Գործ ԵԿԴ/0259/01/10


Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ՔՐԵԱԿԱՆ
ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ Կ. ՂԱԶԱՐՅԱՆԻ

ՔԱՐՏՈՒՂԱՐՈՒԹՅԱՄԲ` Ս. Յուզբաշյանի



23 նոյեմբերի 2011 թ. Երևան

Դռնփակ դատական նիստում, դատապարտյալ Խաչիկ Վոլոդյայի Առաքելյանի վերաքննիչ բողոքի հիման վրա, դատական ստուգման ենթարկելով՝ վերջինիս դիմումը մերժելու մասին, Երևանի Կենտրոն և Նորք Մարաշ վարչական շրջանների ընդհանուր իրավասության դատարանի /այսուհետ` Դատարան/ 2011թ. հոկտեմբերի 21-ի որոշման օրինականությունը և հիմնավորվածությունը,


Պ Ա Ր Զ Ե Ց


Դատարանի 04.03.2011թ. դատավճռով Խաչիկ Առաքելյանը մեղավոր է ճանաչվել ՀՀ քրեական օրենսգրքի 266 հոդվածի 4-րդ մասով, 268 հոդվածի 2-րդ մասի 2-րդ կետով, 268 հոդվածի 3-րդ ու 34-268 հոդվածի 3-րդ մասերով և դատապարտվել` ՀՀ քրեական օրենսգրքի 266 հոդվածի 4-րդ մասով` 150.000 դրամ տուգանքի, 268 հոդվածի 2-րդ մասի 2-րդ կետով` ազատազրկման 1 տարի ժամկետով, 268 հոդվածի 3-րդ մասով` ազատա-զըրկման 2 տարի ժամկետով, 34-268 հոդվածի 3-րդ մասով` ազատազրկման 2 տարի ժամկետով։
ՀՀ քրեական օրենսգրքի 66 հոդվածի 4-րդ մասի համաձայն, պատիժները մասնակիորեն գումարելու միջոցով, որպես վերջնական պատիժ նշանակվել է ազատազրկում 2 տարի 6 ամիս ժամկետով և 100.000 դրամ տուգանք։
ՀՀ քրեական օրենսգրքի 69 հոդվածի համաձայն` նշանակված պատժին հաշվակցվել է վերջինիս նախնական կալանքի տակ գտնվելու 2 օրն ու թողնվել է կրելու ազատազրկում 2 տարի 5 ամիս 28 օր ժամկետով և 100.000 դրամ տուգանք։
Խաչիկ Առաքելյանի նկատմամբ ընտրված խափանման միջոցը` ստորագրություն չհեռանալու մասին, փոխվել է, որպես խափանման միջոց ընտրվել է կալանքը և վճռվել է նրան անհապաղ կալանքի վերցնել դատարանի դահլիճում` պատժի կրման սկիզբը հաշվելով 04.03.2011թ.-ից:
Վերջինիս նկատմամբ` ըստ ազատազրկումը կրելու վայրի, պատժի կատարման հետ միացված նշանակվել է հարկադիր բուժում թմրամոլությունից։
19.09.2011թ. դատապարտյալը դիմում է ներկայացրել Դատարան` խնդրելով աջակցել իրեն, որպեսզի <<դատական կարգով իր վրայից հանվի ՀՀ քրեական օրենսգրքի 97 հոդվածի հարկադիր բուժումը>>:
Դատարանի 21.10.2011թ. որոշմամբ մերժվել է վերջինիս դիմումը` այն պատճառաբանությամբ, որ օրենքով և ՀՀ քրեական դատավարության օրենսգրքի 41 հոդվածով նախատեսված չէ բժշկական բնույթի հարկադրանքի միջոցի կիրառումը դադարեցնելու հարցում դատապարտյալին աջակցելու դատարանի լիազորություն, միաժամանակ, ՀՀ քրեական օրենսգրքի 101 հոդվածի 2-րդ մասի համաձայն, անձի առողջանալու կամ նրա հիվանդության բնույթի այնպիսի փոփոխության դեպքում, երբ վերանում է բժշկական բնույթի հարկադրանքի միջոց կիրառելու անհրաժեշտությունը, դատարանը բժշական հաստատության եզրակացության հիման վրա որոշում է կայացնում դրանց կիրառումը դադարեցնելու մասին:
Նշված որոշման դեմ վերաքննիչ բողոք է բերել դատապարտյալ Խաչիկ Առաքելյանը` խնդրելով վերանայել Դատարանի 21.10.2011թ. որոշումը և հաշվի առնել, որ ինքը ստանում է <<Մետադոնային>> բուժում, որը նշանակվել է Նարկո-դիսպանսերի կողմից 2010թ.:
Վերաքննիչ քրեական դատարանը բողոքում նշված հիմքերի սահմաններում վերլուծելով գործի նյութերը, հանգում է այն հետևության, որ վերաքննիչ բողոքը պետք է մերժել` ընդհանուր իրավասության դատարանի որոշումը թողնելով անփոփոխ, հետևյալ պատճառաբանությամբ.
Համաձայն ՀՀ քրեական օրենսգրքի 101 հոդվածի 2-րդ մասի, անձի առողջանալու կամ նրա հիվանդության բնույթի այնպիսի փոփոխության դեպքում, երբ վերանում է բժշկական բնույթի հարկադրանքի միջոց կիրառելու անհրաժեշտությունը, դատարանը, բժշական հաստատության եզրակացության հիման վրա, որոշում է կայացնում դրանց կիրառումը դադարեցնելու մասին:
Համաձայն ՀՀ քրեական օրենսգրքի 101 հոդվածի 3-րդ մասի, բժշական հաստատության եզրակացության հիման վրա, դատարանը կարող է որոշում կայացնել նաև բժշկական բնույթի հարկադրանքի միջոցի տեսակը փոխելու մասին:
Բժշկական բնույթի հարկադրանքի միջոցի դադարեցման կամ փոփոխման հիմքը անձի հոգեկան վիճակի այնպիսի փոփոխությունն է, որի դեպքում վերանում է նախկինում նշանակված միջոցի անհրաժեշտությունը կամ անհրաժեշտություն է առաջանում այլ միջոց նշանակելու:
Տվյալ դեպքում, վերը վկայակոչված հիմքերով, դատապարտյալ Խաչիկ Առաքելյանի դիմումը քննության առնելու արդյունքում, ընդհանուր իրավասության առաջին ատյանի դատարանն իրավացիորեն հանգելով այն հետևության, որ ՀՀ քրեական դատավարության օրենսգրքի 41 հոդվածով նախատեսված չէ բժշկական բնույթի հարկադրանքի միջոցի կիրառումը դադարեցնելու հարցում դատապարտյալին աջակցելու դատարանի լիազորություն, մերժել է վերջինիս դիմումը:
Քննության առնելով վերը նշված բոլոր հանգամանքներն իրենց համակցության մեջ, ՀՀ Վերաքննիչ քրեական դատարանը հանգում է այն հետևության, որ Դատարանի 21.10.2011թ. որոշումը օրինական է, հիմնավորված և պատճառաբանված, այն փոփոխելու կամ բեկանելու հիմքեր չկան, հետևաբար, դատապարտյալ Խաչիկ Առաքելյանի վերաքննիչ բողոքը պետք է մերժել` Դատարանի որոշումը թողնելով օրինական ուժի մեջ:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 393- 394 հոդվածներով` ՀՀ Վերաքննիչ քրեական դատարանը






Ո Ր Ո Շ Ե Ց

Դատապարտյալ Խաչիկ Վոլոդյայի Առաքելյանի վերաքննիչ բողոքը մերժել` Երևանի Կենտրոն և Նորք Մարաշ վարչական շրջանների ընդհանուր իրավասության դատարանի 2011թ. հոկտեմբերի 21-ի որոշումը թողնելով օրինական ուժի մեջ:
Որոշումը կարող է բողոքարկվել ՀՀ վճռաբեկ դատարան ակտն ստանալու պահից տասնհինգօրյա ժամկետում:



ՆԱԽԱԳԱՀՈՂ ԴԱՏԱՎՈՐ` ստորագրություն
ԴԱՏԱՎՈՐՆԵՐ` ստորագրություն
Իսկականի հետ ճիշտ է:


