Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

28 սեպտեմբերի 2011թ. ք. Երևան

ԵԿԴ-0279/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղարներ` Տ. Գրիգորյան, Էդ. Մկրտչյան

մեղադրող`
ՀՀ գլխավոր դատախազության
թմրամիջոցների ապօրինի շրջանառության
հանցագործությունների գործերով
բաժնի դատախազ ` Մ. Հակոբյան,
պաշտպաններ` Վ. Հայրապետյան,
Կ. Քամալյան



դատարանում, դռնբաց դատական նիստում քննեց գործն ըստ մեղադրանքի

Սոս Ստեփանի Բաղդասարյանի`
ծնված 1973թ. դեկտեմբերի 26-ին Երևանում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան երկու երեխա, դատվածություն չունի, չի աշխատում, բնութագրվում է դրական, հաշվառված է և բնակվել է Երևան քաղաքի Մայիսի 9 փողոցի թիվ 33 տանը, կալանքի տակ է 24.06.2010թ.-ից, մեղադրվում է ՀՀ քրեական օրենսգրքի 182-րդ հոդվածի 2-րդ մասի 2-րդ կետով,



Գործի դատավարական նախապատմությունը
Թիվ 62211506 քրեական գործը ՀՀ գլխավոր դատախազության թմրամիջոցների ապօրինի շրջանառության դեմ պայքարի բաժնում հարուցվել է 2006թ. հոկտեմբերի 31-ին, ՀՀ քրեական օրենսգրքի 131-րդ հոդվածի 2-րդ մասի 1-ին, 2-րդ և 7-րդ կետերով, Սոս Ստեփանի Բաղդասարյանի, Տիգրան Մեսրոպի Ապիկյանի, Ռոմանոս Գրիգորի Միրզոյանի, Տիգրան Սերյոժայի Պետրոսյանի և քննությամբ չպարզված անձանց կողմից նախնական համաձայնությամբ, 2006թ. հոկտեմբերի 21-ին Արտաշես Վիլյամի Գևորգյանին շահադիտական դրդումներով առևանգելու, Երևան քաղաքի Արագած փողոցի վերջնամասում գտնվող էլեկտրական սնուցման ենթակայանում վերջինիս առողջության համար վտանգավոր բռնություն գործադրելով` նրանից 385.000 ՀՀ դրամ գումար, 35.000 ՀՀ դրամ արժողության «Նոկիա» մոդելի բջջային հեռախոս, 10.000 ՀՀ դրամ արժողության ձեռքի ժամացույց, կաշվե գոտի, խոշոր չափերի` 5 գրամ «ափիոն» տեսակի թմրամիջոց հափշտակելու և որպես փրկագին 10.000 ԱՄՆ դոլար գումար ու առանձնապես խոշոր չափերի` 50 գրամ «ափիոն» տեսակի թմրամիջոց պահանջելու դեպքերի առթիվ։
26.03.2007թ. որոշում է կայացվել Արտաշես Վիլյամի Գևորգյանին որպես մեղադրյալ ներգրավելու մասին, նրան մեղադրանք է առաջադրվել ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 266-րդ հոդվածի 4-րդ մասով, 268-րդ հոդվածի 3-րդ մասով և 271-րդ հոդվածի 1-ին մասով և հայտարարվել է վերջինիս հետախուզումը։
27.03.2007թ. որոշում է կայացվել Սոս Ստեփանի Բաղդասարյանին որպես մեղադրյալ ներգրավելու մասին, նրան մեղադրանք է առաջդրվել ՀՀ քրեական օրենսգրքի 131-րդ հոդվածի 2-րդ մասի 1-ին, 2-րդ, 3-րդ, 7-րդ կետերով, 175-րդ հոդվածի 2-րդ մասի 1-ին, 4-րդ կետերով, 182-րդ հոդվածի 3-րդ մասի 2-րդ կետով, 269-րդ հոդվածի 3-րդ մասի 2-րդ, 3-րդ կետերով, նրա նկատմամբ որպես խափանման միջոց է կիրառվել կալանավորումը և հայտարարվել վերջինիս հետախուզումը։
27.03.2007թ. որոշում է կայացվել թիվ 62211506 քրեական գործից Սոս Ստեփանի Բաղդասարյանի և Արտաշես Վիլյամի Գևորգյանի վերաբերյալ մասն անջատելու և անջատված մասով թիվ 62202207 քրեական գործը հարուցելու մասին, իսկ թիվ 62211506 քրեական գործն ըստ մեղադրանքի Տիգրան Պետրոսյանի, Արմեն Սարգսյանի, Տիգրան Ապիկյանի, Ռոմանոս Միրզոյանի, 28.03.2007թ. մեղադրական եզրակացությամբ ուղարկվել է դատարան։
27.08.2007թ. Արտաշես Վիլյամի Գևորգյանը հայտնաբերվել է։
24.09.2007թ. թիվ 62202207 քրեական գործից Արտաշես Գևորգյանի վերաբերյալ մասն անջատվել է և մեղադրական եզրակացությամբ ուղարկվել դատարան, իսկ նախաքննության մարմնի վարույթում մնացած քրեական գործին շնորհվել է թիվ 62202207/1 համարը և այն կասեցվել է` մինչև Սոս Բաղդասարյանի, Կարեն Միրզոյանի հայտնաբերումը կամ Ա. Գևորգյանին թմրամիջոց իրացրած անձի ինքնության պարզումը։
Թիվ 62202207/1 քրեական գործը 21.11.2007թ. ուղարկվել է ՀՀ ոստիկանության ՔԳՎ ՀԿԳ քննության վարչություն և այն քննիչի 23.11.2007թ. որոշմամբ ընդունվել է վարույթ։
2010թ. հունիսի 24-ին մեղադրյալ Սոս Ստեփանի Բաղդասարյանը հայտնաբերվել է։
Քննիչի 24.06.2010թ. որոշմամբ թիվ 62202207/1 քրեական գործի վարույթը վերսկսվել է։
22.09.2010թ. որոշում է կայացվել թիվ 62202207/1 քրեական գործից մեղադրյալ Սոս Ստեփանի Բաղդասարյանի վերաբերյալ մասն առանձին վարույթ առանձնացնելու, այն վարույթ ընդունելու և թիվ 62202207/2 համարը շնորհելու մասին։
Ամբաստանյալ Սոս Ստեփանի Բաղդասարյանին մեղադրանքներ են առաջադրվել ՀՀ քրեական օրենսգրքի 131-րդ հոդվածի 2-րդ մասի 1-ին, 2-րդ, 3-րդ և 7-րդ կե¬տե¬րով, 175-րդ հոդվածի 2-րդ մասի 1-ին և 4-րդ կետերով, 182-րդ հոդվածի 3-րդ մասի 2-րդ կետով, 269-րդ հոդվածի 3-րդ մասի 2-րդ և 3-րդ կետերով հետևյալ արարքների համար. «որ նա նախնական համաձայնության գալով Տիգրան Մեսրոպի Ապիկյանի, Ռոմանոս Գրիգորի Միրզոյանի, Տիգրան Սերյոժայի Պետրոսյանի և քննությամբ չպարզված այլ անձանց հետ, շահադիտական դրդումներով առևանգել է Արտաշես Վիլյամի Գևորգյանին և առողջության համար վտանգավոր բռնություն գործադրելով հափշտակել է նրա մոտ եղած 385.000 ՀՀ դրամը, «Նոկիա» մակնիշի բջջային հեռախոսը, խոշոր չափի «Ափիոն» տե¬սակի թմրամիջոցը, կաշվե գոտին, որպես փրկագին վերջինիս կին Նաիրա Եփրեմյանից պահան¬ջել են 10.000 ԱՄՆ դոլար և 50 գրամ «Ափիոն» տեսակի թմրամիջոց, որն արտա¬հայտ¬վել է հետևյա¬լում.
