Գործ Հ ԵԿԴ 0306/01/10

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ք.Երևան 02 դեկտեմբերի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ.ՂԱԶԱՐՅԱՆ
Քարտուղարությամբ` Է. Ավետիսյանի
ՄԱՍՆԱԿՑՈՒԹՅԱՄԲ`
Մեղադրող` Վ.Հովհաննիսյանի
Պաշտպան՝ Հ.Դավթյանի


Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Անդրանիկ Հարազատի Սիմոնյանի, ծնված 30.03.1967թ. ք.Թբիլիսի,
ազգությամբ հայ, ՀՀ քաղաքացի, ֆիզիկապես առողջ,միջնակարգ-
մասնագիտական կրթությամբ, ամուսնացած, խնամքին 2 անձ, չի
աշխատում, նախկինում դատված` 1.Արաբկիր շրջանի ընդհանուր
իրավասության դատարանի 20.02.2002թ դատավճռով` ՀՀ քր. օր-ի 213
հոդ. 2-րդ մասով` 41 հոդվածի կիրառմամբ` 1 տարի պայմանական
ազատազրկման, 2. Կենտրոն և Նորք-Մարաշ համայնքների առաջին
ատյանի դատարանի 11.10.2002թ դատավաճռով` ՀՀ քր. օր-ի 213 հոդ.
2-րդ մասով` 2 տարի ազատազրկման, Կենտրոն և Նորք Մարաշ
համայնքների առաջին ատյանի դատարանի 04.08.2003թ դատավճռով
ՀՀ քր օր-ի 325 հոդ.1 մասով, ՀՀ քր. օր-ի 67 հոդվածի կարգով 1 տարի
5 ամիս ազատազրկման, ազատվել է 21.08.2003թ, դատվածությունը
մարված, կալանավորվել է ՀՀ քր. օր-ի 325 հոդ. 1-ին մասի մեղադ-
րանքով, 19.03.09թ-ին Արաբկիր և Քանաքեռ-Զեյթուն համայքների
առաջին ատյանի դատարանի 23.06.09թ-ի 19.06.2009թ համաներու-
մով քրեական գործի վարույթը կարճվել է, հաշվառված է ք.Երևան
Նորքի 1-ին նրբ., 15 տուն, բնակվել է ք. Երևան, Մյասնիկյան փող. 41/3
տանը:
Խափանման միջոց է ընտրվել ստորագրություն չհեռանալու մասին:
Մեղադրվում է ՀՀ քրեական օրենսգրքի 325 հոդվածի 2-րդ մասով և 34-325 հոդվածի 2-րդ մասով:
Քրեական գործը հարուցվել է 2010թ-ին մարտի 31-ին ՀՀ ոստիկանության ՔԳՎ ՀԿԳ քննության վարչության կողմից:
Ամբաստանյալ Անդրանիկ Սիմոնյանին մեղադրանք է առաջադրվել այն բանի համար, որ նա 2010թ մարտի կեսերին Արմեն Սիմոնյանի հետ ձեռք է բերել նախնական համաձայնություն` իրացնելու նպատակով պատրաստելու կեղծ ծննդյան վկայական: Այնուհետև, Արմեն Սիմոնյանն Անդրանիկ Սիմոնյանին է տվել Աննա Օհանյանի անվամբ I-3ж սերիայի 074027 համարի ծննդյան վկայականի չլրացված ձևաթուղթ և իրացրել կեղծ ծննդյան վկայականը:
Բացի այդ, Անդրանիկ Սիմոնյանն իրացնելու նպատակով, 2010թ մարտի կեսերին, Արմեն Սիմոնյանի հետ ձեռք է բերել նախնական համաձայնություն` քիմիական միջոցներով կեղծելու Աննա Օհանյանի անվամբ I-3ж սերիայի 074027 համարի ծննդյան վկայականը, սակայն հանցագործությունն ավարտին հասցնել չեն կարողացել իրենց կամքից անկախ հանգամանքներում` նշված ծննդյան վկայականը ոստիկանության աշխատաիցների կողմից հայտնաբերելու և առգրավելու պատճառով:
Քրեական գործը մեղադրական եզրակացությամբ ուղարկվել է դատարան 2010թ-ի նոյեմբերի 15-ին:
Մինչ դատաքննությունն սկսվելն ամբաստանյալ Անդրանիկ Սիմոնյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննությունն անցկացնելու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Անդրանիկ Սիմոնյանը կատարել է ՀՀ քրեական 325 հոդվածի 2-րդ մասով և 34-325 հոդվածի 2-րդ մասով նախատեսված արարքներ, որոնց համար պետք է ենթարկվի քրեական պատասխանատվության և պատժի ու այն պետք է կրի:
Ամբաստանյալ Անդրանիկ Սիմոնյանի նկատմամբ պատիժ նշանակելիս, պատժի տեսակն ու չափը որոշելիս, դատարանը հաշվի է առնում նրա կատարած հանցագործության հանրության համար վտանգավորության աստիճանն ու բնույթը, նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Որպես ամբաստանյալի անձը բնութագրող տվյալներ, դատարանը արձանագրում է այն, որ ամբաստանյալը տվել է խոստովանական ցուցմունքներ, զղջում է կատարածի համար, խնամքին ունի 2 անչափահաս երեխա, դրական է բնութագրվում բնակության վայրից:
Որպես մեղմացնող հանգամանք դատարանը արձանագրում է այն, որ ամբաստանյալը խնամքին ունի 12 տարեկան 1 երեխա, մյուս 14 տարեկան երեխան վատառողջ է` տառապում է <պարբերական հիվանդության նոպա> ախտորոշմամբ:
Ծանրացնող հանգամանքներ դատարանը չի արձանագրում:
Քննության առնելով ամբաստանյալ Անդրանիկ Սիմոնյանի նկատմամբ ընտրված խափանման միջոցի հարցը` ստորագրություն չհեռանալու մասին, դատարանը գտավ, որ այն պետք է թողնել անփոփոխ մինչև դատավճռի օրինական ուժ ստանալը:
Գործով իրեղեն ապացույց հանդիսացող փաստաթղթերը պետք է թողնել քրեական գործում, իսկ մամլող-տաքացնող հարմարանքը` ՔԳՎ-ի իրեղեն ապացույցների համար նախատեսված սենյակում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 375-3 հոդվածներով, դատարանը

