Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

14 հունվարի 2011թ. ք. Երևան

ԵԿԴ-0252/01/10

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մեղադրողներ՝
ՀՀ Գլխավոր դատախազության
ՀՀ ազգային անվտանգության
մարմիններում քննվող գործերով
վարչության դատախազներ Հ. Սարգսյան, Գ. Տիգրանյան,

պաշտպաններ` Ա. Ալվանդյան, Կ. Քամալյան,
Ա. Մաթևոսյան,
Շ. Վարդանյան,

տուժողներ` Հ. Ռաֆաելյան, Հ. Բադոյան,
Ա. Այվազյան,


դատարանում, դռնբաց դատական նիստում քննեց գործն ըստ մեղադրանքի
1. Ռուզաննա Վլադիմիրի Սահականի`
ծնված 1959թ. մարտի 8-ին Ուկրաինայի Հանրապետության Կիևի մարզի Չապլինկա գյուղում, հայ, ՀՀ քաղաքացի, միջնակարգ-մասնագիտական կրթությամբ, վատառողջ, ամուսնացած, խնամքին ոչ ոք, նախկինում չդատված, աշխատում է ՀՀ ոստիկանության ԱՎՎ Արաբկիրի անձնագրային բաժանմունքում որպես անձնագրավար, բնութագրվում է դրական, բնակվում է Երևանի Արաբկիր 51-րդ փողոցի թիվ 9 շենքի թիվ 112 բնակարանում, ձերբակալվել է 28.04.2010թ., 30.04.2010թ. նրա նկատմամբ որպես խափանման միջոց է ընտրվել կալանավորումը, 23.12.2010թ. խափանման միջոց կալանավորումը փոփոխվել է և որպես խափանման միջոց է ընտրվել չհեռանալու մասին ստորագրությունը /անազատության մեջ է գտնվել յոթ ամիս քսանհինգ օր/, մեղադրվում է ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով և 325-րդ հոդվածի 2-րդ մասով,

2. Վիկտորյա Վոլոդյայի Խաչատրյանի`
ծնված 1965թ. հունվարի 22-ին Երևանում, հայ, ՀՀ քաղաքացի, բարձրագույն կրթությամբ, ամուսնալուծված, խնամքին ոչ ոք, նախկինում չդատված, չի աշխատում, բնակվում է Երևանի Նոր Նորքի 4-րդ զանգվածի 2-րդ հատվածի թիվ 7 շենքի թիվ 58 բնակարանում, կալանքի տակ չէ, մեղադրվում է ՀՀ քրեական օրենսգրքի 325-րդ հոդվածի 2-րդ մասով,

3. Լյուդվիգ Արզնիի Խաչատրյանի`
ծնված 1955թ. հոկտեմբերի 14-ին Երևանում, հայ, ՀՀ քաղաքացի, թերի բարձրագույն կրթությամբ, ամուսնացած, խնամքին մեկ անձ, նախկինում չդատված, չի աշխատում, բնակվում է ք. Երևան, Հ.Ա.Թ., Անդրանիկի անվան փողոցի թիվ 79 շենքի թիվ 41 բնակարանում, կալանքի տակ չէ, մեղադրվում է ՀՀ քրեական օրենսգրքի 325-րդ հոդվածի 2-րդ մասով,

4. Հայկ Սերյոժայի Կոստանյանի`
ծնված 1956թ. հունվարի 1-ին ՀՀ Շիրակի մարզի Արթիկի շրջանի Վարդաքար գյուղում, հայ, ՀՀ քաղաքացի, միջնակարգ-մասնագիտական կրթությամբ, ամուսնացած, խնամքին ոչ ոք, նախկինում չդատված, աշխատում է որպես Երևանի Արաբկիր 51-րդ փողոցի թիվ 9 շենքի համատիրության նախագահ, բնակվում է ք. Երևան, Արաբկիրի 51-րդ փողոցի թիվ 9 շենքի թիվ 112 բնակարանում, կալանքի տակ չէ, մեղադրվում է ՀՀ քրեական օրենսգրքի 325-րդ հոդվածի 2-րդ մասով։


Գործի դատավարական նախապատմությունը
Թիվ 58203110 քրեական գործը ՀՀ ԱԱԾ քննչական վարչությունում հարուցվել է 2010թ. մարտի 18-ին, ՀՀ քրեական օրենսգրքի 325-րդ հոդվածի 2-րդ մասով, Հենդրիխ Բադոյանի և Հովանես Ռաֆաելյանի` ՀՀ քաղաքացիություն ստանալու համար իրավունք վերապահող պաշտոնական փաստաթղթեր մի խումբ անձանց կողմից նախնական համաձայնությամբ կեղծելու և դրանք օգտագործելու դեպքերի առթիվ։
Քննիչի 09.08.2010թ. որոշմամբ, թիվ 58203110 քրեական գործից անջատվել է Դավիթ Ներսիսյանի կողմից Մաշտոցի զինկոմիսարիատի կլոր և ուղղանկյունաձև կնիքներ պատրաստելու և այդ կեղծ կնիքներով Հենդրիխ Բադոյանի տվյալներով լրացված Ձև 1 և Ձև 16 քարտերը դրոշմելու դեպքերի վերաբերյալ մասը` այն ՀՀ ոստիկանության ՔԳՎ ՀԿԳ քննության վարչությունում քննվող թիվ 69101710 քրեական գործին միացնելու և մեկ վարույթում նախաքննությունը շարունակելու համար։
Քննիչի 06.09.2010թ. որոշմամբ, քրեական գործով Գայանե Ալբերտի Պողոսյանի վերաբերյալ մասը կարճվել է` գործուն զղջալու հիմքով։
Քննիչի 06.09.2010թ. մեկ այլ որոշմամբ, քրեական գործով Ռիմա Գասպարի Գասպարյանի վերաբերյալ մասը կարճվել է` Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշման 5-րդ կետի 2-րդ ենթակետով նախատեսված հիմքով։
Քննիչի 06.09.2010թ. մեկ այլ որոշմամբ, քրեական գործով Թերեզա Գուրգենի Գրիգորյանի վերաբերյալ մասը կարճվել է` իրադրության փոփոխման հիմքով։
Ռուզաննա Վլադիմիրի Սահականին մեղադրանքներ են առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով և 325-րդ հոդվածի 2-րդ մասով հետևյալ արարքների համար. «որ նա` ստանձնելով կազմակերպել Վրաստանի քաղաքացի՝ Նինոծմինդայի շրջանի Փոգա գյուղի բնակիչ, 25.05.1975 թ. ծնված Արտյուշ Սարգսի Այվազյանի, ինչպես նաև ՌԴ Մոսկվա քաղաքում արտագնա աշխատանքների մեկնած, Նինոծմինդայի շրջանի Հեշտիա գյուղի բնակիչներ՝ 10.02.1984թ. ծնված Հենդրիխ Վիկտորի Բադոյանի և 01.11.1978թ. ծնված Հովանես Քերոպի Ռաֆաելյանի ՀՀ քաղաքացիության և անձնագրեր ստանալու գործընթացը, ՀՀ քաղաքացի՝ Գայանե Ալբերտի Պողոսյանի հետ նախնական համաձայնության է եկել նրանցից գումարներ ստանալու և խաբեությամբ հափշտակելու շուրջ։ 2008 թվականի սեպտեմբերի վերջին-հոկտեմբերի սկզբին Գայանե Պողոսյանն Արտյուշ Այվազյանից վերցրել է 244.400 ՀՀ դրամին համարժեք 800 ԱՄՆ դոլար, իսկ 2008 թվականի սեպտեմբերի 20-ից հոկտեմբերի 31-ն ընկած ժամանակահատվածում, Հովանես Ռաֆաելյանից և Հենդրիխ Բադոյանից՝ ընդհանուր առմամբ՝ 2.230.150 ՀՀ դրամին համարժեք 7.300 ԱՄՆ դոլար։ Դրանից հետո, ամուսնու՝ Հայկ Սերյոժայի Կոստանյանի, Գայանե Պողոսյանի, Վիկտորյա Վոլոդյայի Խաչատրյանի և Լյուդվիգ Արզնիի Խաչատրյանի հետ նախնական համաձայնությամբ իրականացրել է Վրաստանի վերոհիշյալ 3 քաղաքացիների ՀՀ քաղաքացիության ստացման համար հիմք հանդիսացող մի շարք փաստաթղթերի կեղծման և դրանց օգտագործման գործընթացը, ապահովելով Արտյուշ Այվազյանի, Հենդրիխ Բադոյանի և Հովանես Ռաֆաելյանի կեղծ հիմքերով ՀՀ քաղաքացիության և անձնագրերի ստացումը, ու Գայանե Պողոսյանի հետ նախնական համաձայնությամբ խաբեությամբ հափշտակել է Արտյուշ Այվազյանից ստացված 244.400 ՀՀ դրամին համարժեք 800 ԱՄՆ դոլարը և Հովանես Ռաֆաելյանից ու Հենդրիխ Բադոյանից ստացված 2.230.150 ՀՀ դրամին համարժեք 7.300 ԱՄՆ դոլարը։
Այսպես՝ ՀՀ ոստիկանության ԱՎՎ քաղաքացիության բաժին ներկայացվելիք անհրաժեշտ փաստաթղթերի փաթեթն ապահովելու նպատակով հանցավոր համաձայնության է եկել ամուսնու՝ Երևանի Արաբկիրի համայնքի «Արաբկիր 51 փող., 9 շ.» համատիրության նախագահ Հայկ Սերյոժայի Կոստանյանի հետ, որը 22.10.2008թ. և 19.12.2008թ. ամսաթվերով կազմել է իրականությանը չհամապատասխանող բովանդակությամբ երեք կեղծ տեղեկանքներ, իբր Արտյուշ Այվազյանն առանց հաշվառման բնակվում է Երևանի Արաբկիրի 51-րդ փողոցի 9-րդ շենքի թիվ 109 բնակարանում, իսկ Հենդրիխ Բադոյանն ու Հովանես Ռաֆաելյանը՝ Երևանի Արաբկիր 51-րդ փողոցի 9-րդ շենքի թիվ 119 բնակարանում։ Հենդրիխ Բադոյանի և Հովանես Ռաֆաելյանի ՀՀ-ից բացակայության պայմաններում, իրականացրել է նրանց անունից կենսագրական ոչ ճիշտ տվյալներով և կեղծ ստորագրություններով ՀՀ քաղաքացիություն շնորհելու վերաբերյալ դիմումների, իրականությանը չհամապատասխանող տվյալներով հարցաթերթիկների, ինքնակենսագրությունների, ինչպես նաև նշված անձանց և Արտյուշ Այվազյանի տվյալներով Վրաստանում դատապարտված և հետախուզման մեջ չլինելու մասին 03.11.2008 թ. ամսաթվով թիվ 49/11/2-00006563, թիվ 49/11/2-00006565 և թիվ 49/11/2-00006532 կեղծ տեղեկանքների, Երևանի «Սուրբ Գրիգոր Լուսավորիչ» ՓԲԸ մեծահասակների պոլիկլինիկայից առողջական վիճակի մասին կեղծ տեղեկանքների կազմման գործընթացը ու նրանց լուսանկարների հետ մեկտեղ դրանց հանձնումը ՀՀ ոստիկանության ԱՎՎ քաղաքացիության բաժին, Գայանե Պողոսյանի միջոցով վրացերեն լեզվով փաստաթղթերի հայերեն թարգմանությունն իրականացնելուց հետո։
Դրանից հետո, 2009 թվականի ապրիլին, Գայանե Պողոսյանի միջնորդությամբ Հենդրիխ Բադոյանը և Հովանես Ռաֆաելյանը ժամանակավորապես հաշվառվել են Ռուզաննա Լևիկի Մուրադյանին պատկանող՝ քաղ. Երևան, Ֆուչիկի փող., 1-ին նրբ., շենք 9, բն. 4 հասցեի բնակարանում, իսկ 2009 թվականի հուլիսին, նույն Գայանե Պողոսյանի միջնորդությամբ Արտյուշ Այվազյանը հաշվառվել է Արմեն Արամի Ավետիսյանին պատկանող՝ քաղ. Երևան, Հալաբյան փողոց, շենք 15, բն. 5 հասցեի բնակարանում։
Մինչ անձնագրեր ստանալը, ՀՀ ԱՎՎ-ում նրանց են տրվել Ձև 1 և անձնական հաշվառման քարտ կոչվող Ձև 16 բլանկները՝ հաշվառման վայրի զինկոմիսարիատ ներկայանալու և հաշվառման կանգնելու համար, որի վերաբերյալ Ձև 16 և Ձև 1 բլանկներում կատարվում են կնիքով և ստորագրութուններով վարվերացումներ։ Զորակոչային տարիքի սահմանն անցած Հովանես Ռաֆաելյանը և Արտյուշ Այվազյանը հաշվառվել են Երևանի Մաշտոցի զինկոմիսարիատում, որից հետո ՀՀ ԱՎՎ-ից ստացել են ՀՀ քաղաքացու անձնագրեր։ Իսկ քանի որ զորակոչային տարիքում գտնվող Հենդրիխ Բադոյանի մոտ առաջացել են Երևանի Մաշտոցի զինվորական կոմիսարիատում որպես զորակոչիկ նրան հաշվառելու հետ կապված խնդիրներ, 2009 թվականի ապրիլին, հանցավոր համաձայնության է եկել Վիկտորյա Խաչատրյանի և Լյուդվիգ Խաչատրյանի հետ՝ զարտուղի ճանապարհով իրականացնելու Հենդրիխ Բադոյանի Ձև 1 և Ձև 16 քարտերում կեղծ կնիքներով զինվորական հաշվառման փաստի ամրագրումը։ Գայանե Պողոսյանից վերցված վերը նշված բլանկները տվել է Վիկտորյա Խաչատրյանին, որն էլ դրանք հանձնել է Լյուդվիգ Խաչատրյանին, որպեսզի վերջինս, Դավիթ Արտակի Ներսիսյանի միջոցով իրականացնի կեղծման գործընթացը։ 2009 թվականի ապրիլի 30-ին, Լյուդվիգ Խաչատրյանը նշված քարտերը տվել է Դավիթ Ներսիսյանին, որն էլ տրամադրության տակ գտնվող, անձամբ պատրաստած՝ Մաշտոցի զինկոմիսարիատի կլոր և ուղղանկյուն կեղծ կնիքներով դրոշմել է Հենդրիխ Բադոյանի անվամբ լրացված Ձև 16 և Ձև 1 քարտերը, որից հետո Վիկտորյա Խաչատրյանը կեղծ կնիքներ պարունակող այդ քարտերում կատարել է նշված զինկոմիսարիատի պաշտոնյաների կեղծ ստորագրություններ, ինչպես նաև կնիքների վրա կատարել ամսաթվային գրառումներ։ Լյուդվիգ Խաչատրյանը, նույն օրը, հիշյալ կեղծված քարտերը հանձնել է Գայանե Պողոսյանին, որն էլ Հենդրիխ Բադոյանի հետ դրանք ներկայացրել է ՀՀ ԱՎՎ։ Արդյունքում Հենդրիխ Բադոյանը, 2009 թվականի մայիսի 6-ին, ստացել է ՀՀ քաղաքացու անձնագիր։»։
Վիկտորյա Վոլոդյայի Խաչատրյանին մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով հետևյալ արարքի համար. «որ նա` ծանոթուհուց Ռուզաննա Վլադիմիրի Սահակյանից տեղեկանալով, որ վերջինս զբաղվում է Վրաստանի քաղաքացի Հենդրիխ Բադոյանի ՀՀ քաղաքացիության և անձնագրի ստացումն ապահովելու հարցով, և առաջացել են խնդիրներ, կապված Երևանի Մաշտոցի զինվորական կոմիսարիատում որպես զորակոչիկ նրան հաշվառելու գործում, 2009 թվականի ապրիլին, նախնական համաձայնության է եկել Ռուզաննա Սահակյանի և ծանոթի՝ Լյուդվիգ Արզնիի Խաչատրյանի հետ՝ զարտուղի ճանապարհով իրականացնել Հենդրիխ Բադոյանի Ձև 1 և Ձև 16 բլանկներում կեղծ կնիքներով զինվորական հաշվառման փաստի ամրագրումը։ Ռուզաննա Սահակյանից ստանալով ՀՀ ոստիկանության ԱՎՎ-ում կազմված և տրված Հենդրիխ Բադոյանի տվյալներով անձնագիր ստանալու մասին Ձև 1 դիմումը և անձնական հաշվառման Ձև 16 քարտը, այն տվել է Լյուդվիգ Խաչատրյանին, որպեսզի վերջինս, ընկերոջ՝ Դավիթ Արտակի Ներսիսյանի միջոցով իրականացնի այդ կեղծման գործընթացը։ 2009 թվականի ապրիլի 30-ին, Լյուդվիգ Խաչատրյանը նշված քարտերը տվել է Դավիթ Ներսիսյանին, որն էլ տրամադրության տակ գտնվող, անձամբ պատրաստված՝ Մաշտոցի զինկոմիսարիատի կլոր և ուղղանկյուն կեղծ կնիքներով դրոշմել է Հենդրիխ Բադոյանի անվամբ լրացված Ձև 16 և Ձև 1 բլանկները։ Լյուդվիգ Խաչատրյանից վերցնելով կեղծ կնիքներ պարունակող քարտերը, դրանցում կատարել է այդ զինկոմիսարիատի պաշտոնյաների կեղծ ստորագրություններ, ինչպես նաև կնիքների վրա կատարել ամսաթվային գրառումներ։ Լյուդվիգ Խաչատրյանն այդ քարտերը նշված օրը տվել է ՎՀ քաղաքացիներին ՀՀ քաղաքացիության և անձնագրերի ստացման գործընթացի կազմակերպումը Ռուզաննա Սահակյանի հետ հանձն առած Գայանե Պողոսյանին, որն էլ կեղծ կնիքներ պարունակող քարտերը Հենդրիխ Բադոյանի հետ ներկայացրել է ՀՀ ԱՎՎ։ Արդյունքում Հենդրիխ Բադոյանը, 2009 թվականի մայիսի 6-ին, ստացել է ՀՀ քաղաքացիություն և անձնագիր։»։
Լյուդվիգ Արզնիի Խաչատրյանին մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով հետևյալ արարքի համար. «որ նա` Վիկտորյա Վոլոդյայի Խաչատրյանից տեղեկանալով, որ վերջինիս ծանոթուհին՝ Ռուզաննա Վլադիմիրի Սահակյանը զբաղվում է Վրաստանի քաղաքացի Հենդրիխ Բադոյանի ՀՀ քաղաքացիության և անձնագրի ստացումն ապահովելու հարցով, և առաջացել են խնդիրներ, կապված Երևանի Մաշտոցի զինվորական կոմիսարիատում որպես զորակոչիկ նրան հաշվառելու գործում, 2009 թվականի ապրիլին, հանցավոր համաձայնության է եկել Վիկտորյա Խաչատրյանի և Ռուզաննա Սահակյանի հետ՝ զարտուղի ճանապարհով իրականացնել Հենդրիխ Բադոյանի Ձև 1 և Ձև 16 բլանկներում կեղծ կնիքներով զինվորական հաշվառման փաստի ամրագրումը։ Ստանձնելով ընկերոջ՝ Դավիթ Արտակի Ներսիսյանի միջոցով իրականացնել կեղծման գործընթացը, Վիկտորյա Խաչատրյանից վերցրել է Ռուզաննա Սահակյանի կողմից տրամադրված ՀՀ ոստիկանության ԱՎՎ-ում կազմված և տրված Հենդրիխ Բադոյանի տվյալներով անձնագիր ստանալու մասին Ձև 1 դիմումը և անձնական հաշվառման Ձև 16 քարտը և 2009 թվականի ապրիլի 30-ին, նշված քարտերը տվել է Դավիթ Ներսիսյանին, որն էլ տրամադրության տակ գտնվող, անձամբ պատրաստած՝ Մաշտոցի զինկոմիսարիատի կլոր և ուղղանկյուն կեղծ կնիքներով դրոշմել է Հենդրիխ Բադոյանի անվամբ լրացված Ձև 16 և Ձև 1 բլանկները։ Վիկտորյա Խաչատրյանը, կեղծ կնիքներ պարունակող քարտերում կատարել է այդ զինկոմիսարիատի պաշտոնյաների կեղծ ստորագրություններ, ինչպես նաև կնիքների վրա կատարել ամսաթվային գրառումներ։ ՎՀ քաղաքացիներին ՀՀ քաղաքացիության և անձնագրերի ստացման գործընթացի կազմակերպումը Ռուզաննա Սահակյանի հետ հանձն առած Գայանե Ալբերտի Պողոսյանին է տվել կեղծ կնիքներ պարունակող այդ քարտերը, և վերջինս, Հենդրիխ Բադոյանի հետ դրանք ներկայացրել է ՀՀ ԱՎՎ։ Արդյունքում Հենդրիխ Բադոյանը, 2009 թվականի մայիսի 6-ին, ստացել է ՀՀ քաղաքացիություն և անձնագիր։»։
Հայկ Սերյոժայի Կոստանյանին մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով հետևյալ արարքի համար. «որ նա` հանդիսանալով Երևանի Արաբկիրի համայնքի «Արաբկիր 51 փող., 9 շ.» համատիրության նախագահը, Վրաստանի քաղաքացիներ՝ Արտյուշ Այվազյանի, Հենդրիխ Բադոյանի և Հովանես Ռաֆաելյանի ՀՀ քաղաքացիության շնորհման և ՀՀ քաղաքացու անձնագրեր ստանալու գործընթացի կազմակերպումը ստանձնած իր կնոջ՝ Ռուզաննա Վլադիմիրի Սահակյանի պարտավորություններն ապահովելու համար, նախնական համաձայնության է եկել նրա հետ, և ՀՀ ոստիկանության ԱՎՎ քաղաքացիության բաժին ներկայացվելիք անհրաժեշտ փաստաթղթերի փաթեթը վերջինիս կողմից համալրելու համար, իր տրամադրության տակ ունենալով նշված համատիրության կնիքը, 22.10.2008 թ. և 19.12.2008 թ. ամսաթվերով կազմել, հիշյալ կնիքով կնքել և ստորագրությամբ վավերացրել է իրականությանը չհամապատասխանող բովանդակությամբ երեք կեղծ տեղեկանքներ, իբր Արտյուշ Այվազյանը, Հենդրիխ Բադոյանն ու Հովանես Ռաֆաելյանը, առանց հաշվառման բնակվում են առաջինը՝ քաղ. Երևան, Արաբկիրի 51-րդ փողոց, 9-րդ շենքի թիվ 109 բնակարանում, իսկ մյուս երկուսը՝ քաղ. Երևան, Արաբկիրի 51-րդ փողոց, 9-րդ շենքի թիվ 119 բնակարանում։ Ռուզաննա Սահակյանը նաև կազմակերպել է այդ անձանց անունից կեղծ ստորագրություններով ՀՀ քաղաքացիություն շնորհելու վերաբերյալ դիմումների, իրականությանը չհամապատասխանող տվյալներով հարցաթերթիկների, ինքնակենսագրությունների, Վրաստանում դատապարտված և հետախուզման մեջ չլինելու, ինչպես նաև Երևանի «Սուրբ Գրիգոր Լուսավորիչ» ՓԲԸ մեծահասակների պոլիկլինիկայից առողջական վիճակի մասին տեղեկանքների կազմումը, որից հետո, բնակության վայրի վերաբերյալ կեղծ տեղեկանքները, նշված մյուս փաստաթղթերը, նրանց լուսանկարների հետ մեկտեղ հանձնվել են ՀՀ ոստիկանության ԱՎՎ քաղաքացիության բաժին, ընդ որում այդ գործողությունները Ռուզաննա Սահակյանը կատարել է Հենդրիխ Բադոյանի և Հովանես Ռաֆաելյանի ՀՀ-ից բացակայելու պայմաններում։ Արդյունքում, բնակության վայրի վերաբերյալ և մյուս կեղծ փաստաթղթերը օգտագործվել են՝ ներկայացվելով ՀՀ ոստիկանության ԱՎՎ, և Արտյուշ Այվազյանը, Հենդրիխ Բադոյանը ու Հովանես Ռաֆաելյանը ստացել են ՀՀ քաղաքացիություն և անձնագրեր։»։
18.09.2010թ. քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.
Ամբաստանյալ Ռուզաննա Վլադիմիրի Սահակյանը, ստանձնելով կազմակերպել Վրաստանի քաղաքացի, Նինոծմինդայի շրջանի Փոգա գյուղի բնակիչ, տուժող Արտյուշ Սարգսի Այվազյանի, ինչպես նաև Ռուսաստանի Դաշնության Մոսկվա քաղաքում արտագնա աշխատանքների մեկնած, Նինոծմինդայի շրջանի Հեշտիա գյուղի բնակիչներ, տուժողներ Հենդրիխ Վիկտորի Բադոյանի և Հովանես Քերոպի Ռաֆաելյանի ՀՀ քաղաքացիության և անձնագրեր ստանալու գործընթացը, վկա Գայանե Ալբերտի Պողոսյանի հետ նախնական համաձայնության է եկել նրանցից գումարներ ստանալու և խաբեությամբ հափշտակելու շուրջ։ 2008 թվականի սեպտեմբերի վերջին և հոկտեմբերի սկզբին Գայանե Պողոսյանն Արտյուշ Այվազյանից ստացել է 244.400 ՀՀ դրամին համարժեք 800 ԱՄՆ դոլար, իսկ 2008 թվականի սեպտեմբերի 20-ից հոկտեմբերի 31-ն ընկած ժամանակահատվածում` Հովանես Ռաֆաելյանից և Հենդրիխ Բադոյանից՝ ստացել է ընդհանուրը` 2.230.150 ՀՀ դրամին համարժեք 7.300 ԱՄՆ դոլար։ Այնուհետև, ամբաստանյալ Ռուզաննա Սահակյանն իր ամուսին, ամբաստանյալ Հայկ Սերյոժայի Կոստանյանի, ամբաստանյալներ Վիկտորյա Վոլոդյայի Խաչատրյանի, Լյուդվիգ Արզնիի Խաչատրյանի և վկա Գայանե Պողոսյանի հետ նախնական համաձայնությամբ իրականացրել է Վրաստանի վերոհիշյալ երեք քաղաքացիների` ՀՀ քաղաքացիության ստացման համար հիմք հանդիսացող մի շարք փաստաթղթերի կեղծման և դրանց օգտագործման գործընթացը, ապահովելով տուժողներ Արտյուշ Այվազյանի, Հենդրիխ Բադոյանի և Հովանես Ռաֆաելյանի` կեղծ հիմքերով ՀՀ քաղաքացիության և անձնագրերի ստացումը և Գայանե Պողոսյանի հետ նախնական համաձայնությամբ խաբեությամբ հափշտակել է Արտյուշ Այվազյանից ստացված 244.400 ՀՀ դրամին համարժեք 800 ԱՄՆ դոլար, Հովանես Ռաֆաելյանից ու Հենդրիխ Բադոյանից ստացված 2.230.150 ՀՀ դրամին համարժեք 7.300 ԱՄՆ դոլարը հետևյալ հանգամանքներում.
ՀՀ ոստիկանության ԱՎՎ քաղաքացիության բաժին ներկայացման ենթակա անհրաժեշտ փաստաթղթերի փաթեթն ապահովելու նպատակով, ամբաստանյալ Ռուզաննա Սահակյանը հանցավոր համաձայնության է եկել ամուսնու՝ Երևանի Արաբկիրի համայնքի «Արաբկիր 51 փող., 9 շ.» համատիրության նախագահ, ամբաստանյալ Հայկ Սերյոժայի Կոստանյանի հետ, որը 22.10.2008թ. և 19.12.2008թ. ամսաթվերով կազմել է իրականությանը չհամապատասխանող բովանդակությամբ երեք կեղծ տեղեկանքներ այն մասին, իբրև թե Արտյուշ Այվազյանն առանց հաշվառման բնակվում է Երևանի Արաբկիր 51-րդ փողոցի թիվ 9 շենքի թիվ 109 բնակարանում, իսկ Հենդրիխ Բադոյանն ու Հովանես Ռաֆաելյանը՝ Երևանի Արաբկիր 51-րդ փողոցի թիվ 9 շենքի թիվ 119 բնակարանում։ Հենդրիխ Բադոյանի և Հովանես Ռաֆաելյանի` ՀՀ-ից բացակայության պայմաններում, Ռուզաննա Սահակյանն իրականացրել է նրանց անունից կենսագրական ոչ ճիշտ տվյալներով և կեղծ ստորագրություններով ՀՀ քաղաքացիություն շնորհելու վերաբերյալ դիմումների, իրականությանը չհամապատասխանող տվյալներով հարցաթերթիկների, ինքնակենսագրությունների, ինչպես նաև նշված անձանց և Արտյուշ Այվազյանի տվյալներով Վրաստանում դատապարտված և հետախուզման մեջ չլինելու մասին 03.11.2008թ. ամսաթվով թիվ 49/11/2-00006563, թիվ 49/11/2-00006565 և թիվ 49/11/2-00006532 կեղծ տեղեկանքների, Երևանի «Սուրբ Գրիգոր Լուսավորիչ» ՓԲԸ մեծահասակների պոլիկլինիկայից առողջական վիճակի մասին կեղծ տեղեկանքների կազմման գործընթացը և նրանց լուսանկարների հետ մեկտեղ դրանց հանձնումը ՀՀ ոստիկանության ԱՎՎ քաղաքացիության բաժին` Գայանե Պողոսյանի միջոցով վրացերեն լեզվով այդ փաստաթղթերի հայերեն թարգմանությունն իրականացնելուց հետո։
2009 թվականի ապրիլին, Գայանե Պողոսյանի միջնորդությամբ տուժողներ Հենդրիխ Բադոյանը և Հովանես Ռաֆաելյանը ժամանակավորապես հաշվառվել են Ռուզաննա Լևիկի Մուրադյանին պատկանող, Երևանի Ֆուչիկի անվան փողոցի 1-ին նրբանցքի թիվ 9 շենքի թիվ 4 բնակարան` հասցեում, իսկ 2009 թվականի հուլիսին` դարձյալ Գայանե Պողոսյանի միջնորդությամբ Արտյուշ Այվազյանը հաշվառվել է Արմեն Արամի Ավետիսյանին պատկանող, Երևանի Հալաբյան փողոց թիվ 15 շենքի թիվ 5 բնակարան` հասցեում։
Մինչ անձնագրեր ստանալը, ՀՀ անձնագրային և վիզաների վարչությունում նրանց են տրվել Ձև 1 և անձնական հաշվառման քարտ կոչվող Ձև 16 բլանկները՝ հաշվառման վայրի զինկոմիսարիատ ներկայանալու և հաշվառման կանգնելու համար, որի վերաբերյալ Ձև 16 և Ձև 1 բլանկներում կատարվում են կնիքով և ստորագրութուններով վարվերացումներ։ Զորակոչային տարիքի սահմանն անցած Հովանես Ռաֆաելյանը և Արտյուշ Այվազյանը հաշվառվել են Երևանի Մաշտոցի զինկոմիսարիատում, որից հետո ՀՀ ԱՎՎ-ից ստացել են ՀՀ քաղաքացու անձնագրեր։ Քանի որ զորակոչային տարիքում գտնվող Հենդրիխ Բադոյանի մոտ առաջացել են Երևանի Մաշտոցի զինվորական կոմիսարիատում որպես զորակոչիկ նրան հաշվառելու հետ կապված խնդիրներ` 2009 թվականի ապրիլին, ամբաստանյալ Ռուզաննա Սահակյանը հանցավոր համաձայնության է եկել ամբաստանյալներ Վիկտորյա Խաչատրյանի և Լյուդվիգ Խաչատրյանի հետ`՝ Հենդրիխ Բադոյանի Ձև 1 և Ձև 16 քարտերում կեղծ կնիքներով զինվորական հաշվառման փաստի ամրագրումն ապահովելու հարցում։ Վկա Գայանե Պողոսյանից վերցված բլանկներն ամբաստանյալ Ռուզաննա Սահակյանը տվել է ամբաստանյալ Վիկտորյա Խաչատրյանին։ Վերջինս դրանք հանձնել է ամբաստանյալ Լյուդվիգ Խաչատրյանին, որպեսզի նա ապահովի կեղծման գործընթացը։ 2009 թվականի ապրիլի 30-ին, ամբաստանյալ Լյուդվիգ Խաչատրյանը նշված քարտերը տվել է վկա Դավիթ Ներսիսյանին, որն իր կողմից պատրաստած՝ Մաշտոցի զինկոմիսարիատի կլոր և ուղղանկյունաձև կեղծ կնիքներով դրոշմել է տուժող Հենդրիխ Բադոյանի անվամբ լրացված Ձև 16 և Ձև 1 քարտերը։ Դրանից հետո ամբաստանյալ Վիկտորյա Խաչատրյանը կեղծ կնիքներ պարունակող այդ քարտերում կատարել է նշված զինկոմիսարիատի պաշտոնյաների կեղծ ստորագրություններ, իսկ կնիքների վրա` ամսաթվային գրառումներ։ Նույն օրն ամբաստանյալ Լյուդվիգ Խաչատրյանը նշված կեղծված քարտերը հանձնել է վկա Գայանե Պողոսյանին, որը տուժող Հենդրիխ Բադոյանի հետ դրանք ներկայացրել է ՀՀ ԱՎՎ։ Արդյունքում Հենդրիխ Բադոյանը 2009 թվականի մայիսի 6-ին ստացել է ՀՀ քաղաքացու անձնագիր։
Քրեական գործի նախաքննության ընթացքում կատարվել են դատաձեռագրաբանական և դատափաստաթղթաբանական համալիր, ձեռագրաբանական, փաստաթղթաբանական և համակարգչատեխնիկական համալիր, ինչպես նաև փաստաթղթաբանական և համակարգչատեխնիկական համալիր փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից, որոնց արժեքը կազմել է ընդհանուրը` 535.860 /հինգ հարյուր երեսունհինգ հազար ութ հարյուր վաթսուն/ ՀՀ դրամ գումար։


Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.

Տուժող Հովանես Քերոպի Ռաֆաելյանի նախաքննական ցուցմունքով այն մասին, որ Հենդրիխ Բադոյանն իր համագյուղացին է, նրան ճանաչում է վաղուց, միասին սովորել են Հեշտիա գյուղի թիվ 1 դպրոցում։ Ինքն Հենդրիխի հետ նույն շինարարական բրիգադում աշխատել է Մոսկվա քաղաքում։ Քանի որ իրենց համար դժվար է եղել Վրաստանի քաղաքացու անձնագրով արտագնա աշխատանքների մեկնել ՌԴ, և իրենք լսել են, որ Ախալքալակի հայ բնակիչներին Հայաստանում տալիս են ՀՀ քաղաքացու անձնագրեր` Ռուսաստանի իրենց ծանոթներից լսել են, որ Երևանում կա Գայանե անունով մի կին, որը վրացահայերի համար կազմակերպում է ՀՀ անձնագրերի ստացումը։ Ծանոթներից ճշտելով Գայանեի հեռախոսահամարը՝ 093-24-24-78, 2008 թվականի սեպտեմբերի 20-ի շրջանում Մոսկվայից ինքը զանգահարել է նրան։ Քանի որ Հենդրիխ Բադոյանը նույնպես որոշել է ստանալ ՀՀ քաղաքացու անձնագիր` նա իրեն խնդրել է Գայանեի հետ պայմանավորվել նաև իր հարցով։ Ինքը հեռախոսազրույց է ունեցել Գայանեի հետ, որն ասել է, որ անձնագրերից յուրաքանչյուրի ստացումը կարող է դասավորել 3.500 ԱՄՆ դոլարով։ Տեղեկանալով, որ Հենդրիխը 24 տարեկան է` Գայանեն ասել է, որ Հենդրիխի գործն ավելի թանկ է, որ նա պետք է մուծի 3.800 ԱՄՆ դոլար։ Գայանեն բացատրել է, որ գումարի կեսը պետք է ուղարկել նախօրոք և որքան շուտ դա կատարվի, այնքան արագ կտրամադրվեն անձնագրերը։ 2008 թվականի սեպտեմբերի վերջին, ինքն ու Հենդրիխը բանկից 3.000 կամ 3.500 ԱՄՆ դոլար են փոխանցել Երևանում բնակվող իր բարեկամ Համբարձում Համբարձումյանի անվամբ, որին ինքը զանգահարել և խնդրել է ստանալ գումարը և այն հանձնել Գայանեին։ Գումարը փոխանցելուց հետո, ինքը հեռախոսով կապնվել է Գայանեի հետ, նրան է տրամադրել Համբարձումի հեռախոսահամարը, պայմանավորվելով, որ Գայանեն զանգահարի նրան և վերցնի գումարը։ Այնուհետև Համբարձումից և Գայանեից ճշտել է, որ նրանք հանդիպել են և Գայանեն գումարը ստացել է։ Գայանեի պահանջով ինքն ու Հենդրիխը Մոսկվայից Երևան են ուղարկել Վրաստանի քաղաքացու իրենց անձնագրերի, ծննդյան վկայականների պատճենները և 6-ական լուսանկարներ։ Դրանք իրենք Երևան են ուղարկել Մոսկվայից Հայաստան, իսկ այնուհետև Վրաստան մեկնող իրենց ծանոթների միջոցով։ Մոտ 15 օր անց, գումարի մյուս մասն ինքն ու Հենդրիխը նույնպես բանկային փոխանցումով ուղարկել են Համբարձումին, որն այն նորից հանձնել է Գայանեին։ Ինքն ու Հենդրիխը Գայանեին են ուղարկել ընդհանուրը` 7.300 ԱՄՆ դոլար։ Այնուհետև ինքը պարբերաբար զանգահարել է Գայանեին, ինչպես վերը նշված, այնպես էլ նրա 091-99-55-28 հեռախոսահամարին։ Գայանեն պատասխանել է, որ գործն ընթացքի մեջ է և լինելու դեպքում կտեղեկացնի իրենց։ 2008 թվականի դեկտեմբերի 25-ին, ինքն ու Հենդրիխը Մոսկվայից ժամանել են Երևան և նույն օրը գնացել են Ախալքալակ, որտեղից պարբերաբար ինքը շարունակել է զանգահարել Գայանեին և հետաքրքրվել գործերով։ Գայանեն անընդհատ ձգձգել է և ի վերջո, 2009 թվականի ապրիլի սկզբին, զանգահարել է իրեն և ասել, որ ինքն ու Հենդրիխը գան Հայաստան, քանի որ անձնագրերի հարցը պետք է լուծվի։ 2009 թվականի ապրիլի 7-ին, ինքն ու Հենդրիխը եկել են Հայաստան, ինքը զանգահարել է Գայանեին, որն հայտնել է, որ պետք է Հենդրիխի հետ գնան Մաշտոցի անձնագրային բաժին։ Այնտեղ իրենք առաջին անգամ հանդիպել են Գայանեի և Ռուզաննա Մուրադյանի հետ, որի տան հասցեով ինքն ու Հենդրիխը պետք է հաշվառվեին։ Իրենք նրանց հետ մտել են անձնագրային բաժին։ Ռուզաննան այնտեղ համաձայնություն է տվել, որ իրենք գրանցվեն նրա տանը։ Ձևակերպումներից հետո, ինքը, Հենդրիխը և Գայանեն գնացել են նոտարական գրասենյակ, որտեղ իր զինգրքույկը թարգմանվել է հայերեն` զինկոմիսարիատ ներկայացնելու համար։ Նույն օրն ինքն ու Հենդրիխը գնացել են Մաշտոցի զինկոմիսարիատ, որտեղ ներկայացրել են անձնագրային և վիզաների վարչությունում իրենց տրված Ձև 1 և Ձև 16 փաստաթղթերը։ Այդ փաստաթղթերն իրենք ԱՎՎ-ում ստացել են անձամբ, իսկ Գայանեն այդ ընթացքում իրենց սպասել է դրսում։ Ինքը հասկացել է, որ անձնագրերի ստացման հարցը լուծվում է օրինական ձևով և Գայանեն իրենց համար այդքան մեծ ծառայություններ չի մատուցում, չնայած իրենցից մեծ գումարներ է ստացել։ Մաշտոցի զինկոմիսարիատում ինքը կանգնել է հաշվառման, իսկ Հենդրիխին բացատրել են, որ նա չի կարող կանգնեցվել հաշվառման, քանի որ զինվորական գրքույկ չունի, նա պետք է ծառայի ՀՀ բանակում։ Իրենք զանգահարել և այդ մասին տեղեկացրել են Գայանեին։ Վերջինս իրենց հետ հանդիպել է ուշ երեկոյան և ասել է, որ կլուծի Հենդրիխի հաշվառման հարցը։ Ինքը ստացել է ՀՀ քաղաքացու անձնագիր։ Գայանեն առաջարկել է Հենդրիխին մեկնել Հայաստանից, մինչև նրա անձնագրի տրամադրման հարցի լուծումը, պայմանավորվելով գտնվել հեռախոսակապի մեջ։ Ինքն այլևս չի հետաքրքրվել և չի իմացել, թե Հենդրիխը երբ և ինչպես է ստացել ՀՀ քաղաքացու անձնագիրը, միայն ավելի ուշ իմացել է, որ այդ հարցը լուծվել է։ Իր անվամբ դատվածության տեղեկանքի կազմման և ձեռք բերման հետ ինքն առնչություն չի ունեցել և դրանում նշված ք. Նինոծմինդա, Չապաևի 14 հասցեում երբեք չի բնակվել, չգիտի նաև 19.12.2008թ. իր անունից ԱՎՎ ուղղված դիմումը, հարցաթերթիկը, ինքնակենսագրությունը ում կողմից է կազմվել և ստորագրվել, դրանցում նշված իր կենսագրական տեղեկությունները ճիշտ չեն։
/հատոր 1, գ.թ. 164-167, 194-198, 263-267, 270, հատոր 3, գ.թ. 216-218, 226/։
Վկա Գայանե Ալբերտի Պողոսյանի ցուցմունքով այն մասին, որ 2008 թվականի աշնանը, Ռուսաստանից իրեն է զանգահարել Ախալքալակի բնակիչ Արթուրը և հետաքրքրվել Ախալքալակի բնակիչ իր երկու ընկերների ՀՀ քաղաքացիություն ստանալու հնարավորության մասին։ Ինքը խոստացել է հետաքրքրվել և այդ հարցով դիմել է իր ծանոթին՝ Երևանի Արաբկիրի անձնագրային բաժնի անձնագրավարուհի Ռուզաննա Սահակյանին։ Ռուզաննան հայտնել է, որ համապատասխան գումարի դիմաց կփորձի օգնել։ Նա պահանջել է իրեն տալ այդ անձանց անձնագրերը, ծննդյան վկայականները և լուսանկարները։ Արթուրի ծանոթներից մեկը՝ Հենդրիխ Բադոյանը կամ Հովանես Ռաֆաելյանը, Մոսկվայից զանգահարել է իր բջջային հեռախոսահամարին։ Ինքը բացատրել է, որ գործը կարվի ՀՀ ոստիկանության ԱՎՎ միջոցով, որի համար գումար է անհրաժեշտ։ Միաժամանակ ասել է, որ անհրաժեշտ է Հայաստան ուղարկել նշված փաստաթղթերը։ Ռուզաննայի պահանջով ճշտել է, որ այդ անձանցից մեկը 27 տարեկան դեռևս չկա, իսկ մյուսը՝ տարիքով մեծ է։ Այդ մասին տեղեկացրել է Ռուզաննային, որը պատասխանել է, որ 27 տարին չլրացած անձը զորակոչային տարքում է և նրա համար ավելի շատ գումար պետք է վճարել։ Ռուզաննան այդ երկու անձանցից պահանջել է ստանալ ընդհանուրը` 7.000 ԱՄՆ դոլար, սակայն ինքը չի հիշում, թե կոնկրետ յուրաքանչյուրից որքան։ Ինքն իր հերթին նրանց ներկայացրել է, որ պահանջվում է վճարել 7.300 ԱՄՆ դոլար, ակնկալելով 300 ԱՄՆ դոլարը պահել իրեն։ Երիտասարդներն իր պահանջով ուղարկել են գումարի մի մասը՝ 3.000 ԱՄՆ դոլարը, որը ստացել է նրանցից մեկի բարեկամ Համբարձումի միջոցով։ Այդ գումարն ամբողջությամբ ինքը հանձնել է Ռուզաննային։ Ավելի ուշ, Համբարձումից ստացել է նաև նրանց լուսանկարները և պահանջված փաստաթղթերը, որոնք նույնպես տվել է Ռուզաննային։ Գումարի մյուս մասը՝ 4.300 ԱՄՆ դոլարը մոտ երկու ամիս անց ինքը դարձյալ ստացել է Համբարձումից։ Գումարից 400 ԱՄՆ դոլարը պահել է իրեն, իսկ մնացած 3.900 ԱՄՆ դոլարը տվել է Ռուզաննային, քանի որ նախօրոք պայմանավորվածություն են ունեցել, որ ամեն գործից 200-ական ԱՄՆ դոլար պետք է մնա իրեն։ Թե այդ անձանց համար ինչպիսի փաստաթղթեր են լրացվել և ներկայացվել ԱՎՎ` ինքը տեղյակ չէ։ Հովանեսը մի քանի ամիս շարունակ զանգահարել և հետաքրքրվել է անձնագրերի հարցով, սակայն քանի որ գործերը ձգձգվել են` ինքը նրան պատասխանել է, որ սպասողական վիճակ է։ Ի վերջո, 2009 թվականի ապրիլի սկզբին, Ռուզաննան իրեն տեղեկացրել է, որ այդ անձիք պետք է գան Հայաստան, որպեսզի ստանան անձնագրերը։ Ինքն այդ մասին տեղեկացրել է նրանց։ Ռուզաննայի հետ պայմանավորվել է, որ Երևանում նրանց ժամանակավոր հաշվառման հարցը կլուծի ինքը, որի համար նրանից ստացել է 300 ԱՄՆ դոլար։ Ինքը պայմանավորվել և ստացել է իր ծանոթի՝ Ռուզաննա Մուրադյանի համաձայնությունը, որպեսզի նա նշված վրացահայերին գրանցի իր բնակարանում։ Երբ Հ. Ռաֆաելյանը և Հ. Բադոյանը ժամանել են Հայաստան` ինքը նրանց հանդիպել է Մաշտոցի անձնագրային բաժնում, որտեղ Ռուզաննա Մուրադյանի համաձայնությամբ նրանք ժամանակավորապես գրանցվել են վերջինիս տանը։ Ինքը Ռուզաննա Սահակյանի տված գումարից 200 ԱՄՆ դոլարը տվել է Ռուզաննա Մուրադյանին, իսկ 100 ԱՄՆ դոլարը պահել է իրեն։ Գրանցումն ավարտելուց հետո, անձնագրային բաժնից ստացված Ձև 15 բլանկները, Ռուզաննա Մուրադյանի տան սեփականության վկայագիրն ինքը տվել է Հ. Բադոյանին և Հ. Ռաֆաելյանին, որ դրանք հանձնեն ԱՎՎ, որը նրանք կատարել են և ինքը Հ. Ռաֆաելյանից հետ է ստացել Ռ. Մուրադյանի բնակարանի սեփականության վկայագիրը։ ԱՎՎ-ում նրանց տրվել են Ձև 1 և Ձև 16 փաստաթղթերը, որպեսզի նրանք ներկայանան Մաշտոցի զինկոմիսարիատ և կանգնեն հաշվառման։ Երկու օր անց, Հովանեսը և Հենդրիխը զանգահարել և հայտնել են, որ զինկոմիսարիատում հաշվառման կանգնելու դեպքում, Հենդրիխը պետք է ծառայի բանակում։ Ինքը զանգահարել է Ռուզաննա Սահակյանին, հայտնել խնդրի մասին։ Նա առաջարկել է Հենդրիխ Բադոյանի Ձև 1 և Ձև 16 փաստաթղթերը հանձնել իրեն։ Փաստաթղթերն ինքը հանձնել է Ռուզաննա Սահակյանին, որպեսզի նա լուծի զինվորական հաշվառման հարցը և Հ. Բադոյանը բանակում չծառայելով կարողանա ստանալ ՀՀ անձնագիր։ Հ. Ռաֆաելյանը ստացել է անձնագիրը և մեկնել Ախալքալակ, իսկ Հ. Բադոյանին ինքն ասել է, որ մեկնի և հարկ եղած դեպքում նորից կգա Հայաստան։ Հ. Բադոյանը պարբերաբար զանգահարել և հետաքրքրվել է գործի ընթացքով։ Ինքը նույնպես անընդհատ զանգահարել է Ռուզաննա Սահակյանին, որը հայտնել է, որ հաշվառման քարտերը տվել է Լյութո անունով ինչ-որ մեկին` զինհաշվառման հարցը լուծելու համար և տվել է այդ Լյութոյի հեռախոսահամարները՝ 093-82-51-14 և 077-27-12-32։ Ինքը կապնվել է Լյութոյի հետ, որը պատասխանել է, որ զբաղվում է հարցով, գործը դեռևս չի եղել և պետք է սպասել։ Այդպես 15 օր շարունակ ինքը հեռախոսով կապնվել է Լյութոյի հետ, որից հետո իրենք հանդիպել են Երևանի Մարգարյան փողոցի հատվածում։ Գործի ձգձգման հետ կապված ինքը ևս երկու անգամ հանդիպել է Լյութոյին, որը հերթական անգամ խոստացել է մոտ ժամանակներում հարցը լուծել, քանի որ Ռուզաննա Սահակյանից ստացած փաստաթղթերը տվել է գործ անողին և սպասում է գործի լուծմանը։ 2009 թվականի ապրիլի վերջին, Ռուզաննան տեղեկացրել է, որ հարցը լուծվել է և Հ. Բադոյանը պետք է ժամանի Հայաստան։ Ինքը զանգահարել և վերջինիս կանչել է Երևան։ 2009 թվականի ապրիլի 30-ին, Լյութոյի հետ ունեցած պայմանավորվածության համաձայն, ինքը Հենդրիխ Բադոյանի հետ գնացել է անձնագրերի և վիզաների վարչության շենքի մոտ և սպասել Լյութոյին, որը պետք է իրենց տար Ձև 1 և Ձև 16 փաստաթղթերը` զինհաշվառման ձևակերպումներով, որպեսզի Հենդրիխ Բադոյանը դրանցով գնար ԱՎՎ և ստանար ՀՀ քաղաքացու անձնագիրը։ Լյութոն չի գնացել հանդիպման և ինքն անընդհատ զանգահարել է նրան։ Վերջինս իրեն խնդրել է սպասել։ Հերթական զանգերից մեկի ժամանակ, հավանաբար իրեն շփոթելով Վիկտորյա Խաչատրյանի հետ, Լյութոն ասել է՝ «Վիկ, ախպերս, սպասի, դեռ չենք գտել, մեշոկները շատ ա, չենք կարողանում գտնել»։ Մինչ այս հեռախոսազրույցը Լյութոն իրեն հայտնել է, որ գտնվում է Վիկտորյայի մոտ և քանի որ նա իր մի քանի հեռախոսազանգերին չի պատասխանել, ինքը զանգահարել է Վիկտորյա Խաչատրյանի 091-26-44-11 հեռախոսահամարին և հետաքրքրվել Լյութոյի գտնվելու վայրի վերաբերյալ։ Վիկտորյան հայտնել է, որ Լյութոն զանգահարել և ասել է, որ շուտով պետք է գա իր մոտ։ Հերթական անգամ զանգահարել է Լյութոյին, որն իրեն տեղեկացրել է, որ գտնվում է Վիկտորյայի աշխատանքի վայրում։ Ինքը գոռգոռացել և զայրացած հարցրել է, թե ի վերջո երբ պետք է բերի և տա Հենդրիխ Բադոյանի Ձև 1 և Ձև 16 փաստաթղթերը։ Լյութոն պատասխանել է, որ սպասում է, մինչև Վիկտորյան այդ փաստաթղթերում գրի և ստորագրի։ Նա ավելացրել է նաև, որ ընդմիջման ժամ է, սպասում է Վիկտորյային, հենց նա գրի և ստորագրի դրանցում` իսկույն դրանք կհասցնի իրենց։ Այդ օրը, ժամը 16-ի սահմաններում, Լյութոն ի վերջո եկել է անձնագրերի և վիզաների վարչությանը հարակից այգում գտնվող սրճարանի մոտ, վերնաշապիկի տակից հանել է Հ. Բադոյանի Ձև 1 և Ձև 16 փաստաթղթերը և հանձնել իրեն։ Լյութոյի ներկայությամբ ինքը դրանք ուշադիր նայել է և համոզվել, որ դրանցում առկա են Մաշտոցի զինկոմիսարիատի հաշվառման գրավոր նշումները, կնիքները, ստորագրությունները։ Ինքը Լյութոյից հետաքրքրվել է, թե արդյոք միայն Մաշտոցի հետ կապված գործ կարող է անել։ Լյութոն հայտնել է, որ բոլոր տեղերում ծանոթներ ունի, նաև Վրաստանի փաստաթղթերին վերաբերվող գործեր կարող է անել։ Հենդրիխ Բադոյանը նույն օրն այդ փաստաթղթերը տարել և հանձնել է ԱՎՎ, իսկ մի քանի օր անց նա ինքնուրույն ստացել է ՀՀ անձնագիրը։ Վիկտորյա Խաչատրյանին ճանաչել է Ռուզաննա Սահակյանի միջոցով, մի քանի անգամ հանդիպել է նրա հետ իրեն հետաքրքրող հարցերով, սակայն գործնական օգնություն նրանից չի ստացել։ Լյութոյի հետ ծանոթանալու ժամանակ չի իմացել, որ վերջինս և Վիկտորյան մտերիմներ են։ Լյութոյի հետ ծանոթանալուց հետո, Վիկտորյայի հետ տեղի ունեցած զրույցի ժամանակ, ինքը նրան հայտնել է, որ կա Լյութո անունով մի անձ, որի հետ ինքը ծանոթացել է Ռուզաննա Սահակյանի միջոցով և նրան Ռուզաննան ներկայացրել է որպես մեծ ծանոթություններ ունեցող գործ անողի։ Վիկտորյան հաստատել է, որ դա այդպես է և նշել է, որ Լյութոյի հետ մտերիմներ են, նույնիսկ միմյանց «ապեր» են կոչում։ Ինքը համոզվել է, որ Ռուզաննան, Լյութոն և Վիկտորյան միմյանց լավ ճանաչում են։