ՆԱԽԱԳԱՀՈՂ ԴԱՏԱՎՈՐ Կ. ՂԱԶԱՐՅԱՆ

ԵԿԴ/0259/01/10


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`
նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրողներ Վ.ՄՈՒՐԱԴՅԱՆԻ
Մ.ՀԱԿՈԲՅԱՆԻ
ամբաստանյալներ Ա.ՄԱՆՈՒՉԱՐՅԱՆԻ
Խ.ԱՌԱՔԵԼՅԱՆԻ
պաշտպաններ Ն.ՄԵՀՐԱԲՅԱՆԻ
Ա.ՄԱԹԵՎՈՍՅԱՆԻ
Վ.ԳԵՎՈՐԳՅԱՆԻ

2011թ. մարտի 4-ին դատարանում` դռնբաց դատական նիստում, քննեց գործն ըստ մեղադրանքի`
1. Արտակ Արամի Մանուչարյանի` ծնված 13.05.1964թ. Ադրբեջանի Հանրապետության Շարուքար գյուղում, ազգությամբ հայ, ՀՀ քաղաքացի, իր հայտարարությամբ` ամուսնացած, խնամքին երեք անձ, միջնակարգ-մասնագիտական կրթությամբ ու վատառողջ, նախկինում դատված` Երևան քաղաքի նախկին Կենտրոն և Նորք-Մարաշ համայնքների ընդհանուր իրա-վասության դատարանի 08.10.2009թ. դատավճռով ՀՀ քրեական օրենսգրքի 38-266-րդ հոդվածի 4-րդ մասով ու 38-268-րդ հոդվածի 2-րդ մասի 1-ին և 2-րդ կետերով` նույն օրենսգրքի 66-րդ հոդ-վածի համաձայն, դատապարտվել է ազատազրկման 6 ամիս ժամկետով ու 100.000 դրամ տու-գանքի, հաշվառված է` ք.Երևան, Այգեստան, 11-րդ փողոց, 1/5 տուն, բնակվում է` ք.Երևան, Ար-մենակյան փողոց, տուն հ. 121, 2010թ. ապրիլի 28-ից մինչև 2010թ. ապրիլի 30-ը պահվել է կա-լանքի տակ, ներկայումս արգելանքի տակ չէ, մեղադրվում է ՀՀ քրեական օրենսգրքի 215-րդ հոդ-վածի 2-րդ մասով, 266-րդ հոդվածի 3-րդ մասի 2-րդ, 34-266-րդ հոդվածի 3-րդ մասի 2-րդ կետե-րով, 266-րդ հոդվածի 4-րդ և 268-րդ հոդվածի 3-րդ մասերով,
2. Խաչիկ Վոլոդյայի Առաքելյանի` ծնված 02.06.1971թ. ք.Երևանում, ազգությամբ հայ, ՀՀ քաղաքացի, իր հայտարարությամբ` ամուսնացած, խնամքին երկու անձ, միջնակարգ կրթութ-յամբ և վատառողջ, չի աշխատում, ՌԴ Մոսկվա քաղաքի Դորոգոմիլովսկու ժողդատարանի 25.12.1998թ. դատավճռով ՌԴ քրեական օրենսգրքի 126-րդ հոդվածի 2-րդ, 148-րդ հոդվածի 3-րդ մասերով` նույն օրենսգրքի 40-րդ հոդվածի համաձայն, դատապարտվել է ազատազրկման 4 տարի ժամկետով, դատվածությունը` մարված, բնակվում է` ք.Երևան, Արմենակյան փողոց, տուն հ. 77, 2010թ. ապրիլի 29-ից մինչև 2010թ. մայիսի 1-ը պահվել է կալանքի տակ, ներկայումս արգելանքի տակ չէ, մեղադրվում է ՀՀ քրեական օրենսգրքի 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, 268-րդ հոդվածի 3-րդ ու 34-268-րդ հոդվածի 3-րդ մասերով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Նոր Նորքի քննչական բաժնի ավագ քննիչ Գ.Մանուկյանը 2010թ. մարտի 10-ի որոշմամբ ՀՀ քրեական օրենսգրքի 177-րդ հոդվածի 2-րդ մասի 2-րդ և 3-րդ կետերով հարուցել է թիվ 17108510 քրեական գործը, իսկ 2010թ. ապրիլի 26-ի որոշմամբ թիվ 17108510 քրեական գործից ՀՀ քրեական օրենսգրքի, 266-րդ հոդվածի 4-րդ, 268-րդ հոդվածի 1-ին մասերով և 268-րդ հոդվածի 2-րդ մասի 2-րդ կետով առանձնացրել է թիվ 17113910 քրեական գործը։
ՀՀ ոստիկանության ՔԳՎ ՀԿԳ ՔՎ 3-րդ բաժնի պետի տեղակալ Ա.Մելիքյանը 2010թ. ապրիլի 27-ի որոշմամբ թիվ 17113910 քրեական գործն ընդունել է իր վարույթ։
ՀՀ ոստիկանության ՔԳՎ ՀԿԳ ՔՎ 3-րդ բաժնի պետի տեղակալ Ա.Մելիքյանը 2010թ. ապրիլի 28-ին ձերբակալել է Արտակ Արամի Մանուչարյանին, իսկ 2010թ. ապրիլի 29-ին` Խաչիկ Վոլոդյայի Առաքելյանին։
ՀՀ ոստիկանության ՔԳՎ ՀԿԳ ՔՎ 3-րդ բաժնի պետի տեղակալ Ա.Մելիքյանը 2010թ. ապրիլի 30-ի որոշումներով կասկածյալ Ա.Մանուչարյանին ազատել է արգելանքից և նրա նկատմամբ` որպես խափանման միջոց, կիրառել է ստորագրություն` չհեռանալու մասին, իսկ 2010թ. մայիսի 1-ի որոշումներով կասկածյալ Խ.Առաքելյանին ազատել է արգելանքից ու նրա նկատմամբ` որպես խափանման միջոց, կիրառել է ստորագրություն` չհեռանալու մասին։
ՀՀ ոստիկանության ՔԳՎ ՀԿԳ ՔՎ 3-րդ բաժնի պետի տեղակալ Ա.Մելիքյանը 2010թ. մայիսի 4-ի որոշումներով Ա.Մանուչարյանին ներգրավել է որպես մեղադրյալ և նրան մեղադը-րանք է առաջադրել ՀՀ քրեական օրենսգրքի 266-րդ հոդվածի 3-րդ մասի 2-րդ կետով ու 266-րդ հոդվածի 4-րդ մասով, իսկ Խ.Առաքելյանին` ՀՀ քրեական օրենսգրքի 266-րդ հոդվածի 4-րդ և 268-րդ հոդվածի 3-րդ մասերով, իսկ 23.09.2010թ. որոշումներով Ա.Մանուչարյանին առաջադըր-ված մեղադրանքի ծավալը փոփոխել, լրացրել և նոր մեղադրանք է առաջադրել ՀՀ քրեական օրենսգրքի 215-րդ հոդվածի 2-րդ մասով, 266-րդ հոդվածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով, իսկ Խ.Առաքել-յանին առաջադրված մեղադրանքի ծավալը փոփոխել, լրացրել և նոր մեղադրանք է առաջադրել ՀՀ քրեական օրենսգրքի 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, 268-րդ հոդվածի 3-րդ ու 34-268-րդ հոդվածի 3-րդ մասերով։
2010թ. սեպտեմբերի 28-ին թիվ 17113910 քրեական գործը մեղադրական եզրակացութ-յամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի (դատավոր Գ.Պողոսյան) 2010թ. հոկտեմբերի 8-ի որոշմամբ Արտակ Արամի Մանուչարյանի վերաբերյալ ՀՀ քրեական օրենսգրքի 215-րդ հոդվածի 2-րդ մասով, 266-րդ հոդ-վածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով, Խաչիկ Վոլոդյայի Առաքելյանի վերաբերյալ ՀՀ քրեական օրենսգրքի 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, 268-րդ հոդվա-ծի 3-րդ ու 34-268-րդ հոդվածի 3-րդ մասերով քրեական գործն ընդունվել է վարույթ, իսկ 2010թ. հոկտեմբերի 21-ի որոշմամբ նշանակվել է դատաքննության։
Ամբաստանյալ Արտակ Մանուչարյանին ՀՀ քրեական օրենսգրքի 215-րդ հոդվածի 2-րդ մասով, 266-րդ հոդվածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով մեղադրանք է առաջադրվել այն բանի համար, որ նա. «Իրանի Իսլամական Հանրապետությունից մաքսանենգությամբ Հայաստանի Հանրա-պետություն առանձնապես խոշոր չափի «ափիոն» տեսակի թմրամիջոց փոխադրելու և գործա-ծելու շուրջ նախնական համաձայնության գալով իր ընկեր Արմեն Ալեքսանյանի, ինչպես նաև Իրանում բնակվող իրենց վաղեմի ծանոթ` ԻԻՀ քաղաքացի ոմն Աչբար Զեյնալի հետ, 2005թ. ամ-ռանից մինչև 2007թ. գարունն ընկած ժամանակահատվածում, Արմեն Ալեքսանյանի հետ միա-սին Աչբար Զեյնալին վճարել են ընդհանուր` 17.500 ԱՄՆ դոլար գումար, կրկին անգամ, ապօրի-նի ձեռք են բերել ընդհանուր` առանձնապես խոշոր չափի` 2.500 գրամ «ափիոն» տեսակի թմրա-միջոց, որը Աչբար Զեյնալին անհայտ հանգամանքներում, քննությամբ չպարզված ԻԻՀ քաղա-քացիների միջոցով ՀՀ պետական պահպանվող սահմանի վրայով մաքսային հսկողությունից թաքցնելով փոխադրել է Երևան և տեղում հանձնել Արտակ Մանուչարյանին ու Արմեն Ալեք-սանյանին։