2006թ. հոկտեմբերի 21-ին` ժամը 23-ի սահմաններում, Երևանի Նոր Նորքի 2-րդ զանգվածի 19ա շենքի մոտակայքից, շահադիտական դրդումներով Տիգրան Ապիկյանի, Ռոմանոս Միրզոյանի, Տիգրան Պետ¬րոս¬յանի և քննությամբ չպարզված այլ անձանց հետ նախնական համաձայնու¬թյան գալով, որպես զենք օգտագործված մահակով հարվածել, ապա նստեցնելով Տ.Ապիկյանի վարած «ՎԱԶ 2101» 61 ԼՏ 644 պետհամարանիշի ավտոմեքենան, առևանգել են թմրա¬միջոց¬ների գործածմամբ և իրացմամբ զբաղվող Արտաշես Գևորգյանին։
Այնուհետև, Ա.Գևորգյանին տեղափոխե¬լով Երևանի Արագած փողոցի վերջնամասում գտնվող էլեկտրական սնուցման ենթա¬կա¬յան` ծեծել և պատճառել են առողջությունը կարճատև քայ¬քայող թեթև մարմնական վնաս ու հափշտա¬կել են նրա մոտ եղած 385.000 ՀՀ դրամը, 35.000 ՀՀ դրամ արժողությամբ «Նոկիա» մակնիշի բջջային հեռախոսը, 10.000 ՀՀ դրամ արժողությամբ ձեռքի ժամացույցը, կաշվե գոտին, խոշոր չափի` 5 գրամ «Ափիոն» տեսակի թմրամիջոցը և բռնություն գործադրելով Ա.Գևորգ¬յանի նկատմամբ, վերջինիս կին Նաիրա Եփրեմ¬յանից որ¬պես ամուսնու փրկագին պահանջել են առանձնապես խո¬շոր չափի` 10.000 ԱՄՆ դոլար գումար և առանձնա¬պես խոշոր չափի` 50 գրամ «Ափիոն» տե¬սա¬կի թմրամիջոց։
Ակնկալվող գումարն ու թմրամիջոցը չստանալով` նա մյուս հանցակիցների հետ Ա. Գևորգ¬յանի կին Ն.Եփրեմյանից կրկին որպես փրկագին պահանջել և 2006թ. հոկտեմբերի 22-ին` ժամը 05.00-ի սահմաններում, Երևանի Նոր Նորքի 2-րդ զանգ¬վածի 19ա շենքի մուտքի մոտից վերցրել և կրկին անգամ հափշտակել են Ն.Եփրեմ¬յանի թողած 39.200 ՀՀ դրամ արժողությամբ ոսկյա շղթան, 112.000 ՀՀ դրամ արժողությամբ «Սամ¬սունգ Դ-820» տեսակի բջջային հեռախոսը և խոշոր չափի «Ափ¬իոն» տեսակի թմրամիջոցը, որից հետո վերադառնալով Ա.Գևորգ¬յանի մոտ, սպանելու սպառ¬նալիքով պահանջել են նաև, որ Ա.Գևորգյանը մի քանի օր անց վճարի 2000 ԱՄՆ դոլար, 50 գրամ «Ափիոն» տե¬սակի թմրամիջոց և նույն օրը ժամը 06.00-ի սահմաններում ազատ արձակելով նրան` կապ պահ-պանելու համար վերա¬դարձ¬րել են հափշտակած «Նոկիա» մակնիշի բջջա¬յին հեռախոսը։
Շարունակելով հանցավոր գործունեությունը, ի կատարումն հանցավոր խմբի մյուս անդամ¬ների հետ ձեռք բերված պայմանավորվածության, 2006թ. հոկտեմբերի 30-ին 093-98-43-98 բջջային հեռախոսահամարից զանգահարել են Արտաշես Գևորգյանին, պահանջել են վճարել փրկա¬¬գինը և նույն օրը, կեսօրին, Չարբախ կոչվող թաղամասի կոլտնտեսային շուկայի մոտ Ա. Գևորգյա¬նից ստացել են 700 ԱՄՆ դոլար, սակայն, մի քանի ժամ անց այն հետ վերադարձնելով, պահանջել են դրան համարժեք ՀՀ դրամ։ Նույն օրը` ժամը 20-ի սահմաններում, պայմանա¬վոր¬վա¬ծու¬թյան համա¬ձայն, Արտաշես Գևորգյանը պահանջած 222.000 ՀՀ դրամը թողել է Երևանի Հա¬րավ¬-արևմտյան թաղամասի «Բասեիններ» կոչվող վայրում, որտեղից գումարը վերց¬նելուց հետո մյուս հանցա¬կից¬¬ների հետ միասին այն տնօրինել են իրենց հայեցողությամբ։»։
2010թ. հոկտեմբերի 21-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Քրեական գործի դատական քննության ընթացքում, մեղադրանքը պաշտպանող դատախազը, ղեկավարվելով ՀՀ քրեական դատավարության օրենսգրքի 54-րդ և 3091 հոդվածներով, ամբաստանյալ Սոս Ստեփանի Բաղդասարյանին առաջադրված մեղադրանքները փոփոխել և նոր մեղադրանք է առաջադրել ՀՀ քրեական օրենսգրքի 182-րդ հոդվածի 2-րդ մասի 2-րդ կետով հետևյալ արարքի համար. «որ նա` նախնական համաձայնության գալով Տիգրան Մեսրոպի Ապիկյանի, Ռոմանոս Գրիգորի Միրզոյանի, Տիգրան Սերյոժայի Պետրոսյանի և քննության չպարզված այլ անձանց հետ, Արտաշես Վիրլյամի Գևորգյանից շորթել է 222.000 ՀՀ դրամ, որպիսի գործողություններն արտահայտվել են հետյալում.
