Գործ Հ ԵԿԴ 0266/01/10


Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Ք.Երևան 12 նոյեմբերի 2010 թ.

ԵՐԵՎԱՆԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ
ՇՐՋԱՆՆԵՐԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ԴԱՏԱՐԱՆԸ
ՆԱԽԱԳԱՀՈՂ ԴԱՏԱՎՈՐ` Կ.ՂԱԶԱՐՅԱՆ
Քարտուղարությամբ` Է.Ավետիսյանի

ՄԱՍՆԱԿՑՈՒԹՅԱՄԲ`
Մեղադրող` Լ.Չարխիֆալակյանի
Պաշտպան՝ Հ.Դավթյանի

Դռնբաց դատական նիստում արագացված դատաքննության կարգով քննության առավ քրեական գործն ըստ մեղադրանքի`
Կարեն Կարենի Ֆիլոյանի, ծնված 01.06.1978թ. ք.Երևանում, հայ,
ՀՀ քաղաքացի, ֆիզիկապես վատառողջ, միջնակարգ կրթությամբ,
ամուրի, խնամքին ոչ ոք, չի աշխատում,նախկինում դատված. 1.
Երևանի Ավան և Նոր-Նորք համայնքների առաջին ատյանի
դատարանի 26.04.2004թ դատավճռով ՀՀ քր. օր-ի 175 հոդ. 2-րդ մասի
2-րդ, 3-րդ, 4-րդ և 5-րդ կետերով և 235 հոդ 2-րդ մասով, ՀՀ քր. օր-ի 67
հոդ. կարգով 5 տարի ազատազրկման, ազատվել է 11.09.2008թ
պատիժը կրելու հիմքով, բնակվում է ք.Երևան, Տերյան փողոցի 23
շենք, 5 բնակարանում:
Որպես խափանման միջոց ընտրվել է ստորագրություն չհեռանալու մասին:
Մեղադրվում է ՀՀ քրեական օրենսգրքի 258 հոդվածի 1-ին մասով:
Եգոր Համլետի Մեհրաբյանի, ծնված 10.09.1982թ. ք.Երևանում, հայ, ՀՀ
քաղաքացի, ֆիզիկապես վատառողջ, միջնակարգ կրթությամբ, ամուրի,
խնամքին ոչ ոք, չի աշխատում, նախկինում դատված` Երևանի
Կենտրոն և Նորք-Մարաշ համայնքների ընդհանուր իրավասության
դատարանի10.08.2006թ դատավճռով ՀՀ քր. օր-ի 176 հոդ. 2-րդ մասի 1-
ին և 5-րդ կետերով` 3 տարի ազատազրկման, ազատվել է Պ/Վ
08.05.2008թ` 4 ամիս 5 օրով, հաշվառված է ք.Երևան, Այասի 69,
փաստացի բնակվում է ք.Երևան ՀԱ Ա1 թաղ. 40 շենք, 38Ա
բնակարանում:
Մեղադրվում է ՀՀ քրեական օրենսգրքի 258 հոդվածի 2-րդ մասով:
Քրեական գործը հարուցվել է 19.07.2010թ. ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի կողմից:
Ամբաստանյալ Կարեն Ֆիլոյանին մեղադրանք է առաջադրվել այն բանի համար, որ նա, 2010թ հուլիսի 11-ին` ժամը 22:30-ի սահմաններում, Երևան քաղաքի Ձորափի 40 հասցեում գտնվող <Շտապօգնություն> ՓԲԸ-ն վարչական շենքի առաջին հարկում գտնվող բժիշկների սենյակում` հրաժարվելով անցնել սթափության վիճակի ստուգում, շուրջ 20 րոպե տևողությամբ, կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հավաքված աշխատակիցների և ոստիկանության ծառայողների նկատմամբ, բարձրաձայն տվել է սեռական բնույթի հայհոյանքներ:
Ամբաստանյալ Եգոր Մեհրաբյանին մեղադրանք է առաջադրվել այն բանի համար, որ նա, 2010թ հուլիսի 11-ին` ժամը 22:30-ի սահմաններում, Երևան քաղաքի Ձորափի 40 հասցեում գտնվող <Շտապօգնություն> ՓԲԸ-ն վարչական շենքի առաջին հարկում գտնվող բժիշկների սենյակում` հրաժարվելով անցնել սթափության վիճակի ստուգում, շուրջ 20 րոպե տևողությամբ, դիտավորությամբ, կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հավաքված աշխատակիցների և ոստիկանության ծառայողների նկատմամբ, բարձրաձայն տվել է սեռական բնույթի հայհոյանքներ, որի ընթացքում գլխով հարվածել է նշված աշխատասենյակի դռանը ու հատակին, կոտրելով դռան միջնամասը` պատճառելով 20.000 դրամի նյութական վնաս:
Քրեական գործը մեղադրական եզրակացությամբ ուղարկվել է դատարան 18.10.2010թ:
Մինչև դատաքննությունը սկսվելն ամբաստանյաներլ Կարեն Ֆիլոյանը և Եգոր Մեհրաբյանը միջնորդեցին դատական քննությունն անցացնել արագացված կարգով և հայտարարեցին, որ առաջադրված մեղադրանքն իրենց պարզ է, համաձայն են մեղադրանքի հետ, միջնորդությունը ներկայացրել են կամավոր, խորհրդակցել են պաշտպանի հետ, գիտակցում են արագացված կարգով դատաքննությունն անցկացնելու հետևանքները:
Դատարանը համոզվելով, որ առկա են ՀՀ քրեական դատավարության օրենսգրքի 375-1 և 375-2 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալներ Կարեն Ֆիլոյանը կատարել է ՀՀ քրեական օրենսգրքի 258 հոդվածի 1-ին մասով նախատեսված արարք, իսկ Եգոր Մեհրաբյանը` ՀՀ քրեական օրենսգրքի 258 հոդվածի 2-րդ մասով նախատեսված արարք, որի համար պետք է ենթարկվեն քրեական պատասխանատվության և պատժի և այն պետք է կրեն:
Ամբաստանյալների նկատմամբ պատիժ նշանակելիս, պատժի տեսակն ու չափը որոշելիս, դատարանը հաշվի է առնում նրանց կատարած հանցագործության հանրության համար վտանգավորության աստիճանն ու բնույթը, նրանց անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Որպես ամբաստանյալ Կարեն Ֆիլոյանի անձը բնութագրող և պատիժը մեղմացնող հանգամանքներ, դատարանը հաշվի է առնում այն, որ նա զղջում է կատարածի համար, տվել է խոստովանական ցուցմունքներ, ֆիզիկապես վատառողջ է` գանգուղեղում առկա է օտար մարմին, 2004թ ստացել է հաշմանդամության կարգ, սակայն ազատազրկման վայրում գտնվելու պատճառով չի ներկայացել վերահաշվառման:
Ծանրացնող հանգամանքներ դատարանը չի արձանագրում:
Որպես ամբաստանյալ Եգոր Մեհրաբյանի անձը բնութագրող և պատիժը մեղմացնող հանգամանքներ, դատարանը հաշվի է առնում այն, որ նա տվել է խոստովանական ցուցմունքներ, զղջում է կատարածի համար, ֆիզիկապես վատառողջ է` տառապում է <անձի օրգանական խանգարում փսիխոպաթանման վարքագծով> ախտորոշմամբ, կամովին վերականգնել է պատճառված նյութական վնասը:
Ծանրացնող հանագամանքներ դատարանը չի արձանագրում:
Դատարանը, հաշվի առնելով ամբաստանյալների անձը բնութագրող հատկանիշները, եկավ համոզման, որ նրանց կողմից կատարված հանցագործության համար նախատեսված պատիժներից նվազ մեղմ տեսակը կարող է ապահովել պատժի նպատակը:
Քննության առնելով ամբաստանյալներ Կարեն Ֆիլոյանի և Եգոր Մեհրաբյանի նկատմամբ ընտրված խափանման միջոցի հարցը, դատարանը գտավ, որ այն պետք է թողնել անփոփոխ մինչև դատավճռի օրինական ուժի մեջ մտնելը:
Տուժողի ներկայացուցիչ Լիլիա Պողոսյանը քաղաքացիական հայցի պահանջ չներկայացրեց, այն հատուցված լինելու պատճառաբանությամբ և խնդրեց չպատժել, կամ մեղմ պատժել ամբաստանյալներին:
Քննության առնելով գործով իրեղեն ապացույցների տնօրինման հարցը, դատարանը եկավ համոզման, որ Կարեն Ֆիլոյանին պատկանող վերնաշապիկը պետք է վերադարձնել նրան, իսկ բամբակյա խծուծները ենթակա են ոչնչացման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 357-360, 375-3 հոդվածներով, դատարանը