Այնուհետև, նույն ժամանակահատվածում Արտակ Մանուչարյանը և Արմեն Ալեքսանյա-նը, քննությամբ չպարզված անձից և հանգամանքներում, գործածելու նպատակով, կրկին ան-գամ, ապօրինի ձեռք են բերել թմրամիջոցի պատրաստման համար պրեկուրսոր հանդիսացող «քացախաթթվի անհիդրիդ», որով վերը նշված 2.500 գրամ «ափիոն» տեսակի թմրամիջոցը վե-րամշակելով, ներարկվելու եղանակով գործածել են։
Բացի այդ, Արտակ Մանուչարյանը, թմրամիջոցների ապօրինի շրջանառության հետ կապված այլ հանցագործություն կատարելու համար 2009թ. հոկտեմբերի 8-ին դատապարտվել է ՀՀ քրեական օրենսգրքի 38-268 հոդվածի 1-ին մասով, 38-268 հոդվածի 2-րդ մասի 1-ին և 2-րդ կետերով և դեռևս դատվածությունը չմարված, 2009թ. նոյեմբեր ամսին Իրանի Իսլամական Հան-րապետությունից մաքսանենգությամբ Հայաստանի Հանրապետություն առանձնապես խոշոր չափի «ափիոն» տեսակի թմրամիջոց փոխադրելու և Երևան քաղաքում վաճառելով իրացնելու շուրջ նախնական համաձայնության գալով նույն Աչբար Զեյնալի հետ, 2009թ. նոյեմբերից մինչև 2010թ. ապրիլն ընկած ժամանակահատվածում, քննությամբ չպարզված հանգամանքներում, ապօրինի, կրկին անգամ, ձեռք է բերել և պահել առանձնապես խոշոր չափի` 3.150 գրամ «ա-փիոն» տեսակի թմրամիջոց, որը նրան է ուղարկել Ա.Զեյնալին քննությամբ չպարզված ԻԻՀ տարբեր քաղաքացիների միջոցով, որոնք անհայտ հանգամանքներում, թմրամիջոցը ՀՀ պետա-կան պահպանվող սահմանի վրայով մաքսային հսկողությունից թաքցնելով փոխադրել են Երե-վան և հանձնել Արտակ Մանուչարյանին։ Վերջինս, կրկին անգամ, ապօրինի ձեռք բերած թըմ-րամիջոցից առանձնապես խոշոր չափի` 150 գրամը, 2009թ. դեկտեմբերից մինչև 2010թ. ապրիլն ընկած ժամանակահատվածում, Երևան քաղաքում, հետագայում վճարելու պայմանով, 1 գրա-մը` 12 ԱՄՆ դոլարով, վաճառելով իրացրել է հարևանությամբ բնակվող Խաչիկ Վոլոդյայի Առա-քելյանին, իսկ 2010թ. մարտ-ապրիլ ամսին, առանձնապես խոշոր չափի` 60 գրամ «ափիոնը» ընդհանուր` 200.000 ՀՀ դրամով և 800 ԱՄՆ դոլարով վաճառել է իր մեկ այլ ծանոթ Անդրանիկ Գևորգի Գրիգորյանին։
Նույն ժամանակահատվածում, Արտակ Մանուչարյանը քննությամբ չպարզված անձից, գործածման և իրացման նպատակով ապօրինի ձեռք է բերել և պահել թմրամիջոցի պատրաստ-ման համար պրեկուրսոր հանդիսացող «քացախաթթվի անհիդրիդ», որից 150 մլ, 150 գրամ «ա-փիոն» տեսակի թմրամիջոցի հետ միասին, վաճառելով, կրկին անգամ իրացրել է Խաչիկ Վոլոդ-յայի Առաքելյանին։
Իսկ մինչ այդ, 2009թ. դեկտեմբեր ամսին, Երևան քաղաքի Արմենակյան 77 տան նկուղում, ապօրինի ձեռք բերած և իր մոտ պահվող «ափիոն» տեսակի թմրամիջոցից 5 գրամը 5 մլ պրե-կուրսոր հանդիսացող «քացախաթթվի անհիդրիդով» վերամշակելուց հետո, հյուրասիրելու միջո-ցով, կրկին անգամ, խոշոր չափի` 2,5 գրամ «ափիոն» տեսակի թմրամիջոց և 2,5 մլ պրեկուրսոր հանդիսացող «քացախաթթվի անհիդրիդ» իրացրել է Խաչիկ Առաքելյանին, իսկ դրա մյուս կեսը` նույն քանակի «ափիոն» ու «անհիդրիդը» գործածել է անձամբ։
Բացի այդ, 2010թ. ապրիլի սկզբներին, Արտակ Մանուչարյանը նախնական համաձայ-նության գալով Խաչիկ Առաքելյանի հետ, հետագայում իրացնելու և գործածելու նպատակով, առանձնապես խոշոր չափի` 15.000 գրամ «ափիոն» և 1.000 գրամ «հաշիշ» տեսակի թմրամիջոց-ներ Աչբար Զեյնալից կրկին անգամ ձեռք բերելու համար, միասին նրան են ուղարկել ընդհանուր 12.000 ԱՄՆ դոլար կանխավճար, սակայն նշված թմրամիջոցները Աչբար Զեյնալի և նրա հան-ցակից` ԻԻՀ մեկ այլ քաղաքացի Ազիզ Միրզալուի կողմից Իրանի Իսլամական Հանրապետութ-յունից չուղարկելու պատճառով` իրենց կամքից անկախ հանգամանքներով, հանցավոր մտա-դըրությունը չեն կարողացել հասցնել ավարտին։
Արտակ Մանուչարյանը իրացման և գործածման նպատակով ձեռք բերած առանձնա-պես խոշոր չափի` 3.150 գրամ «ափիոնից» 167,6 գրամը կամովին ներկայացրել է ոստիկանութ-յան աշխատակիցներին, առանձնապես խոշոր չափի` 2.767,292 գրամը վերամշակելով չպարզը-ված հանգամանքներում ձեռք բերած թմրամիջոցի պատրաստման համար պրեկուրսոր հանդի-սացող «քացախաթթվի անհիդրիդով» ներարկվելով գործածել է, իսկ «քացախաթթվի անհիդրի-դով» վերամշակված 0,108 գրամ «ացետիլացված ափիոնը», հետագայում գործածելու նպատա-կով, ներարկիչով պահել է իր բնակության վայրում` Երևան քաղաքի Ա.Արմենակյան 121 տան կիսակառույց ավտոկայանատեղի դարպասի մոտ, որն էլ հայտնաբերվել է ոստիկանության աշ-խատակիցների կողմից նրա բնակության վայրի խուզարկության ժամանակ»։
Ամբաստանյալ Խաչիկ Առաքելյանին ՀՀ քրեական օրենսգրքի 266-րդ հոդվածի 4-րդ մա-սով, 268-րդ հոդվածի 2-րդ մասի 2-րդ կետով, 268-րդ հոդվածի 3-րդ ու 34-268-րդ հոդվածի 3-րդ մասերով մեղադրանք է առաջադրվել այն բանի համար, որ նա. «2009թ. դեկտեմբեր ամսին առանց իրացնելու նպատակի, իր գործածման համար, Երևան քաղաքի Արմենակյան 77 տան նկուղում հարևանությամբ բնակվող Արտակ Մանուչարյանից ապօրինի ձեռք է բերել նրա կող-մից թմրամիջոցի պատրաստման համար պրեկուրսոր հանդիսացող 2,5 մլ ծավալով «քացախա-թթվի անհիդրիդով» վերամշակված և հյուրասիրած խոշոր չափի 2,5 գրամ «ափիոն» տեսակի թմրամիջոցը, որոնք նույն տեղում ներարկվելու եղանակով գործածել է։
Դրանից հետո, 2009թ. դեկտեմբերից մինչև 2010թ. ապրիլն ընկած ժամանակահատվա-ծում, Երևան քաղաքում, հետագայում վճարելու պայմանով, առանց իրացնելու նպատակի` իր գործածման համար, գրամը 12 ԱՄՆ դոլարով, Ա.Մանուչարյանից, 5-ից 15 գրամ չափաբաժին-ներով գնելով, կրկին անգամ ապօրինի ձեռք է բերել և պահել առանձնապես խոշոր չափի` 150 գրամ «ափիոն» տեսակի թմրամիջոց և 150 մլ ծավալով թմրամիջոցի պատրաստման պրեկուր-սոր հանդիսացող «քացախաթթվի անհիդրիդ», որով «ափիոնը» վերամշակելով, գործածել է նե-րարկվելու եղանակով։
Բացի այդ, 2010թ. ապրիլի սկզբներին, Խաչիկ Առաքելյանը նախնական համաձայնութ-յան գալով Արտակ Մանուչարյանի հետ, հետագայում գործածելու նպատակով, առանձնապես խոշոր չափի` 15000 գրամ «ափիոն» և 1000 գրամ «հաշիշ» տեսակի թմրամիջոցներ Ա.Մանու-չարյանի ծանոթ Աչբար Զեյնալից կրկին անգամ ձեռք բերելու համար միասին նրան են ուղար-կել ընդհանուր 12000 ԱՄՆ դոլար կանխավճար, սակայն նշված թմրամիջոցները Աչբար Զեյնա-լի և նրա հանցակից ԻԻՀ մեկ այլ քաղաքացի Ազիզ Միրզալուի կողմից Իրանի Իսլամական Հան-րապետությունից չուղարկելու պատճառով` իրենց կամքից անկախ հանգամանքներով, հանցա-վոր մտադրությունը չեն կարողացել հասցնել ավարտին»։
