Գործ Հ ԵԿԴ 0283/01/10

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ք.Երևան 07 դեկտեմբերի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ. ՂԱԶԱՐՅԱՆ
Քարտուղարությամբ` Է. Ավետիսյանի
ՄԱՍՆԱԿՑՈՒԹՅԱՄԲ`
Մեղադրող` Ա. Կարապետյանի
Պաշտպան՝ Հ. Դավթյանի
Տուժող` Վ. Գևորգյանի

Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Բորիս Խաչիկի Ասատրյանի, ծնված 23.03.1984թ., ք.Երևան,
հայ, ՀՀ քաղաքացի, ֆիզիկապես վատառողջ, միջնակարգ
կրթությամբ, ամուսնացած, խնամքին 3 անձ, չի աշխատում,
չդատված, հաշվառված է` ք.Երևան, Ավան
14-րդ փողոցի թիվ 103 տուն, բնակվում է ք. Երևան, Ավան-
Առինջ, 2-րդ միկրոշրջան 2/1 շենք 23 բնակարանում:
Որպես խափանման միջոց ընտրվել է ստորագրություն չհեռանալու մասին: Մեղադրվում է ՀՀ քրեական օրենսգրքի 178 հոդվածի 2-րդ մասի 2-րդ կետով և 325 հոդվածի 1-ին մասով:
Քրեական գործը հարուցվել է 31.05.2010թ. ՀՀ ոստիկանության Երևանի ՔՎ Կենտրոնականի քննչական բաժնի կողմից:
Ամբաստանյալ Բորիս Ասատյանին մեղադրանք է առաջադրվել այն բանի համար, որ նա խարդախությամբ` խաբեության և վստահությունը չարաշահելու եղանակով, ուրիշի գույքի խոշոր չափերով հափշտակություն կատարելու դիտավորությամբ, իր մտերիմ Վոլոդյա Գևորգյանին խոստացել է նրա համար 20.000 ԱՄՆ դոլարի չափով վարկ ձևակերպել: Այդ նպատակով 2007թ դեկտեմբեր ամսին ձեռք է բերել վերջինիս անվամբ իրավունք վերապահող կեղծ փաստաթուղթ` աշխատանքի և աշխատավարձի չափի վերաբերյալ կեղծ տեղեկանք, թե իբրև Վոլոդյա Գևորգյանն աշխատում է <Գրիֆին սերլիար> ՍՊ ընկերությունում որպես իրացման բաժնի պետ և ամսեկան ստանում է 290.000 դրամ աշխատավարձ: Նշված տեղեկանքը և անհրաժեշտ մյուս փաստաթղթերով Վոլոդյա Գևորգյանի համար վարկ ստանալու նպատակով 28.12.2007թ. օգտագործել` ներկայացրել են Երևան քաղաքի Մ.Մկրտչյան 12 հասցեում գործող <Առէկսիմբանկ> ՓԲԸ-ն մասնաճյուղ: Այնուհետև 29.12.2007թ, երբ նորից գնացել են բանկ, այնտեղ Բորիս Ասատրյանը ճշտել է, որ բանկը Վալոդյա Գևորգյանի անվամբ տրամադրում է 1.500.000 դրամ վարկ: Միաժամանակ իրենց են տվել բանկային պլաստիկ քարտ, որի վրա արդեն մուտքագրված է եղել նշված չափի գումարը, սակայն այդ մասին Բորիս Ասատրյանը Վոլոդյա Գևորգյանին չի ասել, այլ հակառակը, ասել է, թե իբր վարկը դեռ չի հաստատվել, գումարը մի քանի օրից է նստելու հաշվի վրա, վերցրել է պլաստիկ քարտը և վերջինիս հետ մոտենալով գանձապահին, Վոլոդյա Գևորգյանին գցելով մոլորության մեջ` քարտից հանել է 1.500.000 դրամ գումարը, որի համար Վոլոդյա Գևորգյանին ստորագրել է տվել համապատասխան անդորրագիրը և հափշտակել հիշյալ գումարը` վերջինիս պատճառելով խոշոր չափերի` ընդհանուր 1.500.000 դրամի վնաս:
Քրեական գործը մեղադրական եզրակացությամբ ուղարկվել է դատարան 29.10.2010թ.-ին:
Մինչև դատաքննությունն սկսվելն ամբաստանյալ Բորիս Ասատրյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննությունն անցկացնելու հետևանքները:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Բորիս Ասատրյանը կատարել է ՀՀ քրեական օրենսգրքի 178 հոդվածի 2-րդ մասի 2-րդ կետով և 325 հոդվածի 1-ին մասով նախատեսված արարքներ, որոնց համար պետք է ենթարկվի քրեական պատասխանատվության և պատժի:
Ամբաստանյալ Բորիս Ասատրյանի նկատմամբ պատիժ նշանակելիս, պատժի տեսակն ու չափը որոշելիս` դատարանը հաշվի է առնում նրա կատարած հանցագործության` հանրության համար վտանգավորության աստիճանն ու բնույթը, նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Որպես անձը բնութագրող հանգամանքներ դատարանը հաշվի է առնում այն, որ նա երիտասարդ է, տվել է խոստովանական ցուցմունքներ, զղջում է կատարածի համար, նախկինում արատավորված չի եղել, խնամքին ունի 3 անձ, վատառողջ է` 17.05.2008թ.-ին թիվ 17-17/6895 որոշմամբ ծառայության համար ճանաչվել է ոչ պիտանի ՀՀ ՊՆ 14բ կետով:
Որպես մեղմացնող հանգամանք դատարանը արձանագրում է այն, որ ամբաստանյալը կամովին տուժողին հատուցել է հանցագործությամբ պատճառված վնասը` դատաքննության ընթացքում նրան հանձնելով 1.500.000 դրամ, ինքնակամ ներկայացել է ոստիկանության բաժին, խնամքին տակ ունի 5 տարեկան երեխա:
Ծանրացնող հանգամանքներ դատարանը չի արձանագրում:
Դատարանը պատիժ նշանակելիս ապահովում է ՀՀ քրեական օրենսգրքի 10 և 11 հոդվածներով ամրագրված սկզբունքները և ՀՀ քրեական օրենսգրքի 48 հոդվածով նախատեսված պատժի նպատակները:
Տուժող Վոլոդյա Գևորգյանը քաղաքացիական հայցի պահանջ չներկայացրեց այն հատուցված լինելու պատճառով և խնդրեց մեղմ պատժել ամբաստանյալին:
Քննության առնելով իրեղեն ապացույցի տնօրինման հարցը` դատարանը եկավ համոզման, որ գործով իրեղեն ապացույց ճանաչված, <<Գրիֆին Սերլիար>> ՍՊԸ-ն կողմից Վոլոդյա Գևորգյանի անվամբ տրված աշխատանքի և աշխատավարձի չափի վերաբերյալ տեղեկանքը պետք է թողնել քրեական գործում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 3753 հոդվածներով` դատարանը