2006թ. հոկտեմբերի 30-ին Սոս Բաղդասարյանը, ի կատարումն հանցավոր խմբի մյուս անդամների հետ ձեռք բերված պայմանավորվածության, 093-98-43-98 բջջային հեռախոսահամարից զանգահարել են Տիգրան Ապիկյանի, Ռոմանոս Միրզոյանի, Տիգրան Պետրոսյանի և քննությամբ չպարզված այլ անձանց կողմից 2006թ. հոկտեմբերի 21-ին առևանգված Արտաշես Գևորգյանին, պահանջել են վճարել փրկա¬¬գին, և նույն օրը, կեսօրին, Երևան քաղաքի Չարբախ թաղամասի կոլտնտեսային շուկայի մոտ Ա. Գևորգյա¬նից ստացել են 700 ԱՄՆ դոլար, սակայն, մի քանի ժամ անց այն հետ վերադարձնելով, պահանջել են դրան համարժեք ՀՀ դրամ։ Նույն օրը` ժամը 20-ի սահմաններում, պայմանա¬վոր¬վա¬ծու¬թյան համա¬ձայն, Արտաշես Գևորգյանը պահանջված 222.000 ՀՀ դրամը թողել է Երևանի Հա¬րավ--արևմտյան թաղամասի «Բասեիններ» կոչվող վայրում, որտեղից գումարը վերց¬նելուց հետո մյուս հանցա¬կից¬¬ների հետ տնօրինել են այն։»։



Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Տիգրան Մեսրոպի Ապիկյանը, Ռոմանոս Գրիգորի Միրզոյանը, Տիգրան Սերյոժայի Պետրոսյանը քննու¬թյամբ չպարզված այլ անձանց հետ, շահադիտական դրդումներով առևանգել են Արտաշես Վիլյամի Գևորգյանին և առողջության համար վտանգավոր բռնություն գործադրելով` հափշտակել են նրա մոտ եղած 385 000 ՀՀ դրամը, «Նոկիա» մակնիշի բջջային հեռախոսը, խոշոր չափի «ափիոն» տե¬սակի թմրամիջոցը, կաշվե գոտին, որպես փրկագին վերջինիս կին Նաիրա Եփրեմյանից պահան¬ջել են 10.000 ԱՄՆ դոլար և 50 գրամ «ափիոն» տեսակի թմրամիջոց, որն արտա¬հայտ¬վել է հետևյա¬լում.
2006թ. հոկտեմբերի 21-ին, ժամը 23-ի սահմաններում, Երևանի Նոր Նորքի 2-րդ զանգվածի 19ա շենքի մոտակայքից, շահադիտական դրդումներով, Տիգրան Ապիկյանը, Ռոմանոս Միրզոյանը, Տիգրան Պետ¬րոս¬յանը և քննությամբ չպարզված այլ անձինք, նախնական համաձայնու¬թյան գալով, որպես զենք օգտագործված մահակով հարվածել են թմրա¬միջոց¬ների գործածմամբ և իրաց¬մամբ զբաղվող Արտաշես Գևորգյանի մարմնի տարբեր մասերին, ապա նստեցնելով Տ. Ապիկյանի վարած «ՎԱԶ 2101» 61 ԼՏ 644 պետհամարանիշի ավտոմեքենան` առևանգել են նրան։
Այնուհետև, Ա.Գևորգյանին տեղափոխե¬լով Երևանի Արագածի փողոցի վերջնամասում գտնվող էլեկտրական սնուցման ենթա¬կա¬յան, այդ անձինք ծեծել են նրան, պատճառել են առողջությունը կարճատև քայ¬քայող թեթև մարմնական վնաս ու հափշտա¬կել են նրա մոտ եղած 385.000 ՀՀ դրամը, 35.000 ՀՀ դրամ արժողությամբ «Նոկիա» մակնիշի բջջային հեռախոսը, 10.000 ՀՀ դրամ արժողությամբ ձեռքի ժամացույցը, կաշվե գոտին, խոշոր չափի` 5 գրամ «ափիոն» տեսակի թմրամիջոցը։ Այնուհետև, բռնություն գործադրելով Ա. Գևորգ¬յանի նկատմամբ, վերջինիս կին Նաիրա Եփրեմ¬յանից, որ¬պես ամուսնու համար փրկագին պահանջել են առանձնապես խո¬շոր չափի` 10.000 ԱՄՆ դոլար գումար և առանձնա¬պես խոշոր չափի` 50 գրամ «ափիոն» տե¬սա¬կի թմրամիջոց։
Ակնկալվող գումարն ու թմրամիջոցը չստանալով` այդ անձինք Ն. Եփրեմյանից կրկին որպես փրկագին պահանջել և 2006թ. հոկտեմբերի 22-ին, ժամը 05։00-ի սահմաններում, Երևանի Նոր Նորքի 2-րդ զանգ¬վածի 19ա շենքի մուտքի մոտից վերցնելու եղանակով ստանալով` կրկին անգամ հափշտակել են Ն.Եփրեմ¬յանի թողած 39.200 ՀՀ դրամ արժողությամբ ոսկյա շղթան, 112 000 ՀՀ դրամ արժողությամբ «Սամ¬սունգ Դ-820» տեսակի բջջային հեռախոսը և խոշոր չափի «ափ¬իոն» տեսակի թմրամիջոցը։ Այնուհետև վերադառնալով Ա.Գևորգ¬յանի մոտ` այդ անձինք սպանելու սպառ¬նալիքով պահանջել են նաև, որ Ա.Գևորգյանը մի քանի օր անց վճարի 2000 ԱՄՆ դոլար գումար, 50 գրամ «ափիոն» տե¬սակի թմրամիջոց և նույն օրը` ժամը 06։00-ի սահմաններում, ազատ արձա¬կելով նրան` կապ պահ¬պանելու համար վերա¬դարձ¬րել են հափշտակած «Նոկիա» մակնիշի բջջա¬յին հեռախոսը։
Այնուհետև, այժմ դատապարտյալներ Տիգրան Մեսրոպի Ապիկյանը, Ռոմանոս Գրիգորի Միրզոյանը, Տիգրան Սերյոժայի Պետրոսյանը և քննությամբ չպարզված այլ անձինք, նախնական համաձայնության գալով ամբաստանյալ Սոս Բաղդասարյանի հետ, այժմ դատապարտյալ Արտաշես Վիրլյամի Գևորգյանից շորթել են 222.000 ՀՀ դրամ գումար հետևյալ հանգամանքներում.