Նախաքննության ընթացքում ամբաստանյալներ Ա.Մանուչարյանը և Խ.Առաքելյանն իրենց մեղավոր են ճանաչել լիովին ու տվել են խոստովանական ցուցմունքներ։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Արտակ Մանուչարյանն առանձնապես խոշոր չափերով «Ափիոն» տեսակի թմրամիջոց ձեռք բերելու, վաճառելու և գործածելու շուրջ նախնական համաձայնության գալով իր հանցակիցների` ընկերոջ ու Իրանում բնակվող, ԻԻՀ քաղաքացի իրենց ծանոթի հետ, 2005թ. ամռանից մինչև 2007թ. գարունն ընկած ժամանակա-հատվածում, ընկերոջ հետ միասին ԻԻՀ քաղաքացի իրենց ծանոթին վճարել են ընդհանուր առ-մամբ 17.500 ԱՄՆ դոլար ու նրանից ապօրինի ձեռք են բերել առանձնապես խոշոր չափերով` 2.500 գրամ ընդհանուր քաշով, «Ափիոն» տեսակի թմրամիջոց, որոնք ԻԻՀ քաղաքացի նրանց ծանոթն անհայտ հանգամանքներում` քննությամբ չպարզված ԻԻՀ քաղաքացիների միջոցով ՀՀ մաքսային սահմանով` մաքսային հսկողությունից թաքցնելով, փոխադրել է ք.Երևան և տեղում հանձնել ամբաստանյալ Ա.Մանուչարյանին ու նրա ընկերոջը։
Նույն ժամանակահատվածում ամբաստանյալ Ա.Մանուչարյանը և նրա ընկերը, քննութ-յամբ չպարզված անձից ու հանգամանքներում` գործածելու նպատակով, ապօրինի ձեռք են բե-րել թմրամիջոցի պատրաստման համար պրեկուրսոր հանդիսացող քացախաթթվի անհիդրիդ, որով վերը նշված 2.500 գրամ «Ափիոն» տեսակի թմրամիջոցը վերամշակելով` ներարկվելու եղա-նակով գործածել են։
Բացի այդ, ամբաստանյալ Ա.Մանուչարյանը, 2009թ. հոկտեմբերի 8-ին դատապարտվե-լով ՀՀ քրեական օրենսգրքի 38-266-րդ հոդվածի 4-րդ մասով ու 38-268-րդ հոդվածի 2-րդ մասի 1-ին և 2-րդ կետերով ու պատժից ազատվելով 24.10.2009թ-ին, 2009թ. նոյեմբեր ամսին առանձ-նապես խոշոր չափերով «Ափիոն» տեսակի թմրամիջոց ձեռք բերելու շուրջ նախնական համա-ձայնության գալով նույն ծանոթ ԻԻՀ քաղաքացու հետ, 2009թ. նոյեմբերից մինչև 2010թ. ապրիլն ընկած ժամանակահատվածում` քննությամբ չպարզված հանգամանքներում, նշված ծանոթից ապօրինի ձեռք է բերել ու պահել առանձնապես խոշոր չափերով` 3.150 գրամ ընդհանուր քաշով, «Ափիոն» տեսակի թմրամիջոց, որը վերջինս նրան է ուղարկել քննությամբ չպարզված ԻԻՀ տարբեր քաղաքացիների միջոցով, ովքեր անհայտ հանգամանքներում թմրամիջոցները ՀՀ մաք-սային սահմանով` մաքսային հսկողությունից թաքցնելով, փոխադրել են ք.Երևան և հանձնել ամբաստանյալ Ա.Մանուչարյանին, ով ձեռք բերած թմրամիջոցից առանձնապես խոշոր չափե-րով մի մասը` 150 գրամը, 2009թ. դեկտեմբերից մինչև 2010թ. ապրիլն ընկած ժամանակահատ-վածում` հետագայում վճարելու պայմանով, 1 գրամը 12 ԱՄՆ դոլարով ք.Երևանում վաճառել է հարևանությամբ բնակվող ամբաստանյալ Խաչիկ Առաքելյանին, իսկ 2010թ. մարտ-ապրիլ ամիսներին` առանձնապես խոշոր չափերով մի մասն էլ` 60 գրամը, ընդհանուր առմամբ 200.000 ՀՀ դրամով և 800 ԱՄՆ դոլարով վաճառել է իր մեկ այլ ծանոթին` Անդրանիկ Գրիգորյանին։
Նույն ժամանակահատվածում ամբաստանյալ Ա.Մանուչարյանը քննությամբ չպարզված անձից` գործածման և իրացման նպատակով, ապօրինի ձեռք է բերել ու պահել թմրամիջոցի պատրաստման համար պրեկուրսոր հանդիսացող քացախաթթվի անհիդրիդ, որից 150 մլ-ը` 150 գրամ «Ափիոն» տեսակի թմրամիջոցի հետ միասին, վաճառել է ամբաստանյալ Խ.Առաքելյա-նին։
Բացի վերը նշվածները, ամբաստանյալ Ա.Մանուչարյանը, 2009թ. դեկտեմբեր ամսին` ք. Երևանի Արմենակյան փողոցի հ. 77 տան նկուղում, ապօրինի ձեռք բերած և իր մոտ պահվող «Ափիոն» տեսակի թմրամիջոցից 5 գրամը 5 մլ ծավալով քացախաթթվի անհիդրիդով վերամշա-կելուց հետո, պատրաստված թմրամիջոցից խոշոր չափերով մասը` 2,5 գրամը, հյուրասիրել է ամբաստանյալ Խ.Առաքելյանին, իսկ մյուս մասը գործածել է անձամբ։
2010թ. ապրիլի սկզբներին ամբաստանյալ Ա.Մանուչարյանը, նախնական համաձայնութ-յան գալով ամբաստանյալ Խ.Առաքելյանի հետ, հետագայում իրացնելու և գործածելու նպատա-կով առանձնապես խոշոր չափերով` 15.000 գրամ քաշով «Ափիոն» և 1.000 գրամ քաշով «Հաշիշ» տեսակի թմրամիջոցներ վերը նշված նույն ծանոթ ԻԻՀ քաղաքացուց ձեռք բերելու համար միա-սին նրան են ուղարկել 12.000 ԱՄՆ դոլար, որից 5.000-ը ներդրել է ամբաստանյալ Ա.Մանուչար-յանը, իսկ 7.000-ը` ամբաստանյալ Խ.Առաքելյանը, սակայն նշված թմրամիջոցները ԻԻՀ-ից չեն ուղարկել նրանց, այսինքն` հանցագործությունն ավարտին չի հասցվել նրանց կամքից անկախ հանգամանքներով։
Ամբաստանյալ Ա.Մանուչարյանն իրացման և գործածման նպատակով ձեռք բերած ա-ռանձնապես խոշոր չափերով` 3.150 գրամ քաշով, «Ափիոն» տեսակի թմրամիջոցից 167,6 գրամը կամովին ներկայացրել է ոստիկանության աշխատակիցներին, առանձնապես խոշոր չափերով մասը` 2.767,292 գրամը, վերամշակելով քննությամբ չպարզված հանգամանքներում ձեռք բերած քացախաթթվի անհիդրիդով, գործածել է ներարկման միջոցով, իսկ քացախաթթվի անհիդրիդով վերամշակված 0,108 գրամ «Ացետիլացված ափիոն»-ը` հետագայում գործածելու նպատակով, ներարկիչով պահել է իր բնակության վայրում` ք.Երևանի Ա.Արմենակյան փողոցի հ. 121 տան կիսակառույց ավտոկայանատեղի դարպասի մոտ, որն էլ հայտնաբերվել է ոստիկանության աշ-խատակիցների կողմից` նրա բնակության վայրի խուզարկության ժամանակ։
Դատաքննությամբ նաև պարզվեց, որ ամբաստանյալ Խաչիկ Առաքելյանը 2009թ. դեկ-տեմբեր ամսին առանց իրացնելու նպատակի` իր գործածման համար, ք.Երևանի Արմենակյան փողոցի հ. 77 տան նկուղում ամբաստանյալ Ա.Մանուչարյանից ապօրինի ձեռք է բերել վերջի-նիս կողմից 2,5 մլ ծավալով քացախաթթվի անհիդրիդով վերամշակված և հյուրասիրած խոշոր չափերով` 2,5 գրամ քաշով, «Ափիոն» տեսակի թմրամիջոց, որը նույն տեղում ներարկվելու եղա-նակով գործածել է։
Դրանից հետո` 2009թ. դեկտեմբերից մինչև 2010թ. ապրիլն ընկած ժամանակահատվա-ծում, նա ք.Երևանում` հետագայում վճարելու պայմանով, առանց իրացնելու նպատակի` իր գործածման համար, 1 գրամը 12 ԱՄՆ դոլարով ամբաստանյալ Ա.Մանուչարյանից 5-ից 15 գրամ քաշով չափաբաժիններով գնել և պահել է առանձնապես խոշոր չափերով` 150 գրամ ընդ-հանուր քաշով, «Ափիոն» տեսակի թմրամիջոց ու 150 մլ ծավալով քացախաթթվի անհիդրիդ, որով վերամշակելով «Ափիոն»-ը, ստացված թմրամիջոցը գործածել է ներարկվելու եղանակով։
Բացի այդ, ամբաստանյալ Խ.Առաքելյանը, 2010թ. ապրիլի սկզբներին նախնական հա-մաձայնության գալով ամբաստանյալ Ա.Մանուչարյանի հետ, հետագայում գործածելու նպա-տակով առանձնապես խոշոր չափերով` 15.000 գրամ քաշով, «Ափիոն» և 1.000 գրամ քաշով «Հաշիշ» տեսակի թմրամիջոցներ ամբաստանյալ Ա.Մանուչարյանի ծանոթ ԻԻՀ քաղաքացուց ձեռք բերելու համար ամբաստանյալ Ա.Մանուչարյանի հետ միասին նրան են ուղարկել 12.000 ԱՄՆ դոլար կանխավճար, որից 7.000-ը ներդրել է նա, իսկ 5.000-ը` ամբաստանյալ Ա.Մանուչար-յանը, սակայն նշված թմրամիջոցները ԻԻՀ-ից չեն ուղարկել նրանց, այսինքն` հանցագործութ-յունն ավարտին չի հասցվել նրանց կամքից անկախ հանգամանքներով։
Դատաքննությամբ մեղադրող Վ.Մուրադյանը հրաժարվեց ամբաստանյալ Ա.Մանուչար-յանի նկատմամբ ՀՀ քրեական օրենսգրքի 215-րդ հոդվածի 2-րդ մասով առաջադրված մեղա-դրանքից։

