Գործ Հ ԵԿԴ 0292/01/10

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ք.Երևան 06 դեկտեմբերի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ.ՂԱԶԱՐՅԱՆ
Քարտուղարությամբ` Է. Ավետիսյանի
ՄԱՍՆԱԿՑՈՒԹՅԱՄԲ`
Մեղադրող` Ա.Բեգինյանի
Պաշտպան՝ Հ.Դավթյանի


Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Արսեն Վոլոդյայի Սարգսյանի, ծնված 22.01.1984թ. ք.Երևան,
ազգությամբ հայ, ՀՀ քաղաքացի, ֆիզիկապես առողջ,
թերի բարձրագույն կրթությամբ, ամուսնացած, խնամքին 2 անձ ,
աշխատում է <Արմմոբիլ> ՍՊԸ-ում որպես պահնորդ, նախկինում
չդատված, բնակվում է ք. Երևան, Փափազյան 11 շենք, 7
բնակարանում:
Որպես խափանման միջոց ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 263 հոդվածի 1-ին մասով:
Տիգրան Հովհաննեսի Արծրունյանի, ծնված 25.03.1987թ. ՌԴ
Մոսկվա քաղաքում, ազգությամբ հայ, ՀՀ քաղաքացի, ֆիզիկապես
առողջ, միջնակարգ կրթությամբ, ամուրի, խնամքին ոչ ոք,
չի աշխատում , նախկինում չդատված, բնակվում է Երևան,
Արաբկիր 29 փողոց, 6 տանը:
Որպես խափանման միջոց ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 263 հոդվածի 1-ին և 2-րդ մասերով:
Քրեական գործը հարուցվել է 08.09.2010թ ՀՀ ոստիկանության Կենտրոնական քննչական բաժնի կողմից:
Ամբաստանյալ Արսեն Սարգսյանին մեղադրանք է առաջադրվել այն բանի համար, որ նա իրացնելու նպատակով, իր անձնական համակարգչով տարբեր ինտերնետային կայքերից վերարտադրել է պոռնկագրական բնույթի տեսանյութեր և դրանք ձայնագրելով տեսասկավառակների վրա, յուրաքանչյուրը 500 դրամ գումարով վաճառելու միջոցով իրացրել է Երևան քաղաքի <Վերնիսաժ> տոնավաճառում գտնվող վաճառակետում` տարբեր անձանց:
Ամբաստանյալ Տիգրան Արծրունյանին մեղադրանք է առաջադրվել այն բանի համար, որ նա իրացնելու նպատակով, իր անձնական համակարգչով տարբեր ինտերնետային կայքերից վերարտադրել է պոռնկագրական բնույթի տեսանյութեր և դրանք ձայնագրելով տեսասկավառակների վրա, յուրաքանչյուրը 500 դրամ գումարով վաճառելու միջոցով իրացրել է Երևան քաղաքի <Վերնիսաժ> տոնավաճառում գտնվող վաճառակետում` տարբեր անձանց:
Բացի այդ, Տիգրան Արծրունյանն իր նույն համակարգչի <D> թղթապանակում համակարգչային տվյալների պահպանման համակարգում, պահպանել է մանկական պոռնոգրաֆիայի` 30 վայրկյան տևողությամբ <12 лет> պայմանական վերնագրով մեկ տեսաֆայլ, որը պարունակում է սեռական հարաբերություններով տեսարաններ, որտեղ ներգրավված է անչափահաս աղջիկ:
Քրեական գործը մեղադրական եզրակացությամբ ուղարկվել է դատարան 2010թ-ի նոյեմբերի 08-ին:
Մինչ դատաքննությունն սկսվելն ամբաստանյալներ Արսեն Սարգսյանը և Տիգրան Արծրունյանը միջնորդեցին դատական քննությունն անցկացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են մեղադրանքի հետ, միջնորդությունը ներկայացրել են կամավոր, խորհրդակցել են պաշտպանի հետ, գիտակցում են արագացված կարգով դատաքննությունն անցկացնելու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Արսեն Սարգսյանին` ՀՀ քրեական օրենսգրքի 263 հոդվածի 1-ին մասով և Տիգրան Արծրունյանին` ՀՀ քրեական օրենսգրքի 263 հոդվածի 1-ին և 2-րդ մասերով մեղսագրված արարքները հիմնավորված են, որոնց համար նրանք պետք է ենթարկվեն քրեական պատասխանատվության և պատժի ու այն պետք է կրեն:
Ամբաստանյալներ Արսեն Սարգսյանի և Տիգրան Արծրունյանի նկատմամբ պատիժ նշանակելիս, պատժի տեսակն ու չափը որոշելիս, դատարանը հաշվի է առնում նրանց կատարած հանցագործության հանրության համար վտանգավորության աստիճանն ու բնույթը, նրանց անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Որպես ամբաստանյալ Արսեն Սարգսյանի անձը բնութագրող տվյալներ, դատարանը արձանագրում է այն, որ նա տվել է խոստովանական ցուցմունքներ, զղջում է կատարածի համար, նախկինում արատավորված չի եղել, խնամքին ունի երկու անձ, դրական է բնութագրվում բնակության և աշխատանքի վայրերից:
Որպես մեղմացնող հանգամանք դատարանը արձանագրում է այն, որ ամբաստանյալը ունի մինչև 14 տարեկան մեկ երեխա, խոստովանական ցուցմունքով աջակցել է հանցագործության բացահայտմանը:
Ծանրացնող հանգամանքներ դատարանը չի արձանագրում:
Որպես ամբաստանյալ Տիգրան Արծրունյանի անձը բնութագրող տվյալներ, դատարանը արձանագրում է այն, որ ամբաստանյալը տվել է խոստովանական ցուցմունքներ, զղջում է կատարածի համար, նախկինում արատավորված չի եղել, դրական է բնութագրվում բնակության վայրից, երիտասարդ է:
Որպես մեղմացնող հանգամանք դատարանը արձանագրում է այն, որ Տիգրան Արծրունյանը մանկուց երկկողմանի ծնողազուրկ է:
Ծանրացնող հանգամանքներ դատարանը չի արձանագրում:
Դատարանը, հաշվի առնելով ամբաստանյալների կատարած արարքի` հանրության համար վտանգավորության աստիճանը, նրանց անձը, պատասխանատվությունն ու պատիժը մեղմացնող հանգամանքները, ծանրացնող հանգամանքների բացակայությունը, գտնում է, որ ամբաստանյալների կողմից կատարված հանցագործության համար նախատեսված պատիժներից նվազ մեղմ տեսակը կարող է ապահովել ՀՀ քր. օր-ի 48 հոդվածում ամրագրված պատժի նպատակները:
Քննության առնելով ամբաստանյալների նկատմամբ ընտրված խափանման միջոցի հարցը, դատարանը եկավ համոզման, որ նրանց նկատմամբ ընտրված խափանման միջոց` ստորագրություն չհեռանալու մասին, պետք է թողնել անփոփոխ մինչև դատավճռի օրինական ուժ ստանալը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում գտնվող, գործով իրեղեն ապացույցներ ճանաչված թվով 53 սկավառակները ենթակա են ոչնչացման, Տիգրան Արծրունյանի <Pentium/R/> 4 <intel> տեսակի CPU 1,70GHz 1,70 ГГЦ 512MB ОЗУ համարի համակարգչի պրոցեսորը, Արսեն Սարգսյանի 1252944 գործարանային համարով համակարգչի պրոցեսորը պետք է վերադարձնել նրանց, իսկ 06064311 գործարանային համարով <Canon> տեսակի տպիչ սարքը համաձայն ՀՀ քր. դատ. օր-ի 119 հոդվածի 1-ին մասի 1-ին կետով ենթակա է բռնագրավման հօգուտ պետության:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 375-3 հոդվածներով, դատարանը