Մինչ Հ. Ռաֆաելյանի և Հ. Բադոյանի կողմից նշված գործերի հետ կապված իրեն դիմելը, 2008 թվականի աշնանն իրեն է զանգահարել ՌԴ Սուրգուտ քաղաքում բնակվող Արտյուշ Այվազյանի եղբայրը, որը խնդրել է զբաղվել եղբոր` ՀՀ քաղաքացիության և ՀՀ քաղաքացու անձնագիր ստանալու հարցերով։ Ինքը դիմել է դարձյալ Ռուզաննա Սահակյանին` ասելով, որ Արտյուշ Այվազյանը գտնվում է Վրաստանում և հնարավորություն ունի ցանկացած ժամանակ գալ Հայաստան։ Ռուզաննան համաձայնվել է օգնել այդ հարցում` պահանջելով բոլոր փաստաթղթերը պատրաստելու, դրանք ԱՎՎ հանձնելու և գործը շուտ իրականացնելու համար 600 ԱՄՆ դոլար։ Ռուզաննան պահանջել է, որ գումարի հետ Հայաստան ուղարկվեն Արտյուշ Այվազյանի Վրաստանի անձնագիրը և ծննդյան վկայականը։ Ինքն Արտյուշ Այվազյանից պահանջել է վճարել 800 ԱՄՆ դոլար։ Արտյուշ Այվազյանը 2008 թվականի աշնանը եկել է Երևան, իրեն է տվել պահանջված գումարը և փաստաթղթերը։ Ինքն իր ծանոթ Արմեն Ավետիսյանի ք. Երևան, Հալաբյան 15 շենքի թիվ 5 բնակարան` հասցեում, վերջինիս համաձայնությամբ, 2009 թվականի հուլիսին կազմակերպել է Արտյուշ Այվազյանի ժամանակավոր գրանցումը, որի համար Արմեն Ավետիսյանին տվել է 100 ԱՄՆ դոլար։ Նշվածից 100 ԱՄՆ դոլար ինքը պահել է իրեն, իսկ 600 ԱՄՆ դոլարը և նշված փաստաթղթերը տվել է Ռուզաննա Սահակյանին։ Թե ինչպես է Ռուզաննա Սահակյանն ապահովել ԱՎՎ ներկայացման ենթակա փաստաթղթերի պատրաստումը` իրեն հայտնի չէ։ Ինչպես այս դեպքում, այնպես էլ մյուս երկու քաղաքացիների դեպքում Ռուզաննա Սահակյանն է իրեն հայտնել, որ նրանց ՀՀ քաղաքացիություն է շնորհվել։ 2009 թվականի օգոստոսին ինքն Արտյուշ Այվազյանին կանչել է Հայաստան և նա ՀՀ ԱՎՎ-ից ստացել է ՀՀ քաղաքացու անձնագիրը։
Քրեական գործի նյութերի նախապատրաստման ընթացքում, մինչև քրեական գործի հարուցվելը, Ռուզաննա Սահակյանը և նրա ամուսին Հայկը հրավիրվել են ՀՀ ԱԱԾ և այդ ժամանակվանից սկսած Ռուզաննա Սահակյանը պարբերաբար զանգահարել կամ հանդիպել է իրեն, տեղեկացրել է, որ տվել են իրականությանը չհամապատասխանող բացատրություններ այն մասին, իբրև թե իր ամուսինը գործից տեղյակ չէ, իսկ Հ. Բադոյանի և Հ. Ռաֆաելյանի բնակության տեղեկանքներն իբրև թե տրվել են վարձակալ ինչ-որ Սուսանի խնդրանքով։ Ռուզաննան պահանջել է իրենից, որպեսզի լուռ նստի, նրա վերաբերյալ որևէ ցուցմունք չտա և անունը չշոշափի, իսկ երբ ինքը հրավիրվել է հարցաքննության` Ռուզաննան իրեն հարկադրել է ճիշտը չասել, ամեն ինչ վերցնել իր վրա, հերքել նրա առնչությունը և մասնակցությունն այս գործում։
/դատական նիստի արձանագրություն, հատոր 2, գ.թ. 7-9, 10, 75-79, 191-193, հատոր 3, գ.թ. 222/։
Վկա Գայանե Պողոսյանն իր այդ ցուցմունքները պնդել է նաև Ռուզաննա Սահակյանի, Լյուդվիգ Խաչատրյանի և Վիկտորյա Խաչատրյանի հետ առերես հարցաքննությունների ժամանակ։
/հատոր 2, գ.թ. 19-24, 231-238, 248-254, 255-259, հատոր, 3 գ.թ. 192-197/։
Վկա Դավիթ Արտակի Ներսիսյանի նախաքննական ցուցմունքով այն մասին, որ 1993 թվականից չունենալով մշտական աշխատանք, սակայն տիրապետելով համակարգչին և որոշակի տեխնոլոգիաների` զբաղվել է կեղծ կնիքների պատրաստմամբ և փաստաթղթերի կեղծմամբ։ Այդ գործողությունների կատարման համար մի քանի անգամ դատապարտվել է։ Հենդրիխ Բադոյանի անվամբ լրացված Ձև 1 և Ձև 16 բլանկների դարձերեսների վրա դրված ՀՀ զինանշանով Մաշտոցի զիկոմիսարիատի կլոր կնիքի, զորակոչային և նախազորակոչային բաժանմունքում հաշվառման վերցնելու մասին ուղղանկյուն կնիքի դրոշմները դրոշմվել են իր կողմից պատրաստված կնիքներով։ Այդ կնիքներն ինքը պատրաստել է 2004-2005 թվականներին, ներկայումս հանգուցյալ Հենրիկ Շահբազյանի պատվերով։ Կնիք պատրաստելու համար ինքը նրանից ստացել է նախնական գումար։ Իր կողմից պատրաստված կնիքները, որպես կանոն, ոչ մեկին չի փոխանցել և հետագայում, այդ կնիքներն օգտագործելու դեպքում, պատվիրատուից ստացել է 5.000 ՀՀ դրամ` յուրաքանչյուր դրոշմի համար։ Լյուդվիգ Խաչատրյանին ճանաչում է 10 տարուց ավել, մտերիմ ընկերներ են և շատ հաճախ են հանդիպել միմյանց։ Նա իմացել է, որ ինքը կարողանում է կնիքներ պատրաստել և դրոշմել դրանք փաստաթղթերում։ Լյուդվիգի խնդրանքով, եզակի անգամ, առանց գումարի ստացման, ինքն իր տրամադրության տակ գտնվող կնիքներով դրոշմել է Լյուդվիգի կողմից տրամադրված Ձև 1 և Ձև 16 բլանկները, որոնք չի հիշում` եղել են լրացված, թե դատարկ։ Վիկտորյա Խաչատրյանին, Գայանե Պողոսյանին և Ռուզաննա Սահակյանին չի ճանաչում։ 2009 թվականի ապրիլի վերջին, երբ Լյուդվիգը դիմել է կնիքների խնդրանքով, ինքն ասել է, որ կնիքներով պարկը պահված է և շտապ գտնել պահանջվող կնիքները հնարավոր չէ, որ կնիքները կարող է գտնել միայն հաջորդ օրը, սակայն Լյուդվիգի պնդմամբ այդ օրը դրել է կնիքների դրոշմները, ընդ որում հենց Լյուդվիգին հանձնարարել է, որ թաքստոցից նա բերի կնիքներով պարկը, որը 2010 թվականի մարտի 30-ին, «Հայրենիք» կինոթատրոնի մոտակայքում գտնվող իր գրասենյակից խուզարկությամբ հայտնաբերվել և առգրավվել է։ Իր կողմից օգտագործվել են 093-44-48-81 և 091-81-60-10 հեռախոսահամարները։ Նշված Ձև 1 և Ձև 16 բլանկներում իր կողմից դրված կեղծ կնիքների դրոշմների վրա կատարված գրառումները և ստորագրություններն ինքը չի կատարել և տեղյակ չէ, թե դրանք ում կողմից են կատարվել։
/հատոր 2, գ.թ. 202-204, հատոր 3, գ.թ. 114/
Դատարանում վկա Դավիթ Արտակի Ներսիսյանը հայտնեց, որ նախաքննության ժամանակ տված ցուցմունքները Լյուդվիգ Խաչատրյանի մասով իրականությանը չեն համապատասխանում, դրանք իրենից վերցվել են խաբեության և հոգեբանական ճնշման տակ։ Կեղծ կնիքով փաստաթղթերն ինքը փոխանցել է ոչ թե Լյուդվիգ Խաչատրյանին, այլ Արմեն Սիմոնյան անուն-ազգանվամբ անձնավորության, որն այժմ պատիժ է կրում «Սևան» քրեակատարողական հիմնարկում։
/դատական նիստի արձանագրություն/։
Վկա Արմեն Արամի Ավետիսյանի ցուցմունքով այն մասին որ Գայանե Պողոսյանն իր ծանոթն է, որը 2009 թվականի հուլիսի դիմել է իրեն խնդրելով իր`՝ Երևանի Հալաբյան փողոց թիվ 15 շենքի թիվ 5 բնակարանում ժամանակավորապես հաշվառել վրացահայ Արտյուշ Այվազյանին։ Քանի որ Գայանեն նախկինում իրեն նյութական օգնություն է ցույց տվել, այդ պարտքը հատուցելու համար համաձայնվել և Գայանեի ներկայությամբ, Մաշտոցի անձնագրային բաժանմունքում հանդիպել է Արտյուշ Այվազյանին։ Այդ բաժանմունքում նույն օրը ձևակերպվել է նրա ժամանակավոր գրանցումն իր սեփական բնակարանում։ Այնուհետև Գայանեին է տվել իր տան սեփականության վկայականը` այն ԱՎՎ ներկայացնելու համար։
/դատական նիստի արձանագրություն, հատոր 3, գ.թ. 65-66/։
Վկա Համբարձում Ռազմիկի Համբարձումյանի ցուցմունքով այն մասին, որ Ախալքալակի շրջանի Հեշտիա գյուղում բնակվող Հովանես Ռաֆաելյանն իր կնոջ մորեղբոր որդին է։ Հայաստանում գտնվելու ժամանակ նա բնակվում է իրենց տանը։ 2008 թվականի աշնանը, սեպտեմբեր կամ հոկտեմբեր ամիսներին, Հովանեսը, որն այդ ժամանակ գտնվել է Մոսկվայում, զանգահարել է իրեն և խնդրել բանկից ստանալ իր անվամբ նրա կողմից փոխանցված գումարը։ Հովանեսն ասել է, որ այդ գումարը ստանալուց հետո ինչ-որ մարդիկ հեռախոսով կկապնվեն իր հետ, կգան և կվերցնեն այն։ Մոսկվայից Հովանեսը իր անվամբ երկու անգամ, մոտ մեկ ամիս տարբերությամբ, «Յունիբանկի» միջոցով փոխանցել է ընդհանուրը` 7.300 ԱՄՆ դոլար։ Նա իրեն հայտնել է 093-24-24-78 հեռախոսահամարը, որից իրեն է զանգահարել մի կին, որի անունը ինքը չի ճշտել։ Պայմանավորվելուց հետո, իր հետ հանդիպել են տարբեր երկու տղամարդիկ, որոնց ոչ մի տվյալ չգիտի և իրենից վերցրել են գումարը։ Գումարներն ուղարկելով` Հովանեսը չի ասել, թե դրանք ինչի համար են, նա պատճառաբանել է, որ կգա Հայաստան ու կասի այդ մասին։ 2008 թվականի դեկտեմբերին, երբ Հովանեսը վերադարձել է Մոսկվայից և մեկնել Ախալքալակ, Երևանում հանդիպել է իրեն և ասել, որ գումարները փոխանցել է իր և իր ընկեր Հենդրիխի անունով ՀՀ անձնագիր ձեռք բերելու համար։ Այլ մանրամասներ Հովանեսն իրեն չի հայտնել։
/դատական նիստի արձանագրություն, հատոր 2, գ.թ. 3-6/։
Վկա Թերեզա Գուրգենի Գրիգորյանի նախաքննական ցուցմունքներով այն մասին, որ 1985 թվականից աշխատում է Երևանի «Սուրբ Գրիգոր Լուսավորիչ» բուժկենտրոնի մեծահասակների պոլիկլինիկայում, իսկ 2000 թվականից հանդիսանում է պոլիկլինիկայի վարիչի տեղակալը։ Իր մոտ է պահվում պոլիկլինիկայի կնիքը, որով հաստատվում են բժշկական տարբեր փաստաթղթեր։ 18.12.2008 թվականի ամսաթվով երկու տեղեկանքները` տրված Հենդրիխ Բադոյանի և Հովանես Ռաֆաելյանի առողջական վիճակի մասին, իր ձեռագրով կազմել է պոլիկլինիկայի տեղամասային թերապևտ Ռիմա Գասպարյանը, ստորագրել է ազգանվան դիմաց, իսկ պոլիկլինիկայի տնօրենի ազգանվան դիմաց ստորագրել է ինքը և տեղեկանքներում դրել է պոլիկլինիկայի շտամպի և կլոր կնիքի դրոշմները։ Ինքը տեղեկանքներում նշված տվյալներով անձանց չի տեսել, նրանք իր աշխատասենյակ չեն մտել, չի տեսել նաև նրանց ամբուլատոր քարտերը և անձնագրերը, չի իմացել, որ նրանք պոլիկլինիկայում ամբուլատոր քարտեր չունեն։ Ռիմա Գասպարյանն իրեն հավաստիացրել է, որ նշված անձիք նրա կողմից սպասարկվող տարածքի բնակիչներն են և նրա լավ ծանոթներն են։ Չմտածելով, որ Ռիմա Գասպարյանը կարող է իրեն խաբել` ինքը ստորագրել և կնիքել է այդ տեղեկանքները` վստահելով, որ վերջինս հետազոտել է այդ անձանց։ Ինքը պարտավոր էր ստուգել այդ անձանց ամբուլատոր քարտերը, անձնագրերը, նշված տեղեկանքները պետք է կնիքեր այդ անձանց ներկայությամբ, սակայն քանի որ ծանրաբեռնված է եղել կազմակերպչական գործերով, նշված գործողությունները չի կատարել` վստահելով Ռիմա Գասպարյանին։ Հետագայում, ՀՀ ԱԱԾ-ում բացատրություն տալու ժամանակ, տեղեկացել է, որ նշված տեղեկանքները կազմվել են Հ. Բադոյանի և Հ. Ռաֆաելյանի ՀՀ-ում չլինելու պայմաններում։ Ինքը ստուգել և համոզվել է, որ նշված անձիք իրենց պոլիկլինիկայում հաշվառված չեն, ամբուլատոր քարտեր չունեն։ Տեղեկություն չունի, թե Ռիմա Գասպարյանն ում խնդրանքով է կազմել և ում է տվել այդ տեղեկանքները։ Ինքը նյութական շահ չի ստացել, իսկ Ռիմա Գասպարյանը շահ ստացել է, թե՝ ոչ` տեղյակ չէ։ Ինչ վերաբերվում է Արտյուշ Սարգսի Այվազյանի առողջական վիճակի վերաբերյալ 10.10.2008թ. իր կողմից ստորագրված և կնքված տեղեկանքին` ապա դրա տեքստը գրել է ինքը, չի տեսել և հետազոտել նշված անձին ու չի հիշում, թե կոնկրետ ում խնդրանքով է ինքն այն կազմել և ում է տրամադրել։ Ինչպես այդ, այնպես էլ նշված երկու տեղեկանքներում որպես բնակության վայր նշված նույն հասցեն հանդիսանում է իրենց պոլիկլինիկայի թերապևտ Ա. Ժամհարյանի սպասարկման տարածքը, սակայն տեղեկանքների կազմման և տրամադրման մասին ինքն Ա. Ժամհարյանին չի տեղեկացրել։
/հատոր 2, գ.թ. 108-110, 223-224, հատոր 3, գ.թ. 211-212/։
Դատարանում վկա Թերեզա Գուրգենի Գրիգորյանը ցուցմունք տվեց, որ նախաքննության ժամանակ մի փոքր լարված է եղել և հայտնել է, որ տեղեկանքները տվել է առանց այդ անձանց տեսնելու, սակայն դա հնարավոր չէ, քանի որ տեղեկանք տալու դեպքում տվյալ անձն անցմում է բժշկական ստուգում, բժիշկը լրացնում է տեղեկանքը, իսկ ինքն հաստատում է այն։ Որպես կանոն անձն ինքն է տեղեկանքը ներկայացնում հաստատման, սակայն տվյալ դեպքում չի կարողանում հիշել` բժիշկն է ներկայացրել, թե տվյալ անձնավորությունն ինքն անձամբ է բերել։ Հնարավոր չէ, որ տվյալ անձանց բացակայության դեպքում նրանց վերաբերյալ տեղեկանքներ տրվեին։
/դատական նիստի արձանագրություն/։
Վկա Ռիմա Գասպարի Գասպարյանի ցուցմունքով այն մասին, որ 1997 թվականից աշխատում է Երևանի «Սուրբ Գրիգոր Լուսավորիչ» բուժկենտրոնի մեծահասակների պոլիկլինիկայում որպես տեղամասային թերապևտ։ Իր սպասարկման տարածքը գտնվում է Երևանի Նոր Նորքի 2-րդ զանգվածում։ Տարբեր հիմնարկություններ ներկայացնելու համար իր սպասարկման տարածքի բնակիչներին տալիս է առողջության մասին տեղեկանքներ։ 18.12.2008 թվականի ամսաթվով երկու տեղեկանքները` տրված Հենդրիխ Բադոյանի և Հովանես Ռաֆաելյանի առողջական վիճակի մասին, կազմել է ինքն իր ձեռագրով և ստորագրել որպես թերապևտ, իսկ պոլիկլինիկայի տնօրենի դիմաց ստորագրությունը կատարել է պոլիկլինիկայի փոխտնօրեն Թերեզա Գրիգորյանը, որը միշտ կնիքում է տեղեկանքները շտամպով և կլոր կնիքով, քանի որ դրանք պահվում են նրա մոտ։ Թե ինչպես է պատահել, որ նշված անձանց ՀՀ-ից բացակայության, տեղեկանքներում նշված հասցեի բնակիչ չլինելու պայմաններում կազմվել և տրամադրվել են այդ տեղեկանքները` չի կարող բացատրել։ Չի հիշում, թե ում խնդրանքով կամ միջնորդությամբ է կազմել և ում է տրամադրել այդ տեղեկանքները։
/դատական նիստի արձանագրություն, հատոր 2, գ.թ. 111-116, հատոր 3, գ.թ. 208-209/։
Վկա Կարինե Հարությունի Առաքելյանի ցուցմունքով այն մասին, որ բնակվում է Երևանի Նոր Նորքի 4-րդ զանգվածի 11-րդ շենքի թիվ 32 բնակարանում։ Վիկտորյա Խաչատրյանին ճանաչում է նրա մայր Լաուրայի միջոցով, որն իրենց տան բակում ունի սննդամթերքի կրպակ։ Նրանք բնակվում են իրենց թաղամասի հարևան շենքերում։ Քանի որ Վիկտորյան իրենց տարածքի անձնագրավարն է, այդ պատճառով մի շարք հարցերով շփվել է նաև նրա հետ, նաև զրուցել է որդու` երկրորդ քաղաքացիության ձևակերպման հետ կապված խորհրդատվություն ստանալու հարցի շուրջ։ Ախալքալակում բնակվող Հովանես Ռաֆաելյանին չի ճանաչում, ոչ մի հարցով նրա հետ չի շփվել, այդ անձը երբեք իրենց բնակարանում չի բնակվել։ Թե ինչու է Հ. Ռաֆաելյանի անունից ԱՎՎ պետին ուղղված 19.12.2009թ. ամսաթվով դիմումում նշված, որ նա բնակվել է իրենց բնակության հասցեում` չգիտի։
/դատական նիստի արձանագրություն, հատոր 3, գ.թ. 67-69/։
Վկա Ռուզաննա Լևիկի Մուրադյանի նախաքննական ցուցմունքներով այն մասին, որ Գայանե Պողոսյանն իր մտերիմն է, նրա հետ բնակվել են նույն թաղամասում։ Նա իրեն հաճախակի օգնել է՝ պարտքով գումարներ տրամադրելով։ 2009 թվականի ապրիլին, Գայանե Պողոսյանի խնդրանքով, իր բնակարանում՝ Երևանի Ֆուչիկի անվան փողոցի 1-ին նրբանցքի թիվ 9 շենքի թիվ 4 բնակարանում, համաձայնվել է ժամանակավորապես հաշվառել վրացահայեր, Ախալքալակի բնակիչներ Հովանես Ռաֆաելյանին և Հենդրիխ Բադոյանին։ Չի հիշում, թե Գայանեն դրա համար իրեն որքան գումար է տվել։ Հնարավոր է, որ ինքը համաձայնվել է այդ լավությունն անել առանց գումարի, քանի որ Գայանեն իրեն շատ է օգնել։ 2009 թվականի ապրիլի 7-ին, Գայանեի ներկայությամբ, Մաշտոցի անձնագրային բաժնում, ինքը հանդիպել է նշված երկու վրացահայերին, որտեղ նույն օրը ձևակերպվել է վերջիններիս ժամանակավոր գրանցումն իր տանը։ Գրանցումն ավարտելուց հետո, Գայանեի խնդրանքով իր բնակարանի սեփականության վկայականը տվել է նրան և հետո հետ է ստացել։ Գայանեն չի բացատրել, թե ինչ նպատակով է կատարվել այդ անձանց գրանցումը, ուղղակի նրանց ներկայացրել է որպես բարեկամների։
/հատոր 1, գ.թ. 205-208, հատոր 2, գ.թ. 11-12/։
Դատաձեռագրաբանական և դատափաստաթղթաբանական փորձաքննության 22.01.2009թ. թիվ 09-2406 եզրակացությամբ այն մասին, որ`
«1.ա. Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» և «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառումներով փաստաթղթերի դարձերեսներին առկա «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքների դրոշմները և փորձաքննությանը որպես համեմատական նմուշներ ներկայացված «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный Комиссариат *» գրառումներով կլոր կնիքի դրոշմները չեն կատարվել միևնույն կնիքով։
Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» և «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառումներով փաստաթղթերի դարձերեսներին առկա «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------199 թ. Զինկոմ` --------» գրառումներով շտամպի դրոշմները և փորձաքննությանը որպես համեմատական նմուշներ ներկայացված «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------1999 թ. Զինկոմ--------» գրառումներով շտամպի դրոշմներ չեն կատարվել միևնույն շտամպով։
Ներկայացված «Ռաֆաելյան Հովանես Քերոպի» անվամբ լրացված «ԴԻՄՈՒՄ ԱՆՁԱԳԻՐ ՏԱԼՈՒ ՄԱՍԻՆ» և «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառումներով փաստաթղթերի դարձերեսներին առկա թույլ արտահայտված, մասնակի ընթեռնելի «ՄԱՇ... ...Կ «---»---------1999 Զին...» և «ՄԱՇՏ...» գրառումներով ուղղանկյուն շտամպերի դրոշմները և փորձաքննությանը որպես համեմատական նմուշներ ներկայացված «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------1999 թ. Զինկոմ--------» գրառումներով շտամպի դրոշմները չեն կատարվել միևնույն դրոշմով։
Փորձաքննությանը ներկայացված «Ռաֆաելյան Հովանես Քերոպի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» և «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառումներով փաստաթղթերի դարձերեսներին առկա մասնակի ընթեռնելի «ՀՀ ՊԱՇՏՊԱՆՈՒԹՅԱՆ ...ԱՐՈՒ... ԶԻՆԿՈՄԻՍԱՐԻԱՏ * МО РА Маштоцк... Во... комиссариат *» գրառումներով կլոր կնիքների դրոշմները և փորձաքննությանը որպես համեմատական նմուշների ներկայացված «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքի դրոշմները հավանաբար կատարվել են միևնույն կնիքով։
2. Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» գրառմամբ փաստաթղթում առկա «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈ... ԻԱՏ * МО РА Маштоцкий Военный комиссариат *» գրառումներով կլոր կնիքի դրոշմը կատարվել է կնիքով։
Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» գրառմամբ փաստաթղթում առկա «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------199 թ. Զինկոմ` --------» գրառումներով ուղղանկյուն շտամպի դրոշմը կատարվել է շտամպով։
Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառմամբ փաստաթղթում առկա «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքի դրոշմը կատարվել է կնիքով։
Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառմամբ փաստաթղթում առկա «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------199 թ. Զինկոմ` --------» գրառումներով ուղղանկյուն շտամպի դրոշմը կատարվել է շտամպով։
Փորձաքննությանը ներկայացված «Ռաֆաելյան Հովանես Քերոպի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» գրառմամբ փաստաթղթում առկա «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ...ՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքի դրոշմը կատարվել է կնիքով։
Փորձաքննությանը ներկայացված «Ռաֆաելյան Հովանես Քերոպի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» գրառմամբ փաստաթղթում առկա «ՄԱՇ... «---» Զին..» գրառումներով ուղղանկյուն շտամպի դրոշմը կատարվել է շտամպով։
Փորձաքննությանը ներկայացված «Ռաֆաելյան Հովանես Քերոպի» անվամբ լրացված «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառմամբ փաստաթղթում առկա «ՀՀ ՊԱՇՏՊԱՆՈՒԹՅԱՆ ...ԱՐՈՒ... ԶԻՆԿՈՄԻՍԱՐԻԱՏ * МО РА Маштоцк... Во... комиссариат *» գրառումներով կլոր կնիքի դրոշմը կատարվել է կնիքով։
Փորձաքննությանը ներկայացված «Ռաֆաելյան Հովանես Քերոպի» անվամբ լրացված «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառմամբ փաստաթղթում առկա «ՄԱՇՏ...» գրառումով ուղղանկյուն շտամպի դրոշմը կատարվել է շտամպով։»։
/հատոր 1, գ.թ. 151-161/։
Ձեռագրաբանական, փաստաթղթաբանական և համակարգչատեխնիկական համալիր փորձաքննության 22.07.2010 թ. թիվ 10-1522 եզրակացությամբ և ի լրումն այն եզրակացության այն մասին, որ`
«1. «Փորձաքննությանը ներկայացված «Բադոյան Հենդրիխ Վիկտորի» անվամբ լրացված «ԴԻՄՈՒՄ ԱՆՁՆԱԳԻՐ ՏԱԼՈՒ ՄԱՍԻՆ» գրառմամբ և «ԱՆՁՆԱԿԱՆ ՀԱՇՎԱՌՄԱՆ ՔԱՐՏ» գրառմամբ փաստաթղթերում առկա «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքի դրոշմները և «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»---------199 թ. Զինկոմ--------» գրառումներով շտամպի դրոշմները կատարվել են թիվ 69101710 քրեական գործի շրջանակներում փորձաքննությանը տրամադրած հետազոտելի «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով կլոր կնիքով և «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»---------199 թ. Զինկոմ--------» ուղղանկյուն շտամպով։
2.ա. Թիվ 69101710 քրեական գործի շրջանակներում փորձաքննությանը տրամադրած հետազոտելի օբյեկտներում վրացերեն լեզվով և լատիներեն կատարված «LEGAL ENTITY OF PL SERVICE AGENCY OF MIA OF GEORGIA *1» գրառումներով կլոր կնիք չկա։
Փորձաքննությանը ներկայացված -«03.11.2008» թվականով թվագրված «49/11/2-00006563» գրառումով, -«03.11.2008» թվականով թվագրված «49/11/2-00006565» և -«03.11.2008» «49/11/2-00006532» գրառումով փաստաթղթերում առկա կապտամանուշակագույն ներկանյութով կատարված «LEGAL ENTITY OF PL SERVICE AGENCY OF MIA OF GEORGIA *1» գրառումներով կլոր կնիքների դրոշմների միջնահատվածներում առկա ստորագրությունները հավանաբար կատարվել են դրոշմով։
Փորձաքննությանը ներկայացված «03.11.2008» թվականով թվագրված «49/11/2-00006563» գրառումով և «03.11.2008» թվականով թվագրված «49/11/2-00006565» գրառումով փաստաթղթերում առկա սև ներկանյութով տպագիր կատարված գրառումների ջնջման, կերագծման, գրառումների փոփոխության հատկանիշներ չկան։
4.ա. Փորձաքննությանը ներկայացված «03.11.2008» թվականով թվագրված «49/11/2-00006563» գրառումով, «03.11.2008» թվականով թվագրված «49/11/2-00006565» և «03.11.2008» «49/11/2-00006532» գրառումով փաստաթղթերում առկա կապտամանուշակագույն ներկանյութով կատարված «LEGAL ENTITY OF PL SERVICE AGENCY OF MIA OF GEORGIA *1» գրառումներով կլոր կնիքների դրոշմները հավանաբար կատարվել են միևնույն կնիքով։
2.բ. Փորձաքննությանը ներկայացված փաթեթում առկա թվով 1 համակարգչի և թվով 1 կոշտ սկավառակի ուսումնասիրության արդյունքում պարզվեց, որ փորձաքննության ներկայացված համակարգչի առաջին կոշտ սկավառակում առկա է գործի հանգամանքների հետ առընչվող թվով 1 ֆայլ /Հավելված 1/ և փորձաքննությանը ներկայացված համակարգչի երրորդ կոշտ սկավառակում առկա է գործի հանգամանքների հետ առնչվող թվով 1 ֆայլ /Հավելված 2/։
4.բ. Նախաձեռնողի կողմից 2010թ. հուլիսի «17»-ին N 8/2214 գրության համաձայն ի լրումն առաջադրված` «սույն տեղեկանքում, ինչպես նաև Հենդրիխ Բադոյանի և Հովանես Ռաֆաելյանի դատվածության վերաբերյալ համապատասխանաբար թիվ 49/11/2-00006563 և թիվ 49/11/2-00006565 տեղեկանքներում առկա կնիքի դրոշմները թողնվել են միևնույն կնիքով, թե` ոչ։ Եթե Դավիթ Ներսիսյանի գրասենյակից հայտնաբերված տրամադրված համակարգչում կան այդպիսի տեղեկանքների ձևաթղթեր, վրացերեն կազմված նույնաբովանդակ տեքստեր, վերը նշված կնիքի և տեղեկանքներում դրված ստորագրության պատկերներ, ինչպես նաև Վրաստանի ազգային դրոշի` փաստաթղթերում որպես պաշտպանիչ ջրանշան օգտագործվող պատկերներ, ապա դրանք տպագրել համակարգչից և տրամադրել քննությանը» հարցին պատասխանել հնարավոր չէ, քանի որ փորձաքննության ներկայացված համակարգիչը համաձայն ՀՀ ոստիկանության ՔԳՎ ՀԿԳ քննության վարչության պետ, ոստիկանության գնդապետ Կ. Կարապետյանի N 7/1- 48կգ առ 13.07.2010թ. գրության 2010թ. հուլիսի «15»-ին վերադարձվել է ՀՀ ոստիկանության ՔԳՎ ՀԿԳ քննության վարչություն։
3.ա/ Վիկտորյա Խաչատրյանի, թե մեկ այլ անձի կողմից են կատարվել Հենդրիխ Վիկտորի Բադոյանի տվյալներով կազմված անձնագիր տալու մասին Ձև 1 դիմումի և անձնական հաշվառման Ձև 16 քարտի դարձերեսներին տեղավորված «Բադոյան Հենդրիխ Վիկտորի 1984թ. անձնագիր», «Բադոյան Հենդրիխ Վիկտորի 1984թ. գրանցում» ձեռագիր գրառումները պարզել հնարավոր չէ` հետազոտելի ձեռագիր գրառումներ ինֆորմատիվ գրաֆիկական նյութի սակավության պատճառով։
բ/ Վիկտորյա Խաչատրյանի, թե մեկ այլ անձի կողմից են կատարվել Հենդրիխ Վիկտորի Բադոյանի տվյալներով կազմված անձնագիր տալու մասին Ձև 1 դիմումի և անձնական հաշվառման Ձև 16 քարտի դարձերեսներին տեղավորված «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------199 թ. Զինկոմ--------» բովանդակությամբ ուղղանկյունաձև կնիքի դրոշմի վրա կատարված թվային գրառումները պարզել հնարավոր չէ` հետազոտելի թվային գրառումների գրաֆիկական նյութի սակավության պատճառով։
գ/ Վիկտորյա Խաչատրյանի, թե մեկ այլ անձի կողմից են կատարվել Հենդրիխ Վիկտորի Բադոյանի տվյալներով կազմված անձնագիր տալու մասին Ձև 1 դիմումի և անձնական հաշվառման Ձև 16 քարտի դարձերեսներին տեղավորված «ՄԱՇՏՈՑԻ ՏԶԿ Հաշվառվել է զորակոչային և նախազորակոչային բաժանմունքում «---»---------199 թ. Զինկոմ--------» բովանդակությամբ ուղղանկյունաձև կնիքի դրոշմի վրա կատարված ստորագրությունները պարզել հնարավոր չէ` հետազոտելի ստորագրությունների ինֆորմատիվ գրաֆիկական նյութի սակավության պատճառով։
դ/ Վիկտորյա Խաչատրյանի, թե մեկ այլ անձի կողմից են կատարվել Հենդրիխ Վիկտորի Բադոյանի տվյալներով կազմված անձնագիր տալու մասին Ձև 1 դիմումի և անձնական հաշվառման Ձև 16 քարտի դարձերեսներին տեղավորված «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * МО РА Маштоцкий Военный комиссариат *» գրառումներով և ՀՀ զինանշանի պատկերով» կլոր կնիքի դրոշմի վրա կատարված ստորագրությունները պարզել հնարավոր չէ` հետազոտելի ստորագրությունների ինֆորմատիվ գրաֆիկական նյութի սակավության պատճառով։
Փորձաքննությանը ներկայացված փաթեթում առկա թվով 1 համակարգչի և թվով 1 կոշտ սկավառակի ուսումնասիրության արդյունքում պարզվեց, որ փորձաքննության ներկայացված համակարգչի առաջին կոշտ սկավառակում առկա է գործի հանգամանքների հետ առընչվող թվով 10 ֆայլ /Հավելված 1./ և փորձաքննությանը ներկայացված համակարգչի երրորդ կոշտ սկավառակում առկա է գործի հանգամանքների հետ առընչվող թվով 10 ֆայլ /Հավելված 2./»։
/հատոր 3, գ.թ. 73-83, 84-107/;
Փաստաթղթաբանական և համակարգչատեխնիկական համալիր փորձաքննության 06.08.2010թ. թիվ 10-2015 եզրակացությամբ այն մասին, որ`
«1. Փորձաքննությանը ներկայացված «03.11.2008» «49/11/2-00006563», «49/11/2-00006565» և «49/11/2-00006532» գրառումներով փաստաթղթերում, մինչև գծատողերը ընկած գրառումները և պատկերները իրենց չափսային, միջբառային, միջտողային, միջտառային առանձնահատկություններով, տառատեսակներով համընկնում են համակարգչային փորձաքննությունների բաժնի կողմից տրամադրված «25.08.2008 N 49/11/2 50226863» գրառումներով ֆայլում առկա մինչև գծատողը ընկած գրառումների և պատկերների հետ, իսկ գծատողերից ներքև առկա գրառումներով մասնակիորեն են համապատասխանում միմյանց հետ։ /Տես հավելված 3/։
Փորձաքննությանը ներկայացված «03.11.2008» «49/11/2-00006563», «49/11/2-00006565» և «49/11/2-00006532» գրառումներով փաստաթղթերում առկա կապտամանուշակագույն ներկանյութերով կատարված կլոր կնիքների դրոշմները և ստորագրությունները իրենց չափսային, միջբառային, միջտողային, միջտառային առանձնահատկություններով, տառատեսակներով, տեքստային բովանդակությամբ, ստորագրությունների շտրիխներով համընկնում են համակարգչային փորձաքննությունների բաժնի կողմից տրամադրված լատիներեն և այլ լեզվով կատարված «LEGAL ENTITY OF PL SERVICE AGENCY OF MIA OF GEORGIA *1» գրառումներով կլոր կնիքի դրոշմի պատկերի և ստորագրության հետ։ /Տես հավելված 4/։
Փորձաքննությանը ներկայացված «03.11.2008» թվականով թվագրված «49/11/2-00006563», «49/11/2-00006565» և «49/11/2-00006532» գրառումով փաստաթղթերի վերին հատվածներում առկա գրառումները մինչև «03.11.2008» թվականով թվագրված «49/11/2-00006563», «49/11/2-00006565» և «49/11/2-00006532» գրառումները կատարված են տպարանային տպագրության եղանակով։
Փորձաքննությանը ներկայացված «03.11.2008» «49/11/2-00006563», «49/11/2-00006565» և «49/11/2-00006532» գրառումներով փաստաթղթերում առկա սև ներկանյութով տպագիր կատարված «03.11.2008» «49/11/2-00006563», «49/11/2-00006565» և «49/11/2-00006532» գրառումներից սկսած մինչև կապտամանուշակագույն ներկանյութով կատարված կլոր կնիքի դրոշմի հատվածում առկա գրառումներ կատարված են համակարգչային լազերային տպագրման եղանակով։
Փորձաքննությանը ներկայացված «03.11.2008» «49/11/2-00006563», «49/11/2-00006565» և «49/11/2-00006532» գրառումներով փաստաթղթերում առկա կապտամանուշակագույն ներկանյութերով կատարված կլոր կնիքների դրոշմները և դրոշմների միջնահատվածներում առկա ստորագրությունները հավանաբար կատարվել են դրոշման եղանակով կնիքման համար նախատեսված ներկանյութով»։
/հատոր 3, գ.թ. 152-159/։
Զննության մասին 30.03.2010թ. արձանագրությամբ, որի համաձայն Հենդրիխ Վիկտորի Բադոյանի տվյալներով լրացված անձնագիր տալու մասին Ձև 1 դիմումի զննությամբ պարզվել է, որ այն իրենից ներկայացնում է ստվարաթղթե քարտ, բաղկացած 1 թերթից։ 1-ին էջի բլանկը լրացված է հայերեն ձեռագիր տեքստով, իսկ անձի ազգանուն-անունը նաև լատիներեն տառերով։ Որպես Ձև 1 քարտի լրացման ամսաթիվ նշված է 08.04.2009թ-ը։ Անձնագրի տպագրման ամսաթիվ նշված է 04.05.2009թ., իսկ ստացման ամսաթիվ` 06.05.2009թ.-ը։ Ձև 1 քարտի այդ էջի ներքևի ձախ անկյունում փակցված է անձի գունավոր լուսանկարը, որի աջ եզրի ու քարտի վրա դրված է «Հայաստանի Հանրապետություն 001» բովանդակությամբ և ՀՀ զինանշանի պատկերով կլոր կնիքը։ Քարտի 9-րդ կետի «Դիմող» բառի կողքին, ինչպես նաև ներքևում, «ստացա» բառի կողքին առկա է մեկական ստորագրություն։ Եվս մեկ ստորագրություն դրված է «Անձնագրային ծառայության պետ» նշումի դիմաց։
Սույն Ձև 1 քարտի հակառակ երեսի վրա, միջնամասում, առկա են 2 կնիքների դրոշմներ, դրանցից մեկը` «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»-------199.թ. Զինկոմ -----» բովանդակությամբ ուղղանկյուն կնիքի դրոշմն է, որի վրա առկա են ամսաթվի «29.04.2009» ձեռագիր նշումները և 1 ստորագրություն` «Զինկոմ» բառի կողքին, երկրորդը` «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *» բովանդակությամբ և ՀՀ զինանշանի պատկերով կլոր կնիքի դրոշմն է, որի վրա, մեջտեղի մասում, դրված է 1 ստորագրություն։ Ուղղանկյուն և կլոր կնքիների վերևի մասում կատարված են «Բադոյան Հենրիխ Վիկտորի 1984թ. անձնագիր» ձեռագիր գրառումները։ Այդ ձեռագիր գրառումները կատարված են կապույտ գույնի գրող գործիքով, իսկ ամսաթիվը և ստորագրությունները` սև ներկանյութով։