2006թ. հոկտեմբերի 30-ին, Տիգրան Ապիկյանը, Ռոմանոս Միրզոյանը և Տիգրան Պետրոսյանը մի խումբ անձանց, այդ թվում Սոս Բաղդասարյանի հետ նախնական համաձայնությամբ, 093-98-43-98 բջջային հեռախոսահամարից զանգահարել են Տիգրան Ապիկյանի, Ռոմանոս Միրզոյանի, Տիգրան Պետրոսյանի և քննությամբ չպարզված այլ անձանց կողմից 2006թ. հոկտեմբերի 21-ին առևանգված և հաջորդ օրն ազատ արձակված Արտաշես Գևորգյանին, պահանջել են վճարել փրկա¬¬գին և նույն օրը` կեսօրին, Երևան քաղաքի Չարբախ թաղամասի կոլտնտեսային շուկայի մոտ Ա. Գևորգյա¬նից ստացել են 700 ԱՄՆ դոլար գումար, սակայն, մի քանի ժամ անց այն հետ վերադարձնելով` պահանջել են դրան համարժեք ՀՀ դրամ։ Նույն օրը, ժամը 20-ի սահմաններում, պայմանա¬վոր¬վա¬ծու¬թյան համա¬ձայն, Արտաշես Գևորգյանը պահանջված 222.000 ՀՀ դրամ գումարը թողել է Երևանի Հա¬րավ-¬արևմտյան թաղամասի «Բասեիններ» կոչվող վայրում։ Ամբաստանյալ Սոս Բաղդասարյանը, դատապարտյալներ Տիգրան Ապիկյանը և Տիգրան Պետրոսյանը, այդ գումարը վերցնելու նպատակով, վկա Լևոն Թոռունյանի վարած ավտոմեքենայով գնացել են նշված վայր։ Այնտեղ Սոս Բաղդասարյանը, Տիգրան Պետրոսյանը և Տիգրան Ապիկյանը ուսումնասիրել են տեղանքը, որից հետո Տիգրան Ապիկյանը վերցրել է գումարը, միայնակ նստել է Լևոն Թոռունյանի վարած ավտոմեքենան և պահանջել է վարել դեպի իրենց թաղամաս։ Քիչ անց նա Լևոն Թոռունյանին է հանձնել այդ գումարը, խնդրել է այն հանձնել իրենց շենքի բակում սպասող, այժմ դատապարտյալ Ռոմանոս Միրզոյանին, իսկ ինքն իջել է ավտոմեքենայից։
Դատական քննությամբ պարզվել է նաև, որ ամբաստանյալ Ս. Բաղդասարյանն ամուսնացած է, խնամքին ունի մինչև տասնչորս տարեկան երկու երեխա, բնութագրվում է դրական, 1989-1993թթ. մասնակցել է Հայաստանի Հանրապետության սահմանամերձ շրջանների ինքնապաշտպանական մարտերին։

Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Ամբաստանյալ Սոս Ստեփանի Բաղդասարյանի ցուցմունքներով այն մասին, որ ՀՀ քրեական օրենսգրքի 182-րդ հոդվածի 2-րդ մասի 2-րդ կետով իրեն լիովին մեղավոր է ճանաչում։ 2006թ. հոկտեմբերի 30-ին Արտաշես Գևորգյանից որպես փրկագին պահանջել և ստացել է շուրջ յոթ հարյուր ԱՄՆ դոլար գումար։ Կատարածի համար զղջում է։
/դատական նիստի արձանագրություն/
Դատապարտյալ Արտաշես Վիլյամի Գևորգյանի ցուցմունքներով այն մասին, որ 2006թ. հոկտեմբերի 21-ին, ժամը 23.00-23.30-ի սահման¬ներում թմրամիջոց իրացնելու նպա¬տա¬կով իջել է բակ։ Միաժամանակ, ԱՄՆ դոլար գնելու համար վերցրել է 385.000 ՀՀ դրամ։ Շենքի մոտ ինչ-որ անձինք բռնել, փայտով հարվածել են մարմնի տար¬բեր մասերին և ձեռքերով սեղմել են պարանոցը։ Այնուհետև այդ չորս անձինք իրեն ստիպողաբար նստեցրել են ավտոմեքենայի մեջ, կապել են ձեռքերը, սպորտային գլխարկ են հագցրել գլխին, տարել են ինչ-որ ավտոտնակ, որտեղ 5-6 հոգով ծեծի ենթարկելով` փորձել են ճշտել, թե որքան գումար ունի և ազատ արձակելու համար պահանջել են 10.000 ԱՄՆ դոլար։ Ծեծելու ընթացքում առևանգողները վերցրել են իր մոտ եղած 385.000 ՀՀ դրամ գումարը, 093-39-76-57 հեռախոսա¬քարտն ու դրանով շահա¬գործ¬վող «Նոկիա» տեսակի բջջա¬յին հեռախոսը, «ափիոն» տեսա¬կի թմրամիջո¬ցը, ձեռքի ժամացույցը, ինչպես նաև անդրավարտիքի գոտին։ Որոշ ժամանակ անց բջջային հեռախոսի վրա զանգահարել է կինը` Նաիրա Եփրեմյանը, որից առևանգող¬ներն իր ազատության դիմաց պահանջել են գումար` սպառնալով հակառակ դեպքում սպանել իրեն։ Առևանգողներն համոզվելով, որ իր տանը պահանջված քանակի գումար չկա, կնոջից նախ պահան¬ջել են 5.000 ԱՄՆ դոլար, ապա 2.000 ԱՄՆ դոլար գումար, պատշգամբում պահ¬ած, 3 գրամ, «ափիոն» տե¬սա¬կի թմրա¬միջոցը, ոսկյա զարդեր և բջջային հեռախոս։ Այնուհետև առևանգողներից երկուսը ավտոտնակից դուրս գալուց հետո վերադար¬ձել են մոտ 20 րոպե անց և վերջիններիս զրույցից հասկացել է, որ Նաիրան նրանց հանձնել է պահանջած իրերը։ Դրանից հետո իրեն ավտոմեքենայով տարել են Երևանի Բագլադեշ թաղա¬մաս, ճանապարհին կրկին պահանջել են, որպեսզի մինչև 2006թ. հոկտեմբերի 27-ը վճարի 2.500 ԱՄՆ դոլար գումար և 50 գրամ «ափիոն» տեսակի թմրամիջոց` նախազգուշացնելով, որ փո¬խանցման կարգի և տեղի մասին կտեղեկացնեն լրացուցիչ։ Այդտեղ, ազատ արձակելուց առաջ իրեն վերադարձվել են «Նոկիա» տեսակի բջջային հեռախոսն ու հեռախոսաքարտը։ Ամբաստանյալ Սոս Ստեփանի Բաղդասարյանը դեպքի վայրում չի եղել և որևէ առնչություն չունի իր նկատմամբ կատարված հանցագործության հետ։
/դատական նիստի արձանագրություն, գթ. 1, հատոր 32-36, հատոր 2, գ.թ.152, 155, 161-163/։