Ապացույցների հետազոտում և գնահատում.

Դատաքննությամբ ամբաստանյալ Արտակ Մանուչարյանը ՀՀ քրեական օրենսգրքի 266-րդ հոդվածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով առաջադրված մեղադրանքում իրեն մեղավոր ճանաչեց լիովին ու չնայած հրաժարվեց ցուցմունք տալուց, սակայն հայտարարեց, որ 15 կգ «Ափիոն» ու 1 կգ «Հաշիշ» տեսակի թմրամիջոցներ ձեռք բերելու համար 7.000 ԱՄՆ դոլար ներդնելով` ամբաս-տանյալ Խ.Առաքելյանը տեղյակ չի եղել իր նպատակների մասին, նա նշված գումարը ներդրել է սեփական գործածման համար թմրամիջոցներ գնելու համար, մինչդեռ ինքն իր չափաբաժնի մի մասը պետք է անձամբ գործածեր, իսկ մի մասն էլ վաճառեր։
Ինչ վերաբերվում է մաքսանենգությանը, ապա չի իմացել, թե թմրամիջոցներն ինչ ճանա-պարհով են տեղափոխվել ք.Երևան։ Միայն իմացել է, որ դրանք պետք է ստանա ք.Երևանում։
Ամբաստանյալ Արտակ Մանուչարյանի դատաքննությամբ հետազոտված նախաքննա-կան ցուցմուքների համաձայն` նա 1998-1999թ.թ. մետաղյա իրերի առուվաճառքի միջնորդութ-յամբ զբաղվելիս` ծանոթացել է Իրանի Իսլամական Հանրապետության քաղաքացի Աչբարի հետ, ով Հայաստանում զբաղվել է մետաղի գնման և արտահանման աշխատանքներով։ Մինչև 2005թ. Աչբարին հանդիպել է ք.Երևանում, իսկ դրանից հետո նա մեկնել է Իրան, որից հետո Իրանից Հայաստան «Ափիոն» տեսակի թմրամիջոց փոխադրելու և գործածելու շուրջ նախնա-կան համաձայնության գալով իր ընկեր Արմեն Ալեքսանյանի և Աչբարի հետ` 2005թ. ամռանից մինչև 2007թ. գարունն ընկած ժամանակահատվածում Արմենի հետ միասին Աչբարին վճարել են ընդհանուր առմամբ 17.500 ԱՄՆ դոլար և ձեռք են բերել 2.500 գրամ ընդհանուր քաշով «Ափիոն» տեսակի թմրամիջոց, որն Աչբարն ԻԻՀ քաղաքացիների միջոցով ք.Երևանում հանձնել է իրենց։ Ձեռք բերած թմրամիջոցը, մետաղյա խողովակների ապամոնտաժման ժամանակ գտած քացա-խաթթվի անհիդրիդով լուծելով` ներարկվելու եղանակով գործածել են։
2009թ. հոկտեմբերի 8-ին դատապարտվել է և դեռևս դատվածությունը չմարված, 2009թ. նոյեմբեր ամսին Իրանից Հայաստան «Ափիոն» տեսակի թմրամիջոց փոխադրելու և ք.Երևանում վաճառելով իրացնելու շուրջ նախնական համաձայնության գալով նույն Աչբարի հետ, 2009թ. նոյեմբերից մինչև 2010թ. ապրիլն ընկած ժամանակահատվածում նրանից ձեռք է բերել և պահել 3.150 գրամ ընդհանուր քաշով «Ափիոն» տեսակի թմրամիջոց, որն Աչբարն իրեն է ուղարկել ԻԻՀ տարբեր քաղաքացիների միջոցով։
Ձեռք բերած թմրամիջոցից 150 գրամը` 150 մլ քացախաթթվի անհիդրիդի հետ միասին, 2009թ. դեկտեմբերից մինչև 2010թ. ապրիլն ընկած ժամանակահատվածում` Երևան քաղաքում, 1 գրամի համար հետագայում 12 ԱՄՆ դոլար վճարելու պայմանով վաճառել է հարևանությամբ բնակվող Խաչիկ Առաքելյանին, իսկ 2010թ. մարտ-ապրիլ ամիսներին 60 գրամ «Ափիոն» 200.000 ՀՀ դրամ և 800 ԱՄՆ դոլար ընդհանուր գումարով վաճառել է իր մեկ այլ ծանոթին` Անդրանիկ Գրիգորյանին։
Մինչ այդ` 2009թ. դեկտեմբեր ամսին, ք.Երևանի Արմենակյան փողոցի հ. 77 տան նկու-ղում, «Ափիոն» տեսակի թմրամիջոցից 5 գրամը 5 մլ քացախաթթվի անհիդրիդով վերամշակելուց հետո, դրանից 2,5 գրամը հյուրասիրել է Խ.Առաքելյանին, ով ներարկվելու եղանակով այն գոր-ծածել է, իսկ մնացածը գործածել է անձամբ։
2010թ. ապրիլի սկզբներին Խաչիկի հետ միասին` հետագայում իրացնելու ու գործածելու նպատակով, 15 կգ «Ափիոն» և 1 կգ «Հաշիշ» տեսակի թմրամիջոցներ Աչբարից ձեռք բերելու հա-մար, միասին նրան են ուղարկել 12.000 ԱՄՆ դոլար կանխավճար, սակայն նշված թմրամիջոց-ներն Աչբարն ու նրա գործընկերը` ԻԻՀ մեկ այլ քաղաքացի Ազիզ Միրզալուն, Իրանից չեն ուղարկել։
Ձեռք բերած 3.150 գրամ «Ափիոն»-ից 167,6 գրամը կամովին ներկայացրել է ոստիկանու-թյան աշխատակիցներին, 2.767,292 գրամը, վերամշակելով քացախաթթվի անհիդրիդով, նե-րարկվելով գործածել է, իսկ քացախաթթվի անհիդրիդով վերամշակված 0,108 գրամ «Ացետի-լացված ափիոն»-ը` հետագայում գործածելու նպատակով, ներարկիչով պահել է իր բնակության վայրում` ք.Երևանի Ա.Արմենակյան փողոցի հ. 121 տան կիսակառույց ավտոկայանատեղի դարպասի մոտ, որն էլ հայտնաբերվել է ոստիկանության աշխատակիցների կողմից` խուզար-կության ժամանակ։
Ամբաստանյալ Խաչիկ Առաքելյանը թեև իրեն մեղավոր չճանաչեց ՀՀ քրեական օրենս-գրքի 34-268-րդ հոդվածի 3-րդ մասով, սակայն ցուցմունք տվեց այն մասին, որ 2009թ. դեկտեմ-բեր ամսին Ա.Մանուչարյանից իր գործածման համար ձեռք է բերել 2,5 գրամ «Ափիոն» տեսակի թմրամիջոց և 2,5 մլ ծավալով քացախաթթվի անհիդրիդ ու գործածել ներարկման միջոցով։
2009թ. դեկտեմբեր ամսից մինչև 2010թ. ապրիլ ամիսը` առանց իրացնելու նպատակի` իր գործածման համար, հետագայում վճարելու նպատակով` 1 գրամը 12 ԱՄՆ դոլարով, 5-15 գրամ չափաբաժիններով տարբեր օրերի Ա.Մանուչարյանից վերցրել և գործածել է մոտ 150 գրամ «Ափիոն» տեսակի թմրամիջոց ու 150 մլ քացախաթթվի անհիդրիդ։
