Գործ ԵԱՆԴ 0075/01/08



Ո Ր Ո Շ Ո Ւ Մ

ՀԱՄԱՆԵՐՄԱՆ ՈՐՈՇՈՒՄ ԿԻՐԱՌԵԼՈՒ ԵՎ
ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ



03 հուլիսի 2009թ. ք.Երևան

Երևան քաղաքի Ավան և Նոր Նորք համայնքների ընդհանուր իրավասության դատարանըª նախագահությամբ դատավորª Ս.Ուզունյանի, քարտուղարությամբª Լ.Նազարյանի, մասնակցությամբ մեղադրող Ա.Սեփոյանի, ամբաստանյալի պաշտպան Մ.Մանուկյանի, տուժող, քաղ. հայցվոր Գ.Փանոսյանի, վերջինիս ներկայացուցիչ` Ա.Դաբաղյանի, դատարանում, դռնբաց դատական նիստում քննության առնելով ամբաստանյալ Կարեն Մինասյանի դիմումը

Պ Ա Ր Զ Ե Ց

Կարեն Սերգեյի Մինասյանին (ծնված 28.11.1985թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, աշխատում է ՙՀայատոմ՚ գիտահետազոտական ինստիտուտում որպես կրտսեր գիտաշխատող, չամուսնացած, նախկինում չդատված, բնակվում է Երևան քաղաքի, Սարմենի փողոցի թիվ 16 տանը, խափանման միջոց է ընտրվել ստորագրություն չհեռանալու մասին) մեղադրանք է առաջադրվել ՀՀ քրեական օրենսգրքի 242 հոդվածի 1-ին մասով այն բանի համար, որ վերջինս 2008թվականի հունիսի 9-ին, ժամը 23.00-ի սահմաններում, ՙՖորդ-EXPLORER՚ մակնիշի 04 ԼԼ 770 պ/հ ավտոմեքենայով, երեք ուղևորով վարել է Աբովյան քաղաքի կողմից Աճառյան փողոցով դեպի Գեներալ Բաբաջանյան փողոցի կողմը և հասնելով Երևան քաղաքի Աճառյան և Առինջ գյուղ տանող փողոցների խաչմերուկին` թույլ է տվել ՃԵԿ-ի 65 կետի և ՙՃանապարհային երթևեկության անվտանգության ապահովման մասին՚ ՀՀ օրենքի 23 հոդվածի 3-րդ կետի պահանջներին հակասող գործողություններ, այն է` ավտոմեքենան վարելով բնակավայրերում տրանսպորտային միջոցների երթևեկության համար թույլատրելի առավելագույն 60 կմ/ժամը գերազանցող 123 կմ/ժամից ավելի արագությամբ, իր երթևեկության համար ստեղծված վտանգավոր իրադրության պարագայում, ավտոմեքենայի ընթացքի ուղղությամբ շեղելով դեպի ձախ, դրանով իսկ ստեղծելով վթարային իրադրություն, ինքն իրեն զրկելով ավտովթարը կանխելու տեխնիկական հնարավորությունից, ավտոմեքենայի առջևի աջ անկյունային մասով ընդհարվել է խաչմերուկի ներքին գոտում կանգնած ՙՄիցուբիշի-PAJERO-IO՚ մակնիշի 15 ԼՕ 218 պ/հ ավտոմեքենայի առջևի ձախ անկյանային մասին, ապա շրջվելով, մուտք է գործել հանդիպակաց երթևեկելի ուղեմաս, ընդհարվել կագնած ՙՎԱԶ-2104՚ մակնիշի 08 ՕՏ 153 պ/հ ավտոմեքենաի առջևի մասին: Ավտովթարի հետևանքով ՙՄիցուբիշի-PAJERO-IO՚ մակնիշի 15 ԼՕ 218 պ/հ ավտոմեքենայի վարորդ Գագիկ Փանոսյանի առողջությանն անզգուշությամբ պատճառել է միջին ծանրության վնաս:
Ամբաստանյալ Կարեն Մինասյանը դիմում է ներկայացրել դատարան խնդրելով իր նկատմամբ կիրառել ՀՀ ԱԺ 19.06.2009թ-ի համաներում հայտարարելու մասին որոշումը, պատճառաբանելով, որ անհիմն հարուցված քրեական գործը բարոյահոգեբանական բացասական ազդեցություն է ունենում իր վրա:
Մեղադրողը ամբաստանյալի միջնոդրության դեմ չառարկեց:
