Գործ ԵԿԴ 0316/01/10


Ո Ր Ո Շ ՈՒ Մ

Անձին քրեական պատասխանատվությունից ազատելու և դաստիարակչական բնույթի հարկադրանքի միջոց կիրառելու մասին


ք.Երևան 09 դեկտեմբերի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ. ՂԱԶԱՐՅԱՆ
Քարտուղարությամբ` Է. Ավետիսյանի
ՄԱՍՆԱԿՑՈՒԹՅԱՄԲ`
Մեղադրող` Ա. Գալստյանի
Պաշտպան` Ս. Մկրտչյանի
Ամբաստանյալի օրինական
ներկայացուցիչ` Ն. Բալայանի




Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Անչափահաս Հայկ Գարիկի Օսիպյանի, ծնված
22.02.1993թ., ք.Երևան, հայ, ՀՀ քաղաքացի, միջնակարգ
կրթությամբ, ամուրի, խնամքին ոչ ոք, չի աշխատում,
չդատված, բնակվում է ք. Աբովյան, 3-րդ միկրոշրջան,
Չափիչի 2 շենք 12 բնակարանում։
Որպես խափանման միջոց ընտրվել է ծնողին հսկողության հանձնելը։
Մեղադրվում է ՀՀ քրեական օրենսգրքի 235 հոդվածի 4-րդ մասով։
Քրեական գործը հարուցվել է 02.10.2010թ. ՀՀ ոստիկանության ՔԳՎ Երևան քաղաքի ՔԳՎ Կենտրոնականի քննչական բաժնի կողմից։
Ամբաստանյալ Հայկ Օսիպյանին մեղադրանք է առաջադրվել այն բանի համար, որ նա չպարզված հանգամանքներում ձեռք է բերել և 2010թ. սեպտեմբերի 1-ին ապօրինի կերպով կրել է հարվածող փշրող սառը զենքերի շարքին դասվող մետաղյա կռփազենք, որը նույն օրը` ժամը 19։10-ի սահմաններում, վերջինիս մոտ հայտնաբերվել է ՀՀ ոստիկանության աշխատակիցների կողմից։
Քրեական գործը մեղադրական եզրակացությամբ ուղարկվել է դատարան 23.11.2010թ.-ին։
Մինչև դատաքննությունն սկսվելն ամբաստանյալ Հայկ Օսիպյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննությունն անցկացնելու հետևանքները։
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին։
Որպես անձը բնութագրող հանգամանքներ դատարանը հաշվի է առնում այն, որ նա տվել է խոստովանական ցուցմունքներ, զղջում է կատարածի համար, նախկինում արատավորված չի եղել, դրական է բնութագրվում բնակության վայրից, 2011թ. գարնանային զորակոչի զորակոչիկ է, գտնվում է նյութապես ծանր վիճակում, մայրը վատառողջ է, երեք տարեկանից մեծացել է առանց հայր։
Որպես մեղմացնող հանգամանք դատարանը արձանագրում է այն, որ ամբաստանյալը հանցանքը կատարել է առաջին անգամ հանգամանքների պատահական զուգորդմամբ, անչափահաս է։
Ծանրացնող հանգամանքներ դատարանը չի արձանագրում։
ՀՀ քրեական օրենսգրքի 91 հոդվածի համաձայն առաջին անգամ ոչ մեծ կամ միջին ծանրության հանցանք կատարած անչափահասը կարող է ազատվել քրեական պատասխանատվությունից, եթե դատարանը գտնի, որ նրա ուղղվելը հնարավոր է դաստիարակչական հարկադրական միջոցների կիրառմամբ
Դատարանը, ուսումնասիրելով քրեական գործի նյութերը, հաշվի առնելով ամբաստանյալի անձը բնութագրող, մեղմացնող հանգամանքների առկայությունը, ծանրացնող հանգամանքների բացակայությունը, եկավ համոզման, որ նպատակահարմար է ՀՀ քրեական օրենսգրքի 91 հոդվածի կարգով նրան ազատել քրեական պատասխանատվությունից` դաստիարակչական բնույթի հարկադրանքի միջոց կիրառելով։
Գործով իրեղեն ապացույց ճանաչված կռփազենքը պետք է ոչնչացնել։
Ելնելով վերոգրյալից և ղեկավարվելով ՀՀ քրեական օրենսգրքի 91, 92 հոդվածներով և ՀՀ քրեական դատավարության օրենսգրքի 313 հոդվածով` դատարանը



ՈՐՈՇԵՑ

ՀՀ քրեական օրենսգրքի 91 հոդվածի կարգով Հայկ Գարիկի Օսիպյանին` ՀՀ քրեական օրենսգրքի 235 հոդվածի 4-րդ մասով, ազատել քրեական պատասխանատվությունից` նրան հանձնելով ծնողի` Նաիրա Բադալյանի հսկողությանը 3 ամիս ժամկետով։
Խափանման միջոց` ծնողին հսկողության հանձնելը, վերացնել։
Գործով իրեղեն ապացույց ճանաչված կռփազենքը պետք ոչնչացնել։
Որոշումը կարող է բողոքարկվել ՀՀ Վերաքննիչ քրեական դատարան` հրապարակման օրվանից մեկամսյա ժամկետում։







ԴԱՏԱՎՈՐ՝ Կ.ՂԱԶԱՐՅԱՆ