Գործ ԵԱՆԴ 0024/01/09



Դ Ա Տ Ա Վ Ճ Ի Ռ

Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

21 օգոստոսի 2009 թվական քաղաք Երևան

Երևան քաղաքի Ավան և Նոր Նորք համայնքների ընդհանուր իրավասության դատարանը`
Նախագահությամբ` դատավոր Սամվել Ուզունյանի
Քարտուղարությամբ` Լիլիթ Նազարյանի
Մասնակցությամբª
Մեղադրող` Գոռ Շահբազյանի

Դռնբաց դատական նիստում, դատարանում, քննեց քրեական գործն ըստ մեղադրանքի` ԳՐԻԳՈՐ ՌՈՒԲԵՆԻ ՀԱՍՐԱԹՅԱՆԻ ծնված 30.01.1973թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում չդատապարտված, հաշվառված բնակվել է Երևան քաղաքի, Ֆրունզեի փողոցի 6/7 շենքի թիվ 30 բնակարանում:
Արգելանքի տակ է 2008թվականի հոկտեմբերի 27-ից, խափանման միջոց է ընտրվել կալանքը:
Մեղադրվում է ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով և 266 հոդվածի 4-րդ մասով:

Պ Ա Ր Զ Ե Ց
I

1. Գործի դատավարական նախապատմությունը.

Երևանի Նոր Նորքի քննչական բաժնի կողմից 22.10.2008 թվականին հարուցվել է թիվ 17127608 քրեական գործը:
Երևան քաղաքի, մայիսի 9-ի փողոցի 4/3 շենքի թիվ 2 բնակարանի բնակիչ` Կարեն Շահինյանը 2008թ-ի սեպտեմբերին իրենց հարակից շենքի բնակիչ` Սունիկ Հալաջյանից առանց իրացնելու նպատակի ապօրինի ձեռք է բերել խոշոր չափի` 0.7 գրամ քաշով ափիոն տեսակի թմրամիջոց և գործածել այն` կուլ տալու եղանակով: 2008թ-ի սեպտեմբեր ամսից մինչև հոկտեմբեր ամիսն ընկած ժամանակահատվածը Կ.Շահինյանը կրկին անգամ, յուրաքանչյուր դեպքում 20.000 ՀՀ դրամով Ս.Հալաջյանից ապօրինի ձեռք է բերել խոշոր չափի` 0.6 գրամ չոր քաշով ափիոն տեսակի թմրամիջոց, որը կրկին գործածել է կուլ տալու եղանակով: Նույն ժամանակահատվածում իրենց շենքի բակում Կ.Շահինյանը հանդիպել է իր վաղեմի ծանոթ` Գրիգոր Հասրաթյանին, որն էլ զգալով, որ Կ.Շահինյանը թմրանյութի ազդեցության տակ է, ցանկություն է հայտնել նույնպես թմրամիջոց գործածել և Կ.Շահինյանը խոստանալով աջակցել նրան թմրամիջոցի ձեռք բերման հարցում` Ս.Հալաջյանից իրացնելու նպատակով ապօրինի ձեռք է բերել և նույն շենքի բակում 20.000 ՀՀ դրամով Գ.Հասրաթյանին ապօրինի իրացրել է 0.6 գրամ քաշով ափիոն տեսակի թմրամիջոց և 1մլ ծավալով քացախաթթվի անհիդրիդ: 2008թ-ի սեպտեմբերի կեսերից մինչև 2008թ-ի հոկտեմբերի 21-ը ընկած ժամանակահատվածում, Կ.Շահինյանը, իրացնելու նպատակով, 10 անգամ` յուրաքանչյուր դեպքում խոշոր չափի` 0.6 գրամ քաշով, Ս.Հալաջյանից ապօրինի ձեռք է բերել ափիոն տեսակի թմրամիջոց և թմրամիջոցի պատրաստման համար պրեկուրսոր հանդիսացող 1մլ ծավալով քացախաթթվի անհիդրիդ և նույն ժամանակահատվածում դրանք ապօրինի իրացրել է Գ.Հասրաթյանին: 2008թ-ի հոկտեմբերի 21-ին Կ.Շահինյանից ապօրինի ձեռք բերված խոշոր չափի` 0.6 գրամ քաշով ափիոն տեսակի թմրամիջոցից` 0.315 գրամ ափիոն տեսակի թմրամիջոցը և 1մլ ծավալից` 0.6 մլ ծավալով քացախաթթվի անհիդրիդը նույն օրը հայտնաբերվել են ոստիկանության աշխատակիցների կողմից` Գ.Հասրաթյանի անձնական զննության արդյունքում: Հաջորդ օրը` 2008թ-ի հոկտեմբերի 22-ին Կ.Շահինյանը բերման է ենթարկվել ոստիկանության Նոր Նորք բաժին, որտեղ վերջինիս անձնական զննության արդյունքում հայտնաբերվել է խոշոր չափի` 1.590 գրամ քաշով ափիոն տեսակի թմրամիջոց և 0.5 մլ ծավալով թմրամիջոցի պատրաստման համար պրեկուրսոր հանդիսացող քացախաթթվի անհիդրիդ, որոնք 21.10.2008թ-ին Կ.Շահինյանն առանց իրացնելու նպատակի ապօրինի ձեռք էր բերել Ս.Հալաջյանից` իր իսկ օգտագործման համար:
Նույն ժամանակահատվածում` 2008թ-ի սեպտեմբերից մինչև նույն թվականի հոկտեմբերի 20-ը Կ.Շահինյանը Ս.Հալաջյանից իրացնելու նպատակով կրկին անգամ, ընդհանուր 9 դեպքով, յուրաքանչյուր անգամ 0.2 գրամ քաշով ափիոն տեսակի թմրամիջոց է ձեռք բերել և ապօրինի իրացրել Ալբերտ Մուրադյանին:
02.04.2009 թվականին Կարեն Շահինյանի և Գրիգոր Հասրաթյանի վերաբերյալ քրեական գործը մեղադրական եզրակացությամբ ուղարկվել է դատարան:
Դատարանը 21.08.2009թ-ի որոշմամբ թիվ 17127608 քրեական գործից անջատել է Կարեն Գագիկի Շահինյանի մասը, իսկ նույն օրվա մեկ այլ որոշմամբ նրա նկատմամբ նշանակել է կրկնակի ստացիոնար դատահոգեբուժական փորձաքննություն:

2. Ապացույցների գնահատում և հետազոտում.

Դատաքննությամբ հետազոտված ապացույցներով դատարանը հաստատված համարեց, որ Գրիգոր Հասրաթյանը առանց իրացնելու նպատակի 2008թ-ի սեպտեմբերի կեսերից հետո մինչև 2008թ-ի հոկտեմբերի 21-ն ընկած ժամանակահատվածը, 3 օրը մեկ հաճախականությամբ, կրկին անգամ Կարեն Շահինյանից յուրաքանչյուր դեպքով ապօրինի ձեռք է բերել, պահել խոշոր չափի` 0.6 գրամ քաշով ափիոն տեսակի թմրամիջոց ու թմրամիջոցի պատրաստման համար պրեկուրսոր հանդիսացող 1 մլ. ծավալով քացախաթթվի անհիդրիդ, իսկ 2008թ-ի հոկտեմբերի 21-ին Կ.Շահինյանից ապօրինի ձեռք բերված խոշոր չափի` 0.6 գրամ քաշով ափիոն տեսակի թմրամիջոցից` 0.315 գրամ ափիոն տեսակի թմրամիջոցը և 1 մլ ծավալից` 0.6մլ ծավալով քացախաթթվի անհիդրիդը նույն օրը հայտնաբերվել են Գ.Հասրաթյանի անձնական զննության արդյունքում:
ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով և 266 հոդվածի 4-րդ մասով առաջադրված մեղադրանքում Գրիգոր Հասրաթյանը իրեն մեղավոր ճանաչեց լիովին և օգտվելով իր դատավարական իրավունքից հրաժարվեց ցուցմունք տալուց և խնդրեց հիմք ընդունել իր նախաքննության ընթացքում տված ցուցմունքները այն մասին, որ 2008թ-ի սեպտեմբերի սկզբին իրենց` Ֆրունզեի փողոցի 6/7 շենքի բակում հանդիպել է իր ծանոթ` Կարեն Շահինյանին և զգալով, որ նա գտնվում է թմրանյութի ազդեցության տակ, խնդրել է վերջինիս իր համար թմրամիջոց ձեռք բերել: Վերջինս խոստացել է օգնել այդ հարցում և ինքը նրան տվել է 20.000 ՀՀ դրամ և պայմանավորվածության համաձայն նույն օրը մի քանի ժամ անց հանդիպել է Կ.Շահինյանին, որն էլ իրեն փոխանցել է 0.6 գրամ չոր քաշով ափիոն տեսակի թմրամիջոց և 1մլ ծավալով քացախաթթվի անհիդրիդ: Դրանից հետո նախնական պայմանավորվածության համաձայն մինչև 2008թ-ի հոկտեմբերի 21-ն ընկած ժամանակահատվածը 3 օրը մեկ հաճախականությամբ, 10 անգամ, Կ.Շահինյանից յուրաքանչյուր դեպքով ձեռք է բերել 0.6 գրամ քաշով ափիոն տեսակի թմրամիջոց և 1մլ ծավալով քացախաթթվի անհիդրիդ: 2008թ-ի հոկտեմբերի 21-ին Կ.Շահինյանից կրկին 20.000 ՀՀ դրամով ձեռք է բերել նույն չափի` այսինքն 0.6 գրամ քաշով ափիոն տեսակի թմրամիջոց և 1մլ ծավալով քացախաթթվի անհիդրիդ, որի մի մասը միայնակ գործածել է իր բնակարանում: Ափիոն տեսակի թմրամիջոցի մնացած մասը փաթեթավորել է և դրել իր հագին գտնվող սպորտային անդրավարտիքի աջ գրպանում, իսկ քացախաթթվի անհիդրիդը` ձախ ոտքի գուլպայի մեջ և տաքսի ավտոմեքենայով ուղևորվել է դեպի Շահումյանի գերեզմանատուն` այնտեղ թմրամիջոցը գործածելու համար, սակայն ճանապարհին Լենինգրադյան փողոցի 35 շենքի մոտից, ոստիկանության աշխատակիցներն իրեն բերման են եթարկել ոստիկանության Նոր Նորք բաժին, որտեղ ընթերակաների ներկայությամբ ենթարկվել է անձնական զննության, որի ընթացքում իր մոտից հայտնաբերվել է մոտ 0.3 գրամ ափիոն տեսակի թմրամիջոց և մոտ 1մլ ծավալի քացախաթթվի անհիդրիդ:
Կատարված գործողության մասին կազմվել է համապատասխան արձանագրություն, որի ճշտությունը հաստատել է ինքն իր ստորագրությամբ:
Գ.Հասրաթյանը հայտնեց, որ ընդունում է կատարած արարքը, զղջում է դրա համար և խնդրեց իր նկատմամբ որքան հնարավոր է մեղմ վարվել:
Ամբաստանյալի ինքնախոստովանական ցուցմունքներից բացի, նրա կատարած հանցանքը հաստատվել է նաև դատաքննությամբ հետազոտված հետևյալ ապացույցներով.
Ամբաստանյալ Կարեն Շահինյանի նախաքննության ընթացքում որպես կասկածյալ, այնուհետև որպես մեղադրյալ տրված ցուցմունքներով այն մասին, որ 2008թ-ի սեպտեմբերին Ֆրունզեի փողոցում հանդիպել է իր վաղեմի ծանոթ` Գրիգոր Հասրաթյանին, որն էլ զգալով, որ ինքը գտնվում է թմրանյութի ազդեցության տակ ցանկություն է հայտնել թմրամիջոց գործածելու: Ինքը խոստացել է աջակցել նրան և պայմանավորվածության համաձայն նույն օրը հանդիպել է Գ.Հասրաթյանին` Ֆրունզեի փողոցի 6/7 շենքի բակում և նրան 20.000 ՀՀ դրամով իրացրել է 0.6 գրամ քաշով ափիոն տեսակի թմրամիջոց և 1մլ ծավալի քացախաթթվի անհիդրիդ: Դրանից հետո 3 օրը մեկ հաճախականությամբ, նախապես պայմանավորվածության համաձայն, ընդհանուր 10 անգամ, յուրաքանչյուր դեպքով Գ.Հասրաթյանին 20.000 ՀՀ դրամով իրացրել է 0.6 գրամ քաշով ափիոն տեսակի թմրամիջոց և 1մլ ծավալի քացախաթթվի անհիդրիդ: Վերջին անգամ Գ.Հասրաթյանին կրկին 20.000 ՀՀ դրամով իրացրել է նույնչափ ափիոն տեսակի թմրամիջոց և քացախաթթվի անհիդրիդ 2008թ-ի հոկտեմբերի 21-ին:
Վկա Սամվել Մովսիսյանի ցուցմունքով այն մասին, որ ունի անձնական օգտագործման ՙՍամանդ՚ մակնիշի 13 ՕՕ 361 պ/հ ավտոմեքենա և երբեմն նշված ավտոմեքենայով իրականացնում է մարդկանց տեղափոխում: 2008թ-ի հոկտեմբերի 21-ին, Գ.Նժդեհի փողոցով երթևեկելու ընթացքում իր ավտոմեքենան կանգնեցրել է անծանոթ մի տղամարդ և խնդրել է իրեն տեղափոխել ՙՍեբաստիա՚ հյուրանոցի մոտ, որին ինքը համաձայնվել է և ուղևորվել պատվիրված վայր: Ճանապարհին` ՙՍեբաստիա՚ հյուրանոցի մատակայքում իր ավտոմեքենան կանգնեցրել են ոստիկանության աշխատակիցները և իրեն` պատվիրատուի հետ միասին բերման ենթարկել ոստիկանության Նոր Նորք բաժին, որտեղ էլ տեղեկացել է, որ իր պատվիրատուի` իրեն հայտնի դարձած Գրիգոր Հասրաթյանի մոտից հայտնաբերվել է թմրանյութ:
Վկաներ` Խաչիկ Արշակյանի և Գևորգ Ահարոնյանի նախաքննության ընթացքում տված նույնաբովանդակ ցուցմունքներով այն մասին, որ 2008թ-ի հոկտեմբերի 21-ին ոստիկանության աշխատակիցների կողմից հրավիրվել են ոստիկանության Նոր Նորք բաժին` Գրիգոր Հասրաթյանի անձնական զննությանը որպես ընթարականեր մասնակցելու համար: Իրենց ներկայությամբ ոստիկանության աշխատակիցները անձնական զննության են ենթարկել Գ.Հասրաթյանին, որի ընթացքում վերջինիս հագի սև գույնի սպորտային անդրավարտիքի աջ գրպանից հայտնաբերվել է սպիտակ գույնի թղթում փաթեթավորված մուգ շականակագույն զանգված, իսկ ձախ գուլպայի միջից` 3մլ տարողության ներարկիչ` անգույն սուր հոտով հեղուկի պարունակությամբ, որոնց կապակցությամբ հայտարարել է, որ նշված զանգվածը ափիոն տեսակի թմրամիջոց է, անգույն հեղուկը` քացախաթթվի անհիդրիդ, որոնք պատկանում են իրեն և նույն օրը դրանք ձեռք է բերել Մայիսի 9 փողոցի բնակիչ` Կարենից, այսինքն Կարեն Շահինյանից:
Գ.Հասրաթյանի մոտ հայտնաբերված մուգ շականակագույն զանգվածը և 3 մլ տարողության ներարկիչը փաթեթավորվել և կնիքվել են, որպիսի գործողության վերաբերյալ կազմվել է համապատասխան արձանագրություն, որի ճշտությունը հաստատվել է իրենց, Գ.Հասրաթյանի և ոստիկանության աշխատակիցների ստորագրություններով:
Գ.Հասրաթյանին անձնական զննության ենթարկելու արձանագրությամբ այն մասին, որ 2008թ-ի հոկտեմբերի 21-ին, Գ.Հասրաթյանի անձնական զննությամբ նրա հագի սև գույնի սպորտային անդրավարտիքի աջ գրապանից հայտնաբերվել է սպիտակ գույնի թղթում փաթեթավորված մոտ 0.3 գրամ քաշով մուգ շականակագույն զանգվածի, իսկ ձախ գուլպայի միջից` 3 մլ տարողության ներարկիչ` մոտ 1մլ ծավալի անգույն սուր հոտով հեղուկի պարունակությամբ: Հայտնաբերվածի կապակցությամբ Գ.Հասրաթյանը հայտարարել է, որ նշված զանգվածը ափիոն տեսակի թմրամիջոց է, անգույն հեղուկը` քացախաթթվի անհիդրիդ, որոնք նույն օրը ձեռք է բերել Մայիսի 9 փողոցի բնակիչ` Կարենից և պատկանում է իրեն:
Դատաքիմիական փորձաքննության թիվ 08-1359 եզրակացությամբ այն մասին, որ Գրիգոր Հասրաթյանի անձնական զննությամբ հայտնաբերված և փորձաքննության ներկայացված 0.315 գրամ քաշով մուգ շականակագույն զանգվածը հանդիսանում է ափիոն տեսակի թմրամիջոց, ներարկիչում առկա անգույն հեղուկն իրենից ներկայացնում է 0.6մլ քացախաթթվի անհիդրիդ:
Դատանարկոլոգիական փորձաքննության թիվ 224/08 եզրակացությամբ այն մասին, որ Գրիգոր Հասրաթյանի մոտ թմրամիջոցի գործածումը կրում է էպիզոդիկ բնույթ, որի համար հարկադիր բուժման կարիք չունի:
Դատաքիմիական փորձաքննության թիվ 0660 եզրակացությամբ այն մասին, որ Գրիգոր Հասրաթյանից վերցված մեզի փորձանմուշում հայտնաբերվել են ափիոնի խմբի թմրամիջոցի թմրալկալոիդներ:
Իրեղեն ապացույց ճանաչելու և քրեական գործին կցելու մասին որոշման համաձայն, Կ.Շահինյանի անձնական զննությամբ հայտնաբերված 1.590 գրամ ընդհանուր քաշով ափիոն տեսակի թմրամիջոցը, 0.5մլ ծավալով քացախաթթվի անհիդրիդը և Գ.Հասրաթյանի անձնական զննությամբ հայտնաբերված 0.315 գրամ քաշով ափիոն տեսակի թմրամիջոցը, 0.6մլ ծավալով քացախաթթվի անհիդրիդը ճանաչվել են իրեղեն ապացույցներ և կցվել են քրեական գործին:
Դատարանը գնահատելով հետազոտված ապացույցները, գտավ, որ Գրիգոր Հասրաթյանը կատարել է արարքներ, որոնք պարունակում են հանցակազմ նախատեսված ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով և 266 հոդվածի 4-րդ մասով, դրանք որակված են ճիշտ և Գ.Հասրաթյանը պետք է ենթարկվի քրեական պատասխանատվության այդ հոդվածներով:

3. Դատարանի իրավական վերլուծությունները.

Պատիժ նշանակելիս դատարանը հաշվի է առել կատարված հանցագործության բնույթը, հանրության համար վտանգավորության աստիճանը, ինչպես նաև ամբաստանյալի անձը:
Դատարանը որպես պատասխանատվությունը և պատիժը մեղմացնող հանգամանքներ է դիտել այն, որ Գ.Հասրաթյանը իրեն մեղավոր է ճանաչել և անկեղծորեն զղջացել է կատարած արարքների համար, երիտասարդ է, բնութագրվում է դրական և նախկինում արատավորված չի եղել:
Դատարանը Գրիգոր Հասրաթյանի պատասխանատվությունը և պատիժը ծանրացնող հանգամանքներ չգտավ:
Իրեղեն ապացույցների հարցը քննելիս դատարանը գտավ, որ իրեղեն ապացույցների հարցին պետք է անդրադառնալ թիվ 17127608 քրեական գործից անջատված` Կարեն Գագիկի Շահինյանի մասով:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-373 հոդվածներով, դատարանը

Վ Ճ Ռ Ե Ց

ԳՐԻԳՈՐ ՌՈՒԲԵՆԻ ՀԱՍՐԱԹՅԱՆԻՆ մեղավոր ճանաչել ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով և 266 հոդվածի 4-րդ մասով:
ՀՀ քրեական օրենսգրքի 268 հոդվածի 2-րդ մասի 1-ին, 2-րդ կետերով պատիժ նշանակել ազատազրկում 10 /տաս/ ամիս ժամկետով, իսկ 266 հոդվածի 4-րդ մասով` տուգանք նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով:
ՀՀ քրեական օրենսգրքի 66 հոդվածի կիրառմամբ նշանակված պատիժները լրիվ գումարելու միջոցով, Գ.Հասրաթյանի նկատմամբ վերջնական պատիժ նշանակել ազատազրկում 10 /տաս/ ամիս ժամկետով և տուգանք նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով:
Գ.Հասրաթյանի պատժի սկիզբը հաշվել 2008թվականի հոկտեմբերի 27-ից:
Գ.Հասրաթյանը պատիժը պետք է կրի ՀՀ ԱՆ համապատասխան քրեակատարողական հիմնարկում:
Գ.Հասրաթյանի նկատմամբ խափանման միջոց ընտրված կալանքը թողնել անփոփոխ մինչև ազատազրկման ձևով նշանակված պատժի ժամկետի կրման ավարտը` 2009թ-ի օգոստոսի 27-ը, իսկ դրանից հետո նրա նկատմամբ խափանման միջոց ընտրել ստորագրություն չհեռանալու մասին մինչև դատավճռի օրինական ուժի մեջ մտնելը:
Իրեղեն ապացույցների հարցին անդրադառնալ թիվ 17127608 քրեական գործից անջատված` Կարեն Գագիկի Շահինյանի մասով:
Դատավճիռը կարող է բողոքարկվել ՀՀ վերաքննիչ քրեական դատարան, հրապարակվելու օրվանից հետո մեկամսյա ժամկետում:


ԴԱՏԱՎՈՐ` Ս.ՈՒԶՈՒՆՅԱՆ