Վ Ճ Ռ Ե Ց

Անդրանիկ Հարազատի Սիմոնյանին մեղավոր ճանաչել ՀՀ քրեական օրենսգրքի 325 հոդվածի 2-րդ մասով և 34-325 հոդվածի 2-րդ մասով և դատապարտել` ՀՀ քրեական օրենսգրքի 325 հոդվածի 2-րդ մասով`ազատազրկման 6` վեց ամիս ժամկետով, ՀՀ քրեական օրենսգրքի 34-325 հոդվածի 2-րդ մասով`ազատազրկման 3` երեք ամիս ժամկետով: ՀՀ քրեական օրենսգրքի 66 հոդվածի կարգով պատիժները մասնակի գումարելու միջոցով վերջնական պատիժ նշանակել` ազատազրկում 7` յոթ ամիս ժամկետով, որը պետք է կրի ՀՀ ԱՆ համապատասխան ՔԿՀ-ում:
Խափանման միջոց ստորագրություն չհեռանալու մասին թողնել անփոփոխ մինչև դատավճռի օրինական ուժի մեջ մտնելը:
Գործով իրեղեն ապացույց հանդիսացող փաստաթղթերը թողնել քրեական գործում, իսկ մամլող-տաքացնող հարմարանքը` ՔԳՎ-ի իրեղեն ապացույցների համար նախատեսված սենյակում:
Դատավճիռը կարող է բողոքարկվել ՀՀ վերաքննիչ քրեական դատարանին հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:









ԴԱՏԱՎՈՐ՝ Կ.ՂԱԶԱՐՅԱՆ