ԵԱՆԴ/0070/01/08
Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Ավան և Նոր Նորք համայնքների ընդհանուր իրավասության դատարանը

նախագահությամբ դատավոր Արարատ Պետրոսյաի
քարտուղարությամբ Մարինե Աղաջանյանի
մասնակցությամբ մեղադրող Նելի Ավագյանի

2009 թվականի հունիսի 2-ին, դատարանում, դռնբաց դատական նիստում քննեց քրեական գործն ըստ մեղադրանքի`
1. Եփրեմ Ջանիկի Սարգսյանի, ծնված 18.05.1982., Արմավիր քաղաքում, հայ, ՀՀ քաղաքացի, միջնակարգ կրթությամբ, ամուսնացած, չի աշխատում, խնամքին ոչ ոք, 23.04.2002թ. Արարատ մարզի առաջին ատյանի դատարանի դատավճռով, ՀՀ քրեական օրենսգրքի 88-րդ հոդվածի 2-րդ մասով, 15-99-րդ հոդվածի 1-ին, 6-րդ, 7-րդ կետերով, 255-րդ հոդվածի ՙա՚ կետով, ՀՀ քրեական օրենսգրքի 37-րդ հոդվածի կիրառմամբ դատապարտվել է ազատազրկման 10 տարի ժամկետով, պատժի կրման սկիզբ է հաշվվել 11.10.2001 թվականից, 28.08.2003թ. Արարատի մարզի առաջին ատյանի դատարանի որոշմամբ, ՀՀ նախկին քրեական օրենսգրքի 88-րդ հոդվածի 2-րդ մասը համապատասխանեցվել է գործող քրեական օրենսգրքի 175-րդ հոդվածի 2-րդ մասի 1-ին, 4-րդ կետերին և 3-րդ մասի 3-րդ կետին, նախկին քրեական օրենսգրքի 15-99-րդ հոդվածի 1-ին, 6-րդ, 7-րդ կետերը համապատասխանեցվել են գործող քրեական օրենսգրքի 65-104-րդ հոդվածի 2-րդ մասի 5-րդ, 8-րդ, 11-րդ կետերին, նախկին քրեական օրենսգրքի 255-րդ հոդվածի ՙա՚ կետը համապատասխանեցվել է գործող քրեական օրենսգրքի 362-րդ հոդվածի 1-ին մասին և սահմանվել է ազատազրկում 10 տարի ժամկետով, անձնական գույքի 50 %-ի բռնագրավումով, բնակվել է Արմավիր քաղաքի Շահումյան փողոցի թիվ 13 տանը, ներկայումս պատիժ է կրում ՙԷրեբունի՚ քրեակատարողական հիմնարկում: Սույն գործով խափանման միջոց չի ընտրվել,
2. Գայանե Համլետի Թովմասյանի, ծնված 7.08.1973., Երևան քաղաքում, հայ, ՀՀ քաղաքացի, միջնակարգ-մասնագիտական կրթությամբ, ամուսնացած, խնամքին երկու անձ, չի աշխատում, չդատված, բնակվում է Երևան քաղաքի Ավան Նարեկացի թաղամասի 35-րդ շենքի թիվ 11 բնակարանում: Սույն գործով արգելանքի տակ չի գտնվել:

1. Գործի դատավարական նախապատմությունը.

Նախաքննության մարմինն ամբաստանյալ Եփրեմ Ջանիկի Սարգսյանին մեղադրանք է առաջադրել ՀՀ քրեական օրենսգրքի 1691 հոդվածով, այն բանի համար, որ նա և անչափահաս Գոռ Թովմասյանի մայրը` Գայանե Համլետի Թովմասյանը Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության Երևան քաղաքի Նոր Նորքի տարածքային բաժին են ներկայացրել երեխայի հայրությունը որոշելու դիմում, որի մեջ սուտ տեղեկություններ են հաղորդել այն մասին, որ Ե. Սարգսյանը Գոռ Թովմասյանի հայրն է, որի հիման վրա 2007թ. հոկտեմբերի 23-ին Ե. Սարգսյանը ճանաչվել է Գոռ Թովմասյանի հայրը:
Նախաքննության մարմինն ամբաստանյալ Գայանե Համլետի Թովմասյանին մեղադրանք է առաջադրել ՀՀ քրեական օրենսգրքի 1691 հոդվածով, այն բանի համար, որ նա և ՙՍևան՚ քրեակատարողական հիմնարկի նախկին դատապարտյալ Եփրեմ Սարգսյանը Հայաստանի Հանրապետության արդարադատության նախարարության քաղաքացիական կացության ակտերի գրանցման գործակալության Երևան քաղաքի Նոր Նորքի տարածքային բաժին են ներկայացրել երեխայի հայրությունը որոշելու դիմում, որի մեջ սուտ տեղեկություններ են հաղորդել այն մասին, որ Ե. Սարգսյանը Գ. Թովմասյանի անչափահաս որդու` Գոռ Թովմասյանի հայրն է, որի հիման վրա 2007թ. հոկտեմբերի 23-ին Ե. Սարգսյանը ճանաչվել է Գոռ Թովմասյանի հայրը:

2. Ապացույցների գնահատում և հետազոտում.

Գնահատելով դատաքննությամբ հետազոտված ապացույցները, դատարանը հանգեց համոզման, որ ամբաստանյալներ Եփրեմ Սարգսյանի և Գայանե Թովմասյանի արարքը ՀՀ քրեական օրենսգրքի 1691 հոդվածով, հաստատված է և ճիշտ որակված, իսկ նրանց մեղավորությունն ապացուցված:
Դատաքննությամբ հետազոտված ապացույցներով դատարանը հաստատված համարեց, որ ՙՍևան՚ քրեակատարողական հիմնարկի նախկին դատապարտյալ Եփրեմ Սարգսյանը 2007թ. հոկտեմբերի 18-ին համաձայնության գալով գործով մյուս ամբաստանյալ Գայանե Թովմասյանի հետ, վերջինիս որդուն` անչափահաս Գոռ Թովմասյանին հայրություն ճանաչելու հարցում, երեխայի հայրությունը որոշելու սուտ տեղեկություններ են հայտնել, երեխայի հայրությունը որոշելու դիմումում նշելով, որ Եփրեմ Սարգսյանը հանդիսանում է Գոռ Թովմասյանի հայրը: Ամբաստանյալներ Եփրեմ Սարգսյանի և Գայանե Թովմասյանի ստորագրությունները հաստատվել են հիշյալ քրեակատարողական հիմնարկի պետի կողմից և վավերացվել կնիքով:
2007 թվականի հոկտեմբերի 23-ին, Գայանե Թովմասյանն այդ դիմումը ներկայացրել է ՀՀ արդարադատության նախարարության քաղաքացիական կացության ակտերի գրանցման գործակալության Երևան քաղաքի Նոր Նորքի տարածքային բաժին, ուր գրանցվել է հայրությունը ճանաչելու մասին թիվ 456 ակտը, ըստ որի Եփրեմ Սարգսյանը ճանաչվել է Գոռ Թովմասյանի հայր:
Ամբաստանյալներ Եփրեմ Սարգսյանը և Գայանե Թովմասյանն առաջադրված մեղադրանքում իրենց մեղավոր չճանաչեցին և հրաժարվեցին դատարանին ցուցմունքներ տալ:
Դատարանի նշված հետևությունները հաստատվեցին վերաբերելիության, թույլատրելիության տեսանկյունից գնահատված և իրենց համակցությամբ գործի լուծման համար բավարար հանդիսացող ներքոհիշյալ ապացույցներով:
Ամբաստանյալներ Եփրեմ Սարգսյանի և Գայանե Թովմասյանի նախաքննական ցուցմունքներով, այն մասին, որ փոխադարձ համաձայնությամբ, դիմում են ներկայացրել ՔԿԱԳ տարածքային բաժնին, որ Գոռ Թովմասյանը հանդիսանում է Եփրեմ Սարգսյանի որդին, մինչդեռ իրականում չի հանդիսացել Եփրեմ Սարգսյանի որդին: Այդ քայլին դիմել են, որպեսզի երեխային տրվեր Եփրեմ Սարգսյանի ազգանունը:
Գործով վկա Լիլիթ Թովմասյանի ցուցմունքներով, այն մասին, որ իր քույրը` Գայանե Թովմասյանը երկար ժամանակ փաստական ամուսնական հարաբերությունների մեջ է գտնվել ոմն Նիկողոս Ասատրյանի հետ: Այդ ամուսնությունից, 2.02.2004թ. ծնվել է Գոռը: Վերջինիս հայրությունը ճանաչել է Գայանեի ընկերուհու եղբայրը` Եփրեմը, ով պատիժ էր կրում քրեակատարողական հիմնարկում:
Երեխայի հայրության որոշման մասին դիմումով, հայրությունը ճանաչելու մասին գրանցման ակտով, Գոռ Եփրեմի Սարգսյանի ծննդյան վկայականով, հայրության ճանաչման մասին վկայականով:

3. Դատարանի իրավական վերլուծությունները.