2. Հենդրիխ Վիկտորի Բադոյանի տվյալներով լրացված անձնական հաշվառման քարտ կոչվող Ձև 16 բլանկն իրենից ներկայացնում է 1 ստվարաթղթե կիսաթերթ։ Քարտի երկու էջերը լրացված են ձեռագիր հայերենով։ Քարտի վերին աջ անկյունում տպագրված «Ձև 16» գրառման կողքին առկա են «1813» ձեռագիր գրառումը։
Ձև 16 քարտի հակառակ երեսի բլանկը նույնպես լրացված է ձեռագիր հայերեն գրառումներով և պարունակում է կնիքների դրոշմներ։ Բլանկի տպագիր տեքստի զինծառայության հետ առնչությանը վերաբերող 12-րդ կետում ձեռագիր հայերենով նշված է «Բադոյան Հենդրիխ Վիկտորի 1984թ. գրանցում»։ Այդ գրառումների տակի մասում առկա են «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»------199 թ. Զինկոմ------» բովանդակությամբ ուղղանկյուն կնիքի դրոշմը, որի վրա առկա են ամսաթվի` «29.04.2009» ձեռագիր նշումները և 1 ստորագրություն «Զինկոմ» բառի կողքին, ինչպես նաև «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *» բովանդակությամբ և ՀՀ զինանշանի պատկերով կլոր կնիքի դրոշմը, որի միջնամասում ևս առկա է 1 ստորագրություն։ Ձև 16 քարտի 13-րդ կետում առկա է 001 անձնագրային ծառայության հաշվառման ուղղանկյուն կնիքի դրոշմը, որի վրա կան ձեռագիր նշումներ` «04.05.2009» մինչև «04.11.2009» հաշվառված լինելու մասին և դրված է 1 ստորագրություն։ 14-րդ կետում դրված է 012 անձնագրային ծառայության ուղղանկյուն կնիքի դրոշմը` 03.06.2009թ. հաշվառումից հանելու մասին ձեռագիր նշումներով և 1 ստորագրությամբ։ Այդ դրոշմակնիքի վերևի մասում նշված է «ա/ա անհայտ հասցե» ձեռագիր գրառումը։
3. Հովանես Քերոպի Ռաֆաելյանի տվյալներով լրացված` անձնագիր տալու մասին Ձև 1 դիմումն իրենից ներկայացնում է ստվարաթղթե քարտ, բաղկացած 1 թերթից։ 1-ին էջի բլանկը լրացված է հայերեն ձեռագիր տեքստով, իսկ անձի ազգանունն ու անունը նաև լատիներեն տառերով։ Ձև 1 քարտի լրացման ամսաթիվ նշված է 08.04.2009թ.-ը, իսկ անձնագրի տպագրման և ստացման ամսաթիվ` 10.04.2009թ-ը։ Ձև 1 քարտի այդ էջի ներքևի ձախ անկյունում փակցված է անձի գունավոր լուսանկարը, որի աջ եզրի ու քարտի վրա դրված է «Հայաստանի Հանրապետություն 001» բովանդակությամբ և ՀՀ զինանշանի պատկերով կլոր կնիքը։ Քարտի 9-րդ կետի «Դիմող» բառի կողքին, ինչպես նաև ներքևում, «ստացա» բառի կողքին առկա է մեկական ստորագրություն։ Եվս մեկ ստորագրություն դրված է «Անձնագրային ծառայության պետ» նշումի դիմաց։
Սույն Ձև 1 քարտի հակառակ երեսի վրա, «ՆՇՈՒՄՆԵՐ» բառի տակի հատվածում, առկա են 2 կնիքներ, որոնք դրոշմված են մեկը մյուսի վրա։ Դրանցից ուղղանկյուն կնիքի բովանդակությունը անընթեռնելի է` կլոր կնիքի միջնամասում առկա ՀՀ զինանշանի պատկերով փակցված լինելու պատճառով, սակայն պարզ երևում են դրա վրա առկա ամսաթվային` «09.04.2009» ձեռագիր գրառումները և 1 ստորագրություն` ներքևի մասում։ Կլոր կնիքի բովանդակությունն ընթերցվում է, այն է «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *»։ Այդ կլոր կնիքի վերնամասում առկա է 1 ստորագրություն։ Կնիքներից վերև կատարված է «Ռաֆաելյան Հովաննես Քերոպի -1978թ. գրանցում» ձեռագիր գրառումը։
4. Հովանես Քերոպի Ռաֆաելյանի տվյալներով լրացված անձնական հաշվառման քարտ կոչվող Ձև 16 բլանկն իրենից ներկայացնում է 1 ստվարաթղթե կիսաթերթ։ Քարտի երկու էջերն էլ լրացված են ձեռագիր հայերենով։ Սույն քարտի վերին աջ անկյունում տպագրված «Ձև 16» գրառման կողքին առկա է «1813» ձեռագիր գրառումը։
Ձև 16 քարտի հակառակ երեսի բլանկը նույնպես լրացված է ձեռագիր հայերեն գրառումներով և պարունակում է կնիքների դրոշմներ։ Բլանկի տպագիր տեքստի զինծառայության հետ առնչությանը վերաբերվող 12-րդ կետում ձեռագիր հայերեն նշված է «Ռաֆաելյան Հովաննես Քերոպի -1978թ. գրանցում»։ Այդ գրառումների տակ առկա են 2 կնիքներ, որոնք նույնպես դրոշմված են մեկը մյուսի վրա։ Դրանցից ուղղանկյուն կնիքի բովանդակությունն անընթեռնելի է` կլոր կնիքի միջնամասում առկա ՀՀ զինանշանի պատկերով փակցված լինելու պատճառով, սակայն պարզ երևում են դրա վրա առկա ամսաթվային «09.04.2009» ձեռագիր գրառումները և ներքևի մասում դրված ստորագրությունը։ Կլոր կնիքի բովանդակությունը ընթերցվում է` «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *»։ Այդ կլոր կնիքի վերնամասում առկա է 1 ստորագրություն։ Ձև 16 քարտի 13-րդ կետում առկա է 001 անձնագրային ծառայության հաշվառման ուղղանկյուն կնիքի դրոշմը, որի վրա կան ձեռագիր նշումներ` «10.04.2009» մինչև «10.10.2009» հաշվառված լինելու մասին և դրված է 1 ստորագրություն։ 14-րդ կետում դրված է 012 անձնագրային ծառայության ուղղանկյուն կնիքի դրոշմը` 03.06.2009թ. հաշվառումից հանելու մասին ձեռագիր նշումներով և 1 ստորագրությամբ։ Այդ դրոշմակնիքի վերևի մասում նշված է «ա/ա անհայտ հասցե» ձեռագիր գրառումը։
/հատոր 1, գ.թ. 202-204/։
Զննության մասին 19.05.2010թ. արձանագրությամբ, որի համաձայն ՀՀ ոստիկանության ԱՎՎ-ից առգրավված` Հովանես Քերոպի Ռաֆաելյանին ՀՀ քաղաքացիություն շնորհելու վերաբերյալ թիվ 241623 գործի զննությամբ պարզվել է, որ այն բաղկացած է 24 թերթից։ Գործում առկա են ԱՎՎ պետի մակագրությամբ, 19.12.2008թ. ամսաթվով թերթիկը` սահմանված կարգով ընթացք տալու ցուցումով, Հովանես Ռաֆաելյանի անունից ԱՎՎ պետին հասցեագրված` ՀՀ քաղաքացիություն ստանալու մասին ձեռագիր հայերենով գրված և ստորագրված դիմումը` բաղկացած 1 թերթից։ Դիմումի մուտքագրման ուղղանկյուն կնիքի դրոշմի վրա նշված է «19.12.2008» ամսաթիվը և մտից «Ռ-104» համարը։ Դիմումի վերին աջ անկյունում առկա է մակագրություն «Ս. Ասլանյանին 19.12.08» բովանդակությամբ։
ՀՀ քաղաքացիություն ստանալու համար երկթերթանի հարցաթերթիկը լրացված է հայերեն ձեռագիր տեքստով։ Առաջին էջի վերին աջ անկյունում փակցված է Հ. Ռաֆայելյանի գունավոր լուսանկարը։ Որպես նրա բնակության հասցե նշված է` ք. Երևան, Նորքի 4-րդ զանգված, 11 շենք, բն. 32։ Մեկ թերթից բաղկացած ինքնակենսագրության թերիկը պարունակում է տեղեկություններ այն մասին, որ Ռաֆաելյանը հաճախել է թիվ 94 դպրոցը, ամուսնացած չէ, երեխաներ չունի և ունի քույր։
Երևանի Արաբկիրի համայնքի «Արաբկիր, 51 փող., 9 շ.» համատիրության կնիքով և համատիրության նախագահ Հ. Կոստանյանի ստորագրությամբ հաստատված տեղեկանքը կազմված է 19.12.2008թ. ամսաթվով։ Այն տրված է Հովանես Քերոպի Ռաֆաելյանին, որ նա առանց հաշվառման բնակվում է Արաբկիր, 51 փող., 9 շ. 119 բնակարանում, չի աշխատում։ Տեղեկանքը տրվում է ներկայացնելու ՀՀ անձնագրային և վիզաների վարչություն։
Երևանի «Սուրբ Գրիգոր Լուսավորիչ» բժշկական կենտրոն ՓԲԸ մեծահասակների պոլիկլինիկայի ուղղանկյուն դրոշմակնիքով և «Բժշկական փաստաթղթերի համար» կլոր կնիքով հաստատված տեղեկանքը կազմված է 18.12.2008թ. ամսաթվով, որի համաձայն Հովանես Քերոպի Ռաֆաելյանը, ծնված 1978 թվականին, բնակվող Նոր Նորք, 4-րդ զանգված, 2-րդ հատված, 30 շենքի թիվ 24 բնակարանում, հետազոտվել է «Սուրբ Գրիգոր Լուսավորիչ» բժշկական կենտրոնի մեծահասակների պոլիկլինիկայում և պրակտիկ առողջ է։
Վրաստանի Հանրապետության զինանշանով ձևաթղթի վրա վրացերեն լեզվով, 03.11.2008թ. ամսաթվով, 49/11/2-00006565 գրանցման համարով կազմված տեղեկանքի տեքստը եզրափակված է մանուշակագույն կլոր կնիքով, որի վրա առկա է մեկ ստորագրոություն։ Տեղեկանքին հաջորդում է դրա հայերեն թարգմանությունը, որի համաձայն Հովանես Քերոպի Ռաֆաելյանը, բնակվող Նինոծմինդա, Չապաևի փող. 14, ՎՀ ՆԳՆ տվյալների համաձայն դատապարտված չի եղել և հետախուզման մեջ չի գտնվում։
Գործում առկա են «ՎՏԲ-ՀԱՅԱՍՏԱՆ ԲԱՆԿ» ՓԲԸ-ի թիվ 43 մասնաճյուղի 19.12.2008թ.` ՀՀ քաղաքացիություն ստանալու համար 1000 դրամ պետտուրքի վճարման անդորրագիրը, ՀՀ ոստիկանության ինֆորմացիոն կենտրոն, ՀՀ ԱԳՆ, ՀՀ ԱԱԾ հաշվառման և արխիվային ֆոնդերի վարչություն կատարված հարցումները և դրանց պատասխաններն այն մասին, որ Հ. Ռաֆաելյանին ՀՀ քաղաքացիություն շնորհելու վերաբերյալ առարկություններ չկան։ Առկա է 17.03.2009թ. ՀՀ ոստիկանապետի տեղակալի կողմից հաստատված եզրակացությունն այն մասին, որ ՀՀ քաղաքացիություն ստանալու վերաբերյալ Հ. Ռաֆաելյանի խնդրանքը հնարավոր է բավարարել։ Առկա են 09.04.09թ. տեղեկանքն այն մասին, որ ՀՀ Նախագահի 31.03.2009թ. թիվ 79-Ա հրամանագրի համաձայն Հովանես Քերոպի Ռաֆաելյանին շնորհվել է ՀՀ քաղաքացիություն և ՀՀ քաղաքացի դարձած Հովհանես Ռաֆաելյանի երդման տեքստը` ՀՀ քաղաքացիություն ստացած անձի անունից 10.04.2009թ. ամսաթվով կատարված ստորագրությամբ։
Հենդրիխ Վիկտորի Բադոյանին ՀՀ քաղաքացիություն շնորհելու վերաբերյալ թիվ 241402 գործը բաղկացած է 25 թերթից։ Գործում առկա են ԱՎՎ պետի մակագրությամբ 19.12.2008թ. ամսաթվով թերթիկը` սահմանված կարգով ընթացք տալու ցուցումով, Հենդրիխ Բադոյանի անունից ՀՀ ոստիկանության ԱՎՎ պետին հասցեագրված` ՀՀ քաղաքացիություն ստանալու մասին ձեռագիր հայերենով գրված և ստորագրված դիմումը, ՀՀ քաղաքացիություն ստանալու համար երկթերթանի հարցաթերիկը, որի տպագիր բլանկը լրացված է հայերեն ձեռագիր տեքստով, 1 թերթից բաղկացած ինքնակենսագրությունը, որի տեքստը պարունակում է տեղեկություններ այն մասին, որ Բադոյանը ծնվել է շինարարի ընտանիքում, հաճախել է Վրաստանի թիվ 94 դպրոցը, ամուսնացած չէ, ունի ծնողներ և քույր։ Առկա են նաև Բադոյանի ծննդյան թիվ YI-TԼ N 255105 վկայականի, Հ. Բադոյանի GEO 05AB73940 ՎՀ քաղաքացու անձնագրի 2-3-րդ էջերի լուսապատճենները, վրացերեն լեզվով տպագրված տեղեկանք` բաղկացած 1 կիսաթերթից։ Առկա է նաև Երևանի Արաբկիր համայնքի «Արաբկիր, 51 փող., 9 շ.» համատիրության կնիքով և համատիրության նախագահ Հ. Կոստանյանի ստորագրությամբ հաստատված 19.12.2008թ. ամսաթվով տեղեկանք, որի համաձայն Գենդրիխ Վիկտորի Բադոյանն առանց հաշվառման բնակվում է Արաբկիր, 51 փ., 9 շ. 119 բնակարանում, չի աշխատում։ Տեղեկանքը տրվել է ներկայացնելու ՀՀ անձնագրային և վիզաների վարչություն, Երևանի «Սուրբ Գրիգոր Լուսավորիչ» բժշկական կենտրոն ՓԲԸ մեծահասակների պոլիկլինիկայի ուղղանկյուն դրոշմակնիքով և «Բժշկական փաստաթղթերի համար» կլոր կնիքով հաստատված 18.12.2008թ. ամսաթվով տեղեկանք, ըստ որի Գենրիխ Վիկտորի Բադոյանը, ծնված 1984 թվականին, բնակվող Նոր Նորք, 4-րդ զանգված, 2-րդ հատված, 30 շենքի թիվ 24 բնակարանում, հետազոտվել է «Սուրբ Գրիգոր Լուսավորիչ» բժշկական կենտրոնի մեծահասակների պոլիկլինիկայում և պրակտիկ առողջ է, «ՎՏԲ-ՀԱՅԱՍՏԱՆ ԲԱՆԿ» ՓԲԸ-ի թիվ 43 մասնաճյուղի 19.12.2008թ.` ՀՀ քաղաքացիություն ստանալու համար 1000 դրամ պետտուրքի վճարման անդորրագիրը, որում որպես վճարող անձ նշված է Հովհաննես Ռաֆաելյանը և վճարող բառի կողքին առկա է ստորագրություն, ՀՀ ոստիկանության ինֆորմացիոն կենտրոնի, ՀՀ ԱԳՆ, ՀՀ ԱԱԾ հաշվառման և արխիվային ֆորդերի վարչություն կատարված հարցումները և դրանց պատասխաններն այն մասին, որ Հ. Բադոյանին ՀՀ քաղաքացիություն շնորհելու վերաբերյալ առարկություններ չկան։ Առկա է 17.03.2009թ. ՀՀ ոստիկանապետի տեղակալի կողմից հաստատված եզրակացությունն այն մասին, որի համաձայն ՀՀ քաղաքացիություն ստանալու վերաբերյալ Հ. Բադոյանի խնդրանքը հնարավոր է բավարարել։ Առկա է 09.04.09թ. տեղեկանքն այն մասին, որ ՀՀ Նախագահի 31.03.2009թ. թիվ 79-Ա հրամանագրի համաձայն Հենդրիխ Վիկտորի Բադոյանին շնորհվել է ՀՀ քաղաքացիություն։ Առկա է ՀՀ քաղաքացի դարձած Հենդրիխ Վիկտորի Բադոյանի երդման տեքստը` ՀՀ քաղաքացիություն ստացած անձի անունից 06.05.2009թ. ամսաթվով կատարված ստորագրությամբ։
/հատոր 2, գ.թ. 71-74/։
Զննության մասին 15.07.2010թ. արձանագրությամբ, որի համաձայն K-6-19 մատյանը բաղկացած է 201 համարակալված, կարված թերթերից և կնիքված է թիվ 25 կնիքով։ Մատյանի 118-րդ թերթի 2-րդ էջում և 119-րդ թերթի 1-ին էջում, թիվ 1152 հերթական համարի տակ նշված է` «Բադոյան Գենդրիխ Վրաստան», ամսաթիվը` «19.12»։ 19.12.2008թ. Գենդրիխ Բադոյանի կողմից ստացվել է դիմում` ՀՀ քաղաքացիություն ստանալու վերաբերյալ։ Նշված է, որ դիմումը ստացող աշխատակիցը հանդիսանում է Մինասյանը, որի ազգանվան կողքին դրված է ստորագրություն։
ՏՌ մատյանը բաղկացած է 100 համարակալված, կարված թերթերից և կնքված է թիվ 25 կնիքով։ Մատյանի 87-րդ թերթի 2-րդ էջում և 88-րդ թերթի 1-ին էջում թիվ 104 հերթական համարի տակ գրանցված է, որ Հովանես Ռաֆաելյանից ՀՀ քաղաքացիություն ստանալու մասին 19.12.2008թ. ստացվել է դիմում, որը մակագրվել է աշխատակից Ասլանյանին։
Ա 6-12 մատյանը բաղկացած է 198 համարակալված, կարված թերթերից և կնիքված է թիվ 25 կնիքով։ Մատյանի 42-րդ թերթի 2-րդ էջում և 43-րդ թերթի 1-ին էջում թիվ 2306 հերթական համարի տակ գրանցված է, որ Վրաստանի քաղաքացի Արտյուշ Այվազյանից 06.11.2008թ. ստացվել է դիմում` ՀՀ քաղաքացիություն ստանալու մասին, որը մակագրվել է աշխատակից Ասլանյանին։
/հատոր 3 գ.թ. 12-13/։
Խուզարկություն կատարելու մասին 30.03.2010թ. արձանագրությամբ և ՀՀ ոստիկանության ՔԳՎ ՀԿԳ քննության վարչությունից ստացված 14.06.2010թ. թիվ 7/1-48կգ գրությամբ այն մասին, որ Դավիթ Ներսիսյանի ք. Երևան, Ֆրուզեի 13 հասցեում գտնվող գրասենյակի խուզարկությամբ հայտաբերվել և առգրավվել են 313 հատ կեղծ կնիքներ, որոնց թվում եղել են «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»---------199 թ. Զինկոմ--------» բովանդակությամբ ուղղանկյուն շտամպը և «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *» բովանդակությամբ, ՀՀ զինանշանի պատկերով կլոր կնիքը և բազմաթիվ ձևաթղթեր։
/հատոր 2 գ.թ. 194, հատոր 3 գ.թ. 144-151/։
Հեռախոսային խոսակցությունների վերծանման ցուցակներն ուսումնասիրելու, վկայի տված ցուցմունքում նշված իրադարձությունների հետ համադրելու և վերլուծելու մասին 22.05.2010թ. արձանագրությամբ այն մասին, որ Գայանե Պողոսյանին, Լյուդվիգ Խաչատրյանին, Վիկտորյա Խաչատրյանին և Ռուզաննա Սահակյանին պատկանող հեռախոսային քարտերից կատարված հեռախոսային խոսակցությունների վերծանման ցուցակների ուսումնասիրման, Գայանե Պողոսյանի կողմից տված ցուցմունքում նշված իրադարձությունների հետ դրանք համադրելու և վերլուծելու արդյունքում պարզվել են Հենդրիխ Բադոյանի Ձև 1 և Ձև 16 բլանկներում կեղծ դրոշմակնիքներ կատարող հնարավոր անձի, մասնավորապես Դավիթ Արտակի Ներսիսյանի 093-44-48-81 և 093-81-60-10 հեռախոսահամարները։
/հատոր 2, գ.թ. 94-107/։