Վկա Նաիրա Մայիսի Եփրեմյանի նախաքննական ցուցմունքներով այն մասին, որ 2006թ. հոկտեմբերի 21-ին, ժամը 23.30-ի սահմաններում, երբ ամուսնու` Արտաշես Գևորգյա¬նի հետ գտնվել են իրենց վարձակալած բնակարանում, վերջինս 093-39-76-57 հեռա¬¬խո¬¬սահամարին ստացած զանգից հետո իջել է «Մերսեդես» կոչվող խանութի մոտ` տանից վերցրած 385.000 ՀՀ դրամ գումարը դոլարի վերածելու համար։ Ամուսնու ուշանալու պատճառով կես ժամ անց զանգահարել է նրա բջջային հեռախոսին, սակայն հեռախոսազանգին չեն պատասխանել և անջատել են։ Ժամը 24.00-ի սահմաներում ինչ-որ անծա¬նոթ տղամարդ զանգահարելով բնակարանի հեռախոսին` ամուսնուն ազատ արձակելու համար պա¬հան¬ջել է 10.000 ԱՄՆ դոլար գումար։ Նույն տղամարդը որոշ ժամանակ անց զանգահարել և հե¬տաքրքվել է, թե տանը որքան գումար ունեն, իսկ հերթական զանգի ժամանակ պա¬հան¬ջել է, որ տան եղած գումարը, թմրամիջոցը, անհիդրիդը հավաքի և սպասի լրացուցիչ ցուցումների։ Այդ ընթացքում ինքն ամուսնու առևանգման մասին տեղեկացրել է նրա ընկեր Ռաֆայել Եղիազարյա¬նին, Արտաշես Գևորգյանի եղբայր Աշոտ Գևորգյանին, որդու կնքահայր Հայկ Գյոզալյանին և այլ անձանց, որոնցից հետաքրքրվել է, թե ներկայացրած պահանջները բավա¬րարելու և ամուսնուն ազատելու համար որ¬տեղից կարող է գումար և թմրամիջոց հայթհայթել։ Երկա¬րատև փնտրտուքներից հետո գումար և թմրամիջոց չի հայ¬թհայթել, որի մասին 093-95-28-57 հեռախոսահամարի վրա զանգահարելով` տեղեկացրել է առևանգողներին և խնդրել է սպասել մինչև լուսաբաց։ Միաժամա¬նակ նրանցից տեղեկացել է, որ պահանջը չկատա¬րե¬լու դեպ¬քում ամուսնուն սպանելու են։ Այնուհետև նույն անձինք զանգահարելով` պահանջել են գումար, բջջային հեռախոսն իր տուփով ու անձնա¬գրով, ոսկյա շղթա և թմրամիջոց։ Նրանց պահանջ¬ով 116.000 ՀՀ դրամ արժո¬ղությամբ «Սամսունգ Դ-820» տեսակի սև գույնի բջջային հեռախոսը, 39.200 ՀՀ դրամ արժո¬ղությամբ ոսկյա շղթան, բնակարանի պատշգամ¬բում ամուսնու պահած, տոպրակով թմրամիջոցն իջեցրել է շենքի մուտքի մոտ և թողնելով մատնանշված վայրում` վերադարձել է տուն։ Առևանգողների հերթական զանգից տեղեկա¬ցել է, որ թողած իրերը գտնվում են նրանց մոտ և շուտով ամուսնուն ազատ են արձակելու։ Արտաշես Գևորգյանի` տուն վերադառնալուց հետո, նրա ճակատին և ձախ աչքի շրջանում նկատել է կապ¬տուկ¬ներ, ձեռքին` ծակած, արյունահոսող վերքեր։ Միա¬ժա¬մանակ նկատել է, որ ամուսնու ձեռքին չկա 10.000 դրամ արժողությամբ ժամացույցը և «Կենգուռու» գրառ¬մամբ անդրավարտիքի սև գոտին։ Ամուսնուն հարցրել է առևանգողների ով լինելու մասին և վերջինս տեղե¬կացրել է, որ նրանցից մեկը եղել է իր ծանոթ Ռոմիկը, որին 2006թ. հոկտեմբերի սկզբներին պատահաբար հանդիպել է ամուսնու հետ միասին իրենց վարձակալած շենքի վերելակի մոտ։ Միաժամանակ Ն.Եփրեմյա¬նը ցուցմունք է տվել, որ ամուսնուն առևանգողներն իրեն զանգա¬հարել են 093-95-28-57 և 093-91-22-15 բջջային հեռախոսահա¬մարներից։
/ հատոր 1, գ.թ. 28-31, 260, 283-284, հատոր 2, գ.թ. 22/
Վկա Լևոն Ժորայի Թոռունյանի նախաքննական ցուցմունքներով այն մասին, որ 2006թ. հեկտեմբերի 30-ի երեկոյան, հարևան Տիգրան Ապիկյանի խնդրանքով, իր վարած «Վազ 2107» մակ¬նիշի տաքսի ավտոմեքե¬նա¬¬յով, նրան, Սոս Բաղդասարյանին և Տիգրան Պետրոսյանին տարել է Երևանի Շահումյան թաղամաս, սակայն ճանա¬պարհին Տիգրան Ապիկյա¬¬նը խնդրել է նրանց հասցնել Բանգլադեշ թաղամասի «Բասեինի» մոտ։ Հասնելով պահանջված վայրը` Տիգրան Ապիկյանը խնդրել է սպասել մոտ 10 մետր հեռավորության վրա, որից հետո մեքենայից իջել են մյուսները և մոտ 40 րոպե տարած¬քում շրջել ու զրուցել են բջջային հեռախոսներով։ Այնուհետև, Տիգրան Ապիկյանը նստել է մեքե¬նան և խնդրել շարժվել դեպի տուն, սակայն մոտ 100 մետր հեռանալուց հետո, ծալված դրամները դնելով մեքենայի փոխանցման տուփի մոտ` իջել է ավտոմեքենայից և խնդրել է գումարը հանձնել Արագած փողոցում սպասող Ռոմանոս Միր¬զոյանին։ Հասնելով բակ` Ամալյայի կրպակի մոտ հանդիպել է Ռոմանոս Միրզոյա¬նին և նրան է փո¬խան¬ցել Տիգրան Ապիկյա¬նի տված գումարը։
/հատոր 1, գ.թ.106-108, 151/
Վկա Լևոն Ժորայի Թոռունյանը իր նախաքննական ցուցմունքները պնդել է նաև Տիգրան Մեսրոպի Ապիկյանի, Ռոմանոս Գրիգորի Միրզոյանի և Տիգրան Սերյոժայի Պետրոսյանի հետ առերես հարցաքննությունների ժամանակ։
/հատոր 1, գ.թ. 175-177, 195-197, 315-316/
Վկա Լևոն Ժորայի Թոռունյանը դատարանում ցուցմունք տվեց այն մասին, որ որքան հիշում է, Սոս Բաղդասարյանը և Տիգրան Պետրոսյանը ճանապարհին` Անդրանիկի արձանի մոտ, ավտոմեքենայից իջել են, իսկ Տիգրան Ապիկյանին ավտոմեքենայով տարել է Բանգլադեշ թաղամասում գտնվող, «Բասեին» կոչվող տարածք։ Սոս Բաղդասարյանը և Տիգրան Պետրոսյանը դեպքի վայրում չեն եղել։ Շուրջ 3 տարի առաջ ենթարկվել է ավտովթարի, որի հետ կապված հիշողության որոշակի խնդիրներ է ունենում։