Համաձայն ՀՀ ԱԺ 19.06.2009թ-ի համաներում հայտարարելու մասին որոշման 5-րդ կետի 3-րդ) ենթակետի, նյութերով քրեական հետապնդում չհարուցել և քրեական հետապնդում չիրականացնել, ինչպես նաև կարճել այն անձանց կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող` մինչև 2009 թվականի հունիսի 1-ը կատարած հանցագործություններով քրեական գործերը, որոնցով անձինք կարող են մեղադրվել կամ մեղադրվում են անզգուշությամբ հանցագործություններ կատարելու մեջ, որոնց համար նախատեսված է պատիժ` ոչ ավելի, քան հինգ տարի ժամկետով ազատազրկում:
Կ.Մինասյանը հանցագործությունը կատարել է 2008թվականի հունիսի 9-ին և նրան մեղադրանք է առաջադրվել ՀՀ քրեական օրենսգրքի 242 հոդվածի 1-ին մասով, որի սանկցիան նախատեսում է տուգանք` նվազագույն աշխատավարձի առավելագույնը երկուհարյուրապատիկի չափով, կամ կալանքով` մեկից երեք ամիu ժամկետով, կամ ազատազրկմամբ` առավելագույնը երկու տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով կամ առանց դրա:
Դատարանը հիմք ընդունելով ՀՀ ԱԺ 19.06.2009թ-ի համաներում հայտարարելու մասին որոշման 5-րդ կետի 3-րդ ենթակետը և նկատի ունենալով, որ Կ.Մինասյանը հանցագործությունը կատարել է 2008թվականի հունիսի 9-ին և մեղադրվում է ՀՀ քրեական օրենսգրքի 242 հոդվածի 1-ին մասով, որի սանկցիան նախատեսում է տուգանք` նվազագույն աշխատավարձի առավելագույնը երկուհարյուրապատիկի չափով, կամ կալանքով` մեկից երեք ամիu ժամկետով, կամ ազատազրկմամբ` առավելագույնը երկու տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով կամ առանց դրա, գտավ, որ վերոհիշյալ որոշումը Կ.Մինասյանի նկատմամբ կիրառելի է և նրա վերաբերյալ քրեական գործի վարույթը պետք է կարճել, դադարեցնելով քրեական հետապնդումը:
Դատարանը անդրադառնալով տուժող, քաղ. հայցվոր Գագիկ Փանոսյանի և քաղ. հայցվոր Հովիկ Հովհաննիսյանի քաղաքացիական հայցերին, գտավ, որ նրանց ներկայացրած քաղաքացիական հայցերը պետք է թողնել առանց քննությանª վերջիններիս իրավունք վերապահելով հայց հարուցել քաղաքացիական դատավարության կարգով, նկատի ունենալով, որ քաղաքացիական հայցը պետք է քննվի հետազոտելով բոլոր ներկայացված ապացույցներըª ստուգելով հայցի հիմնավորվածությունը, իսկ գործի վարույթը կարճելով, դատարանը հնարավորություն չունի դրանք հետազոտել բավարար չափովª քաղաքացիական դատավարության կանոնների պահպանմամբ:
Վերոգյալների հիման վրա և ղեկավարվելով ՀՀ քրեական դատավարության օրենսգրքի 313 հոդվածով, 35 հոդվածի 1-ին կետի 13 ենթակետով և ՀՀ ԱԺ 19.06.2009թ-ի համաներման ակտով դատարանը
Ո Ր Ո Շ Ե Ց

Կարեն Սերգեյի Մինասյանի նկատմամբ կիրառել ՀՀ ԱԺ 19.06.2009թվականի համաներում հայտարարելու մասին որոշման 5-րդ կետի 3-րդ) ենթակետը և Կ.Մինասյանի նկատմամբ ՀՀ քրեական օրենսգրքի 242 հոդվածի 1-ին մասով քրեական գործի վարույթը կարճել, դադարեցնելով վերջինիս նկատմամբ քրեական հետապնդումը:
Կ.Մինասյանի նկատմամբ ընտրված խափանման միջոցը` ստորագրություն չհեռանալու մասին վերացնել:
Տուժող, քաղ. հայցվոր Գագիկ Փանոսյանի և քաղ. հայցվոր Հովիկ Հովհաննիսյանի քաղաքացիական հայցերը թողնել առանց քննությանª վերջիններիս իրավունք վերապահելով հայց հարուցել քաղաքացիական դատավարության կարգով:
Որոշումը կարող է բողոքարկվել ՀՀ վերաքննիչ քրեական դատարան, այն հրապարակվելու օրվանից հետո մեկամսյա ժամկետում:



ԴԱՏԱՎՈՐ` Ս.ՈՒԶՈՒՆՅԱՆ