակելիս` հաշվի է առել որպես պատասխանատվությունն ու պատիժը մեղմացնող հանգամանք նրա վատառողջ լինելը այն որ տառապում է խրոնիկ ձգձգվող հեպատիտ` ցիրոզի անցումով, խրոնիկ խոլեցիստոպանկրեատիտ` պայմանական շրջանում, միզաքարային դիաթեզ, խրոնիկ գաստրիտ և սիմպտոմատիկ հիպերտոնիա ախտորոշումներով հիվանդություններով, ինչպես նաև ամբաստանյալի պատասխանատվությունն ու պատիժը ծանրացնող հանգամանքների բացակայությունը և նրա նկատմամբ` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 1-ին մասերով,
ՀՀ քրեական օրենսգրքի 66-րդ հոդվածի 2-րդ մասի կիրառմամբ` որպես վերջնական պատիժ` նշանակել է կալանք 2 (երկու) ամիս ժամկետով և 100.000 (հարյուր հազար/ դրամ տուգանքի։
Վերաքննիչ դատարանը մեղադրողի վերաքննիչ բողոքի առկայության պայմաններում, քննության առնելով ամբաստանյալ Բաղդասար Ղարիբի Խաչատրյանի նկատմամբ նշանակված պատժի հարցը, գտնում է, որ ընդհանուր իրավասության դատարանը հաշվի առնելով նրա կողմից կատարված հանցագործության բնույթը և հասարակական վտանգավորության աստիճանը, դատական ակտում շարադրված ամբաստանյալի անձը բնութագրող, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը հանգել է ճիշտ հետևության և վերջինիս նկատմամբ նշանակել է համաչափ պատիժ:
ՀՀ Վերաքննիչ դատարանը գտնում է, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի դատական ակտը ամբաստանյալ` Բաղդասար Խաչատրյանի նկատմամբ հիմնավորված է, օրինական, հետևաբար վերաքննիչ բողոքում նշված պատճառաբանությունները հիմք չեն կարող հանդիսանալ դատական ակտը բեկանելու և ամբաստանյալի նկատմամբ նշանակված պատիժը խստացնելու համար:
ՀՀ վերաքննիչ քրեական դատարանը` ղեկավարվելով ՀՀ Սահմանադրության 92-րդ հոդվածով, ՀՀ քրեական դատավարության օրենսգրքի 23-րդ, 390-րդ, 393-394-րդ, 402-րդ հոդվածներով,

Ո Ր Ո Շ Ե Ց

Ամբաստանյալ Բաղդասար Ղարիբի Խաչատրյանի վերաբերյալ` ՀՀ քրեական օրենսգրքի 266-րդ հոդվածի 4-րդ մասով, ՀՀ քրեական օրենսգրքի 268-րդ հոդվածի 1-ին մասով, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի 2011թ. փետրվարի 08-ի դատավճիռը թողնել անփոփոխ, իսկ մեղադրողի վերաքննիչ բողոքը մերժել:
Սույն որոշումը կարող է բողոքարկվել ՀՀ վճռաբեկ դատարան հրապարակման պահից մեկամսյա ժամկետում:


ՆԱԽԱԳԱՀՈՂ ԴԱՏԱՎՈՐ ստորագրություն
ԴԱՏԱՎՈՐՆԵՐ ստորագրություններ

Իսկականի հետ ճիշտ է:

ՆԱԽԱԳԱՀՈՂ ԴԱՏԱՎՈՐ Մ.ՌԵՀԱՆՅԱՆ
Դատական ակտի ամսաթիվը 23-03-2011
Գործը հանձնվել է գրասենյակ
Ամսաթիվ 27-04-2011
Էջերի քանակը <372>:
Գործին կից նյութեր Բաղդասար Խաչատրյանի AE 0554632 անձնագիրը:
Գործն ուղարկվել է
Գործն ուղարկվել է 27-04-2011
Էջերի քանակը 372 թերթից
Գործին կից նյութերը ամբաստանյալի անձնագիրը
Ուր Կենտրոն և Նորք-Մարաշ
Գրության համարը Ե-5841/11