Վ Ճ Ռ Ե Ց
Կարեն Կարենի Ֆիլոյանին մեղավոր ճանաչել ՀՀ քրեական օրենսգրքի 258 հոդվածի 1-ին մասով և դատապարտել` տուգանքի 50.000` հիսուն հազար դրամի չափով:
Խափանման միջոց` ստորագրություն չհեռանալու մասին, թողնել անփոփոխ մինչև դատավճռի օրինական ուժ ստանալը:
Եգոր Համլետի Մեհրաբյանին մեղավոր ճանաչել ՀՀ քրեական օրենսգրքի 258 հոդվածի 2-րդ մասով և դատապարտել` տուգանքի 150.000` հարյուր հիսուն հազար դրամի չափով:
Խափանման միջոց` ստորագրություն չհեռանալու մասին, թողնել անփոփոխ մինչև դատավճռի օրինական ուժ ստանալը:
Գործով իրեղեն ապացույց ճանաչված, Կարեն Ֆիլոյանին պատկանող վերնաշապիկը վերադարձնել նրան, իսկ բամբակյա խծուծները` ոչնչացնել:
Դատավճիռը կարող է բողոքարկվել ՀՀ վերաքննիչ քրեական դատարանին հրապարակման օրվանից մեկամսյա ժամկետում` բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքով:


ԴԱՏԱՎՈՐ՝ Կ.ՂԱԶԱՐՅԱՆ