/դատական նիստի արձանագրություն/
Վկա Հայկ Լևոնի Գյոզալյանի նախաքննական ցուցմունքով այն մասին, որ 2006թ. հոկտեմբերի 21-ին` ուշ ժամի, իր բջջային հեռախոսի վրա զանգահարել է Նաիրա Եփրեմյանը և հայտնել, որ ամուսնուն` Արտաշես Գևորգյանին, առևանգել են և խնդրել է հանդիպել «Երևան» կինո¬թատ¬րոնի մոտ։ 2006թ. հոկտեմբերի լույս 22-ին` ժամը 03.00-ի սահմաններում, Արտաշես Գևորգյանի եղբայր Աշոտ Գևորգյանի հետ հանդիպել են Նաիրային, որից տեղեկացել են, որ Արտաշես Գևորգյանին առևան¬գողները պարբերաբար զանգահարելով` ամուսնուն ազատ արձակելու համար պա¬հանջում են գումար¬ներ։ Նաիրա Եփրեմյանը հայտնելով, որ սպասում է առևանգող¬ների հեր¬թական զանգին` խնդրել է գումար, սակայն նրա պատմածին չհավատալով ու լուրջ չվերաբերվելով` ոչինչ չի ձեռնարկել։
/հատոր 1, հատոր 300-301/
Վկա Աշոտ Վիլյամի Գևորգյանի նախաքննական ցուցմունքով այն մասին, որ իր եղբայր` Արտաշես Գևորգյանին առևանգելու օրը, 2006թ. հոկտեմբերի լույս 22-ի գիշերը, ժամը 03.00-ի սահմաններում, Նաիրա Եփրեմյանին հան¬դիպելիս` վերջինիս մոտ տեսել է «Սամսունգ» տեսակի սև գույնի բջջային հեռախոս։
/հատոր 1, գ.թ. 325-327/
Վկա Ռաֆայել Բագրատի Եղիազարյանի նախաքննական ցուցմունքով այն մասին, որ 2006թ. հոկտեմբերի 20-ի սահմաններում, երեկոյան, իր բջջային հեռախոսի վրա զանգահարել է Արտաշես Գևորգյանի կին Նաիրա Եփրեմյանը և հայտնել, որ ամուսնուն առևանգել են, ազատ արձա¬կելու համար պահանջում են 10.000 ԱՄՆ դոլար գումար և 50 գրամ «ափիոն» տե¬սակի թմրամիջոց։ Նոր Նորքում հանդիպելիս, առևանգողների պահանջը մաս¬նակի բավարարելու համար Նաիրա Եփրեմյա¬նը խնդրել է 2000 ԱՄՆ դոլար գումար, 50 գրամ «ափիոն» տե¬սակի թմրամիջոց։ Մերժելով խնդրանքը՝ ինքն առաջարկել է դիմել այլ անձանց։ Առավոտյան, երբ զանգել է Նաիրա Եփրեմյանին, պարզել է, որ Արտաշես Գևորգյանին ազատ են արձակել և վերջինիս հետ հանդիպման ժամանակ դեմքին նկատել է կապտուկներ, նրան տեսել է ծեծված վիճա¬կում և իմացել է առևանգման հանգամանքները։
Ռաֆայել Եղիազարյանը հայտնել է նաև, որ Արտաշես Գևորգյանին մոտ 4 անգամ տեսել է Երևանի «3-րդ մաս» կոչվող թաղամասի բնակիչ, թմրամիջոց գործածող Ռոմանոս Միրզո-յանի հետ։ Վերջինս 093-81-48-43 բջջային ¬¬հեռախոսահա¬¬մարից բազմիցս զանագահարել և տարբեր պատրվակներով հարցրել է Արտաշես Գևորգյանի գտնվելու վայրի մասին։
/հատոր 1, գ.թ. 322-324/
Վկա Արմեն Սերյոժայի Երզնկյանի ցուցմունքներով այն մասին, որ 2006թ. հոկտեմբերի լույս 22-ի գիշերն իր վարած տաքսի ավտո¬մե¬քենայով տուն վերադառնալիս, բջջային հեռախոսի վրա զանգահարել է քրոջ դուստր Նարինե Եփրեմյանը և խնդրել է տանել «Երևան» կինոթատրոնի մոտ գտնվող վերջի¬նիս հայրական տուն` ինչ-որ բջջային հեռախոսի տուփ վերցնելու համար։ Նաիրա Եփրեմյանին իր ավտոմեքենայով տարել է նշված վայրը, որտեղից տուփը վերցնելուց հետո նրան հասցրել է Երևանի Նոր Նորք համայն¬քնում վարձակալած բնակարան։ 2006թ. հոկտեմբերի 22-ի առավոտյան տեղեկացել է, որ Նաիրա Եփրեմյանի ամուսին Արտա¬շես Գևորգյանին առևան¬գել են, ապա ազատ արձակել։
/դատական նիստի արձանագրություն, հատոր 2, գ.թ.19-21/
Դատաբժշկական փորձաքննության 10.11.2006թ. թիվ 1789 եզրակացությամբ այն մասին, որ «Ա. Վ. Գևորգյանի ստացած մարմնական վնասվածքները` ձախ ճակատային, աջ ծնկահոդի առաջային մակերեսի շրջանների քերծվածքների /այժմյան էպիթելացման տեղամասերի/, աջ նախաբազկի ստորին երրոդի շրջանի ծակած-կտրած վերքերի, աջ ծնկահոդի առաջա-միջային մակերեսի, ձախ սրունքի միջին երրորդի առաջային մակերեսի, ձախ սրունք-թաթային հոդի շրջանների քերծվածքների, աջ ծնկահոդի շրջանի սալջարդի, աջ սրունքի վերին երրորդի առաջային մակերեսի քերծվածքի /այժմյան գունակազրկված տեղամասի/ ձևով, պատճառվել են բութ կոշտ առարկաների ներգործությամբ, բացառությամբ աջ նախաբազկի ստորին երրոդի շրջանի ծակած-կտրած վերքերի, որոնք պատճառվել են սուր ծակող-կտրող գործիք/-ներ/ի ներգործությամբ, հնարավոր է նշված ժամկետում, որոնք պատճառել են առողջությանը թեթև վնաս` առողջու¬թյան կարճատև քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը ոչ պակաս վեց օրից, բայց ոչ ավելի քսանմեկ օրից»։
/հատոր 1, գ.թ.199-200/
Վկա, փորձագետ Սիմոն Գևորգի Հակոբյանի նախաքննական ցուցմունքով այն մասին, որ 2006թ. նոյեմ¬բերի 10-ի թիվ 1789 դատաբժշկական փորձաքննության եզրակացության համաձայն` Ա. Գևորգյանի մարմնին հայտնաբերված վնասված¬քնե¬րից առանձին-առանձին առողջության կար¬ճատև քայքայում են առաջացրել` աջ նախա¬բազկի ստորին երրորդի շրջանի ծակած-կտրած վեր¬քերը, աջ ծնկահոդի առաջային մակե¬րեսի և աջ ծնկահոդի առաջա-միջային մակերեսի քերծված¬քները, աջ ծնկահոդի շրջանի սալջարդը։
