Գործ ԵԱՆԴ 0017/01/09



Դ Ա Տ Ա Վ Ճ Ի Ռ

Հ Ա Ն Ո Ւ Ն Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ո Ւ Թ Յ Ա Ն

05 փետրվարի 2010 թվական քաղաք Երևան

Երևան քաղաքի Ավան և Նոր Նորք վարչական շրջանների ընդհանուր իրավասության դատարանը`
Նախագահությամբ` դատավոր Սամվել Ուզունյանի
Քարտուղարությամբ` Լիլիթ Նազարյանի
Դիանա Չիչյանի
Մասնակցությամբª
Մեղադրող` Գոռ Շահբազյանի
Պաշտպաններ` Էդիկ Մայսուրյանի
Կարինե Խաչատրյանի
Թարգման` Վարդուհի Շահինյանի


Դռնբաց դատական նիստում, դատարանում, քննեց քրեական գործն ըստ մեղադրանքի` ԱՐԱՄ ԻՍԱՀԱԿԻ ԱՌԱՔԵԼՅԱՆԻ ծնված 15.05.1968թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում դատապարտված` Երևան քաղաքի քրեական դատարանի 17.10.2008թ-ի դատավճռով դատապարտվել է ազատազրկման 1 տարի ժամկետով, իսկ Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 15.12.2009թ-ի դատավճռով` 1 տարի 5 ամիս ժամկետով:
Արգելանքի տակ է 2008թվականի հոկտեմբերի 14-ից, խափանման միջոց է ընտրվել կալանքը:
Մեղադրվում է ՀՀ քրեական օրենսգրքի 266 հոդվածի 2-րդ մասի 2.1 ենթակետով, 266 հոդվածի 4-րդ մասով և 268 հոդվածի 2-րդ մասի 2-րդ կետով:

2. ԱՐԹՈՒՐ ԳԵՈՐԳԻԻ ԲԱՂԴԱՍԱՐՈՎԻ` ծնված 03.05.1959թվականին Բաքու քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուսնացած, նախկինում չդատապարտված, չի աշխատում, բնակվում է ք.Երևան, Մասիսի նրբանցք 99/3 շենքի թիվ 47 բնակարանում:
Խափանման միջոց է կիրառվել կալանքը, որը Երևան քաղաքի Ավան և Նոր Նորք համայնքների ընդհանուր իրավասության դատարանի 22.06.2009թ-ի որոշմամբ փոխարինվել է գրավով:
Մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով:

2. ՕՔՍԱՆՆԱ ՄԻԽԱՅԻԼԻ ԿԵՏՈՎՍԿԱՅԱՅԻ` ծնված 25.01.1968թվականին ՌԴ-ի Սոչի քաղաքում, ազգությամբ ռուս, ՌԴ-ի քաղաքացի, բարձրագույն կրթությամբ, չամուսնացած, նախկինում չդատապարտված, չի աշխատում, բնակվել վարձակալությամբ ք.Երևան, Սայաթ-Նովա 18 շենքի թիվ 19 բնակարանում:
Արգելանքի տակ է 2008թվականի հոկտեմբերի 14-ից, խափանման միջոց է ընտրվել կալանքը:
Մեղադրվում է ՀՀ քրեական օրենսգրքի 38-268 հոդվածի 2-րդ մասի 2-րդ կետով:

Պ Ա Ր Զ Ե Ց
I

1. Գործի դատավարական նախապատմությունը.