Այդպիսով, դատարանը հանգում է հետևության, որ Եփրեմ Սարգսյանին և Գայանե Թովմասյանին պետք է մեղավոր ճանաչել ՀՀ քրեական օրենսգրքի 1691 հոդվածով և նրանք այդ հոդվածի սանկցիայով պետք է կրեն քրեական պատասխանատվություն:
Պատժի տեսակը և չափը որոշելիս դատարանը հաշվի է առնում կատարված հանցագործության` հանրության համար վտանգավորության աստիճանը և բնույթը, հանցավորի անձը բնութագրող տվյալները, այդ թվում` պատասխանատվությունը և պատիժը մեղմացնող կամ ծանրացնող հանգամանքները:
Դատաքննությամբ ամբաստանյալներ Եփրեմ Սարգսյանի պատասխանատվությունը և պատիժը մեղմացնող կամ ծանրացնող հանգամանքներ ի հայտ չեն եկել:
Դատարանն ամբաստանյալ Գայանե Թովմասյանի պատասխանատվությունը և պատիժը մեղմացնող հանգամանք է դիտում նրա խնամքի տակ մինչև տասնչորս տարեկան երկու երեխաների առկայությունը:
Դատաքննությամբ ամբաստանյալ Գայանե Թովմասյանի պատասխանատվությունը և պատիժը ծանրացնող հանգամանքներ ի հայտ չեն եկել:
Դատարանը գտնում է, որ ՀՀ քրեական օրենսգրքի 67-րդ հոդվածի 1-ին կետի համաձայն, ամբաստանյալ Եփրեմ Սարգսյանի նկատմամբ նախկին դատավճռով նշանակված պատժի չկրած մասը պետք է մասնակի գումարել նոր դատավճռով նշանակված պատժին:
Դատարանը հաշվի առնելով, որ ամբաստանյալ Գայանե Թովմասյանը կին է, խնամում է երկու եռահաս երեխաների, գտնում է, որ նրա նկատմամբ պետք է սահմանել ազատազրկման հետ չկապված պատժատեսակ` տուգանք:
Դատարանը գտնում է, որ իրեղեն ապացույց հանդիսացող հայրության որոշման մասին դիմումը, հայրությունը ճանաչելու մասին գրանցման ակտը, ծննդյան վկայականը, հայրության ճանաչման մասին վկայականը պետք է պահել սույն քրեական գործի հետ միասին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360, 373 հոդվածներով, դատարանը

Վ Ճ Ռ Ե Ց

Ամբաստանյալ Եփրեմ Ջանիկի Սարգսյանին մեղավոր ճանաչել ՀՀ քրեական օրենսգրքի 1691 հոդվածով և դատապարտել ազատազրկման մեկ տարի ժամկետով:
ՀՀ քրեական օրենսգրքի 67-րդ հոդվածի 1-ին կետի համաձայն, Արարատի մարզի առաջին ատյանի դատարանի 23.04.2002թ. դատավճռով նշանակված պատժի չկրած մասը մասնակիորեն գումարելու միջոցով վերջնական դատապարտել ազատազրկման տասնմեկ տարի ժամկետով:
Պատժի կրման սկիզբ հաշվել 11.10.2001 թվականից:
Պատիժը պետք է կրի ՀՀ արդարադատության նախարարության համապատասխան քրեակատարողական հիմնարկում:
Ամբաստանյալ Գայանե Համլետի Թովմասյանին մեղավոր ճանաչել ՀՀ քրեական օրենսգրքի 1691 հոդվածով և դատապարտել տուգանքի` նվազագույն աշխատավարձի հարյուրապատիկի /հարյուր հազար ՀՀ դրամ/ չափով:
Ընտրված խափանման միջոցը` ստորագրություն չհեռանալու մասին, թողնել անփոփոխ:
Իրեղեն ապացույց հանդիսացող հայրության որոշման մասին դիմումը, հայրությունը ճանաչելու մասին գրանցման ակտը, ծննդյան վկայականը, հայրության ճանաչման մասին վկայականը պահել սույն քրեական գործի հետ միասին:
Դատավճիռը կարող է բողոքարկվել ՀՀ վերաքննիչ քրեական դատարան, այն հրապարակվելու օրվանից հետո` մեկամսյա ժամկետում:

ԴԱՏԱՎՈՐ Ա. ՊԵՏՐՈՍՅԱՆ