Հովանես Ռաֆաելյանի` Հայաստանի Հանրապետությունից ելքի և Հայաստանի Հանրապետություն մուտք կատարելու վերաբերյալ համակարգչային հաշվառման տեղեկագրով, որի համաձայն Հովանես Ռաֆաելյանը 2007 թվականի հունվարի 18-ին Մոսկվայից ժամանել է Երևանի «Զվարթնոց» օդանավակայան, 2008 թվականի մայիսի 17-ին «Զվարթնոց» օդանավակայանից մեկնել է Մինսկ, 2008 թվականի դեկտեմբերի 25-ին «Զվարթնոց» օդանավակայանով մուտք է գործել Հայաստանի Հանրապետություն և նույն օրը «Բավրա» սահմանային ՀԱԿ-ով ՀՀ-ից մեկնել է Վրաստան։ 2009 թվականի փետրվարի 14-ին «Բավրա» սահմանային ՀԱԿ-ով նա Վրաստանից մուտք է գործել ՀՀ և նույն օրը, 10 ժամ անց նույն սահմանակետով դուրս է եկել Հայաստանից, 2009 թվականի ապրիլի 7-ին «Բավրա» սահմանային ՀԱԿ-ով Վրաստանից մուտք է գործել ՀՀ և ապրիլի 10-ին նույն սահմանակետով ՀՀ-ից մեկնել է Վրաստան։
/հատոր 1, գ.թ. 171/։
Հենդրիխ Բադոյանի` Հայաստանի Հանրապետությունից ելքի և Հայաստանի Հանրապետություն մուտք կատարելու վերաբերյալ համակարգչային հաշվառման տեղեկագրով, որի համաձայն Հենդրիխ Բադոյանը 2008 թվականի մայիսի 17-ին «Զվարթնոց» օդանավակայանից մեկնել է Մինսկ, 2008 թվականի դեկտեմբերի 25-ին «Զվարթնոց» օդանավակայանով մուտք է գործել ՀՀ և նույն օրը «Բավրա» սահմանային ՀԱԿ-ով ՀՀ-ից մեկնել է Վրաստան, 2009 թվականի մարտի 7-ին «Բավրա» սահմանային ՀԱԿ-ով Վրաստանից մուտք է գործել ՀՀ և նույն օրը, 1 ժամ անց նույն սահմանակետով դուրս է եկել Հայաստանից, 2009 թվականի ապրիլի 7-ին «Բավրա» սահմանային ՀԱԿ-ով Վրաստանից մուտք է գործել ՀՀ և ապրիլի 10-ին նույն սահմանակետով ՀՀ-ից մեկնել է Վրաստան, 2009 թվականի ապրիլի 27-ին «Բավրա» սահմանային ՀԱԿ-ով Վրաստանից մուտք է գործել ՀՀ և 2009 թվականի ապրիլի 30-ին, ժամը 22 անց 43-ին նույն սահմանակետով ՀՀ-ից մեկնել է Վրաստան։
/հատոր 1, գ.թ. 172/։
Իրեղեն ապացույցներ ճանաչված`
Երևանի Արաբկիր համայնքի «Արաբկիր, 51 փող., 9 շ.» համատիրության կնիքով և համատիրության նախագահ Հ. Կոստանյանի ստորագրությամբ հաստատված 22.10.2008թ. ամսաթվով թվագրված կեղծ տեղեկանքով, որի համաձայն Արտյուշ Սարգսի Այվազյանն առանց հաշվառման բնակվում է Արաբկիր 51 փող, 9 շ. 109 բնակարանում, չի աշխատում։ Տեղեկանքը տրվել է ներկայացնելու ՀՀ անձնագրային և վիզաների վարչություն։
Երևանի «Սուրբ Գրիգոր Լուսավորիչ» բժշկական կենտրոն ՓԲԸ մեծահասակների պոլիկլինիկայի ուղղանկյուն դրոշմակնիքով և «Բժշկական փաստաթղթերի համար» կլոր կնիքով հաստատված 10.10.2008թ. ամսաթվով կեղծ տեղեկանքով, որի համաձայն Արտյուշ Սարգիսի Այվազյանը, ծնված 1975 թվականին, բնակվող Նոր Նորք, 4-րդ զանգված, 2-րդ հատված, 30 շենքի թիվ 24 բնակարանում, հետազոտվել է «Սուրբ Գրիգոր Լուսավորիչ» բժշկական կենտրոնի մեծահասակների պոլիկլինիկայում և պրակտիկ առողջ է։
Վրաստանի Հանրապետության զինանշանով ձևաթղթի վրա վրացերեն լեզվով, 03.11.2008թ. ամսաթվով, 49/11/2-00006532 գրանցման համարով կեղծ տեղեկանքով և դրա հայերեն թարգմանությամբ, որի համաձայն Արտյուշ Սարգիսի Այվազյանը, բնակվող Նինոծմինդայի շրջանի Գորելովկա գյուղում, ՎՀ ՆԳՆ տվյալների համաձայն դատապարտված չի եղել և հետախուզման մեջ չի գտնվում։
Հենդրիխ Վիկտորի Բադոյանի տվյալներով լրացված անձնագիր տալու մասին Ձև 1 դիմումով, որում առկա են «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»---------199 թ. Զինկոմ--------» բովանդակությամբ ուղղանկյուն կեղծ կնիքի դրոշմը, ամսաթվային գրառումներով և կեղծված ստորագրություններով և «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *» բովանդակությամբ և ՀՀ զինանշանի պատկերով կլոր կեղծ կնիքի դրոշմը։
Հենդրիխ Վիկտորի Բադոյանի տվյալներով լրացված անձնական հաշվառման քարտ կոչվող Ձև 16 բլանկով, որում առկա են «ՄԱՇՏՈՑԻ ՏԶԿ Հաշվառվել է զորակորային և նախազորակոչային բաժանմունքում «---»---------199 թ. Զինկոմ--------» բովանդակությամբ ուղղանկյուն կեղծ կնիքի դրոշմը, ամսաթվային գրառումներով և կեղծված ստորագրություններով և «ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅՈՒՆ ՄԱՇՏՈՑԻ ԶԻՆԿՈՄԻՍԱՐԻԱՏ * ԾԿ ՀԸ ԾՈՔՑՏՓՍՌռ ԹՏպվվօռ ԽՏՎՌրրՈՐՌՈՑ *» բովանդակությամբ և ՀՀ զինանշանի պատկերով կլոր կեղծ կնիքի դրոշմը։
Երևանի Արաբկիր համայնքի «Արաբկիր, 51 փող., 9 շ.» համատիրության կնիքով և համատիրության նախագահ Հ. Կոստանյանի ստորագրությամբ հաստատված 19.12.2008թ. ամսաթվով թվագրված կեղծ տեղեկանքով, որի համաձայն Գենդրիխ Վիկտորի Բադոյանն առանց հաշվառման բնակվում է Արաբկիր, 51 փ., 9 շ. 119 բնակարանում, չի աշխատում։ Տեղեկանքը տրվել է ներկայացնելու ՀՀ անձնագրային և վիզաների վարչություն։
Երևանի «Սուրբ Գրիգոր Լուսավորիչ» բժշկական կենտրոն ՓԲԸ մեծահասակների պոլիկլինիկայի ուղղանկյուն դրոշմակնիքով և «Բժշկական փաստաթղթերի համար» կլոր կնիքով հաստատված 18.12.2008թ. ամսաթվով կեղծ տեղեկանքով, ըստ որի՝ Գենրիխ Վիկտորի Բադոյանը, ծնված 1984 թվականին, բնակվող Նոր Նորք, 4-րդ զանգված, 2-րդ հատված, 30 շենքի թիվ 24 բնակարանում, հետազոտվել է «Սուրբ Գրիգոր Լուսավորիչ» բժշկական կենտրոնի մեծահասակների պոլիկլինիկայում և պրակտիկ առողջ է։
Վրաստանի Հանրապետության զինանշանով ձևաթղթի վրա վրացերեն լեզվով, 03.11.2008 թ. ամսաթվով, 49/11/2-00006563 գրանցման համարով կեղծ տեղեկանքով և դրա հայերեն թարգմանությամբ, որի համաձայն Հենդրիխ Վիկտորի Բադոյանը, բնակվող Նինոծմինդա, գ. Էշթիա, ՎՀ ՆԳՆ տվյալների համաձայն, դատապարտված չի եղել և հետախուզման մեջ չի գտնվում։
Հենդրիխ Բադոյանի անունից կազմված, նրա կեղծված ստորագրություններով և ոչ ճիշտ տվյալներով լրացված ՀՀ քաղաքացիություն ստանալու համար դիմումով, հարցաթերթիկով և ինքնակենսագրությամբ, որոնք վերջինիս ՀՀ-ից բացակայելու պայմաններում կազմվել և 19.12.08թ. ներկայացվել են ՀՀ ոստիկանության անձնագրային և վիզաների վարչություն։
Երևանի Արաբկիր համայնքի «Արաբկիր, 51 փող., 9 շ.» համատիրության կնիքով և համատիրության նախագահ Հ. Կոստանյանի ստորագրությամբ հաստատված 19.12.2008թ. ամսաթվով թվագրված կեղծ տեղեկանքով, որի համաձայն Հովանես Քերոպի Ռաֆաելյանն առանց հաշվառման բնակվում է Արաբկիր, 51 փող., 9 շ. 119 բնակարանում, չի աշխատում։ Տեղեկանքը տրվում է ներկայացնելու ՀՀ անձնագրային և վիզաների վարչություն։
Երևանի «Սուրբ Գրիգոր Լուսավորիչ» բժշկական կենտրոն ՓԲԸ մեծահասակների պոլիկլինիկայի ուղղանկյուն դրոշմակնիքով և «Բժշկական փաստաթղթերի համար» կլոր կնիքով հաստատված 18.12.2008թ. ամսաթվով կեղծ տեղեկանքով, որի համաձայն Հովանես Քերոպի Ռաֆաելյանը, ծնված 1978 թվականին, բնակվող Նոր Նորք, 4-րդ զանգված, 2-րդ հատված, 30 շենքի թիվ 24 բնակարանում, հետազոտվել է «Սուրբ Գրիգոր Լուսավորիչ» բժշկական կենտրոնի մեծահասակների պոլիկլինիկայում և պրակտիկ առողջ է։
Վրաստանի Հանրապետության զինանշանով ձևաթղթի վրա վրացերեն լեզվով, 03.11.2008թ. ամսաթվով, 49/11/2-00006565 գրանցման համարով կեղծ տեղեկանքով և դրա հայերեն թարգմանությամբ, որի համաձայն Հովանես Քերոպի Ռաֆաելյանը, բնակվող՝ Նինոծմինդա, Չապաևի փող. 14, ՎՀ ՆԳՆ տվյալների համաձայն դատապարտված չի եղել և հետախուզման մեջ չի գտնվում։
Հովանես Ռաֆաելյանի անունից կազմված, նրա կեղծված ստորագրություններով և ոչ ճիշտ տվյալներով ՀՀ քաղաքացիություն ստանալու համար դիմումով, հարցաթերթիկով և ինքնակենսագրությամբ, որոնք վերջինիս ՀՀ-ից բացակայելու պայմաններում կազմվել և 19.12.08թ. ներկայացվել են ՀՀ ոստիկանության անձնագրային և վիզաների վարչություն։
/հատոր 3, գ.թ. 223-225, 244/։
Ամբաստանյալ Ռուզաննա Վլադիմիրի Սահակյանը նախաքննության ժամանակ ցուցմունք է տվել այն մասին, որ առաջադրված մեղադրանքներում իրեն մեղավոր չի ճանաչում, 2008 թվականին դեկտեմբերին, իր խնդրանքով ամուսինը՝ Հայկ Կոստանյանը, որը հանդիսանում է իրենց՝ Արաբկիր, 51-րդ փողոցի թիվ 9 շենքի համատիրության նախագահը, ԱՎՎ ներկայացնելու համար կազմել և իրեն է տվել Վրաստանի քաղաքացիներ Հենդրիխ Բադոյանի և Հովանես Ռաֆաելյանի անուններով երկու տեղեկանքներ այն մասին, որ նրանք առանց հաշվառման բնակվում են իրենց շենքի թիվ 119 բնակարանում։ Այդ բնակարանն իրենք ժամանակ առ ժամանակ վարձակալությամբ, առանց համապատասխան պայմանագրի կնքման հանձնել են տարբեր անձանց։ Նշված բնակարանի սեփականատերն է հանդիսանում իր մայր Օլգա Սահակյանը, որն իր որդու հետ բնակվում է նույն շենքի թիվ 109 բնակարանում։ Իր ամուսնուն նշված 2 տեղեկանքները խնդրել է գրել այդ ժամանակ թիվ 119 բնակարանում բնակվող վարձակալ Սուսաննայի խնդրանքով, որի մասին միայն իմացել է, որ նա իրենց տանն ապրել է մի աղջկա հետ, որն ըստ Սուսաննայի` նրա աղջիկն է եղել։ Տեղեկանքների համար Սուսաննայից գումար չի պահանջել և չի ստացել, համաձայնվել է նրա խնդրանքը կատարել, քանի որ նա բնակվել է իրենց տանը։ Ինքը Վրաստանի քաղաքացիներին չի տեսել, նրանք իրենց տանը երբեք չեն բնակվել։ Սուսաննան նրանց ներկայացրել է որպես բարեկամների, խնդրելով, որ տեղեկանքներում նշում կատարվի, որ դրանք տրվում են ԱՎՎ ներկայացնելու համար։ Հ. Բադոյանին և Հ. Ռաֆաելյանին ՀՀ անձնագրերով փաստաթղթավորելու գործընթացի հետ ինքը ոչ մի առնչություն չի ունեցել, Սուսաննային տեղեկանքները հանձնել է իրենց շենքի մուտքում։ Թե նա դրանք ուր է տարել և ինչպես է օգտագործել՝ տեղյակ չէ։ Հենդրիխ Բադոյանի տվյալներով լրացված Ձև 1 և Ձև 16 փաստաթղթերում դրված՝ Երևանի Մաշտոցի շրջանի զինկոմիսարիատի կեղծ կնիքների, զինկոմիսարիատի պաշտոնյաների կեղծ ստորագրությունների մասին ոչինչ հայտնել չի կարող, քանի որ այդ մասին ոչինչ չգիտի։ Գայանե Պողոսյանին ճանաչում է շուրջ 4-5 տարի է, նրան հաճախակի տեսել է իր ընկերուհի, փաստաբան Կարինե Ավանեսյանի գրասենյակում։ Կարինե Ավանեսյանը նրան ներկայացրել է որպես հաճախորդի։ Մի քանի անգամ Գայանեն եկել է իր աշխատավայր՝ Երևանի Արաբկիրի անձնագրային բաժանմունք, սակայն ոչ գործնական այցով։ Բացի կենցաղային տարբեր զրույցներից, Գայանեի հետ այլ թեմաներով չի զրուցել և հարաբերություններ չի ունեցել։ Գայանեն երբևէ իրեն չի դիմել Հենդրիխ Բադոյանին և Հովանես Ռաֆաելյանին ՀՀ քաղաքացիություն շնորհելու հարցով և այդ կապակցությամբ Գայանեից որևէ գումար չի պահանջել և չի ստացել։
Հետագա ցուցմունքներում, այդ թվում նաև Գայանե Պողոսյանի հետ առերես հարցաքննության ժամանակ Ռուզաննա Սահակյանը նշել է, որ ամուսնու կողմից կազմված Հենդրիխ Բադոյանի և Հովանես Ռաֆաելյանի բնակության տեղեկանքները տրվել են ոչ թե Սուսաննայի, այլ Գայանե Պողոսյանի խնդրանքով, որը բազմիցս իրեն զանգահարել և խնդրել է, որ իր ամուսնու միջոցով տա այդ երկու տեղեկանքները։ Գայանեն ասել է, որ այդ գործողությունը ոչ մի վատ հետևանք առաջացնել չի կարող։ Ինքը Գայանեից այդ տեղեկանքների կազմման և տրամադրման դիմաց ոչ մի գումար չի պահանջել և չի ստացել, նա էլ չի առաջարկել։ Գայանեն չի բացատրել, թե այդ տեղեկանքներն ինչի համար են պետք և ինչ գործեր պետք է արվեն դրանց հիման վրա։ Նա միայն ասել է, որ տեղեկանքներն անհրաժեշտ են ԱՎՎ ներկայացնելու համար, որպեսզի հաստատեն, որ այդ երկու քաղաքացիները բնակվել են Երևանում։ Ինքը չգիտի, թե այդ քաղաքացիների անձնագրավորվելու գործերը կոնկրետ ով է կատարել, սակայն Գայանեն իրեն միշտ ասել է, որ նա մեծ կապեր ունի ԱՎՎ-ում և զինկոմիսարիատում, կարող է գործեր դասավորել։ Այդ իսկ պատճառով Գայանեն առանց իր միջնորդության էլ կարող էր կազմակերպել Հ. Բադոյանի և Հ. Ռաֆաելյանի կողմից անձնագրեր ստանալու գործը։
Վիկտորյա Խաչատրյանն իր աշխատանքային ընկերուհին է, որին ճանաչում է շուրջ 10 տարի։ Չի լսել, որ նա նշված գործի հետ առնչություն ունենա։ Ճանաչում է նաև Վիկտորյայի Լյութո անունով ընկերոջը, որը երկու անգամ, Վիկտորյայի միջնորդությամբ եկել է իր աշխատանքի վայր` նրան հետաքրքրող հարցերով։ Նաև չգիտի, թե Լյութոն Հ. Բադոյանի և Հ. Ռաֆաելյանի գործերով ինչ առնչություն է ունեցել։ 2009 թվականի գարնանն ինքը Լյութոյի բջջային հեռախոսահամարները Գայանե Պողոսյանին չի տրամադրել։ Դավիթ Ներսիսյանին չի ճանաչում։ Տեղեկություններ չունի, թե որտեղից են ի հայտ եկել և ում կողմից են կազմվել Հ. Բադոյանի, Հ. Ռաֆաելյանի անվամբ պատրաստված վրացերեն լեզվով դատվածության տեղեկանքները և ում կողմից են ստացվել Նոր Նորքի տարածքում գտնվող պոլիկլինիկայից նրանց վերաբերյալ կեղծ տեղեկանքները։
Այն հարցին, թե ինչպես կարող է բացատրել իր ամուսնու կողմից նույնաբովանդակ տեղեկանքների կազմումը ոչ միայն Հ. Ռաֆաելյանի և Հ. Բադոյանի վերաբերյալ, այլ նաև 22.10.08 թ. ամսաթվով՝ Արտյուշ Այվազյանի վերաբերյալ, նույնաբովանդակ բժշկական և դատվածության կեղծ տեղեկանքների առկայությունը նրանց գործերում, պատասխանել չի կարող։ Ա. Այվազյանին հիշել չի կարողանում, հնարավոր է, որ ունեցել է նման վարձակալ, սակայն բոլոր վարձակալները բնակվել են իրենց շենքի թիվ 119 բնակարանում։
Հետագայում Ռուզաննա Սահակյանը հայտնել է, որ Գայանե Պողոսյանը վրացահայ քաղաքացիներ Ռաֆաելյանի, Այվազյանի, Բադոյանի ՀՀ քաղաքացիության հարցը լուծելու համար խնդրել է իրեն, որպեսզի նրանք ժամանակավորապես վարձով բնակվեն իրենց տանը, քանի որ նրանք բնակվելու այլ տեղ չեն ունեցել։ Նրանք չեն իմացել ԱՎՎ գտնվելու տեղը, ուստի նրանց համար բժշկական և մնացած տեղեկանքների ձեռք բերումը պետք է ապահովեր Գայանեն։ Չի կարող ասել, թե նշված մարդիկ իրենց տանը բնակվել են, թե ոչ, որովհետև իրենց տան վարձակալներին ինքը չի ճանաչել։ Քանի որ Գայանեն շատ արագ է իրականացրել այդ մարդկանց համար պահանջվող բոլոր փաստաթղթերի ձեռք բերումը` նրանք չեն հասցրել իրենց տանն ապրել։ Գայանեն իրեն է տվել Բադոյանի, Ռաֆաելյանի և Այվազյանի անձնագրերը, որոնք լրացված են եղել վրացերեն և անգլերեն լեզուներով։ Ինքը դրանք ցույց է տվել ամուսնուն, նրան ասել է, որ այդ անձիք կարող են բնակվել իրենց տանը, որպեսզի նա կազմի նրանց բնակության մասին տեղեկանքներ և նրանք կարողանան փաստաթղթերը ներկայացնել ԱՎՎ։ Ստորագրությամբ և կնիքով հաստատված երեք տեղեկանքներն ամուսինն իրեն է տվել միևնույն ժամանակ։ 2008 թվականի դեկտեմբերի 19-ի առավոտյան Գայանեն տաքսի ավտոմեքենայով եկել է իրենց անձնագրային բաժանմունք և վերցրել այդ երեք տեղեկանքներն առանց որևէ գումար տալու։ Ավտոմեքենայում են եղել նաև նշված վրացահայերից երկուսը։ Այս բոլոր գործերը իրականացրել է Գայանե Պողոսյանը, սակայն մեղքն անհիմն բարդել է իր վրա։
/հատոր 2, գ.թ. 29-30, 41-43, 211-212, հատոր 3, գ.թ. 192-197, հատոր 3, գ.թ. 233-234/։