Նոր Նորքի քննչական բաժնի կողմից 14.10.2008 թվականին հարուցվել է թիվ 17127008 քրեական գործը:
Արմեն Կարապետյանը 2008թվականի հուլիսին ծանոթացել է Արամ Առաքելյանի հետ, որը գործով չպարզված անձից պարբերաբար ապօրինի ձեռք է բերել և պահել ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող քացախաթթվի անհիդրիդ: Արմեն Կարապետյանը Արամ Առաքելյանից տեղեկացել Է, որ վերջինս նույնպես օգտագործում է ափիոն տեսակի թմրամիջոց: 2008թվականի հուլիսից-սեպտեմբեր ամիսներն ընկած ժամանակահատվածում, Արամ Առաքելյանը 20.000 ՀՀ դրամով Արմեն Կարապետյանին հինգ տարբեր առիթներով վաճառել, այդ կերպ ապօրինի իրացրել է, յուրաքանչյուր դեպքում, զգալի չափի 0.5 գրամ քաշով ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող 1.000 ՀՀ դրամ արժեքով 0.5 մլ ծավալով քացախաթթվի անհիդրիդ, իսկ Արմեն Կարապետյանը նշված հինգ առիթներով առանց իրացնելու նպատակի կրկին անգամ ապօրինի ձեռք է բերել նշված քաշի ափիոն տեսակի թմրամիջոց և քացախաթթվի անհիդրիդ: 2008թվականի հոկտեմբերի սկզբներին իր ծանոթուհի Օքսաննա Կետովսկայայից տեղեկացել է, որ վերջինիս ծանոթ Արմեն Ծառուկյանն ափիոն տեսակի թմրամիջոց է իրացնում ավելի էժան գներով քան Արամ Առաքելյանը: Արմեն Կարապետյանը 2008թվականի հոկտեմբերի 11-ին Օքսաննա Կետովսկայային փոխանցել է 60.000 ՀՀ դրամ կանխիկ գումար և վերջինիս խնդրել Արմեն Ծառուկյանից նշված գումարով ձեռք բերել խոշոր չափի` 7 գրամ քաշով ափիոն տեսակի թմրամիջոց: Խոշոր չափի թմրամիջոցի ձեռք բերման դիտավորությամբ Օքսաննա Կետովսկայան նույն օրը` 11.10.2008թվականին, ժամը 24.00-ի սահմաններում ՙԿովկաս՚ ռեստորանային համալիրում, նախնական պայմանավորվածության համաձայն հանդիպել է Արմեն Ծառուկյանին և նրան փոխանցել թմրամիջոցի ձեռք բերման համար Արմեն Կարապետյանի կողմից իրեն տրված 60.000 ՀՀ դրամը:
Դրանից հետո Արմեն Ծառուկյանը դուրս է եկել ռեստորանային համալիրից և 15 րոպե անց վերադարձել է` իր հետ բերելով իրացնելու նպատակով ապօրինի ձեռք բերված խոչոր չափի` 7գրամ քաշով ափիոն տեսակի թմրամիջոցը: Նշված` գիշերը հիշյալ ռեստորանային համալիրում անցկացնելուց հետո, միայն հոկտեմբերի 12-ի առավոտյան, ժամը 11-ի սահմաններում Օքսաննա Կետովսկայան և Արմեն Ծառուկյանը միասին գնացել են Արմեն Կարապետյանի բնակարան, որտեղ Արմեն Ծառուկյանը Արմեն Կարապետյանին փոխանցելու եղանակով ապօրինի իրացրել է խոշոր չափի` 7գրամ քաշով ափիոն տեսակի թմրամիջոցը: Այնուհետև Արմեն Կարապետյանը և Արմեն Ծառուկյանը բնակարանի խոհանոցում պատրաստել են ացետիլացված ափիոն տեսակի թմրամիջոց և երեքով օգտագործել: Կեսօրին Արմեն Կարապետյանը Արմեն Ծառուկյանի խնդրանքով վերջինիս ապօրինի իրացրել է 2մլ ծավալով քացախաթթվի անհիդրիդ, որից հետո Օքսաննա Կետովսկայան և Արմեն Ծառուկյանը հեռացել են Արմեն Կարապետյանի բնակարանից: Հաջորդ օրը` 13.10.2008թվականին կեսօրին Արմեն Կարապետյանին է զանգահարել վերջինիս ծանոթ Արթուր Բաղդասարովը և իր համար թմրամիջոց ձեռք բերերու խնդրանքով դիմել Արմեն Կարապետյանին: Իր մոտ ունենալով Արմեն Ծառուկյանից ապօրինի ձեռք բերված ընդհանուր 5.8 գրամ քաշով ափիոն տեսակի թմրամիջոցը, Արմեն Կարապետյանը թմրամիջոց իրացնելու նպատակով, Ա.Բաղդասարովի հետ նախնական պայմանավորվածությամբ, նույն օրը ժամը 16.00-ի սահմաններում իր Ջրվեժ Մայակ թաղամասի թիվ 35 շենքի 3 բնակարանում 60.000 ՀՀ դրամ գումարով Ա.Բաղդասարովին ապօրինի իրացրել է խոշոր չափի` 4.4 գրամ քաշով ափիոն տեսակի թմրամիջոց:
Ոստիկանության Նոր Նորքի բաժնի կողմից 13.10.2008թվականին ձեռնարկված օպերատիվ-հետախուզական միջոցառումների արդյունքում, նույն օրը Դավիթ Բեկ փողոցի թիվ 59 շենքի մոտից ոստիկանության բաժին բերման ենթարկված Արթուր Բադդասարովի անձնական խուզարկությամբ, վերջինիս հագի մոխրագույն սպորտային բաճկոնի ձախ գրպանից հայտնաբերվել է Ա.Կարապետյանից ապօրինի ձեռք բերված, պոլիէթիլենային փաթեթով, խոշոր չափի` 4.4 գրամ քաշով ափիոն տեսակի թմրամիջոցը:
Նշված միջոցառումների արդյունքում 13.10.2008թվականին ոստիկանության Նոր Նորք բաժին բերման է ենթարկվել նաև Արմեն Կարապետյանը, որը կամովին ներկայացրել է իր մոտ պահվող 1.4 գրամ քաշով ափիոն տեսակի թմրամիջոցը: Այնուհետև թմրամիջոց ապօրինի ձեռք բերելու կասկածանքով ոստիկանության Նոր Նորք բաժին բերման են ենթարկվել Արամ Առաքելյանը և Օքսաննա Կետովսկայան: Արամ Առաքելյանի անձնական խուզարկությամբ հայտնաբերվել են, վերջինիս կողմից ապօրինի ձեռք բերված ընդհանուր 2.1 գրամ քաշով ափիոն տեսակի թմրամիջոց, 5 մլ ներարկիչում առկա 5մլ ծավալով ացետիլացված ափիոն տեսակի թմրամիջոցի լուծույթ, 5 մլ ներարկիչում առկա 2.2 մլ ծավալով ացետիլացված ափիոն տեսակի թմրամիջոցի լուծույթ, թվով 4 ներարկիչներում առկա ընդհանուր 4.4 մլ ծավալով պրեկուրսոր հանդիսացող քացախաթթվի անհիդրիդ, բաժակ և շերեփ, որոնց վրա փորձաքննությամբ հայտնաբերվել են ափիոն տեսակի թմրամիջոցի հետքեր:
16.03.2009թվականին Արմեն Կարապետյանի, Արամ Առաքելյանի, Արթուր Բաղդասարովի և Օքսաննա Կետովսկայայի վերաբերյալ քրեական գործը մեղադրական եզրակացությամբ ուղարկվել է դատարան:
Դատարանը 10.09.2009թ-ի որոշմամբ թիվ 17127008 քրեական գործից անջատել է Արմեն Վլադիմիրի Կարապետյանի մասը, իսկ նույն օրվա մեկ այլ որոշմամբ նրա նկատմամբ նշանակել է դատաբժշկական փորձաքննություն:

2. Ապացույցների գնահատում և հետազոտում.