/հատոր 2, գ.թ. 8/։
Քննչական փորձա¬րա¬րություն կատարելու մասին 02.11.2006թ. արձանագրությամբ, համաձայն որի` փորձարարության ընթացքում Տ. Ապիկյանը մատնացույց է արել Արտաշես Գևորգյանի բնակության շենքը, 2006թ. հոկտեմբերի 21-ին, ժամը 23-ից 24-ի սահմաններում հանցա¬կից¬ների հետ Արտաշես Գևորգյանին հետապնդելու ուղին, նրան բռնելու և իր վարած ավտոմե¬քե¬նայի մեջ հար¬կադրաբար նստեցնելու վայրը, ինչպես նաև 2006թ. հոկտեմբերի լույս 22-ի գիշերն ավտո¬մե¬քենայով առևանգելու ուղին և էլեկտրա¬կան սնուց¬ման ենթա¬կա¬յանում նրան պահելու վայրը
/հատոր 1, գ.թ. 122-125/։
Առարկաները ճանաչման ներկա¬յացնելու վերաբերյալ 2007թ. մարտի 22-ի արձանագրությամբ, համաձայն որի` Նաիրա Եփրեմյանը ճանաչել է Արտաշես Գևորգյանից հափշտակված և Տիգրան Ապիկյանի անձնական խուզարկությամբ հայտնաբերված «KANGAROO» /Կենգերու/ գրառ¬մամբ սև գոտին։
/հատոր 2, գ.թ. 23/
Առարկաների և փաստաթղթերի զննում կատարելու վերաբերյալ 26.03.2007թ. արձանագրությամբ, համաձայն որի` զննվել են Տիգրան Ապիկյանի անձնական խուզարկությամբ հայտնաբերված, 35880800621456 գործարա¬նային համարն ունեցող, «Նոկիա CE-168» մոդելի բջջային հեռախոսը, նշված բջջային հեռախոսի վրա տեղադրված, +37493828807 համարն ունեցող հեռախոսաքարտը, «KANGAROO» գրառ¬մամբ սև գոտին, Տիգրան Պետրոսյանի բնակարանից առգրավված, 350673725850440 գործարա¬նային համարն ունեցող, «Սիմենս Ց-45» մոդելի բջջային հեռախոսը։
/հատոր 2, գ.թ.27-34/
Փաստաթղթերի զննում կատարելու վերաբերյալ 29.04.2007թ. արձանագրությամբ, համաձայն որի` զննվել են «Ղ.Տելեկոմ» ՓԲԸ-ից 21.11.2006թ., 29.01.2007թ. և 23.03.2007թ. ստացված, 2006թ. սեպտեմբեր 1-ից մինչև նոյեմբերի 1-ը ժամանակահատվածն ընդգրկող, Արտաշես Գևորգյանի կողմից շահագործված 093-39-76-67, Նաիրա Եփրեմյանի կողմից շահագործված 093-95-12-26, Ռոմանոս Միրզոյանի կողմից շահագործված 093-81-48-43, Տիգրան Պետրոսյանի կողմից շահագործված 093-85-53-58 և 093-30-73-41, Սոս Բաղդասարյանի կողմից շահագործված 093-81-34-19, Տիգրան Ապիկյանի կողմից շահագործված 093-82-88-07, ինչպես նաև 093-98-43-98, 093-95-28-57, 093-91-22-15, 093-72-76-01 հեռախոսա¬քար¬տերով շահա¬գործ¬ված հեռախոսներից կատարված մուտքային և ելքային հեռախոսազանգերի վերծանումները, վերը նշված հեռախոսաքարտերով շահագործված բջջային հեռախոսնե¬րի գոր¬ծա¬րա¬նային հա¬մարները, որոնց համաձայն հաստատվել է 093-72-76-01 հեռախոսահամարին Սոս Բաղդասարյանի կողմից շահագործված 093-81-34-19 բջջային հեռախոսահամարից կատարված մուտքային և ելքային զանգերի բացակայությունը, Սոս Բաղդասարյանի բնակարանի` 010-44-11-23 հեռախոսահամարին նույն համարից կատարված ելքային բազմաթիվ հեռախոսազանգերը, միջքաղաքային և միջազգային բաժանորդների համարներից 093-81-34-19 և միաժամանակ 093-72-76-01 հեռախոսահամարներին կատարված հեռախոսազանգերի նույնությունը։ Սոս Բաղդասարյանի 093-81-34-19 և 093-72-76-01 հեռախոսահամարների հեռախոսաքարտերով նույն` 35686500907898 գործարանային համարի բջջային հեռախոսի շահագործմամբ հաստատվել է, որ 093-72-76-01 հեռախոսաքարտը 2006թ. հոկտեմբերի 22-ից մինչև 2006թ. հոկտեմբերի 31-ն ընկած ժամանակահատվածը շահագործել է Սոս Բաղդասարյանը։
/հատոր 2, գ.թ. 125-127/
Ապացույց ճանաչված, «Ղ.Տելեկոմ» ՓԲԸ-ից 21.11.2006թ., 29.01.2007թ. և 23.03.2007թ. ստացված, 2006թ. սեպտեմբեր 1-ից մինչև նոյեմբերի 1-ը ժամա¬նա¬կահատվածն ընդգրկող, Արտաշես Գևորգյանի կողմից շահագործված 093-39-76-67, Նաիրա Եփրեմյանի կողմից շահագործված 093-95-12-26, Ռոմանոս Միրզոյանի կողմից շահագործված 093-81-48-43, Տիգրան Պետրոսյանի կողմից շահագործված 093-85-53-58 և 093-30-73-41, Սոս Բաղդասարյանի կողմից շահագործված 093-81-34-19, Տիգրան Ապիկյանի կողմից շահագործված 093-82-88-07, ինչպես նաև 093-98-43-98, 093-95-28-57, 093-91-22-15, 093-72-76-01 հեռախոսա¬քար¬տերով շահա¬գործ¬ված հեռախոսներից կատարված մուտքային և ելքային զանգերի վերծա¬նում¬ներով, վերը նշված հեռախոսաքարտերով շահագործված բջջային հեռախոս¬նե¬րի գոր¬ծա¬րա¬նային հա¬մար¬ներով, որոնց համաձայն` Նաիրա Եփրեմյանին պատկանող, շորթված 35822500376108 գործարանային համարով բջջային հեռախոսը 31.10.2006թ., ժամը 09։38-ից մինչև ժամը 16։26-ն ընկած ժամանակահատվածում օգտագործվել է 093-81-34-19 հեռախոսահամարի հեռախոսաքարտով, որը պատկանում է Սոս Բաղդասարյանին /կատարվել են 21 մուտքային և 27 ելքային հեռախոսազանգեր/։ Նաիրա Եփրեմյանին պատկանող, շորթված 35822500376108 գործարանային համարով բջջային հեռախոսի մեջ 22.10.2006թ., ժամը 11։07-ին տեղադրվել է 093-72-76-01 հեռախոսահամարով հեռախոսաքարտը։ Այդ նույն հեռախոսաքարտը 31.10.2006թ., ժամը 18։53-ից մինչև 04.11.2006թ.-ը շահագործվել է 35686500907898 գործարանային համարով բջջային հեռախոսով, որը պատկանում է Սոս Բաղդասարյանին։