Դատարանում ամբաստանյալ Ռուզաննա Վլադիմիրի Սահակյանը ցուցմունք տվեց այն մասին, որ Գայանե Պողոսյանն իրեն զրպարտում է, այս ամբողջ գործընթացին իր մասնակցությունը եղել է միայն այն, որ խնդրել է ամուսնուն` Հայկ Կոստանյանին, տեղեկանքներ տալ Հենդրիխ Բադոյանի, Հովանես Ռաֆաելյանի և Արտյուշա Այվազյանի բնակության վերաբերյալ։ Նկատի ունենալով, որ գոյություն ունի կառավարության որոշում` այդ տեղեկանքները քաղաքացիություն ստանալու հարցում որևէ դեր խաղալ չէին կարող։ Իրեն կալանավորել են Գայանե Պողոսյանի ցուցմունքի հիման վրա։ Գտնում է, որ քննիչը լիարժեք չի աշխատել, կողմնապահություն է արել։ Առերեսումներ չեն կատարվել` թեև ինքը պահանջել է։ Ինքը ԱՎՎ-ի աշխատակից չի եղել։ Թեև աշխատում է Արաբկիրի անձնագրային բաժնում, սակայն ԱՎՎ-ի հետ որևէ կապ չունի, բացի այդ փաստաթղթերը քաղաքացին անձամբ է հանձնում ԱՎՎ։ Երբեմն Գայանե Պողոսյանը քաղաքացիներ է բերել վարձակալությամբ տրվող իրենց բնակարանում բնակվելու համար։ Նա բերել է նաև տղաների և ասել, որ նրանք վարձակալությամբ բնակվելու են իրենց բնակարանում։ Իր միակ սխալն այն է, որ այդ տղաների անձնագրերում առկա լուսանկարները չստուգելով` ամուսնուն խնդրել է տեղեկանքներ տալ նրանց բնակվելու վերաբերյալ։
/դատական նիստի արձանագրություն/։
Ամբաստանյալ Վիկտորյա Վոլոդյայի Խաչատրյանը նախաքննության ժամանակ ցուցմունք է տվել այն մասին, որ առաջադրված մեղադրանքում իրեն մեղավոր չի ճանաչում, 1994 թվականից աշխատել է Նոր Նորքի անձնագրային բաժանմունքում որպես ավագ անձնագրավար։ Արաբկիրի անձնագրային բաժանմունքի անձնագրավար Ռուզաննա Սահակյանին ճանաչում է շուրջ 10 տարի։ Նրա հետ գտնվում է ընկերական հարաբերությունների մեջ։ Գայանեի հետ ծանոթացել է Ռուզաննա Սահակյանի միջոցով, շուրջ մեկուկես տարի առաջ։ Իմացել է, որ Գայանեն Ռուզաննայի ընկերուհին է և Ռուզաննայի խնդանքով նրա հետ հանդիպել է 2-3 անգամ` նրա ծանոթներին ինչ-որ տեղեկանքների շուրջ խորհուրդ տալու համար։ Վրաստանի քաղաքացիներ Հենդրիխ Բադոյանին և Հովանես Ռաֆաելյանին ՀՀ քաղաքացիություն շնորհելու և ՀՀ անձնագրեր տալու համար գործողություններ և ձևակերպումներ կատարելու հետ, մասնավորապես Հ. Բադոյանի տվյալներով Ձև 1 և Ձև 16 բլանկներում զինկոմիսարիատի հաշվառումը հաստատող կեղծ կնիքներ և նշումներ կատարելու հետ ինքը որևէ առնչություն չի ունեցել, ո՛չ Գայանեն, ո՛չ Ռուզաննան այդ հարցով իրեն չեն դիմել, ոչ մի տեղեկություն չունի, թե նրանք այդ գործում մասնակցություն ունեցել են` թե՝ ոչ։ Լյուդվիգ Խաչատրյանն իր ընկերուհու եղբայրն է, նրա հետ ծանոթ է երիտասարդ տարիներից, ունեն մտերիմ հարաբերություններ։ Լյուդվիգ Խաչատրյանին և Ռուզաննա Սահակյանին մոտ երեք տարի առաջ ինքն է ծանոթացրել, ինչ-որ անձնագրի հարցով Լյուդվիգին ուղարկել է Ռուզաննայի մոտ` խնդրելով օրինական կարգով օգնել նրան։ Նրանց հետագա հարաբերությունների մասին տեղյակ չի եղել։ Որքանով որ իրեն հայտնի է` Գայանեն Լյուդվիգի հետ ծանոթ չի եղել, համենայն դեպս ինքը նրանց չի ծանոթացրել և միասին չի տեսել։ Իր և Լյուդվիգ Խաչատրյանի, Ռուզաննա Սահակյանի, Գայանե Պողոսյանի միջև տեղի է ունեցել հեռախոսակապ, սակայն դա Հենդրիխ Բադոյանի զինվորական հաշվառման հարցին չի վերաբերվել։ 2009 թվականի ապրիլից մինչև մայիսի 6-ն ընկած ժամանակահատվածում, ինչպես նաև դրանից առաջ և հետո, ինքը բազմաթիվ հեռախոսային խոսակցություններ է ունեցել այդ անձանց հետ, սակայն ոչ նշված հարցի շուրջ։
Լյուդվիգ Խաչատրյանի և Գայանե Պողոսյանի հետ առերես հարցաքննությունների ժամանակ Վիկտորյա Խաչատրյանը նշել է, որ 2009 թվականի մարտի կամ ապրիլի վերջին, օրը ստույգ չի հիշում, Գայանեի խնդրանքով, իր տան մոտակայքում հանդիպել է ինչ-որ երիտասարդի հետ, որին չի ճանաչել, նրանից վերցրել է ամրակներով ամրացված մի փաթեթ և այն բերել է տուն։ Գայանեն զանգահարել է և տեղեկանալով, որ փաթեթն ինքը ստացել է` խնդրել է պահել, մինչև կգա և կվերցնի։ Մոտ 10 օր փաթեթը մնացել է իր աշխատավայրում, որից հետո, երբ Լյուդվիգ Խաչատրյանը պատահական եկել է իր աշխատավայր, ինքը փաթեթը տվել է նրան և խնդրել, որ փոխանցի Գայանեին, որը Լյուդվիգը կատարել է։ Գայանեն չի եկել և անձամբ չի վերցրել փաթեթը` պատճառաբանելով, որ ոտքերը ցավում են։ Ինքը ծրարի պարունակությունը չի տեսել։ Եթե Լյուդվիգը պնդում է, որ նա Ռուզաննա Սահակյանին չի ճանաչում, ուրեմն դա իրոք այդպես է։
/հատոր 2, գ.թ. 80-82, 134-138, 248-254, 255-259, հատոր 3, գ.թ. 169-170/։
Դատարանում ամբաստանյալ Վիկտորյա Վոլոդյայի Խաչատրյանը ցուցմունք տվեց այն մասին, որ ինքը տեղյակ է, որ Լյուդվիգ Խաչատրյանն իր ընկերոջ հարցով դիմել է Գայանե Պողոսյանին։ Հետագայում Գայանեն իրեն ասել է, որ վիրավորված է Լյուդվիգ Խաչատրյանից։ Գայանեի խնդրանքով ինքը նրա ծանոթից ինչ-որ փաստաթուղթ է վերցրել, սակայն դրանք Ձև 1 և Ձև 16 բլանկներ չեն եղել։ Այդ բլանկներն ինքը ճանաչում է, դրանք անձնագրային ծառայության հետ կապ չունեցող փաստաթղթեր են եղել։ Ծրար չի եղել, այդպես է նշել քննիչի թելադրանքով։ Դա ապրիլի 30-ին չի եղել, ամսաթիվը հարմարեցված է քննիչի կողմից։
/դատական նիստի արձանագրություն/։
Ամբաստանյալ Լյուդվիգ Արզնիի Խաչատրյանը նախաքննության ժամանակ ցուցմունք է տվել այն մասին, որ առաջադրված մեղադրանքում իրեն մեղավոր չի ճանաչում, Հենդրիխ Բադոյանին չի ճանաչել, գուցե նրան տեսել է, սակայն հետը չի առնչվել։ Ինչ վերաբերվում է Մաշտոցի շրջանի զինկոմիսարիատի կեղծ կնիքը և շտամպը պարունակող նրա վերաբերյալ Ձև 1 և Ձև 16 բլանկներին` ապա կարող է ասել, որ ինքն իր տրամադրության տակ է ունեցել առանց լուսանկարի և առանց ՀՀ թիվ 001 կնիքի, դատարկ վիճակում Ձև 1 և Ձև 16 բլանկներ, որոնց դարձերեսներին առկա են եղել Մաշտոցի զինկոմիսարիատի ուղղանկյուն և կլոր կնիքների դրոշմները։ Այդ բլանկները մոտավորապես 4 տարի առաջ իրեն է տվել Հենդրիկ անունով մի մարդ, որն աշխատել է Երևանի կրկեսի մոտ գտնվող տպարանում։ Նա ասել է, որ կնիքների դրոշմները կատարված են համակարգչային՝ «ֆոտոշոփ» ծրագրով։ Բլանկներն իրեն պետք չեն եղել և պահել է իր տանը։ 2009 թվականի փետրվարին հանդիպել է իր մտերիմներից մեկին, որի անունը չի ցանկանում նշել, որն իմացել է իր մոտ պահվող այդ կնիքներով բլանկների մասին։ Նա խնդրել է այդ բլանկները պահել` ասելով, որ դրանք կարող են պետք գալ։ Մեկ ամիս անց իր այդ ծանոթը խնդրել է, որ ինքը հանդիպի մի կնոջ այդ՝ բլանկները նրան տրամադրելու հարցով։ Աջափնյակ թաղամասի Ֆուչիկի փողոցի մոտակայքում ինքն հանդիպել է մի գեր կնոջ՝ Գայանեի հետ։ Բլանկներն այդ օրը հետը չի տարել, փոխանակվել են հեռախոսահամարներով։ Երկրորդ անգամ նրա հետ հանդիպման ժամանակ ասել է, որ Մաշտոցի զինկոմիսարիատի կնիքներն այդ բլանկներում կատարված են «ֆոտոշոփ»-ով։ Գայանեն ասել է, որ բլանկներն իրեն պետք են ընդամենը մեկ շաբաթով, որպեսզի մինչև օրինական նույնանման բլանկներ հանելը դրանք ներկայացնի ինչ-որ մարդկանց՝ նրանց համոզելու համար, որ ձեռնարկած ինչ-որ գործն ընթացքի մեջ է։ Այդ օրն ինքը Գայանեյին է տվել բլանկները։ Նույն օրն ավելի ուշ, Գայանեն դրանք հետ է վերադարձրել իրեն, քանի որ դրանք Գայանեյի կողմից օգտագործելու հարցով նրա հետ չէին պայմանավորվել։ Ինքն անհանգիստ է եղել և չի հավատացել Գայանեյի խոսքերին, որ բլանկներն ինչ-որ մարդկանց ցույց տալուց հետո նա դրանք կպատռի և դեն կնետի։ Գայանեն առաջարկել է դրա համար վճարել 50 ԱՄՆ դոլար, սակայն ինքը հրաժարվել է վերցնել գումարը։ Նա ասել է, որ այդ փաստաթուղթը պետք է լրացվի, ժամանակավոր ներկայացվի կամ ԱՎՎ կամ զինկոմիսարիատ, մինչև որ ինչ-որ հարցում կատարվելուց հետո, դրանց բնօրինակը տեղ կհասնի և կդրվի կեղծի փոխարեն։ Համոզվելով, որ կեղծ կնիքներով բլանկները Գայանեյին տալու մեջ վտանգ չկա և դա կրում է միայն ձևական բնույթ` ինքը Երևանի Մաշտոցի պողոտայում գտնվող «Մալիբու» սրճարանի մոտ Գայանեին է հանձնել այդ բլանկները։ Գայանեն հարցրել է, թե ինչու բլանկները լրացված չեն։ Ինքը պատասխանել է, որ այդ հարցի հետ ինքը ոչ մի գործ չունի։ Ռուզաննա Սահակյանին ինքը չի ճանաչում, Արաբկիրի անձնագրային բաժնում ծանոթներ չունի։ Վիկտորյա Խաչատրյանն իր քրոջ ընկերուհին է, կեղծ կնիքների հետ առնչություն չունի։ Գայանեյի հետ ինքը Վիկտորյայի միջոցով չի ծանոթացել։
Հետագա ցուցմունքներում, այդ թվում նաև Վիկտորյա Խաչատրյանի և Գայանե Պողոսյանի հետ առերես հարցաքննությունների ժամանակ Լյուդվիգ Խաչատրյանը հայտնել է, որ նշված Ձև 1 և Ձև 16 բլանկները, որոնք 2009 թվականի գարնանն ինքը տվել է Գայանեյին, նույն օրը, ժամը 13-ից 14-ի սահմաններում, ստացել է Վիկտորյա Խաչատրյանից նրա աշխատանքի վայրում՝ Նոր Նորքի անձնագրային բաժանումնքում։ Վերջինս իրեն խնդրել է գնալ ԱՎՎ շենքի մոտ և այդ փաստաթղթերը հանձնել Գայանեյին։ Վիկտորյայի աշխատավայր ինքը գնացել է իր կնոջ եղբոր հաշվառման տեղեկանքի հարցով, որը Վիկտորյան չի տրամադրել լիազորագիր չունենալու պատճառով։ Վիկտորյան փաստաթղթերն իրեն է տվել սպիտակ, չսոսնձված ծրարով։ Նա զանգահարել է Գայանեյին, ճշտել վերջինիս գտնվելու վայրը, հնարավոր է հենց իր հեռախոսից և տեղեկանալով, որ նա գտնվում է ԱՎՎ հարակից այգում` խնդրել է ծրարը հանձնել նրան, որն ինքը կատարել է։ Գայանեն իրեն վրդովված ասել է, որ Վիկտորյան դեռևս նախորդ օրը պետք է այդ փաստաթղթերն ուղարկեր։ Ինքը տեղյակ չէ, թե ով է այդ փաստաթղթերում դրել կնիքներ, արել գրառումներ և Մաշտոցի զինկոմիսարիատի պաշտոնյաների անունից դրել ստորագրություններ։ Ինքը նախորդ ցուցմունքում ճիշտ չի նշել, իբրև թե Մաշտոցի զինկոմիսարիատի կնիքներով կնքված դատարկ բլանկները տվել է Գայանեյին նրա պահանջով։ Նման ցուցմունք է տվել, քանի որ Վիկտորյային հարազատ մարդ համարելով` չի ցանկացել այս պատմության կապակցությամբ նրա անունը հայտնել։ Ռուզաննա Սահակյանին չի ճանաչում և չի կարող բացատրել, թե ինչ հանգամանքներում է 2008 թվականի դեկտեմբերի 13-ին, իր 091-88-34-82 հեռախոսահամարին զանգ և խոսակցություն կայացել Ռուզաննա Սահակյանի 091-51-44-65 հեռախոսահամարից։ Գուցե իրեն Ռուզաննայի հեռախոսից զանգահարել է Վիկտորյան։ Իր և Գայանեի ծանոթությունը տեղի է ունեցել Վիկտորյայի միջոցով, Աջափնյակ թաղամասում, «Բլից» բենզալցակայանի մոտ, սակայն այդ հանդիպման ժամանակ զրուցել են դատախազություն կանչված իր մոտ ընկեր Դավիթ Ներսիսյանին գրավով ազատ արձակելու հարցի շուրջ։ Դա է եղել Գայանեյին իր բազմաթիվ զանգերի առիթը։ Հ. Բադոյանի Ձև 1 և Ձև 16 բլանկներում Մաշտոցի զինկոմիսարիատի կեղծ կնիքներ դնելու խնդրանքով ինքը Դավիթ Ներսիսյանին չի դիմել, տեղյակ չէ, թե ինչպես են դրոշմվել այդ բլանկները։ Իմացել է, որ 2008 թվականին Դավիթը դատապարտվել է կեղծ կնիքներ պատրաստելու համար։ Այն որ նշված բլանկներում առկա կնիքները դրոշմվել են Դավիթ Ներսիսյանի կողմից և բացի իրենից ով կարող էր դրանք տրամադրել նրան` չի կարող պատասխանել։
/հատոր 2, գ.թ. 84-86, 125-128, 217-220, 231-238, հատոր 3, գ.թ. 178/։
Դատարանում ամբաստանյալ Լյուդվիգ Արզնիի Խաչատրյանը ցուցմունք տվեց, որ Ռուզաննա Սահակյանին նախկինում չի ճանաչել։ Գայանե Պողոսյանին ճանաչել է Վիկտորյա Խաչատրյանի միջոցով։ Գայանեյի հեռախոսահամարն իրեն տվել է Վիկտորյան։ Նույնը հաստատել է նաև Գայանե Պողոսյանն իր հետ կատարված առերես հարցաքննության ժամանակ։ Իր համար անհասկանալի է, թե ինչու մեկ ամիս անց Գայանեն փոխել է նախկինում տված իր ցուցմունքը և հայտնել, իբրև թե իր հեռախոսահամարը Ռուզաննա Սահակյանն է տվել։ Գայանե Պողոսյանին ինքը դիմել է Դավիթ Ներսիսյանի հարցով, սակայն միմյանց հետ համաձայնության չեն եկել։ Փաստաթղթերի փաթեթը ինքը Գայանեյին է հանձնել Վիկտորյա Խաչատրյանի խնդրանքով, երբ իր կնոջ եղբոր հարցով գնացել էր նրա աշխատանքի վայրը։ Ազգային ավտանգությունում իր առջև դրել են չորս տարբեր փաստաթղթեր և ասել, որ ընդունի դրանցից մեկն իր ձեռքով գրած լինելը։ Որպեսզի արագ վերջացնի և հեռանա` ինքը ցուցմունք է տվել, իբրև թե Ձև 1 և Ձև 16 բլանկներն իրենն են եղել, սակայն հետագայում հայտնել է, որ այդ ցուցմունքն իրականությանը չի համապատասխանում։
/դատական նիստի արձանագրություն/։
Ամբաստանյալ Հայկ Սերյոժայի Կոստանյանը նախաքննության ժամանակ ցուցմունք է տվել այն մասին, որ առաջադրված մեղադրանքում իրեն մեղավոր է ճանաչում մասնակիորեն, 1999 թվականից Երևանի Արաբկիր 51-րդ փողոցի թիվ 9 շենքի բնակիչների ընդհանուր ժողովով ընտրվել է նշված շենքի համատիրության նախագահ։ Հանդիսանում է նույն շենքի թիվ 112 բնակարանի սեփականատերը, որտեղ բնակվում է կնոջ՝ Ռուզաննա Սահակյանի և ավագ որդու ընտանիքի հետ։ Նույն շենքի թիվ 109 բնակարանում, որի սեփականատերն է իր կնոջ մայրը, բնակվում է վերջինս և իր կրտսեր որդու ընտանիքը։ Նույն շենքում իրենց է պատկանում նաև թիվ 119 բնակարանը, որը ժամանակ առ ժամանակ տրվել է վարձակալությամբ։ 2008 թվականի հոկտեմբերի 22-ին և դեկտեմբերի 18-ին, կնոջ՝ Ռուզաննա Սահակյանի խնդրանքով կազմել է երեք տեղեկանքներ այն մասին, իբրև թե Արտյուշ Այվազյանը, Հովանես Ռաֆաելյանը և Հենդրիխ Բադոյանը, որոնց չի ճանաչել, չի տեսել և որոնք իրենց բնակարաններից որևէ մեկում չեն բնակվել, առանց հաշվառման բնակվում են առաջինը՝ իրենց պատկանող թիվ 109, իսկ մյուսները՝ թիվ 119 բնակարաններում։ Տեղեկանքները կազմել է կնոջ կողմից տրամադրված տվյալների հիման վրա։ Կինը նաև ասել է, որ տեղեկանքներում պետք է նշել, որ դրանք տրված են ՀՀ ԱՎՎ ներկայացնելու համար։ Տեղեկանքները ստորագրել և կնիքել է իր տրամադրության տակ գտնվող, նշված շենքի համատիրության կնիքով, որից հետո դրանք հանձնել է կնոջը։ Չգիտի, թե այդ տեղեկանքները կինն ինչպես է տօրինել կամ ում է հանձնել։ Դրա համար ինքն ու կինը գումար չեն ստացել։ Լյուդվիգ Խաչատրյանին չի ճանաչում, Վիկտորյա Խաչատրյանին ճանաչում է որպես կնոջ հետ նույն համակարգում աշխատողի, իսկ Գայանե Պողոսյանին մինչև քրեական գործի քննությունը չի ճանաչել, միայն լսել է, որ կինը նման ծանոթ ունի և նրանք միմյանց հետ հաճախ զրուցել են հեռախոսով։
/հատոր 3, գ.թ. 128-130, 185-186/։
Դատարանում ամբաստանյալ Հայկ Սերյոժայի Կոստանյանը ցուցմունք տվեց, որ տեղեկանքները տրամադրել է կնոջ խնդրանքով։ Տեղեկանքներն ինքն է գրել և իր միակ սխալն այն է, որ չի ճշտել, թե նշված անձինք իրոք բնակվում են այդ բնակարանում` թե ոչ։ Ընդունում է, որ կեղծ տեղեկանք է տվել, սակայն դա արել է կնոջ խնդրանքով։ Նա ասել է, որ տեղեկանքներն իր ծանոթին են անհրաժեշտ։ Տեղեկանքները տվել է ներկայացնելու ՀՀ ոստիկանության անձնագրային և վիզաների վարչություն, սակայն դրանք իրենցից որևէ ուժ չեն ներկայացնում։ Գայանե Գևորգյանին նախապես չի ճանաչել, նրան մեկ անգամ հանդիպել է իրենց շենքի բակում։ Ինքը ցանկություն է հայտնել նրան տեսնել, քանի որ Գայանեն շարունակ ամոթանք է տվել իր կնոջն այն բանի համար, որ լինելով համակարգի աշխատակից անհանգստացել է տեղեկանքների համար։ Նա ասել է, որ տեղեկանքների հետ կապված որևէ վտանգ չկա, կարևորն այն է, որ իրենք որևէ մեկին չասեն, որ դրանք իրեն են տվել։
/դատական նիստի արձանագրություն/։