Վ Ճ Ռ Ե Ց

Արսեն Վոլոդյայի Սարգսյանին մեղավոր ճանաչել ՀՀ քրեական օրենսգրքի 263 հոդվածի 1-ին մասով և դատապարտել տուգանքի` 200.000 /երկու հարյուր/ հազար դրամի չափով:
Խափանման միջոց ստորագրությունը չհեռանալու մասին թողնել անփոփոխ` մինչև դատավճռի օրինական ուժի մեջ մտնելը:
Տիգրան Հովհաննեսի Արծրունյանին մեղավոր ճանաչել ՀՀ քրեական օրենսգրքի 263 հոդվածի 1-ին և 2-րդ մասերով և դատապարտել` ՀՀ քրեական օրենսգրքի 263 հոդվածի 1-ին մասով տուգանքի 200.000 /երկու հարյուր/ հազար դրամի չափով, ՀՀ քրեական օրենսգրքի 263 հոդվածի 2-րդ մասով տուգանքի` 400.000 /չորս հարյուր/ հազար դրամի չափով, ՀՀ քրեական օրենսգրքի 66 հոդվածի 3-րդ մասի կարգով պատիժները մասնակի գումարելու միջոցով վերջնական պատիժ նշանակել տուգանք` 500.000 /հինգ հարյուր/ հազար դրամի չափով:
Խափանման միջոց ստորագրությունը չհեռանալու մասին թողնել անփոփոխ` մինչև դատավճռի օրինական ուժի մեջ մտնելը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում գտնվող, գործով իրեղեն ապացույցներ ճանաչված թվով 53 սկավառակները` ոչնչացնել, Տիգրան Արծրունյանի <Pentium/R/> 4 <intel> տեսակի CPU 1,70GHz 1,70 ГГЦ 512MB ОЗУ համարի համակարգչի պրոցեսորը, Արսեն Սարգսյանի 1252944 գործարանային համարով համակարգչի պրոցեսորը` վերադարձնել նրանց, իսկ 06064311 գործարանային համարով <Canon> տեսակի տպիչ սարքը` բռնագրավվել հօգուտ պետության:
Դատավճիռը կարող է բողոքարկվել ՀՀ վերաքննիչ քրեական դատարանին հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:









ԴԱՏԱՎՈՐ՝ Կ.ՂԱԶԱՐՅԱՆ