/հատոր 2, գ.թ. 40/
Իրեղեն ապացույց ճանաչված, Տիգրան Ապիկյանի անձնական խուզարկությամբ հայտնաբերված, 35880800621456 գործարա¬նային համարն ունեցող «Նոկիա CE-168» մոդելի բջջային հեռախոսով, նշված բջջային հեռախոսի վրա տեղադրված, +37493828807 համարն ունեցող հեռախոսաքարտով, «KANGAROO» /Կենգերու/ գրառ¬մամբ սև գոտիով, Տիգրան Պետրոսյանի բնակարանից առգրավված, 350673725850440 գործարա¬նային համարն ունեցող «Սիմենս Ց-45» մոդելի բջջային հեռախոսով։
/հատոր 2, գ.թ. 39/
Մեղադրողի միջնորդությամբ դատարանում հարցաքննված դատապարտյալներ Տիգրան Մեսրոպի Ապիկյանը, Ռոմանոս Գրիգորի Միրզոյանը և Տիգրան Սերյոժայի Պետրոսյանը հայտնեցին, որ 2007թ. հոկտեմբերի 10-ի դատավճռով դատապարտվել են ազատազրկման ձևով պատժի` Արտաշես Վիլյամի Գևորգյանի նկատմամբ կատարված հանցագործության համար և այժմ կրում են պատիժը համապատասխան քրեակատարողական հիմնարկներում։ Սոս Ստեփանի Բաղդասարյանը որևէ առնչություն չունի կատարված հանցագործության հետ։
/դատական նիստի արձանագրություն/



Դատարանի իրավական վերլուծությունները

Վերլուծելով դատապարտյալ Արտաշես Վիլյամի Գևորգյանի, վկա Լևոն Ժորայի Թոռունյանի նախաքննական և դատաքննական ցուցմունքները, համադրելով դրանք քրեական գործի դատական քննությամբ ձեռք բերված և հետազոտված ապացույցների հետ, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ դատապարտյալներ Արտաշես Վիլյամի Գևորգյանի, Տիգրան Մեսրոպի Ապիկյանի, Ռոմանոս Գրիգորի Միրզոյանի, Տիգրան Սերյոժայի Պետրոսյանի և վկա Լևոն Ժորայի Թոռունյանի դատաքննական ցուցմունքները Սոս Ստեփանի Բաղդասարյանի` դեպքի վայրում չգտնվելու, կատարված հանցագործության հետ առնչություն չունենալու մասով, իրականությանը չեն համապատասխանում, քրեական պատասխանատվությունից և պատժից խուսափելու հարցում ամբաստանյալ Սոս Ստեփանի Բաղդասարյանին օգնելու նպատակ են հետապնդում և հերքվում են քրեական գործով ձեռք բերված և դատարանում հետազոտված վերոհիշյալ ապացույցներով։ Միաժամանակ դատարանը գտնում է, որ վկա Լևոն Ժորայի Թոռունյանի կողմից դատարանում սուտ ցուցմունք տալը նշանակություն չի կարող ունենալ գործի լուծման համար, այսինքն առկա են ՀՀ քրեական օրենսգրքի 338-րդ հոդվածի 3-րդ մասով սահմանված հանգամանքները։
Վերլուծելով ամբաստանյալ Սոս Ստեփանի Բաղդասարյանին առաջադրված մեղադրանքը, նրա ցուցմունքը և գործով ձեռք բերված ապացույցները` դատարանը գտնում է, որ ամբաստանյալ Սոս Ստեփանի Բաղդասարյանի կողմից, նրա մեղավորությամբ, մի խումբ անձանց կողմից նախնական համաձայնությամբ շորթում կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 182-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Սոս Ստեփանի Բաղդասարյանի նկատմամբ, նրա կատարած հանցագործության համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում խնամքին մինչև տասնչորս տարեկան երկու երեխայի առկայությունը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Սոս Ստեփանի Բաղդասարյանն իր կատարած` Հայաստանի Հանրապետության քրեական օրենսգրքի 182-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանն այդ հարցը համարում է լուծված, քանի որ գործով իրեղեն ապացույցներն արդեն իսկ տնօրինվել են թիվ 1-138 քրեական գործով Երևանի Կենտրոն և Նորք-Մարաշ համայնքների առաջին ատյանի դատարանի 2007թ. հոկտեմբերի 10-ի դատավճռով։
Քննարկելով խափանման միջոցի հարցը` դատարանը գտնում է, որ ամբաստանյալ Սոս Ստեփանի Բաղդասարյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Սոս Ստեփանի Բաղդասարյանին մեղավոր ճանաչել Հայաստանի Հանրապետության քրեական օրենսգրքի 182-րդ հոդվածի 2-րդ մասի 2-րդ կետով նախատեսված հանցանքում և դատապարտել ազատազրկման 3 /երեք/ տարի 6 /վեց/ ամիս ժամկետով` գույքի կեսի բռնագրավմամբ, սակայն ոչ ավելի 222.000 /երկու հարյուր քսաներկու հազար/ ՀՀ դրամ գումարից, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2010թ. հունիսի 24-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Իրեղեն ապացույցների հարցը համարել լուծված։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։


ԴԱՏԱՎՈՐ` Մ. ՄԱՐՏԻՐՈՍՅԱՆ