ՀՀ քրեական օրենսգրքի 266 հոդվածի 2-րդ մասի 2.1 ենթակետով, 266 հոդվածի 4-րդ մասով և 268 հոդվածի 2-րդ մասի 2-րդ կետով առաջադրված մեղադրանքում Արամ Առաքելյանը իրեն մեղավոր է ճանաչել մասնակիորեն` միայն ՀՀ քրեական օրենսգրքի 268 հոդվածի 2-րդ մասի 2-րդ կետով և հայտնեց, որ ինքը երբևէ որևէ անձի, առավել ևս Արմեն Կարապետյանին թմրամիջոց չի իրացրել:
Ա.Առաքելյանը օգտվելով իր դատավարական իրավունքից հրաժարվեց ցուցմունք տալուց:
Արամ Առաքելյանի պատճառաբանությունները անհիմն են և քրեական պատասխանատվությունից ու պատժից խուսափելու նպատակ են հետապնդում:
Ա.Առաքելյանը նախաքննության սկզբում առաջադրված մեղադրանքի շուրջ ինքնախոստավանական ցուցմունքներ է տվել այն մասին, որ մոտ մեկ տարի է ինչ օգտագործում է ափիոն տեսակի թմրամիջոց: Թմրամիջոցը մշտապես ձեռք է բերել ՙՏաշիր՚ հանրախանութի հետնամասում գտնվող սեփական տներից մեկի բնակիչ` ոմն Արսենից: Ափիոն տեսակի թմրամիջոցը ոմն Արսենից մշտապես գնել է 0.5 գրամ քաշով, 0.5 մլ. ծավալով քացախաթթվի անհիդրիդի հետ` վճարելով 20.000 ՀՀ դրամ ափիոնի և 1.000 ՀՀ դրամ անհիդրիդի համար: 2008թ. հուլիսին ծանոթացել է Ջրվեժ Մայակ թաղամասի բնակիչ Արմեն Կարապետյանի հետ և իմացել է, որ վերջինս նույնպես օգտագործում է ափիոն տեսակի թմրամիջոց: Քանի որ ինքը ոչ հաճախակի է օգտագործել թմրամիջոց, իր մոտ մշտապես տանը պահած թմրամիջոց է եղել: Սի քանի անգամ եղել են դեպքեր, որ Արմենը եկել է իր տուն և ինքը նրան թմրամիջոց է հյուրասիրել կամ երկուսով պատրաստել և օգտագործել են: 2008թթվականի սեպտեմբերին Արմենը հերթական անգամ այցելել է իրեն և խնդրել թմրամիջոց: 21.000 ՀՀ դրամով Արմենին վաճառել է 0.5 գրամ քաշով ափիոն տեսակի թմրամիջոց և 0.5 մլ. ծավալով քացախաթթվի անհիդրիդ: Քանի որ ընտանիքի անդամները սկսել են իրեն կասկածել թմրամոլության մեջ, այս իսկ պատճառով որոշել է 14.10.2008թվականին երեկոյան տանն առկա բոլոր թմրամիջոցները և քացախաթթվի անհիդրիդը այլ պարագաների հետ միասին տանից դուրս հանել և թաքցնել մեկ այլ վայրում: Տանից դուրս գալուց անմիջապես հետո իրեն են մոտեցել ոստիկանության աշխատակիցները և թմրամիջոց իրացնելու կասկածանքով բերման ենթարկել ոստիկանության Նոր Նորքի բաժին, որտեղ ընթերակաների ներկայությամբ անձնական խուզարկության արդյունքում իր մոտից հայտնաբերել են ընդհանուր` 2.1 գրամ քաշով ափիոն տեսակի թմրամիջոց, 5 մլ ներարկիչում առկա 5մլ ծավալով ացետիլացված ափիոն թմրամիջոցի լուծույթը, 5 մլ ներարկիչում առկա 2,2 մլ ծավալով ացետիլացված` ափիոն թմրամիջոցի լուծույթը, թվով 4 ներարկիչներում առկա ընդհանուր 4.4 մլ ծավալով պրեկուրսոր հանդիսացող քացախաթթվի անհիդրիդը, բաժակը և շերեփը: Այդ կապակցությամբ հայտարարել է, որ հայտնաբերվածը հանդիսանում է ափիոն տեսակի թմրամիջոց և քացախաթթվի անհիդրիդ, որոնք պատկանում են իրեն: Կատարված գործողության արդյունքի մասին կազմվել է համապատասխան արձանագրություն, որի ճշտությունը հաստատվել է իր և գործողությանը մասնակից ընթերակաների ու ոստիկանության աշխատակիցների ստորագրություններով:
Դատարանը, Ա.Առաքելյանի նախաքննության սկզբում տրված ցուցմունքները արժանահավատ համարեց և գտավ, որ պետք է հիմք ընդունել այդ ցուցմունքները, քանի որ դրանք են համընկնում գործով ձեռք բերված մյուս ապացույցների հետ:
ՀՀ քրեական օրենսգրքի 268 հոդվածի 2-րդ մասի 2-րդ կետով առաջադրված մեղադրանքում Արթուր Բաղդասարովը իրեն մեղավոր ճանաչեց լիովին, օգտվելով իր դատավարական իրավունքից հրաժարվեց ցուցմունք տալուց և խնդրեց հիմք ընդունել նախաքննության ընթացքում տված ցուցմունքները այն մասին, որ 20 տարի առաջ Բաքու քաղաքում սկսել է օգտագործել ափիոն տեսակի թմրամիջոց, որից հետո ընդհանրապես չի օգտագործել, իսկ մոտ մեկ ամիս առաջ սկսել է նորից օգտագործել ափիոն տեսակի թմրամիջոց:
2008թվականի սեպտեմբերին Ջրվեժ թաղամասում ծանոթացել է Արմեն Կարապետյանի հետ և խոսակցության ընթացքում իմացել, որ վերջինս նույնպես օգտագործում է ափիոն տեսակի թմրամիջոց և կարողանում է մատչելի գնով ձեռք բերել:
2008թ հոկտեմբերի 12-ին զանգահարել է Արմեն Կարապետյանին և հայտնել, որ ցանկանում է թմրանյութ գնել: Արմենն իրեն հայտնել է, որ իրեն պետք է թմրամիջոց բերեն և կզանգահարի իրեն: Հաջորդ օրը` 13.10.2008թվականին տաքսի ավտոմեքենայով գնացել է Ջրվեժ` Արմենենց տուն, վերջինիս տվել է 60.000 ՀՀ դրամ, որի դիմաց Արմենն իրեն տվել է մոտ 5 գրամ քաշով ափիոն տեսակի թմրամիջոց, որից հետո նույն տաքսի ավտոմեքենայով հեռացել է: Դավիթ Բեկ փողոցի թիվ 59 շենքի մոտից թմրամիջոց ձեռք բերելու կասկածանքով բերման է ենթարկվել ոստիկանության Նոր Նորք բաժին, որտեղ ընթերակաների ներկայությամբ անձնական խուզարկության արդյունքում հագի մոխրագույն սպորտային բաճկոնի ձախ գրպանից հայտնաբերել են ցելոֆանե փաթեթի մեջ փաթեթավորված 4.4 գրամ քաշով ափիոն տեսակի թմրամիջոցը:
Կատարված գործողության արդյունքում կազմվել է համապատասխան արձանագրություն, որի ճշտությունը հաստատվել է իր և գործողությանը մասնակից ընթերակաների ու ոստիկանության աշխատակիցների ստորագրություններով:
Ա.Բաղդասարովը հայտնեց, որ ընդունում է կատարած արարքը, զղջում է դրա համար և խնդրեց իր նկատմամբ որքան հնարավոր է մեղմ վարվել:
ՀՀ քրեական օրենսգրքի 38-268 հոդվածի 2-րդ մասի 2-րդ կետով առաջադրված մեղադրանքում Օքսաննա Կետովսկայան իրեն մեղավոր ճանաչեց լիովին, օգտվելով իր դատավարական իրավունքից հրաժարվեց ցուցմունք տալուց և խնդրեց հիմք ընդունել նախաքննության ընթացքում տված ցուցմունքները այն մասին, որ մեկ տարի է, ինչ օգտագործում է ափիոն տեսակի թմրամիջոց` ներարկման եղանակով: Շուրջ մեկ տարի առաջ ծանոթացել է Արմեն Ծառուկյանի հետ, որի մականունն է ՙՖաշիստ՚: 2008թվականի սեպտեմբերին Սայաթ-Նովա փողոցում ծանոթացել է Արմեն Կարապետյանի հետ և իմացել է, որ վերջինս բնակվում է Ջրվեժում: Իր և Արմեն Կարապետյանի միջև ձևավորվել են մտերիմ փոխհարաբերություններ, իմացել է, որ Արմենը նույնպես օգտագործում է ափիոն տեսակի թմրամիջոց: Արմեն Կարապետյանը և Արմեն Ծառուկյանը նույնպես ճանաչել են միմյանց: 2008թ հոկտեմբերի 11-ին Արմեն Կարապետյանի հրավերքով այցելել է վերջինիս` Ջրվեժի բնակարան, որտեղ Արմենն իրեն է փոխանցել 60.000 ՀՀ դրամ գումար և խնդրել Արմեն Ծառուկյանից գնել 7 գրամ ափիոն տեսակի թմրամիջոց: Դրանից հետո ինքը դուրս է եկել Արմեն Կարապետյանի բնակարանից, զանգահարել է Արմեն Ծառուկյանին, ՙԿովկաս՚ ռեստորանի մոտ հանդիպել է վերջինիս և փոխանցել 60.000 ՀՀ դրամը: Վերցնելով գումարը Արմենը հեռացել է և մոտ 15 րոպե անց վերադարձել ափիոն տեսակի թմրամիջոցով: Ա.Ծառուկյանի հետ ողջ գիշեր մնացել են նշված ռեստորանային համալիրում և հոկտեմբերի 12-ի առավոտյան` ժամը 11-ի սահմաններում, երկուսով գնացել են Արմեն Կարապետյանի բնակարան: Բնակարանում, Արմեն Ծառուկյանը Արմեն Կարապետյանին է փոխանցել 7 գրամ քաշով ափիոն տեսակի թմրամիջոցը, որից հետո վերջիններս մտել են խոհանոց, պատրաստել են ացետիլացված ափիոն տեսակի թմրամիջոցը, որը երեքով օգտագործել են: Նույն օրը` կեսօրին, ինքը և Ա.Ծառուկյանը դուրս են եկել Արմենի բնակարանից, իսկ մինչ այդ Ա.Կարապետյանը Արմեն Ծառուկյանին, վերջինիս խնդրանքով տվել է 2մլ ծավալով քացախաթթվի անհիդրիդ: Այդ օրը, ժամը 18-ին ինքը գնացել է Ջրվեժ Արմենի մոտ, սակայն նրա տան մուտքի մոտ ոստիկանության Նոր Նորքի բաժնի աշխատակիցների կողմից բերման է ենթարկվել ոստիկանության բաժին, որտեղ տեղեկացել է, որ Արմեն Կարապետյանը թմրամիջոց իրացնելու կասկածանքով նույնպես բերման է ենթարկվել ոստիկանության Նոր Նորք բաժին:
Օ.Կետովսկայան հայտնեց, որ ընդունում է կատարած արարքը, զղջում է դրա համար և խնդրեց իր նկատմամբ որքան հնարավոր է մեղմ վարվել:
Ամբաստանյալների կատարած հանցանքները հաստատվել են նաև դատաքննությամբ հետազոտված հետևյալ ապացույցներով.
Ամբաստանյալ Արմեն Կարապետյանը օգտվելով իր դատավարական իրավունքից հրաժարվեց ցուցմունք տալուց:
Արմեն Կարապետյանը նախաքննության սկզբում ինքնախոստովանական ցուցմունքներ է տվել այն մասին, 2008թվականի հուլիսին ծանոթացել է Ռոստոմի փողոցի վրա բնակվող Արամ Առաքելյանի հետ և իմանալով, որ վերջինս նույնպես օգտագործում է ափիոն տեսակի թմրամիջոց, հուլիսից սեպտեմբերը ընկած ժամանակահատվածում հինգ անգամ յուրաքանչյուր առիթով` 20.000 ՀՀ դրամով Արամ Առաքելյանից ձեռք է բերել 0,5 գրամ քաշով ափիոն տեսակի թմրամիջոց, միաժամանակ 1.000 ՀՀ դրամ գումարով` 0,5 մլ. ծավալով քացախաթթվի անհիդրիդ: Ձեռք բերած թմրամիջոցները օգտագործել է միայնակ:
2008թվականի հոկտեմբերի սկզբներին իր ծանոթուհի, նույնպես թմրամոլ՝ Օքսաննա Կետովսկայայից տեղեկանալով, որ վերջինիս ծանոթ Արմեն Ծառուկյանն ափիոն տեսակի թմրամիջոց է իրացնում ավելի էժան գներով քան Արամ Առաքելյանը, 2008թվականի հոկտեմբերի 11-ին Օքսաննային է փոխանցել 60.000 դրամ կանխիկ գումար և վերջինիս խնդրել Արմեն Ծառուկյանից նշված գումարով ձեռք բերել 7 գրամ քաշով ափիոն տեսակի թմրամիջոց: Հաջորդ օրը` հոկտեմբերի 12-ին, ժամը 11-ի սահմաններում Օքսաննան և Արմեն Ծառուկյանը եկել են իր` Ջրվեժ, Մայակ թաղամասի 35 շենքի թիվ 3 բնակարան, որտեղ Արմենն իրեն է փոխանցել 60.000 ՀՀ դրամի դիմաց 7 գրամ քաշով ափիոն տեսակի թմրամիջոց: Ինքը և Արմենը մտել են խոհանոց, քացախաթթվի անհիդրիդի խարնուրդով պատրաստել թմրամիջոցը, որից հետո երեքով օգտագործել են այն: Նույն օրը` կեսօրին Արմենը և Օքսաննան հեռացել են իր բնակարանից: Մինչ այդ ինքը Արմենի խնդրանքով վերջինիս է տվել 2 մլ. ծավալով քացախաթթվի անհիդրիդ: Հաջորդ օրը` 13.10.2008թվականի կեսօրին իրեն զանգահարել է Արթուր Բաղդասարովը, որը նույնպես օգտագործում է թմրամիջոց, և հայտնել է, որ ցանկանում է թմրամիջոց ձեռք բերել: Այդ ժամանակ Արթուրին հայտնել է, որ ինքն ունի ափիոն տեսակի թմրամիջոց: Երկու ժամ անց Արթուրը այցելել է իրեն` վերը նշված հասցեի բնակարան և ինքը Արմեն Ծառուկյանից ձեռք բերված` ափիոն տեսակի թմրամիջոցից մոտ 5 գրամը 60.000 ՀՀ դրամով վաճառել է Արթուրին, իսկ իր մոտ պահել է 1,4 գրամ քաշով ափիոն տեսակի թմրամիջոց:
2008թ հոկտեմբերի 13-ին Նոր Նորքի 1-ին զանգվածի, Բորյան փողոցից ինքը թմրամիջոց իրացնելու կասկածանքով բերման է ենթարկվել ոստիկանության Նոր Նորք բաժին, որտեղ կամովին ներկայացրել է իր մոտ տվյալ պահին պահվող` 1.4 գրամ քաշով ափիոն տեսակի թմրամիջոցը:
Վկա Խաչատուր Մաջարյանը ցուցմունք տվեց այն մասին, որ 2008թվականի հոկտեմբերի 14-ին ոստիկանության աշխատակիցների կողմից հրավիրվել է ոստիկանության Նոր Նորքի բաժին` անձնական զննությանը որպես ընթերակա մասնակցելու համար և իր ներկայությամբ ոստիկանության աշխատակիցները անձնական զննության են ենթարկել ոչ թե Արամ Առաքելյանին, այլ Արմեն Կարապետյանին:
Վկան հայտնեց նաև, որ ինքը Արամ Առաքելյանին երբևէ չի տեսել և նրա անձնական զննությանը որպես ընթերակա չի մասնակցել:
Խաչատուր Մաջարյանը նախաքննության ընթացքում ցուցմունք է տվել այն մասին, որ 2008թվականի հոկտեմբերի 14-ին ոստիկանության աշխատակիցների կողմից հրավիրվել է ոստիկանության Նոր Նորքի բաժին` անձնական զննությանը որպես ընթերակա մասնակցելու համար: Իր ներկայությամբ ոստիկանության աշխատակիցները անձնական զննության են ենթարկել Արամ Առաքելյան անունով անձին, որի մոտից հայտնաբերվել Է չորս հատ ֆոլգայե թղթի մեջ փաթաթաց փաթեթներ` յուրաքանչյուրը մոտ 0.7գրամ, 0.5գրամ, 0.6գրամ, 0.5 գրամ քաշով, որը ըստ Արամ Առաքելյանի հայտարարության հանդիսանում է ափիոն տեսակի թմրամիջոց: Բացի այդ Արամ Առաքելյանի մոտից հայտնաբերվել է 5 մլ ներարկիչում առկա 5մլ ծավալով ափիոնանման հեղուկ, 5 մլ ներարկիչում առկա մոտ 3 մլ ծավալով ափյոնանման հեղուկ, 5մլ ներարկիչում առկա մոտ 1մլ ծավալի անգույն սուր հոտով հեղուկ, 3մլ ներարկիչում առկա մոտ 2.2 մլ ծավալի անգույն սուր հոտով հեղուկ, որի վերջնամասը հալեցված էր, 3մլ ներարկիչ լցված մոտ 0.6 ծավալի անգույն սուր հոտով հեղուկով որի վերջնամասը հալեցված էր, 1մլ ներարկիչում առկա մոտ 0.6 ծավալի անգույն սուր հոտով հեղուկով, որի վերջնամասը հալեցված Էր, բաժակը` ափիոն տեսակի թմրամիջոցի հետքերով, շերեփը` ափիոն տեսակի թմրամիջոցի հետքերով, սպիտակ բռնակով դանակ: Հայտնաբերվածի կապակցությամբ Արամ Առաքեյյանը հայտարարել է, որ հայտնաբերվածը պատկանում է իրեն և հանդիսանում Է ափիոն տեսակի թմրանյութ և քացախաթթվի անհիդրիդ: Արամ Առաքելյանի մոտից հայտնաբերվածը փաթեթավորվել, կնիքվել և առգրավվել է:
Կատարված գործողության վերաբերյալ կազմվել է համապատասխան արձանագրություն, որի ճշտությունը հաստատվել է իր` որպես ընթերակայի, Արամ Առաքելյանի և ոստիկանության աշխատակիցների ստորագրություններով:
Դատարանը Խ.Մաջարյանի դատաքննության ընթացքում տված ցուցմունքը արժանահավատ չհամարեց և գտավ, որ պետք է հիմք ընդունել նրա նախաքննական ցուցմունքները, քանի որ այդ ցուցմունքներն են համընկնում գործով ձեռք բերված մյուս ապացույցների հետ:
Վկա Բաբկեն Բաբախանյանի նախաքննության ընթացքում տված ցուցմունքով այն մասին, որ աշխատում է ՙՕպերա՚ տաքսի ծառայությունում որպես վարորդ: 2008թվականի հոկտեմբերի 13-ին ժամը, 13-ի սահմաններում, իր տաքսի ավտոմեքենայով երթևեկել է Դավիթ Բեկ և Արցախի փողոցի խաչմերուկով, երբ իրեն կանգնեցրել է անծանոթ մի տղամարդ և պատվիրել է ավտոմեքենան վարել Ջրվեժ, Մայակ թաղամասի թիվ 35 շենքի մոտ: Հասնելով նշված վայր, պատվիրատուն իջել է ավտոմեքենայից և մտել թիվ 35 շենքի մուտք` նախապես խնդրելով որ սպասի իրեն: Մոտ 5-10 րոպե անց պատվիրատուն վերադարձել է և առաջարկել իրեն տեղափոխել ՙկինո հայրենիք՚:
Դավիթ Բեկ փողոցով երթևեկելիս, իր ավտոմեքենան կանգնեցրել են ոստիկանության աշխատակիցները, որոնք իրեն և պատվիրատու տղամարդուն թմրամիջոց պահելու կասկածանքով բերման են ենթարկել ոստիկանության Նոր Նորքի բաժին, որտեղ իմացել է, որ նշված տղամարդու անունը Արթուր Գեորգիի Բաղդասարով է և նրա մոտ հայտնաբերվել է թմրամիջոց: Այդ օրը Արթուր Բաղդասարովին տեսել է առաջին անգամ:
Վկա Խաչիկ Արշակյանի նախաքննության ընթացքում տված ցուցմունքով այն մասին, որ 2008թվականի հոկտեմբերի 13-ին ոստիկանության աշխատակիցների կողմից հրավիրվել է ոստիկանության Նոր Նորքի բաժին` անձնական զննությանը որպես ընթերակա մասնակցելու համար: Իր ներկայությամբ ոստիկանության աշխատակիցները անձնական զննության են ենթարկել Արթուր Բաղդասարով անվամբ անձին, որի հագի մոխրագույն սպորտային բաճկոնի ձախ գրպանից հայտնաբերվել է ցելոֆանի մեջ փաթաթաց փաթեթ` մոտ 5 գրամ քաշով մուգ շականակագույն ափիոնանման նյութով: Հայտնաբերվածի կապակցությամբ Արթուր Բաղդասարովը հայտարարել է, որ իր մոտ հայտնաբերված զանգվածը հանդիսանում է ափիոն ՜տեսակի թմրանյութ: Արթուր Բաղդասարովի մոտից հայտնաբերվածը փաթեթավորվել, կնիքվել և առգրավվել է: Կատարված գործողության վերաբերյալ կազմվել է համապատասխան արձանագրություն, որի ճշտությունը հաստատվել է իր` որպես ընթերակայի, Արթուր Բաղդասարովի և ոստիկանության աշխատակիցների ստորագրություններով :
Ամբաստանյալների կատարած հանցանքը հիմնավորվել է նաև Արթուր Բաղդասարովին և Արամ Առաքելյանին ոստիկանության բաժին բերման ենթարկելու և անձնական խուզարկության ենթարկելու վերաբերյալ արձանագրություններով, իրեղեն ապացույց ճանաչելու մասին որոշմամբ:
Դատաքիմիական փորձաքննության թիվ 325 Ք եզրակացությամբ, ըստ որի Արթուր Գեորգիի Բաղդասարովի անձնական խուզարկությամբ հայտնաբերված և փորձաքննության ներկայացված 4.4 գրամ քաշով նյութը հանդիսանում է ափիոն տեսակի թմրամիջոց:
Դատաքիմիական փորձաքննության թիվ 323 Ք եզրակացությամբ, ըստ որի Արամ Իսահակի Առաքելյանի անձնական խուզարկությամբ հայտնաբերված և փորձաքննության ներկայացված ընդհանուր 2.1 գրամ քաշով նյութը հանդիսանում է ափիոն տեսակի թմրամիջոց: Ներկայացված 5 մլ ներարկիչում առկա 5մլ ծավալով հեղուկը հանդիսանում է ացետիլացված ափիոն թմրամիջոցի լուծույթ, որում ացետիլացված ափիոնի չոր քաշը կազմում է 0.406գրամ, հաջորդ 5 մլ ներարկիչում առկա 2,2 մլ ծավալով հեղուկը հանդիսանում է ացետիլացված ափիոն թմրամիջոցի լուծույթ, որում ացետիլացված ափիոնի չոր քաշը կազմում է 0,1452 գրամ: Ներկայացված թվով 4 ներարկիչներում առկա ընդհանուր 4.4 մլ ծավալով հեղուկը հանդիսանում է քացախաթթվի անհիդրիդ, որը պրեկուրսոր է:
Ներկայացված բաժակում և շերեփում հայտնաբերվեցին ացետիլացված ափիոն տեսակի թմրամիջոցի հետքեր:
Դատաքիմիական փորձաքննության թիվ 0631, 0629, 0628 եզրակացություններով, ըստ որոնց Արթուր Գեորգիի Բաղդասարովից, Արամ Իսահակի Առաքելյանից և Օքսաննա Միխայիլի Կետովսկայայից վերցված մեզի փորձանմուշների մեջ հայտնաբերվել են ափիոնի խմբի թմրամիջոցի թմրալկալոիդներ:
Դատանարկոլոգիական փորձաքննության թիվ 220/08 եզրակացությամբ, ըստ որի Արթուր Գեորգիի Բադդասարովը տառապում է ափիոնային թմրամոլությամբ, ուստի հարկադիր բուժման կարիք ունի, որի համար հակացուցումներ չկան:
Դատանարկոլոգիական փորձաքննության թիվ 221/08 եզրակացությամբ, ըստ որի Օքսաննա Միխայիլի Կետովսկայան տառապում է ափիոնային թմրամոլությամբ, ուստի հարկադիր բուժման կարիք ունի, որի համար հակացուցումներ չկան:
Երևանի քրեական դատարանի 17.10.2008թ-ի դատավճռով, ըստ որի Արամ Իսահակի Առաքելյանի նկատմամբ նշանակվել է հարկադրական բուժում` թմրամոլության դեմ:
Դատարանը գնահատելով դատաքննությամբ ձեռք բերված ապացույցները, հաստատված համարեց, որ Արամ Առաքելյանը քննությամբ չպարզված անձից ապօրինի ձեռք է բերել և 14.10.2008թվականին իր մոտ պահել է խոշոր չափի 2.1 գրամ քաշով ափիոն տեսակի թմրամիջոց, խոշոր չափի 0.5512 գրամ քաշով ացետիլացված ափիոն տեսակի թմրամիջոց և թմրամիջոց պատրաստելու համար 4,4մլ ծավալով քացախաթթվի անհիդրիդ, որոնք նույն օրը ոստիկանության աշխատակիցների կողմից հայտնաբերվել են վերջինիս անձնական խուզարկությամբ:
Բացի այդ, Արամ Առաքելյանը, իրացնելու նպատակով, գործով չպարզված անձից ապօրինի ձեռք է բերել, իր մոտ պահել և 2008թվականի հուլիսից-սեպտեմբեր ամիսներն ընկած ժամանակահատվածում Արմեն Կարապետյանին կրկին անգամ իրացրել է զգալի չափի` 0,5 գրամ քաշով ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող 0,5 մլ ծավալով քացախաթթվի անհիդրիդ: Այն է` Արամ Առաքելյանը 5 անգամ, յուրաքանչյուր դեպքում զգալի չափի` 0,5 գրամ քաշով ափիոն տեսակի թմրամիջոց և թմրամիջոց պատրաստելու համար պրեկուրսոր հանդիսացող 0,5 մլ ծավալով քացախաթթվի անհիդրիդ է ապօրինի իրացրել Արմեն Կարապետյանին:
Այսպիսով Արամ Առաքելյանը կատարել է արարքներ, որոնք պարունակում են հանցակազմ ՀՀ քրեական օրենսգրքի 266 հոդվածի 2-րդ մասի 2.1 ենթակետով, 266 հոդվածի 4-րդ մասով և 268 հոդվածի 2-րդ մասի 2-րդ կետով, դրանք որակված են ճիշտ և Ա.Առաքելյանը պետք է ենթարկվի քրեական պատասխանատվության այդ հոդվածներով:
Արթուր Բաղդասարովը առանց իրացնելու նպատակի, 2008թվականի հոկտեմբերի 13-ին, Արմեն Կարապետյանից 60.000 ՀՀ դրամ արժեքով ապօրինի ձեռք է բերել և նույն օրը իր մոխրագույն սպորտային բաճկոնի ձախ գրպանում պահել է խոշոր չափի` 4,4 գրամ չոր քաշով ափիոն տեսակի թմրամիջոց:
Այսպիսով Արթուր Բաղդասարովը կատարել է արարք, որը պարունակում է հանցակազմ ՀՀ քրեական օրենսգրքի 268 հոդվածի 2-րդ մասի 2-րդ կետով, դա որակված է ճիշտ և Ա.Բաղդասարովը պետք է ենթարկվի քրեական պատասխանատվության այդ հոդվածով:
Օքսաննա Կետովսկայան օժանդակել է Արմեն Կարապետյանին, վերջինիս կողմից խոշոր չափի թմրամիջոցի ձեռքբերմանը, այն է` 11.10.2008թվականին Արմեն Կարապետյանի խնդրանքով, ափիոն տեսակի թմրամիջոց ձեռք բերելու համար վերջինիցս ստանալով 60.000 ՀՀ դրամ կանխիկ գումար նույն օրը հանդիպել է թմրամիջոց իրացնող, Արմեն Ծառուկյանին, վերջինիս փոխանցել Արմեն Կարապետյանի կողմից թմրամիջոցի ձեռք բերման համար իրեն տրված 60.000 ՀՀ դրամ կանխիկ գումարը, այնուհետև 12.10.2008թվականին, ժամը 08-ի սահմաններում Արմեն Ծառուկյանի հետ այցելել է Արմեն Կարապետյանի Ջրվեժ Մայակ թաղամասի 35 շենքի թիվ 3 բնակարան, որտեղ Արմեն Ծառուկյանը վճարված գումարի դիմաց Արմեն Կարապետյանին ապօրինի իրացրել է խոշոր չափի` 7գրամ քաշով ափիոն տեսակի թմրամիջոց:
Այսպիսով, Օքսաննա Կետովսկայան Արմեն Կարապետյանին օժանդակել է խոշոր չափի թմրամիջոցի ձեռքբերմանը:
Այսպիսով Օքսաննա Կետովսկայան կատարել է արարք, որը պարունակում է հանցակազմ ՀՀ քրեական օրենսգրքի 38-268 հոդվածի 2-րդ մասի 2-րդ կետով, դա որակված է ճիշտ և Օ.Կետովսկայան պետք է ենթարկվի քրեական պատասխանատվության այդ հոդվածով:

3. Դատարանի իրավական վերլուծությունները.

Պատիժ նշանակելիս դատարանը հաշվի է առել կատարված հանցա•ործության բնույթը, հանրության համար վտանգավորության աստիճանը, ինչպես նաև ամբաստանյալների անձը:
Դատարանը ամբաստանյալների պատասխանատվությունը և պատիժը մեղմացնող հանգամանքներ է դիտել այն, որ Օ.Կետովսկայան և Ա.Բաղդասարովը նախկինում արատավորված չեն եղել, իրենց մեղավոր են ճանաչել և անկեղծորեն զղջացել են կատարած արարքների համար, իսկ Ա.Առաքելյանը իրեն մեղավոր է ճանաչել մասնակիորեն, ինչպես նաև այն, որ նրանցից Ա.Բաղդասարովը վատառողջ է` տառապում է երիկամային հիվանդությամբ:
Դատարանը ամբաստանյալներ Օ.Կետովսկայայի և Ա.Բաղդասարովի պատասխանատվությունը և պատիժը ծանրացնող հանգամանքներ չգտավ:
Դատարանը Ա.Առաքելյանի պատասխանատվությունը և պատիժը ծանրացնող հանգամանք է դիտել այն, որ վերջինս դատաքննության ընթացքում գտնվելով ՀՀ ԱՆ ՙՆուբարաշեն՚ ՔԿՀ-ում նորից կատարել է նմանատիպ հանցագործություն` ՀՀ քրեական օրենսգրքի 268 հոդվածի 2-րդ մասի 1-ին կետով և Նուբարաշեն և Էրեբունի վարչական շրջանների ընդհանուր իրավասության դատարանի 15.12.2009թ-ի դատավճռով դատապարտվել է ազատազրկման 1 տարի 5 ամիս ժամկետով:
Դատարանը գտավ, որ Արամ Առաքելյանի նկատմամբ նոր նշանակվող պատժին պետք է ՀՀ քրեական օրենսգրքի 66 հոդվածի կիրառմամբ մասնակիորեն գումարել նախորդ` Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 15.12.2009թ-ի դատավճռով նշանակված պատժից `1 տարի:
Իրեղեն ապացույցների հարցը քննելիս դատարանը գտավ, որ իրեղեն ապացույցների հարցին պետք է անդրադառնալ թիվ 17127008 քրեական գործից անջատված` Արմեն Վլադիմիրի Կարապետյանի մասով:
Դատարանը նկատի ունենալով, որ ամբաստանյալները տառապում են ափիոնային թմրամոլությամբ և հարկադիր բուժման կարիք ունի, որի համար հակացուցումներ չկան, ուստի, գտավ, որ նրանց նկատմամբ պետք է նշանակվի հարկադիր բուժում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-373 հոդվածներով, դատարանը

