Գործ Հ ԵԿԴ 0273/01/10

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ք.Երևան 04 նոյեմբերի 2010թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ.ՂԱԶԱՐՅԱՆ
Քարտուղարությամբ` Է.Ավետիսյանի
ՄԱՍՆԱԿՑՈՒԹՅԱՄԲ`
Մեղադրող` Լ.Չարխիֆալակյանի
Պաշտպան՝ Հ.Դավթյանի

Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Հերմինե Էդիկի Խաչատրյանի, ծնված 01.04.1973թ. ք.Կապանում, հայ, ՀՀ
քաղաքացի, ֆիզիկապես առողջ, ութամյա կրթությամբ, ամուսնալուծված,
խնամքին 2 անձ, չի աշխատում, նախկինում չդատված, բնակվում է
ք.Կապան, Ձորք 9 շենք, բնակարան 2:
Որպես խափանման միջոց ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 262 հոդվածի 1-ին մասով:
Քրեական գործը հարուցվել է 21.06.2010թ. ՀՀ Ոստիկանության ՔԳՎ Երևան քաղաքի ՔՎ Կենտրոնականի քննչական բաժնի կողմից:
Ամբաստանյալ Հերմինե Խաչատրյանին մեղադրանք է առաջադրվել այն բանի համար, որ նա, 2007թ հունվար ամսից մինչև 2009թ դեկտեմբեր ընկած ժամանակահատվածում Երևանում, ապա նաև Կապան քաղաքում, գույքային օգուտ ստանալու նպատակով` վարձատրության դիմաց սեռական հարաբերության համար միջնորդելով, նպաստել է Հերմինե Առաքելյանի պոռնկությամբ զբաղվելուն` յուրաքանչյուր սեռական հարաբերության համար հաճախորդից անձամբ վերցնելով 15.000 դրամ, իսկ Հերմինե Առաքելյանին նշված գումարից վճարելով 3000-4000 դրամ գումար:
Բացի այդ, Հերմինե Խաչատրյանը 2010թ ապրիլ-մայիս ամիսների ընթացքում, Երևանում, գույքային օգուտ ստանալու նպատակով` վարձատրության դիմաց սեռական հարաբերության համար միջնորդելով, նպաստել է Մանուշ Մինասյանին պոռնկությամբ զբաղվելուն` յուրաքանչյուր սեռական հարաբերության համար հաճախորդից անձամբ վերցնելով 10.000 դրամ, իսկ Մանուշ Մինասյանին նշված գումարից վճարելով 2000-3000 դրամ գումար:
Քրեական գործը մեղադրական եզրակացությամբ ուղարկվել է դատարան 22.10.2010թ:
Մինչև դատաքննությունն սկսվելն ամբաստանյալ Հերմինե Խաչատրյանը միջնորդեց դատական քննությունն անցկացնել արագացված կարգով և հայտարարեց, որ առաջադրված մեղադրանքն իրեն պարզ է, համաձայն է մեղադրանքի հետ, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննությունն անցկացնելու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Հերմինե Խաչատրյանը կատարել է ՀՀ քրեական օրենսգրքի 262 հոդվածի 1-ին մասով նախատեսված արարք, որի համար պետք է ենթարկվի քրեական պատասխանատվության և պատժի:
Ամբաստանյալ Հերմինե Խաչատրյանի նկատմամբ պատիժ նշանակելիս, պատժի տեսակն ու չափը որոշելիս, դատարանը հաշվի է առնում նրա կատարած հանցագործության հանրության համար վտանգավորության աստիճանն ու բնույթը, նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Որպես անձը բնութագրող հանգամանքներ դատարանը հաշվի է առնում այն, որ նա տվել է խոստովանական ցուցմունքներ, զղջում է կատարածի համար, նախկինում արատավորված չի եղել, ամուսնալուծված է, միայնակ, գտնվելով սոցիալական անապահով վիճակում, խնամում է 2 անչափահաս երեխաներին:
Որպես մեղմացնող հանգամանք դատարանը արձանագրում է, որ խնամքին ունի մինչև 14 տարեկան երկու երեխա:
Ծանրացնող հանգամանքներ դատարանը չի արձանագրում:
Դատարանը, հաշվի առնելով ամբաստանյալի անձը բնութագրող հատկանիշները, եկավ համոզման, որ նրա կողմից կատարված հանցագործության համար նախատեսված պատիժներից նվազ մեղմ տեսակը կարող է ապահովել պատժի նպատակը:
Քննության առնելով ամբաստանյալի նկատմամբ ընտրված խափանման միջոցի հարցը` դատարանը գտավ, որ այն պետք է թողնել անփոփոխ` մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 375-3 հոդվածներով` դատարանը



Վ Ճ Ռ Ե Ց

Հերմինե Էդիկի Խաչատրյանին մեղավոր ճանաչել ՀՀ քրեական օրենսգրքի 262 հոդվածի 1-ին մասով և դատապարտել տուգանքի` երեք հարյուր հազար` 300.000 դրամի չափով:
Խափանման միջոց` ստորագրություն չհեռանալու մասին, թողնել անփոփոխ մինչև դատավճռի օրինական ուժ ստանալը:
Դատավճիռը կարող է բողոքարկվել ՀՀ վերաքննիչ քրեական դատարանին` հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:




ԴԱՏԱՎՈՐ՝ Կ.ՂԱԶԱՐՅԱՆ