ԵԱՆԴ0023/01/09

Դ Ա Տ Ա Վ Ճ Ի Ռ
Հ Ա Ն ՈՒ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ ՈՒ Թ Յ Ա Ն

ՙ05՚ հոկտեմբեր 2009թ. Երևան քաղ.

Երևան քաղաքի Ավան և Նոր Նորք համայնքների ընդհանուր իրավասության դատարանըª

նախագահությամբ` դատավոր Ս. Մնացականյանի
քարտուղարությամբ` Ա. Սարգսյանի
մասնակցությամբ`
մեղադրող Մ. Ենգիբարյանի
պաշտպանª Ռ. Սիրեկանյանի
տուժողի ներկայացուցիչ` Լ. Մնոյանի
տուժողներ` Հ. Ադամյանի, Հ. Կարապետյանի
Ա. Ավագյանի, Վ. Վարդանյանի
Ա. Գալստյանի

Դռնբաց դատական նիստում, քննեց քրեական գործն ըստ մեղադրանքի Լևոն Հարությունի Ներկարարյանի /ծնված 11 մայիսի 1970 թվականին, Երևան քաղաքում, ազգությամբª հայ, ՀՀ քաղաքացի, միջնակարգ-մասնագիտական կրթությամբ, ամուսնացած, նախկինում դատապարտված, հաշվառված է Ռուսաստանի Դաշնության Օրենբուրգ քաղաք, Նովոսյոլով փողոց, 53 շենքում, բնակվում է` Երևան քաղաք, Նոր-Նորք 2-րդ զանգված, 50/1 շենք, 22 բնակարանում/ ՀՀ քրեական օրենսգրքի 178 հոդվածի 3-րդ մասի 1-ին և 3-րդ կետերով, նրա նկատմամբ որպես խափանման միջոց ընտրվել է կալանաքª 09 դեկտեմբերի 2008 թվականին:

1. Գործի դատավարական նախապատմությունը.

Նոր Նորք քննչական բաժնում 09.12.2008 թվականին Լևոն Հարությունի Ներկարարյանի կողմից Ավագ Ավագյանից խաբեությամբ խոշոր չափի գումար հափշտակելու փաստի առթիվ հարուցվել է թիվ 17132208 քրեական գործ` ՀՀ քրեական օրենսգրքի 178 հոդվածի 2-րդ մասի 2-րդ կետով:
2008 թվականի դեկտեմբերի 12-ին Լևոն Հարությունի Ներկարարյանը 17132208 քրեական գործով ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 178 հոդվածի 3-րդ մասի 1-ին և 3-րդ կետերի հատկանիշներով:
2009 թվականի մարտի 10-ին թիվ 17132208 քրեական գործով մեղադրյալ Լևոն Հարությունի Ներկարարյանին առաջադրված մեղադրանքը փոփոխվել և լրացվել է` նրան առաջադրելով մեղադրանք` ՀՀ քրեական օրենսգրքի 178 հոդվածի 3-րդ մասի 1-ին և 3-րդ կետերի հատկանիշներով` այն բանի համար, որ նա նախկինում 2 անգամ գույքի հափշտակություն կատարելու համար դատապարտված լինելով, դատվածությունը չմարված, հանդիսանալով ՙԱվտոսենկա՚ ՍՊԸ տնօրեն գործով` տուժող Ավագ էդիկի Ավագյանի անձնական վարորդ և տեղյակ լինելով, որ վերջինիս եղբայր` Գագիկ Ավագյանը ՙՎարդաշեն՚ քրեակատարողական հիմնարկի կալանավոր է, 2008թ. սեպտեմբերին, խաբեությամբ և վստահությունը չարաշահելու եղանակով, վերջինիս մեղադրանքը և խափանման միջոցը փոփոխելու, ինչպես նաև գրավ կիրառելով ազատ արձակելու համար կաշառք տալու պատրվակով Ավագ Ավագյանից վերցրել է 2000 /երկու հազար/ ԱՄՆ դոլարին համարժեք 606.000 /վեց հարյուր վեց հազար/ ՀՀ դրամ կանխիկ գումար և հափշտակել այն։
Այնուհետև, 2008թ. սեպտեմբերի 15-ին, ՀՀ ոստիկանության Երևան քաղաքի վարչության ՁԱՊՎ-ի առջև ծանոթանալով սույն քրեական գործով տուժող` Հայկ Հրանտի Կարապետյանի հետ ու նրանից տեղեկանալով, որ նրա որդին` Արամ Հայկի Կարապետյանը, 2008թ. սեպտեմբերի 9-ին ՙՄելլաթ՚ բանկ ՓԲԸ-ից առանձնապես խոշոր չափերի` 80.000 ԱՄՆ դոլար և 14.700 Եվրո գումարների գողություն կատարելու համար մեղադրվում է ՀՀ քրեական օրենսգրքի 177 հոդվածի 3-րդ մասի 1-ին կետով և 308 հոդվածի 1-ին մասով և գտնվում է ՙՎարդաշեն՚ քրեակատարողական հիմնարկում: Հայկ Հրանտի Կարապետյանից նրա որդուն` ՙՎարդաշեն՚ ՔԿՀ կալանավոր Արամ Հայկի Կարապետյանին դատարանի դահլիճից ազատ արձակելու համար, կաշառք տալու պատրվակով, խաբեությամբ և վստահությունը չարաշահելու եղանակով Հ.Կարապետյանից մաս-մաս վերցրել է 4.545.000 /չորս միլիոն հինգ հարյուր քառասունհինգ հազար/ ՀՀ դրամին համարժեք 15.000 ԱՄՆ դոլար կանխիկ գումար և հափշտակել այն:
Այնուհետեև, 2008թ. սեպտեմբերի սկզբներին, ՙԿարկոմ Ավտո՚ ՍՊԸ ավտոմեքենաների վաճառքի հրապարակում ծանոթանալով տուժող` Սասաննա Միսակի Օրդուխանյանի հետ և պարզելով, որ վերջինս ցանկանում է գնել 2005թ. արտադրության ՙՖոլկսվւսգեն Տուարեգ՚ մակնիշի ավտոմեքենա, վերջինիցս խաբեությամբ գումար հափշտակելու նպատակով ներկայացել է որպես ՙԿարկոմ Ավտո՚ ՍՊԸ-ի աշխատող և վերը նշված մակնիշի և արտադրության տարեթվի ավտոմեքենա բերելու և վերջինիս վաճառելու պատրվակով, խաբեությամբ և վստահությունը չարաշահելու եղանակով, 2008թ. սեպտեմբերի 12-ին որպես կանխավճար Ս. Օրդուխանյանից վերցրել է 543.600 /հինգ հարյուր քառասուներեք հազար վեց հարյուր/ ՀՀ դրամին համարժեք 1800 /հազար ութ հարյուր/ ԱՄՆ դոլար կանխիկ գումար, որից 151.000 /հարյուր հիսունմեկ հազար/ ՀՀ դրամին համարժեք 500 /հինգ հարյուր/ ԱՄՆ դոլարը վերադարձրել է Ս. Օրդուխանյանին, իսկ 394.000 /երեք հարյուր իննսունչորս հազար/ ՀՀ դրամին համարժեք 1300 /հազար երեք հարյուր/ ԱՄՆ դոլարը հափշտակել է:
Այնուհետև, 2008թ. նոյեմբերի սկզբներին, Գարեգին Գարիկի Հարությունյանից տեղեկանալով, գործով տուժող` Հովսեփ Ռուբենի Ադամյանը ցանկանամ է Գ. Հարությունյանից գնել նրա ՙՎազ 21104-110՚ մակնիշի 17 ԼՕ 848 պետհամարանիշի ավտոմեքենան և ցանկանալով խաբեությամբ և վստահությունը չարաշահելու եղանակով գումար հափշտակել, Գ. Հարությունյանին և Հ. Ադամյանին ներկայանալով որպես ՙԿարկոմ Ավտո՚ ՍՊԸ վարկային բաժնի աշխատող, ապառիկ կարգով ավտոմեքենայի առքուվաճառք ձևակերպելու պատրվակով Հ. Ադամյանից վերցրել է 600.000 /վեց հարյուր հազար/ ՀՀ դրամ գումար և հափշտակել այն:
Դրանից հետո, 2008թ. նոյեմբերի սկզբներին տուժող` Վարդան Արամայիսի Վարդանյանին ևս ներկայանալով ՙԿարկոմ Ավտո՚ ՍՊԸ վարկային բաժնի աշխատող, ապառիկ կարգով ավտոմեքենայի առքուվաճառք ձևակերպելու պատրվակով Վ. Վարդանյանից խաբեությամբ վերցրել է 1850 ԱՄՆ դոլարին համարժեք` 560.550 /հինգ հարյուր վաթսուն հազար հինգ հարյուր հիսուն/ ՀՀ դրամ կանխիկ գումար և հափշտակել այն:
Բացի այդ, 2008թ. սեպտեմբեր ամսին ՙՎարդաշեն՚ քրեակատարողական հիմնարկի ՊԱԲ առաջատար մասնագետ, գործով` տուժող Արա Շահենի Գալստյանին 1.2 մ3 ծավալով ավտոմեքենայի գազի բալոն վաճառելու պատրվակով վերջինիցս վերցրել է 100.000 ՀՀ դրամ կանխիկ գումար և հափշտակել այն:
30.03.2009 թվականին Լևոն Հարությունի Ներկարարյանի վերաբերյալ քրեական գործը մեղադրական եզրակացությամբ ուղարկվել է դատարան:

2. Ապացույցների հետազոտում և գնահատում.