Այնուհետև, հետագա գործածման համար Ա.Մանուչարյանի հետ փորձել են ձեռք բերել թմրանիջոց, սակայն չեն կարողացել, որի համար` 15.000 գրամ «Ափիոն» ու 1.000 գրամ «Հաշիշ» տեսակի թմրամիջոցներ ձեռք բերելու նպատակով, Ա.Մանուչարյանը 12.000 ԱՄՆ դոլար է ու-ղարկել իրեն անծանոթ Աչբարին, սակայն վերջինս խաբել է իրենց ու չի ուղարկել նշված թմրա-միջոցները։ Ուղարկված գումարից 7.000 ԱՄՆ դոլարն իրենն է եղել, իսկ 5.000-ը` Ա.Մանուչար-յանինը։
Մեկ այլ քրեական գործով ամբաստանյալ Անդրանիկ Գրիգորյանի դատաքննությամբ հետազոտված նախաքննական ցուցմունքների համաձայն` 24.04.2010թ-ին ոստիկանության աշ-խատակիցներն իր տան լոգարանին կից խորդանոցից հայտնաբերել են իր կողմից տեղադրված շերեփը` «Ափիոն»-ով լղոզված պատերով, և անհիդրիդով լցված ներարկիչ, որոնք փաթեթավոր-վել են, կազմվել է համապատասխան արձանագրություն ու իրեն բերման են ենթարկել ոստիկա-նության Նոր Նորքի բաժին, որտեղ իր անձնական խուզարկության ժամանակ հայտնաբերվել է մոտ 3 գրամ «Ափիոն» տեսակի թմրամիջոց, որը պատկանել է իրեն։ Նշված թմրամիջոցն ու ան-հիդրիդը ձեռք է բերել ք.Երևանի Նորք թաղամասի բնակիչ Արտակից` 23.04.2010թ-ին նրան հանդիպելով «Կաբելի» գործարանի մոտակայքում։ 60 հազար դրամով նրանից ձեռք է բերել 5 գրամ «Ափիոն», որից 2 գրամն օգտագործել է, իսկ մնացածը հայտնաբերվել է իր մոտ` ոստի-կանության աշխատակիցների կողմից։
Արտակից ապրիլ ամսվա ընթացքում ձեռք է բերել մոտ 40 գրամ «Ափիոն» տեսակի թմրա-նյութ` 5 գրամը 60 հազար դրամով։ Նա իրեն առաջարկել է 100 գրամ գնելու դեպքում 1 գրամը վաճառել 10 հազար դրամով։
«Խուզարկություն կատարելու մասին» 24.04.2010թ. արձանագրության համաձայն` Արմե-նակյան փողոցի հ. 121 տնից հայտնաբերվել է 5 մլ-անոց ներարկիչ` լցված 4 մլ շագանակագույն ափիոնանման հեղուկով։
««Ափիոն» տեսակի թմրանյութի ինքնակամ ներկայացման մասին» 26.04.2010թ. արձա-նագրության համաձայն` Ա.Մանուչարյանն ինքնակամ ներկայացրել է մոտ 200 գրամ «Ափիոն» տեսակի թմրանյութ։
Դատաքիմիական փորձաքննության 26.04.2010թ. հ. 222 Ք եզրակացության համաձայն` փորձաքննությանը ներկայացված ներարկիչում առկա 4 մլ ծավալով հեղուկը հանդիսանում է «Ացետիլացված ափիոն» տեսակի թմրամիջոցի լուծույթ, որում «Ացետիլացված ափիոնի» չոր քաշը կազմում է 0,108 գրամ։
Դատաքիմիական փորձաքննության 04.05.2010թ. հ. 252 Ք եզրակացության համաձայն` փորձաքննությանը ներկայացված ընդհանուր 167,6 գրամ (84,7 գրամ և 82,9 գրամ) հաստատուն քաշով նյութը հանդիսանում է «Ափիոն» տեսակի թմրամիջոց։
Փորձաքննությանը ներկայացված «Ափիոն» տեսակի թմրամիջոցը պատրաստված է տնայնագործական եղանակով։
Նյութագիտական փորձաքննության 13.05.2010թ. հ. 10-1089 եզրակացության համա-ձայն` Արտակ Մանուչարյանի և գործով անցած մյուս մեղադրյալների պահած թմրամիջոցներն իրենց որակական և քանակական բաղադրությամբ միանման են (իդենտիկ են) ու հավանաբար ունեն միևնույն ծագման աղբյուր կամ նախկինում կազմել են մեկ ամբողջություն։
«Իրեղեն ապացուց ճանաչելու և քրեական գործին կցելու մասին» 26.06.2010թ. որոշման համաձայն` Ա.Մանուչարյանի բնակության վայրից հայտնաբերված 4 մլ ծավալով «Ացետիլաց-ված ափիոն»-ը, որի մեջ առկա է 0,108 գրամ «Ափիոն» և Ա.Մանուչարյանի կողմից ներկայաց-ված 167,6 գրամ «Ափիոն» տեսակի թմրամիջոցը ճանաչվել են իրեղեն ապացույցներ ու կցվել քրեական գործին։
Դատաքիմիական փորձաքննությունների 04.05.2010թ. հ. 0353 և 0354 եզրակացություննե-րի համաձայն` Խ.Առաքելյանի ու Ա.Մանուչարյանի մեզի փորձանմուշներում հայտնաբերվել են «Ափիոն» խմբի թմրամիջոցների թմրալկալոիդներ։
Դատանարկոլոգիական փորձաքննությունների 09.06.2010թ. թիվ 191/10 և 192/10 եզրա-կացությունների համաձայն` Ա.Մանուչարյանն ու Խ.Առաքելյանը տառապում են «Ափիոնային թմրամոլություն» ախտորոշմամբ, ուստի հարկադիր բուժման կարիք ունեն, որի համար հակա-ցուցումներ չկան։
«Թիվ 17113910 քրեական գործով մեղադրյալներ Արտակ Արամի Մանուչարյանին և Խա-չիկ Վոլոդյայի Առաքելյանին բերման ենթարկելու արձանագրություններն ապացույց ճանաչելու մասին» 23.09.2010թ. որոշման համաձայն` 17113910 քրեական գործով մեղադրյալներ Արտակ Արամի Մանուչարյանին և Խաչիկ Վոլոդյայի Առաքելյանին բերման ենթարկելու արձանագրութ-յունները ճանաչվել են ապացույց ու կցվել քրեական գործին։
«Հեռախոսային զանգերի մուտքային և ելքային զանգերի վերծանումներն ապացույց ճա-նաչելու մասին» 23.09.2010թ. որոշման համաձայն` 17113910 քրեական գործով մեղադրյալներ Ա.Մանուչարյանի 098 78-00-35, Խ.Առաքելյանի 099 37-61-21, քննությամբ չպարզված Աչբար Զեյնալի 98 914-39140-65 հեռախոսահամարների մուտքային և ելքային զանգերի վերծանում-ները ճանաչվել են ապացույց ու կցվել քրեական գործին։

