Գործ ԵԱՆԴ 0027/01/09



Ո Ր Ո Շ Ո Ւ Մ

ՀԱՄԱՆԵՐՄԱՆ ՈՐՈՇՈՒՄ ԿԻՐԱՌԵԼՈՒ ԵՎ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ



02 հուլիսի 2009թ. ք.Երևան

Երևան քաղաքի Ավան և Նոր Նորք համայնքների ընդհանուր իրավասության դատարանը` նախագահությամբ դատավորª Ս.Ուզունյանի, քարտուղարությամբ` Լ.Նազարյանի, մասնակցությամբ մեղադրող Վ.Մուրադյանի, դատարանում, դռնբաց դատական նիստում քննության առնելով քրեական գործն ըստ մեղադրանքի Արտակ Ումրշատի Ազիզյանի` ՀՀ քրական օրենսգրքի 268 հոդվածի 1-ին մասով

Պ Ա Ր Զ Ե Ց

Արտակ Ումրշատի Ազիզյանին (ծնված 09.03.1960թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, աշխատում է ՀՀ ԱՆ ՔԿՎ ՙՍևան՚ ՔԿՀ-ում որպես սոցիալական, հոգեբանական և իրավական աշխատանքների բաժնի գլխավոր մասնագետ, կոչումով արդարադատության փոխգնդապետ, նախկինում չդատված, բնակվում է Երևան քաղաքի, Նորագավիթի 6-րդ փողոցի թիվ 19ա տանը, խափանման միջոց է ընտրվել ստորագրություն չհեռանալու մասին) մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով այն բանի համար, որ վերջինս նախաքննությամբ չպարզված հանգամանքներում, առանց իրացնելու նպատակի, ապօրինի ձեռք է բերել, պահել և 2008թվականի դեկտեմբերի 5-ին ՀՀ ԱՆ ՔԿՎ ՙՍևան՚ քրեակատարողական հիմնարկին պատկանող ծառայողական ՙՊԱԶ-4234՚ մակնիշի 028 ՏՏ 03 պ/հ ավտոբուսով աշխատանքի գնալիս ծառայողական համազգեստի գլխարկի ծալքում թաքցնելու միջոցով փոխադրել է զգալի չափի` 0.63 գրամ ՙչորացված մարիխուանա՚ տեսակի թմրամիջոց, որը նույն օրը հայտնաբերվել է և առգրավվել է վերջինիս մոտից:
Մինչև գործի դատաքննությունն սկսելը ամբաստանյալ Արտակ Ազիզյանը դիմում է ներկայացրել դատարան խնդրելով իր նկատմամբ կիրառել ՀՀ ԱԺ 19.06.2009թ-ի համաներում հայտարարելու մասին որոշումը, քանի որ ինքը կատարել է արարք նախատեսված ՀՀ քրեական օրենսգրքի 268 հոդվածի 1-ին մասով:
Մեղադրողը ամբաստանյալ Ա.Ազիզյանի դիմումի դեմ չառարկեց և իր հերթին դատարանին միջնորդեց ամբաստանյալի նկատմամբ կիրառել ՀՀ ԱԺ 19.06.2009թվականի համաներում հայտարարելու մասին որոշումը և քրեական գործի վարույթը կարճել:
Համաձայն ՀՀ ԱԺ 19.06.2009թ-ի համաներում հայտարարելու մասին որոշման 5-րդ կետի 1-ին) ենթակետի, նյութերով քրեական հետապնդում չհարուցել և քրեական հետապնդում չիրականացնել, ինչպես նաև կարճել այն անձանց կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող` մինչև 2009 թվականի հունիսի 1-ը կատարած հանցագործություններով քրեական գործերը, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում:
Ա.Ազիզյանը հանցագործությունը կատարել է 2008թվականի դեկտեմբերի 5-ին և նրան մեղադրանք է առաջադրվել ՀՀ քրեական օրենսգրքի 268 հոդվածի 1-ին մասով, որի սանկցիան նախատեսում է կալանք առավելագույնը երկու ամիս ժամկետով, կամ ազատազրկում առավելագույնը մեկ տարի ժամկետով:
Դատարանը հիմք ընդունելով ՀՀ ԱԺ 19.06.2009թ-ի համաներում հայտարարելու մասին որոշման 5-րդ կետի 1-ին) ենթակետը և նկատի ունենալով, որ Ա.Ազիզյանը հանցագործությունը կատարել է 2008թվականի դեկտեմբերի 5-ին և մեղադրվում է ՀՀ քրեական օրենսգրքի 268 հոդվածի 1-ին մասով, որի սանկցիան նախատեսում է կալանք առավելագույնը երկու ամիս ժամկետով, կամ ազատազրկում առավելագույնը մեկ տարի ժամկետով, գտավ, որ վերոհիշյալ որոշումը Ա.Ազիզյանի նկատմամբ կիրառելի է և նրա վերաբերյալ քրեական գործի վարույթը պետք է կարճել, դադարեցնելով քրեական հետապնդումը:
Իրեղեն ապացույցների հարցը քննելիս դատարանը, գտավ, որ իրեղեն ապացույց ճանաչված և ՀՀ հատուկ քննչական ծառայության իրեղեն ապացույցների սենյակում պահվող 0.63 գրամ ՙՄարիխուանա՚ տեսակի թմրամիջոցը պետք է ոչնչացնել, իսկ քրեակատարողական վարչության աշխատակցի համազգեստի գլխարկը և մեկ զույգ կոշիկը` վերադարձնել Արտակ Ազիզյանին:
Վերոգյալների հիման վրա և ղեկավարվելով ՀՀ քրեական դատավարության օրենսգրքի 313 հոդվածով, 35 հոդվածի 1-ին կետի 13 ենթակետով և ՀՀ ԱԺ 19.06.2009թ-ի համաներման ակտով դատարանը


Ո Ր Ո Շ Ե Ց

Արտակ Ումրշատի Ազիզյանի նկատմամբ կիրառել ՀՀ ԱԺ 19.06.2009թվականի համաներում հայտարարելու մասին որոշման 5-րդ կետի 1-ին) ենթակետը և Ա.Ազիզյանի նկատմամբ ՀՀ քրեական օրենսգրքի 268 հոդվածի 1-ին մասով քրեական գործի վարույթը կարճել, դադարեցնելով վերջինիս նկատմամբ քրեական հետապնդումը:
Ա.Ազիզյանի նկատմամբ ընտրված խափանման միջոցը` ստորագրություն չհեռանալու մասին վերացնել:
Իրեղեն ապացույց ճանաչված և ՀՀ հատուկ քննչական ծառայության իրեղեն ապացույցների սենյակում պահվող 0.63 գրամ ՙՄարիխուանա՚ տեսակի թմրամիջոցը ոչնչացնել, իսկ քրեակատարողական վարչության աշխատակցի համազգեստի գլխարկը և մեկ զույգ կոշիկը` վերադարձնել Արտակ Ազիզյանին:
Որոշումը կարող է բողոքարկվել ՀՀ վերաքննիչ քրեական դատարան, այն հրապարակվելու օրվանից հետո մեկամսյա ժամկետում:



ԴԱՏԱՎՈՐ` Ս.ՈՒԶՈՒՆՅԱՆ