Դատաքննությամբ հետազոտված ապացույցներով դատարանը հաստատված համարեց ամբաստանյալ Լևոն Հարությունի Ներկարարյանին ՀՀ քրեական օրենսգրքի 178 հոդվածի 3-րդ մասի 1-ին, 3-րդ կետերի հատկանիշներով առաջադրված մեղադրանքը:
Ամբաստայալ Լևոն Հարությունի Ներկարարյանը առաջադրված մեղադրանքում նախնական և դատական քննության ընթացքում իրեն մեղավոր չի ճանաչել և ցանկանալով խուսափել քրեական պատասխանատվությունից ցուցմունքներ է տվել այն մասին, որ 2008թ. սեպտեմբեր ամսվա սկզբներից իր որդու` ՙԿարկոմ ավտո՚ ՍՊԸ-ում աշխատող Հարություն Լևոնի Ներկարարյանի միջոցով ծանոթացել է նույն ՍՊԸ-ի փոխտնօրեն Սևակ Ավետյանի հետ, որի օգնությամբ, որպես մասնավոր վարորդ աշխատանքի է ընդունվել վերջինիս ընկեր` Ավագ էդիկի Ավագյանի մոտ` ամսեկան 150.000 ՀՀ դրամ աշխատավարձով, ինչպես նաև կատարել է տարբեր հանձնարարություններ:
Աշխատանքի ընթացքում Ա.Ավագյանն իրեն տվել է 2000 ԱՄՆ դոլար գումար, որը ինքը պետք է իր մոտ պահեր և հետագայում այն ետ վերադարձներ Ա. Ավագյանին, որպեսզի նա այդ գումարը մուծելով` որպես գրավ, ազատեր իր եղբորը` Գագիկ էդիկի Ավագյանին, նախնական կալանքից, որը գտնվում էր ՙՎարդաշեն՚ քրեակատարողական հիմնարկում։Բացի դա, Ա. Ավագյանը 2008թ. սեպտեմբերին իր խնդրանքով իրեն ևս տվել է 150.000 ՀՀ դրամ գումար, որպեսզի ինքը վճարի իր դուստր` Անի Ներկարարյանի ուսման տարեկան վարձը: 2008թ. հոկտեմբեր ամսվա վերջերին ստույգ օրը չի հիշում ինքը վթարի է ենթարկել Ավագ Ավագյանին պատկանող սև գույնի ՙՏոյոտա Ռավ 4՚ մակնիշի ավտոմեքենան և այն վերանորոգելու նպատակով Ա. Ավագյանի գումարից ծախսել է 500 ԱՍՆ դոլար գումար: Աշխատանքի ընթացքում ինքը մի քանի անգամ Ավագ Ավագյանին ավտոմեքենայով տեղափոխել է ՙԱռեքսիմ բանկ՚ Քանաքեռի մասնաճյուղի կառավարիչ` Կարեն Հարությունյանի և վարկային բաժնի ավագ մասնագ` Վահե Կեսոյանի հետ հանդիպման: Այդ ժամանակ Ա. Ավագյանն իրեն առաջարկել է` անհատ անձանց, 20 տոկոս կանխավճարով, առաջարկել ապառիկ կարգով ավտոմեքենա գնելու գարծարքներ ձևակերպել: Ըստ իր ունեցած տեղեկությունների Ա. Ավագյանը որպես միջնորդ, ստացել է ավտոմեքենաների վաճառքի գործարքը ձևակերպելու արժեքի 5 տոկոսը: Այդ ամիսներին Ա. Ավագյանը իրեն չի վճարել իր կատարած աշխտանքի դիմաց:
2008թ. նոյեմբեր ամսին, Նոր Նորք 6-րդ զանգվածում գտնվող բենզալցակայանում ծանոթանալով բենզին լիցքավորող Գարեգին Հարությունյանի հետ և նրան ներկայանալով որպես ՙԱվտոսենկա՚ ՍՊԸ աշխատող, նրա մոտ թողել է իր հեռախոսահամարը` առաջարկելով ապառիկ կարգով ավտոմեքենաների առքուվաճառք ձևակերպել: Մի քանի օր անց իրեն զանգահարել է Գարեգինը և հայտնել, որ ցանկանամ է ապառիկ կարգով իր ծանոթ Հովսեփ Ադամյանին վաճառել իր ՙՎազ 2110՚ մակնիշի ավտոմեքենան և նրա հետ պայմանավորվելով հանդիպել է Նոր Նորք 2-րդ զանգված, Մոլդովական փողոցում և այնտեղ համաձայնության են եկել, որպեսզի Հովսեփը իրեն որպես կանխավճար տա 600.000 /վեց հարյուր հազար/ ՀՀ դրամ գումար և իր և ավտոմեքենայի փաստաթղթերի պատճեների փաթեթը: Ա. Ավագյանից ճշտելով, որ այդ գործարքը հնարավոր է կատարել, 3 օր անց ՙԱռեքսիմ բանկ՚ Քանաքեռի մասնաճյուղի մոտ, Հովսեփ Ադամյանից վերցրել է 600.000 ՀՀ դրամ գումար և Գ.Հարությունյանի ավտոմեքենայի և Հ. Ադամյանի փաստաթղթերի փաթեթը, որոնք անմիջապես փոխանցել է Ավագ Ավագյանին, որը այդ ժամանակ գտնվել է բանկում:
Դրանից հետո, 2008թ. նոյեմբերի կեսերին, իրեն զանգահարել Է ոմն Վարդան և ներկայանալով որպես Գարեգին Հարությունյանի ծանոթ, իրեն խնդրել է որպեսզի ինքը օգնի նրա կողմից ներկայացված ՙԳազ 31015՚ մակնիշի ավտոմեքենան ապառիկ կարգով գնել: Հաջորդ օրը հանդիպելով Ա. Ավագյանին նրանից ճշտել է, որ այդ գործարքը հնարավոր է իրագործել և հաջորդ օրը ինքը Վարդան Վարդանյանի և ավտոմեքենան վաճառող տղամարդու հետ գնացել է ՀՀ Կենտրոնական բանկ, որտեղ Վ. Վարդանյանն իրեն փոխանցել է փաստաթղթերի փաթեթը և 1850 ԱՄՆ դոլար գումար, և ինքը Կենտրոնական բանկից վերցնելով Վ.Վարդանյանի վարկային պատմության փաստաթուղթը, Հայաստանի Հանրապետության հրապարակում` շատրվանների մոտ, այդ գումարը և փաստաթղթերի փաթեթը փոխանցել է Ա. Ավագյանին: Դրանից հետո Ա. Ավագյանը խուսափել է իր հետ հանդիպումից:
2008թ. սեպտեմբեր ամսին ՙԿարկոմ Ավտո՚ շուկայում հանդիպելով Սուսաննա Օրդուխանյանին և նրանից իմանալով, որ վերջինս ցանկանում է գնել 2005թ. արտադրության ՙՖոլկսվագեն Տուարեգ՚ մակնիշի ավտոմեքենա ասել է, որ ինքը ծանոթներ ունի, որոնք զբաղվամ են ավտոմեքենաների առք ու վաճառքով և կարող է իր նախընտրած` ՙՖոլկսվագեն Տուարեգ՚ մակնիշի ավտոմեքենան գնել 33.000-ից 34.000 ԱՄՆ դոլար արժեքի սահմաններում: 2008թ. սեպտեմբերի 12-ին, ինքը Ս. Օրդուխանյանի հետ հանդիպելով նրա տանը, նրանից առձեռն ստացել է 1800 ԱՄՆ դոլար գումար և գրել ստացական` գումարը ստանալու վերբերյալ: Հետագայում, քանի որ Ս. Օրդուխանյանի նախընտրած մեքենան չի կարողացել բերել, նրան է վերադարձրել 500 ԱՄՆ դոլարը, իսկ 1300 /հազար երեք հարյուր/ ԱՄՆ դոլարը չի վերադարձրել, քանի որ իրեն ձերբակալել են և ինքը չի կարողացել այն վերադարձնել:
2008թ. սեպտեմբեր ամսվա կեսերին, Երեան քաղաքի ՁԱՊՎ-ի առջև ինքը ծանոթացել է Հայկ Կարապետյանի հետ և խոսակցության ընթացքում պարզելով, որ վերջինիս որդին` Արամ Կարապետյանը ձերբակալված է ՙՄելլաթ՚ բանկից առանձնապես խոշոր չափի գումար գողանալու համար, նրան առաջարկել է որոշակի գումարով իր ծանոթների միջոցով նրա որդի Արամ Կարապետյանին ազատ արձակել դատարանի դահլիճից և Հայկ Կարապեայանից այդ նպատակով առձեռն վերցրել է 6800 ԱՄՆ դոլար գումար, սակայն թե ում է տվել այդ գումարը հրաժարվեց հայտնել:
Լևոն Ներկարարյանը ցուցմունք տվեց այն մասին, որ ՙՎարդաշեն՚ ՔԿՀ-ի աշխատակից Արա Գալստյանին 1.2 մ3 ծավալով ավտոմեքենայի գազի բալոն վաճառելու պատրվակով վերցրել է 100.000 ՀՀ դրամ գումար, սակայն չի կարողացել ոչ գազի բալոնը և ոչ էլ գումարը հանձնել Ա. Գալստյանին, քանի որ իրեն ձերբակալել են:

Դատական նիստի արձանագրություն, գ/թ 38-42, 102-104, 105, 116-117, 118-119,
126, 176-178, 187-188, 189-190, 191-192, 193-194, 220:

Դատարանը գտնում է, որ Լևոն Ներկարարյանի պատճառաբանություններն անհիմն են, մտացածին, չեն բխում քրեական գործով ձեռք բեբված փաստերից և նպատակ են հետապնդում խուսափել քրեական պատասխանատվությունից:
Դատարանը Լևոն Ներկարարյանի կողմից կատարած հանցանքները համարեց ապացուցված, հիմնվելով` ինչպես նախնական, այնպես էլ դատական քննությամբ ձեռք բերված ներքոհիշյալ ապացույցների հետազոտության, դրանք համակցության մեջ գնահատելու, բազմակողմանի, լրիվ և օբյեկտիվ ուսումնասիրության քննությամբ:

Տուժող` Ավագ էդիկի Ավագյանի ցուցմունքներով` այն մասին, որ իր եղբայր` Գագիկ էդիկի Ավագյանը 2008թ. սեպտեմբերի 11-ին խոշոր չափերի խարդախություն կատարելու մեղադրանքով կալանավորվել է ՀՀ ՀՔԾ քննիչ` Ա. Գրիգորյանի կողմից և ինքը նյարդային ապրումների պատճառով ի վիճակի չլինելով ավտոմեքենա վարել, իր ընկեր և ազգական ՙԿարկոմ Ավտո՚ ՍՊԸ փոխտնօրեն Սևակ Ավետյանի միջոցով որպես անձնական վարորդ աշխատանքի է ընդունել Լևոն Ներկարարյանին: Ինքը Լ.Ներկարարյանի հետ միասին մի քանի անգամ ուտելիք է տարել ՙՎարդաշեն՚ ՔԿՀ իր եղբոր համար և այդ ընթացքում պարբերաբար լսելով իր զրույցները փաստաբանի հետ` Լ. Ներկարարյանը տեղեկացել է ողջ իրողությանը: 2008թ. սեպտեմբեր ամսվա վերջերին, Լևոնն իր խնդրանքով քննիչ Ա.Գրիգորյանին և փաստաբանին տարել է ՙՎարդաշեն՚ ՔԿՀ իր եղբոր մոտ ու վերադառնալուն պես իրեն պատմել է, որ ՔԿՀ-ի բակում քննիչն իրեն ասել է ՙԼևոն ջան, ես կարող եմ Գագոյի ցուցմունքներին հավատամ, կամ չհավատամ՚ ու դրանից հետո իրեն ասել է նաև, որ ՀՀ ոստիկանության բաժնի պետ Աշոտ Կարապետյանի միջնորդությամբ կարող է այդ հարցերը կարգավորել, եթե ինքը նրան տա 2000 ԱՄՆ դոլար գումար, որի մասին իբրև թե արդեն պայմանավորվել էր քննիչի և Ա.Կարապետյանի հետ: Ինքը հավատալով Լևոնին նրան փոխանցել է 1000 ԱՄՆ դոլար գումար, իսկ մյուս օրը 330.000 ՀՀ դրամ գումար: Նույն օրը Լևոնը զանգահարելով իրեն ասել է, որ գումարը ոստիկանապետ Ա.Կարապետյանի ներկայաթյամբ տվել է քննիչին և Ա. Կարապետյանը երաշխավորել է, որ եղբոր գործերը լավ կլինեն: Որոշ ժամանակ անց` 2008թ. նոյեմբերի 6-ին, ՙՍասունցի Դավիթ՚ մետրոյի կայարանում հանդիպելով Լևոնի հետ պահանջել է որպեսզի նա վերադարձնի գումարը, որ ինքը գրավ վճարի, սակայն Լ. Ներկարարյանը գումարը չի վերադարձրել և խաբեությամբ հափշտակել է այն:
Տուժող` Ավագ Էդիկի Ավագյանը դատարանին ներկայացրել է քաղաքացիական հայց` 2000 /երկու հազար/ ԱՄՆ դոլարին համարժեք ՀՀ դրամի չափով:

Դատական նիստի արձանագրություն, գ/թ19-20, 102-104:

Տուժող` Հովսեփ Ռուբենի Ադամյանի ցուցմունքներով` այն մասին, որ 2008թ. նոյեմբեր ամսվա սկզբներին, իր ծանոթ վարսահարդար Գարեգին Հարությունյանից, նրա ՙՎազ 2110՚ մակնիշի ավտոմեքենան ցանկացել է ապառիկ կարգով գնել և նրանից տեղեկացել է, որ վերջինս ճանաչում է ՙԿարկոմ Ավտո՚ և ՙԱռեքսիմ՚ բանկի միջոցով նմանատիպ գործարքներ կատարող Լևոն անունով մի մարդու, որը կարող է օգնել իրականացնելու այդ գործարքը: Ինքը համաձայնվել է, որից հետո Գ. Հարությունյանը զանգահարել է Լևոնին և իրենք պայմանավորվել են ժամը 18:00-ի սահմաններում հանդիպել Լևոնի հետ` Նոր Նորք 2-րդ զանգվածում գտնվող ՙՍպիտակ տուն՚ ռեստորանի առջև: Նշված ժամին և վայրում հանդիպելով Լևոնի հետ նստել են նրա ՙՎազ 2110՚ մակնիշի ավտոմեքենան և խոսելու ընթացքում Լևոնն ասել է, որ դա իր որդու ավտոմեքենան է, իսկ իր ավտոմեքենան սև գույնի ՙՏոյոտա Ռավ-4՚ մակնիշի ՙՋիպ՚ է: Լևոնը համաձայնվել է ապառիկ կարգով ձևակերպել ավտոմեքենայի առք ու վաճառքը, ասելով, որ ինքը նրան 2000 ԱՍՆ դոլար գումար պիտի տա, որպեսզի նա կանխավճարի մուծում կատարի ՙԱռեքսիմ՚ բանկում: Բացի դրանից Լևոնն իրեն ասել է, որ ինքը գումարը բերելիս իր հետ բերի նաև իր և իր կնոջ անձնագրերի, ամուսնության վկայականի, ինչպես նաև սոցիալական քարտերի պատճենները 3-րդ ձևը և վարկային պատմությունը: Հաջորդ օրը ինքը Գարեգինի ներկայությամբ ՙԱռեքսիմ՚ բանկի մոտ Լևոնին է տվել 600.000 /վեց հարյուր հազար/ ՀՀ դրամ գումար ու Լևոնն իրեն ասել է, որ 10 աշխատանքային օրվա ընթացքում ինքը կստանա 8,600 /ութ հազար վեց հարյուր/ ԱՄՆ դոլար ավտովարկ: Դրանից մեկ օր անց, ինքը` իր ՙՎազ 2107՚ մակնիշի տաքսի ավտոմեքենայով Լևոնին ՙԱռեքսիմ՚ բանկի Քանաքեռի մասնաճյուղի առջևից վերցնելով միասին գնացել են ՀՀ Կենտրոնական բանկ, որտեղ ինքը վճարելով 1000 ՀՀ դրամ գումար ստացել է իր վարկային պատմության փաթեթը և տվել` Լևոնին: Դրանից հետո ինքն անընդհատ զանգահարել է Լևոնին ու պահանջել որպեսզի Լևոնը կամ ետ վերադարձնի իր 600.000 /վեց հարյուր հազար/ ՀՀ դրամ գումարը կամ իր ավտովարկը: 2008թ. նոյեմբերի 28-ին ինքը Լևոնի հետ պայմանավորվել է հանդիպել: Դեկտեմբերի 1-ին, ժամը` 12:00-ի սահմաններում Գարիկի հետ գնացել են հանդիպման վայր` ՙԱռեքսիմ՚ բանկի Քանաքեռ մասնաճյուղ ու տեսել են, որ ՙԱռեքսիմ՚ բանկը շրջապատված է ոստիկանության աշխատակիցների և հրշեջ ավտոմեքենաների կողմից: Մոտ 30 րոպե անց, ժամը 12:30-ի սահմաններում իր ՙՎազ 2110՚ մակնիշի ավտոմեքենայով բանկի մոտ է եկել Լևոնը և մոտենալով իրենց հայտնել, որ բանկում ռումբ է դրված, ինչի մասին իմացել է բանկի աշխատող Վահեից:
Լևոն Ներկարարյանը կանխավճար մուծելու համար տրված 600.000 ՀՀ դրամ գումարը չի վերադարձրել և խաբեությամբ` վստահությունը չարաշահելով հափշտակել է:
Տուժող` Հովսեփ Ռուբենի Ադամյանը դատարանին ներկայացրել է քաղաքացիական հայց` 600.000 /վեց հարյուր հազար/ ՀՀ դրամի չափով:

Դատական նիստի արձանագրություն, գ/թ 36-37, 46-47, 179, 189-190:

Տուժող` Հայկ Հրանտի Կարապետյանի ցուցմունքներով` այն մասին, որ 2008թ. սեպտեմբերի 11-ին ՙՄելլաթ՚ բանկից առանձնապես խոշոր չափի գողություն կատարելու համար իր որդի` Արամ Հայկի Կարապետյանը ձերբակալվել է: 2008թ. սեպտեմբերի 15-ին իր որդուն ՁԱՊՎ սնունդ տանելուց այնտեղ ծանոթացել է Լևոն Ներկարարյանի հետ, որը իր ղեկավար Ավագ Ավագյանին բերել էր եղբոր` Գագիկ Ավագյանի, հետ տեսակցության: Լևոնն իր հետ զրուցելիս ասել է, որ մեկուսարաններում, դատարաններում, դատախազություններում և այլ իշխանական օղակներում ունի մտերիմ ընկերներ և ծանոթներ ու նաև ավելացրել է, թե ՙխնդիր չունես, մի նեղվիր, պրոբլեմներդ կլուծեմ՚: Դրանից հետո ինքը Լևոնին և նրա կնոջը իրենց տուն է հրավիրել, ընտանիքներով ընկերացել են, այդ ընթացքում Լևոնն իրեն ասել է, որ ինքը 5000 ԱՄՆ դոլար տա, որպեսզի նա այդ գումարը փոխանցի դատախազության ղեկավարներից մեկին, որպեսզի այդ անձը գործն առանձնացնի և հետևի այդ գործին: Մի գիշերվա ընթացքում հավաքել է պահանջվող գումարը և 2008թ. սեպտեմբերի 18-ին ՙՍուրբ Սարգիս՚ եկեղեցու հետնամասում, Լևոնի կողմից վարվող ՙՏոյոտա Ռավ-4՚ ավտոմեքենայի մեջ նրան փոխանցել է նշված 5000 ԱՄՆ դոլար գումարը: Դրանից հետո` 2008թ. սեպտեմբերի 25-ին, Վ. Սարգսյան փողոցում հանդիպելով Լևոնի հետ նրա կանաչ գույնի ՙՎազ 21010՚ մակնիշի ավտոմեքենայի մեջ նրան փոխանցել է 3000 /երեք հազար/ ԱՄՆ դոլար գումար, որպեսզի Լևոնն այդ գումարը տա դատախազին: Դրանից հետո Լևոնն իրեն ասել է, որ ինքն ու իր ղեկավարներից ոմն Սևակը արդեն խոսել են դատախազի հետ: Դրանից հետո 2008թ. հոկտեմբերի 10-ից 15-ն ընկած ժամանակահատվածում Լևոնն իրենից ևս 5000 /հինգ հազար/ ԱՄՆ դոլար գումար է վերցրել Զեյթուն թաղամասի ՙԱրմեն Տել՚ շենքի մոտ, այդ գումարը վերցնելով ասել է, որ դատախազը, դատավորը և քննիչը չեն բավարարվում նախկինում տված գումարներից՚:
Դրանից հետո նա իրենից ևս 1500 /մեկ հազար հինգ հարյուր/ ԱՄՆ դոլար գումար է վերցրել, որպեսզի վերանորոգի ղեկավար Ավագ Ավագյանի ավտոմեքենան, որը նա վթարի էր ենթարկել պաշտոնավոր անձի ավտոմեքենայի հետ ու ասել է, որ այդ գումարը կտա դատախազին: 2008թ. նոյեմբերի 21-ին նա նույն պատրվակով 500 /հինգ հարյուր/ ԱՄՆ դոլար գումար է վերցրել: Դրանից հետո, 10.12.2008թ. Լևոնի կինը զանգահարել է իրեն ու ասել, որ Լևոնին ձերբակալել են: Ինքն այդ իմանալով հանդիպել է Սևակի հետ, որն էլ իրեն հայտնել է, որ Լևոնը խարդախություն է կատարել և դրա համար նրան ձերբակալել են ու իրեն առաջարկել է, որ ինքը գնա ոստիկանության Նոր Նորքի բաժին և հայտարարություն ներկայացնի դրա վերաբերյալ: Լևոն Ներկարարյանը խարդախությամբ` վստահությունը չարաշահելու միջոցով հափշտակել է իր կողմից տրված 15.000 ԱՄՆ դոլար գումարը:
Տուժող` Հայկ Հրանտի Կարապետյանը դատարանին ներկայացրել է քաղաքացիական հայց` 15.000 /տասնհինգ հազար/ ԱՄՆ դոլարին համարժեք 4.556.550 /չորս միլիոն հինգ հարյուր հիսուն վեց հազար հինգ հարյուր հիսուն/ ՀՀ դրամի չափով, որպես հանցագործությամբ պատճառված վնաս և 150.000 /հարյուր հիսուն հազար/ ՀՀ դրամ` փաստաբանի մատուցած ծառայությունների համար, ընդհանուր` 4.706.550 /չորս միլիոն յոթ հարյուր վեց հազար հինգ հարյուր հիսուն վեց/ ՀՀ դրամի չափով:

Դատական նիստի արձանագրություն, գ/թ 99-100, 118-119, 184-185, 191-192:

Տուժող` Սուսաննա Միսակի Օրդուխանյանի ցուցմունքներով` այն մասին, որ 2008թ. սեպտեմբեր ամսին, իր անձնական բիզնեսի համար ՙՄոսկվիչ՚ մակնիշի բեռնատար ավտոմեքենա գնելու նպատակով մեկնել է ՙԿարկոմ Ավտո՚ ՍՊԸ, որտեղ ծանոթանալով Լևոն Ներկարարյանի հետ զրուցել է ու զրույցի ժամանակ ասել է, որ ցանկանում է գնել նաև ՙՖոլկսվագեն Տուարեգ՚ մակնիշի ավտոմեքենա ու իր բջջային հեռախոսահամարը տվել է վերջինիս, որն էլ իրեն ասել է, որ նման ավտոմեքենա լինելու դեպքում կզանգահարի իրեն: Լ.Ներկարարյանը 2-3 օև անց զանգահարել է իրեն ու ասել է, որ ՙԿարկոմ Ավտո՚ ՍՊԸ աշխատողները 2005թ. արտադրության սև գույնի ՙՖոլկսվագեն Տուարեգ՚ մակնիշի ավտոմեքենա են բերելու, եթե ինքը ցանկանում է, ապա 33.000 /երեսուներեք հազար/ ԱՄՆ դոլարով այդ ավտոմեքենան կարող է գնել: Դրանից հետո հանդիպելով իր տան բակում, Լևոն Ներկարարյանն իրեն ասել է, որ վերը նշված ՙՖոլկսվագեն Տուարեգ՚ մակնիշի ավտոմեքենայի համար ինքը որպես կանխավճար պետք է վճարի 1800 /մեկ հազար ու հարյուր/ ԱՄՆ դոլար գումար, ինքը համաձայնվել է և նույն օրը` 12.09.2008թ. Լ.Ներկարարյանին տվել է 1800 ԱՄՆ դոլար կանխիկ գումար և նա ստացական է գրել դրա վերաբերյալ: Դրանից հետո ինքն անընդհատ զանգահարել է Լևոնին ու նա իրեն ասել է, որ 2-3 օրվա ընթացքում ավտոմեքենան կլինի և այսպես 2 ամիս խաբել է իրեն, որից հետո ինքը զանգահարել և հետ է պահանջել իր տված գումարը, Լևոնն իր հացի փուռ է ուղարկել 500 /հինգ հարյուր/ ԱՄՆ դոլար գումարը և հեռախոսով իրեն ասել, որ մնացած` 1300 ԱՄՆ դոլար գումարը մի քանի օր անց կվերադարձնի: Իր այն հարցին, թե ավտոմեքենան ինչ է եղել նա պատասխանել է, որ վաճառել են ուրիշին: Դրանից հետո ինքն անընդհատ զանգահարել է Լևոնին, սակայն նա չի պատասխանել հեռախոսազանգերին և ինքը ստիպված գնացել է ՙԿարկոմ Ավտո՚, որտեղ հանդիպելով ՙԿարկոմ Ավտո՚ ՍՊԸ տնօրեն Սևակի հետ և նրանից տեղեկացել, որ Լևոնը ոչ թե ՙԿարկոմ Ավտո՚ ՍՊԸ աշխատող է, այլ անձնական վարորդ և Սևակին պատմել է ողջ իրողությունը: Սևակը տեղեկանալով այդ ամենի մասին զանգահարել է Լևոնին ու նրան հարցրել, ՙթե ու±ր ես, արա էտ ինչ կանխավճար ես վերցրել Ֆոլկսվագեն Տուարեգ ծախելու համար, շուտ արի ստեղ՚, սակայն Լևոնը չի եկել: Սևակը իրեն է փոխանցել իր բջջային հեռախոսահամարը հետագայում կապնվելու համար: Դրանից հետո պարզվեց, որ Լ. Ներկարարյանը խաբեությամբ, իր վստահությունը չարաշահելու եղանակով հափշտակել է որպես կանխավճար տված գումարը:
Տուժող` Սուսաննա Միսակի Օրդուխանյանը դատարանին ներկայացրել է քաղաքացիական հայց` 1300 /հազար երեք հարյուր/ ԱՄՆ դոլարին համարժեք 394.000 /երեք հարյուր իննսունչորս հազար/ ՀՀ դրամի չափով որպես հանցագործությամբ պատճառված վնաս և 100.000 /հարյուր հազար/ ՀՀ դրամ` փաստաբանի մատուցած ծառայությունների համար, ընդհանուր` 494.000 /չորս հարյուր իննսունչորս հազար / ՀՀ դրամի չափով:
Գ/Թ 148-150,152:

Տուժող` Վարդան Արամայիսի Վարդանյանի ցուցմունքներով` այն մասին, որ 2008թ. նոյեմբերի 20-ին, ավտոմեքենա գնելու նպատակով մեկնել է ավտոշուկա: Քանի որ ունեցել է ընդամենը 2000 /երկու հազար/ ԱՄՆ դոլար գումար, ցանկացել է ավտոմեքենա ձեռք բերել ապառիկ կարգով: Ավտոշուկայում տեսնելով լավ վիճակում գտնվող արծաթագույն ՙԳազ 31105՚ մակնիշի ավտոմեքենա, մոտեցել է վաճառողին, ծանոթացել նրա հետ և պարզել, որ նա բնակվում է Նոր Նորք 8-րդ զանգվածում և նրա անունը Ալբերտ է, վերջինս իր մեքենան վաճառում էր 6.300 /վեց հազար երեք հարյուր/ ԱՄՆ դոլարին համարժեք դրամով: Ինքը Ալբերտին առաջարկել է վճարել 2000 ԱՄՆ դոլար գումար, իսկ մնացած գումարը նրան վճարել մաս-մաս` ամսեկան 100.000 /հարյուր հազար/ ՀՀ դրամ: Ալբերտը չի համաձայնվել ասելով, որ կանխիկ գումար է անհրաժեշտ և իրեն ասել է նաև, որ նրա ընկեր Գարեգին Հարությունյանը ՙԿարկոմ Ավտո՚ ՍՊԸ վարկային բաժնում աշխատող ծանոթ ունի և նրա միջոցով Գ. Հարությունյանն իր ՙՎազ 2110՚ մակնիշի ավտոմեքենան ապառիկ կարգով վաճառել է: Ալբերտը զանգահարել է Գարեգինին ու վերջինս նրան ասել է, որ իր ծանոթի անունը Լևոն Ներկարարյան է, նա աշխատում է ՙԿարկոմ Ավտո՚ ՍՊԸ և իրեն է փոխանցել նրա բջջային հեռախոսահամարները: Ալբերտը նույն պահին զանգահարել է Լևոնին և հայտնել իրենց հետաքրքրող հարցի մասին: Լևոնը պատասխանել է, որ կլուծի այդ հարցը և նա կզանգի Ալբերտին: 2-3 օր անց Լևոնը զանգահարել է Ալբերտին, պայմանավորվել է, որ հաջորդ օրը ինքը վերցնի իր և կնոջ փաստաթղթերի պատճեները, հանդիպի նրա հետ ՀՀ Կենտրոնական բանկի առջև և հաջորդ օրը պայմանավորված վայրում հանդիպելուն պես ինքը Լևոն Ներկարարյանին տվել է 1500 ԱՄՆ դոլար գումար և փաստաթղթերի պատճեները, իսկ մնացած 500 /հինգ հարյուր/ ԱՄՆ դոլարը պայմանավորվել է տալ 2-3 օրվա ընթացքում: Բացի դրանից Լևոնի պահանջով ինքը ՙԿասկադ՚ բանկում վճարել է 1.000 ՀՀ դրամ և ստանալով իր վարկային պատմությունը` տվել է Լ. Ներկարարյանին: Հաջորդ օրը Լևոնը զանգահարել է իրեն և իմանալով, որ իր մոտ 200 /երկու հարյուր/ ԱՄՆ դոլար գումար կա պահանջել է, որ այն ինքը տանի Թումանյան և Նալբանդյան փողոցների խաչմերուկ և տա իրեն, ինչն ինքը նույն օրը կատարել է: Դրանից մեկ օր անց Լևոնը կրկին զանգահարել է իրեն և հանդիպել են Արգավանդի խճուղում, նստելով Լևոնի ավտոմեքենան` նրան է տվել ևս 200 ԱՄՆ դոլար գումար: Դրանից 5-6 օր անց Լևոնը կրկին զանգահարել է իրեն, հանդիպել են իրենց տան բակում և ինքը Լևոնին է տվել իր ամուսնության վկայականի պատճենը: Այդ ժամանակ իրեն ասել է, որ նա իր ղեկավար Ավագը կանանց հետ սաունա են եկել և հաշիվը փակելու համար նրան 15.000 ՀՀ դրամ գումար է անհրաժեշտ և նա այդ գումարը կհաշվի կանխավճարի մեջ ու ինքը Լևոնին տվել է ևս 15.000 /տասնհինգ հազար/ ՀՀ դրամ գումար: Դրանից հետո Լևոնը տարբեր առիթներով խուսափել է իր հետ հանդիպելուց կամ պարզապես չի պատասխանել իր հեռախոսազանգերին, որից հետո ինքը հասկացել է, որ Լ. Ներկարարյանը խարդախությամբ հափշտակել է իր` վերը նշված գումարը:
Տուժող` Վարդան Արամայիսի Վարդանյանը դատարանին ներկայացրել է քաղաքացիական հայց` 2000 /երկու հազար/ ԱՄՆ դոլարին համարժեք ՀՀ դրամի չափով:

Դատական նիստի արձանագրություն, գ/թ 52-54:

Տուժող` Արա Շահենի Գալստյանի ցուցմունքներով` այն մասին, որ հանդիսանալով ՀՀ ԱՆ ՙՆուբարաշեն՚ ՔԿՀ-ի ՊԱԲ առաջատար մասնագետ, 2008թ. սեպտեմբերին ՙՎարդաշեն՚ քրեակատարողական հիմնարկի առջև կանգնած, կալանավոր Գագիկ Ավագյանի եղբայր Ավագ Ավագյանի և նրա վարորդ Լևոն Ներկարարյանի հետ զրուցելիս, խոսակցության ընթացքում ասել է, որ ցանկանում է իր ավտոմեքենայի վրա գազի բալոն տեղադրել: Այդ ժամանակ Լևոնը նրան ասել է, որ ծանոթ ունի և այդ ծանոթի միջոցով կարող է էժան գնով` 100.000 /հարյուր հազար/ ՀՀ դրամով 1.2մ3 ավտոմեքենայի գազի բալոն բերել և գումարը տալու պահից 5 օրվա ընթացքում բալոնը կլինի իր մոտ: Ինքը համաձայնվել է և 2008թ. հոկտեմբերի 2-ին Լևոնը զանգահարել է իրեն և հանդիպելով նրա հետ ՙՎարդաշեն՚ քրեակատարողական հիմնարկի առջև, ժամը` 13:00-ի սահմաններում Ավագ Ավագյանի ՙՏոյոտա Ռավ-4՚ մակնիշի ավտոմեքենայով մեկնել են իր Նոր Արեշ 44 փողոց, թիվ 22 տուն, որտեղ Ա. Ավագյանի ներկայությամբ Լևոնին տվել է 100.000 /մեկ հարյուր հազար/ ՀՀ դրամ գումար: Դրանից հետո ինքն անընդհատ զանգահարել է Լևոնին ու հետաքրքրվել գազի բալոնից, սակայն Լևոնը տարբեր պատճառաբանություններով խուսափել է իր հետ հանդիպելուց: 2008թ. հոկտեմբերի վերջերին ինքը հանդիպել է Ավագ Ավագյանի հետ ու զրույցի ընթացքում Ավագն ասել է, որ Լևոնը բացասական անձնավորություն է և խաբեությամբ նրանից գումար է հափշտակել: Դրանից հետո` 2008թ. դեկտեմբերի 10-ին իրեն է զանգահարել Ավագը և հայտնել, որ Լևոնը խարդախ է և ձերբակալված է Նոր Նորք քննչական բաժնի կողմից, որից հետո ինքը հասկացել է, որ Լ. Ներկարարյանը խարդախությամբ հափշտակել է 100.000 ՀՀ դրամ գումարը:
Տուժող` Արա Շահենի Գալստյանը դատարանին ներկայացրել է քաղաքացիական հայց` 100.000 /մեկ հարյուր հազար/ ՀՀ դրամի չափով:

Դատական նիստի արձանագրություն, գ/թ 94-95:

Վկա` Սևակ Նորայրի Ավետյանի ցուցմունքներով` այն մասին, որ 2008թ. սեպտեմբերի 11-ին իր ընկեր` Ավագ Ավագյանի եղբայր` Գագիկ Ավագյանը կալանավորվել է և հոգեկան ապրումների պատճառով Ավագը դժվարանամ էր ավտոմեքենա վարել և միևնույն ժամանակ իմանալով, որ իր կողմից ղեկավարվող ՙԿարկոմ ավտո՚ ՍՊԸ-ում աշխատող Հարություն Ներկարարյանի հայր` Լևոն Ներկարարյանը, վարորդի աշխատանք է փնտրում, ուստի ինքը միջնորդել է, և Ա. Ավագյանը իր ՙՏոյոտա Ռավ-4՚ մակնիշի ավտոմեքենան վարելու համար որպես վարորդ աշխատանքի է ընդունել Լեոն Հարությունի Ներկարարյանին: 2008թ. սեպտեմբեր ամսին, իր ներկայությամբ Լևոնի և Ավագի զրույցից լսել է, որ Ավագը Լևոնին գումար է տվել որպեսզի վերջինս օգտագործելով իր ծանոթների կապերը` մասնավորապես` Նոր Նորքի ոստիկանապետ Ա. Կարապետյանի միջոցով կաշառք է տվել, որպեսզի Ավագի եղբոր` Գագիկ Ավագյանի նկատմամբ որպես խափանման միջոց ընտրված կալանավորումը փոխարինվի գրավով: Դրանից հետո, իր ներկայությամբ մի քանի անգամ Ավագի և Լևոնի միջև խոսակցություն է տեղի ունեցել, երբ Ավագը Լևոնին հարցրել է, թե ինչ եղավ և Լևոնը պատասխանել է, որ լավ կլինի, բոլոր հարցերը լուծված են և գումարը տեղ է հասել: Դրանից հետո Ավագն իրեն հայտնել է, որ Լևոնը խարդախ է, քանի որ նրան խաբել է` ասելով, որ Նոր Նորքի ոստիկանապետ Ա.Կարապետյանի միջոցով 2000 ԱՄՆ դոլար կաշառք տալով քննիչին` Գագիկ Ավագյանի նկատմամբ ընտրված խափանման միջոց կալանքը փոխարինվի գրավով, սակայն գումարը վերցնելուց հետո տարբեր պատրվակներով խուսափել է Ավագի հետ հանդիպելուց: Բացի դրանից, 2008թ. հոկտեմբեր ամսին, իր աշխատանքի վայր ՙԿարկոմ ավտո՚ եկել է մի կին, ներկայացել է Սուսաննա Օրդուխանյան ու իրեն հայտնել է, որ ՙԿարկոմ ավտո՚ ՍՊԸ-ում որպես վաճառող Լևոն Ներկարարյանը, որպես ՙՖոլկսվագեն Տուարեգ՚ մակնիշի ավտոմեքենայի կանխավճար նրանից վերցրել է 1800 ԱՄՆ դոլար գումար, սակայն խաբել է նրան, ավտոմեքենան չի բերել, միայն կանխավճարից վերադարձրել է 500 ԱՄՆ դոլար գումարը և խուսափում է իր հետ հանդիպումից, այդ պահին ինքը գանգահարել է Լևոնին, պահանջել ներկայանալ ՙԿարկոմ ավտո՚, սակայն Լևոնն այդ ժամանակ չի եկել, ինքը այդ կնոջն իր ավտոմեքենայով տարել է մինչև բժշկական համալսարան և այլևս նրա հետ չի հանդիպել: Դրանից հետո հանդիպելով Լևոնին հարցրել է, թե ով է այդ կինը, ինչին Լևոնը պատասխանել է, որ այդ կինը ճիշտ չի ներկայացրել ամեն ինչ, իրականում ինքը բոլոր հարցերը լուծել է և վերադարձրել է գումարը:

Դատական նիստի արձանագրություն, գ/թ 22-23, 116-117, 155-156:

Վկա` Գարեգին Գարիկի Հարությունյանի ցուցմունքներով` այն մասին, որ 2008թ. սեպտեմբերի վերջերին, երբ որ աշխատել է Նոր Նորք 6-րդ զանգվածում գտնվող ՙCPS՚ բենզալցակայանում, բենզալցակայան է եկել սև գույնի ՙՏոյոտա Ռավ-4՚ մակնիշի ավտոմեքենայով մի տղամարդ, իրենից ՙՆոկիա՚ բջջային հեռախոսի լիցքավորման սարք է խնդրել, ինքը նրա հեռախռսը լիցքավորման է դրել: Այդ ընթացքում նրանք զրուցել են և այդ տղամարդը ներկայացել է որպես ՙԿարկոմ Ավտո՚ ՍՊԸ վարկավորման բաժնի պետ` Լևոն Ներկարարյան: Վերջինս իրեն է տվել բջջային հեռախոսահամարներ և ասել, որ ապառիկ կարգով ավտոմեքենա գնելու կամ վաճառելու հարցերում ինքը կարող է զանգահարել և դիմել իրեն: 2008թ. հոկտեմբեր ամսին, իր ծանոթ, տաքսի ծառայությունում որպես վարորդ աշխատող Հովսեփ Ադամյանը, ցանկացել է գնել իր ՙՎազ 2110՚ մակնիշի 17 ԼՕ 848 պետհամարանիշի ավտոմեքենան, սակայն կանխիկ գումարը բավարար չէր, իսկ ինքն իր ավտոմեքենան վաճառում էր 9.000 /ինը հազար/ ԱՍՆ դոլարին համարժեք դրամով և ինքը ցանկանալով օգնել Հովսեփին զանգահարել է Լևոնին և ասել, որ ցանկանում է ապառիկ կարգով վաճառել իր ավտոմեքենան: Լևոնի հետ պայմանավորվել են Նոր Նորք 2-րդ զանգվածում գտնվող ՙՍպիտակ Տուն՚ հյուրանոցային համալիրի մոտ, իրենք այնտեղ են գնաց Հովսեփի տաքսի ավտոմեքենայով: Լևոնն իրենց այնտեղ սպասել է ՙՎազ 2110՚ մակնիշի ավտոմեքենայի մեջ, իրենք նստել են նրա ավտոմեքենան և խոսակցության ընթացքում Լևոնը Հովսեփին ասել է, որ նա պետք է բերի իր և կնոջ անձնագրերի պատճենները, ձև 3 տեղեկանքները և 2000 /երկու հազար/ ԱՄՆ դոլարին համարժեք 600.000 /վեց հարյուր հազար/ ՀՀ դրամ որպես կանխավճար: Հովսեփը համաձայնվել է և նրանք պայմանավորվել են հաջորդ օրը հանդիպել Լևոնի տան մոտ` Մոլդովական փողոց 50/1 հասցեում գտնվող շենքի առջև: Հաջորդ օրը, իր աշխատավայր` ՙԱրքայադուստր՚ վարսավիրանոց է գնացել Հովսեփը և հայտնել, որ գումարը տվել է Լևոնին և Լևոնը խոստացել է 10 օրվա ընթացքում լուծել վարկի հարցը: 15 օր անց իրենք զանգահարել են Լևոնին, սակայն վերջինս անընդհատ ժամանակ է ձգձգել և իրենք Լևոնի հետ պայմանավորվել են 2008թ. դեկտեմբերի 1-ին գնալ ՙԱռեքսիմ՚ բանկի Քանաքեռ մասնաճյուղի կառավարչի մոտ, որպեսզի ըստ Լևոնի խոսքերի կառավարիչը իրեն տար ավտովարկը: 2008թ. դեկտեմբերի 1-ին, ժամը` 12:00-ի սահմաններում ՙԱռեքսիմ բանկ՚ Քանաքեռ մասնաճյուղի մոտ հասնելուն պես ինքը և Հովսեփը տեսել են, որ բանկը շրջապատված է ոստիկանության աշխատակիցներով և հրշեջ ավտոմեքենաներով: Ժամը 12:30-ի սահմաններում եկել է Լևոնը և իրեն ու Հովսեփին ասել, որ բանկում ռումբ է դրված, որից հետո ձևացնելով, թե իբրև հեռախոսով զանգահարում է բանկի վարկային բաժնի աշխատակից Վահեին, եկել է իրենց մոտ և ասել, որ բանկում ամեն աթոռի տակ ռումբ է դրված և իրենք գնացել են տուն: Դրանից հետո ինքը շարունակ զանգահարել է Լևոնին, սակայն վերջինս տարբեր պատճառաբանություններով խուսափել է իրեն հետ հանդիպելուց և իրենք հասկացել են, որ Լևոնը ստում է:
Դատական նիստի արձանագրություն, գ/թ 43-44, 187-188:

Վկա` Նեկտար Կիրակոսի Կիրակոսյանի ցուցմունքով` այն մասին, որ իր որդի` Արամ Հայկի Կարապետյանը, հանդիսանալով ՀՀ ոստիկանության բանկային համակարգի ոստիկան, ՙՄելլաթ՚ բանկից առանձնապես խոշոր չափերի գողություն է կատարել և 2008թ. սեպտեմբերի 11-ին նրան ձերբակալել են: 2008թ. սեպտեմբերի 15-ին, ինքը, իր ամուսին` Հայկ Կարապետյանը և դուստրը` Վիկտորյա Կարապետյանը մեկնել են ՁԱՊՎ` որդուն տեսակցելու նպատակով և այնտեղ ծանոթացել են Լևոն անունով մի տղամարդու հետ, որը ներկայանալով որպես ոստիկանության նախկին աշխատակից, իրենց ասել է, որ մեծ շրջապատ ու ծանոթություն ունի և կարող է իրենց օգնել: Դրանից հետո իրենց և Լևոնի մեջ կայուն, մտերիմ կապեր են ստեղծվել ու վերջինս իր ամուսնուց գումարներ է վերցրել` ասելով, որ այդ գումարները որպես կաշառք է տալու դատախազություն և քրեական դատարան և իրենց որդի Արամին դատարանի դահլիճից ազատ կարձակեն: Այդ ժամանակ ինքն ամուսնուց իմացել է, որ Լևոնը տարբեր տեղերում գումարներ տալու պատրվակով` ընդհանուր` 15.000 /տասնհինգ հազար/ ԱՍՆ դոլար գումար է վերցրել: 2008թ. դեկտեմբերի 8-ին Լևոնն իրեն և ամուսնուն կանգնեցնելով ՀՀ գլխավոր դաաախազության առջև ու ասելով, որ բարձրանամ է վերև ՀՀ Գլխավոր դատախազի հետ այդ հարցը քննարկելու և լուծելու համար, մոտ 4 ժամ անց եկել է իրենց մոտ ու ասել, որ ճիշա է գումարները վերցրել են, սակայն հարցը չի լուծվում: Դրանից հետո իրենց զանգահարել է Լևոնի կինը` Հեղինեն և ասել, որ Լևոնը ձերբակալված է և նրան բռնել է տվել նրա նախկին տնօրեն Սևակը:

Դատական նիստի արձանագրություն, գ/թ 205-206:

Վկա` Վիկտորյա Հայկի Կարապետյանը հանդիսանում է տուժող Հայկ Կարապետյանի դուստրը և դատաքննության ժամանակ տվեց նույնաբովանդակ ցուցմունք:
Գ/Թ 207-208:

Վկա` Հակոբ Արշակի Հովսեփյանի ցուցմունքով` այն մասին, որ հանդիսանում է Հայկ Կարապետյանի ընկերը և տեղյակ է եղել նրա որդու հետ կատարվածի մասին: Հ. Կարապետյանից տեղեկացել է, որ գումար է անհրաժեշտ որդու գործերը կարգավորելու համար և ինքը իր ընկերոջը տվել է 3000/երեք հազար/ ԱՄՆ դոլար գումար, ինչպես նաև իմացել է, որ այդ գործով զբաղվում է ոմն Լևոն Ներկարարյան: Ինքը և Հայկը մի քանի անգամ հանդիպել են Լևոնի հետ Երևանում` Արամ Կարապետյանի գործերի հետ կապված հարցերը քննարկելու, ինչպես նաև Հայկ Կարապետյանը իրեն ասել է, որ ինքը Լ. Ներկարարյանին տվել է 15.000 /տասնհինգ հազար/ ԱՄՆ դոլար գումար, որպեսզի ազատեն իր որդուն, սակայն այդ գումարով ոչ իր որդուն է ազատել և ոչ էլ վերադարձրել է նշված գումարը:

Դատական նիստի արձանագրություն:

Վկա` Հարություն Վարդգեսի Ղոնաղչյանի ցուցմունքով` այն մասին, որ հանդիսանում է Հայկ Կարապետյանի քրոջ որդին և տեղյակ է եղել Արամ Կարապետյանի հետ կատարվածի մասին: Ինքը Հ. Կարապետյանի հետ` Երևանում, հանդիպել է Լ. Ներկարարյանին` նրա որդու գործերի հետ կապված հարցերով, նաև տեղյակ է, որ իր մորեղբայրը Լ. Ներկարարյանին տվել է 15.000 /տասնհինգ հազար/ ԱՄՆ դոլար գումար, որից 3000 /երեք հազար/ ԱՄՆ դոլարը ինքն է տվել, որպեսզի Արամ Կարապետյանին ազատ արձակեն դատարանի դահլիճից: Սակայն այդ գումարը իր նպատակին չի ծառայել, ինչպես նաև տեղյակ է, որ այդ գումարը Լ. Ներկարարյանը չի վերադարձրել Հ. Կարապետյանին:

Դատական նիստի արձանագրություն:

Վկա` Արմեն Սերյոժայի Հարությունյանի ցուցմունքով` այն մասին, որ 2006 թվականից աշխատում է ՀՀ փաստաբանների պալատում` որպես փաստաբան և 2008թ. նոյեմբերին իրենց փաստաբանական գրասենյակ է եկել ոմն Լևոն Ներկարարյան և առաջարկել որպեսզի ինքը պաշտպանի իր ընկեր Հայկ Կարապետյանի որդի` Արամ Կարապետյանի շահերը: Ինքը համաձայնվելով Լևոն Ներկարարյանից սաացել է 50.000 /հիսուն հազար/ ՀՀ դրամ գումար: 2008թ. դեկտեմբեր ամսին Հայկը, Արամի դատավճռի հրապարակման օրը, իրեն ասել է, որ Լևոնը խարդախ է, քանի որ նա Լևոնին 7000 /յոթ հազար/ ԱՄՆ դոլար գումար է տվել, որ Լևոնը գումարը տա որոշակի մարդկանց, որպեսզի նրա որդուն պայմանական վաղաժամկետ ազատեն դատարանի դահլիճից, սակայն Լևոնը իրականում ստել է և հափշտակել է գումարը:

Դատական նիստի արձանագրություն, գ/թ 182-183, 193-194:

Վկա` Կարեն Անատոլի Հարությունյանի ցուցմունքով` այն մասին, որ ինքը հանդիսանամ է ՙԱռեքսիմ՚ բանկի Քանաքեռ մասնաճյուղի կառավարիչ և Ավագ էդիկի Ավագյանն իր ուսանողական ընկերն է: Ա. Ավագյանը ՙԱռեքսիմ՚ բանկի Քանաքեռ մասնաճյուղում գործարքի մեջ չի եղել և վարկառու չի գրանցվել: Լևոն Հարությունի Ներկարարյան անուն ազգանվամբ մարդ չի ճանաչում և իրենց բանկում այդպիսի հաճախորդ չի եղել և չկա:
Գ/Թ 141-142:

Վկա` Վահե Արթուրի Կեսոյանի ցուցմունքով` այն մասին, որ աշխատում է ՙԱռեքսիմ՚ բանկի Քանաքեռ մասնաճյուղում, որպես մասնաճյուղի վարկային բաժնի մասնագետ: Ավագ Ավագյանին ճանաչում է, նրա հետ գտնվում է բարյացակամ փոխհարաբերությունների մեջ, սակայն Ա. Ավագյանն իրենց բանկի վարկառու չի հանդիսանում և նույնիսկ այդ հարցով չի դիմել: Լևոն Ներկարարյան անուն ազգանունով վարկառու իրենց բանկը երբևիցե չի ունեցել և ինքն այդպիսի մարդ չի ճանաչում: 2008թ. դեկտեմբերի 1-ին իրենց ՙԱռեքսիմ՚ բանկի Քանաքեռ մասնաճյուղ կեղծ ահազանգ է եղել, որ բանկի առջև ականապատված ավտոմեքենա է կանգնած և բանկի բոլոր աշխատակիցներին տարհանել են բանկից, թե ով է կատարել այդ ահազանգը ինքը չգիտի:
Գ/Թ 143-144:

Լևոն Հարությունի Ներկարարյանին մեղսագրվող արարքները հիմնավորվել են նաև քրեական գործով ձեռք բերված հետևյալ ապացույցներով.

Լևոն Ներկարարյանի ավտոմեքենայից հայտնաբերված փաստաթղթերի պատճեները որպես իրեղեն ապացույց ճանաչելու մասին որոշմամբ:
Գ/Թ 88-89:

Տուժող` Սուսաննա Օրդուխանյանի կողմից ներկայացրած, Լևոն Ներկարարյանի կողմից գրված ստացականի պատճեն` որպես իրեղեն ապացույց ճանաչելու մասին որոշմամբ:
Գ/Թ 154:

Տուժողների կողմից ներկայացված քաղաքացիական հայցերը ամբաստանյալ Լևոն Ներկարարյանը չընդունեց, նաև դատարանին չներկայացրեց դրանք հերքող փաստարկներ: Ներկայացված քաղաքացիական հայցերից ընդունեց միայն տուժող Արա Շահենի Գալստյանի ներկայացրած քաղաքացիական հայցը 100.000 /հարյուր հազար/ ՀՀ դրամի չափով:

3. Դատարանի իրավական վերլուծությունը.

Դատարանը գնահատելով գործով ձեռք բերված ապացույցները գտավ, որ Լևոն Հարությունի Ներկարարյանին մեղսագրված հանցանքը ապացուցված է, արարքը` որակված է ճիշտ:
Դատարանը ամբաստանյալ Լևոն Հարությունի Ներկարարյանին պատիժ նշանակելիս հաշվի է առնում պատիժը և պատասխանատվությունը մեղմացնող և ծանրացնող հանգամանքները, հանցագործության կատարման հանգամանքները, նրա անձը բնութագրող տվյալները, արարքի հասարակական վտանգավորության աստիճանը:
Լևոն Ներկարարյանի պատիժը և պատասխանատվությունը մեղմացնող և ծանրացնող հանգամանքներ դատարանը չի արձանագրել:
Դատարանը գտնում է, որ տուժողների ներկայացրած քաղաքացիական հայցերը հիմնավորվեցին դատական քննությամբ ձեռք բերված, հետազոտված և գնահատված ապացույցներով, ուստի դրանք ենթակա են բավարարման:
Ղեկավարվելով ՀՀ քրեական դատավարության օրենսգրքի 357-360, 379 հոդվածներով դատարանը
Վ Ճ Ռ Ե Ց

Ամբաստանյալ Լևոն Հարությունի Ներկարարյանին մեղավոր ճանաչել ՀՀ քրեական օրենսգրքի 178 հոդվածի 3-րդ մասի 1-ին, 3-րդ կետերով և դատապարտել ազատազրկման 7/յոթ/ տարի ժամկետով:
Ամբաստանյալ Լևոն Հարությունի Ներկարարյանի նկատմամբ ընտրված խափանման միջոցª կալանքը, թողնել անփոփոխ:
Նրա պատժի կրման ժամկետը հաշվել բերման ենթարկելու պահիցª 09 դեկտեմբերի 2008 թվականից:
Լևոն Հարությունի Ներկարարյանը պատիժը պետք է կրի ՀՀ Արդարադատության Նախարարության համապատասխան քրեակատարողական հիմնարկում:
Տուժող` Արա Գալստյանի ներկայացրած քաղաքացիական հայցը բավարարել և Լևոն Հարությունի Ներկարարյանի տնտեսությունից բռնագանձել 100.000 /մեկ հարյուր հազար/ ՀՀ դրամ գումար` հօգուտ տուժող Արա Գալստյանի:
Տուժող` Ավագ Ավագյանի ներկայացրած քաղաքացիական հայցը բավարարել և Լևոն Հարությունի Ներկարարյանի տնտեսությունից բռնագանձել 2000 ԱՄՆ դոլարին համարժեք 606.000 /վեց հարյու վեց հազար/ ՀՀ դրամ գումար` հօգուտ տուժող Ավագ Ավագյանի:
Տուժող` Հովսեփ Ադամյանի ներկայացրած քաղաքացիական հայցը բավարարել և Լևոն Ներկարարյանի տնտեսությունից բռնագանձել 600.000 /վեց հարյուր հազար/ ՀՀ դրամ հօգուտ` տուժող Հովսեփ Ադամյանի:
Տուժող` Հայկ Կարապետյանի ներկայացրած քաղաքացիական հայցը բավարարել և Լևոն Ներկարարյանի տնտեսությունից բռնագանձել 4.695.000 /չորս միլիոն վեց հարյուր իննսունհինգ հազար/ ՀՀ դրամ հօգուտ` տուժող Հայկ Կարապետյանի:
Տուժող` Սուսաննա Օրդուխանյանի ներկայացրած քաղաքացիական հայցը բավարարել և Լևոն Հարությունի Ներկարարյանի տնտեսությունից բռնագանձել 494.000 /չորս հարյուր իննսունչորս հազար / ՀՀ դրամ գումար` հօգուտ տուժող Սուսաննա Օրդուխանյան:
Տուժող` Վարդան Վարդանյանի ներկայացրած քաղաքացիական հայցը բավարարել և Լևոն Հարությունի Ներկարարյանի տնտեսությունից բռնագանձել 1850 /մեկ հազար ութ հարյուր հիսուն / ԱՄՆ դելարին համարժեք 560.550 /հիգ հարյուր վաթսուն հազար հինգ հարյուր հիսուն/ ՀՀ դրամ գումար` հօգուտ տուժող Վարդան Վարդանյանի:
Թիվ 17132208 քրեական գործով որպես իրեղեն ապացույց ճանաչված փաստաթղթերի պատճենները թողնել քրեական գործում:
Դատավճիռը կարող է բողոքարկվել ՀՀ վերաքննիչ քրեական դատարան հրապարակվելու օրվանից մեկամսյա ժամկետում:

ԴԱՏԱՎՈՐ` Ս. ՄՆԱՑԱԿԱՆՅԱՆ