Գործ ԵԱՆԴ 0040/01/09


Դ Ա Տ Ա Վ Ճ Ի Ռ

Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

30 հունիսի 2009 թվական քաղաք Երևան

Երևան քաղաքի Ավան և Նոր Նորք համայնքների ընդհանուր իրավասության դատարանը`
Նախագահությամբ` դատավոր Սամվել Ուզունյանի
Քարտուղարությամբ` Լիլիթ Նազարյանի
Մասնակցությամբª
Մեղադրող` Մկրտիչ Ենգիբարյանի
Պաշտպանª Անահիտ Եսայանի

Դռնբաց դատական նիստում, կիրառելով արագացված դատական քննության կարգ, քննեց գործն ըստ մեղադրանքի ԱՐԱ ԳՈՒՐԳԵՆԻ ՆՈՒՐԻՋԱՆՅԱՆԻ` ծնված 11.07.1961թ. Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երեք անձ, նախկինում չդատապարտված, վատառողջ, 2-րդ խմբի հաշմանդամ, բնակվում է Երևան քաղաքի, Նեկրասովի փողոցի թիվ 90 տանը:
Խափանման միջոց է կիրառվել կալանքը, որը Երևան քաղաքի Ավան և Նոր Նորք համայնքների ընդհանուր իրավասության դատարանի 27.01.2009թվականի որոշմամբ փոխարինվել է գրավով:
Մեղադրվում է ՀՀ քրեական օրենսգրքի 316 հոդվածի 1-ին մասով:

Պ Ա Ր Զ Ե Ց
I
1. Գործի դատավարական նախապատմությունը.

Նոր Նորքի քննչական բաժնի կողմից 25.01.2009թվականին հարուցվել է թիվ 17101909 քրեական գործը:
Նախաքննության մարմնի կողմից Արա Նուրիջանյանին մեղադրանք է առաջադրվել այն բանի համար, որ վերջինս 2009թվականի հունվարի 24-ին, ժամը 21.00-ի սահմաններում, գտնվելով ալկոհոլային հարբածության վիճակում իր կողմից վարած ՙՎազ-2106՚ մակնիշի 02 ԼԼ 004 պ/հ ավտոմեքենայով Գայի պողոտայի երթևեկելի ուղեմասում թույլ տված ճանապարհային երթևեկության կանոնների խախտման համար կանգնեցվել է ՀՀ ոստիկանության ՃՈ 2-րդ գումարտակի 3-րդ վաշտի աշխատակիցներ` Անդրանիկ Էվինյանի և Արտակ Աղաբյանի կողմից, որի ընթացքում չենթարկվելով իշխանության ներկայացուցիչներ ՃՈ աշխատակիցների օրինական պահանջներին, դիմել է փախուստի: Ընթացքում Գայի պողոտա-Մոլդովական փողոցի հատման խաչմերուկի մոտ ՃՈ աշխատակիցների կողմից համապատասխան միջոցներ ձեռնարկելու արդյունքում հարկադրաբար կայանելուց հետո Ա.Էվինյանի կողմից ՙՎազ-2106՚ մակնիշի ավտոմեքենային մոտենալու պահին Ա.Նուրիջանյանն իր վարած ավտոմեքենան շարժել է տեղից և ոստիկանության աշխատակիցների կյանքի և առողջության համար ոչ վտանգավոր բռնության գործադրմամբ վարորդի կիսաբաց դռան փեղկով ավտոմեքենայի ընթացքով հարվածել է Ա.Էվինյանի ձախ սրունքին, նույն շրջանի արյունազեղման ձևով պատճառելով առողջության թեթև վնասի հատկանիշներ չպարունակող մարմնական վնասվածք, այնուհետև իջնելով ավտոմեքենայից բռունցքով հարվածել է Ա.Էվինյանի գլխին:
30.04.2009 թվականին Արա Գուրգենի Նուրիջանյանի վերաբերյալ քրեական գործը մեղադրական եզրակացությամբ ուղարկվել է դատարան:



2. Արագացված դատական քննություն

Մինչ դատաքննություն սկսելն, ամբաստանյալ Ա.Նուրիջանյանը միջնորդեց դատական քննությունն անցկացնել արագացված կարգով և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Մեղադրողը ամբաստանյալի միջնորդության դեմ չառարկեց:
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները` որոշում է կայացրել արագացված կարգով դատական քննություն անցկացնելու մասին:
Դատարանը հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ա.Նուրիջանյանը կատարել է ՀՀ քրեական օրենսգրքի 316 հոդվածի 1-ին մասով նախատեսված արարք:


3. Դատարանի իրավական վերլուծությունները

Պատիժ նշանակելիս դատարանը հաշվի է առնում կատարված հանցագործության բնույթը, հանրության համար վտանգավորության աստիճանը, ինչպես նաև ամբաստանյալի անձը:
Դատարանը որպես պատասխանատվությունը և պատիժը մեղմացնող հանգամանքներ է դիտել այն, որ ամբաստանյալը նախկինում արատավորված չի եղել, բնութագրվում է դրական, իրեն մեղավոր է ճանաչել և անկեղծորեն զղջացել է կատարած արարքի համար, խնամքին են գտնվում երեք անձ և հանդիսանում է ընտանիքի միակ կերակրողը, ինչպես նաև այն, որ վատառողջ է` նրա մոտ ախտորոշվել է ՙԱնկայուն ստենոկարդիա, հետինֆարկտային կարդիոսկլերոզ, զարկերակային հիպերտոնիա, հիպերտոնիկ կրիզ՚ և հանդիսանում է 2-րդ խմբի հաշմանդամ:
Դատարանը ամբաստանյալի պատասխանատվությունը և պատիժը ծանրացնող հանգամանքներ չգտավ:
Դատարանը գտավ, որ քաղաքացիական հայցի հարցը պետք է համարել լուծված, այդպիսին չներկայացնելու պատճառով:
Վերոգրյալից ելնելով և ղեկավարվելով ՀՀ քրեական դատավարության օրենսգրքի 357-373, 3753-3754 հոդվածներով, դատարանը`

Վ Ճ Ռ Ե Ց

ԱՐԱ ԳՈՒՐԳԵՆԻ ՆՈՒՐԻՋԱՆՅԱՆԻՆ մեղավոր ճանաչել ՀՀ քրեական օրենսգրքի 316 հոդվածի 1-ին մասով և պատիժ նշանակել ազատազրկում 1 /մեկ/ տարի ժամկետով:
Կիրառել ՀՀ ԱԺ 19.06.2009թվականի համաներում հայտարարելու մասին որոշման 1-ին կետի 1-ին) ենթակետը և Ա.Նուրիջանյանին ազատել պատժի կրումից:
Ա.Նուրիջանյանի նկատմամբ խափանման միջոց ընտրված գրավը թողնել անփոփոխ մինչև դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո, Արա Նուրիջանյանի նկատմամբ խափանման միջոց ընտրված գրավը վերացնել և Երևան քաղաքի Ավան և Նոր Նորք համայնքների ընդհանուր իրավասության դատարանի 900033096018 դեպոզիտ հաշվին Արա Գուրգենի Նուրիջանյանի կողմից որպես գրավ մուծված 600.000 (վեց հարյուր հազար) ՀՀ դրամը վերադարձնել Արա Գուրգենի Նուրիջանյանին:
Քաղաքացիական հայցի հարցը համարել լուծված` այդպիսին չներկայացնելու պատճառով:
Դատավճիռը կարող է բողոքարկվել Հայաստանի Հանրապետության վերաքննիչ քրեական դատարան, այն հրապարկվելու օրվանից հետո մեկամսյա ժամկետում, բացառությամբ ՀՀ քրեական դատավարության օրենսգրքի 395 հոդվածի 1-ին կետով նախատեսված հիմքի:


ԴԱՏԱՎՈՐª Ս.ՈՒԶՈՒՆՅԱՆ