Վ Ճ Ռ Ե Ց

ԱՐԱՄ ԻՍԱՀԱԿԻ ԱՌԱՔԵԼՅԱՆԻՆ մեղավոր ճանաչել ՀՀ քրեական օրենսգրքի 266 հոդվածի 2-րդ մասի 2.1 ենթակետով, 266 հոդվածի 4-րդ մասով և 268 հոդվածի 2-րդ մասի 2-րդ կետով:
ՀՀ քրեական օրենսգրքի 266 հոդվածի 2-րդ մասի 2.1 ենթակետով պատիժ նշանակել ազատազրկում 6 /վեց/ տարի ժամկետով, առանց գույքի բռնագրավման:
ՀՀ քրեական օրենսգրքի 266 հոդվածի 4-րդ մասով պատիժ նշանակել տուգանք` նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով, իսկ ՀՀ քրեական օրենսգրքի 268 հոդվածի 2-րդ մասի 2-րդ կետով` ազատազրկում 1 /մեկ/ տարի ժամկետով:
ՀՀ քրեական օրենսգրքի 66 հոդվածի կիրառմամբ նշանակված պատիժները լրիվ գումարելու միջոցով, Ա.Առաքելյանի նկատմամբ պատիժ նշանակել ազատազրկում 7 /յոթ/ տարի ժամկետով, առանց գույքի բռնագրավման և տուգանք նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով:
ՀՀ քրեական օրենսգրքի 66 հոդվածի կիրառմամբ նշանակված պատժին մասնակիորեն գումարել Ա.Առաքելյանի նկատմամբ նախորդ` Երևան քաղաքի Էրեբունի և Նուբարաշեն վարչական շրջանների ընդհանուր իրավասության դատարանի 15.12.2009թվականի դատավճռով նշանակված պատժից 1 /մեկ/ տարի և Ա.Առաքելյանի նկատմամբ վերջնական պատիժ նշանակել ազատազրկում 8 (ութ) տարի ժամկետով, առանց գույքի բռնագրավման և տուգանք նվազագույն աշխատավարձի հարյուրապատիկի` 100.000 /հարյուր հազար/ ՀՀ դրամի չափով:
Ա.Առաքելյանի պատժի սկիզբը հաշվել 2008թվականի հոկտեմբերի 14-ից:
Ա.Առաքելյանը պատիժը պետք է կրի ՀՀ ԱՆ համապատասխան քրեակատարողական հիմնարկում:
Ընտրված խափանման միջոցը թողնել անփոփոխ մինչև դատավճռի օրինական ուժի մեջ մտնելը:
ՀՀ քրեական օրենսգրքի 97 հոդվածի 1-ին մասի 4-րդ կետի համաձայն, Ա.Առաքելյանի նկատմամբ նշանակել հարկադիր բուժում` թմրամոլությունից բուժվելու նպատակով:

ԱՐԹՈՒՐ ԳԵՈՐԳԻԻ ԲԱՂԴԱՍԱՐՈՎԻՆ մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով և պատիժ նշանակել ազատազրկում 8 /ութ/ ամիս ժամկետով:
Ա.Բաղդասարովի պատժի սկիզբը հաշվել 2008թվականի հոկտեմբերի 14-ից և Ա.Բաղդասարովի կողմից պատիժը համարել կրած:
Ա.Բաղդասարովի նկատմամբ խափանման միջոց ընտրված գրավը թողնել անփոփոխ մինչև դատավճռի օրինական ուժի մեջ մտնելը:
Դատավճիռը օրինական ուժի մեջ մտնելուց հետո, Արթուր Բաղդասարովի նկատմամբ խափանման միջոց ընտրված գրավը վերացնել և Երևան քաղաքի Ավան և Նոր Նորք համայնքների ընդհանուր իրավասության դատարանի 900033096018 դեպոզիտ հաշվին Էդիկ Մայսուրյանի կողմից որպես գրավ մուծված 500.000 (հինգ հարյուր հազար) ՀՀ դրամը վերադարձնել Էդիկ Մայսուրյանին:
ՀՀ քրեական օրենսգրքի 97 հոդվածի 1-ին մասի 4-րդ կետի համաձայն, Ա.Բաղդասարովի նկատմամբ նշանակել հարկադիր բուժում` թմրամոլությունից բուժվելու նպատակով:

ՕՔՍԱՆՆԱ ՄԻԽԱՅԻԼԻ ԿԵՏՈՎՍԿԱՅԱՅԻՆ մեղավոր ճանաչել ՀՀ քրեական օրենս•րքի 38-268 հոդվածի 2-րդ մասի 2-րդ կետով և պատիժ նշանակել ազատազրկում 1 /մեկ/ տարի 4 /չորս/ ամիս ժամկետով:
Օ.Կետովսկայայի պատժի սկիզբը հաշվել 2008թվականի հոկտեմբերի 14-ից:
Օ.Կետովսկայան պատիժը պետք է կրի ՀՀ ԱՆ համապատասխան քրեակատարողական հիմնարկում:
Օ.Կետովսկայայի նկատմամբ խափանման միջոց ընտրված կալանքը թողնել անփոփոխ մինչև ազատազրկման ձևով նշանակված պատժի ժամկետի կրման ավարտը` 2010թ-ի փետրվարի 14-ը:
Պարտավորեցնել Օ.Կետովսկայային չհեռանալ ՀՀ-ից մինչև դատավճռի օրինական ուժի մեջ մտնելը:
ՀՀ քրեական օրենսգրքի 97 հոդվածի 1-ին մասի 4-րդ կետի համաձայն, Օ.Կետովսկայայի նկատմամբ նշանակել հարկադիր բուժում` թմրամոլությունից բուժվելու նպատակով:
Իրեղեն ապացույցների հարցին անդրադառնալ թիվ 17127008 քրեական գործից անջատված` Արմեն Վլադիմիրի Կարապետյանի մասով:
Դատավճիռը կարող է բողոքարկվել ՀՀ վերաքննիչ քրեական դատարան, հրապարակվելու օրվանից հետո մեկամսյա ժամկետում:


ԴԱՏԱՎՈՐ` Ս.ՈՒԶՈՒՆՅԱՆ