Դատարանի վերլուծություն.

Դատարանը, վերլուծելով ամբաստանյալներին առաջադրված մեղադրանքներն ու հա-մակցության մեջ գնահատելով դատաքննությամբ հետազոտված ապացույցները և հաշվի առ-նելով ամբաստանյալ Ա.Մանուչարյանի նկատմամբ ՀՀ քրեական օրենսգրքի 215-րդ հոդվածի 2-րդ մասով առաջադրված մեղադրանքից մեղադրողի հրաժարումը, գործի հանգամանքների բազ-մակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևու-թյան, որ սույն քրեական գործին վերաբերվող փոխկապակցված հավաստի ապացույցների բա-վարար ամբողջությամբ հաստատվում է, որ ամբաստանյալ Ա.Մանուչարյանը կրկին անգամ, մի խումբ անձանց հետ նախնական համաձայնությամբ, իրացնելու նպատակով ապօրինի ձեռք է բերել առանձնապես խոշոր չափերով թմրամիջոցներ, փորձել է իրացնելու և գործածելու նպա-տակով ապօրինի ձեռք բերել առանձնապես խոշոր չափերով թմրամիջոցներ, ապօրինի իրացրել է խոշոր չափերով թմրամիջոցներ, թմրամիջոց պատրաստելու նպատակով ապօրինի ձեռք է բե-րել պրեկուրսոր, առանց իրացնելու նպատակի ապօրինի ձեռք է բերել առանձնապես խոշոր չա-փերով թմրամիջոց, իսկ ամբաստանյալ Խ.Առաքելյանը թմրամիջոց պատրաստելու նպատակով ապօրինի ձեռք է բերել պրեկուրսոր, առանց իրացնելու նպատակի ապօրինի ձեռք է բերել խոշոր չափերով թմրամիջոց, կրկին անգամ, առանց իրացնելու նպատակի ապօրինի ձեռք է բերել ա-ռանձնապես խոշոր չափերով թմրամիջոց և ամբաստանյալ Ա.Մանուչարյանի հետ նախնական համաձայնությամբ փորձել է առանց իրացնելու նպատակի ապօրինի ձեռք բերել առանձնապես խոշոր չափերով թմրամիջոց։
Այսպիսով, դատարանն ապացուցված է համարում, որ ամբաստանյալ Ա.Մանուչարյանը կատարել է հանցանքներ` նախատեսված ՀՀ քրեական օրենսգրքի 266-րդ հոդվածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով, իսկ ամբաստանյալ Խ.Առաքելյանը կատարել է հանցանքներ` նախատեսված ՀՀ քրեական օրենսգրքի 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, 268-րդ հոդվածի 3-րդ, 34-268-րդ հոդվածի 3-րդ մասերով, որոնցով և նրանք պետք է պատասխանա-տվության ենթարկվեն։
Ինչ վերաբերվում է Ա.Գրիգորյանի այն պատճառաբանությանը, որ իր նախաքննական ցուցմունքը չի համապատասխանում իրականությանը, ապա դատարանը գտնում է, որ նա ցան-կանում է իր պաշտպանության տակ վերցնել ամբաստանյալ Ա.Մանուչարյանին և արժանահա-վատ է նրա նախաքննական ցուցմունքը։
Դատարանը գտնում է, որ ամբաստանյալների կատարած հանցանքները հաստատվում են ինչպես նրանց ցուցմունքներով, այնպես էլ` դատաքննությամբ հետազոտված և համակցութ-յան մեջ գնահատված մյուս ապացույցներով, նրանց կատարած արարքներին տրվել են ճիշտ քրեաիրավական գնահատականներ ու քրեական գործի ապացույցները ձեռք են բերվել քրեա-դատավարական օրենքի պահանջների պահպանմամբ։
Միաժամանակ, նկատի ունենալով, որ մեղադրողը հրաժարվեց ՀՀ քրեական օրենսգրքի 215-րդ հոդվածի 2-րդ մասով ամբաստանյալ Ա.Մանուչարյանին առաջադրված մեղադրանքից, դատարանը գտնում է, որ ամբաստանյալ Ա.Մանուչարյանը մեղադրանքի այդ մասով պետք է ճանաչվի անմեղ և արդարացվի։
Ամբաստանյալների նկատմամբ պատիժներ նշանակելիս` պատիժների տեսակը և չափը որոշելիս, դատարանը հաշվի է առնում նրանցից յուրաքանչյուրի կատարած հանցագործութ-յունների բնույթն ու հանրության համար վտանգավորության բարձր աստիճանը և նրանց անձը` որ ամբաստանյալ Ա.Մանուչարյանը թմրամիջոցների ձեռք բերմամբ ու իրացմամբ զբաղվել է տևական ժամանակ` 2005թ-ից, այդ թվում` նաև ՀՀ քրեական օրենսգրքի 38-266-րդ հոդվածի 4-րդ մասով և 38-268-րդ հոդվածի 2-րդ մասի 1-ին ու 2-րդ կետերով ազատազրկման և տուգանքի դատապարտվելուց հետո, նրա կողմից շրջանառության մեջ են դրվել 2.500 գրամ ու 3.150 գրամ ընդհանուր քաշերով «Ափիոն» տեսակի թմրամիջոցներ, որպիսի չափերը 200-300 անգամ գերա-զանցում են նշված թմրամիջոցի համար սահմանված առանձնապես խոշոր չափը, իսկ սեփա-կան գործածման և իրացման նպատակով նրա ու ամբաստանյալ Խ.Առաքելյանի կողմից պատ-վիրված և նրանց կամքից անկախ չստացված ու ամբաստանյալ Ա.Մանուչարյանի կողմից շրջանառության մեջ չդրված «Ափիոն» տեսակի թմրամիջոցի քաշը կազմել է 15 կիլոգրամ, իսկ «Հաշիշ» տեսակինը` 1 կիլոգրամ, որոնք դրանց համար սահմանված առանձնապես խոշոր չա-փերը գերազանցում են համապատասխանաբար` 1.500 և 10 անգամ։
Դատարանը նաև հաշվի է առնում, որ ամբաստանյալ Խ.Առաքելյանը տևական ժամա-նակահատվածում առանց իրացնելու նպատակի բազմիցս ձեռք է բերել «Ափիոն» տեսակի թըմ-րամիջոց, որի ընդհանուր քաշը 15 անգամից ավելի չափով գերազանցում է նշված թմրամիջոցի համար սահմանված առանձնապես խոշոր չափը։
Որպես ամբաստանյալների պատասխանատվությունն ու պատիժը մեղմացնող հանգա-մանք` դատարանը հաշվի է առնում, որ նրանք խոստովանական ցուցմունքներով աջակցել են հանցագործությունները բացահայտելուն և հանցագործության մյուս մասնակիցներին մերկաց-նելուն։
Որպես ամբաստանյալ Ա.Մանուչարյանի պատասխանատվությունն ու պատիժը ծան-րացնող հանգամանք` դատարանը հաշվի է առնում հանցանքը կատարելու ռեցիդիվը։
Որպես ամբաստանյալ Խ.Առաքելյանի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է հանցագործություն։
Դատարանը, քննության առնելով ՀՀ քրեական օրենսգրքի 266-րդ հոդվածի 3-րդ մասի 2-րդ և 34-266-րդ հոդվածի 3-րդ մասի 2-րդ կետերով ամբաստանյալ Ա.Մանուչարյանի նկատմամբ լրացուցիչ պատիժ նշանակելու հարցը, հանգում է եզրակացության, որ նրա նկատմամբ նպա-տակահարմար չէ նշանակել լրացուցիչ պատիժ, հետևաբար` նա պետք է դատապարտվի առանց գույքի բռնագրավման։
Դատարանը, քննության առնելով ամբաստանյալ Ա.Մանուչարյանի գույքի վրա դրված կալանքի հարցը, գտնում է, որ նշված կալանքը պետք է թողնվի անփոփոխ։
Դատարանը, քննության առնելով իրեղեն ապացույցների տնօրինման հարցը, գտնում է, որ փորձաքննության կատարումից հետո մնացած 167,4 գրամ ընդհանուր քաշով «ափիոն» տե-սակի թմրամիջոցը և ներարկիչում առկա 4 մլ ծավալով ացետիլացված ափիոն տեսակի թմրամի-ջոցը պետք է ոչնչացվեն։
Դատարանը, նկատի ունենալով, որ դատանարկոլոգիական փորձաքննության 191/10 և 192/10 եզրակացությունների համաձայն ամբաստանյալներ Ա.Մանուչարյանն ու Խ.Առաքելյա-նը տառապում են թմրամոլությամբ և հարկադիր բուժման կարիք ունեն, որի համար հակացու-ցումներ չկան, գտնում է, որ նրանց նկատմամբ` ըստ ազատազրկումը կրելու վայրի, պատժի կա-տարման հետ միացված պետք է նշանակվի հարկադիր բուժում թմրամոլությունից։
Քննության առնելով ամբաստանյալների նկատմամբ ընտրված խափանման միջոցների հարցը` դատարանը գտնում է, որ նրանց նկատմամբ ընտրված խափանման միջոցները պետք է փոխվեն, նրանց նկատմամբ` որպես խափանման միջոց, պետք է ընտրվի կալանքը և նրանք պետք է անհապաղ կալանքի վերցվեն դատարանի դահլիճում` նկատի ունենալով, որ նրանց նկատմամբ նշանակվելիք պատիժների խստությունը մեծացնում է հավանականությունը, որ նրանք կարող են խուսափել նշանակված պատիժները կրելուց ու խոչընդոտել դատարանի դա-տավճռի կատարմանը։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 35, 119, 357-360, 365, 367 և 369-372 հոդվածներով` դատարանը
Վ Ճ Ռ Ե Ց