Վ Ճ Ռ Ե Ց

Բորիս Խաչիկի Ասատրյանին մեղավոր ճանաչել ՀՀ քրեական օրենսգրքի 178 հոդվածի 2-րդ մասի 2-րդ կետով և 325 հոդվածի 1-ին մասով և դատապարտել` ՀՀ քրեական օրենսգրքի 178 հոդվածի 2-րդ մասի 2-րդ կետով ազատազրկման 2 /երկու/ տարի ժամկետով, ՀՀ քրեական օրենսգրքի 325 հոդվածի 1-ին մասով` տուգանքի 250 000 /երկու հարյուր հիսուն հազար/ դրամի չափով:
ՀՀ քրեական օրենսգրքի 66 հոդվածի 4-րդ կետի կարգով պատիժները լրիվ գումարելու միջոցով, վերջնական պատիժ նշանակել ազատազրկում 2 տարի ժամկետով և տուգանք` 250 000 /երկու հարյուր հիսուն հազար/ դրամի չափով:
Կիրառել ՀՀ ԱԺ <<Համաներում հայտարարելու մասին>> 19.06.2009թ. որոշման 1-ին կետի 1-ին ենթակետը և Բորիս Խաչիկի Ասատրյանին ազատել պատժից:
Խափանման միջոց` ստորագրություն չհեռանալու մասին, թողնել անփոփոխ մինչև դատավճռի օրինական ուժ ստանալը:
Իրեղեն ապացույց ճանաչված, <<Գրիֆին Սերլիար>> ՍՊԸ-ն կողմից Վոլոդյա Գևորգյանի անվամբ տրված աշխատանքի և աշխատավարձի չափի վերաբերյալ տեղեկանքը թողնել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարանին հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:



ԴԱՏԱՎՈՐ՝ Կ.ՂԱԶԱՐՅԱՆ