Դատարանի իրավական վերլուծությունները

Վերլուծելով ամբաստանյալներ Ռուզաննա Վլադիմիրի Սահակյանի, Վիկտորյա Վոլոդյայի Խաչատրյանի, Լյուդվիգ Արզնիի Խաչատրյանի և Հայկ Սերյոժայի Կոստանյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ ամբաստանյալներ Ռուզաննա Սահակյանի, Վիկտորյա Խաչատրյանի, Լյուդվիգ Խաչատրյանի ցուցմունքներն ամբողջությանբ, իսկ Հայկ Կոստանյանի ցուցմունքները մասնակիորեն իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են արդեն իսկ նշված ապացույցներով։
Վերլուծելով վկա Դավիթ Ներսիսյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ Դավիթ Ներսիսյանի դատարանում տված ցուցմունքը մասնակիորեն` կեղծ կնիքով դրոշմված փաստաթղթերը ոչ թե Լյուդվիգ Խաչատրյանին` այլ Արմեն Սիմոնյանին փոխանցելու մասով, իրականությանը չի համապատասխանում, քրեական պատասխանատվությունից և պատժից խուսափելու հարցում ամբաստանյալ Լյուդվիգ Խաչատրյանին օգնելու նպատակ է հետապնդում և հերքվում են քրեական գործով ձեռք բերված և դատարանում հետազոտված ապացույցներով, որի պատճառով դատարանը որպես ապացույց հիմք է ընդունում Դավիթ Ներսիսյանի նախաքննական ցուցմունքները։
Վերլուծելով ամբաստանյալներ Ռուզաննա Վլադիմիրի Սահակյանին, Վիկտորյա Վոլոդյայի Խաչատրյանին, Լյուդվիգ Արզնիի Խաչատրյանին և Հայկ Սերյոժայի Կոստանյանին առաջադրված մեղադրանքները, նրանց ցուցմունքները և գործով ձեռք բերված ապացույցները` դատարանը գտնում է, որ ամբաստանյալ Ռուզաննա Վլադիմիրի Սահակյանի կողմից, նրա մեղավորությամբ, մի խումբ անձանց կողմից նախնական համաձայնությամբ, խոշոր չափերով, կրկին անգամ խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով նախատեսված հանցագործության հատկանիշներին։
Ապացուցված է նաև ամբաստանյալ Ռուզաննա Վլադիմիրի Սահակյանի կողմից, նրա մեղավորությամբ, մի խումբ անձանց կողմից նախնական համաձայնությամբ, պաշտոնական փաստաթուղթ կեղծելը և իրացնելը, նրա այդ արարքը նույնպես ճիշտ է որակված և համապատասխանում է Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ամբաստանյալ Վիկտորյա Վոլոդյայի Խաչատրյանի կողմից, նրա մեղավորությամբ, մի խումբ անձանց կողմից նախնական համաձայնությամբ, պաշտոնական փաստաթուղթ կեղծելը և իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ամբաստանյալ Լյուդվիգ Արզնիի Խաչատրյանի կողմից, նրա մեղավորությամբ, մի խումբ անձանց կողմից նախնական համաձայնությամբ, պաշտոնական փաստաթուղթ կեղծելը և իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ամբաստանյալ Հայկ Սերյոժայի Կոստանյանի կողմից, նրա մեղավորությամբ, մի խումբ անձանց կողմից նախնական համաձայնությամբ, պաշտոնական փաստաթուղթ կեղծելը` այլ անձի կողմից դրանք օգտագործելու նպատակով և այդպիսի փաստաթուղթ իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Ռուզաննա Վլադիմիրի Սահակյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա վատառողջ է, նախկինում դատված չի եղել, բնութագրվում է դրական։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Ռուզաննա Վլադիմիրի Սահակյանն իր կատարած` Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով նախատեսված հանցագործության համար ենթակա է պատժի ազատազրկման ձևով, իսկ ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժն ամբաստանյալ Ռուզաննա Վլադիմիրի Սահակյանի կողմից կրելու հարցը` դատարանը գտնում է, որ նրա նկատմամբ ենթակա է կիրառման Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշումը։
Ամբաստանյալ Վիկտորյա Վոլոդյայի Խաչատրյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Վիկտորյա Վոլոդյայի Խաչատրյանն իր կատարած` Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժն ամբաստանյալ Վիկտորյա Վոլոդյայի Խաչատրյանի կողմից կրելու հարցը` դատարանը գտնում է, որ նրա նկատմամբ ենթակա է կիրառման Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշումը։
Ամբաստանյալ Լյուդվիգ Արզնիի Խաչատրյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա նախկինում դատված չի եղել, խնամքին ունի մեկ անձ։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Լյուդվիգ Արզնիի Խաչատրյանն իր կատարած` Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի այդ հանցագործության համար նախատեսված պատիժներից առավել խիստ պատժի` ազատազրկման ձևով, քանի որ պատժի նվազ խիստ տեսակը` տուգանքը, չի կարող ապահովել պատժի նպատակները։
Քննարկելով նշանակված պատիժն ամբաստանյալ Լյուդվիգ Արզնիի Խաչատրյանի կողմից կրելու հարցը` դատարանը գտնում է, որ նրա նկատմամբ ենթակա է կիրառման Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշումը։
Ամբաստանյալ Հայկ Սերյոժայի Կոստանյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա նախկինում դատված չի եղել։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Հայկ Սերյոժայի Կոստանյանն իր կատարած` Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի այդ հանցագործության համար նախատեսված պատիժներից առավել խիստ պատժի` ազատազրկման ձևով, քանի որ պատժի նվազ խիստ տեսակը` տուգանքը, չի կարող ապահովել պատժի նպատակները։
Քննարկելով նշանակված պատիժն ամբաստանյալ Հայկ Սերյոժայի Կոստանյանի կողմից կրելու հարցը` դատարանը գտնում է, որ նրա նկատմամբ ենթակա է կիրառման Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշումը։
Գործով քաղաքացիական հայց չի հարուցվել գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 01.09.2010թ. որոշմամբ իրեղեն ապացույցներ ճանաչված փաստաթղթերը պետք է պահել քրեական գործի հետ միասին։
Քննարկելով դատական ծախսերի հարցը` դատարանը գտնում է, որ ամբաստանյալներ Ռուզաննա Վլադիմիրի Սահակյանից, Վիկտորյա Վոլոդյայի Խաչատրյանից, Լյուդվիգ Արզնիի Խաչատրյանից և Հայկ Սերյոժայի Կոստանյանից համապարտորեն, հօգուտ ՀՀ պետական բյուջեյի բռնագանձման է ենթակա դատաձեռագրաբանական և դատափաստաթղթաբանական համալիր, ձեռագրաբանական, փաստաթղթաբանական և համակարգչատեխնիկական համալիր, ինչպես նաև փաստաթղթաբանական և համակարգչատեխնիկական համալիր փորձաքննությունների կատարման արժեք հանդիսացող 535.860 /հինգ հարյուր երեսունհինգ հազար ութ հարյուր վաթսուն/ ՀՀ դրամ ընդհանուր գումարը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը`


Վ Ճ Ռ Ե Ց

Ամբաստանյալ Ռուզաննա Վլադիմիրի Սահակյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով և 325-րդ հոդվածի 2-րդ մասով նախատեսված հանցանքներում և դատապարտել. ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով` ազատազրկման 2 /երկու/ տարի ժամկետով, ՀՀ քրեական օրենսգրքի 325-րդ հոդվածի 2-րդ մասով` տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։ ՀՀ քրեական օրենսգրքի 69-րդ հոդվածի կիրառմամբ հաշվակցելով կալանքի տակ պահելու 7 /յոթ/ ամիս 25 /քսանհինգ/ օրը` ամբաստանյալ Ռուզաննա Վլադիմիրի Սահակյանի նկատմամբ, ՀՀ քրեական օրենսգրքի 178-րդ հոդվածի 2-րդ մասի 1-ին, 2-րդ, 3-րդ կետերով պատիժ նշանակել ազատազրկում 1 /մեկ/ տարի 4 /չորս/ ամիս 5 /հինգ/ օր ժամկետով։ ՀՀ քրեական օրենսգրքի 66-րդ հոդվածով սահմանված` պատիժների լրիվ գումարման սկզբունքի կիրառմամբ, ամբաստանյալ Ռուզաննա Վլադիմիրի Սահակյանի նկատմամբ պատիժ նշանակել ազատազրկում 1 /մեկ/ տարի 4 /չորս/ ամիս 5 /հինգ/ օր ժամկետով և տուգանք նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշման 1-ին կետի 1-ին և 3-րդ ենթակետերի կիրառմամբ ամբաստանյալ Ռուզաննա Վլադիմիրի Սահակյանին ազատել պատիժը կրելուց։
Ռուզաննա Վլադիմիրի Սահակյանի նկատմամբ ընտրված խափանման միջոց չհեռանալու մասին ստորագրությունը վերացնել։
Ամբաստանյալ Վիկտորյա Վոլոդյայի Խաչատրյանին մեղավոր ճանաչել Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցանքում և դատապարտել տուգանքի նվազագույն աշխատավարձի հինգհարյուրապատիկի` 500.000 /հինգ հարյուր հազար/ ՀՀ դրամ գումարի չափով։
Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշման 1-ին կետի 3-րդ ենթակետի կիրառմամբ ամբաստանյալ Վիկտորյա Վոլոդյայի Խաչատրյանին ազատել պատիժը կրելուց։
Վիկտորյա Վոլոդյայի Խաչատրյանի նկատմամբ ընտրված խափանման միջոց չհեռանալու մասին ստորագրությունը վերացնել։
Ամբաստանյալ Լյուդվիգ Արզնիի Խաչատրյանին մեղավոր ճանաչել Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցանքում և դատապարտել ազատազրկման 1 /մեկ/ տարի ժամկետով։
Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշման 1-ին կետի 1-ին ենթակետի կիրառմամբ ամբաստանյալ Լյուդվիգ Արզնիի Խաչատրյանին ազատել պատիժը կրելուց։
Լյուդվիգ Արզնիի Խաչատրյանի նկատմամբ ընտրված խափանման միջոց չհեռանալու մասին ստորագրությունը վերացնել։
Ամբաստանյալ Հայկ Սերյոժայի Կոստանյանին մեղավոր ճանաչել Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցանքում և դատապարտել ազատազրկման 1 /մեկ/ տարի ժամկետով։
Հայաստանի Հանրապետության Ազգային ժողովի «Համաներում հայտարարելու մասին» 2009թ. հունիսի 19-ի որոշման 1-ին կետի 1-ին ենթակետի կիրառմամբ ամբաստանյալ Հայկ Սերյոժայի Կոստանյանին ազատել պատիժը կրելուց։
Հայկ Սերյոժայի Կոստանյանի նկատմամբ ընտրված խափանման միջոց չհեռանալու մասին ստորագրությունը վերացնել։
Իրեղեն ապացույցներ ճանաչված փաստաթղթերը պահել քրեական գործի հետ միասին։
Ամբաստանյալներ Ռուզաննա Վլադիմիրի Սահակյանից, Վիկտորյա Վոլոդյայի Խաչատրյանից, Լյուդվիգ Արզնիի Խաչատրյանից և Հայկ Սերյոժայի Կոստանյանից համապարտորեն, հօգուտ ՀՀ պետական բյուջեի բռնագանձել 535.860 /հինգ հարյուր երեսունհինգ հազար ութ հարյուր վաթսուն/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։

ԴԱՏԱՎՈՐ` Մ. ՄԱՐՏԻՐՈՍՅԱՆ