1. Արտակ Արամի Մանուչարյանին ճանաչել անմեղ ՀՀ քրեական օրենսգրքի 215-րդ հոդ-վածի 2-րդ մասով առաջադրված մեղադրանքում և արդարացնել նրան` նրա նկատմամբ քրեա-կան հետապնդում իրականացնելուց մեղադրողի հրաժարվելու հիմքով։
Արտակ Արամի Մանուչարյանին ճանաչել մեղավոր ՀՀ քրեական օրենսգրքի 266-րդ հոդ-վածի 3-րդ մասի 2-րդ, 34-266-րդ հոդվածի 3-րդ մասի 2-րդ կետերով, 266-րդ հոդվածի 4-րդ ու 268-րդ հոդվածի 3-րդ մասերով, և ՀՀ քրեական օրենսգրքի 266-րդ հոդվածի 3-րդ մասի 2-րդ կե-տով նրան դատապարտել ազատազրկման 7 (յոթ) տարի ժամկետով, 34-266-րդ հոդվածի 3-րդ մասի 2-րդ կետով` ազատազրկման 7 (յոթ) տարի ժամկետով, 266-րդ հոդվածի 4-րդ մասով` 150.000 (մեկ հարյուր հիսուն հազար) դրամ տուգանքի, իսկ 268-րդ հոդվածի 3-րդ մասով` ազա-տազրկման 2 (երկու) տարի ժամկետով։
ՀՀ քրեական օրենսգրքի 66-րդ հոդվածի 4-րդ մասի համաձայն` պատիժները մասնակիո-րեն գումարելու միջոցով, որպես վերջնական պատիժ` նշանակել ազատազրկում 7 (յոթ) տարի 6 (վեց) ամիս ժամկետով և 100.000 (մեկ հարյուր հազար) դրամ տուգանք։
ՀՀ քրեական օրենսգրքի 69-րդ հոդվածի համաձայն` նշանակված պատժին հաշվակցել Ա.Մանուչարյանի նախնական կալանքի տակ գտնված 2 օրն ու թողնել կրելու ազատազրկում 7 (յոթ) տարի 5 (հինգ) ամիս 28 (քսանութ) օր ժամկետով և 100.000 (մեկ հարյուր հազար) դրամ տուգանք։
Ա.Մանուչարյանի նկատմամբ ընտրված խափանման միջոցը` ստորագրություն` չհեռա-նալու մասին, փոխել, որպես խափանման միջոց` ընտրել կալանքը, նրան անհապաղ կալանքի վերցնել դատարանի դահլիճում և պատժի կրման սկիզբը հաշվել 2011թ. մարտի 4-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Ա.Մանուչարյանի գույքի վրա դրված կալանքը թողնել անփոփոխ։
Ա.Մանուչարյանի նկատմամբ` ըստ ազատազրկումը կրելու վայրի, պատժի կատարման հետ միացված նշանակել հարկադիր բուժում թմրամոլությունից։
2. Խաչիկ Վոլոդյայի Առաքելյանին ճանաչել մեղավոր ՀՀ քրեական օրենսգրքի 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, 268-րդ հոդվածի 3-րդ ու 34-268-րդ հոդվածի 3-րդ մասերով, և ՀՀ քրեական օրենսգրքի 266-րդ հոդվածի 4-րդ մասով նրան դա-տապարտել 150.000 (մեկ հարյուր հիսուն հազար) դրամ տուգանքի, 268-րդ հոդվածի 2-րդ մասի 2-րդ կետով` ազատազրկման 1 (մեկ) տարի ժամկետով, 268-րդ հոդվածի 3-րդ մասով` ազատա-զըրկման 2 (երկու) տարի ժամկետով, իսկ 34-268-րդ հոդվածի 3-րդ մասով` ազատազրկման 2 (երկու) տարի ժամկետով։
ՀՀ քրեական օրենսգրքի 66-րդ հոդվածի 4-րդ մասի համաձայն` պատիժները մասնակիո-րեն գումարելու միջոցով, որպես վերջնական պատիժ` նշանակել ազատազրկում 2 (երկու) տարի 6 (վեց) ամիս ժամկետով և 100.000 (մեկ հարյուր հազար) դրամ տուգանք։
ՀՀ քրեական օրենսգրքի 69-րդ հոդվածի համաձայն` նշանակված պատժին հաշվակցել Խ.Առաքելյանի նախնական կալանքի տակ գտնված 2 օրն ու թողնել կրելու ազատազրկում 2 (երկու) տարի 5 (հինգ) ամիս 28 (քսանութ) օր ժամկետով և 100.000 (մեկ հարյուր հազար) դրամ տուգանք։
Խ.Առաքելյանի նկատմամբ ընտրված խափանման միջոցը` ստորագրություն` չհեռանա-լու մասին, փոխել, որպես խափանման միջոց` ընտրել կալանքը, նրան անհապաղ կալանքի վեր-ցընել դատարանի դահլիճում և պատժի կրման սկիզբը հաշվել 2011թ. մարտի 4-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Խ.Առաքելյանի նկատմամբ` ըստ ազատազրկումը կրելու վայրի, պատժի կատարման հետ միացված նշանակել հարկադիր բուժում թմրամոլությունից։
Իրեղեն ապացույցը` 167,4 գրամ ընդհանուր քաշով «ափիոն» տեսակի թմրամիջոցը և նե-րարկիչում առկա 4 մլ ծավալով ացետիլացված ափիոն տեսակի թմրամիջոցը ոչնչացնել։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակվե-լու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